འབྲས་བུ་སྒྲུབ་ཕྱིར་བྲིས་པ་ཡིན། །སྐལ་པ་དམན་ཞིང་བརྩོན་འགྲུས་ཞན་པ་དང༌། །བློ་ཆུང་རྣམས་ཀྱིས་ཐོས་ན་ཐེ་ཚོམ་སྐྱེ། །བློ་ལྡན་རྒྱལ་བའི་སྙིང་པོ་ལ་མོས་པ། །ཐེག་ཆེན་ཆོས་ཚུལ་རྟོགས་པར་གྱུར་པ་རྣམས། །དུ་བའི་རྟགས་ལས་མེ་བཞིན་ངེས་ཤེས་སྐྱེ། །འདི་ནི་རང་བྱུང་མ་འོངས་སྤྱོད་པ་ཡིན། །ཅེས་གསུངས། དྲུང་རོལ་པའི་རྡོ་རྗེ་ལ། རས་པ་སོ་དཀ…

གྲགས་པ་ཀརྨ་པའི་བར་ན་བརྒྱུད་པ་ཡོད་ཀྱང་ཉན་མེད་ཀྱང་ཉན། ཞེས་དང༌། ཐུགས་རྗེ་ཆེན་པོའི་སྤྲུལ་པ་ཐོད་རྒལ་བས་འགྲོ་དོན་བྱེད་ཅེས་པ་ང་རང་ཡིན་ཞེས་སོགས་ཀྱིས། ཐུགས་རྗེ་ཆེན་པོ་ཉིད་གདུལ་བྱའི་དབང་གིས་སྣ་ཚོགས་སུ་སྤྲུལ་པར་ཆེས་ཤིན་ཏུ་གསལ་བ་ལ། དེ་བཞིན་དུ་སྔོན་རྒྱལ་པོ་གསོ་སྦྱིན་དུ་གྱུར་པའི་ཚེ། རྒྱལ་བ་རིན་ཆེན་གཙུག་ཏོར་ཅན་གྱི…

ཆེན་པོ་པདྨ་འབྱུང་གནས། བདག་ཉིད་ཆེན་པོ་ཀརྨ་པཀྵི་སོགས་དང་ངོ་བོ་གཅིག་པར་རྒྱུ་མཚན་དུ་མ་ནས་ངེས་ཤིང༌། རང་ཉིད་ངོ་བོ་གཅིག་པ་ལ་ཐ་དད་མཐོ་དམན་དུ་མ་སྟོན་ཅིང་། དུས་མཉམ་པ་དང༌། སྔ་ཕྱིར་རྒྱུན་མི་ཆད་པར་འབྱུང་ངོ༌། །ཞེས་ལུང་བསྟན་པ་དུ་མ་དང༌། དེ་བཞིན་གཤེགས་པའི་གསུང་ལས། མ་འོངས་འཁོར་ལོས་སྒྱུར་བའི་རྒྱལ་པོ་དུང༌། །དེ་ཉིད་དྲུག…

མི་ཆད། །ཅེས་གསུངས་པ་དང་མཐུན་པར། ཐམས་ཅད་མཁྱེན་པ་མཐོང་བ་དོན་ལྡན་གྱི་ཞལ་སྔ་ནས། ང་ནི་སྐྱེ་མེད་བརྗོད་པ་ཀུན་དང་བྲལ། །གནས་མེད་གནས་བྲལ་འཁོར་བའི་སེམས་ཅན་རྣམས། །མ་ལུས་ཐར་པའི་གནས་སུ་འདྲེན་པར་བྱ་བའི་ཕྱིར། །སྐྱེ་འགྲོ་ཀུན་གྱི་དཔལ་དུ་བདག་གྱུར་ཏོ། །ཞེས་གསུངས་སོ། །བདག་ཅག་རྣམས་ཀྱི་འདྲེན་པ་མཆོག་དམ་པར་གྱུར་པ་འདི་ཉིད་ཀྱ…

