སྣོད་ཀྱི་འཇིག་རྟེན་ང་བཅུད་ཀྱི་སེམས་ཅན་བྱུང་ཚུལ་མངོན་པ་གོང་འོག་ནས་བཤད་པ་རྣམས་འདིར་བཞུགས་ཀུན་གྱི་ཐུགས་ལ་གསལ་བས་ཞུ་མི་འཚལ། དཔལ་དུས་ཀྱི་འཁོར་ལོ་སོགས་རྒྱུད་སྡེ་གཞན་ནས་འབྱུང་བ་རྣམས་གླེང་བར་སྐབས་དེ་ལགས། གཉིས་པ་འཕགས་ཡུལ་དུ་དར་ཚུལ་ནི། གྲགས་ཅན་གྱི་བསྐལ་པ་འདི་ལ་སངས་རྒྱས་སྟོང་བྱོན་ཞིང་། དེ་དག་གི་ནང་ནས་མཆོག་ཏུ་ག…

དབྱངས་ཅན་མགྲིན་པར་ཆགས་པ་དཔལ་ལྡན་དཔའ་བོ། ཤེས་བྱ་ཐམས་ཅད་མཁྱེན་པ་རིན་ཆེན་འབྱུང་གནས་སོགས། འཕགས་ཡུལ་ཤེལ་གྱི་ཁང་པའི་རྩིག་ངོས་ལ་ཐུབ་བསྟན་གཟུགས་བརྙན་གྲངས་མེད་འཆར་བར་བྱེད་པའི་མཁས་མཆོག་འཆི་བ་མེད་པའི་བདག་པོ་རྣམས་བཀའ་དྲིན་ཆེ། གསུམ་པ་བོད་ཀྱི་བྱུང་ཚུལ་ལ། ལྷ་ལས་ཕུལ་བྱུང་གི་བསྟོད་པ་ལས། རྒྱལ་པོ་རུ་པ་ཏི་དཔུང་བཅས་རི་ཁ…

གི་ཕྱོགས་ལ་བརྟེན་ནས་ནི། །དེ་ཡི་ཚེ་ན་འབྱུང་བར་འགྱུར། །ལྷ་ལྡན་ཡུལ་ཞེས་བྱ་བ་ཡི། །གངས་ཅན་རི་ཡི་ནང་གནས་པའི། །རྒྱལ་པོ་མི་ཡི་ལྷ་ཞེས་པ། །ལིཙྪ་བྱི་རྣམས་རིགས་སུ་འབྱུང་། །ཞེས་ལུང་བསྟན་པ། མཆོག་དམན་སྐྱེ་བོའི་ཁམས་ཀྱི་སྲད་བུ་དག །དགེ་བཅུའི་ཁྲིམས་ཀྱི་ཐགས་སུ་བྱས་པའི་དར། །ལས་བཟང་འབྲས་བུའི་ཁ་དོག་རབ་བཀྲ་བའི། །བྱེད་པོ་སྲ…

དཀར་པོར་མཛད་པས་བཀའ་དྲིན་ཆེ། དམར་སེར་སྐྲ་ཡི་ལན་ཚར་མི་ལྡན་ཞིང་། །རྣོ་ངར་རྡོ་རྗེའི་མཚོན་ཆ་མ་བཟུང་བར། །རྒྱལ་བའི་གསང་གསུམ་ཀུན་གྱི་བདག་པོ་མཆོག །མངའ་བདག་དམ་པའི་རྣམ་ཐར་སྙིང་ལ་འབབ། །ཅེས་པའི་བསྟོད་ཡུལ་དུ་གྱུར་པ། དཔལ་གསང་བའི་བདག་པོའི་རྣམ་འཕྲུལ་མངའ་བདག་རལ་པ་ཅན་གྱིས་ལོ་ཙཱ་བ་ཀ་ཅོག་ཞང་གསུམ་སོགས་པཎ་གྲུབ་དུ་མ་ལ་བརྟེ…

