མཚར་བའི་སྣང་ཚུལ་དུ་མ་ཞིག་བྱུང་བ་གོར་མ་ཆག་གོ །དེ་ལྟར་ཡབ་ཡུམ་གཉིས་ཀྱིས་མཐུན་པའི་དངོས་པོ་དུ་མས་བསྐྱེད་བསྲིང་སྟེ། རྫིང་གི་པདྨ་བཞིན་དུ་ཉིན་རེ་ཞིང་ལང་ཚོ་མ་ར་ཏ་ཀའི་མྱུ་གུ་ནི་མངོན་པར་འཕེལ། བག་མེད་པའི་བརྟུལ་ཞུགས་འདམ་རྫབ་ཀྱི་དྲི་མས་ནི་དབེན། དེས་ཤིང་དུལ་བའི་ཡལ་འདབ་གསར་པའི་ཕྲེང་བ་ནི་མངོན་པར་རྒྱས། དད་པ་དང་གཏོང་བ…

ལྡེམ་ལྡེམ་ཤེལ་གྱི་ལྕུག་ཕྲན་ཡིད་འོང་རྩེར། །ལྷག་ལྷག་བཞད་པ་པུཎྜ་རཱི་ཀའི་ངོས། །སྨིན་འཁྱོག་རྩེད་འཇོའི་གར་རོལ་བུང་བའི་མིག །གཡོ་ལྡན་ངག་གི་དཔལ་མོས་སླར་ཡང་སྐྱོངས། །དེ་ནས་དགུང་ལོ་དྲུག་བཞེས་པ་ཆུ་མོ་གླང་གི་ལོ་བརྟན་མཁས་ཀྱི་ཡོན་ཏན་གཉིས་དང་ལྡན་པའི་གནས་བརྟན་འདུལ་བ་འཛིན་པ་ཆེན་པོ་དགེ་ཕྱུག་ཆོས་རྗེ་དོན་གྲུབ་རྒྱ་མཚོའི་ཞ…

རྗེ་གོང་མས་སླར་ཕྲད་འོང་གསུངས་པ་ཞིག་ཡོད་དེ། འདི་ལ་དགོངས་པར་འདུག་པས་སྤྲུལ་སྐུ་འཁྲུལ་མེད་ཡིན་གསུངས་ནས་དང་པོར་མཇལ་ཁ་ཞུས། དེའི་ཚེ་སྐྱེས་ཐོབ་ཀྱི་ཤེས་རབ་ཐོགས་པ་མེད་པའི་སྟེང་དུ། ཉིན་གཅིག་རྗེའི་སྨན་སྐུ་ཆུང་ངུ་ཞིག་རྙེད་ནས་དེ་ལ་གསེར་གསོལ་དུ་བཅུག་སྟེ་དབུ་སྔས་སུ་བཞག་ནས་ཕྱག་མང་དུ་བཙལ་ཞིང༌། དད་མོས་ཤུགས་དྲག་པོས་ཕུར…

ཀུན་མཁྱེན་གོང་མས་ཀྱང༌། ངའི་མགོན་རྒན་གྱིས་བར་དོར་ང་ཁྱེད་ཚོར་བསྟན་ཡང་མི་ཡོང་ཞེས་དམ་སྲི་གནོན་སྐབས་གསུངས་པ་ལ་དཔག་ན། སྐུའི་རྣམ་པ་བརྗེས་པ་མ་གཏོགས་གསུང་གི་ཉམས་ཙམ་ཡང་མ་འགྱུར་བར་བྱོན་པ་འདི་ལས་ལྷག་པའི་སྤྲུལ་སྐུའི་ངོས་འཛིན་ཅི་ཞིག་ཡོད། དེ་ལྟར་ཡི་གེ་འབྲི་ཀློག་སོགས་ལ་དཀའ་ཚེགས་ཅི་ཡང་མ་བྱུང་བ་ན། ཞང་པོ་དགེ་སློང་དེ་ཡ…

