གསུངས་པའི་ཕྱིར། འདོད་ན། དེ་ཆོས་ཅན། སེམས་དཔའི་རྣལ་འབྱོར་མཐར་ཐུག་ཡིན་པར་ཐལ། འདོད་པའི་ཕྱིར། འདོད་ན། རྒྱུན་མཐའི་བར་ཆད་མེད་ལམ་པའི་རྒྱུད་ཀྱི་ལམ་ཡིན་པར་ཐལ། འདོད་པའི་ཕྱིར། འདོད་ན། མ་ཡིན་པར་ཐལ། རྒྱུན་མཐའི་སྦྱོར་བའི་གནས་སྐབས་ཀྱི་ལམ་ཡིན་པའི་ཕྱིར། ཆོས་ཅན་དེ་ཡིན་པའི་ཕྱིར། ཁ་ཅིག །ཤེས་སྒྲིབ་ཀྱི་དངོས་གཉེན་བྱེད་པའི་…

ན་རེ། གཉིས་སུ་མེད་པའི་སྐད་ཅིག་སྦྱོར་བས་གཉིས་སྟོང་མངོན་སུམ་དུ་རྟོགས་པ་ཡོད་པར་ཐལ། རྣམ་བཤད་ལས། བྱང་ཆུབ་སེམས་དཔའ་རྣམས་ཀྱིས་ཀྱང་གཟུང་འཛིན་རྫས་ཐ་དད་ཀྱིས་སྟོངས་པ་ལ་ལམ་དང་པོ་གསུམ་གྱི་སྐབས་སུ་སྒོམ་པར་བཤད་ཅིང་། མཐོང་ལམ་གྱི་སྐབས་སུ་ཤེས་མཐོང་གིས་བལྟས་ནས་འདའ་བར་བྱེད་པ་ཡིན་ལ། སྒོམ་ལམ་གྱི་སྐབས་སུ་དེ་ལ་གཙོ་བོར་སྒོམ…

དུ་གྱུར་པའི་སྦྱོར་བ་འདི་ནི་ཆོས་ཅན། རྣམ་པར་སྨིན་པ་མ་ཡིན་པའི་སྐད་ཅིག་མ་གཅིག་པ་ཡི་རྟོགས་པ་ཡིན་པར་ཤེས་པར་བྱ་སྟེ། སྦྱིན་པ་ལ་སོགས་པའི་རྣམ་པ་རེ་རེ་མངོན་དུ་གྱུར་པས་ཀྱང་རྣམ་པར་སྨིན་པ་མ་ཡིན་པའི་ཟག་མེད་ཀྱི་ཆོས་ཀྱི་རིགས་ཀུན་བསྡུས་ནས་མངོན་དུ་བྱེད་པའི་རྣལ་འབྱོར་མཐར་ཐུག་ཡིན་པའི་ཕྱིར། གསུམ་པ་ནི། རྒྱུན་མཐའ་ལ་གནས་པའི…

ཀྱི་ངོ་བོར་གཅིག་པ་ལ་དགོངས་ནས་དངོས་པོ་གཅིག་གི་སྟོང་པ་ཡང་དངོས་པོ་ཀུན་གྱི་ངོ་བོ་སྟོང་པ་ཉིད་ཡིན་ལ་དངོས་པོ་ཀུན་གྱི་སྟོང་པ་ཡང་དངོས་པོ་གཅིག་གི་ངོ་བོ་སྟོང་པ་ཉིད་ཡིན་ཞིང་ཡུལ་གྱི་གནས་ཚུལ་དེ་དང་མཐུན་པར་རྣལ་འབྱོར་པ་གང་གིས་དངོས་པོ་གཅིག་གི་དེ་བཞིན་ཉིད་མཐོང་བ་དེ་ཡིས་དངོས་པོ་ཀུན་ཡང་དེ་བཞིན་ཉིད་དུ་མཐོང་ཞེས་འབྱུང་བའི…

