ཟབ་གསང་ཆོས་ཀྱི་གླུར་འབབ་ནཱ་དའི་དབྱངས། །དབྱངས་ཀྱི་དཔལ་མོར་བཞད་པའི་མཛའ་ན་མོར། །བརྟན་གཡོའི་དངོས་ཀུན་མུ་ཏིག་དོ་ཤལ་གྱི། །རྩེ་དགར་རོལ་པས་འཁྱུད་པ་དེ་ཡིས་སྐྱོངས། །དེ་ནས་རིམ་གྱིས་བྱོན་པར་བདུན་པའི་བཅོ་ལྔའི་ཉིན་སྔ་འགྲོས་པ་རྣམས་སོང་ནས་འབྲི་ཆུའི་ཚུར་ཁར་བབས་ཟིན་པའི་རྗེས་སུ་མི་མངགས་ཏེ། དེ་རིང་ཅིས་ཀྱང་ཆུའི་ཕ་རིར་འབ…

མ་བྱིན་ལེན་གྱི་རྣམ་པར་སྨིན་པའི་ངན་སོང་གི་སྡུག་བསྔལ་མྱོང་བ་ལས་སྐྱོབ་པར་མཛད། དེ་ཡང་ཕན་དང་བདེ་དང་སྐྱོབ་པ་དང༌། །ཞེས་པ་ལྟར་ཐེག་པ་ཆེན་པོའི་ལམ་བཟང་སྙིང་རྗེའི་སྙིང་པོ་ཅན་གྱི་བྱེད་པ་ཡིན་གྱི་རང་གི་རྒྱུ་ནོར་གོད་དུ་དོགས་པས་གསོག་སྲུང་མཛད་པ་ག་ལ་ཡིན། ཉིན་གཅིག་འབྲོང་གཡག་འཇིགས་སུ་རུང་བ་ཞིག་ཧར་སྒྲ་དང་བཅས་གཟིམས་གུར་བས…

སྤྲུལ་སྐུས་མཎྜལ་གྱི་བཤད་པ་ལེགས་པ་ཞིག་ཕུལ་བས་ཁོང་ལ་ཡང་དགྱེས་གཟིགས་ཀྱི་བཀའ་ཁྱབ་སྩལ། མཁན་ཆེན་རིན་པོ་ཆེར་ཚེ་དབང་གཅིག་ཞུས་ཏེ་སླར་དགོན་པར་ཕེབས་ནས་བཀའ་ཆོས་གནང་དགོས་ཀྱི་སྙན་གསན་ཕུལ། ཨུརྒེར་གདན་དྲངས་ནས་གསོལ་སྟོན་རྒྱས་པའི་ཐོག་དགེ་བཤེས་གཉིས་ཀྱིས་ཚོགས་གླེང་བྱས། དཔོན་རིན་པོ་ཆེར་ཕྲུག་ལྔ་བཅུ་སོགས་དངོས་པོ་གྱ་ནོམ་པ་…

གསར་འཇོག་གནང༌། ཕྱོགས་ཀྱི་སྦྱིན་བདག་སོགས་བབས་འོས་རྣམས་ཀྱང་ཇི་ལྟར་འཚམ་པའི་སྐྱེས་དང་བཀའ་མཆིད་ཀྱི་སྒོ་ནས་ཚིམ་པར་མཛད། བཅུ་གཅིག་པའི་ཚེས་ལ་དགོན་པ་གསར་འདེབས་ཀྱི་ཕྱིར་ཨ་མཆོག་ནས་སྤྱན་དྲངས་པར་བྱོན། མི་དོ་དཔོན་སློབ། རྔ་རྒོད་སྐུ་སྐྱེ། འབྲིང་བ་ཕྱག་རྡོར་འབུམ་སོགས་ཚོ་བ་བརྒྱད་ཀྱི་རྒན་གསུམ་ཚང་མས་བསུ་བ་དང་བསྙེན་བཀུར་ག…

