རྨོངས་པ་དག་གིས་དག་པ་དང་། མ་དག་པ་དང་། བདེ་བ་དང་། སྡུག་བསྔལ་དང་། འཁོར་བ་དང་མྱ་ངན་ལ་སོགས་པ་རྣམ་པ་སྣ་ཚོགས་པ་དག་ཉེ་བར་དམིགས་ཏེ་འདི་ནི་སྤང་བར་བྱའོ། །ཞེས་མཚན་མ་ལ་ཉེ་བར་སྤྱོད་པས། ངལ་བ་བརྒྱ་ཕྲག་དུ་མ་འཐོབ་པར་འགྱུར་ལ། གང་དག་བླ་མ་དམ་པའི་མན་ངག་ཉིན་མོར་བྱེད་པའི་འོད་ཀྱིས་བློའི་མིག་རབ་ཏུ་གསལ་བར་གྱུར་བ་དེ་དག །རྨི་ལམ…

བསྔལ་བར་ཟད་ལ། དེ་ནི་བདག་གི་ངེས་པ་ཁོ་ནར་མེད་པ་ལ་མེད་པ་ཉིད་དུ་ཡང་དག་པར་རྟོགས་ཤིང་རྣམ་པར་སྣང་བའི་རྒྱུན་དྲི་ཟའི་གྲོང་ཁྱེར་གྱི་བཀོད་པ་ལྟ་བུ་ལ། ཡིན་མིན་ཡོད་མེད་ལ་སོགས་ཀྱི་མཚན་མས་གཡོ་བ་མེད་པ་ཇི་ལྟར་སྣང་བ་འདི་ཉིད་ཀྱི་ངོ་བོ་ལ་རང་ངང་གིས་གནས་པར་བྱའོ། །ཞེས་དྲན་པ་རྒྱུན་ཆགས་སུ་བཀོད་དེ་བསྒོམ་པར་བྱའོ། །དེ་གོམས་པ་རབ…

པ་ལྷའི་སྒྱུ་ལུས་ལ་གཉིས། དེ་ཉིད་བོགས་དབྱུང་བ་དང་། ལྷ་སྐུ་ལ་སྦྱང་བའོ། །དང་པོ་དེ་ཉིད་བོགས་དབྱུང་བ་ནི། ཉམས་བརྟན་ནས་གཞན་གྱིས་བསྟོད་པ་བྱས་པའམ། བྱེད་དུ་གཅུག་པའང་རུང་སྟེ། ཆགས་སྡང་སྐྱེའམ་བལྟ། མི་སྐྱེ་ན་མང་པོ་འདུས་པའི་ཚོང་འདུས་ལ་སོགས་པར་ཕྱིན་ལ་དེ་རྣམས་ཀྱི་རྐྱེན་གྱིས་གནོད་དམ་མི་གནོད་བལྟ། ཡུལ་ལ་ཆགས་པ་དང་། དགའ་མ…

དཔའ། ཡི་དམ་གང་རུང་གི་གཟུགས་འཆར་བ་དཔེར་བྱས་ལ། ལུས་གཟུགས་བརྙན་ལྷ་སྐུ་སྒྱུ་མ་ལྟ་བུར་བསྒོམ། ངག་བྲག་ཅ་ལྟ་བུ་སྔགས་སམ་ཐེག་པ་ཆེན་པོའི་རང་སྒྲ་བྲག་ཅ་ལྟར་མོས། ཡིད་གཡོ་བ་སྨིག་རྒྱུ་ལྟ་བུ་འདི་བདེ་བ་ཆེན་པོར་རང་གྲོལ་དུ་སྦྱངས་ཏེ། མདོར་ན་ད་ལྟ་ཐ་མལ་གྱི་སྣང་བ་ལ། ཡུལ་ཕྱི་རོལ་དུ་བདེན་རྟོག་བྱུང་བ་གཟུང་བས་བཅངས། ནང་དུ་དེ་འཛ…

མཚོན་ཐབས་ཀྱིས་སྦྱོར་བ་མངོན་པར་རྟོགས་པའི་རིམ་པ་བྷཻ་བར་བྱ་སྟེ། མེ་ལོང་དྲི་མ་མེད་པ་ལ། །རྡོ་རྗེ་སེམས་དཔའ་ལེགས་བྲིས་པ། །དེ་ཡི་གཟུགས་བརྙན་སྣང་དང་མཚུངས། །ཞེས་འབྱུང་བའི་དོན་ནི།ལུས་གཟུགས་བརྙན་དེ་བཞིན་གཤེགས་པའི་སྐུ་དང་མཚུངས་པར་གཏན་ལ་དབབ། ངག་བྲག་ཅ་དེ་བཞིན་གཤེགས་པའི་གསུང་དང་མཚུངས་པར་གཏན་ལ་དབབ། སེམས་སྨིག་རྒྱུ་དེ…

