མཛད་ཅིང༌། ཁྱད་པར་དུ་ཡང་རྣམ་འདྲེན་ཤཱཀྱ་སེང་གེའི་མདུན་སར་ཆོས་སྨྲ་བའི་སྤོབས་པ་བླ་ན་མེད་པ་རྒྱལ་བའི་སྲས་པོ་དྲི་མེད་གྲགས་པ། མཐའ་བྲལ་ཐལ་འགྱུར་བའི་ཤིང་རྟའི་སྲོལ་འབྱེད་རིག་འཛིན་སར་གཤེགས་གྲུབ་པའི་དཔའ་བོ་སངས་རྒྱས་བསྐྱངས། དངོས་སྟོབས་རིགས་པའི་དཔུང་གིས་སྨྲ་ངན་འདམ་བུའི་ཚལ་ཀུན་འཇོམས་པའི་སློབ་དཔོན་ཕྱོགས་ཀྱི་གླང་པོ། …

འཇམ་དབྱངས་བཞད་པའི་རྡོ་རྗེ་སོགས། གསེར་གྱི་རི་བོ་ལྟ་བུའི་སྐྱེས་རབས་ཀྱི་ཕྲེང་བ་རིམ་པར་བརྒྱུད་དེ་རྒྱ་བོད་གཉིས་ཀར་ཐུབ་བསྟན་རིན་པོ་ཆེ་མི་ནུབ་པའི་རྒྱལ་མཚན་སྲིད་རྩེའི་བར་དུ་བསྒྲེངས་པར་མཛད། ལྷག་པར་ཡང་སྐུ་འཕྲེང་འདི་ཉིད་ལ་སྲས་བཅས་རྒྱལ་བ་ཀུན་གྱི་གསང་གསུམ་རྨད་དུ་བྱུང་བའི་མཛད་པ་མཐའ་དག་རང་ཉིད་གཅིག་པུའི་ཕྱག་མཚན་དུ་…

དཔོན་ལ་མ་བརྟེན་པའི་ཡོན་ཏན་དེ་ནི། ཤེས་རབ་སྡོང་བུ་ལས། རིགས་པ་གླེགས་བམ་ལས་བསླབས་ཀྱི། །བླ་མའི་ཐད་ནས་མ་བསླབ་པ། །འཕྱོན་མའི་བུད་མེད་སྦྲུམ་མ་བཞིན། །ཚོགས་པའི་ནང་ན་མི་མཛེས་སོ། །ཞེས་གསུངས་པ་ལྟར། རང་གཞན་གང་ལ་ཡང་ཕན་པ་ཆེར་མི་འབྱུང་བས། ལེགས་ཚོགས་ཐམས་ཅད་ཀྱི་རྩ་བ་བཤེས་གཉེན་བསྟེན་ཚུལ་མ་ནོར་བའི་རྟེན་འབྲེལ་གྱི་གནད་འདི་…

ཚུལ་གྱི་དབང་གིས་གཞུང་སིལ་བུར་འཐོར་ནས་དགོངས་པ་མི་ལོན་པ་སོགས་འཆད་པའི་སྐྱོན་མཐའ་དག་དང་བྲལ་ཞིང༌། སྤྱི་དོན་ཆོད་ཆེ་བ་རེ་རེའི་ནང་དུ་འགག་སྡོམ་ཆེ་ཤོས་ཐམས་ཅད་བསྡུས་ཏེ་གསུངས་པས་གཞུང་གི་སྤྱི་ཁོག་བློ་ཡུལ་དུ་འཆར་བདེ་ལ། བྱེ་བྲག་གི་དོན་ཚན་སོ་སོའི་སྐབས་ཕྱེ་སྟེ་གསུངས་པས་བརྗོད་བྱ་ཐ་དད་ཀྱི་མཚམས་མི་འཆུག་པར་ངེས་པ་སྙེད་སླ…

