རིའི་རྒྱལ་པོ་རི་རབ་རྩེ་མོར་རྣམ་པར་རྒྱལ་བའི་ཁང་བཟང་དང་བཅས། མཐའ་སྐོར་དུ་གླིང་བཞི་གླིང་ཕྲན་བརྒྱད་ཉི་ཟླ་ཟུང་གཅིག་དང་བཅས་པའི་ཚོམ་བུ་བཅོ་ལྔ་བསྟན། རིན་ཆེན་སྣ་བདུན་ཞེས་པས་རྒྱལ་སྲིད་རིན་ཆེན་སྣ་བདུན་བསྟན་ལ། སྒྲོན་གསལ་ལས། པདྨ་རཱ་ག་དང༌། ཨིནྡྲ་ནཱི་ལ་དང༌། བཻ་ཌཱུརྱ་དང༌། མརྒད་དང༌། རྡོ་རྗེ་དང༌། མུ་ཏིག་དང༌། བྱུ་རུ་ཞེ…

ཚུལ་གྱིས་མཆོད་པའི་ཚོགས་རབ་འབྱམས་སྤྲོ་མཁས་པ་ལ་བྱའོ། །དངོས་གྲུབ་འདོད་པས་སྦྱིན་པའི་ཕྱིར། །ཞེས་པ་དངོས་གྲུབ་འདོད་པ་ཙམ་གྱིས་མི་ཆོག་གི །བླ་མ་ལྔ་བཅུ་པ་ལས། དངོས་གྲུབ་སློབ་དཔོན་རྗེས་འབྲང་ཞེས། །རྡོ་རྗེ་འཛིན་པ་ཉིད་གསུང་བ། །ཤེས་ནས་དངོས་པོ་ཐམས་ཅད་ཀྱིས། །བླ་མ་ཡོངས་སུ་མཉེས་པར་བྱ། །ཞེས་དངོས་གྲུབ་འབྱུང་མི་འབྱུང་བླ་མ་…

བླ་མ་ལ་ཐུན་མོང་མ་ཡིན་པའི་མཆོད་པར་བྱེད་དགོས་ཏེ། དཔེར་ན་རྒྱལ་པོ་སྤྱན་དྲངས་པའི་ཚེ་གཙོ་འཁོར་ཐམས་ཅད་ལ་ཡོན་དང་འཚོ་བ་སྟོབ་དགོས་ཀྱང༌། སྙིང་ནོར་གཅེས་ཤོས་དེ་རྒྱལ་པོ་རང་ལ་ཕུལ་ནས་དགོས་དོན་གྱི་གཙོ་བོ་ཞུ་དགོས་པ་ལྟར། ཚེ་གཅིག་ཉིད་ལ་མཆོག་འགྲུབ་པ་བླ་མ་ཁོ་ན་ལ་ལྟོས་པས་ལུས་ལོངས་སྤྱོད་དགེ་ཚོགས་དང་བཅས་པ་མཎྜལ་དུ་སྤུངས་ནས་འ…

མ་གཅིག་པུའི་ཁྱད་ཆོས་མ་ཡིན་ཏེ། དཀོན་མཆོག་བརྩེགས་པའི་ཆོས་ཀྱི་རྣམ་གྲངས་སྒྱུ་མ་མཁན་བཟང་པོས་ཞུས་པ་ལས། བཟང་པོ་རྒྱལ་བ་གཅིག་ལ་མཆོད་བྱེད་ན། །ཕྱོགས་བཅུའི་སངས་རྒྱས་ལ་ནི་མཆོད་འགྱུར་ཏེ། །འདི་ལྟར་དེ་དག་ང་ཡི་ཆོས་དབྱིངས་དང༌། །ཐ་དད་བྱ་བ་ནམ་ཡང་ཡོད་མ་ཡིན། །ཞེས་གསུངས་ཤིང༌། གསང་ཆེན་ཐབས་ལ་མཁས་པའི་མདོ་ལས་ཀྱང་དེ་ལྟར་གསུངས་…