བདེ་མཆོག་འཁོར་ལོ། རྡོ་རྗེ་འཕྲེང་བའི་རྒྱུད་ཀྱི་ལེའུ་དྲུག་ཅུ་རྩ་བཞི་པའི་ལེའུ་བཅུ་གསུམ་པ་ལས། བདེན་གཉིས་མཐའ་དང་བྲལ་བའི་ཏཻ་ལོ་པ། །རིག་པའི་གནས་ལྔ་དག་ལ་མཁས་པ་ནི། །དེ་བཞིན་གཤེགས་པའི་སྤྲུལ་སྐུ་ཁྱོད་ལུང་བསྟན། །ཁྱོད་ཀྱི་བླ་མ་ཐམས་ཅད་མཁྱེན་པ་ཡིན། །ཅེས་གསུངས། ཆོས་སྐུ་ཡེ་ཤེས་ཀྱི་མཁའ་འགྲོ་མས་རྣལ་འབྱོར་གྱི་དབང་ཕྱུག་…

གཙོ། །བཙུན་མོ་དམ་པ་དཔེ་མེད་ཡོན་ཏན་གྱིས། །མངོན་པར་ཕྱུག་པའི་ལྷ་མོ་གསལ་ལྡན་མ། །སྐྱེ་དགུའི་མིག་ཏུ་མཛེས་པའི་སྒྲོན་གཅིག་པོ། །གང་དེའི་སྲིང་མོ་གསལ་བའི་སྒྲོན་མ་སྟེ། །དེ་དག་ཀུན་གྱིས་གཅེས་པར་རབ་སྐྱེད་པ། །བྲམ་ཟེའི་ཁྱེའུ་བདག་ནི་གསལ་བའི་འོད། །རྒྱབ་རྟེན་ཤ་པ་ལྗོན་པའི་དབང་པོ་སྟེ། །མ་ཧེ་འདི་དག་ཁྱིམ་གྱི་ཉེར་མཁོའི་ནོར།…

མཛེས་གསལ་སྒྲོན་མ་ཡིན་བདེ་གཏེར་ང་ནི་ཁྱོད་ཀྱི་སྲིང་། །ཤིང་ནི་ཤ་པའི་སྡོང་པོ་མ་ཡིན་ཡིད་བཞིན་གྲུབ་པ་ལྗོན་པའི་མཆོག །མ་ཧེ་ཁྱིམ་གྱི་ཉེར་མཁོ་མ་ཡིན་ཉམས་མྱོང་སྣ་ཚོགས་རེ་འདོད་སྦྱིན། །ཡི་གེ་ཐ་སྙད་དོན་འཚོལ་མ་ཡིན་སྙན་བརྒྱུད་ཡི་གེ་མེད་པ་མཚོན། །ཁྱོད་ནི་ཁྱེའུ་གསལ་འོད་མ་ཡིན་རིགས་ཀུན་མངའ་བདག་རྡོ་རྗེ་འཆང་། །རང་ལས་གཞན་དུ…

གྱུར་ཏོ། །རྣལ་འབྱོར་གྱི་དབང་ཕྱུག་ཆེན་པོ་ནཱ་རོ་པ། རྒྱུད་བདེ་མཆོག་ལས་ལུང་བསྟན་པ་ནི། གནས་ལྔ་མཁས་ཤིང་དངོས་གྲུབ་མཆོག་བརྙེས་པའི། །བཅོམ་ལྡན་ཤཱཀྱ་ཐུབ་པའི་བསྟན་པ་ལ། །མྱ་ངན་མི་འདའ་སྤྲུལ་སྐུས་འགྲོ་དོན་མཛད། །འདི་ནི་རྒྱལ་བ་ཉིད་ཀྱི་རྣམ་པར་འཕྲུལ། །ཅེས་དང༌། ཁྱད་པར་དུ་ཏཻ་ལོ་པ་ཆེན་པོས་ལུང་བསྟན་པ་ནི། ཕུ་ལ་ཧ་རིའི་དགོན་…