བཀུག་པའི་སྟེང་དུ་རྒྱལ་མཚན་སེར་པོ་ཞིག་བཙུགས་པའི་རི་མོ་ཁ་ཡར་འབྲི་བ་གནང་སྟེ། སྔོན་དཔལ་ལྡན་ཟླ་བའི་དུས་སུ་རི་མོར་བྲིས་པའི་བ་ལས་འོ་མ་བཞོས་པ་ལྟར་ཕྱི་ནང་གི་རྟེན་འབྲེལ་ལ་དབང་བའི་རྣལ་འབྱོར་བ་རྣམས་ནི་ལས་གང་མཛད་ཀྱང་རྔ་བཟུང་གཤང་དཀྲོལ་གྱི་ཆབ་ཆོབ་མང་པོ་མི་དགོས་པ་ཞིག་ཡིན་པར་སྣང༌། དེའི་ཚེ་ལ་མོ་དགེ་སློང་ཟེར་བའི་རི་ཁྲ…

པའི་ལྟས་སུ་མངོན། དེ་མཚུངས་སྟོང་སྐོར་རིན་པོ་ཆེ་ནས་ཀྱང་སྤྲུལ་སྐུ་གསང་སྟབས་ཀྱིས་དོ་དམ་གནང་ནས་བཟུང་ཨེ་ཆོག་དབུས་སུ་ཆོས་སྐྱོང་ཁག་ལ་ལུང་བསྟན་ཞུས་པར་ཕྲལ་དུ་སྐྱོན་མེད་ཀྱང་ཕུགས་མི་ལེགས་ཚུལ་ཕེབས་པས་རིམ་གྱིས་གཏམ་འཁྱར་ཏེ་དབོན་ས་ཆིང་ཝང་ཨེར་ཏི་ནི་ཇུ་ནང་གི་དཔོན་མོ་རྣམ་རྒྱལ་སྒྲོལ་མའི་སྙན་དུ་སོང་ཞིང༌། ལྷག་པར་གཡེར་གཤོ…

གཅོད་མཛད་དོ། །རྣམ་པ་གཅིག་ཏུ་རྗེ་འདི་ཉིད་ཕྱོགས་དེར་འཁྲུངས་རྒྱུ་ཡིན་པ་རྗེ་གོང་མའི་ལུང་གིས་ཐག་བཅད་ཟིན་པ་ལྟ་བུ་ཡིན་ཏེ། རྗེ་གོང་མས་དགོན་པའི་གནས་ཀྱི་དོན་དུ་བཅད་རྒྱ་གནང་བ་གྲོལ་སྐབས། གྲུབ་པའི་དབང་ཕྱུག་བློ་བཟང་དོན་གྲུབ་པས། སྐུ་མཚམས་ནང་དུ་རྟགས་ཅི་འདྲ་འོང་ཞུས་པར། སྐུ་ཕྲེང་སྔ་མ་འགའ་ཞིག་དྲན་ཚུལ་དང༌། སྐུ་ཚེ་རྗེས་…

གིས་བར་ནས་མཐོ་བརྩམ་པ་ཡིན་འདུག །སྔོན་ཀུན་མཁྱེན་གོང་མ་དེ་སྐུ་འདས་ནས་ཞག་ལྔའི་མཚམས་སུ་ངེད་ཀྱི་རྨི་ལམ་དུ། ངེད་རྣམས་གཟིམས་ཆུང་ནང་དུ་བསྡད་འདུག་པར་གཅིག་གིས་སྐུ་ཞབས་རིན་པོ་ཆེ་ཕེབས་ཀྱིན་སྣང་ཟེར་ནས་ཐམས་ཅད་འུར་ལངས། ངེད་ཀྱང་ལས་ཀ་མང་པོ་ཞིག་མ་འཛོམ་པར་ཡོད་ཐོག་སྡིག་པ་ར་ཙ་ཞིག་རྐང་པར་འཐམ་བྱུང་བ་ངས་འཕྲལ་དུ་བསད་སོང། དེ་…

