འདོན་གྱི་གདམས་ངག་ཡོད། །སྨན་པ་འགུགས་ན་རང་ལ་སྡིག །རང་ལུས་རྒྱལ་བའི་དཀྱིལ་འཁོར་ཤེས། །རྩ་རླུང་ཐིག་ལེ་རྒྱས་བྱའི་ཕྱིར། །ཤ་ཆང་མི་བསྟེན་རང་ལ་སྡིག །གཞན་ལུས་ལམ་དུ་སློང་ཙ་ན། །ལས་ཀྱི་ཕྱག་རྒྱའི་གདམས་ངག་ཡོད། །ཕྱག་རྒྱ་མི་བསྟེན་རང་ལ་སྡིག །ཞེས་གསུངས་པ་བྱ་ཟེས་ཚོར་བས་སླར་ཡང་བླ་མ་ལ་མི་འཚམ་པའི་བསྐུར་པ་མང་དུ་བཏབ་པ་བླ་མས་ག…

མར་པ་ལོ་ཙ་འདི། །གསན་ནམ་གཟིགས་སམ་ཐུགས་ཀྱིས་མཁྱེན། །ཕ་ཐུགས་རྗེས་ཟུང་དང་སྤྲུལ་པའི་སྐུ། །དྷཱུ་ཏི་བྱང་ཆུབ་གཞུང་ལམ་དུ། །རླུང་སེམས་བདེ་འོད་ཟུང་དུ་ཚུད། །ཟག་མེད་བདེ་བ་ཆེན་པོར་འགྲོ། །སྒྲིབ་བྲལ་རིག་པའི་ཡེ་ཤེས་ཤར། །བླ་ན་མེད་དོ་བླ་མའི་གསུངས། །མ་རིག་མུན་པའི་དབྱིངས་སུ་དག །གཟུང་དང་འཛིན་པའི་སྒྲིབ་གཉིས་བྲལ། །བདེ་གསལ་ས…

དུས་སུ་མ་སླད་དྲན། །བར་དོའི་དུས་སུ་མ་བཅིངས་རིག །འབྲས་བུའི་དུས་སུ་མ་སྒྲིབས་ཤར། །ནཱ་རོའི་རྗེས་འབྲང་སྐྱེས་བུ་རྣམས། །གདམས་ངག་ཟབ་པ་ཉམས་སུ་ལོང་། །རིག་པ་ཡོད་ཀྱི་ངེས་ཤེས་སྐྱེད། །བློ་ཆུང་ལོག་པར་རྟོག་པ་རྣམས། །སངས་རྒྱས་ལ་ཡང་སྐུར་འདེབས་ཤིང་། །རང་གྲིབ་ལ་ཡང་གཤེ་བྱེད་པའི། །སྐྱེ་བོ་གཡོམ་ལ་སྒྱུག་པ་ལ། །དོན་ལ་འདི་ཡིན་འ…

པའི་ཚེ། རྗེ་བཙུན་ལོ་ཙ་བ་ཆེན་པོས་བཀྲ་ཤིས་མངའ་གསོལ་གྱི་མགུར་འདི་གསུངས་པ། བླ་མ་བཀའ་དྲིན་ཅན་ལ་གསོལ་བ་འདེབས། །ང་ཡི་བརྒྱུད་པ་རིན་ཆེན་འདི་ཉིད་ལ། །ཉེས་ལྟུང་མེད་པའི་བཀྲ་ཤིས་ཡོད། །བཀྲ་ཤིས་དེ་ཡི་བཀྲ་ཤིས་ཤོག །གདམས་ངག་ཟབ་མོའི་ཉེ་ལམ་ལ། །ནོར་འཁྲུལ་མེད་པའི་བཀྲ་ཤིས་ཡོད། །བཀྲ་ཤིས་དེ་ཡི་བཀྲ་ཤིས་ཤོག །ང་རང་མར་པ་ལོ་ཙ་ལ། …