ཚིག་རིས་མ་ཉམས་པར་འཛིན་ཐུབ་ན་གང་གསུངས་དེ་གྱུ་རུ་ལུགས་སུ་བཀོད་ཚེ། ཚིག་གི་སྡེབ་སྦྱོར་ཀྱང་གསར་དུ་བཟོ་མི་དགོས་པར་ཆད་ལྷག་ཟློས་པ་སོགས་ཀྱི་སྐྱོན་གང་གིས་ཀྱང་མ་རེག་པའི་གཞུང་ཆ་ཚང་བ་གཞན་གྱི་ལོ་ཟླ་བའི་བར་དུ་བྲིས་བསུབ་མང་པོ་བྱས་པ་དག་གིས་ཀྱང་བསྒྲུན་དུ་མེད་པ་རེ་འབྱུང་ལ། ཁྲིད་སོགས་ཀྱི་སྐབས་སུ་མྱོང་བ་ལ་བསྐོར་ནས་བློ་འ…

དུ་མ་དང་རྩོད་པ་གནང་བའི་ཚེ་རྗེ་འདིའི་རིགས་པའི་རྣམ་འགྱུར་ལ་སུས་ཀྱང་འགྲན་དུ་མེད་པའི་ཚུལ་ཐོར་བུ་ཞིག་གོང་དུ་སོང་ཟིན་ལ། ཕྱིས་སུ་ཡང་བརྒལ་བརྟག་གི་རིགས་པའི་གསང་ཚིག་ཕྲ་མོ་རྩོད་བཞིན་པ་རྣམས་ཀྱིས་ཀྱང་ངེས་དཀའ་བ་མཐའ་དག་ནམ་ཡང་བསྙེལ་བ་མེད་པར་ཐུགས་ལ་ངེས་ཤིང༌། གཞན་གྱིས་སྒྲུབ་བྱེད་བརྒྱ་སྟོང་བཀོད་པ་ལས་ཀྱང་རྗེ་འདིས་རིགས་…

གེའི་རིགས་ལམ་ཡོངས་སུ་བྱང་བའི་རྒོལ་བ་མཐའ་དག་གིས་གླགས་རྙེད་པའི་གོ་སྐབས་མ་མཆིས་པ་ནི་རྩོད་པའི་ཡོན་ཏན་ཡོངས་སུ་རྫོགས་པའི་གཏན་ཚིགས་བླ་ན་མེད་པའོ། །རྩོམ་པ་ནི། དེང་དུས་ཁ་ཅིག་སྦྱར་བྱང་སྤོས་ཙམ་གྱིས་རྩོམ་པའི་མིང་བཞག་པ་ལ་དགོས་པ་ཅི་ཡང་མེད་ཅིང༌། ལ་ལས་སྙན་དངགས་ཕྱོགས་འགྲོ་རེ་ཙམ་སྦྱངས་ཏེ། ཡོངས་སུ་མ་གྲགས་པའི་མངོན་བརྗོད…

གསུངས་པ་ལྟར་རོ། །དེ་ལ་བདག་ཉིད་ཆེན་པོ་འདི་ནི་རྒྱལ་བའི་གསུང་རབ་མཐའ་དག་ལ་ནང་བྱན་ཚུད་པས་བཀའ་རྩོམ་ཐམས་ཅད་བརྗོད་བྱ་ཟབ་ཅིང་བརླིང་ལ་འདུས་ཆེ་བ་དང༌། སྒྲ་སྙན་སྡེབ་སྦྱོར་སོགས་ཀྱི་རིག་གནས་རྒྱ་མཚོའི་ཕ་རོལ་ཏུ་སོན་པས་རྗོད་བྱེད་སྙན་ཞིང་བརྗིད་ལ་འབྲེལ་ཆགས་པ་སོགས་ཚིག་དོན་གང་གི་ཆ་ནས་ཀྱང་མཁས་པ་རྣམས་ཀྱི་ཡིད་རང་དབང་མེད་པར་…