ཡོན་འབྱུང་བ་བཀའ་དྲིན་གྱི་སྒོ་ནས་ཡིན་པས་ཕལ་པ་ལའང་འབྱུང་ངོ༌། །དེ་ལྟར་མཎྜལ་དབུལ་བ་དེ་རྟག་པར་དུས་དྲུག་ཏུ་མ་ཆག་པ་དགོས་པ་གོ་བའི་ཕྱིར། ཉིན་རེར་ཤེས་རབ་ཅན་གྱིས་དབུལ། །ཞེས་གསུངས་པ་ཡིན་གྱི། ཉིན་རེར་ལན་རེ་དབུལ་བ་ལྟ་བུ་མིན་ཏེ། འདིའི་དགོངས་པར་བྱས་ནས་བླ་མ་ལྔ་བཅུ་པར། མཆོག་ཏུ་དད་པས་དུས་གསུམ་དུ། །དཀྱིལ་འཁོར་མེ་ཏོག་བཅ…

བྱང་ཆུབ་སེམས་ནི་བདེ་ཆེན་པོ། །ལེན་པར་བྱེད་པས་དཀྱིལ་འཁོར་ཉིད། །འདུས་པ་དཀྱིལ་འཁོར་ཉིད་དུ་བརྗོད། །ཅེས་དང༌། དེའི་བཤད་རྒྱུད་སམྦྷུ་ཊ་ལས། དངོས་པོ་ཀུན་གྱི་སྙིང་པོ་མཆོག །ལེན་ཅིང་གཅོད་པ་ཉིད་ཀྱི་ཕྱིར། །ཞེས་གསུངས་ཏེ། དེས་ན་དབང་བཞི་གང་དུ་ཐོབ་པའི་ཡུལ་དང་རྫས་མི་འདྲའང༌། དེ་ལ་བརྟེན་ནས་ལེན་རྒྱུའི་སྙིང་པོ་བདེ་སྟོང་གི་ཡ…

གསལ་གཉིས་མེད་ཀྱི་ཡེ་ཤེས་སྙིང་པོར་བཞག་སྟེ་དེ་ལེན་པ་ལ་བྱེད་དགོས་པས་མཚོན་ལས་དང་པོ་བས་སྣོད་བཅུད་ཀྱི་འཇིག་རྟེན་བློས་བླངས་ཏེ་ཕུལ་བ་ལ་མཎྜལ་ཞེས་པ་བསོད་ནམས་རླབས་པོ་ཆེའི་སྙིང་པོ་ལེན་པ་ལ་བྱེད་པ་སོགས་དཀྱིལ་འཁོར་གྱི་མིང་མཎྜལ་འདྲའང་དོན་སྣ་ཚོགས་ལ་སྦྱར་ཏེ་སྙིང་པོ་འདུས་ཚུལ་རེ་བྱེད་དགོས་པའི་ཕྱིར། ལྷ་མོ་བཞིས་ཞུས་ཀྱི་ར…

འགྱུར་རོ། །ནང་གི་མཎྜལ་ནི། པགས་པ་རབ་མཛེས་གསེར་གྱི་ས་གཞིའི་སྟེང༌། །ཁྲག་ཆེན་བདུད་རྩིའི་ཆུ་ཡིས་ཆག་ཆག་བཏབ། །ཤ་ཁྲག་མེ་ཏོག་ཕང་ཕུང་ཚོམ་བུར་གྱུར། །ཡན་ལག་རྣམས་ལས་གླིང་ཆེན་བཞི་དང་ནི། །ཉིང་ལག་གླིང་ཕྲན་བརྒྱད་དུ་གྱུར་པའི་དབུས། །ཁོག་པ་རིན་ཆེན་རྡུལ་མང་བརྩེགས་པའི་རྩེར། །མགོ་བོ་རྣམ་པར་རྒྱལ་བའི་ཁང་བཟང་མཛེས། །མིག་གཉིས་…

