དཔལ་ལྡན༌༴ འཆད་རྩོད་རྩོམ་པས་མཁས་ཀུན་གཙུག་གི་རྒྱན། །མཐུ་སྟོབས་ནུས་པས་གྲུབ་རིགས་ཚོགས་ཀྱི་རྗེ། །འཕྲིན་ལས་བཟང་པོས་འཇིག་རྟེན་ཀུན་གྱི་མགོན། །ཐུབ་བསྟན་ཡོངས་ཀྱི་མངའ་བདག་དྲིན་ཅན་རྗེ། །དཔལ་ལྡན༌༴ མཐའ་བྲལ་དེ་ཉིད་མངོན་སུམ་གཟིགས་པ་ཡིས། །དངོས་འཛིན་འཆིང་བའི་དྲ་བ་ཀུན་བཅད་ཅིང༌། །ཟབ་ལམ་རིམ་གཉིས་རྣལ་འབྱོར་མཐར་ཕྱིན་པས། །…

དེད་དཔོན་མཆོག་གིས་རྟག་ཏུ་སྐྱོངས་གྱུར་ཅིག །སྲིད་ལ་རྒྱབ་ཀྱིས་ཕྱོགས་པའི་ངེས་འབྱུང་དང༌། །གཞན་ཕན་ཁུར་དུ་འཁྱེར་བའི་བྱང་ཆུབ་སེམས། །རྒྱལ་བ་དགྱེས་བྱེད་ཡང་དག་ལྟ་བ་རྣམས། །ཟུང་དུ་འབྲེལ་བའི་ལམ་བཟང་མངོན་གྱུར་ཤོག །དེ་ནས་གསང་བ་སྔགས་ཀྱི་ལམ་ཞུགས་ཏེ། །དངོས་གྲུབ་རིན་ཆེན་གཏེར་གྱི་སྒོ་གཅིག་པུ། །རྣམ་དག་དམ་ཚིག་སྡོམ་པ་ཆ་ཙམ་…

དཔལ་ལྡན་རིག་པ་འཛིན་པའི་འཁོར་ལོས་བསྒྱུར་བ་ཆེན་པོ་སྡེ་ཁྲི་རིན་པོ་ཆེ་བློ་བཟང་དོན་གྲུབ་པའི་ཞལ་སྔ་ནས་ཀྱི་རྣམ་པར་ཐར་པ་གསང་ཆེན་ཆོས་ཀྱིས་བསྔགས་པའི་རོལ་མོ་ཞེས་བྱ་བ་བཞུགས་སོ། །

རྒྱལ་བའི་འཁོར་ལོ་རབ་འབྱམས་གསང་བའི་མཛོད། །རིན་ཆེན་འབྱུང་གནས་མཐུ་ཡི་རྟ་གདོང་མེ། །བདུད་རིགས་མཐར་བྱེད་འཇིགས་པའི་ཚམ་རྔམ་ཅན། །གྲུབ་པའི་དཔའ་བོ་བདེ་བའི་རྡོ་རྗེ་རྒྱལ། །གཤིན་རྗེའི་གཤེད་དང་མཉམ་སྦྱོར་རོ་ལངས་མ། །མི་སྡུག་དྲག་མོ་ཆེན་མོའི་སྐུར་བསྟན་ཡང༌། །རྒྱལ་གསུང་དབྱངས་ཀྱི་རང་གདངས་ཚངས་སྲས་མར། །ངེས་པས་ལན་བརྒྱར་འདུད…

འཕྲོག་པའི་མོད་ལ་བཏུང་འོས་འདིས། །རྣམ་དཔྱོད་གསེར་སྦྱངས་དག་པའི་ཁམས་ལས་གྲུབ། །རྣམ་བཀྲ་རིགས་པའི་དར་གྱི་མགུལ་ཆིངས་ཅན། །བདག་བློ་རིན་ཆེན་བུམ་བཟང་ལས་འོངས་པ། །བློ་གསལ་གཞོན་ནུས་དད་པའི་སྙིམ་པར་ལོངས། །དེ་ལ་འདིར་མཁྱེན་རབ་མཚུངས་ཟླ་མེད་པའི་རྣམ་དཔྱོད་ཀྱི་གྲུ་གཟིངས་ལ་བརྟེན་ནས་གཞུང་ལུགས་རྒྱ་མཚོའི་ཕ་རོལ་ཏུ་སོན་ཅིང༌། བར…