དང༌། དེའི་དབང་གིས་སྐུ་ལས་ཚུལ་ཁྲིམས་ཀྱི་དྲི་ངད་རྒྱང་རིང་པོར་འཕྲོ་ཞིང༌། ཐ་ན་མདུན་དུ་རྒྱུན་རིང་བཞག་པའི་ཉེར་སྤྱད་སོགས་ལ་ཡང་དེའི་དྲི་མི་ཡལ་བར་སྡོད་པ་སོགས་ནི་ཀུན་ལ་མཐུན་སྣང་དུ་གྲུབ་བོ། །བྱང་ཆུབ་སེམས་དཔའི་བསླབ་པ་ལ་ཡང་དེའི་མི་མཐུན་ཕྱོགས་མཐའ་དག་གིས་དབེན་ཞིང༌། ཁྱད་པར་མཛད་པ་གང་གནང་ཐམས་ཅད་གདུལ་བྱ་རྣམས་ལ་འཕྲལ་ཡུ…

ཕྱོགས་ཀྱི་ཆེ་ཆེ་མོ་དང༌། མཁས་པའི་སྐྱེ་བོ་ཅི་ཙམ་ཚོགས་ཀྱང་དེའི་མིག་སྔར་འཆོས་པ་ལྟ་བུ་གཏན་མི་སྲིད་པ་ནི། འགྲེལ་པ་དོན་གསལ་ལས། སྐུ་དང་གསུང་དང་ཐུགས་ཀྱི་སྤྱོད་པ་ཡོངས་སུ་དག་པས་འདི་ལ་ཕྱིན་ཅི་ལོག་གི་སྤྱོད་པ་གཞན་གྱིས་ཡོངས་སུ་ཤེས་པས་བསྙེང་བས་བཅབ་པར་བྱའོ་སྙམ་པའི་དགོངས་པ་མི་མངའ་བ་ཞེས་བྱ་བ་བསྲུང་བ་མེད་པ་རྣམ་པ་གསུམ། ཞ…

རོལ་ཏུ་ཕྱིན་པ་ཡོངས་སུ་རྫོགས་པའི་འབྲས་རྟགས་ཡིན་ཏེ། འཇམ་མགོན་ཙོང་ཁ་པ་ཆེན་པོས། སྐྱེ་དགུའི་དབུས་ན་ལྷུན་པོ་ལྟ་བུར་བརྗིད། །སྟོབས་ཀྱིས་བསྡིགས་པ་མེད་པར་འགྲོ་ཀུན་འདུད། །ཅེས་གསུངས་པ་ལྟར་རོ། བསམ་གཏན་གྱི་བསླབ་པ་ལ། ཐུན་མོང་བ་ཞི་ལྷག་ཟུང་འབྲེལ་གྱི་ཏིང་ངེ་འཛིན་དང་ལྡན་པ་ནི། གསུང་རབ་ལས་བཤད་པའི་མངོན་ཤེས་འགྲུབ་པ་ལ་སེམས…

མཐར་ཟག་པ་ཟད་པར་བྱེད་པའི་བར་གཞན་དོན་སྒྲུབ་པའི་ཐབས་ཀྱི་རྣམ་པ་ཆ་ཚང་བ་ཞིག་ཡོད་པའི་ཚུལ་མདོ་སྡེ་རྒྱན་ལས། གཤེགས་ནས་སྤྱོད་པ་མཁྱེན་མཛད་ཅིང༌། །དེ་ཡི་སྐད་ཀྱི་སེམས་ཅན་གྱི། །འོང་དང་འགྲོ་བ་ངེས་འབྱུང་བ། །ལེགས་འདོམས་ཁྱོད་ལ་ཕྱག་འཚལ་ལོ། །ཞེས་གསུངས་པ་ལྟར་རོ། །ཐུན་མོང་མ་ཡིན་པ་རིམ་གཉིས་ཀྱི་ཏིང་ངེ་འཛིན་ཤིན་ཏུ་བརྟན་པོ་བརྙ…

