རྣམ་རྫོགས་སྦྱོར་བ་མཚོན་བྱེད་ཀྱི་ཆོས་བཅུ་གཅིག་རྒྱས་པར་བཤད་པ། རྣམ་དཔྱོད་དབྱར་སྐྱེས་གཞོན་ནུའི་ལང་ཚོ་འགྲོ་ལ་ངོམས་པའི་སྒྱུ་འཕྲུལ་གྱིས། །མཐོན་མཐིང་ཟུར་ཕུད་ལོ་འདབ་བསྐྱོད་ལས་ཅུང་ཟད་གཡོན་དུ་ལེགས་འཕྱང་ཞིང་། །མཚན་དཔེའི་རང་སྣང་མཚམས་སྤྲིན་མཛེས་མས་མི་ཕྱེད་ཕྱག་རྒྱས་དམ་འཁྱུད་ལ། འཇམ་དབྱངས་རང་གཟུགས་མི་ཡི་གར་མཁན་ཡོངས་…

རྣམ་རྫོགས་སྦྱོར་བའི་བསྒོམ་བྱ་བཤད་པ། གཉིས་པ་སྦྱོར་བ་བཞི་རྒྱས་པར་བཤད་པ་ལ། །དབང་དུ་བྱེད་པ་རྒྱུ་འབྲས་དང་། བསྟན་པ་རྒྱུ་འབྲས་བཤད་པའོ། །དང་པོ་ལ། དབང་དུ་བྱེད་པའི་ རྒྱུ་རྣམ་ཀུན་སྦྱོར་བ་། འབྲས་བུ་རྩེ་མོའི་སྦྱོར་བ་གཉིས་ལས། དང་པོ་ལ། འབྲེལ་བཀོད་པས་མཚམས་སྦྱར་པ། ལེའུའི་གཞུང་བཤད་པ། སྐབས་བསྡུ་བའོ། །དང་པོ་ལ། ཚིག་དོན་…

ཐོབ་པའི་ཕྱིར་དུ་མཁྱེན་གསུམ་གྱི་རྣམ་པ་བསྡུས་ནས་སྒོམ་པའི་སེམས་དཔའི་རྣལ་འབྱོར་རྣམ་རྫོགས་སྦྱོར་བའི་མཚན་ཉིད་ཟེར་ན། རྩེ་སྦྱོར་ཆོས་ཅན། མཚན་ཉིད་དེར་ཐལ། མཚོན་བྱ་དེའི་ཕྱིར། འདོད་ན། མི་འཐད་པར་ཐལ། དེའི་རྣམ་པ་ལ་དབང་ཐོབ་ཟིན་པའི་ཕྱིར། དེར་ཐལ། ཆོས་ཅན་དེ་ཡིན་པའི་ཕྱིར། ཁ་ཅིག །མཁྱེན་གསུམ་གྱི་རྣམ་པ་བསྡུས་ནས་སྒོམ་པའི་སེ…

སྦྱོར་བ་ཡིན་ཟེར་ན། རྣམ་རྫོགས་སྦྱོར་བ་ཆོས་ཅན། ཁྱོད་རྒྱུད་ལྡན་གྱི་གང་ཟག་ཡིན་ན་སྐབས་འདིའི་བསྟན་བྱའི་གཙོ་བོར་གྱུར་པའི་ཁྱོད་རྒྱུད་ལྡན་གྱི་གང་ཟག་ཡིན་དགོས་པར་ཐལ། འདོད་པའི་ཕྱིར། འདོད་ན། སྟོང་ཉིད་མ་རྟོགས་པའི་བྱང་སེམས་ཚོགས་ལམ་པ་ཆོས་ཅན། དེར་ཐལ། དེའི་ཕྱིར། འདོད་ན། མཚན་མེད་རབ་ཏུ་སྦྱིན་ལ་སོགས། །ཞེས་པའི་བསྟན་བྱའི་…