དེ་བཞིན་དུ་དེ་ལྟར་ནུས་པའི་ཕྱིར། གཉིས་པ་རྣམ་པར་སྨིན་པའི་སྐད་ཅིག་སྦྱོར་བ་བཤད་པ་ལ་གསུམ། མཚམས་སྦྱར་བ། རྩ་བ། འགྲེལ་པའོ། །དང་པོ་ནི། དེ་ལྟར་སྐད་ཅིག་སྦྱོར་དང་པོ་བསྟན་ནས་གཉིས་པ་རྣམ་པར་སྨིན་པའི་ཆོས་ཉིད་ཀྱི་གནས་སྐབས་ཀྱི་ཟག་པ་མེད་པའི་ཆོས་ཐམས་ཅད་སྐད་ཅིག་མ་གཅིག་པའི་མཚན་ཉིད་ཀྱི་སྐད་ཅིག་མ་གཅིག་པའི་མངོན་པར་རྫོགས་པར་…

གནས་སྐབས་གནས་ངན་ལེན་གྱི་དྲི་མ་ཐམས་ཅད་དང་བྲལ་བས་སྒྲིབ་བྱེད་དང་བྲལ་བའི་སྟོན་ཀའི་ཟླ་བའི་འོད་བཞིན་དུ་དཀར་བའི་ངོ་བོ་ཉིད་དུ་སྐྱེས་པ་དེའི་ཚེ་སྐད་ཅིག་མ་གཅིག་ཁོ་ན་ལ་དེ་ལྟར་ནུས་པའི་སེམས་དཔའི་རྣལ་འབྱོར་མཐར་ཐུག་ཡིན་པའི་ཕྱིར། གསུམ་པ་མཚན་ཉིད་མེད་པའི་སྐད་ཅིག་སྦྱོར་བཤད་པ་ལ་གསུམ། མཚམས་སྦྱར་བ། རྩ་བ། འགྲེལ་པའོ། །དང་པོ…

སྐབས་སྔོན་དུ་བཏང་ནས་ད་ལྟར་ཡང་ཉེ་བར་ལེན་པའི་ཕུང་པོ་ལ་སོགས་པ་སྣང་བ་ལྟར་མ་གྲུབ་པའི་རྨི་ལམ་གྱི་ངོ་བོ་ཉིད་ཀྱི་ཆོས་ཐམས་ཅད་ལ་དེ་ལྟར་རྟོགས་པའི་སྒོ་ནས་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་དྲུག་སྒྲུབ་པས་གནས་ཏེ་བསྐལ་པ་གྲངས་མེད་གསུམ་དུ་གོམས་པའི་སེམས་དཔའི་རྣལ་འབྱོར་མཐར་ཐུག་ཡིན་པའི་ཕྱིར། བཞི་པ་གཉིས་སུ་མེད་པའི་སྐད་ཅིག…

སོགས་ལ་གཟུང་བ་དོན་གཞན་དང་། དེ་མཐོང་བའི་རྨི་ལམ་གྱི་ཤེས་པ་ལ་འཛིན་པ་དོན་གཞན་པར་མི་མཐོང་བ་ལྟར་སད་པའི་ཚེའང་གཟུང་བ་དང་འཛིན་པའི་ཆོས་གཉིས་དོན་གཞན་གྱི་ཚུལ་དུ་མེད་པར་རྟོགས་ནས་གོམས་པ་དེའི་ཚེ་སྟེ་དེ་ལྟ་བུའི་སེམས་དཔའི་རྣལ་འབྱོར་མཐར་ཐུག་ཡིན་པའི་ཕྱིར་ཏེ། དེ་གཟུང་འཛིན་རྫས་ཐ་དད་པ་གཉིས་སུ་སྣང་བའི་བག་ཆགས་འཁྲུལ་པ་དྲུངས…

