མལ་ལ་ཆགས་པ་ན་སེམས་ལས་སུ་མི་རུང་ལ། ཡོན་ཏན་འདི་དག་གིས་ཚངས་སྤྱོད་ལ་གནས་པར་བྱ་བའི་ཕྱིར་སེམས་ལས་རུང་དུ་སྦྱོང་བས་སྦྱངས་པའི་ཡོན་ཏན་ཞེས་བྱའོ། །ཞེས་གསུངས་ཏེ། ཚུལ་ཁྲིམས་ལ་བརྟེན་ནས་མདོ་སྡེའི་དོན་གྱི་ཏིང་ངེ་འཛིན་བསྐྱེད་པའི་འབྲེལ་བའང་འདི་ཡིན་པས་སྡེ་སྣོད་གསུམ་གྱི་དགོངས་པའི་མཐིལ་དུ་གྲུབ་བོ། །ཆོས་ཀྱི་རྩ་བར་གྱུར་པ་ད…

པར་གསུངས་པ་སོགས་མཐའ་ཡས་སོ། །དེ་ལྟར་ཡོན་ཏན་མཐོང་ན་ཆ་ཕྲ་མོ་ཙམ་ཡང་རིས་སུ་མི་འབོར་བར་ལེགས་པར་སྦྱངས་ནས་བླང་དོར་ལ་གཅེས་སྤྲས་སུ་བྱ་བ་འབྱུང་བས་ལྟུང་བའི་སྒོ་དང་པོ་གཉིས་ཁེགས་ལ། དེ་ནས་སྤྱིར་དྲན་ཤེས་རྒྱུན་དུ་བསྟེན་ཅིང༌། བྱེ་བྲག་ཉོན་མོངས་གང་ཆེ་བའི་གཉེན་པོ་བསྟེན་པ་ནན་ཏན་དུ་བྱས་པས་ཕྱི་མ་གཉིས་ཁེགས་ཏེ་ཚུལ་ཁྲིམས་རྣམ་…

ལྷག་པ། རང་གི་ངོས་ནས་ཅི་ཡང་བཟོད་ཀྱང༌། སེམས་ཅན་སྒྲོལ་བ་ལ་ཤིན་ཏུ་རིངས་པས་ཚེ་གཅིག་ཉིད་དུ་སངས་རྒྱས་འདོད་པས་ནི་སྔགས་ལ་སློབ་པར་བྱ་དགོས་ལ། འོན་ཀྱང་ལྕགས་སྦུག་ཏུ་སྦྲུལ་བཅུག་པ་འདྲ་བར་ཟང་ཐལ་གཉིས་འབྱུང་སྟེ། དམ་ཚིག་ཉམས་པ་རྡོ་རྗེའི་དམྱལ་བར་འཚེད་པས་ནི་ཕ་རོལ་ཏུ་ཕྱིན་པའི་བསྐལ་ཆེན་གྲངས་མེད་གསུམ་གྱི་དུས་ལས་ཀྱང་བརྒལ་བར་…

རྗེ་བཙུན་མི་ལའི་ཞལ་གདམས་ཀྱི་འགྲེལ་པ་གྲུབ་པའི་དགོངས་རྒྱན་ཞེས་བྱ་བ་བཞུགས་སོ། །ངེས་འབྱུང་མཚོན་གྱིས་སྣང་ཤས་དྲ་བ་བཅད། །གནས་ལུགས་ལྟ་བས་སྲིད་པའི་བཙོན་ར་བཤིགས། །རིན་ཆེན་སེམས་ཀྱིས་འགྲོ་བའི་མགོན་གྱུར་པ། །གྲུབ་པའི་དཔའ་བོ་བཞད་པའི་རྡོ་རྗེ་རྒྱལ། །འདྲེན་པ་གང་གིས་སྩལ་བ་ཡི། །མན་ངག་སྟོང་ཐུན་རེ་རེས་ཀྱང༌། །སྲིད་པའི་ནད་…

ཐ་མ་འདིའི་དོན་འཆད་པ་ལ། བུ་སྙིང་དང་འདྲ་བའི་རས་ཆུང་བ། །ཁ་ཆེམས་གདམས་ངག་གླུ་འདི་ཉོན། །ཞེས་པ་བཤད་པའི་སྔོན་འགྲོ་ཡིན་ཞིང་གོ་སླའོ། །གཞུང་དངོས་ཀྱི་དོན་ལ་གཉིས། སྲིད་པའི་སྣང་ཤས་ལྡོག་པའི་ཚུལ་དང༌། དེ་ཇི་ལྟར་བཟློག་པའི་ཐབས་བསྟན་པའོ། །དང་པོ་ལ་སྤྱིར་བསྟན་པ་དང༌། སོ་སོར་བཤད་པ་གཉིས། དང་པོ་ནི། ཁམས་གསུམ་འཁོར་བའི་རྒྱ་མཚོ་…

