ནོར་འཁྲུལ་ཀླག་དང་བརྡ་མ་འཕྲོད། །ངེས་པ་ལྔ་བྲལ་མེད་པའི་བསྒྲུབ་བྱ་ལ། །བསྙེན་རྫོགས་བྱེད་པ་དགེ་སློང་གཟུགས་བརྙན་ཡིན། །ཞེས་གསུངས་པས་མཚོན་མཁས་པ་ཕལ་ཆེར་གྱི་བཞེད་པར་ཐོབ་བློ་སྐྱེ་བའི་བརྡ་འཕྲོད་པ་ཞིག་དགོས་པས། དེ་དང་རྒྱབ་འགལ་དུ་སོང་བ་ལྟར་ན་ལུང་གི་དོན་ལ་སྤྱིར་བཏང་དམིགས་བསལ་གྱི་དགོངས་བསལ་གྱི་དགོངས་པ་འགྲེལ་རྒྱུ་ཡོད་…

ཀྱི་དགེ་བའི་བཤེས་གཉེན་རྒྱ་མ་པ་ཡོན་ཏན་འོད་ཀྱི་ཕྱག་ཏུ་ཕུལ་བ། ཁྱོད་ཀྱི་འདུལ་བའི་ལས་ཆོག་གི་སྐབས་ནས་དྲི་བ་འགའ་ཟུང་མཛད་འདུག་པའི་དྲི་བ་དང་པོ། བསྙེན་རྫོགས་ཀྱི་ལས་གཞིའི་བརྗོད་པའི་སྐབས་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་མཁན་པོ་མིང་འདི་ཞེས་བགྱི་བས་བསྙེན་པར་རྫོགས་པར་མཛད་པར་བཟོད་པ་དེ་དག་ནི་ཅང་མ་གསུང་ཞིག་ཅེས…

མ་བྱས་པ་ཉིད་མ་ཡིན་ནོ། །ཞེས་གསུངས་པས་ལས་མི་འཆགས་པའི་དགག་བྱ་མེད་པས་མང་ཤོས་བྱས་ན་ཧེ་ལྡོམ་ཆུང་ཞིང་། ལག་ལེན་བཟང་གསུང་བ་ལགས་པར་གདའ་བ་ཤིན་ཏུ་མད་པའི་གསུང་ཡིན་སྙམ་པ་བྱུང་ཞིང་། དོན་ལའང་ལུང་རིགས་ཀྱིས་ལེགས་པར་བརྟགས་ཤིང་དཔྱད་ན་ཆོས་བདག་བཟང་ངན་ལྟ་བུར་སོང་ནས་དུས་ཕྱིས་ཀྱི་འདུལ་འཛིན་ཕལ་ཆེར་གྱིས་དགེ་འདུན་ཉུང་ཤོས་དག་པར…

བ་ལ་གཅིག །བརྗོད་པ་ལ་གཅིག་སྟེ་གསུམ་ལྷག་པའི་སྐྱོན་དེ་ཚོར་ནས་བསུབས་པའི་ཞོར་ལ་འདིའི་སྐྱོན་ཡོན་ཞིབ་པ་དེ་མ་ཚོར་བར་བསུབས་པ་ཞིག་ད་བར་དུ་མཁས་པ་རྣམས་ཀྱིས་ཐུག་རྟོག་མ་ཞུགས་པ་ལ་བརྟེན་ནས་མ་བརྟགས་པའི་བཏང་སྙོམས་ལ་ལུས་པ་ཡིན། གལ་ཏེ་རྟོག་དཔྱོད་ཞུགས་ན་ཆེ་ཆུང་རི་དང་མཉམ་པ་འདི་མ་མཐོང་དགོས་པའི་ཚོད་དུ་འདུག་བསམ་པ་བྱུང་ཟེར་བ་…