བསྟན་བཅོས་མངོན་རྟོགས་རྒྱན་རྩ་འགྲེལ་རྣམས་གསལ་བར་བྱེད་པ་བློ་བཟང་དགོངས་རྒྱན་གདོང་ལྔའི་དབང་པོའི་སྒྲ་དབྱངས་ལས་སྐབས་བརྒྱད་པའི་ཚིག་དོན་མཐའ་དཔྱོད་བཞུགས་སོ། །འབྲས་བུ་ཆོས་སྐུ་མཚོན་བྱེད་ཀྱི་ཆོས་བཞི་རྒྱས་པར་བཤད་པ། མཁྱེན་པའི་ལྷ་ལམ་ཡངས་པའི་ངོས་སུ་འཆད་པའི་ཆུ་འཛིན་རབ་འཁྲིགས་ཤིང་། །རྩོད་པའི་གློག་འོད་རྣམ་པར་འཐུལ་བའི་…

ཡོད་པར་ཐལ། འདོད་པའི་ཕྱིར། འདོད་ན། རང་ཐོབ་བྱེད་ཀྱི་ཐབས་ཡོད་པར་ཐལ། འདོད་པའི་ཕྱིར། འདོད་ན། རང་ཐོབ་བྱ་ཡིན་པར་ཐལ། འདོད་པའི་ཕྱིར། དེ་འདོད་པར་མི་ནུས། ཁ་ཅིག །རྣམ་མཁྱེན་སྐད་ཅིག་དང་པོ་ལ་གནས་པའི་ལོངས་སྐུ་ཡོད་ཀྱང་། དེ་ལ་གནས་པའི་སྤྲུལ་སྐུ་མེད་དེ། སྤྲུལ་སྐུ་ཡིན་ན་རང་སྤྲུལ་པ་པོ་ལོངས་སྐུས་སྤྲུལ་དགོས་པའི་ཕྱིར། དེར་ཐ…

ཅད་གསར་དུ་འཚང་རྒྱ་བའི་གནས་ཡིན་ཟེར་ན། བྱང་སེམས་རྣམས་ཀྱིས་རང་ཉིད་གང་དུ་གསར་དུ་འཚང་རྒྱ་བའི་གནས་འོག་མིན་དེ་ཞིང་དག་སྦྱོར་གྱི་སྒོ་ནས་སྒྲུབ་མི་དགོས་པར་ཐལ། དམ་བཅའ་འཐད་པའི་ཕྱིར། འདོད་མི་ནུས་ཏེ། དེ་རྣམས་ཀྱིས་དེ་སྒྲུབ་དགོས་པའི་ཕྱིར། དེར་ཐལ། དེ་རྣམས་ཀྱིས་རང་གི་ཐོབ་བྱར་གྱུར་པའི་ལོངས་སྐུ་སྐྱེད་དགོས་པའི་ཕྱིར། དེར་…

མཆིས་ན་ལན་འདེབས་པར་རིགས་སོ། །གཉིས་པ་རང་ལུགས་ནི། སྦྱོར་བཞི་བསྒོམས་སྟོབས་ཀྱིས་ཐོབ་པའི་ཐོབ་བྱ་མཐར་ཐུག་ཆོས་སྐུའི་མཚན་ཉིད། གསུམ་པ་རྩོད་པ་སྤོང་བ་ལ། ཁ་ཅིག །རྣམ་མཁྱེན་སྐད་ཅིག་དང་པོ་ལ་གནས་པའི་སངས་རྒྱས་འཕགས་པ་དང་། མཆོག་གི་སྤྲུལ་སྐུའི་གཞི་མཐུན་ཡོད་པར་ཐལ། དེ་ལ་གནས་པའི་སངས་རྒྱས་འཕགས་པའི་དངོས་ཀྱི་གདུལ་བྱར་གྱུར་པའ…