མདོ་བཙན་པའི་བཀྲ་ཤིས་ཡོད། །བཀྲ་ཤིས་དེ་ཡི་བཀྲ་ཤིས་ཤོག །འདིར་ཚོགས་ཁྲོམ་གྱི་ལྷ་མི་ལ། །བདེ་སྐྱིད་སྨོན་ལམ་བཀྲ་ཤིས་ཡོད། །བཀྲ་ཤིས་དེ་ཡི་བཀྲ་ཤིས་ཤོག །ཅེས་གསུངས་ཤིང་། བླ་མ་རྔོག་པ་ལ་བཅོམ་ལྡན་འདས་རྡོ་རྗེ་གདན་བཞི་ཡབ་བཀའ་ལྷ་ང་བདུན་དང་ཡུམ་བཀའ་ལྷ་བཅུ་གསུམ་གྱི་དབང་དང་རྩ་རྒྱུད་ལེའུ་བཅུ་དྲུག་པ་བཤད་པའི་རྒྱུད་གསུམ་རྣམས་…

གཏུམ་མོ་ཨ་ཐུང་། ཞལ་གྱི་ལས་རྒྱ། ཨཥྚའི་སྲུང་ཟློག་གི་མན་ངག །ཀླུ་རྣམས་སྡིགས་པ། ཁ་སྦྱོར་དབྱེ་བ། བདག་མེད་མའི་བྱིན་རླབས་ཀྱི་ཆོ་ག །གེགས་སེལ་གཟེར་ལྔ་སོགས་རྒྱུད་དགྱེས་པ་རྡོ་རྗེའི་བསྐྱེད་རྫོགས་ཀྱི་མན་ངག་མང་པོ་དང་བཅོམ་ལྡན་འདས་དུས་ཀྱི་འཁོར་ལོའི་སྒོ་ནས་ཡེ་ཤེས་བཙན་ཐབས་སུ་དབབ་པའི་ཆོ་ག་མ་ཧཱ་མཱ་ཡའི་རྣལ་འབྱོར་གསུམ་གྱི…

མཚམ་པའི་ཆོས་སྟོན་ཅིག །སྔར་བདག་མེད་མས་མཐུ་ཆེན་ལ་བསྐུར་བའི་མཆོད་གནས་རྣམས་ཀྱང་ཁྱོད་རང་གི་མོས་པའི་རྟེན་དུ་ཟུང་། ཁོ་བོ་དང་དུས་ཐམས་ཅད་དུ་འབྲལ་བ་མེད་པ་ཡིན་ནོ། །ཅེས་བཀའ་བསྩལ་ཏེ། དེར་བླ་མ་རྔོག་པ་ཡང་རྗེ་བཙུན་ལོ་ཙ་བ་ཆེན་པོའི་ཞབས་ལ་ཕྱག་མཛད་ནས་གཞུང་གི་རི་བོར་བྱོན་ནོ། །དེ་ནས་མི་ལ་མཐུ་ཆེན་ལ་བཅོམ་ལྡན་འདས་དགྱེས་པ་རྡ…

ལྷུག་མ་རྣམས་ཡི་གེར་བཀོད། དེའི་ཚེ་ཉིན་ཅིག་ཇོ་མོ་བདག་མེད་མས་བླ་མ་ལ་ཞུས་པ། ཁོ་མོ་ཅག་རྣམས་བླ་མ་རྗེ་བཙུན་ཆེན་པོ་དང་མཇལ་ཕྱིན་ཆད་འཇིག་རྟེན་འདིའི་རྣམ་པར་རྟོག་པ་ཤིན་ཏུ་ཤས་ཆུང་ཞིང་རང་བྱུང་གི་ཡེ་ཤེས་རྒྱུད་ལ་ལྷུག་པར་འཆར་བ་ཞིག་བྱུང་སྟེ། དེ་བླ་མ་རྗེ་བཙུན་པ་ཉིད་ཀྱི་ཐུག་རྗེ་ལགས་མཆི། ཞུས་པས་བླ་མའི་ཞལ་ནས། ཁྱེད་ཅག་རྣམ…