ངེས་མེད་ཡུལ་དུ་བསྒྲག་པར་བྱ། །ཞེས་གསོལ་ཏོ། །ཡང་ཏཻ་ལོ་པས། བཅུ་གཉིས་ལོ་ལ་ང་ཕྱིར་འབྲངས། །ངའི་རྟོགས་པ་ཁོ་ལ་ཡོད། །ཕྱི་རབས་སྐལ་ལྡན་དོན་གཉེར་ཀུན། །རྟོགས་པར་འདོད་ན་ཁོ་ལ་དྲིས། །ཅེས་གསུངས་ནས། ལུང་བསྟན་མཛད་དོ། །སློབ་དཔོན་པདྨས། མར་པ་ལོ་ཙཱ་ལུང་བསྟན་པ་ནི། རཏྣ་གླིང་པའི་གཏེར་ཁ་ནས། བྱང་ཆུབ་སེམས་དཔའ་བློ་གྲོས་རིན་ཆེན་ས…

བོའི་རྒྱལ་པོ་ཤིན་ཏུ་འཇིགས་པའི་ཆ་བྱད་ཅན། མཚོན་ཆ་སྣ་ཚོགས་པ་ཕྱག་ན་བསྣམས་ནས་སྔགས་ཀྱི་སྒྲ་དབྱངས་འབྲུག་སྒྲ་ལྟར་སྒྲོག་ཅིང༌། བསྐལ་པའི་མེ་དཔུང་འབར་བ་དང་བཅས་པའི་དབུས་ན་བཞུགས་པ། ནམ་མཁའ་དང་ས་གཞི་གང་བར་བསྟན་པས། ཌཱ་ཀི་མ་རྣམས་བརྒྱལ་ཞིང་འགྱེལ་བར་གྱུར་ཏེ། བརྒྱལ་སངས་པ་དང་ཐལ་མོ་སྦྱར་ཏེ་གསོལ་པ། འཇིགས་པའི་སྐུ་ལ་འཇིགས་པའ…

ཐོགས་པ་ཡང་ཡོང༌། རྒྱུད་ནས་རྒྱུད་དུ་བྱིན་རླབས་བསམ་གྱིས་མི་ཁྱབ་པ་འབྱུང་སྟེ། བསྟན་པ་རྒྱས་པར་འགྱུར་བས། ཁྱོད་རྟག་ཏུ་ལས་ཀྱི་ཕྱག་རྒྱ་བརྟེན་ཅིང་སྣོད་ལྡན་སྨིན་པར་གྱིས་ཤིག །ཅེས་གསུངས། ཡང་ཕྱག་མར་པའི་སྤྱི་བོར་བཞག་ནས། སྔོན་ཚུལ་བཞིན་སྦྱངས་པའི་ལས་འཕྲོ་ཅན། །བོད་ཀྱི་མར་པ་ལོ་ཙཱ་ཁྱོད། །འཁོར་ལོས་སྒྱུར་རྒྱལ་རིན་ཆེན་མཛོད།…

སྒྲུབས། །བུ་ཁྱོད་ཀྱི་སྐུ་དོན་འགྲུབ་སྟེ་མཆི། །སྐྱེ་བ་འདི་ཉིད་འདས་གྱུར་ནས། །མཉམ་ཉིད་བདེ་བ་ཆེན་པོའི་གནས། །འོད་གསལ་གྱི་ངང་དུ་མཇལ་བར་གྱིས། །ཞེས་གསུངས་ནས་ལུང་བསྟན་ཏེ། སླར་བོད་དུ་འབྱོན་པའི་ལམ་དུ་བལ་པོར་ནུབ་གཅིག །བླ་མ་སེན་ཏ་པ་ལ་སོགས་པའི་ཆེད་ལྕམ་རྣམས་ཀྱིས་ཚོགས་མཆོད་བྱེད་པའི་སར་ཕེབས་ཙ་ན། དེ་རྣམས་ཀྱིས་ཚོགས་མྱུ…