མཁན་པོ་རྐྱང་པས་བསྙེན་པར་རྫོགས་པའི་དོན་དུ་ཡང་མི་འགྱུར། ཡང་དགེ་འདུན་ཉུང་ཤོས་པ་ལ་ལུང་རིགས་ཀྱི་སྒྲུབ་བྱེད་དགོས་ཤིང་། གལ་ཏེ་ལུང་རིགས་ཀྱི་སྒྲུབ་བྱེད་མེད་བཞིན་དུ་སྔ་རབས་པས་བྱས་པ་བཙན་དུ་འཇུག་ན་མཁས་པའི་གསུང་དུ་ཨེ་འགྲོ་ཟེར་བ་ལ། དགེ་འདུན་ཉུང་ཤོས་ཡིན་པའི་ལུང་ཡོད་དེ། ལུང་དང་། ཀརྨྨ་ཤ་ཏམ་ལས། དེའི་སླད་དུ་དགེ་འདུན་ག…

པ་ལྟ་བུའོ། །དེ་ལ་དོན་གྱི་སྐབས་གཉིས་བྱས་པ་ཉིད་ན་ལས་ཕལ་ཆེར་བྱས་པ་ཉིད་དུ་ཤེས་པར་བྱའོ། །ཞེས་དགེ་འདུན་ཉུང་ཤོས་བཤད་དོ། །དགེ་འདུན་བཞི་ལྷག་པར་འདོན་པ་མ་དག་པའི་རྒྱུ་མཚན། འདུལ་བ་ལུང་དང་། ལས་བརྒྱ་རྩ་གཅིག་གི་གཞུང་དང་། མདོ་དང་། རྒྱ་ཆེར་འགྲེལ་དང་། འདི་ཉིད་ཀྱི་རྣམ་བཤད་དང་། ཤེས་རབ་བྱེད་པས་བྱས་པའི་འགྲེལ་པ་ལ་སོགས་རྣམས…

ཕྱར་རྩེ་མོས་དྲན་པ་ཡིན་ཞེས་གྲགས་ཀྱི། དེ་མ་གཏོགས་དབུས་གཙང་གི་འདུལ་བའི་གྲ་ས་བཟང་པོ་རྣམས་སུ་དགེ་འདུན་མང་ཤོས་མ་གྲགས་པས། བསྟན་པ་དཀྲུག་པའི་ལོག་ལྟའི་རྗེས་སུ་མ་འབྲང་ཞིག །ཡང་ཁྱེད་ཀྱི་ཡི་གེ་ནས་ལེགས་པོར་སོང་ན་མཁས་པ་རྣམས་ཀྱིས་དཔྱད་པའི་ལུང་རིགས་ཀྱིས་མ་གྲུབ་ན་དཔེ་ཆས་དཔང་པོ་ཐུབ་པ་དཀའ་ཞིང་། དགེ་འདུན་ཉུང་ཤོས་འདི་ཡང་ས…

རྩྭ་སྐྱེ་འཕྲོ་བཅད་ན་ལྟུང་བ་འབྱུང་བ་ལ། སྐྲ་སྐྱེ་འཕྲོ་བཅད་ན་ལྟུང་བ་མི་འོང་བ་ཅི་ཡིན། རེག་པ་ལ་དགེ་སློང་མ་ལ་ཕམ་པར་འགྱུར་ལ། དགེ་སློང་ལ་ལྷག་མར་འགྱུར་བ་ཅི་ཡིན། དེ་སོགས་ཀྱི་ཐ་སྙད་པའི་རིགས་པས་མི་འགྲུབ་པ་ཤིན་ཏུ་མང་། དགེ་འདུན་ཉུང་ཤོས་ཀྱི་དཔེ་ཆ་མ་དག་པ་ཡིན་ཟེར་བ་ཡང་། དཔེ་མ་དག་པ་རེ་རེ་ཙམ་སྲིད་མོད། ལུང་དང་ལས་བརྒྱ་ར…