ནི་གང་དུ་འཁྲུངས་པ་ཞིག །ཡབ་ནི་གང་། ཡུམ་ནི་གང་། གང་ནས་ཉེ་བར་བྱོན། འདི་ལྟར་བཞུགས་པ་ཉིད་ཀྱི་ཚེ་མེ་ལོང་གི་མདུན་ཉིད་ནའམ། རྒྱབ་ནའམ། འོན་ཏེ་མེ་ལོང་གི་རྡུལ་ཕྲ་རབ་དང་འདྲེས་པ་ཉིད་དུ་གནས་པ་ཞིག །མེ་ལོང་ནང་དུ་མི་སྣང་བར་གྱུར་པའི་ཚེ་དེ་གང་དུ་བཞུད། ཅེས་ཞིབ་ཏུ་བརྟགས་ན་བྱོན་པ་དང་བཞུགས་པ་དང་། བཞུད་པ་མི་དམིགས་སོ། །མི་དམ…

གཉིས་པ་ངག་བྲག་ཅ་དེ་བཞིན་གཤེགས་པའི་གསུང་དང་མཚུངས་པ་གཏན་ལ་དབབ་པ་ནི། །ཆོས་དྲུག་ཆེན་མོ་ལས། སྔོན་བྱེ་བྲག་ཏུ་སྦྱངས་པའི་སྐབས་སུ་བཤད་པ་ལྟར་བདེ་བར་གཤེགས་པའི་གསུངས་རབ་ཡན་ལག་བཅུ་གཉིས་སོགས་ཀྱི་ཚིགས་སུ་བཅད་པའམ། ཞི་བ་དང་ཁྲོ་བོ་ལ་སོགས་པའི་རིགས་སྔགས་ཀྱི་ང་རོའི་སྒྲ་བརྙན་འབྱུང་དུ་རུང་བའི་ཕྱོགས་སུ་མངོན་པར་བསྒྲགས་པ་ལས་…

བཅད་དེ་བསྒོམས་པས། དེའི་ཏིང་ངེ་འཛིན་རབ་ཏུ་བརྟན་པར་འགྱུར་རོ། །དེ་ལྟར་འདི་དག་ཀྱང་སྔ་མ་དག་དང་པོར་རང་གིས་གོམས་པར་བྱས་ནས། སླར་ཆོས་ཐམས་ཅད་ལ་དེ་ཁོ་ན་ལྟར་བསྒོམ་པར་བྱའོ། ། བཞི་པ་རང་བཞིན་གཉུག་མར་འཇོག་པ་ནི། ཐུན་གྱི་གནས་སྐབས་ཐམས་ཅད་དུ་གོང་ལྟར་བསྒོམ་པར་བྱའོ། །ད་ནི་འཕྲོས་བཤད་དེ། ཇི་ལྟར་སྒྱུ་མ་དེ་བཞིན་དུ། །ཡང་དག་མ་…

བདེན་པའི་དོན་མཐོང་བས་ན་མ་འཁྲུལ་བ་སྟེ། དེ་ནི་དོན་དམ་པ་ཞེས་བྱའོ། །སྒྱུ་མ་དེ་མེད་ན་ནི་དེ་ཡི་རྒྱུ། །གང་ཡིན་དེ་གསལ་བར་དམིགས་པ་ཇི་ལྟ་བུ། །དེ་བཞིན་གནས་ནི་གཞན་གྱུར་ན། །ཡང་དག་མ་ཡིན་རྟོག་པས་དམིགས། །ཞེས་པ། སྒྱུ་མ་ཞིག་ཙམ་ན། ཤིང་བུ་ལ་སོགས་པ་འཁྲུལ་གཞི་དེ་མཐོང་བ་བཞིན་རང་གི་སེམས་ལ་གཟུང་འཛིན་གཉིས་སུ་སྣང་བ་དེ་མཐོང་བས…

རྣམས་ཀྱིས་གསུངས་སོ། །དེ་བཞིན་གཉིས་སྣང་འདི་ལ་ཡོད། །འདི་ཡི་དངོས་པོ་།བདེན་པར་ཡོད་མ་ཡིན། །དེ་བཞིན་གཟུགས་ལ་སོགས་པ་ཡང་། །ཐ་སྙད་ལ་ཡོད་དང་མེད་པ་ཉིད་དུ་བརྗོད། །ཅེས་སྣང་བ་ཐམས་ཅད་དེ་དང་འདྲ་བར་གསུངས་ཏེ། ཚུལ་འདིས་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཆོས་ཐམས་ཅད་ཀྱང་སྒྱུ་མ་ལྟ་བུ། རྨི་ལམ་ལྟ་བུ་ཞེས་འཁྲུལ་པ་ལ་གཉིས་སུ་བརྗོད་…