ཡིད་འགྱུར་བའི་མྱོང་བ་སྐྱེ་བ་ཡང་ཞི་གནས་ལ་རག་ལས་པ་ཧ་ཅང་ཐལ་ཆེས་པར་འགྱུར་རོ། །ཞེས་གསལ་བར་གསུངས་པའི་ཕྱིར། གཉིས་པ་ལེའུའི་གཞུང་བཤད་པ་ལ། རྣམ་རྫོགས་སྦྱོར་བ་སྤྱིའི་རྣམ་གཞག་དང་། ཐར་པ་ཆ་མཐུན་ནས་བཟུང་སྟེ་རྒྱུད་ལ་སྐྱེ་བའི་རིམ་པ་བཤད་པ་གཉིས། དང་པོ་ལ། རྣམ་རྫོགས་སྦྱོར་བའི་ངོ་བོ། སྦྱོར་བ་སྒོམ་པའི་སྐྱོན་ཡོན། སྦྱོར་བའི་…

རྟོགས་པའི་བློ་སྒོམ་ན་གཟུགས་མི་རྟག་པར་སྒོམ་པས་ཁྱབ་པའི་ཕྱིར། གཞན་ཡང་། ཁས་བླངས་གཉིས་ཀ་མི་འཐད་དེ། རྣམ་བཤད་ལས། ཁ་ཅིག །དོན་རྣམ་དང་ཤེས་རྣམ་གཉིས་སུ་ཕྱེ་ནས་བསྒོམ་བྱ་གང་ཡིན་མི་མཐུན་པ་སོ་སོར་འདོད་པ་ལ་ནི་སྙིང་པོ་ཅུང་ཟད་ཀྱང་མེད་དེ། མི་རྟག་པ་རྟོགས་པའི་ཡེ་ཤེས་བསྒོམ་བྱར་འདོད་པ་དེས་ཀྱང་མི་རྟག་པ་སྒོམ་པར་ཁས་ལེན་དགོས་ལ…

གཞི་ཤེས་ཀྱི་རྣམ་པ་བཤད་པ། གཉིས་པ་ལ། གཞི་ཤེས་ཀྱི་རྣམ་པ། ལམ་ཤེས་ཀྱི་རྣམ་པ། རྣམ་མཁྱེན་གྱི་རྣམ་པ་རྒྱས་པར་བཤད་པ་གསུམ་ལས། དང་པོ་ལ་། མཚམས་སྦྱར་བ། རྩ་བ། འགྲེལ་པ་གསུམ་གྱི། དང་པོ་ནི། ཤེས་བྱ་ཆོས་ཅན། གཉེན་པོའི་མཚན་ཉིད་གྱི་རྣམ་པ་རྣམས་སྤྱིར་བསྟན་ནས། ད་ནི་ཁྱད་པར་དུ་ཕྱེ་ནས་འཆད་ཚུལ་ཡོད་དེ། དེ་ལྟར་གཞུང་འོག་མས་འཆད་པའི་…

མཐོང་ལམ་བར་ཆད་མེད་ལམ་ཆོས་ཅན། མཚན་ཉིད་དེར་ཐལ། མཚོན་བྱ་དེའི་ཕྱིར། འདོད་ན། དེ་ཆོས་ཅན། ཁྱོད་རྒྱུད་ལྡན་གྱི་གང་ཟག་གི་རྒྱུད་ལ་གང་ཟག་གི་བདག་མེད་མངོན་སུམ་དུ་རྟོགས་པའི་ཡེ་ཤེས་ཡོད་པར་ཐལ། འདོད་པའི་ཕྱིར། འདོད་ན། མེད་པར་ཐལ། ཁྱོད་གཟུང་འཛིན་གཉིས་སྟོང་རྟོགས་པའི་སློབ་པའི་བར་ཆད་མེད་ལམ་ཡིན་པའི་ཕྱིར། ཁ་ཅིག །གཞི་ཤེས་ཀྱི་…

