བཀའ་གདམས་རིན་པོ་ཆེ་ཐིག་ལེ་བཅུ་དྲུག་གི་རྒྱུན་ཁྱེར་དབང་ཁྲིད་ཀྱི་ལེགས་བཤད་ཕུལ་བྱུང་དགོངས་རྒྱན་བཞུགས་སོ།།

ན་མོ་གུ་རུ་ཥྩ་ཏྲི་རཏྣེ་བྷྱཿ། རྨད་བྱུང་བསོད་ནམས་ཡེ་ཤེས་ས་བོན་དག་གིས་རིང་མོ་ཉིད་ནས་བསྐྲུན་པ་ལས། །སྐུ་གསུམ་སྡོང་བུ་རྣམ་པར་རྒྱས་པའི་མཚན་དཔེའི་ལོ་འབྲས་ཕྱོགས་བཅུར་རབ་གཡོ་བ། །མཚན་གྱི་གཟིས་ཀྱང་ཕན་དང་བདེ་བའི་འདོད་དགུ་ལེགས་སྩལ་ཡིད་བཞིན་དབང་གི་རྒྱལ། །རྣམ་འདྲེན་གཙོར་གྱུར་འོད་དཔག་མེད་ཅེས་སྔོན་མེད་དཔག་བསམ་ལྗོན་པ་…

དེ་ཡང་མཉམ་མེད་ཇོ་བོ་ཆེན་པོ་ཡབ་སྲས་ཀྱི་གསང་ཆོས་གླེགས་བམ་རིན་པོ་ཆེར་གྲགས་པ། རྟོག་གེ་པ་རྣམས་ཀྱི་བློའི་ཡུལ་དུ་ཤོང་བར་དཀའ་བའི་ཟབ་དོན་འདི་ཉིད་ཀྱི་སྙིང་པོའི་ཡང་སྙིང་པོར་གྱུར་པ། ཟབ་དོན་སྙིང་གི་ཐིག་ལེ་བཅུ་དྲུག་ཏུ་གྲགས་པ་འདི་ནི་སློབ་དཔོན་བྱང་ཆུབ་བཟང་པོ་ཡན་ཆད་དུ་ཆིག་བརྒྱུད་བཀའ་རྒྱ་ཤིན་ཏུ་དམ་ཞིང་ཐམས་ཅད་མཁྱེན་པ་…

པའི་ཡིག་རྙིང་རྣམས་ཧ་ཅང་ཁ་མི་གསལ་ཞིང་། རང་གཞན་གྱི་ཡིག་ཆ་སྣ་ཚོགས་སྣང་བའང་གཡར་ཁྲལ་ཁོ་ན་ལས་བརྗོད་དོན་གྱི་འབྲས་བུས་དབེན་པར་མཐོང་ལ། རྗེ་གློ་བོ་གྲོལ་མཆོག་པའི་ཁྲིད་བརྒྱའི་ནང་གི་དེའང་ས་བོན་ཙམ་ལས་ལེགས་པར་བཤད་པའི་ཆ་ཆེ་བར་མ་མཐོང་བས་འདིར་མངོན་པར་གསལ་ཞིང་མ་འདྲེས་པར་བརྗོད་པ་ལ་བཞི། །དུས་ཁྱད་པར་ཅན་གྱི་སྐབས་སྒྲུབ་པའི…

དང་སྒོམ་པའི་རང་བཞིན་གྱི་དགེ་བའི་རྩ་བ་ཅི་བགྱིས་པ་དང་། བགྱིད་དུ་བསྩལ་བ་དང་བགྱིད་པ་ལ་རྗེས་སུ་ཡི་རང་བའི་དགེ་བའི་རྩ་བ་དེས་ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་ཆེན་པོ་རྣམས་ཀྱིས་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ…

མཉམ་པར་གྱུར། ཨོ་སརྦ་ཏ་ཐཱ་ག་ཏ་ཨརྒྷཾ་ནས། ཤཔྡའི་བར་བརྗོད། དངོས་གཞི་ནི། ཨོཾ་སྭ་བྷཱ་ཝ་ཤུངྔྷ་སརྦྦཱ་ངྷརྨ་སཱ་བྷཱ་ཝ་ཤུ་དྡྷོཿཧཾ། སྣོད་བཅུད་ཀྱིས་བསྡུས་པའི་བརྟན་གཡོའི་ཆོས་ཐམས་ཅད་སྟོང་པ་ཉིད་དུ་གྱུར། སྟོང་པའི་ངང་ལས། རང་གི་སེམས་ཀྱི་ཆ་ཤས་ལས་གྲུབ་པའི་གཞལ་ཡས་ཁང་གྲུ་བཞི་སྒོ་བཞི་འདོད་སྣམ་ཕ་གུ་དྲ་བ་དྲ་ཕྱེད་མདའ་ཡབ་པུ་ཤུ་…

