གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་འཁྲིད་ཀྱི་ཟིན་བྲིས་བསྟན་པ་རྒྱས་བྱེད་ཅེས་བྱ་བ་ལས་བུམ་དབང་གི་རྨི་ལམ་མན་གྱི་ཟིན་བྲིས་ཁའུ་བྲག་རྫོང་པའི་བཞེད་པ་མ་ནོར་བ་བཞུགས་སོ།།

དུས་གསུམ་སངས་རྒྱས་ཐམས་ཅད་ཀྱི་ངོ་བོ་ཚར་ཆེན་ཆོས་ཀྱི་རྒྱལ་པོ་ཡབ་སྲས་བརྒྱུད་པ་དང་བཅས་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ། །བརྩེ་བ་ཆེན་པོས་རྗེས་སུ་བཟུང་དུ་གསོལ། །གྲངས་ཡས་བསྐལ་པར་བསགས་པའི་བསོད་ནམས་ཀྱིས། །རྙེད་དཀའ་རྣལ་འབྱོར་དབང་ཕྱུག་བཞེད་པའི་བཅུད། །ཡང་སྙིང་གསང་ཆེན་སློབ་བཤད་བདུད་རྩིའི་གཏེར། །འདི་འདྲ་འཐུང་བའ…

ལམ་གྱི་ཁྲིད་མན་ཆད་ཀྱི་ཟིན་བྲིས། འ་ཞྭའི་རྡོ་རྗེ་འཛིན་པ་ཆེན་པོ་འཇམ་མགོན་བསོད་ནམས་མཆོག་ལྡན་གྱི་གསུང་རྒྱུན་གསུང་ངག་སློབ་བཤད་ཀྱི་ཁྱད་ཆོས་རྣམས་ཀྱིས་ལེགས་པར་བརྒྱན་ཏེ་འདྲི་བ་ལ། དྲུག་པ་རྨི་ལམ་ནི། རྡོ་རྗེ་ཐེག་པའི་ལམ་གྱི་ཉམས་ལེན་གྱི་ཚོད་འཛིན་པ་ནི་རྨི་ལམ་ཡིན་ལ། དེ་ཇི་ལྟར་ཉམས་སུ་ལེན་པའི་ཚུལ་ལ་སྦྱོར་དངོས་གཉིས་ལས།…

ཁོ་ན་ཉིད་ལ་བློ་བཞག་པ་དང་བཞི། དེ་དག་ལ་སྔོན་འགྲོ། དངོས་གཞི། རྗེས་གསུམ་ལས། དང་པོ་ནི། སྲོད་ཐུན་གྱི་རྣལ་འབྱོར་བསྡུས་ནས། སངས་རྒྱས་ཆོས་ཚོགས་ལྟ་བུའི་སྐྱབས་སེམས་མདོར་བསྡུས་དང་། བདག་གནས་རྣལ་འབྱོར་སྲུང་བའི་རིམ་པ་རྣམས་སྔར་ལྟར་བྱ། སྤྲོ་ན་རྨི་ལམ་ཟིན་པར་བླ་མ་ལ་གསོལ་བ་འདེབས་པ་སོགས་བྱ། གཉིས་པ་ནི། གཞོགས་གཡས་པ་ཕབ་སྟེ་…

འཁོར་བ་ཞིག་བསམས་ལ་སེམས་གཏད་པས་སེལ། དེས་ཀྱང་མ་སེལ་ན་ཐིག་ལེ་ནག་ཀྱང་གཡོན་འཁོར་སྔར་ལྟར་ལས་འོད་ཟེར་ནག་པོ་སོལ་བའི་ཕྱེ་ལྟ་བུ་ཐིབ་ཐིབ་བྱུང་ནས་རང་ལུས་ཐམས་ཅད་གཡོགས་པ་ལྟ་བུ་ལ་སེམས་གཏད་པས་སད་འབྱམས་དེ་གྲོལ་འགྲོ་ནའང་། འདིས་ཧ་ཅང་ཤེས་པ་བྱིང་བ་སོགས་སུ་འགྱུར་བས་དཔོགས་ཆོག་ལྟ་བུ་སྟེ་ཡེ་མ་ཟིན་ན་མ་གཏོགས་མི་བྱེད་པར་བླ་མ་ས…