དབང་ཕྱུག་རྔོག་ལོ་ཙཱ་བ་བློ་ལྡན་ཤེས་རབ། ཆ་པ་ཆོས་ཀྱི་སེང་གེ་སོགས་བཀའ་དྲིན་ཆེ། འཆི་མེད་ལྷ་ཡི་དབང་གཞུའི་ལྡིང་ཁང་ནས། བདེ་བར་བབས་པའི་འཇམ་དབྱངས་འཁོན་གྱི་རིགས། །མཁས་གྲུབ་ཡོངས་ཀྱི་འཁོར་ལོས་སྒྱུར་བའི་དཔལ། །ས་སྐྱ་པ་ཞེས་སྙན་པའི་གྲགས་འབར་རྒྱལ། །ཅེས་པའི་བསྟོད་ཡུལ་དུ་གྱུར་པ། ལུགས་གཉིས་ཀྱི་ཆོས་སྲིད་ཀྱིས་མངོན་པར་མཐོ་…

བརྟན་པ། མཆོག་ལྡན་ལེགས་པའི་བློ་གྲོས། ལོ་ཆེན་བྱང་ཆུབ་རྩེ་མོ། ཐམས་ཅད་མཁྱེན་པ་བུ་སྟོན་ཆོས་རྗེ། རྗེ་བཙུན་དམ་པ་གཞོན་ནུ་བློ་གྲོས། མཁས་པའི་དབང་པོ་སྟག་ཆང་ལོ་ཙཱ་བ། ཐམས་ཅད་མཁྱེན་པ་ཆོས་སྐྱོང་བཟང་པོ་སོགས་མཁས་པ་རིས་བྲལ་གྱི་སྐྱེས་བུ་རྣམས་བཀའ་དྲིན་ཆེ། ཆོས་སྲིད་ནོར་བུའི་ཡུ་བས་ཆེར་བཏེག་པའི། །རྨད་བྱུང་རྫོགས་ལྡན་གསར་པའ…

རྒྱལ་ཚབ་དར་མ་རིན་ཆེན། མཁས་གྲུབ་ཆེན་པོ་དགེ་ལེགས་དཔལ་བཟང་། མཐུ་སྟོབས་དབང་ཕྱུག་ལེགས་པ་རྒྱལ་མཚན། མཁྱེན་བརྩེའི་བདག་ཉིད་བློ་གྲོས་ཆོས་སྐྱོང་། ཐུབ་བསྟན་གསལ་མཛད་ཆོས་ཀྱི་རྒྱལ་མཚན། མང་ཐོས་དབང་པོ་བློ་གྲོས་བརྟན་པ། ཀུན་མཁྱེན་གཉིས་པ་སྨོན་ལམ་དཔལ་བ་སྟེ་འཇམ་དབྱངས་བདུན་རྒྱུད་དང་། གཞུང་ལུགས་རབ་འབྱམས་སྨྲ་བའི་མངའ་བདག་ཐམས…

ཕྱེ་བའི། །ཕྱོགས་ལས་རྣམ་པར་རྒྱལ་བའི་ཕོ་བྲང་ཆེ། །ཆོས་སྲིད་གཉིས་འབྲེལ་འཁོར་ལོས་འཛམ་གླིང་ལ། །དབང་སྒྱུར་མཆོད་ཡོན་ཉི་ཟླ་ཟུང་གཅིག་རྒྱལ། །ཅེས་པའི་བསྟོད་ཡུལ་དུ་གྱུར་པ། རྣམ་པར་དཀར་བའི་ཐིགས་པ་འབུམ་དུ་འཛག་པའི་ལེགས་བྱས་ཀྱི་དཔུང་པས། བརྟན་གཡོའི་དགེ་ལེགས་ཐམས་ཅད་རང་བྱོན་དུ་ལྷུན་གྱིས་གྲུབ་བའི་དགའ་ལྡན་ཕྱོགས་ཐམས་ཅད་ལས་…