ལམ་ཞུགས་ཀྱི་གཉེན་པོ་ཡིན་པར་ཐལ། འདོད་པའི་ཕྱིར། འདོད་མི་ནུས། ཁ་ཅིག །སྐབས་འདིར་དངོས་སུ་བསྟན་པའི་གཉེན་པོ་ཡིན་ན། སྐབས་འདིར་བསྟན་བྱའི་གཙོ་བོར་བྱས་ནས་བསྟན་པའི་གཉེན་པོ་ཡིན་པས་ཁྱབ་ཟེར་ན། སྐབས་འདིར་དངོས་སུ་བསྟན་པའི་ཐེག་དམན་གྱི་གཞི་ཤེས་ཆོས་ཅན། དེར་ཐལ། དེའི་ཕྱིར། འདོད་ན། དེ་ཆོས་ཅན། ཁྱོད་རྒྱན་གྱི་ཆེད་དུ་བྱ་བའི་ག…

སྒྲིབ་གཉིས་བཤད་པ། གཉིས་པ་མཐའ་དཔྱད་པ་ལ། དགག་གཞག་སྤང་གསུམ་ལས། དངཔོ་ལ། ཁ་ཅིག །སྒྲིབ་པ་གང་ཞིག །ཐར་པ་འཐོབ་པ་ལ་བར་དུ་གཅོད་བྱེད་ཉོན་སྒྲིབ་ཀྱི་མཚན་ཉིད། དེ་གང་ཞིག །ཐམས་ཅད་མཁྱེན་པ་འཐོབ་པ་ལ་བར་དུ་གཅོད་བྱེད་དེ་ཤེས་སྒྲིབ་ཀྱི་མཚན་ཉིད་ཟེར་ན། བདེན་འཛིན་ཆོས་ཅན། མཚོན་བྱ་དང་པོ་དེར་ཐལ། མཚན་ཉིད་དེའི་ཕྱིར། དེར་ཐལ། བྱང་ཆུ…

དཔས་ཐར་པ་འཐོབ་པ་ལ་བདེན་འཛིན་ངེས་པར་སྤོང་དགོས་པའི་ཕྱིར། གང་ཟག་གི་བདག་འཛིན་ཆོས་ཅན། མཚོན་བྱ་གཉིས་པ་དེར་ཐལ། མཚན་ཉིད་དེའི་ཕྱིར་། དེར་ཐལ་། དམན་ལམ་སྔོན་མ་སོང་གི་བྱང་སེམས་ཀྱིས་ཐམས་ཅད་མཁྱེན་པ་འཐོབ་པ་ལ་ཁྱོད་ངེས་པར་སྤོང་དགོས་པའི་ཕྱིར། དེར་ཐལ། དེས་དེ་འཐོབ་པ་ལ་ཉོན་སྒྲིབ་ངེས་པར་སྤོང་དགོས་པའི་ཕྱིར། བྱས་པ་ལ་ཁོ་ན་རེ…

ཉོན་སྒྲིབ་ཀྱི་དངོས་གཉེན་དུ་གྱུར་པའི་མཐོང་ལམ་ཟག་མེད་གཅིག །ཤེས་སྒྲིབ་གཟུང་རྟོག་གི་དངོས་གཉེན་དུ་གྱུར་པའི་སྒོམ་ལམ་ཟག་བཅས་གཅིག །ཤེས་སྒྲིབ་གཟུང་རྟོག་གི་དངོས་གཉེན་དུ་གྱུར་པའི་མཐོང་ལམ་ཟག་མེད་གཅིག་རྣམས་སུ་ཡོད་པའི་ཕྱིར་ཟེར་ན། ཉོན་སྒྲིབ་ཀྱི་དངོས་གཉེན་དུ་གྱུར་པའི་མཐོང་ལམ་ཡོད་པར་ཐལ། དེ་འདྲའི་མཐོང་ལམ་ཟག་མེད་གཅིག་…

