མདོ་སྔགས་ཀྱི་གཞུང་ལ་སློབ་གཉེར་བྱེད་ཚུལ་གྱི་བསླབ་བྱ་ནོར་བུའི་གླིང་དུ་བགྲོད་པའི་ལམ་ཡིག་སོགས་བསླབ་བྱ་སྣ་ཚོགས་ཀྱི་སྐོར་བཞུགས་སོ། །

རྒྱལ་ཀུན་མཁྱེན་རབ་གཅིག་བསྡུས་འཇམ་པའི་དབྱངས། །ངུར་སྨྲིག་གར་གྱིས་རྣམ་རོལ་ཙོང་ཁ་པ། །དངོས་གྲུབ་ཀུན་སྩོལ་བཅོམ་ལྡན་གཤིན་རྗེའི་གཤེད། །རྣམ་གསུམ་དབྱེར་མེད་ཞབས་ཀྱི་པདྨོ་ལ། །གུས་པས་བདུད་དོ་བརྩེ་བས་རྗེས་སུ་ཟུངས། །སྐྱེ་བར་བཏགས་པས་མངོན་རློམ་ཚངས་པ་དང༌། །ཁེངས་དྲེགས་འབྱོར་པས་གཡེང་བའི་འདོད་ལྷའི་རིགས། །མ་ཡིན་བློ་གསལ་ཚ…

ཕ་ཡུལ་ཉེ་དུ་ཀུན། །བཞག་སྟེ་རྒྱང་རིང་ཡུལ་དུ་སོང་ན་ཡང༌། །རྒྱུས་མེད་ཡུལ་ནས་དོན་མེད་མཛའ་བཤེས་སོགས། །བསྡུས་ཏེ་རྣམ་གཡེང་བྱེད་པ་སྨྱོན་པ་ཡིན། །འོངས་དོན་ཐོས་བསམ་ལས་ལ་སྒྲིམས་ཤིག་ཨང༌། །སྒོ་གསུམ་དགེ་ལ་སྦྱར་ཕྱིར་མིང་དང་དོན། །མཐུན་པའི་བཤེས་ཤིག་རང་གི་དགེ་རྒན་དུ། །བསྟེན་ནས་ཆོས་ཀྱི་བྱ་བ་མ་ལུས་པའི། །རྩ་བར་མཐོང་སྟེ་བཀའ…

ཆོས་ཀྱི་གེགས་སུ་འགྲོ་བ་འདི། །གྲོགས་ངན་འདུ་འཚོགས་མང་བའི་སྐྱོན་ཡིན་པས། །བསེ་རུ་ལྟ་བུར་གནས་པར་གྱིས་ཤིག་ཨང༌། །མིང་ལ་མཐུན་རྐྱེན་ཟེར་ཡང་ཆོས་ཕྱོགས་ལས། །ཉམས་བྱེད་འདོད་ཡོན་བདུད་ཀྱི་གཡབ་མོ་སྟེ། །འདོད་ཆུང་ཆོག་ཤེས་སྔོན་བྱོན་དམ་པ་རྣམས། །དབུལ་བས་མ་མནར་དོན་གཉིས་རྩེར་སོན་པས། །འཕྲལ་ཕུགས་ཁེ་ཉེན་གང་ཆེ་དཔྱོད་ཅིག་ཨང༌། །…

ཚེས་ཟླ་ལྟར་འཕེལ་འགྱུར་བས། །སྒོ་གསུམ་བག་དང་ལྡན་པར་གྱིས་ཤིག་ཨང༌། །དང་པོ་ཐོས་པའི་སྒྲོན་མེ་མ་སྦར་ན། །ཀུན་ནས་ཉོན་མོངས་སྲིད་པའི་སྐྱོན་མཚང་དང༌། །རྣམ་བྱང་ཐར་པའི་ལམ་གྱི་བགྲོད་ཚུལ་སོགས། །བླང་དོར་ཇི་ལྟར་བྱ་བ་མི་ཤེས་པས། །ཐོས་པས་བློ་མིག་སྦྱངས་པར་གྱིས་ཤིག་ཨང༌། །དོན་གྱི་རྒན་པོ་ཚིག་གི་འཁར་བ་ལ། །བརྟེན་ཕྱིར་གཞུང་ཚིག་…

