སྡུད་ཀྱི་ཚུལ་ཁྲིམས་ནི་བྱང་སེམས་ཀྱི་ཚུལ་ཁྲིམས་དང་ལྡན་པས་ལུས་ངག་གི་དགེ་བ་བྱས་པ་རྣམས་ཡིན་ལ། དེ་ཡང་བསླབ་པ་གསུམ་དང་ཞིང་ཁྱད་པར་ཅན་བླ་མ་སོགས་ལ་རིམ་གྲོ་བྱེད་པ། དཀོན་ཅོག་གསུམ་ལ་བསྔགས་པ་བརྗོད་ཅིང་གཞན་གྱི་དགེ་བ་ལ་ཡི་རང་བའི་ཚིག་སྨྲ་བ། ཚུར་གནོད་པ་ལ་སྔོན་ལས་སུ་བལྟ་བ། དགེ་བ་རྣམས་བསྔོ་སྨོན་རྒྱས་འདེབས་པ། དཀོན་ཅོག་ལ་…

ཉེས་སྤྱོད་ལས་ལྡོག་པའི་ཐབས་སྟོན་པ་ལྟ་བུ་ཐབས་ལ་རྨོངས་པའི་དོན་བྱེད་པ། བསྙེན་བཀུར་སོགས་བྱེད་པ་ལྟ་བུ་ཕན་འདོགས་པས་དོན་བྱེད་པ། སེངྒེ་དང་སྟག་ལ་སོགས་པའི་གནོད་པ་ལས་སྐྱོབ་པ་ལྟ་བུ་འཇིགས་པས་ཉེན་པའི་དོན་བྱེད་པ། ཕ་མ་དང་བྲལ་བའམ་ཆོམ་རྐུན་གྱིས་ནོར་འཕྲོགས་པ་སོགས་མྱ་ངན་གྱིས་ཟིན་པ་ལ་མི་རྟག་པའི་གཏམ་གྱི་སྒོ་ནས་སེལ་བ་ལྟ་བུ…

འོང་། །དེ་ཕྱིར་གཞན་དོན་ལེགས་པར་བརྩོན་པ་ཡིས། །འདི་ལ་རིམ་གྲོ་གློད་པར་རིགས་མ་ཡིན། །ཞེས་དོན་གཉིས་སྒྲུབ་པ་ལ་ཚུལ་ཁྲིམས་འདི་རྩ་བ་ལྟ་བུར་གསུངས་པས། གཞན་གནོད་གཞི་བཅས་སྤོང་བའི་ཚུལ་ཁྲིམས་ལ་གོམས་པ་གོང་ནས་གོང་དུ་འཕེལ་བའི་ཐབས་བྱ་འཚལ་ལོ། །སྨྲས་པ། ཕུན་ཚོགས་དལ་འབྱོར་རྟེན་གྱི་སྐྱེད་ཚལ་དུ། །རྣམ་གསུམ་ཚུལ་ཁྲིམས་ཡོངས་འདུ་…

འགྲོ་བ་རྣམས་ལ་ཁོང་ཁྲོ་བ་ལ་སོགས་པ་འགོག་པའི་སེམས་ཀྱི་གོམས་པ་ཡོངས་སུ་རྫོགས་པ་དེ་བཟོད་པའི་ཕར་ཕྱིན་རྫོགས་པ་ཡིན་གྱི་སྐྱེ་རྒུ་མཐའ་དག་མི་སྲུན་པའི་བློ་དང་འབྲལ་མི་དགོས་པ་ཡིན་པས། ཞི་བ་ལྷས། བསྐལ་པ་སྟོང་དུ་བསགས་པ་ཡི། །སྦྱིན་དང་བདེ་གཤེགས་མཆོད་ལ་སོགས། །ལེགས་སྤྱད་གང་ཡིན་དེ་ཀུན་ཀྱང་། ཁོང་ཁྲོ་གཅིག་གིས་འཇོམས་པར་བྱེད། …