ལ་གང་ཙམ་དང་ཉ་ཤ་སྐམ་པོ་ཅུང་ཟད་ཞིག་ལས་མ་མཆིས། གཞན་ནས་ཚོལ་བ་ལ་ཡང་ཉི་མ་འཕྱིས་ནས་འདུག་པས་སང་ནུབ་མཛད་ན་ཇི་ལྟར་ལགས་ཞུས་པས། ཡོ་བྱད་དེ་ཀ་ཚོས་ཆོག །ཚོགས་འཁོར་དོ་ནུབ་རང་བྱ་ཡིས་ད་ལྟ་མཆོད་གཏོར་བཤོམས་གསུང་། དེར་མཆོད་པ་དང་གཏོར་མ་བཤམས་པའི་ཚེ་ནམ་མཁའ་ལས་རོ་མཆོག་བརྒྱ་དང་ལྡན་པའི་ཆང་གི་རྒྱུན་བབ་པས་སྣོད་རྣམས་གང་ཞིང་། མཆོད…

རེག་པས། ཇོ་མོ་གཉོས་མོ་ནི་གསང་བའི་ཡུམ་བདག་མེད་མ་དངོས་སུ་གྱུར་པས་བླ་མ་ཧེ་རུ་ཀར་བཞེངས་པ་ལ་བདེ་ཆེན་གྱི་མཆོད་པས་མཆོད་པར་མཛད་ཅིང་། ཇོ་མོ་གཞན་རྣམས་ཀྱང་གཽ་རི་ལ་སོགས་པའི་རྣལ་འབྱོར་མ་བརྒྱད་དུ་བྱིན་གྱིས་བརླབས་ཏེ་ཕྱོགས་མཚམས་སུ་འཁོད། ཕྱོགས་བཅུའི་དཔའ་བོ་དང་རྣལ་འབྱོར་མ་མང་པོ་ཡང་འོད་ཟེར་གྱིས་བསྡུས་ནས་ཚོགས་ཀྱི་འཁོར་…

ཐེག་པ་ཆེན་པོ་གསང་སྔགས་ཀྱི་ཆོས་འདི་ཟབ་ལ་རྒྱ་ཆེ་ཞིང་མན་ངག་གི་གནད་ཕུལ་དུ་ཕྱིན་པ་ཞིག་ཡིན་ཏེ། དེའི་དོན་གྱིས་ཁམས་བྱང་ཆུབ་ཀྱི་སེམས་འཁོར་འདས་ཐམས་ཅད་ཀྱི་བདེ་སྐྱིད་ཀྱི་རྩ་བ། ཡོན་ཏན་གྱི་འབྱུང་གནས་ཡིན་པ་ལ་འཇིག་རྟེན་པ་ཀུན་ཉོན་མོངས་པའི་དབང་དུ་སོང་ནས་ཉམས་ཤིང་ཟགས་པས་འཁོར་བ་ལས་མ་ཐར། ཉན་ཐོས་པས་སྤོང་བ་དང་འགོག་པ་ཁོ་ན་ལ…

ཀྱང་གལ་ཆེ། དེ་ལྟ་བུ་ཞིག་དང་མི་ལྡན་ན། ཕོ་ཉ་རལ་གྲིའི་སོ་དང་འདྲ། ཅེས་ལས་རྒྱའི་རྣལ་འབྱོར་འདི་ཤིན་ཏུ་ཉན་ཆེ་བར་ཡང་བཤད། ཁོ་བོ་རང་ལ་འདོད་ཆགས་ཀྱི་རྣམ་པར་རྟོག་པ་མེད་ཀྱང་བླ་མ་དང་ལྷག་པའི་ལྷས་ལུང་བསྟན་པ་ལྟར་གཞན་རྗེས་སུ་བཟུང་བའི་ཕྱིར་ཐ་མལ་གྱི་སྤྱོད་པ་བྱེད་པ་ལྟ་བུར་སྟོན་ཅིང་། འཇིག་རྟེན་པ་རྣམས་དྲང་བའི་དོན་དུ་རེ་ཞིག…