མཛད་དོ། །ཞེས་པ་དགོས་པར་འགྱུར། འདོད་ན་ལུང་དང་། ཀརྨྨ་ཤ་ཏམ་ལས། མཁན་པོ་ལ་ཕྱག་འཚལ་དུ་བཅུག་ནས། མདུན་དུ་ཕ་གུའི་སྟེང་དུ་རྩྭ་བཏིང་བ་ལ་རྟིང་པ་གཉིས་ཀྱིས་མནན་ནས་ཙོག་ཙོག་པུར་འདུག་ཏུ་བཅུག་ནས། གལ་ཏེ་མཁན་པོ་ཡིན་ན་མཁན་པོ་ཞེས་བརྗོད་པར་བྱ། སློབ་དཔོན་ཡིན་ན་སློབ་དཔོན་ཞེས་བརྗོད་པར་བྱ། བཙུན་པ་ཡིན་ན་བཙུན་པ་ཞེས་ཅི་རིགས་པར་བ…

དྲི་བར་བྱའོ། །ཞེས་སོགས་དགོས་པར་མཚུངས་པ་ལས་མ་བྱུང་བས་གསལ། ཡང་ན་མཁན་པོར་གསོལ་འདེབས་སོགས་ཀྱི་ཚིག་འདིའང་རྒྱ་དཔེ་བོད་དཔེ་གཉིས་ཀ་ཡི་གེ་མ་དག་ཟེར་དགོས་ཏེ་ཧ་ཅང་ཐལ། དེས་ན་བཀའ་སྡུད་པའི་དགྲ་བཅོམ་པ་རྣམས་ཀྱིས་དགྲ་བཅོམ་མི་བརྗེད་པའི་གཟུངས་ཐོབ་པའི་དགེ་འདུན་གྱི་དབུས་སུ། ངེད་ཀྱི་འདུལ་བ་དེ་ཡིན་ཁྱེད་ཀྱི་འདུལ་བ་དེ་ཡིན་ནམ…

རབས་ལའང་གནས་བརྟན་ནམ་ཚེ་དང་ལྡན་པ་ཞེས་ཉེ་བའི་ཚིག་མེད་པར་མ་འབོད་ཅིག་པ་དང་། བཅོམ་ལྡན་འདས་ལ་ནི་ཉེ་བའི་ཚིག་འདི་རུ་གནས་བརྟན་ནམ་ཚེ་དང་ལྡན་པ་ཞེས་བྱ་བར་མི་རུང་བར་སྟོན་པའོ། །ཞེས་གསུངས་ཤིང་། རྒྱ་ཆེར་འགྲེལ་དུ། དགེ་འདུན་བཙུན་པ་རྣམས་དགོངས་སུ་གསོལ་ཞེས་སོགས་ཀྱི་སྐབས་སུ། སོགས་པ་ཞེས་སྨོས་པའི་སྒྲས་ནི་དགེ་འདུན་བཙུན་པ་རྣ…

པའི་མི་བྱའོ། །ཞེས་བྱ་བ་ནི་ཉེ་བའི་ཚིག་དང་བྲལ་བར་མིང་དང་རུས་སྨོས་པར་རོ། །འདི་ལ་གནས་བརྟན་དང་ཚེ་དང་ལྡན་པ་ནི་ཉེ་བའི་ཚིག་ཉིད་ཀྱི་ཚུལ་དང་མཐུན་པ་ཡིན་ནོ་ཞེས་བྱ་བ་ནི་རྒན་པ་འདི་ལའོ། །སྔ་མ་ལ་ནི་མ་ཡིན་ནོ། །ཞེས་བྱ་བ་ནི་དེ་བཞིན་གཤེགས་པ་ལ་སྟེ། སྟོན་པ་ལ་གནས་བརྟན་ནམ། ཚེ་དང་ལྡན་པ་ཞེས་ཉེ་བའི་ཚིག་ཉིད་ཀྱི་ཚུལ་དང་མཐུན་པ་མ…