སྤྱན་གསུམ་པ། རལ་པ་དམར་སེར་གྱེན་དུ་བརྫེས་པ། དེའི་སྤྱི་བོར་ཞི་བའི་ཞལ་དམར་པོ་གཙུག་ཏོར་ཅན། རྩ་བའི་ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་གཉིས་པ་ན་བགྲང་འཕྲེང་། གསུམ་པ་ཡི་དགས་ཀྱི་སྐོམ་པ་སེལ་བ། བཞི་པ་ན་འཁོར་ལོ། གཡོན་གྱི་གཉིས་པ་ན་པད་མ། གསུམ་པ་ན་རིལ་པ་སྤྱི་བླུགས། བཞི་པ་ན་མདའ་གཞུ་འཛིན་པ། ཕྱག་ལྷག་མ་དགུ་བརྒྱ་…

འདབ་མ་སྟོང་དང་ལྡན་པའི་ལྟེ་བར་ཟླ་གདན་ལ་ཡུམ་ཆེན་མོ། གཡས་སུ་བླ་མ་མར་མེ་མཛད། གཡོན་དུ་རྒྱལ་བ་ཤཱཀྱ་ཐུབ་པ། འདབ་མ་སྟོང་ལ་སངས་རྒྱས་སྟོང་བཞུགས་པས་མཚན་པ་འཛིན་པ། ཞབས་གཉིས་མཉམ་པའི་སྟབས་ཀྱིས་བཞུགས་པ། དེའི་ཐུགས་ཀར་ཐིག་ལེ་ལྔ་པ་གཞལ་ཡས་ཁང་གི་ནང་དུ་པད་ཟླའི་སྟེང་ན་ཨ་སེར་པོ་ལས་ཡུམ་ཤེར་ཕྱིན་མ་སྐུ་མདོག་སེར་མོ་ཞལ་གཅིག་ཕྱག་…

འོག་མ་གཉིས་ཌཱ་མ་རུ་དང་ཁ་ཊྭཾ་ག་འཛིན་པ། མི་ལྤགས་ཀྱི་གཡང་གཞི་དང་སྟག་ལྤགས་ཀྱི་ཤམ་ཐབས་དང་རུས་པའི་རྒྱན་དྲུག་གསོལ་ཞིང་གཡོན་བརྐྱང་གིས་བཞུགས་པ། འཁོར་དུ་ལྷ་མོ་དྲག་མོའི་ཚོགས་དཔག་ཏུ་མེད་པས་བསྐོར་བ། དེའི་ཐུགས་ཀར་ཐིག་ལེ་བཅུ་པ་གཞལ་ཡས་ཁང་གི་ནང་དུ་པད་ཉིའི་སྟེང་ན་ཧཱུཾ་མཐིང་ནག་ལས་མི་གཡོ་བ་སྔོན་པོ་ཞལ་གཅིག་ཕྱག་གཉིས་པ། ཁ…

པོ་བཞི། གཡོན་དུ་ལྗང་གུ་བཞི། རྒྱབ་ཏུ་དམར་པོ་བཞི། ནང་ལྟར་ན་སྐུ་མཆེད་གསུམ་སོགས། གསང་བ་ལྟར་ན་རིགས་ལྔའི་ངོ་བོ། སྟེང་གི་ཆ་ལ་བརྒྱུད་པ་གསུམ་གྱི་བླ་མ་རྣམས་དང་། གསང་བ་ཡེ་ཤེས་སོགས་མཁའ་འགྲོའི་ཚོགས་དུ་མ་རྣམས་ཨུ་རྒྱན་གྱི་ཡུལ་དུ་མཛད་པ་ཇི་ལྟ་བ་བཞིན་གར་སྟབས་སྣ་ཚོགས་སུ་སྒྱུར་བ། དེའི་ཐུགས་ཀར་ཐིག་ལེ་བཅུ་གསུམ་པ་གཞལ་ཡས་ཁ…

མའི་ཚོགས་རྣམས་བཞུགས་པ། དེའི་ཐུགས་ཀར་ཐིག་ལེ་བཅུ་དྲུག་པ་གཞལ་ཡས་ཁང་གི་ནང་དུ་པད་ཟླའི་སྟེང་ན་ཧཱུཾ་སྔོན་པོ་ལས་སངས་རྒྱས་ཆོས་ཀྱི་སྐུ་མཐིང་སྐྱ་ཞལ་གཅིག་ཕྱག་གཉིས་པ། ཕྱག་གཉིས་ཏིང་འཛིན་གྱི་ཕྱག་རྒྱ་མཛད་པ། སྐྱིལ་ཀྲུང་གིས་བཞུགས་པ། དེའི་ཐུགས་ཀར་ཤིན་ཏུ་ཕྲ་བའི་རླུང་སེམས་ཐིག་ལེ་དཀར་སེར་རྟེན་བརྟེན་པའི་རྣམ་པ་ཅན་ཡུངས་ཀར་ག…