མཇལ་གོང་དུ། སྐུ་ཞང་དགེ་སློང་ནས་ཉམས་སད་ལྟ་བུར་ཏོག་ཤིན་དབོན་པོ་དེ་མི་གཟུགས་མཛེས་ཤིང་བརྗིད་ཆགས་པ་ཤོམ་ཅན་ཞིག་འདུག་ཞུས་པར། དེ་ངས་ཤེས་གདོང་ཆོ་སློབ་རོ་འདྲ་བ་ཞིག་ཡོད། ཅེས་སྔར་འདྲིས་ཀྱི་གནས་ཚུལ་ཇི་ལྟ་བ་བཞིན་གསུངས། དེ་ནས་ཁོང་རྣམས་མདུན་དུ་འོངས་ཏེ་ངོས་འཛིན་ལ་སྐུ་གོང་མའི་ཉེར་སྤྱད་མང་པོ་ཞིག་འདྲ་མིན་རེ་དང་བཅས་ཏེ་ཁ…

པོ་དུ་མའི་སྤོབས་པ་འཕྲོག་པར་མཛད། དེའི་ཚེ་སྡེ་པ་ཚང་ནས་གྲྭ་པ་གཅིག་ཕན་ཚན་ཀུན་གྱི་ཉམས་རྟོག་པར་བཏང་སྟེ་ཁ་བཏགས་ཤིག་བསྐུར་ནས། འདི་ལྐོག་ཏུ་ཕུལ་ལ་ངའི་ཡིན་པའི་རྒྱུ་མཚན་ཞུས་གསུངས་པ་བཞིན་བྱས་པས། ལན་དུ་ཕྱག་མདུད་གཅིག་གནང༌། ཁོའི་བསམ་པར་གང་དུ་ཡང་ཐག་མ་ཆོད་པའི་བྱིས་པ་ཞིག་གིས་བླ་ཆེན་ཞིག་ལ་འདི་འདྲ་བྱེད་པ་སྙམ་དུ་ཡིད་ལ་མ་…

མཁྱེན་པའི་མེ་ལྕེ་པ་ཏྲ་རིས། །བསྒྲིབ་པའི་ཟོལ་སྦྱོར་སོག་མའི་ཕོན་པོ་དེ། །གྲགས་པའི་ན་ཆུང་བྱུ་རུའི་འཁྲི་ཤིང་གི །ཡལ་གས་མཁའ་ལ་འཁྱུད་པའི་སྟེགས་མིན་ནམ། །ཀྱེ་མ་དམུས་ལོང་སྐྱེ་བོ་ཡིས། །མིན་ལྡན་ལོག་པར་བྲིད་པ་ན། །དཀར་ཕྱོགས་ལྷ་རྣམས་ཁྲེལ་བ་ཡིས། །ཧ་ཧ་ཧི་ཧིའི་གད་མོ་རྒོད། །མངོན་ཤེས་རྐང་པ་དྲུག་ལྡན་སྦྲང་རྩིའི་བུ། །ཆགས་སྡ…

མེད་བྱས་པས་འདི་ང་ཚོས་པཎ་ཆེན་རིན་པོ་ཆེ་དང་འགའ་ཞིག་འགའ་ཞིག་ལ་ཞུས་པ་ཡིན། ངེད་དབལ་ཤུལ་གསར་པ་རྙིང་པ་ཞེས་སོགས་མང་པོ་ཞིག་བཤད་ནས་ངར་ངར་བྱེད་པ་རྨིས། དེང་སང་བླུ་ཡོན་ལ་རྔམས་ཏེ་བྱིས་པའི་སྐེ་ལ་ཁ་དར་བཏགས་ནས་ཁྲོམ་དུ་མ་བཏོན་ཙམ་རེ་བྱེད་པའི་ཕ་མ་དག་ལ་ལྟོས་ན་ཡུམ་གྱིས་དེའི་ཚེ་རྨི་ལམ་དུ་ཡང་གསང་སྟབས་མཛད་པ་ཡ་མཚན་ཆེ་བར་སྣང༌…