སློབ་དེའི་མཁན་པོ་ཞེས་སྨོས་དགོས་པ་རྣམས་སུ་མཁན་པོའི་ཚིག་རང་དང་བསྒྲུབ་བྱའི་དབང་དུ་བྱས་པ་གཉིས་སྨོས་དགོས་ཏེ། དཔེར་ན་སློབ་དཔོན་ཡིན་ན་མཁན་པོ་སློབ་དཔོན་ཞེས་སྨོས་དགོས་པ་བཞིན་མཁན་པོ་ཞེས་པའི་ཚིག་ཀྱང་དོན་གྱི་སླད་དུ་མཚན་ནས་སྨོས་ཏེ་ཞེས་པའི་ཚིག་གི་འོག་ཏུ་བརྗོད་དགོས་ཏེ། མཁན་པོ་བསོད་ནམས་གྲགས་ཞེས་པ་མཁན་པོའི་དངོས་མིང་…

བསླབ་པ་བླངས་པའི་རྗེས་སུ་རྙེད་བཀུར་དང་རྙེད་བཀུར་མ་ཡིན་པའི་གནས་ཤེས་དགོས་པས། དུས་ཚིགས་ཀྱི་རྣམ་གཞག་སྟག་ཚང་ལོ་ཙཱ་བའི་འདུལ་ཊཱིཀ་ཏུ་མདོར་བསྟན་ནི། གསོ་སྦྱོང་བྱའོ་དུས་ནམ་གྱི་ཚེ་ན་ཟླ་བ་ཕྱེད་ཕྱེད་ན་བྱ་སྟེ། དེ་ལས་འགྱངས་ན་ལྟུང་བ་བརྗེད་ཅིང་བག་མེད་དུ་འགྱུར་ལ། མ་གྱུར་ན་ཀློག་པ་དང་བསམ་གཏན་གྱི་བར་ཆད་དུ་འགྱུར་བས་སོ། །ད…

བཅུ་བཞི་པ་ཡིན་པས། གསོ་སྦྱོང་བཅུ་བཞི་པ་ཞེས་གསུང་བར་ཟད་ཀྱི། གསོ་སྦྱོང་བཅུ་བཞི་པ་ཞེས་བྱ་བའི་ཉི་མ་དེ་ཉིད་ཚེས་བཅོ་ལྔ་པ་ཡིན་པའི་ཕྱིར་རོ། །ཞེས་འགྲེལ་ཆེན་དུ་གསུངས་སོ། །དེས་ན་ཉ་ཤི་དང་བསྟུན་པའི་གསོ་སྦྱོང་ཡིན་ན་ཚེས་བཅོ་ལྔ་ལ་བྱེད་པས་ཁྱབ་པ་ཡིན་པས་འདི་མདོ་ཚིག་སོར་བཞག་པས་ཆོག་པ་ཡིན་ནོ། །འདི་ལ་རིགས་པ་ཅི་ཡོད་ཅེ་ན། ཞག…

ཆད་པ་ཡིན་པས་ཞེས་བཤད་པ་གང་ཞེ་ན། དེ་ནི་འགྱུར་གྱི་སྐྱོན་དུ་ཟད་དེ། དེ་ལྟ་མ་ཡིན་ན་ཡིག་ཕྲེང་གཅིག་གི་གོང་ན་ཉི་མ་གཅིག་ཆད་པས་སྤྱིར་ཞག་བཅུ་བཞི་ཡོད་པའི་ཕྱིར། ཞེས་བཤད་པ་དང་འགལ་ལོ། །ཚེས་བཅོ་ལྔ་ལ་མཚན་མ་གསལ་ཏེ། ཟླ་བ་ཉ་བའི་མཐར་ཐུག་དང་ཟད་པའི་མཐར་ཐུག་ཡིན་པའི་ཕྱིར་རོ། །སྤྲོ་བ་མཐུན་ཏེ། དགེ་བ་རྒྱས་པ་དང་སྡིག་པ་ཟད་པ་མཚོན་…