ལས་གསུམ་སོགས་མང་པོར་སྒྱུར་ཏེ་སངས་རྒྱས་མཆོད་པ་དང་། ངན་སོང་དུ་ཕྱིན་ལ་སེམས་ཅན་གྱི་དོན་བྱེད་པ་སོགས་སུ་བསྒྱུར་རོ། །བཞི་པ་དེ་ཁོ་ན་ཉིད་ལ་བློ་བཞག་པ་ནི། རྩ་རྒྱུད་ལས། བདེན་མིན་རྫུན་མིན་ཐམས་ཅད་དུ། །ཐམས་ཅད་ཆུ་ཡི་ཟླ་བ་ལྟར། །ཐམས་ཅད་རྣལ་འབྱོར་མས་ཤེས་བྱ། །ཞེས་གསུངས་པ་ལྟར། བདེན་པ་མ་ཡིན་ཏེ་གཉིད་སད་པའི་རྗེས་སུ་དེ་དག་བ…

ལུས་ཀྱང་ཕ་མའི་འདུ་འཕྲོད་མེད་པའི་སྔོན་དུ་སྐྱེ་བ་རྒྱུས་སྟོང་། རྐྱེན་སྣ་ཚོགས་ཚོགས་པས་ད་ལྟ་ལུས་སུ་གྲུབ་པ་དེ་ཡུན་དུ་མི་གནས་པར་འཇིག་པས་ངོ་བོས་སྟོང་། མཐར་ཕུང་པོ་སྦྱངས་པའི་ཚེ་འདི་འདྲ་ཞིག་ཏུ་ཐིམ་བརྗོད་དུ་མེད་པས་མཐར་འབྲས་བུས་སྟོང་སྟེ། དེ་དངོས་སུ་ཉམས་སུ་མྱོང་བས་ན། བསྟོད་སྨད་བདེ་སྡུག་སོགས་ཐམས་ཅད་ལ་འཛིན་པ་སྤངས་ཏ…

དབང་གི་ལམ་ལ། སྦྱོར་དངོས་རྗེས་གསུམ། དང་པོ་ལ་ཁྱབ་བྱེད་ཀྱི་གདམས་ངག་དང་། ཁྱབ་བྱའི་གདམས་ངག་གཉིས་སམ། ཡང་ན་ཁྲིད་ཀྱི་སྔོན་འགྲོ་དང་། ཐུན་གྱི་སྔོན་འགྲོ་གཉིས། དང་པོ་ལ། དབང་ཞུ་བ། ལེན་པ། བསག་སྦྱང་གསུམ་ལས་ཕྱི་མ་སྔར་ལྟར་བྱེད། གཉིས་པ་ལ་སྦྱང་བ་གསུམ། སྒོམ་པ་གསུམ། གནད་ལ་དབབ་པ་གསུམ། དང་པོའི་གསུམ་གྱི་དང་པོ་ནི། ཡན་ལག་ལྔ་…

རྫོགས་རིམ་རླུང་གི་རྣལ་འབྱོར་དུ་གསུང་བ་ལ། རྣལ་འབྱོར་དབང་ཕྱུག་གིས་མན་ངག་བདུན་དུ་མཛད་དེ། སྲོག་རྩོལ་རྡོར་བཟླས་ཕྱིར་དབྱུང་བ་གསུམ། ནང་དུ་འཇུག་པ་མཉམ་གཞག་གཉིས། གནས་པ། ཁ་སྦྱོར་ཏེ་བདུན། གཏུམ་མོ་བཅོ་བརྒྱད། འཕྲུལ་འཁོར་འཕྲིན་ལས་སོ་གཉིས་དང་བཅས་པ་རྣམས་སུ་འདུས་པ་ལས། དང་པོ་སྲོག་རྩོལ་ནི། ཐོག་མར་གཡོན་ནས་རླུང་རྒྱུ་བའི་…

གི་རླུང་གཡོན་ནས་ནང་དུ་འཇུག་པ་དང་གནས་པ་རང་བབས་ཀྱིས་རིང་དུ་བཏང་། ཕྱིར་འགྲོ་བ་ཐུང་བར་བྱེད། དེས་ཚེ་སྒྲུབ་མཆོག་ཏུ་འགྱུར་ཞིང་མི་རྟག་པ་ཡང་རིམ་གྱིས་སྐྱེ། རྡོ་རྗེའི་བཟླས་པ་ནི། ཐོག་མའི་འབྱུང་འཇུག་གནས་གསུམ་གྱི་རླུང་གི་གདངས་འབྲུ་གསུམ་དུ་བསྒྱུར་ཞིང་ནང་འཇུག་ཨོཾ་ནས་འགོ་འཛིན་ནོ། །ཕྱིར་བཏང་གི་ཡན་ལག་གསུམ་ལས། དང་པོ་ནི…