ལས། ཐུན་མོང་དུ་གྲགས་པ་མདོར་བསྡུས་ཙམ་ཞིག་གཏམ་དུ་བསྙད་པར་བྱ་བ་ལ། དང་པོར་མཁྱེན་པའི་ཡོན་ཏན་ལས་བརྩམས་ཏེ་རིགས་ཕུན་སུམ་ཚོགས་པར་སྐྱེས་ནས་ཐོས་བསམ་ཇི་ལྟར་མཛད་པའི་ཚུལ། བར་དུ་བརྩེ་བའི་ཡོན་ཏན་ལས་བརྩམས་ཏེ་བསྟན་འགྲོའི་དོན་སྒོ་དུ་མ་ནས་ཁུར་དུ་བཞེས་པའི་ཚུལ། ཐ་མར་ནུས་པའི་ཡོན་ཏན་ལས་བརྩམས་ཏེ་བདུད་རིགས་ཀྱི་ཉེར་འཚེ་རྨེག་མ…

བསོད་ནམས་ཀྱི་མྱུ་གུ་བསྐྲུན་པ་དང༌། སྡུག་བསྔལ་གྱིས་གཟིར་བའི་སྐྱེ་བོ་མཐོང་བ་ན་ཤས་མི་བཟོད་པའི་སྙིང་རྗེ་སྐྱེས་ཏེ་དེའི་དོན་ལ་བརྩོན་པ་དང༌། འབུ་སྲིན་ཕྲ་མོ་ལ་ཡང་གནོད་འཚེ་སྤོང་བ་སོགས་བླང་དོར་ཕྱིན་ཅི་མ་ལོག་པར་མཛད་པས་ཡུལ་མི་རྣམས་ཀྱང་འདི་ལྟ་བུའི་བྱིས་པ་ཡ་རབས་ཞེས་ཡ་མཚན་པའི་དཔེར་བྱེད་པ་བྱུང༌། དགུང་ལོ་དྲུག་གི་ཐོག་ལ…

ཡོན་ཏན་ཐམས་ཅད་ཀྱི་གཞི་རྟེན་ཚུལ་ཁྲིམས་རྣམ་པར་དག་པའི་རྨང་གཞི་ཚུགས་པར་མཛད། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་གསུངས་པ་ལྟར། གཞི་ཚུལ་ཁྲིམས་གཙང་མའི་སྟེང་དེར་ཐོས་བསམ་སྒོམ་གསུམ་ཡ་མ་བྲལ་བ་ཞིག་དགོས་པའི་དབང་གིས། གནས་ཆུང་སྤྲུལ་བའི་ཆོས་རྒྱལ་ཆེན་པོས། ལྷ་ལྡན་སྤྲུལ་བའི་གཙུག་ལག་ཁང་དང༌། སེར་འབྲ…

བའི་བཤེས་གཉེན་བྱ་བྲལ་དགེ་འདུན་ཕུན་ཚོགས་དགེ་རྒན་དུ་བསྟེན་ནས་བརྩི་བཞག་དང་སྦྱོར་བ་རྩི་བ་སོགས་ལ་ཆིག་དྲིལ་དུ་འབད་པས་རིང་པོ་མ་ལོན་པར་རིགས་ལམ་གྱི་སྒོ་ཕྱེ་སྟེ་རྩོད་གྲྭ་ཤིན་ཏུ་དམར་བ་བྱུང༌། ལོ་གཅིག་གཉིས་ཀྱི་ཁུངས་སུ་བསྡུས་གྲྭར་གྲགས་པ་ཚད་མ་རྣམ་འགྲེལ་གྱི་རིགས་པའི་སྒོ་དུ་མ་ཕྱོགས་གཅིག་ཏུ་དྲིལ་བ་དང༌། བློ་རྟགས་སོགས་…

ཤས་ཆེར་ཉིན་མཚན་ཁོར་ཡུག་ཏུ་ཐུགས་དམ་གཙོར་འདོན་དང༌། ཆོས་མཚམས་ཀྱི་ཉིན་ཁ་ཤས་རེ་ལ་བརྩི་བཞག་ཐུགས་འཛིན་ཞག་ཁ་ཤས་རེའི་མཚམས་སུ་བརྩི་བཞག་མཚན་སྐྱོང་གི་ས་བཅད་གནང་བའི་དུས་ཐོག་དེར་ཁ་ཆར་བུ་ཡུག་སོགས་རྐྱེན་ཅི་བྱུང་ཡང་དེའི་དབང་དུ་མི་གཏོང་བས་བརྩམས་པ་མཐར་འདོན་པ་མཛད། འོན་ཀྱང་ཐུགས་རབ་ཆེ་ཞིང་བརྗེད་ངས་ཆུང་བས་ཐལ་འཕྲེང་ཟུར་བཀོ…