འདོན་མང་དུ་མཛད། རྗེས་སོར་དཀའ་བཅུས་བླ་མ་མངོན་ཤེས་མངའ་བ་གཞན་ཞིག་ལ་ཡང་བརྟག་པ་ཞུས་པར་ད་ངན་སོང་ནས་ཐར་འདུག་གསུངས་ཏེ་རྗེ་འདི་ཉིད་ཀྱི་ཐུགས་རྗེའི་ནུས་མཐུར་གོ །དགུང་ལོ་བཅུ་གཅིག་བཅུ་གཉིས་ཀྱི་ཚེ་སྟོང་སྐོར་དགོན་དང་གྱེར་ཐང་རི་ཁྲོད་གཉིས་ལ་རེས་མོས་ཀྱིས་འབྱོན་བཞུད་མཛད། ཐང་གཅིག་སྟོང་སྐོར་རིན་པོ་ཆེའི་ཞལ་ནས། ཁྱོད་ཀྱིས་…

གྲོགས་ལྡན་མཛད་དགོས་ཤིང༌། སྐུའི་རིམ་གྲོར་ཡང་དེ་ལས་ལྷག་པ་མེད་པའི་དོན་དུ་བློ་གྲོས་དང་ལྡན་པ་འགའ་ཞིག་སྨྲ་བ་འཐད་པར་སེམས་ཏེ། དེ་མཚུངས་ངག་སྒྲོས་ཀྱང་ཡ་མཚན་པ་མང་དུ་སྣང་ངོ༌། །དགུང་ལོ་བཅུ་གསུམ་ལ་ཕེབས་པ་ལྕགས་ཕོ་སྤྲེའུའི་ལོ། མཁས་བཙུན་བཟང་གསུམ་གྱི་ཡོན་ཏན་རིན་པོ་ཆེ་དུ་མས་ཐུགས་ཀྱི་གན་མཛོད་ཕྱུར་བུར་གཏམས་པ། ཡུལ་མདོ་སྨ…

དབྱར་སྐྱེས་བཻ་ཌཱུརྱ་ཡི་རྒྱུད་མངས་ཀྱི། །སྒྲ་ལས་དྲངས་པའི་སྙན་ཚིག་བདུད་རྩིའི་ཆར། །མཁས་མང་འཛིན་མར་ཁྱབ་པ་ཡོངས་ཀྱི་བཅུད། །བདག་ཡིད་དྭངས་པའི་མཚོ་ལ་བསྒྲིལ་བར་མཛོད། །དེ་ནས་ཀ་རི་ཀ་རྩ་འགྲེལ་སོགས་ལ་ཞིབ་ཏུ་གཟིགས་ཏེ། བླང་འདས་སོ་དྲུག་ཕྱོགས་མཐུན་དང་བཅས་པ་ཐམས་ཅད་ལ་སྤང་བླང་དོག་མཐའ་ནས་མཛད་ཅིང༌། ཉེས་ལྟུང་གི་དྲི་མ་མཐའ་དག…

བསྐང་གསོ་གང་མང་བཏང༌། གཞན་ཡང་བཟླས་བརྗོད་ཕྱག་མཆོད་དཔེ་གཟིགས་འཛིན་སྐྱོར་སོགས་ཆོས་ཀྱི་བྱ་བས་ཉིན་མཚན་ཁོར་ཡུག་ཏུ་འདའ་བར་མཛད། དགུང་ལོ་བཅུ་བཞི་པར་མཆོད་རྟེན་ཐང་དུ་བཞུགས་སྐབས་ཤིག་རྒྱན་དྲུག་མཆོག་གཉིས་ཀྱི་བསྟོད་པ་དང༌། འཇམ་དབྱངས་སྨྲ་སེང་གི་བསྟོད་པ་དོན་ཟབ་ཅིང་ཚིག་རྒྱན་དུ་མས་སྤྲས་པ་ཞིག་ལྗགས་རྩོམ་མཛད་དེ་སྙན་དངགས་པ་…