སོ། །རླུང་ཕྱིར་དབྱུང་དྲགས་པའི་བགེགས་སེལ་ལམ་བོགས་འདོན་ནི། ལུས་ཐབས་འགལ་གྱིས་འཕྲུལ་འཁོར་བྱས། མིང་གཞན་མེ་ཏོག་དྲུག་བཅིངས་ཡང་ཟེར་རོ། །སྤྱི་བོ་ནས་རླུང་སྔོན་པོ་སྤོས་རེང་གི་དུད་པ་འདི་པ་ཐུར་དུ་སང་། འོག་སྒོ་ནས་ཁྲུ་གང་ཙམ་པ་ལ་སྔོ་ཁྱིལ་ལེ་ཡོད་པར་སེམས་གཏད་ནས་སྟེང་རླུང་ཅུང་ཟད་གནོན། ཡང་ནང་དུ་འཇུག་དྲགས་པའི་བོགས་འདོན་…

པ། ཚངས་པའི་ཐོག་རྩའི་རྣལ་འབྱོར། སྲུབས་ཤིང་གི་རྣལ་འབྱོར། ཐེག་ལེའི་རྣལ་འབྱོར་ལས། དེ་རེ་རེ་ལའང་། ལམ་སྦྱོང་བ། ལྟ་བ་སྐྱོང་བ། ཉམས་བྱུང་རྒྱལ་དུ་སྐྱོང་བ། ཐུན་གྲངས་མ་ངེས་པ། ཐུན་ཚད་མ་ངེས་པ། ཡིད་འཇུག་ཡུལ་བརྟག་པ། ཁམས་ཚོད་བཟུང་བ། ཟས་སྤྱོད་ལམ་ལྕག་གིས་བསྐུལ་བ་དང་བརྒྱད་ཀྱིས་བསྡུས་སོ། །ལྔ་པོའི་དང་པོ་ནི། རང་ལྷར་བསྒོམ།…

གསུམ་པ་ནི། འབྱུང་འཇུག་གནས་གསུམ་ལ་བརྟེན་ནས་རིམ་པ་བཞིན་རོ་རྐྱང་དབུ་གསུམ་གསལ་བཏབ། རོ་རྐྱང་གི་ཡ་མཐའ་སྨིན་མཚམས་ཀྱི་ཐད་ཙམ། དབུ་མ་སྤྱི་གཙུག །མར་སྣ་གསུམ་ཁ་གསང་གནས་ལ་ཐུག་པར་བསྒོམ། རྐྱང་མ་ནས་རླུང་འཇུག་པའི་ཚེ་ཨོཾ། དབུ་མའི་སྒོར་གནས་པའི་ཚེ་ཨཱཿ རོ་མ་ནས་འབྱུང་བའི་ཚེ་ཧཱུཾ་གི་རྡོར་བཟླས་བྱེད་དོ། །བཞི་པ་ནི། ལག་པས་པུས་…

གྲོལ་ནས་སྔར་གྱི་བྱུང་ཤུལ་དུ་རང་གནས་སུ་ཐིམ་མོ། །གསལ་བར་འདོད་ན། ལྟེ་བའི་དཔའ་བོ་འབའ་ཞིག་པ་ནི་ལྟེ་བར་ཐིག་ལེ་དཀར་པོ་སྲན་ཆུང་ཙམ་པ་འཚེར་བ་འགྲིལ་བ་གསལ་བ་སྟེ། ཆོས་གསུམ་ལྡན་བསྒོམ། རླུང་ཁ་ནས་སྒྲ་མེད་དུ་རྔུབས་དེ་ལ་ཐིམ་པར་བསམས་ཏེ། ཁ་སྦྱོར་དུ་འཛིན་ནོ། །བདེ་བ་བསྐྱེད་པར་འདོད་ན། གསང་གནས་བདེ་བའི་ཐིག་ལེ་ནི། རྟགས་ཀྱི་ན…

བརྟེན་པ་རྣོ། གཉིས་ལ་བརྟེན་པ་མྱུར། གསུམ་ལ་བརྟེན་པ་བརྟན་པའོ། །དང་པོ་ནི། ལྟེ་བའི་རྩ་འཁོར་ལོ་གསལ་བཏབ། འོག་སྒོའི་རླུང་དང་། སུམ་མདོའི་མེ་སྔར་ལྟར་བྱ། རྩ་འཁོར་གྱི་ལྟེ་བ་ཨེ། འདབ་མ་ནང་དུ་བརྒྱད་ལ་ཨ་ཀ་ཙ་ཊ་སོགས་ཡི་གེ་ཐམས་ཅད་དམར་པོར་བསྒོམ། འོག་རླུང་འཐེན་ཚུལ་སྔར་རྣམས་ལྟར་བྱས་པས། རླུང་གིས་མེ་སྤར། དེ་ལས་ཡི་གེ་རྣམས་ལ…