བསླབ་པའི་ཐབས་རྫོགས་སོ། །དེ་རྣམས་ཀྱིས་སྒྱུ་ལུས་ལམ་གྱི་བོགས་འདོན་གྱི་མན་ངག་རྣམས་བཤད་ཟིན་ཏོ། ། ༈ གསུམ་པ་རྨི་ལམ་ལམ་གྱི་ཚོད་འཛིན་གྱི་མན་ངག་ནི། དཔལ་ཆེན་པོ་ནཱ་རོ་པས། རྨི་ལམ་གཉིད་ཀྱི་བར་དོ་ནི། །བར་དོའི་ཤེས་པ་བསྲེ་འཕོ་སྟེ། །ལོངས་སྤྱོད་རྫོགས་སྐུའི་ངོ་བོ་ཅན། །རྨི་ལམ་བར་དོ་བསྲེ་འཕོའི་གནད། །མིང་ཡང་བར་དོའི་གདམས་པ…

ལངས་པ་ནི། རྨི་ལམ་གྱི་ངོ་བོ་ཡིན་ལ། རྩ་གནས་བརྒྱུད་ནས་གཟུང་འཛིན་གྱི་ངོ་བོ་བསྐྱེད་པ་ནི་བཅོམ་ལྡན་འདས་ཀྱིས་འཇམ་དཔལ་རྩ་རྒྱུད་ནས་རྒྱས་པར་གསུངས་པའི་ཚུལ་བསྡུས་པ་ཡིན་པས། རྨི་ལམ་དེར་མ་དག་པ་དང་། འཁྲུལ་སྣང་ཇི་ལྟར་འབྱུང་བར་འགྱུར་ཞེ་ན། ཐོག་མར་སྙིང་ཁར་ཀུན་གཞིའི་སྟེང་དུ་ཆོས་དྲུག་པོ་ཐམས་ཅད་བསྡུད་དོ། །དེ་ནས་ཡིད་སྲོག་རླ…

སོགས་པར་འགྲོ་བ་དང་། མུན་ཁུང་དང་དངོས་པོ་ཐམས་ཅད་མི་གསལ་བའི་རྣམ་པ་འཆར་རོ། །ལུས་བར་གྱི་རྩ་རྣམས་སུ་ཡིད་སྲོག་གི་རླུང་དང་ལྷན་ཅིག་འགྲོ་བས། དེའི་ཚེ་གླིང་བཞིའི་ལ་སོགས་པ་སྟེང་གི་སྣང་བ་འཆར་རོ། །དེའང་མདུན་གྱི་རྩ་གནས་ལ་སོང་བའི་ཚེ་ཤར་ཕྱོགས་ཀྱི་སྣང་བ་འབྱུང་ངོ་། །རྒྱབ་ཀྱི་རྩ་ལས་ནུབ་བོ། །གཡོན་གྱི་རྩ་ལས་བྱང་གི་སྣང་བ་འ…

པའི་ཕྱིར་རོ། །ཁམས་ཀྱི་རྐྱེན་གྱིས་ཡུལ་དེར་ཡང་། ཞེས་འདིར་སྨོས་ནས། རླུང་གི་རྨི་ལམ་གྱི་སྡེ་ཚན་ནི་འདི་ཡིན་ནོ། །ས་ཕྱོགས་ནེའུ་གསིང་ལ་སོགས་རྫས་སྔོན་པོ་དང་། གོས་སྔོན་པོ་དང་། ནག་པོ་དང་། བྱ་ནག་དང་། ནམ་མཁར་འཕུར་བ་དང་། རྟ་ཞོན་པ་དང་། ནོར་བུ་སྔོན་པོ་དང་། རིག་པ་དྭངས་པ་དང་། རྨི་ལམ་གྱི་དངོས་པོ་རྣམས་མི་བརྟན་ཞིང་འགྱུར་…

དང་། མུ་ཏིག་ལ་སོགས་ནོར་བུ་དཀར་པོ་དང་། རིག་པ་བདེ་བ་དང་། བརྟན་པ་ལ་སོགས་དུ་མར་སྣང་སྟེ། ཇི་ལྟར་ཁམས་ཀྱི་རིམ་པ་བཞིན་དུ་རྨི་ལམ་གྱི་སྣང་བ་ཡང་དཔག་ཏུ་མེད་པ་འབྱུང་བར་བཤད་པས། ཇི་ལྟར་རྩ་རླུང་ཁམས་ཀྱི་རིམ། །བག་ཆགས་ལ་བརྟེན་སྣང་བ་ནི། །རྒྱལ་བས་འཇམ་དཔལ་རྩ་རྒྱུད་གསུངས། །ཞེས་དང་། རྗེ་བཙུན་མི་ལའི་ཞལ་ནས། རྨི་ལམ་མི་ཟིན་པའི…

