བར་ཆད་མེད་པའི་རྩེ་སྦྱོར་བཤད་པ། བཞི་པ་བར་ཆད་མེད་པའི་རྩེ་སྦྱོར་བཤད་པ་ལ། དངོས་ཀྱི་དོན་དང་། ལོག་རྟོག་བསལ་བ་གཉིས། དང་པོ་ལ། བསོད་ནམས་མང་པོས་མཚོན་ཏེ་བསྟན་པ་དང་། དམིགས་རྣམ་བཤད་པ་གཉིས། དང་པོ་ལ། མཚམས་སྦྱར་བ། རྩ་བ། འགྲེལ་པ་གསུམ་ལས། དང་པོ་ནི། སྒོམ་པའི་ལམ་རྩེ་སྦྱོར་གྱི་རྗེས་ལ་བར་ཆད་མེད་པའི་ཏིང་ངེ་འཛིན་གསུངས་པ་ཆོ…

ཆོས་ཅན། མཚོན་བྱ་དེར་ཐལ། མཚན་ཉིད་དེའི་ཕྱིར། དང་པོ་དེར་ཐལ། རྩེ་སྦྱོར་ཡིན་པའི་ཕྱིར། གཉིས་པ་དེར་ཐལ། ཁྱོད་ཀྱི་འབྲས་བུར་གྱུར་པའི་རྣམ་མཁྱེན་ཡོད་པའི་ཕྱིར། འདོད་ན། རྒྱུན་མཐའི་ཡེ་ཤེས་ཡིན་པར་ཐལ་ལོ། ཁ་ཅིག་མཁྱེན་གསུམ་བསྡུས་སྒོམ་རབ་ཏུ་གྱུར་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར་གང་ཞིག །ཤེས་སྒྲིབ་ཀྱི་དངོས་གཉེ…

སྐད་ཅིག་གཉིས་པ་ཁས་ལེན་ན་བདེན་ཏེ། དེ་ལྟར་ན་མཚན་ཉིད་ཀྱི་ཟུར་ཕྱི་མ་བཞག་པའམ་བསྒྱུར་བར་བྱའོ། །གསུམ་པ་ནི། འགའ་ཞིག་གིས་སྟོང་གསུམ་གྱི་སྟོང་ཆེན་པོའི་སེམས་ཅན་རྣམས་ཉན་ཐོས་དང་རང་སངས་རྒྱས་དང་བྱང་ཆུབ་སེམས་དཔའི་སྐྱོན་མེད་པ་ས་དང་པོ་ལ་བཀོད་ནས་བསོད་ནམས་བསྐྱེད་པ་གང་ཡིན་པ་དེ་བསོད་ནམས་མང་བ་དཔེར་མཛོད་ནས་དེ་བས་རང་གི་དངོས་…

བར་ཆད་མེད་རྩེའི་དམིགས་རྣམ་འདི་ཆོས་ཅན། ཤིན་ཏུ་ཟབ་སྟེ། ཁྱོད་ལ་ནི་བདེན་གཉིས་འགལ་བར་རབ་ཏུ་སྨྲ་བ་རྣམས་ཀྱིས་རྒྱུད་མར་རྒོལ་ཡང་ཀླན་ཀའི་གནས་མ་ཡིན་པའི་ཕྱིར། གཉིས་པ་འགྲེལ་པ་ལ། དངོས་ཀྱི་དོན་དང་། དམིགས་རྣམ་ཟབ་པར་བསྟན་པ་གཉིས་ལས། དང་པོ་ནི། ཆོས་ཐམས་ཅད་དངོས་པོ་སྟེ་བདེན་གྲུབ་ཏུ་མེད་པ་ཆོས་ཅན། བར་ཆད་མེད་པའི་རྩེ་སྦྱོར་འ…

བསལ་བྱ་ལོག་སྒྲུབ་བཤད་པ། གཉིས་པ་ལ། མཚམས་སྦྱར་བ། རྩ་བ་། འགྲེལ་པ་གསུམ་ལས། དང་པོ་ནི། བར་ཆད་མེད་པའི་ཏིང་ངེ་འཛིན་གྱི་རྩེ་སྦྱོར་བཤད་པའི་འོག་ཏུ། དེའི་བསལ་བྱ་ལོག་པར་རྟོག་པ་གསུངས་པ་ལ་ཆོས་ཅན། དགོས་པ་ཡོད་དེ། བདེན་གཉིས་ཀྱི་ཆོས་ཕྱིན་ཅི་མ་ལོག་པར་རབ་ཏུ་འབྱེད་པའི་བློ་ཡི་ནོར་ཅན་རྣམས་ཀྱིས་དང་པོར་བསལ་བྱ་ལོག་པར་རྟོག་པ་ཇ…