ཐུགས་འཛིན་མཛད་པས། ཐམས་ཅད་ཀྱིས་འདི་ནི་གཟུངས་ཐོབ་པའི་གང་ཟག་ཅིག་ཏུ་ཐེ་ཚོམ་མི་འདུག་ཅེས་བསྔགས་པའི་རོལ་མོ་འཁྲོལ། འདུལ་བའི་ཡིག་ཆ་ཐུགས་ལ་གཟུང་སྟེ། ལུང་སྡེ་བཞི། མདོ་རྩ་འགྲེལ། གླེང་འབུམ་སོགས་ལ་ཞིབ་ཏུ་སྦྱངས་པས་དགག་སྒྲུབ་གནང་གསུམ་གྱི་བཅས་མཚམས་མ་ལུས་པ་ཐུགས་སུ་ཆུད། ཀུན་མཁྱེན་བླ་མ་འཇམ་དབྱངས་བཞད་པའི་རྡོ་རྗེའི་ཞལ་སྔ…

པར་ཉམས་ལེན་གཙོ་བོར་གནང་ཞིང༌། རྩོད་ཚེ་ཡང་གཞུང་གི་དཀའ་གནད་གང་ཟབ་ཀྱི་སྟེང་ནས་གོ་དོན་ཚོལ་བ་གཙོར་འདོན་མཛད་པས། གནད་མ་རྟོགས་པ་ཁ་ཅིག་གིས་རིགས་པའི་བདར་ཤ་དེ་ཙམ་ཆོད་མེད་སྙམ་པའི་ལོག་རྟོག་དང་རང་ལྟ་མཆོག་འཛིན་གྱི་མངོན་རློམ་མཐོ་བའི་དབང་གིས་རིགས་ལམ་གྱ་གྱུའི་སྒྲུབ་བྱེད་སྣ་ཚོགས་བཏང་བར། རྒྱ་མཚོ་བཞིན་དུ་ཟབ་ཅིང་ཀུ་ཤའི་རྩ…

བྱ་སྙམ་པའི་འདུན་པ་ཤུགས་དྲག་ནར་མར་འཁྲུངས་ཏེ། ཇི་སྐད་དུ། རྣམ་སྨིན་ཡོན་ཏན་འདབ་བརྒྱད་པདྨོའི་དབུས། །རྣམ་དག་ཚུལ་ཁྲིམས་དམར་སེར་གེ་ས་ར། །རྣམ་འདྲེན་གསུང་གསང་ཉི་འོད་ཀྱིས་བཟུང་བས། །རྣམ་མང་ཐོས་པ་སྦྲང་རྩིའི་ཟིལ་དངར་རྒྱས། །འོན་ཀྱང་ལྷག་བསམ་དག་པའི་གཞན་དབང་དུ་གྱུར་ཏེ་བསྟན་འགྲོའི་དོན་ཁུར་དུ་བཞེས་པའི་ཚུལ་ནི། དེ་ནས་ལོ་…

རང་རང་དང་རིགས་མཐུན་པའི་སྐྱེ་བོ་ཅོལ་ཆུང་ཁ་དྲག་དཔལ་འབྱོར་ཅུང་ཟད་ཙམ་གྱིས་དབྱེན་སྤྱོས་ཏེ་བག་མེད་པའི་ལས་ལ་དགའ་མགུར་འཇུག་པ་དག་གི་སྤྱོད་ངན་གྱི་དཔེ། བདག་ཉིད་ཆེན་པོ་རྣམས་ལ་ཡང་འོས་མེད་ཀྱི་རིགས་པས་རྒྱས་བཀབ་པར་སྣང་སྟེ། སྔོན་དགྲ་བཅོམ་པ་ཟག་པ་ཟད་པ་རྣམས་ཀྱིས་ཀྱང་དགེ་འདུན་གྱི་ཟས་གོས་གནས་མལ་ལ་སོགས་པའི་གཉེར་མཛད་པ་དང༌།…