པའི་ཡར་ཚེས་དགེ་བར་འཆད་ཉན་གྱི་ཁྲིར་ཞབས་སེན་བཀོད། བཀའ་རམས་དང་མཛོད་པར་འདུལ་བ། དབུ་མ་གསར་རྙིང་བསྡོམས་པར་དབུ་མ། ཕར་ཕྱིན་པ་མན་ལ་སྐབས་དང་པོའི་མགོ་ནས་བརྩི་བཞག་གནང་བར་སོ་སོ་ནས་ཁྲི་འབུལ་བཏེག་ཅིང༌། བླ་བྲང་ཕྱག་མཛོད་ནས་ཀྱང་དགའ་སྟོན་རྒྱས་པར་བསྟར། ཉིན་དེར་ཀུན་མཁྱེན་གོང་མའི་བུ་ཆེན་མཐུ་སྟོབས་ནུས་པའི་མངའ་བདག་སྡེ་ཁྲི་…

པར་བཅད་དེ། དང་པོ་ཡོངས་ཀྱི་དགེ་བའི་བཤེས་གཉེན་ཆེན་པོ་བློ་བཟང་སྙན་གྲགས་ལ་རྡོ་བཅལ་རབ་འབྱམས་པའི་མིང་བཏགས་གནང༌། གསོ་སྦྱོང་ནམ་ཡིན་གྱི་ཞོགས་ཁ་ཚོགས་ནས་འདུལ་བ་རྒྱ་མཚོའི་སྙིང་པོ་གསུང་དགོས་པ་དང༌། གསོ་སྦྱོང་དངོས་གཞིའི་སྔོན་དུ་དགེ་ཚུལ་སློང་གི་ཕྱིར་བཅོས་ངེས་ཅན་དུ་བྱེད་དགོས་པར་བཀས་བཅད་དེ་བསླབ་པ་ཡོངས་སུ་དག་པའི་ཐབས་མ…

ནས་མཁན་ཆེན་རྡོ་རྗེ་འཆང་ལ་རོང་པོ་སྤྲུལ་སྐུ་རིན་པོ་ཆེས་བསྙེན་རྫོགས་ཀྱི་སྙན་སྒྲོན་ཕུལ་ཡོད་པའི་དོན་དུ་ཐོག་གཅིག་ཕེབས་ནས་མ་འགྱངས་པར་ཕྱིར་བྱོན། ཐང་སག་པའི་ཁྲིད་ཡིག་སྟེང་ནས་གསང་འདུས་བསྐྱེད་རྫོགས། བླ་མ་འཇམ་དབྱངས་པའི་ཁྲིད་ཡིག་སྟེང་ནས་བདེ་མཆོག་བསྐྱེད་རྫོགས། ལྕང་སྐྱ་རིན་པོ་ཆེའི་ལམ་ཁྲིད་ཚིགས་བཅད་མའི་སྟེང་ནས་བདེ་ལ…

མགོན་ཉིད་ཐུགས་རྗེ་ཧ་ཅང་ཆེ་བའི་རྣམ་ཐར་ཡིན་ཀྱང༌། རང་རང་ངོས་ནས་དེ་ཙམ་ཕོ་མ་སྐྱེས་པའི་རྟགས་སུ་འདུག །དཔྱིད་ཆོས་གསུམ་པར་བརྩི་བཞག་ཆག་མེད་དུ་གནང་ཞིང་སྒོ་མང་ལྟར་ཕར་ཕྱིན་གྱི་འཛིན་གྲྭ་གཏུག་རྒྱུའི་སྒྲིགས་ལམ་གསར་དུ་བཙུགས་པས་ལོ་རེ་བཞིན་གོང་འཕེལ་དུ་སོང་སྟེ་རྩོད་པ་འཕེལ་བའི་ཕན་གྲོགས་ཆེན་པོར་གྱུར། དབྱར་ཆོས་ཀྱི་མཚམས་ཤི…