ཨང༌། །དཀོར་དང་སྒྲིབ་པས་བྱིང་ཞིང་རྨུགས་པའི་སྟེང༌། །ད་དུང་ཟས་དང་གཉིད་ཀྱི་ཚོད་མི་རིག །ལང་ཤོར་བློ་ངན་འཕྲོ་ཞིང་རྒོད་པའི་ཐོག །ཕྱི་ཕྱིར་འཆལ་གཏམ་དུ་མས་གཡེང་བ་སོགས། །དགག་བྱའི་རིགས་ལ་བསྒྲུབ་བྱར་མ་འཛིན་ཨང༌། །སྐྱོན་ཡོན་བླང་དོར་རང་གིས་མི་བྱེད་པར། །གྲགས་སྐམ་འུད་ཀྱི་རྗེས་སུ་འབྲང་ན་ཡང༌། །ཉེས་སྐྱོན་སུ་ཡིས་ལག་པས་མི་ས…

མ་རིག་མུན་སེལ་ཐོས་པའི་མེ་སྦར་ཡང༌། །ང་རྒྱལ་དུ་བའི་ངོ་བོར་འཁྱིལ་བ་ཡིས། །ཕྱི་ཕྱིར་སྐྱོན་ཡོན་མཐོང་བ་སྒྲིབ་བྱེད་ལ། །ཆོས་སུ་སོང་ན་ཤེས་རྒྱུད་དུལ་དགོས་པས། །སྙེ་མ་ལོང་བ་མགོ་འཕང་མ་མཐོ་ཨང༌། །མཐོན་པོའི་སྒང་ལ་ཆུ་བོ་མི་ཆགས་པས། །དམན་ས་བཟུང་སྟེ་གུས་པའི་བརྟུལ་ཞུགས་ཀྱིས། །ཆོས་མཐུན་བློ་ཁ་མཐོ་བ་ཐམས་ཅད་ལས། །བློ་སྐྱེད་གང…

རིམ་པ་བཞིན་དུ་སློབས་ཤིག་ཨང༌། །གསང་ཆེན་རྒྱུད་ཀྱི་རྒྱལ་པོའི་སྨན་ཧྲོག་རྣམས། །སྦྱོར་བར་བསྡེབས་པ་བསྐྱེད་རྫོགས་རིམ་པ་སོགས། །ཡིན་ཕྱིར་གཞུང་ལུགས་ཆེ་རྣམས་ཡལ་བོར་ནས། །མན་ངག་ཁོ་ནར་དགའ་བ་གནས་མིན་པས། །རྩ་བཤད་སྦྱར་ཏེ་རྒྱུད་དོན་ཚོལ་ཅིག་ཨང༌། །གསང་སྔགས་དེ་ཡང་འཕྲལ་གྱི་རྐྱེན་སེལ་ལམ། །ཚེ་དང་ནོར་སྒྲུབ་དབང་སྡུད་མངོན་སྤྱོ…

མདོ་རྒྱུད་ཀུན། །གསལ་བྱེད་རྒྱལ་བ་གཉིས་པའི་ལུགས་བཟང་འདིར། །བློ་རྩེ་གཅིག་ཏུ་དྲིལ་ཏེ་འཇུས་ཤིག་ཨང༌། །གར་རྒྱུག་ཕྱོགས་སུ་དཀྱུས་སྟོན་བྱེད་པ་བཞིན། །དང་པོ་ཉིད་ནས་གཅིག་ཤེས་གཉིས་ཤེས་ཀུན། །སྲིད་པར་འཁྱེར་བའི་དམུ་རྒོད་སེམས་ཀྱི་རྟ། །འདི་ཉིད་གདུལ་ཐབས་ཁོ་ནར་འཁྱེར་བ་ཡིས། །ཐོས་བསམ་ཆོས་སུ་འགྲོ་བར་གྱིས་ཤིག་ཨང༌། །འཁོར་ལོ་…

སྣང་བས། འདི་འདྲ་ཞིག་འབྲི་འདུན་སྔར་ནས་ཡོད་པའི་ཐོག་ཉེ་ཆར་དར་ཧན་པེའི་ལིའི་ཤོག་ནས་བློ་དང་ལྡན་པ་དགེ་སློང་དཀོན་མཆོག་རྡོ་རྗེས་བསྐུལ་བའི་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་ཐོས་དོན་རྒྱུད་ལ་སྦྱར་བའི་ཉམས་ལེན་མ་ཐུབ་ཀྱང༌། བླ་མ་གོང་མ་ཞིག་གི་མིང་ཙམ་ལ་སྐྱབས་སུ་མ་མཆི་བར་གྲྭ་རྐྱང་དཀྱུས་མའི་ལུགས་བཞིན་སློབ་གཉེར་ལ…