གསུངས། །ལྗོངས་ཁ་བ་ཅན་དུ་མ་ཕྱིན་བར། །རྐྱེན་ཕྱི་ནང་བར་ཆད་མི་འབྱུང་ཞིང༌། །གདུལ་བྱ་སྣོད་ལྡན་ཡོད་དོ་ཞེས། །ལུང་བསྟན་བྱིན་གྱིས་བརླབས་པར་མཛད། །དེ་ཞིང་སྐྱོང་གི་ཌཱ་ཀི་ཡིན་པར་ངེས། །ཅེས་གསུངས་པས། བླ་མ་དང་མཁའ་འགྲོས་ལུང་བསྟན་པའོ། །སློབ་དཔོན་པདྨས་མི་ལ་རས་པ་ལུང་བསྟན་པ་ནི། རཏྣ་གླིང་པའི་གཏེར་ཁ་ནས། བིརྱ་ནག་པོ་སྒྲུབ་རྒ…

དུ་སྤྱོད་པ་རྩིང་བ་འགའ་རེ་འབྱུང་སྟེ། བསྟན་པ་ཇི་སྲིད་གནས་ཀྱི་བར་དུ་ཉམས་རྟོགས་ཀྱི་བརྒྱུད་པ་རྒྱུན་མི་ཆད་པ་འོང་བ་ཡིན་གསུངས། ཡང་ཟངས་ལུང་བཞི་པ་གཅིག་ཕུལ་བའི་ཚེ། སྦ་བེར་གྱིས་ཟངས་ལ་བརྒྱབ་ཅིང༌། ཕྱི་ནང་མེད་པར་གཟིགས་ཏེ། འབུལ་བ་འདི་རང་བཟང༌། ཟངས་འདི་ཆེ་རྒྱུ་མེད་ཀྱང་རང་ལ་མནོག །ལུང་བཞི་ཡོད་པས་ཕྱོགས་བཞིར་ཁྱབ། སྐད་བཟང…

བསྟན། ལྷོའི་ཀ་ཆེན་དེ་རྔོག་ཆོས་རྡོར་དུ་ལུང་བསྟན། ནུབ་ཀྱི་ཀ་ཆེན་དེ་མེས་སྟོན་ཚོན་པོར་ལུང་བསྟན། དེ་རྣམས་ཀྱི་སྟེང་ན་སེང་གེ་འཕྱོ་བ་དང༌། སྟག་མོ་ངར་བ་དང༌། ཁྱུང་ཆེན་འཕུར་བ་དང༌། རྒོད་པོ་ལྡིང་བ་རྣམས་བྱུང་བ་ཞུས་པས། བླ་མས་སོ་སོར་ངོ་སྤྲད་ཅིང་བརྡའ་དོན་བཀྲོལ་བ་ལས། ཉི་མ་བྱང་དུ་ཀ་ཆེན་བཙུགས་པ་དེ། །ཁྱོད་གུང་ཐང་གི་མི་ལ་…

པདྨ་དཀར་པོ་ནས་ལུང་བསྟན་ཏེ། ཇི་སྐད་དུ། ཀུན་དགའ་བོ་ང་འདས་ནས་མ་འོངས་པའི་དུས་སུ། བྱང་ཕྱོགས་རྒྱུད་དུ་དགེ་སློང་འཚོ་བྱེད་ཅེས་བྱ་བ། སྔོན་གྱི་རྒྱལ་བ་ལ་ལྷག་པའི་བྱ་བ་བྱས་པ་སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ། དགེ་བའི་རྩ་བ་བསྐྱེད་པ། ལྷག་པའི་བསམ་པ་བསྐྱེད་པ། ཐེག་པ་ཆེན་པོའི་ལམ་ལ་ཡང་དག་པར་ཞུགས་པ། སྐྱེ་བོ་མང…