དྲག་ཅན་གྱིས་འཕྲོག་མིན་ཞིང་། །ཕྱུག་པོའི་ནོར་གྱིས་ཁུགས་པར་མི་ནུས་པའི། །ཤེས་བྱའི་གནས་ལུགས་མཐོང་ཚེ་ཁོང་ནས་འཛུམ། །འཆོར་བར་བྱེད་པའི་ཤེས་རབ་འདི་རྨད་བྱུང་། །ཞེས་པའི་བསྟོད་ཡུལ་དུ་གྱུར་པ། གཏི་མུག་ཆུ་འཛིན་གྱི་ཕྲེང་བས་རིང་དུ་བསྒྲིབས་ན་ནི། །མཁས་པའི་གསུང་གི་ཚ་ཟེར་ཇི་སྙེད་ཅིག་སྤྲོས་ཀྱང་། །ཐོས་བསམ་སྒོམ་པའི་པདྨོ་བཞད…

རིང་། །ཞེས་གསུངས་པ་ལྟར། ལུང་སྡེ་སྣོད་གསུམ་དགོངས་འགྲེལ་དང་བཅས་པ་ལ་མཁས་པར་སྦྱངས། ཁྱད་པར་དུ་ཡང་། རྒྱལ་བ་ཙོང་ཁ་པ་ཆེན་པོས། ཚད་མའི་སྟོབས་ཀྱིས་ཐེ་ཚོམ་མ་ཆོད་ཕྱིར། །འདམ་ལ་བཏབ་པའི་ཕུར་པ་བཞིན་འགྱུར་བས། །ཞེས་གསུངས་པ་ལྟར། སྨྲ་བའི་དབང་ཕྱུག་ཕྱོགས་གླང་ཡབ་སྲས་ཀྱི་གཞུང་ལུགས་ལ་ལེགས་པར་སྦྱངས་ཏེ་རིགས་པས་གཏན་ལ་འབེབས། རྗེ…

འདུན། བསམ་པ་མར་གྱུར་པའི་འགྲོ་བ་རྣམས་ཀྱི་དོན་དུ་སངས་རྒྱས་འཐོབ་འདོད། དངོས་པོ་ཁ་ན་མ་ཐོ་བས་དབེན་པ་སྟེ་གསུམ་པོ་འདི་གཙོ་བོར་གྱུར་པ་ཡིན་པས་ཕལ་པོ་ཆེ་ལས། འགྲོ་ཀུན་དགེ་བ་ཇི་སྙེད་ཡོད་པ་དང་། །བྱས་དང་བྱེད་འགྱུར་དེ་བཞིན་བྱེད་པ་དང་། །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ནས་ཀུན་ཀྱང་བཟང་པོར་རེག་གྱུར་ཅིག །ཅེས་གསུངས་པ…

བསྔོ་སྨོན་གྱིས་རྒྱས་འདེབས་པ་ལ་འདུས་པ་རྒྱ་མཚོའི་ཚོགས་ཀྱིས་མཐུན་འགྱུར་གནང་བ་ཞུ། སྨྲས་པ། ནོར་འཛིན་བུ་མོ་ཁུར་གྱིས་ངལ་བྱེད་པའི། །གྲངས་མེད་ནོར་གྱིས་བསྒྲུན་མིན་ལེགས་བཤད་གཏམ། སྨྲ་བའི་བརྟུལ་ཞུགས་འདི་ཀོ་བླ་མའི་དྲིན། །བསམས་ཀྱིན་ལག་པའི་པདྨོ་སྙིང་གར་ཟུམ། །དེང་སང་ཁ་བས་བསྐོར་བའི་བོད་ཡུལ་ན། །བརྗོད་དོན་ལྡན་རྣམས་རྗོད…