ལས་ཀྱང༌། ལུས་ཀྱི་གཙོ་བོ་སྙིང་བླ་མ་ལྷག་པའི་ལྷར་བསམས་ཏེ། པགས་པ་གསེར་གྱི་ས་གཞི། ཁྲག་ཆུའི་བྱུགས་པ། སྒལ་ཚིགས་རིའི་རྒྱལ་པོ་རི་རབ། ཡན་ལག་བཞི་གླིང་བཞི། རྩ་རོ་རྐྱང་གཉིས་ཉི་མ་དང་ཟླ་བ། ཉི་མ་ལྟར་དམར་བ་གསེར། ཟླ་བ་ལྟར་དཀར་བ་དངུལ། བྱང་ཆུབ་ཀྱི་སེམས་ལྷ་དང་མིའི་ལུས་ཕུན་སུམ་ཚོགས་པ། སྙིང་མ་གཏོགས་པའི་དོན་རྣམ་པ་ལྔ། སྣོད་…

ཀྱི་ཆ་ཤས་སོ་སོ་ལས་གཞལ་ཡང་ཁང་བསྐྱེད་པ་ལ་ལུས་དཀྱིལ་དུ་བཞག་པ་ལྟར། རང་གི་ཕུང་ཁམས་ཕྲ་རགས་སྒྲུབ་གཞིར་བྱས་ཏེ། དེ་ཡོངས་སུ་གྱུར་པ་ལས་རི་རབ་གླིང་བཞི་སོགས་ཀྱི་རྣམ་པར་བྱས་ནས་ཕུལ་ནའང་ནང་གི་མཎྜལ་དུ་འགྲོ་སྟེ། རྒྱལ་དབང་བདུན་པའི་འཇིགས་བྱེད་ཀྱི་བླ་མའི་རྣལ་འབྱོར་ལས། བདག་ལུས་ངག་ཡིད་ཕུང་ཁམས་སྐྱེ་མཆེད་རྣམས། །ཡོངས་སུ་གྱུར…

འཕྲིན་ལས་ལ་སོགས་པ་ཐམས་ཅད་དཔག་བསམ་གྱི་ཤིང་དང༌། འབྲུ་དང་ལོངས་སྤྱོད་ལ་སོགས་པར་བསམ། ཞེས་གསུངས་ཏེ། མིང་གསང་བའི་མཎྜལ་དུ་བཏགས་ཀྱང་ཟུང་འཇུག་གི་རྟོགས་པའང་དེར་བསྡུས་པས་དེ་ཁོ་ན་ཉིད་ཀྱི་མཎྜལ་དེ་ལས་ལོགས་སུ་བྱར་མེད་དོ། །ཀུན་གཟིགས་ལྔ་པ་ཆེན་པོས། རྡོ་རྗེའི་ལུས་ཀྱི་གསེར་ལྡན་ལྟོ་བ་ན། །མཉམ་སྦྱོར་རྡོ་རྗེ་པདྨའི་ལྷུན་པོ་མ…

ཐབས་མཆོག་བདེ་ཆེན་རྡོ་རྗེའི་རོལ་རྩེད་ཀྱིས། །སྟོང་ཕྱོགས་ཤེས་རབ་པདྨར་རོལ་པ་ལས། །ཟག་མེད་ལྷན་སྐྱེས་དགའ་བའི་རང་བཞིན་གྱི། །སྣོད་བཅུད་དཀྱིལ་འཁོར་བཀོད་པས་མཉེས་གྱུར་ཅིག །ཅེས་དང༌། བདེ་ཆེན་ཀུན་ཏུ་བཟང་པོའི་རྣམ་རོལ་གྱི། །མཆོད་སྤྲིན་ཅིར་ཡང་སྣང་བའི་སྒྱུ་མ་རྣམས། །གདོད་ནས་རང་བཞིན་སྟོང་པར་ངེས་རྙེད་པའི། །ཟུང་འཇུག་བླ་མེ…