བ་ལ་འགྲན་པའི། །མཆོད་ཡོན་ཞབས་བསིལ་གང་གཱའི་རྒྱུན་བཞིན་འབབ། །ཆུ་སྐྱེས་ཡལ་འདབ་ཟེའུ་འབྲུ་གཡུར་དུ་ཟ། །བདུག་སྤོས་དབྱར་སྐྱེས་སྤྲིན་བཞིན་ལང་ལོང་གཡོ། །སྣང་གསལ་སྒྲོན་མེ་ཉི་ཟླའི་འོད་བཞིན་གསལ། །དྲི་བཟང་ངད་ལྡན་རྦ་རླབས་ཕྱོགས་བཅུར་འཁྲུག །བཤོས་བཟང་འཆི་མེད་བདུད་རྩིའི་དཔལ་ལ་འཁུ། གྲངས་མེད་རོལ་མོ་རྣ་བའི་གསོས་སུ་འཇེབས། །…

ཀྱང་དབུལ། །མ་དག་ཞིང་གི་འཇིག་རྟེན་ཇི་སྙེད་པ། །དག་པ་རབ་འབྱམས་ལྷ་ཡི་གཞལ་ཡས་སུ། །མངོན་པར་ལེགས་སྒྱུར་བཅོམ་ལྡན་ཐུབ་པ་ཆེ། །རྗེ་བཙུན་ཕྱག་ན་པད་མའི་ཚོགས་ལ་བསྟོད། །སྡེ་སྣོད་གསུམ་གྱི་ཡུམ་ཆེན་ཤེར་ཕྱིན་མ། སངས་རྒྱས་ཞི་དང་ཁྲོ་བོ་མཁའ་འགྲོའི་ཚོགས། །ཀུན་འདུས་བཀའ་གདམས་ལྷག་པའི་ལྷ་མཆོག་བཞི། སྐྱབས་མཆོག་ཡི་དམ་ཆོས་སྐྱོང་རྣམ…

བཅས་མ་སོགས་སྐབས་ཐོབ་ཀྱིས་ཕྱེ་བའི་གང་འོས་བྱ། དེ་ནས། ཕྱི་བཀོད་པ་བསམ་གྱིས་མི་ཁྱབ་པའི་ཐིག་ལེའི་སྣོད་ཀྱི་གཞལ་ཡས་ཁང་འོད་དུ་ཞུ། བཅུད་ཀྱི་ལྷ་རྒྱལ་བ་རྒྱ་མཚོ་ལ་ཐིམ། དེ་བཞིན་དུ་ཕྱི་མ་ཕྱི་མ་ནང་མ་ནང་མ་ལ་རིམ་བཞིན་ཐིམ་སྟེ། སངས་རྒྱས་ཆོས་ཀྱི་སྐུ་ལ་ཤིན་ཏུ་ཕྲ་བའི་རླུང་སེམས་ཀྱི་ངོ་བོར་གྱུར་པའི་ཐིག་ལེ་ལ་ཐིམ། ཐིག་ལེའང་ཇེ…

དེ་དགྱེས་ཕྱིར་བཀོད། །ཅེས་བྱ་བ་ནི་བར་སྐབས་ཀྱི་ཚིགས་སུ་བཅད་པའོ། །གསུམ་པ་གཞན་རྗེས་སུ་འཛིན་པ་དབང་གི་ཚིག་ལ་དིང་སང་གི་ཕྱག་ལེན་ཡོངས་གྲགས་ཀྱི་ལུགས་དགོད་པ། ཕྱག་ལེན་ཅུང་ཟད་གཙང་ཞིང་རྒྱས་པའི་ལུགས་དགོད་པ། སྡེ་སྣོད་གསུམ་དང་རྒྱུད་སྡེ་བཞིའི་ལུགས་སྲོལ་ཡོངས་སུ་རྫོགས་པར་ཆད་པ་ཤིན་ཏུ་རྒྱས་པའི་ལུགས་དགོད་པ་དང་གསུམ། དང་པོ་…