གཙོ་བོ་བསྟན་འགྲོའི་བདེ་ཐབས་ལ། །ཐུགས་འདུན་ཆེ་ཞིང་ལྷག་པར་ཞྭ་སེར་གྱི། །བསྟན་པ་ཐུགས་ལ་བཞག་ནས་འབད་པའི་སྐབས། །མོལ་བསྡུར་དེ་ཡི་ངག་བཀོད་དང་བླངས་ན། །མཐའ་དབུས་བདེ་ཞིང་སྤྱི་སྒེར་ལ་རྒྱར་བཟང༌། །ཞེས་རྗེ་བཙུན་བླ་མ་མཆོག་གི་ཡང་སྲིད་འཁྲུལ་བྲལ་གདན་སར་འབྱོན་པ། རྗེ་བླ་མ་རང་གི་ངོས་ནས་ཇི་སྐད་དུ། ཀྱེ་གངས་རིའི་མགོན་པོ་སྤྱན་…

བས་གཟུ་བོར་གནས་པ་ཐམས་ཅད་ཀྱི་ཡིད་དགའ་བདེས་ཁྱབ་པར་གྱུར། དེ་ཡང་མཆོག་སྤྲུལ་རིན་པོ་ཆེ་དེ་ཉིད་གདན་འདྲེན་ཞུ་རྒྱུའི་དོན་སྐོར་ཆེ་ཕྲ་མཐའ་དག་ལ་མཐུ་སྟོབས་ནུས་པའི་མངའ་བདག་གྲུབ་པའི་དབང་ཕྱུག་ཆེན་པོ་བློ་བཟང་དོན་གྲུབ་པའི་ཞལ་སྔ་ནས་དང༌། ཡུལ་མདོ་སྨད་ཀྱི་མ་ག་དྷ་བཟང་མོ་རྣམ་རྒྱལ་སྒྲོལ་མ་གཉིས་ཐུགས་ཀྱི་འདུན་པ་ཆིག་དྲིལ་མཛད་ད…

གྲུབ་དབང་རིན་པོ་ཆེར་གསོལ་བ་ན་དེ་ཀ་རང་བྱས་ཆོག །སྟོང་སྐོར་དང་ངེད་རང་ཁ་གཉིས་ལག་མཐིལ་ཙམ་ཞིག་ཡིན། རེ་ཞིག་བསྡད་ན་ངའི་བླ་མ་དེའི་སྤྲུལ་སྐུ་ལ་འཛམ་གླིང་ཡོངས་ཀྱི་སྤྱི་བླ་ཞིག་འོང་བསམ་པ་ཡོད་གསུངས་ཏེ། དེང་དུས་མཛད་འཕྲིན་གྱི་གདུགས་དཀར་པོ་གཅིག་གིས་འཛམ་གླིང་མཛེས་པར་བྱེད་པའི་ངང་ཚུལ་འདི་ཉིད་མཐོང་ཞིང་རྗེ་བླ་མ་མཆོག་འདིའི…

པོ་ཆེ་ནས། ངའི་རྨི་ལམ་དུ་སྤྲུལ་སྐུ་ཚང་གི་གསོལ་སྟིར་ཆག་འགྲོ་བ་ཞིག་རྨིས་པས། ཁོང་གི་སྦྱིན་བདག་གཅིག་ལ་མི་བཟང་བ་འདྲ་གསུངས་ཤིང་དེ་དང་དུས་མཚུངས་པར་དཔོན་མོ་རྣམ་རྒྱལ་སྐུ་གཤེགས། དེ་ཡང་ཁོང་གཤེགས་ཁར་ཆིང་ཝང་བསྟན་འཛིན་དབང་ཕྱུག །དཔོན་མོ་ཨེར་ཁེ་ཤར། མི་བཟང་སེའི་དོད་ཐམས་ཅད་མདུན་དུ་བོས་ཏེ། ངའི་ཚེ་གཅིག་གི་དོན་ཆེན་པོ་ཞིག…