གཉེན་པོ་སྟོང་ཉིད་མངོན་སུམ་དུ་རྟོགས་པའི་ཤེས་རབ་ཡིན་ཡང་། མཁྱེན་གསུམ་གྱི་རྣམ་པ་ལ་ཕྱིན་ཅི་ལོག་ཏུ་ཞུགས་པའི་སྒྲོ་འདོགས་ཇི་སྙེད་པ་དེ་སྙེད་ཀྱི་གཉེན་པོར་དེའི་དམིགས་རྣམ་གྱི་ལོག་ཕྱོགས་འཛིན་པའི་རྣམ་པ་མཐའ་དག་ཞི་ལྷག་ཟུང་འབྲེལ་གྱི་སྒོ་ནས་བསྒོམ་པར་བྱ་བ་ཡིན་ནོ། །ཞེས་པ་མི་འཐད་པར་ཐལ། དེ་འདྲའི་བར་ཆད་མེད་ལམ་དེ་ཉོན་སྒྲིབ…

བཅད་པའོ། །གཉིས་པ་རྒྱས་པར་བཤད་པ་ལ། ཉོན་མོངས་ཀྱི་གཉེན་པོ་ཟག་མེད་བཤད་པ། ཤེས་སྒྲིབ་གཟུང་རྟོག་གི་གཉེན་པོ་ཟག་བཅས་བཤད་པ། དེའི་གཉེན་པོ་ཟག་མེད་བཤད་པའོ། །དང་པོ་ནི། ལམ་གསུམ་པོ་དེ་ལ་ལམ་དང་པོ་ལ་རྣམ་པ་བཞི་ཡོད་དེ། བྱེད་པ་པོའི་གང་ཟག་གི་བདག་མེད་པར་མངོན་སུམ་དུ་རྟོགས་པའི་བྱང་སེམས་ཀྱི་མཐོང་ལམ་ནི་ལམ་བདེན་གྱི་རྣམ་པ་དང་། …

གཟུང་བ་ཕྱི་དོན་ལ་དམིགས་ནས་ཆགས་སོགས་ཀྱི་ཀུན་ནས་ཉོན་མོངས་པ་དང་། དད་སོགས་ཀྱི་རྣམ་པར་བྱང་བ་དང་ཉོན་མོངས་པའི་བག་ཆགས་ཀྱིས་གོས་པ་དང་། གཟུགས་ལ་སོགས་པའི་དབྱེ་བའི་སྤྲོས་པ་དང་། རང་གིས་རྟོགས་པ་ལ་རོ་མྱང་བའི་རློམ་པ་དང་། རྟོགས་པ་དེ་ཉིད་ཐོབ་ཟིན་ཡོངས་སུ་ཉམས་པར་ཞེན་པ་སྤོང་བའི་ཕྱིར། དེར་ཐལ། ཁྱོད་དྲུག་རིམ་པ་ལྟར་ཕྱི་རོལ་…

པ་མཐའ་དཔྱད་པ་ལ། དགག་གཞག་གཉིས་ལས། དང་པོ་ལ། ཁ་ཅིག །ལམ་ཤེས་ཀྱི་རྣམ་པ་ཤར་ནས་ཉམས་སུ་ལེན་པའི་བྱང་འཕགས་ཀྱི་མཁྱེན་པ། སྐབས་འདིར་དངོས་སུ་བསྟན་པའི་ལམ་ཤེས་ཀྱི་རྣམ་པའི་མཚན་ཉིད་ཟེར་ན། ཐེག་ཆེན་མཐོང་ལམ་རྣམ་གྲོལ་ལམ་ཆོས་ཅན། མཚན་ཉིད་དེར་ཐལ། མཚོན་བྱ་དེའི་ཕྱིར། དེར་ཐལ། བཅུ་དྲུག་ཅེས་བསྒྲགས་སོ། །ཞེས་པའི་སྐབས་ནས་དངོས་སུ་བས…

