བཞེད་པར་ཐལ། དེས་རང་རྒྱུ་ཡེ་ཤེས་ཀྱི་ཚོགས་ལས་འཁྲུངས་པའི་ཆོས་སྐུ་ཞིག་བཞེད་པའི་ཕྱིར། དེར་ཐལ། རིན་ཆེན་འཕྲེང་བ་ལས། སངས་རྒྱས་རྣམས་ཀྱི་གཟུགས་ཀྱི་སྐུ། །བསོད་ནམས་ཚོགས་ལས་བྱུང་བ་སྟེ། །ཆོས་ཀྱི་སྐུ་ནི་མདོར་བསྡུ་ན། །རྒྱལ་པོ་ཡེ་ཤེས་ཚོགས་ལས་འཁྲུངས། །ཞེས་པའི་གཞུང་སྒྲ་ཇི་བཞིན་པར་བཞེད་པའི་ཕྱིར། གཉིས་པ་རང་ལུགས་ནི། འཕགས…

འདོད་ལ། གཞན་ཕལ་ཆེར་འཕགས་སེང་གཉིས་མཐུན་ནོ། །གསུམ་པ་རྩོད་པ་སྤོང་བ་ལ། འཕགས་པས། བྱང་ཆུབ་ཕྱོགས་ཞེས་པ་ནས། རྟག་པ་ཞེས་ཀྱང་བརྗོད་པ་ཡིན། །ཞེས་པའི་བར་གྱིས་སངས་རྒྱས་ཀྱི་ཟག་མེད་ཡེ་ཤེས་རྣམས་ངོ་བོ་ཉིད་སྐུ་ལས་ལོགས་སུ་འབྲས་བུ་ཆོས་སྐུ་མཚོན་བྱེད་ཀྱི་སྐུར་དངོས་བསྟན་བསྟན་བྱའི་གཙོ་བོར་བྱས་ནས་བསྟན་པར་འདོད་པར་ཐལ། དེས་ཡེ་ཤེ…

པར། དེ་འདྲའི་ཚུལ་ལུགས་སྨྲ་དེ་གད་མོའི་གནས། །རྣམ་པ་ཐམས་ཅད་མཁྱེན་པའི་ཡེ་ཤེས་མཆོག །མ་ཐོབ་བར་དུ་ཤེས་བྱའི་གནས་མཐའ་དག །མི་རྟོགས་ཆོས་ཉིད་ཡིན་ཕྱིར་མི་ཤེས་པའི། །ཚུལ་ལ་ངོ་ཚའི་ཁྲེས་པོ་འཁུར་མི་དགོས། །རང་ཅག་བྱིས་པའི་ངང་ཚུལ་ཅན་རྣམས་ཀྱིས། །བླ་མའི་དྲིན་ལས་ཅུང་ཟད་རྟོགས་པ་རྣམས། །འཆད་རྩོད་རྩོམ་པར་བྱེད་པ་རིགས་མོད་ཀྱི། །…

པར་ཤེས་པ་མཐའ་ཡས་སྐྱེ་མཆེད་ཀྱི་དང་། ཅི་ཡང་མེད་པའི་སྐྱེ་མཆེད་ཀྱི་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་རྣམ་ཐར་ཞེས་བྱ་བ་བཞི་དང་། འདུ་ཤེས་དང་ཚོར་བ་འགོག་པའི་རྣམ་ཐར་ཞེས་བྱ་བ་གཅིག་སྟེ་དེ་ལྟར་རྣམ་པར་ཐར་པ་བརྒྱད་དང་། གཟུགས་ཀྱི་ཁམས་ཀྱི་བསམ་གཏན་བཞིའི་དངོས་གཞིའི་སྙོམས་འཇུག་བཞི་དང་གཟུགས་མེད་པའི་སྙོམས་པར་…