བཀུར་བ་དང་ཆ་མཚུངས་པ་ཞིག་བྱུང་སྣང༌། ཕྱིར་གདན་སར་ཕེབས་ཏེ་གླིང་བསྲེའི་སྐབས་སྔ་སོར་མིང་བཏགས་པ་ཉུང་སྟབས་གཞུང་གསར་ཡན་ཆད་འཚོགས་པ་ལ། དེ་ཕྱིན་འབྲས་སྤུངས་ལྟར་མིང་བཏགས་པ་ཤ་སྟག་ཚོགས་དགོས་པར་བཅད། གླིང་བསྲེའི་ཚོགས་དབུར་བྱོན་ནས་པོ་ཏི་ལྔ་ལ་གཟབ་བཤད་མཛད་པས་མཁས་ཀུན་ཡིད་ཀྱི་བརྟན་པ་ཅིག་ཅར་ཕྲོགས། དེ་སྐབས་རྒྱུད་པ་དཔོན་སློ…

མེད་པའི་གནས་ལས་ཡང་དག་པར་བཟློག་པའོ། །ཞེས་གསུངས་པ་ལྟར་སླར་བག་མེད་པའི་གནས་ལས་ལྡོག་པའི་དགོས་པ་ཆེ་ཞིང༌། དེ་དག་རང་རང་དེ་ལས་བཟློག་མ་ཐུབ་ན་ཡང༌། དེའི་རྐྱེན་གྱིས་གཞན་དང་གཞན་ཉེས་པ་ལས་ལྡོག་པ་ནི། བྱང་ཆུབ་སེམས་དཔའི་ས་ལས། སླར་མི་དགུག་པར་བསྐྲད་པ་གང་ཡིན་པ་དེ་གཞན་དག་ཁོ་ན་ལ་ཕན་པ་དང་བདེ་བར་འགྱུར་བ་ཡིན་ཏེ། དེ་ལྟར་གཞན་དག…

དབོན་པོ་ཆོས་སེང་གེ་སོགས་རི་དགོན་སོ་སོའི་བླ་གྲྭ་ཁག་དང༌། དཔོན་འབངས་ཐམས་ཅད་ནས་བསུ་སྐྱེལ་འབུལ་ནོད་སོགས་ཡུལ་བསྟུན་གྱི་བསྙེན་བཀུར་གང་གཟབ་ཞུས་པར་རྒྱན་རྣམ་གཉིས་ཀྱི་ལུང་སྩལ། ཕྱོགས་འདུས་ཀྱི་མཇལ་བ་ཉི་ཁྲི་བརྒལ་བར་ཕྱག་དབང་དང་མེ་ཏོག་འཐོར། མཛོ་དགེ་དགོན་པས་ཀྱང་གདན་དྲངས་ཏེ་གསོལ་བ་བཏབ་པར་འཇིགས་བྱེད་བཅུ་གསུམ་མའི་དབང་ས…

དུཿཁ་ལས་སྒྲོལ་བའི་བསྔོ་སྨོན་གྱིས་མཚམས་སྦྱོར་གནང༌། མཛོ་དགེའི་དཔོན་ཁག་ཐམས་ཅད་མཇལ་དུ་འོང་བར་དགྱེས་པའི་གསུང་དང་བབས་འོས་ཀྱི་གནང་ཆ་སྩལ་ཅིང༌། ཕེབས་ལམ་གྱི་དུད་མང་པོས་དངོས་འབུལ་ཞུས། སྡེ་བ་བྱིངས་ནས་འབྱོན་པར་གསོལ་བ་བཏབ་ཀྱང་གདན་སར་སྨོན་ལམ་སྟེང་དུ་ཕེབས་དགོས་གཤིས་ལོ་རྗེས་མར་འབྱོན་རྒྱུའི་ཞལ་བཞེས་གནང༌། དགུང་ལོ་སོ་བ…