གཞི། མཇུག་གི་ཆོ་ག་དང་གསུམ། དང་པོ་ལ་གསོལ་བ་གདབ་པ། ས་བསླང་བ། བགེགས་བསྐྲད་པ། མཚམས་གཅད་པ། དཀྱིལ་འཁོར་བྲི་བ། མཆོད་པ་དང་ཡོ་བྱད་བཤམ་པ། སྒྲུབ་པ་དངོས་དང་བདུན། དང་པོ་ནི། མདུན་དུ་མཆོད་པ་ཚར་གཅིག་བཤམས། གྲོགས་དགེ་སློང་བཞིའམ། བཅུ་དྲུག་གི་བར་ཆོས་གོས་གསུམ་དང་ལྡན་པ་དང་ལྷན་ཅིག་པའམ། རང་ཉིད་གཅིག་པུས་ཀྱང་རུང་སྟེ། རང་ཐུགས…

ཡངས་ཤིང་རྒྱ་ཆེ་བ་རྣམས་ཀྱི་ནང་དུ་གཏོར་མ་རྣམས་དྭངས་ཤིང་། མགྲོན་རྣམས་ཀྱི་དབང་པོ་རྣམས་ཚིམ་པའི་བྱེད་ལས་ཁྱད་པར་ཅན་དང་ལྡན་པར་གྱུར། །ཨོཾ་ཨཱཿཧཱུཾ་གིས་བྱིན་གྱིས་བརླབས། །ས་ཕྱོགས་འདི་ཉིད་སྲུང་ཞིང་སྐྱོང་བ་ཡི། །དཀར་ཕྱོགས་ལ་དགའ་ལྷ་ཀླུ་གཞི་བདག་དང་། །ས་ཡི་ལྷ་མོ་བརྟན་མར་བཅས་རྣམས་ཀྱིས། །མཆོད་སྦྱིན་གཏོར་མ་མཆོད་པ་འདི་བཞ…

བ་དང་། །བསམས་པ་ཆོས་བཞིན་འགྲུབ་པ་ཡི། །མགོན་སྐྱབས་དཔུང་གཉེན་མཛད་དུ་གསོལ། །དེ་བཞིན་དུ་འཕགས་སྐྱེས་པོ། སྤྱན་མི་བཟང་། རྣམ་ཐོས་སྲས། ཞེས་འདོན་པ་བསྒྱུར་རོ། །ལྔ་པ་ལ་ཆག་ཆག་གདབ་པ། སྟེག་བུ་བརྩིག་པ། དཀྱིལ་འཁོར་བྲི་བ་དངོས་དང་གསུམ། དང་པོ་ནི། འགྲུབ་ན་གནས་ཁང་གི་སྟེང་འོག་ཕྱོགས་མཚམས་རྣམས་སུ་ཡི་གེ་དྲུག་པ་ཆོ་ག་དང་མཐུན་པར…

ཚུལ་བཞིན་བྱ། ལྷ་རྣམས་འོད་དུ་ཞུ་བ་ཐིག་ཚོན་སོ་སོར་གྱུར་པར་བསམས་ལ་ཡི་གེ་དྲུག་པ་དང་། འབྲུ་གསུམ་དང་། ཨོཾ་སྭཱ་ཨཱཿཧཱ་ཧཱུཾ། ཞེས་མང་དུ་བཟླ། དེ་ནས་ཐིག་སྐུད་བསྒྲིལ་ཏེ་བདུད་རྩིའི་ཆུ་བྱུག་གོ །གཉིས་པ་ལ་ཐིག་གདབ་པ་དང་ཚོན་དགྱེ་བ་གཉིས། དང་པོ་ནི། འབྲོམ་ཀུ་མ་ར་མ་ཏིའི་ཡིག་ཆར་ཧ་ཅང་མི་གསལ་ཞིང་། དེའི་རྒྱུན་དེང་སང་ཆད་པས་སྒོ…

གྱིས་དགོད། གཞན་ཡང་ཇོ་བོ་ཡབ་སྲས་ཀྱི་སྐུ་སོགས་དཀོན་མཆོག་གི་རྟེན་གསུམ་ཅི་འབྱོར་གནས་ཁང་དང་མཐུན་པར་བཤམ་མོ། །དྲུག་པ་རྫས་དང་མཆོད་པ་བཤམ་པ་ལ་བུམ་པ་བཤམ་པ། གཏོར་མ་བཤམ་པ། མཆོད་པ་བཤམ་པ། རྒྱན་དགོད་པ་དང་བཞི། རྒྱས་པར་སྤྲོ་ན་རྣམ་རྒྱལ་བུམ་པ་དང་བཅས་པའི་བུམ་པ་བཅུ་བདུན། བསྡུ་ན་གཅིག་གིས་ཀྱང་རུང་ལ། ལས་ཀྱི་བུམ་པ་དང་བཅས་པར་…