མཚན་མ་ཐམས་ཅད་དང་བྲལ་ཞིང་བདེན་པར་ཆགས་པ་སྟེ་བདེན་ཞེན་བཅོམ་པ་དང་། གཞན་གྱི་ཐེ་ཚོམ་ཐམས་ཅད་སེལ་བར་མཛད་པའི་སྨོན་ལམ་གྲུབ་པ་འཁོར་བ་ཇི་སྲིད་པ་དང་། སེམས་ཅན་ཐམས་ཅད་ཀྱིས་རྣམ་པར་གྲོལ་བ་ཐོབ་པ་ཇི་སྲིད་པའི་གནས་སྐབས་སུ་ཆགས་ཐོགས་མེད་པར་མཁྱེན་པ་འཇུག་པ་ཞེས་བྱ་བ་སྨོན་ནས་མཁྱེན་པ་དང་། སྔར་བཤད་པའི་མངོན་པར་ཤེས་པ་དྲུག་དང་། སོ…

ཀ་འདྲེས་མ་དག་ལ་ཆགས་སྡང་གཉིས་ཀས་དབེན་པ་ཁོ་ནར་བཏང་སྙོམས་སུ་དྲན་པ་དང་ལྡན་པར་གནས་སོ་ཞེས་བྱ་བ་དྲན་པ་ཉེ་བར་གཞག་པ་གསུམ་དང་། སེམས་ཅན་གྱི་དོན་མཛད་པའི་དུས་ལས་ནམ་ཡང་མི་འདའ་བའི་མཚན་ཉིད་ཅེས་བྱ་བ་བསྙེལ་བ་མི་མངའ་བའི་ཆོས་ཉིད་དང་། ཉོན་མོངས་པ་དང་ཤེས་བྱའི་སྒྲིབ་པ་བག་ལ་ཉལ་གྱི་ངོ་བོའི་ས་བོན་སྤངས་པས་གནས་ངན་ལེན་གྱི་བག་ཆགས…

ཉིད་ཟེར་ན། གཟུགས་མེད་ཀྱི་དངོས་གཞི་ལ་བརྟེན་པའི་ཟད་པར་གྱི་ཏིང་འཛིན་ཆོས་ཅན། མཚན་ཉིད་དེར་ཐལ། མཚོན་བྱ་དེའི་ཕྱིར། དེར་ཐལ། དེ་ཡོད་པའི་ཕྱིར། དེར་ཐལ། མཛོད་ལས། གཉིས་ནི་གཟུགས་མེད་དག་ནའང་ཡིན། །ཞེས་གསུངས་པའི་ཕྱིར། ཁ་ཅིག །ཟད་པར་སའི་སྐྱེ་མཆེད་ཡིན་ན་ལོག་ཤེས་ཡིན་པས་ཁྱབ་ཟེར་ན། སངས་འཕགས་ཀྱི་རྒྱུད་ཀྱི་ཟད་པར་སའི་སྐྱེ་མཆ…

འཛིན་དུ་དམིགས་པ་དེ་གཟུགས་ཆུང་ངུ་ཟིལ་གྱིས་གནོན་པའི་ཏིང་འཛིན་གྱི་མཚན་ཉིད། སྔ་མ་དང་འདྲ་བ་ལ། གཟུགས་ཆེན་པོ་རིགས་པ་སྤོས་ནས་ཅིག་ཤོས་ཀྱི་མཚན་ཉིད་རང་གི་སེམས་རྟེན་བསམ་གཏན་གྱི་དངོས་གཞི་ལ་བརྟེན་ནས་རྣལ་འབྱོར་པ་རང་ཉིད་ལ་གཟུགས་མེད་པའི་འདུ་ཤེས་བཞག་སྟེ། ཕྱི་རོལ་ཀྱི་གཟུགས་སྔོན་པོ་ལ་དམིགས་ནས། དེ་བས་ཁ་དོག་སྔོ་བར་ལྟ་བ་ས…