གྱིས་མི་ཁྱབ་པ་དག་འབད་རྩོལ་མེད་པར་ལྷུན་གྱིས་གྲུབ་པས་འགྲོ་བ་མ་ལུས་པ་སྨིན་ཅིང་གྲོལ་བར་མཛད་པ་ལས། ཁྱད་པར་དུ་ཇོ་བོ་ནཱ་རོ་པ་ཆེན་པོའི་མན་ངག་གི་གནད་ཀྱིས་རླུང་སེམས་ལ་དབང་ཐོབ་པའི་རྩལ་གྱི་རྟེན་ཅན་དུ་འཕོ་བ་གཞན་གྱིས་ལུས་རྟེན་ལ་གྲོང་འཇུག་ཉམས་སད་པའི་ཚུལ་མང་དུ་མཛད་དེ། དེ་ཡང་ཉིན་ཅིག་དཔོན་སློབ་རྣམས་དྲོ་བོ་ལུང་གི་ཕུ་ན་…

མ་ལུས་འབྱུང་བ་ཡི། །ཤ་བ་ཡིད་བཞིན་ནོར་འདྲ་རྙེད། །ཅེས་ཀུ་རེ་གསུང་ཞིང་བཞད། དེར་རྔོན་པ་མི་གཉིས་བྱུང་ནས་ངེད་ཀྱི་ཤ་བ་གར་སོང་ཟེར་བ་ལ་སྐུ་འཁོར་རྣམས་ཀྱིས་གྲོང་འཇུག་མཛད་པའི་གཏམ་བཤད་པས་ཁོང་གཉིས་ན་རེ། འོ་ན་ངེད་གཉིས་ཀྱང་དྲོ་བོ་ལུང་དུ་འགྲོ། ད་དུང་ཤ་བའི་རོ་ལ་གྲོང་འཇུག་མཛད་དགོས་ཟེར་བས། དཔོན་སློབ་རྣམས་དྲོ་བོ་ལུང་དུ་ཕ…

རྟོགས་ཁྱད་པར་ཅན་རྒྱུད་ལ་སྐྱེས་ཏེ་ཕྱིས་གྲུབ་ཐོབ་བྱ་ཟེ་ཞེས་གྲགས་སོ། །ཡང་ལན་ཅིག་གདན་བཞི་གསུང་བའི་ཆོས་རར་བྱེའུའི་རོ་ལ་གྲོང་འཇུག་མཛད་དེ་འཕུར་ནས་བྱོན་པ་ལས། ཡུལ་གྱི་བྱིས་པ་འགས་དེད་དེ་དེའུ་ཟིན་པ་ལས་མ་ཟིན་པའི་མོད་ལ། བླ་མ་བཞེངས་ནས་དུད་འགྲོ་འདི་རྟེན་དམན། ད་རེས་ཀྱང་སྲོག་གི་བར་ཆད་དུ་དེའུ་གྱུར་བྱས། སྤྱིར་གྱིའང་དུ…

ཀུན་ཏུ་ཁྱབ་ནས་གདའ་བ། དེའི་རྒྱུ་མཚན་བླ་མ་ཉིད་ཀྱི་ཆེ་བའི་ཡོན་ཏན་འགའ་ཞིག་བདག་ཅག་ལ་གསུང་དུ་རུང་ན་བཀའ་སྩོལ་བར་ཅི་གནང་སྙམ་དུ་སེམས་ཤིང་མཆིས་ལགས་ཅེས་ཞུས་པས་བླ་མའི་ཞལ་ནས། ཁོ་བོ་ལ་བོད་ཙམ་དུ་མ་ཟད་བལ་པོ་དང་རྒྱ་གར་ན་ཡང་སྙན་གྲགས་ཆེ་བ་ཡིན་ཏེ། དེའི་རྒྱུ་མཚན་བཤད་ཀྱིས་ཉོན་ཅིག་ཅེས་མགུར་འདི་གསུངས་པ། བརྒྱུད་པ་སྙན་པར་མི་…