ཧོར་རྒྱི་བཙུན་པ་ངག་གི་དབང་ཕྱུག་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་སྦྱར་བའོ། །མེ་ཕག་ཟླ་བ་གསུམ་པའི་ཚེས་བཅུ་ལ་གནང་། དགེ་ལེགས་ཕན་དང་བདེ་བའི་ཆུ་གཏེར་ཆེན་པོ་ཟད་མི་ཤེས་པའི་འབྱུང་གནས། བྱོན་དང་བཞུགས་ཤིང་འབྱུང་འགྱུར་གྱི་མཉམ་མེད་སྟོབས་བཅུ་མངའ་བ་སྲས་བཅས་ཉན་རང་གི་ཚོགས་རྣམས་ཀྱིས། དངོས་སུ་དགེ་བའི་བདོག་པ་བསྐྲུན་པ…

དོར་བྱའི་གནས་ལ་ཆེས་ཆེར་རྨོངས་པ་རྣམས་ཀྱི་ཐར་པའི་ས་མཁན་དུ་བསམས་བཞིན་མིའི་སྲིད་པའི་ཟློས་གར་གྱིས་བཤེས་གཉེན་དམ་པའི་གཟུགས་སུ་བྱོན་ཏེ། ཐུབ་བསྟན་རིན་པོ་ཆེ་བཤད་སྒྲུབ་ཀྱི་ཕྲག་པར་ཁྱོགས་ལ་བླངས་ནས་འཛིན་པའི་སྐྱེས་བུ་རྣམས་ཀྱི་སྐུ་ཚེ་མཛད་འཕྲིན་ཐམས་ཅད་རྒྱས་པར་གྱུར་ཅིག །གང་ཞིག་དང་པོར་མང་དུ་ཐོས་ཤིང་དེའི་དོན་ཚུལ་བཞིན་ད…

ཕྱོགས་ཐམས་ཅད་ཉེ་བར་ཞི་ཞིང་ལེགས་པའི་ཡོན་ཏན་ཐམས་ཅད་གོང་ནས་གོང་དུ་འཕེལ་བར་གྱུར་ཅིག །གཞན་ཡང་ལས་དང་ཉོན་མོངས་པའི་རྦ་ཀློང་དྲག་པོས་སྐྱེ་རྒ་ན་འཆིའི་སྡུག་བསྔལ་གྱི་རྒྱ་མཚོ་ཆེན་པོར་ལྷུང་སྟེ་སྡུག་བསྔལ་གསུམ་གྱི་ཆུ་སྲིན་ན་ཀྲའི་ལྟོ་བར་ཆུད་པའི་འགྲོ་བ་འདི་དག་ཟག་བཅས་འཁོར་བའི་སྡུག་བསྔལ་ལས་མངོན་པར་ཐར་ཏེ། ཐར་པ་མྱ་ངན་ལས་འ…

བསྟར་བས་ཟུང་འཇུག་དབང་གི་རྒྱལ་པོའི་ཟ་མ་ཏོག་མངོན་དུ་བྱས་ཏེ་སྐྱེ་དགུ་མཐའ་དག་ལ་དངོས་གྲུབ་རྒྱ་མཚོའི་དགའ་སྟོན་རྒྱུན་མི་འཆད་དུ་སྤེལ་བ་དང་མི་འབྲལ་བར་གྱུར་ཅིག །བྱམས་ཆེན་བླ་མའི་ངོར་བྲིས། གྲངས་མེད་པའི་དུས་གསུམ་རྒྱལ་བ་སྲས་དང་བཅས་པའི་ཞིང་ཁམས་ན་བཞུགས་པའི་རྣམ་འདྲེན་སྟོབས་བཅུ་མངའ་བ་ཐེག་པ་གསུམ་གྱི་སྲས་དང་སློབ་མར་བཅས…