གཉེན་ལྕུག་འཇམ་པའི་རང་བཞིན་པདྨའི་འདབ། །རབ་དམར་དྲི་བཟང་མཛེས་མའི་མཆུ་སྒྲོས་རྣམས། །སྲིད་པ་འདི་ན་ངོ་མཚར་ཅི་ཡང་བྱེད། །ཞི་བ་ལ་གཞོལ་གང་དེའི་བགྲོད་པའི་ཚུལ། །མ་འདྲེས་ཤེས་པར་འདོད་པའི་སྐྱེས་བུ་རྣམས། །ལེགས་བཤད་འདི་འདྲ་སྨྲ་བའི་བྱེད་པོ་ལ། །འཛམ་གླིང་ནོར་གྱིས་བཀང་ནས་མཆོད་ཀྱང་རུང་། །ཞེས་བྱ་བ་ནི་བར་སྐབས་ཀྱི་ཚིགས་སུ་བཅ…

བ་མེད་པའི་ཆོས་ཉིད་གང་ཡིན་པ་དེའི་མཚན་ཉིད་ཅན་ཡིན་པའི་ཕྱིར། འོ་ན། རྒྱས་བཤད་ཀྱི་མཇུག་ཏུ་ཆོས་ཉིད་ཀྱི་སྐུ་ཞེས་བརྗོད་པ་ཡིན་ཞེས་འབྱུང་རིགས་པ་ལ། ཆོས་ཀྱི་སྐུ་ཞེས་བརྗོད་པ་ཡིན། །ཞེས་འབྱུང་བས་མདོར་བསྟན་རྒྱས་བཤད་མ་འབྲེལ་བར་འགྱུར་སྙམ་ན། སྐྱོན་མེད་དེ། ཟག་མེད་ཀྱི་ཡེ་ཤེས་ཉེར་གཅིག་གི་ཆོས་ཉིད་དེ་ཉིད་ཀྱང་ཆོས་ཉིད་ཀྱི་སྐུ…

ཆོས་སྟོན་པ་ལ་སོགས་པའི་དོན་གྱི་བྱ་བ་མཛད་པའི་ཕྱིར། དེ་ཆོས་ཅན། སྤངས་པའི་ཁྱད་པར་དང་ལྡན་ཏེ། ཟག་བཅས་གནས་ཡོངས་སུ་གྱུར་པས་ཟག་མེད་དུ་གྱུར་པ་ཡིན་པའི་ཕྱིར། དེ་ཆོས་ཅན། ངོ་བོའི་ཁྱད་པར་དང་ལྡན་ཏེ། གཟུང་འཛིན་གཉིས་སུ་མེད་པའི་སེམས་དང་སེམས་ལས་བྱུང་བའི་ཡེ་ཤེས་ཡིན་པའི་ཕྱིར། ཞེས་ཟེར་རོ། །གསུམ་པ་ལ་གཉིས། རྩོད་པ་དང་། ལན་ནོ།…

ཆོས་སྐུ་ཁོ་ན་དང་མཛད་པ་ལྷན་ཅིག་སྦྱར་ནས་ཉེ་བར་བསྟན་པའི་ཤུགས་ཀྱིས་སངས་རྒྱས་ཀྱི་མཛད་པ་ཐམས་ཅད་ཡེ་ཤེས་ཆོས་སྐུའི་མཛད་པར་རྟོགས་པའི་ཆེད་ཡིན་པའི་ཕྱིར། རྒྱུ་མཚན་ཡོད་དེ། ཆོས་སྐུའི་ལུས་རྒྱས་བཤད་ཀྱི་རྒྱན་གྱི་ཚིག་ལེའུར་བྱས་པ་སྦྱར་སླ་བའི་ངོར་ཡིན་པའི་ཕྱིར། ཕྱོགས་གཞན་སྔགས་ཀྱི་ཐེག་པ་ནས་སྐུ་བཞིར་གསུངས་པ་ཐམས་ཅད་དང་ཡང་མི…