འབྱུང་བར་འཇིག་རྟེན་གྱི་བྱ་བ་བློས་ཐོངས་དུས་མེད་པ་འདི་བྱུང་བ་ཡིན། དེས་ན་ངེས་པར་གཏན་གྱི་བདེ་བ་ཞིག་འདོད་ན། ཁམས་གསུམ་འཁོར་བར་གཏོགས་པའི་འཇིག་རྟེན་གྱི་བྱ་བ་མཐའ་དག་སོག་མའི་ཁྲེས་པོ་ཕོན་ཐག་ཆད་པ་བཞིན་གང་ལ་ཡང་ཞེན་པ་མེད་པར་བློས་ཐོངས་ཤིག །ཅེས་རས་ཆུང་རྡོ་རྗེ་གྲགས་པ་སོགས་སྐལ་ལྡན་གྱི་སློབ་མ་རྣམས་ལ་རྗེས་སུ་གདམས་པ་ཡིན…

ཆོས་ཉིད་གཉུག་མའི་དོན་ལ་རྟོགས་དུས་ནམ་ཡང་མེད་པ་ཞིག་འབྱུང་བས། ཕྱི་ལུས་ཀྱི་གད་དར་ལ་མི་གཡེང་བར། ནང་སེམས་ཀྱི་བདར་ཤ་ཆོད་ཅིག །ཅེས་པའོ། །གཉིས་པ་འཆི་བའི་དབང་དུ་བྱས་པ་ནི། བེམ་རིག་གཉིས་ཀྱི་སོ་མཚམས་ན། །རང་བྱུང་ཡེ་ཤེས་སྡིག་པོ་ཆེ། །གློ་བུར་གྱི་རྐྱེན་ཁ་འགྲིམས་འགྲིམས་ནས། །སྐྱེ་མེད་ཀྱི་དོན་ལ་རྟོགས་དུས་མེད། །སྐྱེ་མེད་…

ཆུང་བ། །ཞེས་གསུངས། དེ་ཡང་ཚེ་འདིའི་སྣང་བ་འགགས་ཤིང༌། ཕྱི་མ་མ་རྙེད་པས། དེ་གཉིས་ཀྱི་སོ་མཚམས་ན་བར་དོའི་རྣམ་པར་ཤེས་པ་འཁྲུལ་སྣང་སྣ་ཚོགས་ཀྱི་རྗེས་སུ་འབྲངས་པའི་སྡིག་པོ་ཆེ། རགས་པའི་ལུས་མེད་ཅིང་ཕྲ་བ་རླུང་གི་རང་བཞིན་གྱི་ལུས་དང་འགྲོགས་འགྲོགས་ནས། སྐྱེ་བའི་སྲིད་པ་ཚོལ་བའི་ཕྱིར་ཀུན་ཏུ་འཁྱམས་ཏེ་གནས་ལུགས་ཀྱི་དོན་ལ་རྟོ…

གཞན་འཁོར་འདས་མཐའ་དག་ཆོས་ཀྱི་དབྱིངས་སུ་མཉམ་པ་ཉིད་དུ་རྟོགས་དགོས་ལ། ཆགས་སྡང་གི་རྟོག་པ་ཁ་ཡན་དུ་བཏང་ན་མཉམ་པ་ཉིད་ཀྱི་དོན་དེ་རྟོགས་དུས་མེད་པས་ཆགས་སྡང་སྤོངས་ཤིག །ཅེས་པའོ། །གཉིས་པ་སྣང་ཤས་བཟློག་པའི་ཐབས་བསྟན་པ་ལ། མཚན་གཞི་ངོས་བཟུང་བ་དང༌། དེ་ཇི་ལྟར་ལག་ཏུ་ལེན་པའི་ཚུལ། དོན་བསྡུས་ཏེ་ཉམས་སུ་ལེན་པར་གདམས་པ་གསུམ། དང་པོ…

དགོངས་པ་ཇི་ལྟར་བཀྲལ་བའི་རྗེས་སུ་འབྲངས་ཏེ། ཐུབ་པའི་དབང་པོའི་དགོངས་པ་མཐར་ཐུག་ཏུ་མ་སོན་པའི་ཐ་སྙད་དམ། དྲང་དོན་གྱི་བཤད་ཚུལ་རྣམས་ལ་མཆོག་ཏུ་ཞེན་པ་སྤོང་བར་གྱིས་ལ་གནས་ལུགས་ཕྱག་རྒྱ་ཆེན་པོ་སྒོམས་ཤིག །ཅེས་པའོ། །གཉིས་པ་དེ་ཉིད་ཇི་ལྟར་ལག་ཏུ་ལེན་པའི་ཚུལ་ནི། བླ་མ་ཡི་དམ་མཁའ་འགྲོ་གསུམ། །གཅིག་ཏུ་དྲིལ་ལ་གསོལ་བ་ཐོབ། །ལྟ་…