ཞུས། སྔར་དགོན་འདིར་པར་རྐོས་རྒྱུན་ཆགས་ཀྱི་སྲོལ་མ་བྱུང་བས་དཔེ་རྒྱུན་ཐམས་ཅད་དཀོན་པར་ཡོད་པའི་སྟབས་མངའ་རིས་དར་ཧན་ཆོས་རྗེར་སྦྱིན་བདག་དང༌། རབ་འབྱམས་པ་ཀུན་དགའ་བསྟན་འཛིན་ལ་གཉེར་གྱི་བཀའ་ཕེབས་ཏེ། གྲྭ་པ་ཁ་ཤས་ལ་པར་བརྐོ་ཚུལ་སློབ་ཏུ་བཅུག་ནས། བློ་རྟགས་གཉིས་ཀྱི་པར་ཐོག་མར་བརྐོས་ཤིང༌། དེ་ནས་བཟུང་རྒྱུན་མི་འཆད་དུ་བརྐོས་…

དུ་མའི་ལུང་འདྲེན་གྱི་ཤེས་བྱེད་དང་བཅས་པ་ཡང་ཡང་གསུངས་པའི་རྐྱེན་གྱིས་དེ་ལ་བློ་ཁ་གཞོལ་བ་མང་དུ་བྱུང་སྟེ་ད་ལྟ་དཀར་པོ་ཕྱོགས་བརྒྱད་ཟླ་རེ་ལོ་རེ་ཙམ་དང༌། ལོ་མང་པོའི་བར་དུ་སྨྱུང་གནས་བརྒྱུད་མར་བསྲུང་བ་སོགས་འཕེལ་རྒྱས་ཤིན་ཏུ་ཆེ་བ་ནི། ཟླ་བ་སྒྲོན་མེའི་མདོ་ལས། ཁྱེད་ལ་བསྒོ་ཞིང་ཁོང་དུ་ཆུད་པར་བྱ། །ཇི་ལྟ་ཇི་ལྟར་མང་དུ་མིས…

གསོལ་བ་བཏབ་པར་བརྟེན་དེ་ཕྱོགས་སུ་ཆིབས་ཁ་བསྒྱུར། ལམ་གྱི་ཚ་ཞག་སོགས་དང༌། བསུ་བ་སེར་སྦྲེང་བཅས་ཕྱག་ཕེབས་པར་བཞེས་སྟོན་གཟབ་རྒྱས་ཞུས། ཟླ་ཚེས་དགེ་བར་གསང་སྔགས་སྨིན་རྒྱས་གླིང་གི་ཁྲིར་ཞབས་སེན་བཀོད་དེ། དཔོན་ཚང༌། སེའི་དོད། མདའ་ཚན་སོ་སོ་དང་བཅས་པས་ཁྲི་འབུལ་རྔམས་ཆེ་བ་བསྟར། གྲྭ་ཚང་གིས་གཙོས་པའི་སྐྱ་སེར་དུ་མར་ཆོས་ཀྱི་ཆར…

བཅོམ་བྱེད་པ་ཞིག་ཡིན་ཀྱང༌། རྗེ་འདིའི་གྲྭ་རིགས་སུ་གཏོགས་པ་ཙམ་ལ་ཡང་གནོད་པ་མི་བྱེད་པ་འདི་བྱུང་བ་ཡིན་ནོ། །དེ་ནས་ལོ་སྔ་མར་མཛོ་དགེ་དཔོན་ཁག་སོ་སོ་ནས་ཞུས་ཡོད་པ་ལྟར་དེ་ཕྱོགས་སུ་བྱོན། འབོས་སྤོ་ཚང་རྣམས་དང༌། དཔོན་པོ་ཕྱག་རྡོར་སྐྱབས་སོགས་གླིང་པའི་སྐོར། བྱམས་མེའི་སྡེ་པ་ཐམས་ཅད་དང་བཅས་པས་གདན་དྲངས་ཏེ་དངོས་འབུལ་ཕོན་ཆེར…