འཛིན་ཆོས་ཅན། གསལ་བ་འདྲ། ཉན་ཐོས་ལ་སོགས་པའི་ཉོན་མོངས་པ་མེད་པའི་ཏིང་ངེ་འཛིན་ནི་རང་རྒྱུད་ལྡན་གྱིས་བདག་མཐོང་བ་ལས་སྐྱེ་བོ་འགའ་ཞིག་གི་ཉོན་མོངས་པ་སྐྱེ་བར་འགྱུར་ན་མི་རུང་ངོ་ཞེས་མིའི་ཉོན་མོངས་པ་སྐྱེ་བའི་རྐྱེན་བྱེད་པ་ཡོངས་སུ་སྤོང་བ་ཙམ་ཉིད་ཡིན་ལ། ཁྱོད་རང་རྒྱུད་ལྡན་གྲོང་ལ་སོགས་པར་བྱོན་པ་ན་དེ་ལ་དམིགས་པའི་སྐྱེ་བོ་…

ཆགས་དང་བཅས་ཏེ་སྤངས་པས་ཁྱད་པར་དུ་བྱས་པའི་ཕྱིར། བཞི་པ་གྲུབ་སྟེ། འཁོར་བ་ཇི་སྲིད་པར་གནས་པའི་ཕྱིར། ལྔ་པ་གྲུབ་སྟེ། ཡང་དག་པ་སོ་སོར་རིག་པ་བཞི་མཐར་ཕྱིན་པ་བརྙེས་པས་ཁྱད་པར་དུ་བྱས་པའི་ཕྱིར། ཉན་ཐོས་ལ་སོགས་པ་ཡི་སྨོན་མཁྱེན་ནི་ཆོས་ཅན། སངས་རྒྱས་ཀྱི་སྨོན་མཁྱེན་དེ་ལྟ་བུ་མ་ཡིན་ཏེ། ལྷུན་གྱིས་གྲུབ་པ་སོགས་བཟློག་པ་ཉིད་ཀྱིས…

སྣང་ནས་དོན་མཛད་ཀྱི། རྒྱུད་མ་སྨིན་པ་ལ་སྣང་ནས་དོན་མི་མཛད་པའི་ཕྱིར། གཉིས་པ་ནི། བཅོམ་ལྡན་འདས་ཆོས་ཅན། དུས་ཐམས་ཅད་དུ་ཡིད་བཞིན་གྱི་ནོར་བུ་ལྟར་གཞན་དོན་མཛད་པའི་ནུས་པ་ཉེ་བར་གནས་ཀྱང་དེའི་འབྲས་བུ་སེམས་ཅན་ཁ་ཅིག་དངོས་སུ་སྨིན་པར་མཛད་པར་མི་སྣང་ངོ་སྙམ་དུ་དགོངས་པའི་རྒྱུ་མཚན་ཡོད་པ་ཡིན་ཏེ། ནང་གི་རྐྱེན་ཐེག་ཆེན་གྱི་དགེ་བ…

མི་མྱོང་བའི་རྒྱུ་མཚན་ཡོད་དེ། འཇིག་རྟེན་དུ་དངོས་སུ་བྱུང་བར་གྱུར་ཀྱང་སེམས་ཅན་ཁ་ཅིག་ལ་དངོས་སུ་དམ་ཆོས་མཉན་པ་སོགས་ཀྱི་སྐལ་བ་མེད་པས་ཏེ་སྐལ་བ་མེད་པ་ཡིན་པའི་ཕྱིར། དཔེར་ན་ལྷ་ཡི་རྒྱལ་པོས་ཆར་ཕབ་ཀྱང་རུལ་བ་སོགས་ཀྱིས་ས་བོན་དུ་མི་རུང་བ་ལ་མྱུ་གུ་སྔོན་པོ་མི་འཁྲུང་བ་ལྟར་རོ། །གསུམ་པ་ནི། གདུལ་བྱའི་ཡིད་ལ་རེ་བ་མཐའ་དག་རྫོ…