བྱ་དེའི་ཕྱིར། ཁ་ཅིག །བསལ་བྱ་ལོག་སྒྲུབ་ཡིན་ན། བསལ་བྱ་ལོག་རྟོག་ཡིན་པས་ཁྱབ་ཟེར་ན། ས་བོན་གྱིས་མྱུ་གུ་སྐྱེད་པ་དོན་དམ་པར་གྲུབ་པར་ཐལ། དེ་རང་ངོས་ནས་གྲུབ་པའི་ཕྱིར་ཞེས་དངོས་སྨྲ་བས་དབུམ་པ་ལ་འཕངས་པའི་སུན་འབྱིན་དེ་ཆོས་ཅན། དེར་ཐལ། དེའི་ཕྱིར། དེར་ཐལ། ཆོས་ཅན་དེ་ཡིན་པའི་ཕྱིར། འདོད་ན། ཤེས་པ་ཡིན་པར་ཐལ། འདོད་མི་ནུས། ཁ་…

གཞན་ཡང་། དབུ་མ་བས་ས་བོན་གྱིས་མྱུ་གུ་སྐྱེད་པ་རང་ངོས་ནས་གྲུབ་པར་ཁས་བླངས་པར་བསམས་ནས་ས་བོན་གྱི་མྱུ་གུ་སྐྱེད་པ་རང་ངོས་ནས་མ་གྲུབ་པར་ཐལ། དེ་མེད་པའི་ཕྱིར་ཞེས་དངོས་སྨྲ་བས་དབུ་མ་པ་ལ་འཕངས་པའི་སུན་འབྱིན་དེ་ཆོས་ཅན། དམ་བཅའ་གཉིས་པ་དེར་ཐལ། དེའི་ཕྱིར། དེ་དབུ་མ་པས་ས་བོན་གྱིས་མྱུ་གུ་སྐྱེད་པ་བདེན་པར་མེད་པར་ཁས་བླངས་པ་ལ་…

མི་འཐད་པར་ཞེན་པ་ཉིད་ཀྱིས་ཁྱད་པར་དུ་བྱས་པའི་བློ་ཡིན་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་བར་ཆད་མེད་པར་དངོས་སུ་སྐྱེད་པའི་རྩེ་སྦྱོར་གྱི་དམིགས་པ་མི་འཐད་པ་སོགས་ལ་བརྟེན་པ་ཅན་གྱི་ཇི་སྐད་བཤད་པའི་ཡུལ་ཅན་ཉིད་ཀྱིས་ཁྱད་པར་དུ་བྱས་པའི་ལོག་པར་རྟོག་པ་ཆོས་ཅན། ཁྱོད་ལ་རྣམ་པ་བཅུ་དྲུག་ཡོད་དེ། དམིགས་ཡུལ་གྱི་སྒོ་…

སྦྱིན་པ་ལ་སོགས་པ་དོན་དམ་པ་ལ་མི་དམིགས་པས་ཐབས་ལ་མཁས་པ་ཆོས་ཅན། རྟོགས་བྱ་དངོས་པོ་དང་དངོས་པོ་མེད་པ་དང་གཉིས་ཀའི་ངོ་བོར་བདེན་པར་རྟོག་པ་བཀག་པས་དེ་བཞིན་གཤེགས་པའི་མངོན་པར་རྟོགས་པ་ལ་ཆོས་ཅན། སྤྲོས་པ་རྣམ་པར་དག་པའི་མི་རྟག་པ་ཉིད་ལ་སོགས་པར་བདེན་པར་འཛིན་པ་ཕྱིན་ཅི་ལོག་པ་ཉིད་ཀྱིས་ཕུང་པོ་རྟག་པ་ལ་སོགས་པར་འཛིན་པ་ཕྱིན་ཅི་…