མཉམ་མེད་ཇོ་བོ་ཆེན་པོ་ཨ་ཏི་ཤ འབྲོམ་སྟོན་ཆོས་ཀྱི་རྒྱལ་པོ་རྒྱལ་བའི་འབྱུང་གནས། ཁམས་གསུམ་ཆོས་ཀྱི་རྒྱལ་པོ་བློ་བཟང་གྲགས་པ་ཡབ་སྲས་རྣམས་ཀྱི་ཐུགས་ཀྱི་དགོངས་པ་གོང་ནས་གོང་དུ་ཡོངས་སུ་རྫོགས་པར་གྱུར་ཅིག །ཐུབ་པའི་བསྟན་པ་འདི་ཉིད་འཁོར་ལོ་གསུམ་གྱི་སྒོ་ནས་འཕེལ་ཞིང་རྒྱས་པར་མཛད་པའི་དཔལ་ལྡན་བླ་མ་དམ་པ་རྣམས་ཀྱི་སྐུ་ཚེ། མཛད་…

ཅིག །རང་ཉིད་ཞི་བའི་གོ་འཕང་ཐོབ་ཀྱང་སེམས་ཅན་ཐམས་ཅད་ཀྱི་དོན་སྒྲུབ་མི་ནུས་པ་མཐོང་ནས། དོན་གཉིས་ལྷུན་གྲུབ་སངས་རྒྱས་ཀྱི་ས་བརྙེས་པའི་ཆེད་དུ་སྦྱིན་སོགས་ཕར་ཕྱིན་དྲུག་ལ་སློབ་པའི་རྒྱལ་སྲས་ཀྱི་སྤྱོད་པ་ལ་ཞུམ་པ་མེད་པར་འཇུག་པར་གྱུར་ཅིག །སྦྱིན་པའི་བདག་པོ་ཞལ་བཞུགས་རྣམས་ཀྱི་གནས་སྐབས་སུ་ནད་གདོན་བར་ཆད་ཐམས་ཅད་ཞི་ཞིང་མཐར་…

སློབ་མར་བཅས་པའི་ཚོགས་དེང་འདིར་སྦྱིན་པའི་བདག་པོ་འཁོར་བཅས་ལ་དགོངས་སུ་གསོལ། དངོས་སུ་སྤེལ་བའི་དགེ་བའི་རྩ་བ་དག་གིས་ཉེ་བར་མཚོན་པའི་རང་གཞན་རྣམས་ཀྱི་བྱས་དང་བྱེད་འགྱུར་བྱེད་བཞིན་པའི་དགེ་བའི་ཚོགས་རྣམས་ཀྱི་མཐུ་ལ་བརྟེན་ནས་མཉམ་མེད་རྒྱལ་བའི་བསྟན་པ་དར་ཤིང་། སྐྱེ་དགུ་མཐའ་དག་བདེ་སྐྱིད་ཀྱི་བགོ་སྐལ་ལ་སྤྱོད་པར་གྱུར་ཅིག…

པུའི་དོན་སྒྲུབ་པ་དམན་པའི་ལམ་དུ་ཤེས་ནས་ཕྱིན་དྲུག་གི་ཉམས་ལེན་ལ་རིང་དུ་འབད་པས་ས་བཅུ་ལམ་ལྔ་རིམ་གྱིས་འགྲོད་དེ་འཚང་རྒྱ་བར་གྱུར་ཅིག །སྦྱིན་པའི་བདག་པོ་རྣམས་ཀྱི་ཕྱི་དང་ནང་གི་ཉེར་འཚེ་མ་ལུས་པ་དག་ནས། གནས་སྐབས་དང་མཐར་ཐུག་གི་བདེ་སྐྱིད་ཀྱི་དཔལ་ལ་སྤྱོད་པར་གྱུར་ཅིག །དཔལ་ལྡན་ཆོས་སྐྱོང་བསྲུང་མའི་ཚོགས་ཐམས་ཅད་ཀྱིས་དུས་ཀ…