ལོངས་སྐུ་བཤད་པ། གསུམ་པ་ལོངས་སྐུ་བཤད་པ་ལ་གཉིས། མཚན་ཉིད་ཀྱི་སྒོ་ནས་མདོར་བསྟན་པ་དང་། ཡོན་ཏན་གྱི་སྒོ་ནས་རྒྱས་པར་བཤད་པའོ། །དང་པོ་ལ་གསུམ། མཚམས་སྦྱར་བ། རྩ་བ། འགྲེལ་པའོ། །དང་པོ་ནི། དེ་ལྟར་སྐུ་གཉིས་པ་ཡེ་ཤེས་ཆོས་སྐུ་བསྟན་ནས། གསུམ་པ་མཚན་དང་དཔེ་བྱད་བཟང་པོས་འབར་བའི་གཟུགས་ཀྱི་སྐུའི་ངོ་བོ་ཉིད་ཀྱི་ལོངས་སྤྱོད་རྫོགས་…

བཀོད་པ་ཡིན་པས་མ་ཁྱབ་སྟེ། འོག་མིན་སྟུག་པོ་བཀོད་པའི་སྔ་རོལ་ཏུ་གྲུབ་པའི་ལོངས་སྐུ་ལ་བཞུགས་གནས་ཡོད་པའི་ཕྱིར་ཟེར་ན། དེ་འདྲའི་ལོངས་སྐུ་དེ་ཆོས་ཅན། ལོངས་སྐུ་མ་ཡིན་པར་ཐལ། ངེས་པ་ལྔ་དང་མི་ལྡན་པའི་ཕྱིར། དེར་ཐལ། གནས་ངེས་པ་འོག་མིན་སྟུག་པོ་བཀོད་པ་ཁོ་ནར་མི་བཞུགས་པའི་ཕྱིར། རྟགས་ཁས། ཁ་ཅིག །ལོངས་སྐུ་ལ་ངེས་པ་ལྔ་ལྡན་གྱིས…

ཡིན་ཟེར་ན། མི་འཐད་པར་ཐལ། དེ་འཁོར་བའི་གནས་མ་ཡིན་པའི་ཕྱིར། དེར་ཐལ། དེར་ལས་ཉོན་གྱིས་སྐྱེ་བ་ལེན་པའི་གང་ཟག་མེད་པའི་ཕྱིར། གཞན་ཡང་། གཙང་མའི་གནས་དག་སྤངས་ནས་ནི། །འོག་མིན་གནས་ནི་ཉམས་དགའ་བར། །ཞེས་བཤད་པ་མི་འཐད་པར་ཐལ་ལོ། ཁ་ཅིག །ལོངས་སྐུའི་སེན་མོ་ཟངས་མདོག་དམར་པོ་ཡིན་ཟེར་ན། སངས་རྒྱས་ཀྱི་པགས་པ་གསེར་མདོག་དེ་སེར་པོ་ཡ…

རྣམ་པར་ཤེས་པའི་སྟེང་དུ་དེ་ཚང་པའི་ཕྱིར། དེར་ཐལ། དེ་དེའི་སྟེང་དུ་ཚོགས་པའི་ཕྱིར། དེར་ཐལ། དེའི་རྟེན་གྱི་ལོངས་སྐུའི་གཟུགས་ཕུང་དེ་གནས་ངེས་པ་འོག་མིན། སྐུ་ངེས་པ་མཚན་དཔེ། དུས་ངེས་པ་འཁོར་བ་ཇི་སྲིད་བར། འཁོར་ངེས་པ་བྱང་འཕགས། ཆོས་ངེས་པ་ཐེག་ཆེན་གྱི་ཆོས་གསུང་བ་དང་ལྡན་པའི་ཕྱིར། ཁ་ཅིག །མཆོག་གི་སྤྲུལ་སྐུའི་རྒྱུད་ཀྱི་ཡ…