དམ་པའི་སྒོ་ནས་དང་། དོན་དམ་རྟགས་སུ་བཀོད་ནས་ཀུན་རྫོབ་སུན་འབྱིན་པ་དོན་དམ་པའི་སྒོ་ཅན་གྱི་ཀླན་ཀ་ཀུན་རྫོབ་ཀྱི་སྒོ་ནས་ལན་གདབ་དགོས་པ་གང་ཞིག །དེ་ལ་ཡང་བདེན་གཉིས་ཀྱི་རྣམ་དབྱེ་ལ་ཤིན་ཏུ་མཁས་དགོས་པ་དེས་ནའི་ཕྱིར། དང་པོ་གྲུབ་སྟེ། གཞན་གྱིས་བདེན་གཉིས་ངོ་བོ་ཐ་དད་པའི་ཀླན་ཀ་རྒྱུད་མར་འབྱུང་བ་དེ་ལ་བདེན་གཉིས་ངོ་བོ་གཅིག་པའི…

ལེགས་པའི་ལམ་གྱི་གདུགས་དཀར་གྲིབ་བསིལ་ལ། །མཐའ་ཀླས་སྐྱེ་དགུའི་ངལ་གསོའི་སྟེགས་བཅས་པའི། །རིས་མེད་འགྲོ་བའི་གཉེན་གྱུར་ཟས་གཙང་སྲས། །ཕན་དང་བདེ་བའི་ཤིས་པ་སྐྱོང་བར་མཛོད། །མཐར་གྱིས་སྦྱོར་བའི་གནམ་སྔོན་འཁྱིལ་འདྲའི་མཚོར། །ལུང་དང་རིགས་པའི་གཉེས་སྐྱེས་ལུས་དཀར་ཅན། །འཁྲུལ་མེད་འབྱེད་པའི་འདབ་གཤོག་རྐྱོང་བ་འདི། །གཉིས་འཐུང་…

ལ། ཚིག་དོན་དང་། མཐའ་དཔྱད་པ་གཉིས་ལས། དང་པོ་ནི། མཐར་གྱིས་སྦྱོར་བའི་མངོན་པར་རྟོགས་པ་གསུངས་པ་ལ་ཆོས་ཅན། དགོས་པ་ཡོད་དེ། རྩེ་མོའི་མངོན་པར་རྟོགས་པ་ཐོབ་པའི་གང་ཟག་སྐབས་དང་པོ་གསུམ་ནས་བསྟན་པའི་མཁྱེན་གསུམ་གྱི་རྣམ་པ་སོ་སོ་བ་དང་། རྣམ་ཀུན་སོགས་ཀྱིས་བསྟན་པའི་རྣམ་པ་བསྡུས་པ་ཉིད་དུ་རྟོགས་པའི་དོན་རྣམས་གོ་རིམ་བཞིན་དུ་བཀླ…

ན། མཁྱེན་གསུམ་གྱི་རྣམ་པ་ལ་བརྟན་པ་ཐོབ་དོན་དུ་སྒོམ་པའི་སེམས་དཔའི་རྣལ་འབྱོར་ཡིན་པར་ཐལ། འདོད་པའི་ཕྱིར། འདོད་མི་ནུས་ཏེ། དེ་ལ་བརྟན་པ་ཐོབ་ཟིན་པའི་ཕྱིར། ཁ་ཅིག །མཐར་གྱིས་སྦྱོར་བ་སྐབས་དྲུག་པའི་བསྟན་བྱའི་གཙོ་བོར་གྱུར་པའི་མཐར་གྱིས་སྦྱོར་བ་ཡིན་ཟེར་ན། འོ་ན་། དེ་ཆོས་ཅན། དང་པོ་ཉིད་ནས་ཐེག་ཆེན་དུ་རིགས་ངེས་པའི་བྱང་སེམ…

པའི་མཐར་གྱིས་སྦྱོར་བ་ཆོས་ཅན། མཁྱེན་གསུམ་གྱི་རྣམ་པ་སྒོམ་པའི་སེམས་དཔའི་རྣལ་འབྱོར་ཡིན་པར་ཐལ། དེ་སྒོམ་པའི་ཤེས་རབ་ཀྱིས་ཟིན་པའི་སེམས་དཔའི་རྣལ་འབྱོར་ཡིན་པའི་ཕྱིར་ན་མ་ཁྱབ། གཉིས་པ་ལ་གཉིས། རྩ་བ་དང་། འགྲེལ་པའོ། །དང་པོ་ནི། ཤེས་བྱ་ཆོས་ཅན་། མཐར་གྱིས་པའི་བྱ་བ་དེར་བཞེད་པ་བཅུ་གསུམ་ཡོད་དེ། སྦྱིན་པ་ནས་ཤེས་རབ་ཀྱི་བར་གྱ…