པོར་ཕྱག་ཕེབས་ཏེ་རྟ་ནོར་སུམ་བརྒྱ་སྐོར་ཞིག་གིས་དངུལ་སྲང་རེ་ཐེམ་ངེས་ཀྱི་སྐུ་འགྱེད་བསྟར། སྤྱི་སོར་རྟ་ནོར་དྲུག་ཅུ། གདུང་མཆོད་དང་རིགས་གྲྭའི་ཐེབས་ལ་སུམ་ཅུ་རེ། ཨ་མཆོག་དགོན་པར་རྟ་ཕོ་རྒོད་བརྒྱ། ནོར་ཉིས་བརྒྱ། ལུག་སྟོང་སོགས་ཀྱི་འཇོག་པ་བྱས། བསེའི་སྤྲུལ་བའི་སྐུ་ནས་ཁྲིའི་དགོངས་པ་ཞུས་པས། འབྲས་སྤུངས་དགེ་བཤེས་ཟུང་ཆུ་…

བཏབ་སྟེ། འདི་ཀའི་བླ་གྲྭ་ཐམས་ཅད་དང༌། ཕྱོགས་ཀྱི་བླ་མ་ཆེ་ཆུང་རི་ཁྲོད་པ་མང་པོ་སོགས་གཉུག་མར་གནས་པ་དང་གློ་བུར་དུ་ལྷགས་པའི་དགེ་འདུན་ཉིས་སྟོང་མ་ལོངས་ཙམ་ལ་ཟླ་བ་ཕྱེད་དང་གཉིས་ཀྱི་བར་དུ། རྒྱལ་བའི་གསུང་རབ་ཐམས་ཅད་ཀྱི་གནད་བསྡུས་པ། ཤིང་རྟ་ཆེན་པོ་གཉིས་ཀྱི་ལམ་སྲོལ། བྱང་ཆུབ་ལམ་རིམ་ཆེན་མོའི་བཤད་ལུང༌། ཚིག་གི་སྒྲོ་འདོགས་…

དུ་བཤད་སྒྲུབ་ཀྱི་ཆོས་ཚུལ་ཐམས་ཅད་ལ་དབང་བསྒྱུར་བའི་འདྲེན་མཆོག་འདི་ལྟ་བུ་ལ་ནོ་མིན་ཧན་ནམ་དེ་བོད་སྐད་དུ་བསྒྱུར་ན་ཆོས་ཀྱི་རྒྱལ་པོ་ཞེས་བཏགས་པ་ནི་ཚུལ་དང་མཐུན་ཞིང་མཛེས་པ་ཡིན་ཏེ། སྐྱེས་རབས་ལས། རྒྱལ་པོ་ཆེན་པོ་ཆེན་པོའི་སྒྲ། །འདི་ནི་རྒྱལ་པོ་ཁྱོད་ལ་མཛེས། །ཡོན་ཏན་མེད་ལ་ཡོན་ཏན་བརྗོད། །སྨད་ཅིང་རྩུབ་པའི་ཚིག་ཏུ་འགྱུར།…

པ་ཆེན་པོ་རིན་ཆེན་ཆོས་བཟང་གནས་བརྟན་དུ་བསྐོས། རི་ཁྲོད་པའི་ཞལ་གྲངས་འཕགས་པའི་གནས་བརྟན་བཅུ་དྲུག་གི་གྲངས་ལྟར་མཛད་ཅིང་རྟེན་འབྲེལ་ལ་དགོངས་ནས་སོ་སོར་གནས་བརྟན་རེ་རེའི་མིང་འདོགས་ཀྱང་མཛད། རི་ཁྲོད་ཀྱི་མིང་ལ་བཀྲ་ཤིས་དགེ་འཕེལ་དུ་བཏགས། དེ་ནས་བར་སྐབས་ཤིག་ཏུ་མི་བསྲུན་པའི་སྐྱེ་བོ་བདུད་ཀྱི་གཉེན་དུ་གྱུར་པ་འགའ་ཞིག་གིས། ས…