ཏེ། ཐོག་མར་གནོད་བྱེད་ཀྱིས་གནོད་པ་བྱེད་བཞིན་པ་ཡིན་ན་དང་མིན་ན་སྔར་བྱས་པ་ཞིག་གསལ་བཏབ་ནས་ཞེ་སྡང་དམར་ལམ་པ་སྐྱེས་བྱུང་བའི་ཚེ་དེའི་ངོ་བོ་ལ་བལྟས་ནས། སྤྱོད་འཇུག་ལས། གང་ཚེ་ཉོན་མོངས་དབང་གྱུར་པས། །བདག་སྡུག་ཉིད་ཀྱང་གསོད་བྱེད་པ། །དེ་ཚེ་དེ་དག་གཞན་ལུས་ལ། །གནོད་མི་བྱེད་པར་ཇི་ལྟར་འགྱུར། ཞེས་དཔེར་ན་ལ་ལ་གཞན་ལ་མི་དགའ་བའ…

ཞེ་སྡང་གིས་རྦད་པས་གང་ཟག་དེས་བྱས་པ་ཅི་ཞིག་ཡོད། གནོད་པ་བྱེད་པའི་རྩ་བའི་རྒྱུ་ལ་ཁྲོ་ན། རང་གིས་སྔོན་ཆད་གཞན་ལ་གནོད་པ་འདི་ལྟ་བུ་བྱས་པ་ལས་བྱུང་བའི་ཚུལ་སྤྱོད་འཇུག་ལས། བདག་གིས་སྔོན་ཆད་སེམས་ཅན་ལ། །འདི་འདྲ་བ་ཡི་གནོད་པ་བྱས། །དེ་བས་སེམས་ཅན་འཚེ་བྱེད་པ། །བདག་ལ་གནོད་པ་འདི་འབྱུང་རིགས། །ཞེས་སོ། །དེར་མ་ཟད་བདག་ལ་གནོད་བྱ…

ཕྲག་དོག་བྱེད་པའི་ཉེས་པ་དུ་མ་བསྐྱེད་ལ། སྙན་གྲགས་ཉམས་པའི་རྒྱུར་སོང་ནས་དེས་གནས་སྐབས་གཞན་རྐྱེན་གྱི་འཚེ་བ་དང་མཐར་ཐུག་གཡེང་བ་མེད་པས་བྱང་ཆུབ་བསྒྲུབས་ཏེ་བདེ་བ་མང་པོ་ཞིག་འཕེལ་བར་འདུག་པ་དེ་སངས་རྒྱས་ཀྱི་བྱིན་རླབས་ཡིན་སྙམ་དུ་དགའ་བ་སྒོམ་པ་དང་། མཚོན་ལྟ་བུ་ཕོག་ན་སེམས་ལ་མ་གནོད་ཀྱང་ལུས་ལ་ཅུང་ཟད་གནོད་མོད་ངན་སྨྲས་སོགས…

བྱས་པས་དགོས་ནུས་མེད་ཅིང་། བཅོས་སུ་ཡོད་ན་བཅོས་པས་ཆོག་པས་མི་དགའ་བ་བྱ་ཡང་མི་དགོས་ལ། ད་ལྟ་མི་འདོད་པའི་སྡུག་བསྔལ་འབབ་པ་འདི་ཚེ་སྔོན་མ་མི་དགེ་བ་བྱས་པའི་འབྲས་བུ་ཡིན་པས་ཚེ་འདིར་སྡུག་བསྔལ་གྱི་ཚོར་བ་འདི་ལྟ་བུ་ཞིག་མ་མྱོང་ན་བླང་དོར་མི་འགྲུབ་པར་འཁོར་བའི་འཁོར་ལོ་འཁོར་བ་ཁོ་ནར་ཟད། ད་རེས་སྡུག་བསྔལ་འདིས་རྐྱེན་བྱས་ནས་འ…