ལ་ད་ལྟ་རྗེ་འདི་ལས་ལྷག་པ་མེད་གསུངས་ནས། ལེགས་བཤད་སྙིང་པོའི་བཤད་ལུང་ཆེད་གཏད་ཀྱིས་ཞུས་པ་དང༌། ལྟ་མགུར་འགྲེལ་པ་མཛད་སྐབས་ལྕང་སྐྱ་རྡོ་རྗེ་འཆང་ནས་གསུང་ཚུལ་གོང་དུ་སྨོས་པ་ལྟར། འཕགས་ཆེན་དམ་པ་རྣམས་ནང་ཕན་ཚུན་དུ་སོ་སོ་རང་གི་རིག་པའི་ཡེ་ཤེས་ཀྱིས་གཞལ་བར་བྱ་བ་ཞིག་ཡིན་འདུག་པས། རང་ཅག་ལྟ་བུས་ཇི་ལྟ་བ་བཞིན་ཤེས་པར་ག་ལ་ནུས་ཀ…

ཇི་ལྟ་བ་བཞིན་དུ་མངོན་མཐོ་དང་ངེས་ལེགས་ཀྱི་ལམ་ལ་སྦྱར་ཞིང་ཐ་ན་ནད་རིམས་དང་གདོན་བགེགས་སོགས་ཀྱི་འཇིགས་པ་ལས་བསྐྱབས་པའི་ལོ་རྒྱུས་ཀྱང་བགྲང་གིས་མི་ལང་ངོ༌། །དེ་ཡང་བསྟན་པ་ཡུན་དུ་གནས་པ་ལ་དེའི་རྩ་བ་དགེ་འདུན་གྱི་སྡེ་ལ་རག་ལས་པར་དགོངས་ཏེ་གསར་འདེབས་དང་ཉམས་གསོས་ཅི་རིགས་ཀྱི་སྒོ་ནས་འཛིན་སྐྱོང་གནང་བའི་དགོན་སྡེ་ཡང་བཞི་བཅུ…

བཞིན། །དོན་བྱ་བ་ཉུང་བ་ལྷུར་ལེན་པ། །སྤྱིར་དམ་པས་བསྔགས་འོས་མཆོག་ཡིན་ཀྱང༌། །ཁྱེད་སེམས་དཔའ་ཆེ་ལ་མཛེས་མ་ཡིན། །ཞེས་གསུངས་པ་ལྟར་གཞན་དོན་སྒྲུབ་པའི་ཐབས་མཁས་ཀྱི་སྤྱོད་པ་ཡིན་པས་འདོར་མི་རིགས་ཏེ། བློ་གྲོས་རྒྱ་མཚོས་ཞུས་པའི་མདོ་བསླབ་བཏུས་སུ་དྲངས་པ་ལས། གཅིག་ཏུ་དབེན་པར་གཞོལ་བས་གཞན་དོན་རྒྱ་ཆེ་བ་དོར་ན་བྱང་ཆུབ་སེམས་དཔའ…

ཡོངས་སུ་ཁྱབ་པ་ལ་བརྟེན་ནས། ཇི་སྐད་དུ། རྗེ་བདག་ཉིད་ཆེན་པོས། རྒྱ་ཆེན་མང་དུ་ཐོས་པས་སྒྲོ་འདོགས་བཅད། །སྐྱོན་བྲལ་སྡོམ་པ་གསུམ་གྱིས་རང་རྒྱུད་བཏུལ། །ལུང་རྟོགས་འཁོར་ལོ་གཉིས་ཀྱིས་བསྟན་པ་སྤེལ། །མཉམ་མེད་ཁྱོད་ནི་བསྟན་འཛིན་གཙུག་གི་རྒྱན། །ཞེས་གསུངས་པ་ལྟར། མཁས་པ་དང་གྲུབ་པའི་དབང་ཕྱུག་མ་ལུས་པའི་གཙུག་གི་ཅོད་པན་དུ་གྱུར་ཏ…