ཞག་དང་ཉིན་ཞག་མི་མཉམ་པའི་དབང་གིས་ཡིན་གྱི། སྔོན་གྱི་འདུལ་འཛིན་གང་དག་འཕུལ་བྱེད་ཀྱི་རླུང་ཟླ་བ་མགྱོགས་ལ་ཉི་མ་བུལ་བས་ཡིན་ནོ་གསུང་བ་ནི། གནམ་གང་ལ་ཉི་ཟླ་སྡོངས་ནས་ཕྱིན་པས་ཚེས་གཉིས་གསུམ་ན་ཟླ་བ་ཤུལ་ན་ལུས་པ་བླུན་པོའི་མངོན་སུམ་གྱིས་ཀྱང་གྲུབ་པས་གསལ་ལ། ས་ཟླ་དང་གནམ་ཟླ་མ་སྙོམས་པས་ཡིན་ནོ། །ཞེས་ཟེར་བ་དང་། སྐད་ཅིག་མའི་ན…

མངོན་སུམ་གྱིས་འགྲུབ་བོ། །འོ་ན་ཉིན་ཞག་གཅིག་པོ་དེ་ནམ་གྱི་ཚེ་འདོར་ཞེ་ན། དུས་ཚིགས་སོགས་ཏེ་འདི་ལ་སྤྱིར་དུས་ཚིགས་ཀྱི་སྤྲོས་པ་བཤད་པ་དང་། དེ་སྐབས་ཀྱི་ལག་ལེན་དང་སྦྱར་བའོ། །དང་པོ་ལ་གསུམ་ཡན་ལག་ཅན་ལོ་ཡི་རྣམ་གཞག །ཡན་ལག་ཟླ་བའི་དབྱེ་བ། དེ་ལ་དུས་ཚིགས་སུ་བཅད་པའོ། །དང་པོ་ནི། ཆོས་མངོན་པ་ནས་འབྱུང་བ་ལྟར་ན་གཟུགས་མིང་དུས་…

ནས་ལོ་གྲངས་འདི་ཙམ་ལོན་པའི་ལོ་ཞེས་སོགས་ལས་མི་འབྱུང་བའི་ཕྱིར་རོ། །བདེ་མཆོག་སྟོད་འགྲེལ་སོགས་དང་བསྟུན་ནས་རབ་བྱུང་རྣམ་བྱུང་དཀར་པོ་དང་། ཞེས་སོགས་ལོ་དྲུག་ཅུའི་མིང་འབྱུང་ངོ་། །རྒྱ་ནག་པ་བྱི་བ་སོགས་ལ་བཅུ་གཉིས་ལ་ལོ་སྐོར་དུ་བྱེད་ཅིང་། དེ་འབྱུང་བ་མེ་ས་ལྕགས་ཆུ་ཤིང་རྣམས་ལ་ཕོ་མོ་གཉིས་གཉིས་དང་སྦྱར་བས་དྲུག་ཅུ་ལོན་པ་ན…

བའི་མིང་ནི། གང་གིས་ཉ་བའི་སྐར་མ་དེའི་སྒོ་ནས་འདོགས་ལ། དེ་ཡང་བོད་ན། དཔྱིད་གསུམ་རྒྱལ་རྟ་ཁྲ་ལ་ཉ། །དབྱར་གསུམ་ས་རྩེ་མ་རུ་བྲེ། །སྟོན་གསུམ་སྦོ་སྒྲོགས་ཁྲུམས་ལ་ཉ། །དགུན་གསུམ་དབྱུག་སྨིན་མགོ་ལ་ཉ། །མཐའ་ཆུང་གསུམ་པོ་རང་ས་འཛིན། །ཞེས་ཟེར་ལ། དུས་འཁོར་བ། དཔྱིད་འབྲིང་ནག་པ་ལུག་གི་ཁྱིམ། །དཔྱིད་མཐའ་ས་ག་གླང་གི་ཁྱིམ། །དབྱར་མ…