དང་། ཕྱི་མ་ལ་མདུན་ནས་གཡོན་སྐོར་དུ་ཨཱ་ལི་ཕྲག་གཉིས། གཡས་བསྐོར་དུ་ཧ་ཀྵ་སྤངས་པའི་ཀཱ་ལི་ཕྲག་གཅིག་མགོ་གྱེན་བསྟན། རྩ་ཡིག་ཐམས་ཅད་དམར་པོ། །སྙིང་གའི་རྩ་འདབ་བརྒྱད་ཀྱི་དབུས་སུ་ཧཱུཾ་འདབ་མ་བརྒྱད་ལ་མདུན་ནས་ཕྱོགས་བཞི་ལ་གཡས་སྐོར་གྱིས་བྷྲཱུཾ་ཨཾ་ཛི་ཁཾ། ཤར་ལྷོ་ནས་གཡོན་སྐོར་གྱིས་ལཾ་མཾ་པཾ་ཏཱཾ་མགོ་ཐུར་བསྟན་ཐམས་ཅད་སྔོན་པོ།…

མེད་ལ་འཛིན་མེད་དུ་འཇོག་གོ །མན་ངག་གི་གནད་ཀྱི་དམིགས་པ་བཅུ་ལས། གསུམ་སྔར་གྱི་ཐིག་ལེའི་གྲངས་བཞིའི་ནང་དུ་འཐོན་ནས། སླད་དུ་བདུན་ལས། མེ་དམར་སྐྱ་ནི་མེ་ཏོག་དྲུག་བཅིང་བྱས་ལ་སྐད་ཅིག་གིས་ལུས་ཀྱི་ནང་ཐམས་ཅད་མེ་དམར་སྐྱས་གང་བར་བསམ་ལ་བུམ་ཅན་བཟུང་ངོ་། བཤད་མ་ཐག་པའི་གཏུམ་མོ་འཐུག་པའི། མེ་སྐྱ་གཉིས་ལ་གྲངས་ཅན་གྲངས་མེད་བཅུ་གཉ…

ཀྱི་རྣམ་པ་མ་ཞིག་ཙམ་ནས་ལྕགས་བསྲེགས་ལྟ་བུར་བསམ་མོ། །ཐམས་ཅད་དུ་འབར་བ་ནི། གནས་ཁང་ནས་བརྩམས་ཏེ་སྣང་སྲིད་མེས་དམར་འུར་གྱིས་འབར་བར་བསྒོམ། བཅོ་བརྒྱད་པོ་ཐམས་ཅད་ཀྱི་མཇུག་ཏུ་ལྟ་བ་བསྐྱང་ངོ་། །དེ་ལྟར་ཉམས་སུ་བླངས་པས་ལྟ་བ་བཞི་འཆར་ཏེ། ལམ་བསྒོམ་པའི་སྟོབས་ཀྱིས་བྷ་གའི་ཡི་གེ་སོགས་སུ་རླུང་སེམས་འདུས་པའི་རྐྱེན་གྱིས་ཕྱི་རོལ་…

འབར། ཐིག་ལེ་མང་དུ་ཁ་འདུས། གྲུབ་མཐའ་མ་འདྲེས་ལ་ཡོངས་སུ་རྫོགས་པ་མཐར་ཕྱིན་པ་ནི། གང་ཟག་མཆོག་གི་ལམ་མོ། འདའ་ཀ་མ་འོང་གསལ་བ་ནི། སྦྱང་བ་བསྒོམ་པ་ལས་ལ་སྦྱར་བ་གསུམ་ལས། དང་པོ་ནི། རྩ་དབུ་མ་དམར་པོ་ཕྲ་སྦོམ་རན་པ་ཡར་སྣར་ཧཾ་ཐུར་བསྟན། མས་སྣ་ཨཾ་གྱེན་བསྟན་བསྒོམ། རྩོལ་བའི་རླུང་ཕྱིར་བུས་ཏེ་ནང་དུ་རྔུབ་པའི་ཚེ་ཨཾ་ནང་བྱུང་སྟེ་ཧ…

ལྟར་རང་བྱུང་གི་ཡེ་ཤེས་ཡིན་བསམ་པ་ཡང་ཡང་དུ་བསྒོམ་པར་བྱའོ། །རྗེས་ནི་དེ་དག་གི་ཁམས་འདུས་པ་དང་པོ་ཆོད། ནཱ་ཡི་གེའི་འགྲོས་ཐིམ། ཡི་གེ་གནས་འགྱུར། ལོངས་སྐུའི་གོ་འཕང་མངོན་དུ་བྱེད་དོ། །བདུན་པའི་ས་དེ་མངོན་དུ་གྱུར་བྱེད་པའི། །གསང་དབང་ལམ་གྱིས་བགྲོད་པའི་སྒྲོས་རྣམས་ཀུན། །འཁྲུལ་མེད་གདམས་པའི་གནད་ལྟར་བྲིས་པ་ན། །རྣལ་འབྱོར་…