སྒྲོ་འདོགས་པའི་སྒྲོ་འདོགས་ཀྱི་གཉེན་པོའི་མཚན་ཉིད། གསུམ་པ་ལ། སྤྱིར་བསྟན་པ། སོ་སོར་བཤད་པ། སྤྱིའི་དོན་བསྡུ་བའོ། །དང་པོ་ནི། ཤེས་བྱ་ཆོས་ཅན། ལམ་ཤེས་ཀྱི་རྣམ་པ་སོ་དྲུག་ཡོད་དེ། ཀུན་འབྱུང་བ་དང་། ལམ་དང་། སྡུག་བསྔལ་དང་། འགོག་པའི་བདེན་པ་ལ་བརྟེན་པའི་ལམ་ཤེས་ཀྱི་རྣམ་པ་གྲངས་བཞིན་དུ་རྣམ་པ་བརྒྱད་དང་། བདུན། ལྔ། བཅུ་དྲུག…

རྟོགས་པའི་ཡེ་ཤེས་ཡིན་པའི་ཕྱིར། དེ་ཆོས་ཅན། རབ་ཏུ་སྐྱེ་བ་གང་ཡིན་པ་སྟེ། གཙང་བདེ་རྟག་བདག་ཏུ་ཞེན་པ་ལ་སོགས་པ་ཀུན་དུ་རྟོག་པའི་གཉེན་པོ་ཡིན་ཏེ། ཚུལ་མིན་ཡིད་བྱེད་ཀྱི་ཀུན་ནས་ཉོན་མོངས་པའི་ཞེན་ཡུལ་མེད་པར་མངོན་སུམ་དུ་རྟོགས་པའི་ཡེ་ཤེས་ཡིན་པའི་ཕྱིར། དེ་ཆོས་ཅན། རྐྱེན་གང་ཡིན་པ་སྟེ་རང་དབང་བའི་སེམས་ཅན་དུ་མངོན་པར་ཞེན་པའ…

ཕྱིར། དེ་ཆོས་ཅན། གང་ངེས་པར་འབྱིན་པའི་རྣམ་པ་ཡིན་ཏེ། ཆོས་ཀུན་ཆགས་པ་མེད་པ་རྣམ་པར་རྟོགས་པའི་ཡེ་ཤེས་ཡིན་པའི་ཕྱིར། ཤེས་བྱ་ཆོས་ཅན། ལམ་གྱི་བདེན་པའི་རྣམ་པ་ལ་དམིགས་པའི་ལམ་ཤེས་ཀྱི་རྣམ་པ་བདུན་ཡོད་དེ། སྔར་བཤད་པ་དེ་རྣམས་ཀྱི་རྣམ་པའི་ངོ་བོ་ཉིད་གཉིས་དང་། གཉིས་དང་། གཉིས་དང་། གཅིག་ཡོད་པ་དེ་ལྟར་ན་སྟེ་དེའི་ཕྱིར། གསུམ་པ་…

འཇིག་རྟེན་དང་། དོན་དམ་པ་དང་། འདུས་བྱས་དང་། འདུས་མ་བྱས་དང་། རྟག་པ་དང་ཆད་པའི་མཐའ་དང་། འཁོར་བ་ཐོག་མ་དང་ཐ་མ་མེད་པ་དང་། རྟོགས་པའི་ཆོས་དོར་བ་མེད་པ་སྟོང་ཉིད་ཀྱི་རྣམ་པ་ལ་མངོན་པར་ཞེན་པ་དགག་པས་རབ་ཏུ་ཕྱེ་བ་རྣམས་སུ་ཡོད་པའི་ཕྱིར། གྱ་ནོམ་པའི་རྣམ་པ་ཆོས་ཅན། རང་བཞིན་སྟོང་པ་ཉིད་ཀྱི་རྣམ་པ་ཡིན་ཏེ། གཞན་གྱིས་ཀུན་བཏགས་པའི…