བཞིན་བྱེད་ནུས། དེའི་གནད་ཀྱིས་དེ་དང་བསྟུན་པའི་མཆོད་པ་ལའང་རྒྱ་ཆེ་ཆུང་གི་ཁྱད་པར་ཆེན་པོ་འབྱུང་ངོ༌། །སྔ་མ་རྣམས་མཆོད་པ་དེ་གཉིས་སོ་སོར་འབྱེད་མི་ཐུབ་པའི་རྒྱུ་མཚན་དབང་གསུམ་པའི་བདེ་སྟོང་དབྱེར་མེད་ལས་ལྷག་པ་ཞིག་དབང་བཞི་པ་ལ་སྦྱོར་རྒྱུ་མ་རྙེད་པས་དེ་ཙམ་ཞིག་ཟུང་དུ་འཇུག་ཚུལ་མཐར་ཐུག་ཏུ་བྱས་པའི་དབང་གིས་ཡིན་ནོ། །རང་ལུག…

པོ་དྲུག་ཅེས་འབྱུང་ཡང༌། སྒྲོན་གསལ་རྣམ་ངེས་སོགས་ལས་མཚན་གྱི་ཚིག་རིས་སོར་བཞག་པ་ཀུན་དང་འགྲིག་གོ །དེ་རྣམས་ཟུང་དུ་འཇུག་ཚུལ་ནི་ལྷན་ཅིག་ཏུ་ཚོགས་པ་དང་གཅིག་གིས་གཅིག་རྩིས་ཟིན་པ་ཙམ་ལ་མི་བྱ་ཡི། སྔ་མའི་རྫས་རྒྱུན་དང་ལྡོག་ཆ་ཙམ་གྱིས་སོ་སོར་བཞག་པ་མ་གཏོགས། དེ་ཐམས་ཅད་ངོ་བོ་དང་ནུས་པ་དང་བྱེད་ལས་གང་གི་ཆ་ནས་ཀྱང་མི་འདྲ་བའི་ད…

བཞུགས། །ཞེས་ཕུང་ཁམས་དང་དབང་པོ་རྣམས་རེ་རེས་ཀྱང་ཕྱག་གི་བྱ་བ་ལེན་ཅིང་འཛིན་པ། ཞབས་ཀྱི་བྱ་བ་འབྱོན་བཞུགས། སྤྱན་གྱི་བྱ་བ་གཟིགས་པ། ཞལ་གྱི་བྱ་བ་ཆོས་སྟོན་པ། སྙན་གྱི་བྱ་བ་སྒྲ་གསན་པ་སོགས་ཐམས་ཅད་འབྱུང་ལ། དེའི་རྩ་བ་ནི་དཔེར་ན་ཉི་འོད་ཀྱིས་ས་སྟེང་ཐམས་ཅད་གཡོགས་ཏེ་ཀུན་ལ་དྲོད་དང་སྐེམས་པ་སྨིན་པ་སོགས་ཀྱི་བྱེད་པ་འཇུག་པ་ལྟ…

བར་མ་བསྟན་པས་མདོ་སྔགས་ཁྱད་མེད་དུ་མི་འགྱུར་ལ། དེ་བཞིན་དུ་རིམ་པ་བཞི་པའི་སྐབས་སུ་འོད་གསལ་ལ་གནས་བཞིན་པའི་དུས་སྒྱུ་མའི་སྐུར་ལྡང་བ་སོགས་བྱེད་མི་ནུས། སྒྱུ་མའི་སྐུར་ལྡང་བ་ན་འོད་གསལ་གྱི་མཉམ་གཞག་ལས་གཡོ་དགོས་པས་དུས་ཉི་ཚེ་བ་དང་རེས་འཇོག་ཡིན། མཐར་ཐུག་གི་ཚེ་རྗེས་ཐོབ་ཀྱི་བྱ་བ་སྤྲུལ་བསྒྱུར་སོགས་ནམ་མཁའི་མཐའ་ཁྱབ་ཏུ་བས…