སོགས་སྤངས་པ་འཕྲལ་གྱི་བྱ་བ་ལ་བརྟེན་པའི་སྡུག་བསྔལ་རྣམས་དངོས་སུ་དང་དུ་ལེན་ཞིང་མི་ནུས་པ་རྣམས་ཀྱང་དང་དུ་ལེན་པ་ལ་ཡིད་ཀྱི་གོམས་པ་ནན་ཏན་དུ་བྱས་པས། སྤྱོད་འཇུག་ལས། གོམས་ན་སླ་བར་མི་འགྱུར་པའི། །དངོས་དེ་གང་ཡང་ཡོད་མ་ཡིན། །དེ་བས་གནོད་པ་ཆུང་གོམས་པས། །གནོད་པ་ཆེན་པོའང་བཟོད་པར་བྱ། །ཞེས་རིམ་གྱིས་གོམས་ན་མཐར་གང་ལའང་ཇི་མི…

འགྲུས་མཆོག །འདི་ལྟར་དེ་ལ་བརྟེན་ནས་དེ་རྗེས་འཐོབ། །བརྩོན་འགྲུས་ཀྱིས་ནི་མོད་ལ་བདེ་གནས་མཆོག །དངོས་གྲུབ་འཇིག་རྟེན་འདས་དང་འཇིག་རྟེན་གཏོགས། །བརྩོན་འགྲུས་ཀྱིས་ནི་སྲིད་སྤྱོད་འདོད་པ་འཐོབ། །བརྩོན་འགྲུས་ཀྱིས་ནི་དག་པ་རབ་འགྱུར་ལྡན། །བརྩོན་འགྲུས་ཀྱིས་ནི་འཇིག་ཚོགས་འདས་ན་འགྲོ། །བརྩོན་འགྲུས་ཀྱིས་ནི་བྱང་ཆུབ་མཆོག་འཚང་ར…

མར་ཟན་ཁམ་གཅིག་ལས་བརྩམས་ནས་བསམ་སྦྱོར་གཉིས་ཀས་སྦྱིན་པ་ལ་གོམས་པར་བྱས་པས་མཐར་ལུས་དང་མགོ་བོ་གཏོང་བ་ལ་ཡང་ཞུམ་པ་མེད་པར་བྱུང་ཚུལ་བཞིན་འདིར་ཡང་ཐོག་མར་བདག་གིས་སྔ་དྲོ་འདིའི་ཡུན་གྱི་བར་དགེ་བའི་བྱ་བ་འདི་ཙམ་ཞིག་བྱེད་སྙམ་དུ་བསམ་པ་དང་། བསམས་པ་བཞིན་དུ་སྦྱིན་སོགས་ཀྱི་དགེ་བ་གང་ཡིན་པ་དེ་ལ་བརྩོན་འགྲུས་ཆེན་པོས་འབད་ཅིང་། …

བཤད་པས། ལུས་ཀྱི་སྤྱོད་ལམ་རླུང་འོང་ས་དང་གོས་སྲབ་ཏུ་གཏོང་བ་ཁམས་གསེང་བ་ཡང་བྱེད་ཅིང་དམིགས་པ་ནི་རྒན་གཞོན་མེད་པར་ཤི་བ་མིག་གིས་མཐོང་བ་བཞིན་བདག་ཀྱང་མྱུར་དུ་འཆི། ཤི་བའི་འོག་ཏུ་རྟེན་བཟང་འདི་འདྲ་རྙེད་པ་དཀའ་སྙམ་དུ་བསམ་པས་སྐོམ་འཐུང་བའི་ལོངས་ཡང་མེད་པ་ལྟ་བུའི་ཤེས་པ་ཙབ་ལིང་ངེ་བ་ཞིག་མ་སྐྱེས་བར་བསྒོམ། ད་དུང་གཉེན་པོ་མ…