ངོ་བོ་ཉིད་སྐུ་བཤད་པ། གཉིས་པ་ལ། སྐུའི་རྣམ་གཞག་དང་། མཛད་པ་འཕྲིན་ལས་ཀྱི་རྣམ་གཞག་གཉིས། དང་པོ་ལ། ངོ་བོ་ཉིད་སྐུ། ཡེ་ཤེས་ཆོས་སྐུ། ལོངས་སྤྱོད་རྫོགས་སྐུ། མཆོག་གི་སྤྲུལ་སྐུ་བཞི། དང་པོ་ལ། མཚམས་སྦྱར་བ། རྩ་བ། འགྲེལ་པ་གསུམ། དང་པོ་ནི། སྐུ་བཞིའི་དང་པོ་ཆོས་ཅན། ཐུབ་པའི་ངོ་བོ་ཉིད་སྐུ་ཞེས་སོགས་ཀྱི་གཞུང་གིས་ཁྱོད་ཚིག་དོན…

ཐུག་ངོ་བོ་ཉིད་སྐུའི་མཚན་ཉིད་ཟེར་ན། རང་བཞིན་རྣམ་དག་གི་ཆར་གྱུར་པའི་ངོ་བོ་ཉིད་སྐུ་ཆོས་ཅན། མཚན་ཉིད་དེར་ཐལ། མཚོན་བྱ་དེའི་ཕྱིར། འདོད་མི་ནུས་ཏེ། ཆོས་ཅན་དེ་ཡིན་པའི་ཕྱིར། ཁ་ཅིག །དབྱིངས་རང་བཞིན་གྱིས་རྣམ་པར་དག་པ་ལ་དགག་བྱ་གློ་བུར་གྱི་དྲི་མ་སྤངས་པའི་འདུས་མ་བྱས་ཀྱི་སྐུ་ངོ་བོ་ཉིད་སྐུའི་མཚན་ཉིད་ཟེར་ན། དེ་མི་འཐད་པར་…

དཔྱད་གསུམ་དག་པའི་ཚད་ཀྱིས་འཇལ་བའི་རྟ། །མ་འདྲེས་ཚིག་དོན་འཁོར་ལོས་འདྲེན་པ་འདི། །བློ་གྲོས་གྱད་ཀྱི་རིགས་ལས་བྱུང་ངམ་ཅི། །རྣམ་མང་ཚིག་གི་སྤྲོས་པས་དོན་ཀུན་སྒྲིབ། །ཅུང་ཟད་དཔྱད་པ་མེད་ན་གནས་མི་རྟོགས། །ཚིག་སྦྱོར་ཉུང་ངུར་བགྱིས་པའི་ལྡེ་མིག་གིས། །མཁས་མང་བཞེད་པའི་སྒོ་གླེགས་བརྒྱ་ཕྲག་ཕྱེ། །ཞེས་བྱ་བ་ནི་བར་སྐབས་ཀྱི་ཚིགས…

ཐམས་ཅད་ཀྱི་གནས་ལུགས་རྟོགས་པས་ཐོབ་པ་ཡིན་པའི་ཕྱིར། དེ་ཆོས་ཅན། རྒྱུས་གསར་དུ་བསྐྱེད་པར་བྱར་མེད་དེ། རྒྱུ་རྐྱེན་གྱིས་བཅོས་མ་མ་ཡིན་པའི་དོན་གྱིས་ན་འདུས་མ་བྱས་ཡིན་པའི་ཕྱིར། གཉིས་པ་ལ། ཚིག་དོན་དང་། མཐའ་དཔྱད་པ་གཉིས་ལས། དང་པོ་ནི། ཆོས་ཅན་གྱི་སྐུ་ལྷག་མ་གསུམ་པོ་ཆོས་ཅན། ངོ་བོ་ཉིད་ཀྱི་སྐུ་དང་ངོ་བོ་ཐ་དད་མ་ཡིན་ཏེ། དོན་…