ལ་མཐུ་ཆེན་དང་ཇོ་སྲས་མདོ་སྡེ་གཉིས་ལ་གདན་བཞི་དང་མ་ཧཱ་མཱ་ཡའི་དབང་རྒྱུད་མན་ངག་ལས་ཕྲན་དང་བཅས་པ་ལ་སོགས་པའི་ཆོས་མང་དུ་གནང་ཞིང་སྲས་མཁར་ན་བཞུགས་པའི་དུས་ཞིག །སྲས་ཆེན་པོ་དར་མ་མདོ་སྡེ་ཞེས་བྱ་བ་དགུང་ལོ་བཅུ་གསུམ་ནས་སཾསྐྲྀ་ཏའི་སྐད་ལ་སོགས་པ་སྒྲ་རིག་པ་མི་འདྲ་བ་དུ་མ་མཁྱེན་ཅིང་ཆོས་སྤྱི་དང་བྱེ་བྲག་ལ་མཁས་པ། ཡིད་གཞུངས་ཤི…

ཚལ་བུས་དབུ་དཀྲིས། མཐུ་ཆེན་རང་གིས་ཆིབས་ཁ་བྱས་ནས་ཡར་བྱོན་པའི་ལམ་དུ་སྲས་ཀྱི་ཐུགས་དགོངས་ལ། བདག་གི་ཡབ་འདིས་རྗེ་ནཱ་རོ་དང་མཻ་ཏྲི་ལ་སོགས་པ་བསྟེན། དཀའ་བ་ཕྱོགས་མེད་དུ་སྤྱད་པའི་གྲུབ་ཐོབ་དངོས་ཡིན་ཅིང་། ཡུམ་འདི་ཡང་ཤིན་ཏུ་དྲིན་ཆེ་བས་ཁོང་གཉིས་ཀྱི་ཐུགས་ཁྲལ་དུ་སོང་ན་མི་ལེགས་སྙམ་པ་བྱུང་ནས་དབུ་ཕྱག་གཉིས་ཀྱིས་བསྡམས་ཏེ་ས…

གདམས་པ་མང་དུ་ཞུས། །དབང་བཞིའི་གནད་ལ་ཕྱག་མཛུབ་བཙུགས། །མཐར་ཐུག་ནཱ་རོའི་ཆོས་དྲུག་ཞུས། །ཁྱད་ཆོས་བསྲེ་འཕོའི་གདམས་ངག་ལ། །རྗེ་ནཱ་རོ་པཎ་ཆེན་གྱི་བཀའ་སྲོལ་བདོག །མ་སྒོམས་སངས་རྒྱས་འཕོ་བའི་གནད། །མ་གསངས་བུ་ལ་གོང་དུ་བཤད། །ཐུགས་ལ་དྲན་ནམ་མདོ་སྡེ་བ། །འདུས་བྱས་སྤྱི་ཡི་མཚན་ཉིད་ནི། །མི་རྟག་འཇིགས་པར་འགྱུར་ན་ཡང་། །སྒྱུ་མའི…

འགྲོངས་པར་འདུག་པས། ཡབ་གྲུབ་ཐོབ་དངོས་ཡིན་ཀྱང་ང་གསོ་བའི་མ་ཡིན་པས་ང་ལ་འཕོས་ན་སླའམ་སྙམ་ནས་དེའི་དུས་སུ་ཡུམ་གྱིས་མགུར་འདི་བཞེངས་པ། དུས་གསུམ་སངས་རྒྱས་ཐམས་ཅད་ཀྱི། །མཆོག་གི་སྤྲུལ་པ་རིན་པོ་ཆེ། །སྐྱེས་མཆོག་མར་པ་ལོ་ཙ་བའི། །ཞབས་ལ་སྒོ་གསུམ་གུས་པས་འདུད། །བུ་གསོན་ཅིག་དར་མ་མདོ་སྡེ་བ། །གོང་དུ་ཡབ་ཀྱི་བཀའ་རྩལ་ཡང་། །འདི…