མི་འཐོབ། །ཅེས་ཡོན་ཏན་ཁྱད་པར་དང་ལྡན་པའི་བཅོམ་ལྡན་འདས་དེས་སེམས་ཅན་ཐམས་ཅད་སངས་རྒྱས་འཐོབ་པར་གསུངས་ན་བདག་ཅིའི་ཕྱིར་སངས་རྒྱས་ཐོབ་པར་མི་འགྱུར་སྙམ་གཟེངས་བསྟོད་པའི་ཚུལ་གྱིས་བསྒོམ། སངས་རྒྱས་ཐོབ་པར་འགྱུར་སྙམ་པའི་གཟེངས་བསྟོད་ཀྱང་རྐང་ལག་ལ་སོགས་པའི་ལུས་གཏོང་བ་ཞིག་མི་ནུས་སོ་སྙམ་ན། སྤྱོད་འཇུག་ལས། གསོ་དཔྱད་ཕལ་བ་འདི་…

སྡུད་ནི་དཀོན་ཅོག་མཆོད་པ་སོགས་ལ་བརྩོན་པ་དང་། སེམས་ཅན་དོན་བྱེད་ནི་གཞན་གྱི་ནོར་རྐུན་པོས་མི་འཁྱེར་བའི་ཐབས་སྟོན་པ་ལ་བརྩོན་པ་སོགས་ཚུལ་ཁྲིམས་ཀྱི་སྐབས་ལྟར་ལ་མི་འདྲ་བའི་ཁྱད་པར་སྐབས་ཐོབ་ཕྱེ་སྟེ་དམིགས་པ་བསྐྱང་ངོ་། བཤད་མ་ཐག་པའི་ཡོན་ཏན་དེ་དག་ཀྱང་སྣ་རེ་ཙམ་སྐྱེས་པ་ལ་ཆོག་མི་ཤེས་པར་རྒྱལ་སྲས་ཀྱི་སྤྱོད་པ་ལ་བསླབ་པ་དང་མ…

བྱེད་པའི་བློ་ངན་འདི་ཀོ་ནོར། །ལོང་མེད་ཚེ་འདིའི་སྣང་ཚུལ་ཤེས་བཞིན་དུ། །གཏན་གྱི་བདེ་བ་སྒྲུབ་པའི་དམ་ཆོས་ལ། །ཞག་འཕུལ་ཉིན་འཕུལ་མེད་པར་བརྩོན་པའི་ལྕག །བྲབས་ན་ཐར་པའི་གླིང་དེར་བགྲོད་པར་ངེས། །ཞེས་བྱ་བ་ནི་བར་སྐབས་ཀྱི་ཚིགས་སུ་བཅད་པའོ། །ལྔ་པ་ལ་བསམ་གཏན་གྱི་ཕར་ཕྱིན་ནི་སྤྱོད་འཇུག་ལས། །དེ་ལྟར་བརྩོན་འགྲུས་བསྐྱེད་ནས་ནི།…

གི་འདོགས་ཕྱོགས་རྣམ་གྲངས་མང་བ་མཐའ་དག་དོན་ཞི་ལྷག་གཉིས་སུ་མ་འདུས་པ་མེད་ཅིང་། ཞི་གནས་ནི་དམིགས་པ་གཅིག་ལ་དྲན་ཤེས་རྒྱུན་ཆགས་སུ་གཏད་པས་སེམས་དམིགས་པ་ལ་ངང་གིས་གནས་ཏེ་ལུས་སེམས་ཤིན་སྦྱངས་ཀྱི་དགའ་བདེ་སྐྱེས་པ་ན་ཏིང་ངེ་འཛིན་ཁྱད་པར་ཅན་དུ་འགྱུར་བའི་ཕྱིར་ན་ཤེས་རབ་ཀྱིས་མཚན་འཛིན་གྱི་འཆིང་བ་གཅོད་པར་བྱེད་པ་ལ་ཡང་ཟླ་བ་སྒྲོ…