རྒྱལ་བས་རབ་བསྔགས་ལམ་བཟང་ཡང༌། །རང་རང་ལག་ན་གནས་པས་འབད་པར་འཚལ། །ཟབ་རྒྱས་མན་ངག་མཐའ་ཡས་མཉན་ན་ཡང༌། །ཁ་བཤད་ཙམ་ལ་འཕྱན་ན་ཕན་དཀའ་བས། །མཐའ་དག་རང་རང་བསམ་པ་དང་སྦྱར་ནས། །ནན་ཏན་ལག་བླང་བྱ་བ་མན་ངག་གནད། །སྔ་ཆར་མཚན་ལྡན་བླ་མ་དམ་པ་བཙལ། །སླད་ནས་ཟབ་རྒྱས་གདམས་ངག་ཚང་བར་མཉན། །ཐ་མར་གདམས་ངག་མཐའ་དག་ཉམས་བླངས་ན། །སངས་རྒྱས་སར་ཆས་ས…

བྲིས་འདི་ཡིས། །ལེགས་ཉེས་འབྱེད་བྱེད་ཡེ་ཤེས་གཏེར་རྙེད་དེ། །སྟོབས་སོགས་ཡོངས་རྫོགས་མགོན་པོ་མཆོག་ཐོབ་ཤོག །ཅེས་ལུགས་གཉིས་ཀྱི་བསླབ་བྱ་མདོར་བསྡུས་འདི་ནི་བློ་དང་ལྡན་པ་རབ་འབྱམས་པ་འཇིགས་མེད་གྲགས་པས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་དབྱངས་ངེས་པའི་ཚུལ་དུ་བྲིས་པའོ། ། ༈ དུས་གསུམ་གྱི་རྒྱལ་བ་ཀུན་ལས་ཀྱང…

འཇུག་གཡེང་བ་སྤོངས། །ཕྱོགས་ཐག་རིང་མགྲོན་པོའི་ལམ་ཞག་འདྲ། །འདི་སྣང་ཀུན་དོན་མེད་བསླུ་བྲིད་ཡིན། །ཚེ་ཕྱི་མར་ཕན་པ་གཞན་མེད་པས། །རང་ནུས་པ་གང་ཡོད་དགེ་ལ་སྦྱོར། །ཆོས་ཟབ་མོར་གྲགས་པ་མང་ན་ཡང༌། །དམ་ཚིག་དང་སྡོམ་པ་བསྲུང་བ་འདི། །དུས་གསུམ་གྱི་རྒྱལ་བ་དགྱེས་བྱེད་དང༌། །གཏན་འདུན་གྱི་སྒྲུབ་པའི་ཡང་རྩེ་ཡིན། །བསྟེན་ན་ནི་དགེ་བའ…

གནས་དེ་ན་ཁྱོད་ཀྱི་ཞིང་ཁམས་ཡོད། །ཞིང་དེ་ན་ཁྱོད་ཀྱི་གདུལ་བྱ་ཡོད། །ཅེས་ལུང་བསྟན་གྱི་གདུལ་བྱའི་དུས་ལ་བབས། །ཆེས་སྙིགས་མ་ལྔ་བདོའི་དུས་ངན་དང༌། །ལས་སྡིག་ལ་སྤྱོད་པའི་ཡུལ་མཐའ་འདིར། །ལྷ་སྙིང་རྗེའི་གཏེར་ཆེན་ཁྱོད་མིན་པ། །ང་ཉམ་ཐག་གི་མགོན་སྐྱབས་སུ་ལ་ཞུ། །ཆོས་མདོ་སྔགས་བསྟན་པ་ཉི་རྒས་འདྲ། །དེ་བཤད་སྒྲུབ་ཀྱིས་འཛིན་པའི་…