ཕྱིར་ཕེབས་སྐབས་ཀྱང་དེ་མ་གཏོགས་ཅི་ཡང་མེད་པའི་ལོ་རྒྱུས་ད་ལྟ་ཡང་གྲགས་ཆེ། དགེ་འདུན་རྣམས་ཀྱང་ལོག་འཚོ་ལ་སྦྱོར་མི་རུང་བར་དགོངས་ཏེ། ཁ་བསག །གཞོག་སློང༌། རྙེད་པས་རྙེད་པ་འཚོལ་བ་སོགས་གཡོ་འཕྲུལ་མི་མཛད་ཅིང༌། གཞན་གྱིས་དད་འབུལ་དང་རྒྱུན་གྱི་ཡོང་འབབ་གང་ཡོད་ཏིལ་འབྲུ་ཙམ་ཡང་ཆུད་ཟོས་སུ་མ་བཏང་བར་དགེ་འདུན་གྱི་ཆ་རྐྱེན་དུ་འགྲ…

བཅས་པས་གཞལ་བར་དཀའ་བ་ཞིག་གོ །དེ་སྐབས་གཏོང་སྒོ་ཆེ་ཕྲ་བསྟན་སྲིད་ཀྱི་ལས་དོན་སོགས་ཐུགས་ཁུར་ཆེ་ཡང༌། དེ་ལ་སྙད་བཏགས་ནས་བག་ཡངས་མི་མཛད་པར། སྡེ་པར་བཞུགས་རིང་ལ་ཡང་བཀའ་འགྱུར་ཚར་བཞི་གསུངས་ཤིང་ཐུགས་དམ་བཟླས་བརྗོད་ལ་ཆག་མེད་དང༌། མདོ་སྔགས་ཀྱི་གཞུང་མང་པོ་ཐུགས་འཛིན་གནང༌། ཁྱད་པར་དབུ་མ་ལུང་རིགས་གཏེར་མཛོད་ཆ་ཚང་བཟུང་སྟེ་དཔྱ…

ཞང་ཆོས་རྗེའི་ཁང་པ་མ་མཐོང་ངམ། སྔོན་འཇམ་དབྱངས་ཆོས་རྗེའི་བུ་ཆེན་ཁོང་གི་སྐུ་ཚབ་བྱས་ཏེ་རྒྱ་ནག་སོགས་སུ་སོང་ནས། ཆོས་སྲིད་ཀྱི་འཕྲིན་ལས་རླབས་པོ་ཆེ་སྤེལ་མཁན་ལུང་དང་ལས་ཀས་མཐོ་བའི་རྟ་ཞང་ཆོས་རྗེ་ཟེར་བ་ཞིག་བྱུང་བ་དེ་ཁྱོད་ཀྱི་སྐྱེ་བ་སྔ་མ་ཡིན་གསུངས། སྐབས་དེར་གོང་མ་ཆེན་པོ་ནས་རྒྱལ་བ་ཚངས་དབྱངས་རྒྱ་མཚོ་སྨད་ལ་ཕེབས་དགོས་…

བྱུང་བའི་བཀའ་དྲིན་གྱི་ཕུང་པོ་བླ་ན་མེད་པར་གྱུར། སྔོན་སྟོན་པ་ཐུབ་པའི་དབང་པོ་དེ་ཉིད་ཀྱིས་ཆོ་འཕྲུལ་བསམ་གྱིས་མི་ཁྱབ་པའི་བཀོད་པ་བསྟན་ཏེ། མུ་སྟེགས་སྟོན་པ་དྲུག་ལ་སོགས་པའི་སྨྲ་བ་ངན་པ་ཐམས་ཅད་ཕམ་པར་མཛད་པའི་ཚེ་ཡང་དངོས་སུ་དཔལ་གསང་བའི་བདག་པོ་ཕྱག་ན་རྡོ་རྗེས་དེ་དག་བཏུལ་བ་བཞིན་དུ་ཀུན་མཁྱེན་བླ་མ་ཉིད་ཀྱི་འཕྲིན་ལས་ཞི་ད…

མེད་པ་མཛད་པས། གྲྭ་ཚང་གཞན་རྣམས་སུ་རེ་དོགས་སྣ་ཚོགས་པས་སྡུག་སྨྲས་དང༌། གྱོད་བདལ་གྱི་གཏམ་ལས། ཆོས་ཀྱི་སྒྲ་མི་གྲག་པ་ལྟ་བུའི་ཚེ། སྡེ་འདིར་འཆད་ཉན་མེ་ལྟར་འབར་བར་གྱུར། ཉིན་གཅིག་ཀུན་མཁྱེན་བླ་མ་མཆོག་ནས། དེ་རིང་ཇོ་མཇལ་དུ་འགྲོ་གསུངས་རྗེ་འདི་སོགས་ཞབས་འབྲིང་འགའ་དང་བཅས་ཕེབས། མཆོད་མཇལ་གྱི་ཚེ་སྐུ་ཞབས་ཆོས་རྒྱལ་ལྷ་ཁང་དུ་…