ཡེ་ཤེས་ཆོས་སྐུ་བཤད་པ། གཉིས་པ་ཡེ་ཤེས་ཆོས་སྐུ་ལ། དངོས་ཀྱི་དོན། དེའི་ཁྱད་པར་བཤད་པ། དེ་ལ་རྩོད་པ་སྤོང་བ་གསུམ། དང་པོ་ལ། ཡེ་ཤེས་ཆོས་སྐུ་སྐུ་གསུམ་ལས་ཐ་དད་དུ་བསྟན་པ། ཐ་མི་དད་དུ་འདོད་པ་དགག་པ། ཐ་དད་དུ་བསྟན་པ་ལ་རྩོད་པ་སྤོང་བ་གསུམ། དང་པོ་ལ། མཚམས་སྦྱར་བ། རྩ་བ། འགྲེལ་བ་གསུམ་ལས། དང་པོ་ནི། ཤེས་བྱ་ཆོས་ཅན། དེ་ལྟར་སྐུ་…

མོངས་མེད་པའི་ཏིང་འཛིན་དང་། སྨོན་ནས་མཁྱེན་པ་དང་། མངོན་ཤེས་དྲུག་དང་། སོ་སོ་ཡང་དག་རིག་པ་བཞི་དང་། རྣམ་པ་ཐམས་ཅད་ཡོངས་སུ་དག་པ་བཞི་དང་། དབང་བ་བཅུ་དང་ནི། སྟོབས་བཅུ་དང་། མི་འཇིགས་པ་ནི་བཞི་དག་དང་། བསྲུང་བ་མེད་པ་རྣམ་པ་གསུམ་དང་། དྲན་པ་ཉེ་བར་གཞག་པ་རྣམ་པ་གསུམ་དང་། བསྙེལ་བ་མི་མངའ་བའི་ཆོས་ཉིད་དང་། སྒྲིབ་གཉིས་ཀྱི་བག…

སྡེབ་སྦྱོར་མ་འགྲིག་པའི་དབང་གིས་ཆོས་ཀྱི་སྐུ་ཞེས་བརྗོད་པ་ཡིན་པའི་ཕྱིར། ཞེས་སྨྲ་ནའང་། སྤྱིར་སྐུའི་སྐད་དོད་ཀཱ་ཡ། ཆོས་ཉིད་ཀྱི་སྐད་དོད་དྷརྨ་ཏཱ་ཞེས་པ་དྷྲྀཉ་འཛིན་པ་ལའོ། །ཞེས་པའི་བྱིངས་ལ་ཨིན་དང་ཉ་དང་ཡ་ཛ་སོགས་ལ་གཉིས་ཀའོ་ཞེས་པས་རྗེས་འབྲེལ་ཕྱིས། ཨརྟི། ཧཱུ། སུ། དྷྲྀ། ཎི། ཀྵི། པད། བྷཱ། ཡཱ། སྟུ་རྣམས་ལས་མའོ་ཞེས་པས་…

ཡེ་ཤེས་སྡེ་ཚན་ཉེར་གཅིག་པོ་དེ་ཡེ་ཤེས་ཆོས་སྐུ་ཡིན་པའི་ཕྱིར། དེར་ཐལ། རྣམ་པ་ཐམས་ཅད་མཁྱེན་ཉིད་དང་། །ཆོས་ཀྱི་སྐུ་ཞེས་བརྗོད་པ་ཡིན། །ཞེས་གསུངས་པའི་ཕྱིར། ཁ་ཅིག །ཡེ་ཤེས་ཆོས་སྐུ་ཡིན་ན་འཕགས་པ་གྲོལ་སྡེས་མི་བཞེད་པས་ཁྱབ་ཟེར་ན། སངས་རྒྱས་ཀྱི་ཟག་མེད་ཡེ་ཤེས་སྡེ་ཚན་ཉེར་གཅིག་པོ་ཆོས་ཅན། དེར་ཐལ། དེའི་ཕྱིར། འདོད་མི་ནུས་ཏེ།…