ནམ་མཁའི་མཐའ་དང་མཉམ། །དུས་དེང་སང་ངན་ལ་མགོ་མཐོ་ཡང༌། །ལམ་བར་དོའི་འཕྲང་རིང་བརྒལ་བའི་ཉིན། །དགྲ་གཤིན་རྗེའི་དམག་གིས་བསྐོར་བའི་ཚེ། །ཆོས་ཚུལ་བཞིན་བྱས་པའི་མི་དེ་སྐྱིད། །འཕྲང་ཡ་ངའི་འཇིགས་པ་སེལ་འདོད་ཅིང༌། །མར་ངན་སོང་གི་སྐྱེ་སྒོ་གཅོད་འདོད་ན། །ལྷ་ཐུགས་རྗེ་ཆེན་པོའི་ཞབས་ལ་འཇུས། །དུས་ཉིན་མཚན་མེད་པར་གསོལ་བ་ཐོབ། །ཡར་མ…

འཁྲིད། །དོན་དེ་ཕྱིར་སྒོ་གསུམ་དགེ་ལ་འབད། །དགེ་གང་བསགས་དེ་ཡི་དོན་དུ་སྔོས། །དེ་བྱས་ན་མི་ལུས་དོན་དང་ལྡན། །ཆོས་བསྟན་དང་མཇལ་བའི་དགོས་པ་འགྲུབ། །ཚུལ་དེ་ལྟར་སྨྲས་པའི་དགེ་བས་ཀྱང༌། །ངེད་ཡོན་མཆོད་བློ་སྣ་ཆོས་ལ་བསྒྱུར། །ལས་དཀར་པོ་དགེ་ལ་རྟག་སྤྱད་ནས། །མཆོག་ཐར་པའི་གོ་འཕང་མྱུར་ཐོབ་ཤོག །ཅེས་སྨྱུང་གནས་སོགས་དང་འབྲེལ་བར་…

ཡང་རང་དོན་འགྲུབ་པ་ཡིན། །ཙོང་ཁ་པ་ཡི་རིང་ལུགས་དྲི་མ་མེད། །ཚང་ལ་མ་ནོར་འདི་འདྲར་མཇལ་དུས་སུ། །མཛངས་བླུན་དབྱེ་བ་ཤན་འབྱེད་དུས་ཡིན་པས། །ཕ་ཝང་བཞིན་དུ་རང་མགོ་མ་སྐོར་ཅིག །ཞིང་ས་གཤིན་པོར་ས་བོན་བཏབ་པ་བཞིན། །ཟང་ཟིང་དངོས་པོ་དཀོན་མཆོག་མཆོད་པར་ཕུལ། །འོང་བར་ངེས་པ་འཆི་བའི་དགྲ་ཡིན་པ། །ཡང་ཡང་བསམས་ཏེ་ཕྱི་མའི་སོ་ཚིས་མཛོད།…

དལ་འབྱོར་སྟོང་པར་ཟད། །བ་ལང་རྟེན་དང་ཁྱད་པར་མ་དོད་ན། །མ་ལ་བུ་སྐྱེས་དགོས་པ་མ་བྱུང་ངོ༌། །ཙ་ཏུར་ལུས་ཀྱི་འབྱུང་བ་ཆ་སྙོམས་ཤིང༌། །ཚ་རྐྱེན་གྲང་རྐྱེན་ཐུབ་པའི་གནས་སྐབས་དེར། །ཛ་ཡའི་བཀའ་བཞིན་དམ་ཆོས་མ་བསྒྲུབས་པས། །ཝ་ལེར་ལུས་སེམས་གཉིས་པོ་འགྲིབ་ནས་ཐལ། །ཞྭ་སེར་བསྟན་པ་ཉམས་པའི་ཐན་ལྟས་སུ། །ཟ་ཆོག་མཁན་པོ་ང་དང་ང་འདྲར་ཡང༌།…

ཡང་མི་གཡོ་སྙིང་ཁམ་ཅན། །མ་རིག་གདོན་གྱིས་མྱོས་ཏེ་ཧ་ཅང་འཁྲུལ། །རྩྭ་སྔོན་བ་མོས་རེག་པའི་གྲང་ཉམས་དང༌། །ཚ་བའི་ཆུ་ཐིགས་ཕོག་པ་མི་བཟོད་དེ། །ཛ་ཞེས་འགུག་བྱེད་ལས་ཀྱི་ལྕགས་ཀྱུ་ཡིས། །ཝ་ལེ་དམྱལ་བའི་མེ་ནང་འཁྲིད་ཀྱིས་དོགས། །ཞ་འཐེང་འོན་ལོང་བདེ་སྡུག་ལོངས་སྤྱོད་དང༌། །ཟ་མ་མ་ནིང་ཕོ་མོའི་རྟེན་ལ་སོགས། །འ་ཅག་འདོད་དང་མི་འདོད་…