པ་དང་བྱིན་རླབས་འཇུག་པའི་སྒོ་ཁྱད་པར་དུ་འཕགས་པ་ཡིན་ནོ། །དངོས་གཞི་ལྟ་བ་སྐྱོང་བའི་ཚེ་ན་ཡང་གནས་ལུགས་ཀྱི་དོན་ལ་དྲི་མ་མེད་པའི་རིགས་པས་དཔྱོད་པའི་ཡང་དག་པའི་ལྟ་བ་དང༌། ཞི་ལྷག་ཟུང་དུ་འཇུག་པའི་སྒོམ་པ་གཉིས་ཚ་གྲང་ལྟ་བུར་མ་སོང་བར། ལྟ་ཐོག་ནས་སྒོམ་ཚོལ་ཞིང༌། སྒོམ་ཐོག་ནས་ལྟ་བ་ཚོལ་བ་དང༌། ཁྱད་པར་དུ་ལྟ་བའི་གོ་བ་དེ་ཉིད་ཀྱི…

བྱེ་བ་ཐེར་འབུམ་འགྱེད་པ་འབྱུང་ལ། མ་འོངས་པ་ན་འབྱུང་འགྱུར་དེ་ཐམས་ཅད་འབྲས་བུ་ལམ་གྱི་ཚུལ་དུ་ཚེ་འདི་རང་ནས་སད་རྨི་ཀུན་དང་སྦྱར་ཏེ་སྒོམ་ཚུལ་བསྲེ་བ་སྐོར་དགུའི་མན་ངག་བཞིན་ཡིན་པས། ཚེ་འདི་དང་ཕྱི་མ་བར་དོ་གསུམ་གཅིག་ཏུ་དྲིལ་ཏེ་གཞིའི་སྐུ་གསུམ་ལམ་གྱི་སྐུ་གསུམ་དུ་སྒྱུར་བའི་དམིགས་པ་སྐྱོང་ཚུལ་གྱི་གནད་ཟབ་མོ་འདི་ལ་ད་ལྟ་ནས…

ལ། །རྣམ་འགྲེལ་བདུད་རྩིའི་གཟེགས་མས་ཕྱེ་བ་འདི། །སྐལ་བཟང་ལྷ་བརྒྱའི་ཟུར་ཕུད་དང་འགྲོགས་ཏེ། །གྲུབ་པའི་དགའ་ཚལ་མཛེས་པའི་རྒྱན་གྱུར་ཅིག །ཅེས་པ་འདི་ནི་དད་བརྩོན་བློ་དང་ལྡན་པ་དཀོན་མཆོག་རབ་རྒྱས་ཀྱིས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་དབེན་གནས་ཡིད་དགའ་ཆོས་འཛིན་དུ་སྦྱར་བའོ།། །།

ཚེ་གཅིག་གི་ཉམས་ལེན་བྱ་ཚུལ་རྣམས་ཁྲིགས་ཆགས་སུ་བསྡེབས་པ་ཆོས་སྤྱོད་གསལ་བའི་སྒྲོན་མེ་ཞེས་བྱ་བ་བཞུགས་སོ། །

ན་མོ་གུ་རུ་མུ་ནི་ཨིནྡྲ་ཡ། མཐའ་ཡས་འགྲོ་འདི་ཇི་ལྟར་དྲངས་བྱ་ཞེས། །བསྐལ་པ་དུ་མར་རབ་དགོངས་ཕན་པའི་ལམ། །བརྩེ་བས་འདོམས་མཛད་ལྷ་མིའི་སྟོན་པ་མཆོག །ཤཱཀ་སེང་བརྒྱུད་པར་བཅས་ལ་སྤྱི་བོས་འདུད། །རྒྱལ་བསྟན་མིང་གི་ལྷག་མར་གྱུར་པ་ན། །རྒྱལ་བ་དགྱེས་པའི་ལམ་བཟང་མ་ལུས་པ། །རྒྱལ་བའི་དགོངས་པ་ཇི་བཞིན་གསལ་མཛད་པའི། །རྒྱལ་བ་གཉིས་པ་ཡབ…