ཡི་གེ་བརྒྱ་བ་བཟླའོ། །རྐྱེན་བཞི་ནི། སད་འབྱམས། འཁྲུལ་འབྱམས། བརྗེད་འབྱམས། རྒྱུན་འབྱམས་སོ། །དང་པོ་སད་འབྱམས་ནི། འཛིན་འཕྲོ་ལ་གཉིད་དུ་མ་སོང་སྙམ་པ་དང་། གཉིད་སད་ཡིན་སྙམ་ནས་འཛིན་འཕྲོ་བཅད་པ་དང་། རྨི་ལམ་མ་ཟིན་པ་ལོང་མེད་དུ་སད་པའོ། །དེ་ལ་འཛིན་འཕྲོ་མི་གཅོད་པར་ཡང་ནས་ཡང་དུ་འཛིན། གཉིད་ལོང་མེད་པར་སད་པ་ན། གང་གིས་ལན་བརྟ…

འབྱམས་ནི། རྨི་ལམ་མ་བྱུང་བའམ། བྱུང་ཡང་ངོས་མ་ཟིན་པའོ། །རྨི་ལམ་གྱི་དེ་ཁོ་ན་ཉིད་བསྒོམ་པ་ནི། ཆོས་དྲུག་ཆེན་མོ་ལས། རྨི་ལམ་གྱི་སྣང་བ་ཐམས་ཅད་སེམས་ཀྱི་རྣམ་འཕྲུལ་བཟང་ངན་ཐམས་ཅད་སྒྱུ་མའི་རྣམ་པ་རྩལ་ཀ གཟུགས་ཐམས་ཅད་སྣང་སྟོང་། སྒྲ་གྲག་སྟོང་། སེམས་གདོད་མ་ནས་སྐྱེ་གནས་འགག་གསུམ་དང་བྲལ་བ། རྨི་ལམ་དང་ཉིན་པར་གྱི་སྣང་བ་ལ་ཁྱད…

ཡུལ་གནད་མགྲིན་པ། དམིགས་པའི་གནད་ལ་བཞི་སྟེ། བཟུང་བ། སྦྱང་བ། ཡ་ང་བ་སྤང་བ། སྒྱུ་མར་བསླབ་པ་སྟེ་བཞིའོ། །དེ་ལ་ཐམས་ཅད་ཀྱི་སྔོན་དུ་ཉིན་པར་གཏུམ་མོ་དང་། སྒྱུ་ལུས་བསྒོམ་པའི་རྗེས་ལ་བླ་མའི་རྣལ་འབྱོར་བསྒོམ་པ་ནི། །ཆོས་དྲུག་ཆེན་མོ་ལས། སྐྱེ་བོའི་འདུ་ལོང་མེད་སར། ཤིན་ཏུ་དབེན་པའི་གནས་སུ་མཐུན་པའི་ཟས་དང་། སྤྱོད་ལམ་རྣམ་པར་…

པ་ཐམས་ཅད་དོན་མེད་འབའ་ཞིག་ཏུ་གྱུར། ད་ནི་བདག་གིས་རྨི་ལམ་གཟུང་བར་བྱ། རྨི་ལམ་ཆོས་ཉིད་ཀྱི་རོལ་བ་ལ་བསྒྱུར་བར་བྱ། དེ་ཡང་ད་ལྟའི་སྣང་བ་འདི་ཉིད་རྨི་ལམ་སྟེ། བདག་མ་གཉིད་པའོ་སྙམ་དུ་རྟོག་པ་ནི། འཁྲུལ་པ་ལས་ཆེས་ཤིན་ཏུ་འཁྲུལ་པ། མ་རིག་པའི་འཇུག་པ་མི་བཟད་པ་ཉིད་པས། འདི་དྲན་པས་གཟུང་བར་བྱའོ། །ཞེས་བྱ་བ་ཅི་དང་ཅི་བྱེད་པ་ཐམས་ཅ…

བཟུང་བའི་མན་ངག་ལ་གསུམ་སྟེ། འདུན་པས་བཟུང་བ། ཐིག་ལེ་དཀར་དམར་འཛིན་པ། ཡི་གེ་ལས་འཛིན་པའོ། །དང་པོ་འདུན་པས་བཟུང་བ་ནི། སེང་གེ་ཉལ་ཐབས་ཀྱིས་འཁྲུལ་འཁོར་རམ། གལ་ཏེ་གཉིད་ཆེ་བ་དག་ཅིག་ཡིན་ན། ཙོག་པུར་ལུས་གནད་ལ་གནས་པར་བྱས་ལ། མགྲིན་པར་པད་འདབ་བཞི་བྲིས་པའི་དབུས་སུ་ཤེས་པ་གཏད་དོ། །དེའི་མོད་ལ་རྨི་ལམ་རྨི་བར་བྱའོ། །ངོ་ཤེས་པར…