བྱང་ཆུབ་ཀྱི་ཡན་ལག་གི་རྣམ་པ་དང་འཕགས་པའི་ལམ་ཡན་ལག་བརྒྱད་པ་སྟེ་རྣམ་པ་གསུམ་པོ་དོན་དམ་པར་དྲན་པ་མེད་ཅིང་ཐ་སྙད་དུ་རྒྱུའི་སྒོ་ནས་དྲན་པའི་མཚན་ཉིད་ཀྱིས་སངས་རྒྱས་རྗེས་སུ་དྲན་པའི་ཆོས་ཅན། སངས་རྒྱས་རྗེས་དྲན་གྱི་ཡིན་ཏེ། སངས་རྒྱས་རྗེས་དྲན་གྱི་ཉམས་ལེན་གྱིས་དངོས་སུ་ཟིན་པའི་སྒོ་ནས་དེའི་ཕྱིར། དེ་བཞིན་དུ་དགེ་དང་མི་དགེ་བ…

སྐབས་བསྡུ་བ་ནི། ཤེས་བྱ་ཆོས་ཅན། ཤེས་རབ་ཀྱི་ཕ་རོལ་དུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་སྐབས་དྲུག་པའི་འགྲེལ་པའོ་སྟེ་དྲུག་པའི་ཚིག་དོན་མཐའ་དཔྱོད་གཏན་ལ་ཕབ་པ་ཡིན་ཏེ། མཐར་གྱིས་སྦྱོར་བ་མཚོན་བྱེད་ཀྱི་ཆོས་བཅུ་གསུམ་གྱི་སྒོ་ནས་དེ་ལྟར་གཏན་ལ་ཕབ་པའི་ཕྱིར། སྨྲས་པ། བློ་གྲོས་གཏིང་མཐའ་བྲལ་བའི་རྒྱ་མ…

བསྟན་བཅོས་མངོན་རྟོགས་རྒྱན་རྩ་འགྲེལ་རྣམས་གསལ་བར་བྱེད་པ་བློ་བཟང་དགོངས་རྒྱན་གདོང་ལྔའི་དབང་པོའི་སྒྲ་དབྱངས་ལས་སྐབས་བདུན་པའི་ཚིག་དོན་མཐའ་དཔྱོད་བཞུགས་སོ། །

སྐད་ཅིག་མ་སྦྱོར་བ་མཚོན་བྱེད་ཀྱི་ཆོས་བཞི་རྒྱས་པར་བཤད་པ། འགྲོ་ལ་བརྩེ་བའི་གཞན་དབང་དམ་པོས་རིང་ནས་བཅིངས་ཀྱང་མི་ཤེས་མུན་པའི་འཆིང་ལས་གྲོལ། །མི་མཐུན་བདུད་བཞིའི་དགྲ་ཚོགས་ཐམས་ཅད་ལྷག་མར་བཅོམ་ཡང་ལུས་ཅན་ཀུན་གྱི་གཉེན་གཅིག་པུ། །དམན་པའི་བློ་ངོར་ཆོས་ཀུན་བདེན་པར་གྲུབ་པར་བསྟན་ཀྱང་སྟོང་ཉིད་སྒྲ་དབྱངས་སྒྲོགས་པ་ཅན། །གཉིས་…

ཡོད་དེ། མཁྱེན་གསུམ་གྱི་རྣམ་པ་རིམ་ཅན་དུ་སྒོམ་པའི་མཐར་གྱིས་པའི་མངོན་པར་རྟོགས་པ་ཡུན་རིང་པོར་རྣམ་པར་བསྒོམས་པ་ནི་ཤིན་ཏུ་གོམས་པར་བྱས་པའི་སྟོབས་ཀྱིས་ཅིག་ཤོས་ཀྱང་སྒོམ་ནུས་པའི་ཕྱིར། གཉིས་པ་མཐའ་དཔྱད་པ་ལ། དགག་གཞག་སྤང་གསུམ་ལས། དང་པོ་ལ། ཁ་ཅིག །རང་རྒྱུ་མཐར་གྱིས་སྦྱོར་བའི་སྟོབས་ཀྱིས་བྱུང་བའི་སེམས་དཔའི་རྣལ་འབྱོར་མཐ…