འདི་ནི་བཞེད་པ་འཇུག་པ་ཡིས། །རྡུལ་གཅིག་ཡུལ་ལ་མཁའ་གཏུགས་འཇིག་རྟེན་དང༌། །འཇིག་རྟེན་མཐའ་ཡས་ཕྱོགས་ཁྱབ་རྡུལ་སྟོན་མོད། །རྡུལ་རགས་མི་འགྱུར་འཇིག་རྟེན་ཕྲར་མི་འགྱུར། །ཞེས་རྡུལ་གཅིག་གི་གོ་སར་འཇིག་རྟེན་མཐའ་ཡས་པ་ཤོང་བ་དང༌། འཇིག་རྟེན་གྱི་ཁམས་མང་པོ་རྡུལ་གཅིག་གིས་ནོན་པ་སོགས་བཞེད་པ་འཇུག་པའི་ཡོན་ཏན་ཞེས། ཐུགས་ལ་གང་བཞེད་…

དང༌། དུས་ཀྱང་ད་ལྟ་བ་ཁོ་ན་མ་ཡིན་པར་དུས་གསུམ་དུ་བྱུང་དང་འབྱུང་འགྱུར་ཐམས་ཅད་ལྷན་ཅིག་བཀོད་ནས་དུས་ཀྱང་ཉི་ཚེ་བར་མ་སོང་བས་སྔ་མ་ལས་རྒྱ་ཆེ་བ་ཡིན་ཏེ། ཕྱེད་བཅས་བཞི་བརྒྱ་པར། སྦྱིན་བྱ་ལ་སོགས་མི་དམིགས་ཀྱང༌། །སྦྱིན་སོགས་ཐ་མལ་ཉིད་གྱུར་པ། །བདག་མེད་ཐ་མལ་མི་གཞོམ་སྟེ། །འཁོར་ལོ་མཆོག་ལ་དེ་ཡོད་མིན། །ཞེས་པའི་ཐད་ཀྱི་ཤཱནྟི་པ…

རྡོ་རྗེའི་སྒོ་ཞེས་བྱ་བ་སོགས་བ་སྤུའི་ཁུང་བུ་རེ་རེར་ཡང་སྣོད་བཅུད་ཀྱི་འཇིག་རྟེན་མཐའ་ཡས་པ་ཡོད་ཚུལ་གསུངས་པ་དེ་སྤྱན་རས་གཟིགས་ཁོ་ནའི་མ་ཡིན་པར་ཟུང་འཇུག་བརྙེས་པ་ཀུན་གྱི་ཡོན་ཏན་དུ་གོ་དགོས་ལ། དམ་ཆོས་པད་དཀར་དུ་དུས་ཕྱི་དྲོ་གཅིག་ལས་རུམ་ནས་ཐོན་པའི་བྱང་སེམས་གྲངས་མེད་པ་ཞིག་གིས་བར་གྱི་བསྐལ་པ་ལྔ་བཅུར་ཕྱག་འཚལ་ཞིང་བསྟོད…

གང་ཡན་ཆད་བྱ་བར་སློབ་དཔོན་ཀམྤ་ལའི་མཎྜལ་ཆོ་ག་དང༌། ཡེ་ཤེས་རྡོ་རྗེས་དེ་ཉིད་མཐོང་བའི་ལམ་དུ་གསུངས་པ་ལྟར་བྱུང་ན་ལེགས། འོན་ཀྱང་ངེས་གཟུང་མི་དགོས་སོ། །དབྱིངས་ཀྱང་ཀམྤ་ལ་དང་ཨ་བྷྱཱས་ལས་མཐུན་གྱི་དབྱིབས་ཟླུམ་པོ། གྲུ་གསུམ། ཟླ་གམ། གྲུ་བཞི་རྣམས་འདམ་གར་གསུངས་ལ། གཞན་ཕལ་ཆེར་ཟླུམ་པོ་དང་གྲུ་བཞི་གང་རུང་གཙོ་བོར་མཛད་པས་དེ་བཞ…