ཉོན་མོངས་རྣམ་པར་འཇོམས་པར་ཤེས་བྱས་ཏེ། །ཐོག་མར་ཞི་གནས་བཙལ་བྱ། །ཞེས་བདག་འཛིན་གྱི་རྩ་བ་ཆོད་པར་བྱེད་པ་ལ་བདག་མེད་རྟོགས་པའི་ཤེས་རབ་སྒོམ་དགོས། དེའི་སྔོན་དུ་ཞི་གནས་སྒོམ་པ་ལ། མདོ་སྡེ་རྒྱན་ལས། བློ་ལྡན་གང་དུ་བསྒྲུབ་པའི་ཡུལ ། ལེགས་པར་རྙེད་དང་གནས་བཟང་དང་། །ས་བཟང་པ་དང་གྲོགས་བཟང་དང་། །རྣལ་འབྱོར་བདེ་བའི་ཡོ་བྱད་ལྡན། …

བ་ལྟ་བུ་རྣམས་དཔྱད་པ་རྣམ་སྦྱོང་གི་དམིགས་པ། གཟུགས་ལ་སོགས་པའི་ཕུང་པོ་ལྔ་དང་མིག་ལ་སོགས་པའི་ཁམས་བཅོ་བརྒྱད་དང་། སྐྱེ་མཆེེད་བཅུ་གཉིས་དང་། རྟེན་འབྲེལ་ཡན་ལག་བཅུ་གཉིས་དང་། དགེ་མི་དགེའི་ལས་འབྲས་ཀྱི་རྒྱུ་རྐྱེན་ལ་དམིགས་པ་ལྟ་བུ་རྣམས་མཁས་པའི་དམིགས་པ། འདོད་པའི་ས་ནས་ཅི་ཡང་མེད་པའི་སྐྱེ་མཆེད་ཀྱི་བར་གྱི་གོང་མ་ལ་ཞི་བ་དང…

བཅོས་ཁོ་ནས་ཆོག་ལ་ཚད་རླུང་འདྲེས་མ་ཡིན་ན་ཚ་བའི་སྨན་སྟེང་དུ་རླུང་གི་སྨན་གྱི་ཁ་ཚར་བསྣན་དགོས་པ་བཞིན་ནོ། །ལ་ལ་དག་མདོ་ལས་ཏིང་ངེ་འཛིན་གྱི་དམིགས་པ་བཞིར་གསུངས་པས་ན་དམིགས་པ་དེ་དག་ཐམས་ཅད་སྒོམ་དགོས་སོ་སྙམ་པའི་ལོག་རྟོག་སྐྱེ་སྲིད་མོད། དེ་ལྟར་བྱས་ན་སེམས་གནས་པའི་གྲོགས་སུ་མི་འགྱུར་བར་མ་ཟད་གཡེང་བའི་རྒྱུ་བྱེད་པས་དཔལ་ལྡ…

འདུ་བྱེད་བརྒྱད། །བསྟེན་པའི་རྒྱུ་ལས་བྱུང་བའོ། ལེ་ལོ་དང་ནི་གདམས་ངག་རྣམས། །བརྗེད་དང་བྱིང་དང་རྒོད་པ་དང་། །འདུ་མི་བྱེད་དང་འདུ་བྱེད་དེ། །འདི་དག་ཉེས་པ་ལྔར་འདོད་དོ། །ཞེས་ཞི་གནས་སྒོམ་པ་ལ་མི་སྤྲོ་ཞིང་དེའི་མི་མཐུན་ཕྱོགས་ལ་དགའ་བ་ནི་ལེ་ལོ། གང་དམིགས་པར་བྱ་བའི་ཡུལ་མི་གསལ་བར་དམིགས་པ་སྟོར་པ་ནི་བརྗོད་པ། དམིགས་པ་མ་བརྗ…