དྭགས་ཀྱི་ནགས་སུ་སྤྱོད་པ་ལ་གནས་པའི་བྱང་ཆུབ་སེམས་དཔའ་ལྔ་བརྒྱ་འབྱུང་བར་འགྱུར་རོ། །དེ་དང་དུས་མཉམ་ལ་བྱང་ཕྱོགས་སུ་ཐེག་པ་ཆེན་པོ་ངེས་དོན་གྱི་ཆོས་དར་བར་བྱེད་པ། དགེ་སློང་འཚོ་བྱེད་ཅེས་བྱ་བ་ཞིག་འབྱུང༌། དེའི་འཕྲིན་ལས་སྐྱོང་བ་མང་དུ་འབྱུང་བ་སྟེ། དེའི་ཚེ་སྒོམ་ཞྭ་འདི་ལྟ་བུ་གྱོན་པར་འགྱུར་རོ། །ཞེས་འབྲས་ཟན་ལ་ཞྭའི་རྣམ་པ…

པས། རྗེ་བཙུན་ལྷོ་བྲག་པས་རྒྱ་གར་ནས་བདུད་རྩི་ལྟ་བུའི་གདམས་པ་ཟབ་མོ་གདན་དྲངས། བླ་མ་སྐུ་དྲིན་ཅན་རྣམས་ཀྱིས་ཐུགས་ཉམས་སུ་བཞེས། བུ་སློབ་རྣམས་ཀྱི་མགོ་ཐོན། ངེད་རང་རྣམས་ཀྱིས་ཚོགས་པ་སྐྱོང་བ་རེ་འོང༌ཐང་བ་ལ་མ་བྱུང༌། ང་སྔ་ཤོས་ཡིན་ཀྱང་སློབ་མ་ཡང་མ་མཆིས། གཞན་དུ་འགྲོ་བ་ཡང་མ་གནང༌། རང་རེ་གཞན་མིན་པ་འདྲ་བ་ཞིག་འོང༌ངམ། ཞེས་ཐུ…

ལྷག་ལུས་མེད་པའི་གདམས་པ་བྱིན། ཟས་གོས་ཀྱི་ཕྱིར་ཟབ་མོའི་གདམས་པ་མ་བྱིན། ལྷག་པར་ནོར་བསོག་ཅིང་ཆོས་ཞོར་ལ་གཏོང་བའི་མི་ལ་དམར་ཁྲིད་མ་སྐྱོང༌། ངའི་རྒྱུད་པ་འདི་བུ་ཁྱོད་ཀྱིས་འཛིན་དགོས་པ་ཡིན། གསུངས་ཏེ། དེ་བས་ན་ཁོ་བོ་ལ་སེམས་ཅན་ལ་ཕན་འདོགས་ནུས་པའི་སློབ་མ་གཅིག་ད་གཟོད་འོང་བ་ཡིན། ཡུན་རིང་པོ་བརྟེན་དགོས་པ་ཡང་མ་ཡིན་གསུངས། …

སློང་ཡིན་པ་དང༌། འཁོར་མང་པོ་འདུག་པས་ཅུང་ཟད་ལེན་མ་ནུས་པ་ལ། བླ་མའི་ཞལ་ནས། རྣམ་རྟོག་མ་མང་བར་འདི་འཐུང་གསུངས། ལྷག་ལུས་མེད་པར་གསོལ་བས། བརྒྱུད་པ་ཟིན་ཅིང༌གདམས་ངག་གི་སྣོད་དུ་འགྱུར་བ་མཁྱེན་ཏོ། །དེ་ནས་རས་ཆུང་པ་དང༌སེ་བན་གཉིས་འདིར་ཤོག་གསུངས་ནས། འོ་སྐོལ་ཕ་ཕད་སྟོན་པ་ལ་གླུ་གཅིག་བྱའོ་གསུངས་ནས། མགུར་གཞེངས་པ་ལས། ང་མི་ལ…