བའི་སྐུ་ཡེ་ཤེས་བསྟན་པའི་མགོན་པོ། འཇམ་མགོན་རྒྱལ་བ་གཉིས་པའི་རྒྱལ་ཚབ་ཁྲི་ཆེན་བློ་བཟང་སྨོན་ལམ། ཁྲི་ཆེན་བློ་བཟང་བཀྲ་ཤིས། བྱང་རྩེ་མཁན་པོ་བློ་བཟང་ཤེས་རབ། ཤར་རྩེ་མཁན་པོ་མངའ་རིས་པ་བློ་བཟང་སྦྱིན་པ། བྱང་རྩེ་མཁན་པོ་ངག་དབང་སྙན་གྲགས། ཤར་རྩེ་མཁན་པོ་ངག་དབང་བཀྲ་ཤིས། སྒོ་མང་དཔོན་སློབ་ངག་དབང་དགེ་ལེགས། སྒོ་མང་དཔོན་སློབ…

དཀྱིལ་ཁང༌། ཐོས་བསམ་གླིང་བཞིའི་བླ་མ་གདན་ཟུར། དགེ་བཤེས་ཀྱི་རིགས། སྲད་རྒྱུད། རྟག་བརྟན། ཁྲོ་ཕུ། ལྷུན་པོ་རྩེ། གངས་ཅན་ཆོས་འཕེལ། སྣར་ཐང༌། ཞྭ་ལུ་རི་ཁུད། རི་མཐིལ། ཤངས་དགའ་ལྡན་ཆོས་འཁོར། དབེན་དགོན། རི་བོ་མདངས་ཅན། མཚན་སྒྲོགས། དཔལ་འཁོར་བདེ་ཆེན་སོགས་གཙང་ཁུལ་གྱི་དགོན་ཆེ་ཕྲ་དུ་མའི་བླ་མ་སོགས་ཆོས་ཀྱི་གདན་ཁྲི་འཛིན་པའི…

སྐྱེས་ཆེ་ཆུང་མང་པོ་དང༌། གདན་ས་ཆེན་པོ་སྐུ་འབུམ་ནས། བསྟན་པའི་སྣང་བྱེད་ཨ་ཀྱ་ཞབས་དྲུང༌། སྟག་མཚེར་དཔོན་སློབ་ཡེ་ཤེས་སྐལ་བཟང༌། མགོན་གྱ་ཞབས་དྲུང་གྲགས་པ་རྒྱལ་མཚན། ཆེ་ཤོས་དཔོན་སློབ་བློ་བཟང་བསྟན་པ། ཟི་ན་འཇམ་དབྱངས་ཚུལ་ཁྲིམས་དར་རྒྱས། གྲོ་ཚང་སྤྲུལ་སྐུ་བློ་བཟང་བསྟན་པའི་ཉི་མ། སེར་དྲིས་སྤྲུལ་སྐུ། རྒྱུད་པ་དཔོན་སློབ་མ…

པའི་བདུད་རྩི་དོན་དུ་གཉེར་པའི་ཁྲོད་ན་འདྲེན་པ་མཆོག་འདིའི་ཞབས་ལ་མ་བརྟེན་པ་འགའ་ཡང་མེད་དོ། །དེ་བཞིན་དུ་རེབ་ཀོང་གི་ཕྱོགས་སུ། གཡེར་གཤོང་སྤྲུལ་བའི་སྐུ་དགེ་འདུན་ཟླ་བ་གྲགས་པ། མཁན་ཆེན་རིན་པོ་ཆེའི་སྤྲུལ་སྐུ་དཀོན་མཆོག་ཡར་འཕེལ། ལྕང་ལུང་དགེ་འདུན་བསྟན་འཛིན། རོང་པོའི་ཁྲི་པ་དགེ་བཤེས་དཔོན་པོ། སྟག་གེ་སྤྲུལ་བའི་སྐུ། རོང…