བདེའི་རྩ་བ་ནི་རྒྱལ་བའི་བསྟན་པ་ཉག་ཅིག་ཡིན་ཀྱང༌། ད་ལྟ་ཆེས་ཉག་ཕྲ་བར་གྱུར་ཏེ། གསུང་རབ་ཀྱི་དོན་ལ་ཚིག་སྤྱི་ཙམ་གྱི་གོ་བ་ཆགས་པའང་ཤིན་ཏུ་དཀོན་ལ། ཐོས་དོན་སྒྲུབ་ལ་གཞོལ་བ་ནི་ཉིན་མོའི་སྐར་མ་ལྟར་གྱུར་ཅིང༌། ཅུང་ཟད་སྒྲུབ་པ་ལ་འཇུག་པར་འདོད་པ་དག་ཀྱང་གདམས་པའི་གནད་ངོས་མ་ཟིན་པར་རང་གི་ནད་གདོན་ཞི་བ་དང་གཞན་གྱིས་ནུས་ལྡན་དུ་མ…

མི་ཚེ་འདའ་བ་མང་བར་སྣང་བས། བློ་གྲོས་དང་ལྡན་པ་རྣམས་ཀྱིས་དེ་ལྟ་བུའི་སྐྱོན་མཐའ་དག་རིང་དུ་དོར་ཏེ་ཚེ་གཅིག་གི་ཉམས་ལེན། ཉིན་ཞག་ཕྲུགས་གཅིག་ལ་བསྡུས་པ་འདི་ལྟར་ཉམས་སུ་བླང་བར་བྱའོ། །དེ་ཡང་གསང་སྔགས་ཟབ་མོའི་ཉམས་ལེན་སྐྱོང་བ་རྣམས་དང་པོར་བཞེངས་པའི་ཚེ་ཡང་ཞུ་བ་གླུས་བསྐུལ་ཏེ་ཆོས་སྐུ་བདེ་བ་ཆེན་པོའི་ངང་ལས་གཟུགས་སྐུར་བཞེངས…

འཁོར་ཉ་གང་བ། དེའི་དབུས་སུ་ཆུ་ལས་ཆུ་བུར་རྡོལ་བའི་ཚུལ་དུ་ཨོཾ་ཡིག་དཀར་པོ་ཞིག་ཐོལ་གྱིས་བྱུང༌། དེའི་མཐའ་སྐོར་དུ་མདུན་ནས་བརྩམས་ཏེ་གཡས་སྐོར་དུ། ཨོཾ་ཨ་ཨཱ་ཞེས་པ་ནས་ཨཾ་ཨཿསྭཱཧཱ། ཞེས་པའི་བར་གྱི་ཨཱ་ལི་ཚར་གཅིག་གིས་བསྐོར་བ་ཁ་དོག་དཀར་པོ། དེའི་ཕྱིར་ཀ་ཁ་ག་གྷ་ང༌། ཞེས་པ་ནས་ཀྵ་སྭཱཧཱའི་བར་གྱི་ཀཱ་ལི་ཁ་དོག་དམར་པོ་གཡོན་སྐོར…

ཀྱི་ངག་ནུས་བྱིན་རླབས་ཐམས་ཅད་དབྱངས་གསལ་དང་རྟེན་འབྲེལ་སྙིང་པོའི་རྣམ་པར་བཀུག་ནས་སྔགས་འཕྲེང་འོད་དང་བཅས་པ་ལ་ཐིམ་པས། བྱིན་རླབས་ནུས་མཐུ་ཐམས་ཅད་གཅིག་ཏུ་བསྡུས་པའི་བདག་ཉིད་ཅན་དུ་མོས་པའི་མཐར། ཨོཾ་ཡིག་ལས་འོད་ཟེར་འཕྲོས། རྟེན་འབྲེལ་སྙིང་པོ་དབྱངས་གསལ་དང་བཅས་པ་ལ་ཕོག་པས། དེ་རྣམས་འོད་དང་བདུད་རྩིའི་རང་བཞིན་དུ་ལྟེམ་གྱི…

ལུས་ཡོངས་རྫོགས་ལ་ཤར་སྒོམ་ཀྱང་དེའི་སྒོ་ནས་ནན་ཏན་དུ་བྱ། དེ་ནས་རང་གི་བླ་མའམ་བསྟན་འཛིན་གྱི་སྐྱེས་བུ་རྣམས་ཞབས་པད་བརྟན་པའི་ཕྱིར་དུ་ཚེ་ལྷ་ཅི་རིགས་པའི་བཟླས་པ་ཅུང་ཟད་བྱས་ན་རང་གི་ཚེ་སྒྲུབ་ལ་ཡང་དེ་ལས་ལྷག་པ་མེད་པར་གསུངས། དེ་ནས་ནམ་ལངས་པ་དང་ལྷ་ལ་དབང་བསྐུར་བ་ལྟར་ཁྲུས་ཆབ་བླངས་ལ། འབྲལ་སྤངས་ཐུབ་དབང་གི་སྐུའི་མདུན་དུ་ཕ…