པཎྚི་ཏ་བླ་མ་བསྟན་འཛིན། ཧོར་ཏུན་ཏཱ་ཡན་ཆིའི་སྤྲུལ་སྐུ་བློ་བཟང་མཁས་མཆོག་གྲགས་པ། མུར་གུ་ཆིག་བདེ་ལྡན་བཀོད་པ་གླིང་གི་མེར་གེན་ཏའི་ཆིང་ཆོས་རྗེ་བློ་བཟང་བསྟན་པའི་རྒྱལ་མཚན། ཆ་ཧར་ཁུ་བེ་ཐུ་ཨུ་ལན་གྱི་ཆོས་རྗེ་བློ་བཟང་དགེ་ལེགས། ཞབས་དྲུང་འཇིགས་མེད་བསྟན་འཛིན་ཉི་མ། སོ་ཉིག་བསྟན་པ་དར་རྒྱས་གླིང་གི་སྤྲུལ་སྐུ་བློ་བཟང་ཚུལ་ཁ…

ཆིང་ཝང་བསོད་ནམས་རྡོ་རྗེ། དེའི་སྲས་ས་སྐྱོང་མིའི་དབང་ཕྱུག་དམ་པ་ཝང་ཚེ་རིང་དོན་གྲུབ། མུ་རིང་ཝང་ཕྱག་རྡོར། པཻ་ལི་འཇིགས་མེད། དེའི་སྲས་པཻ་ལི་འཇམ་དཔལ། པཻ་ལི་འཕྲིན་ལས་དཔལ་འབྱོར། པེ་ཟི་མི་འགྱུར། དེའི་སྲས་པེ་ཟི་རཏྣ་སིངྡྷི། པེ་ཟི་མཚོ་སྐྱེས། དར་རྒྱས་གུང༌། ཇ་སག་ཨུལ་ཅུས་ཐུ་དའི་ཆིང་རྡོ་རྗེ། སྲས་ཇ་སག་དའི་ཆིང་དབང་ཆེན་…

ཤེས་གྲངས་དང་ཤག་སྦྱོང་ལྷུར་ལེན་པ། །ཉོན་མོངས་སོ་ནམ་ཐོས་པའི་གཟུགས་བརྙན་ཡིན། །གསུངས་པ་ལྟ་བུར་སོང་བ་མང་ལ། དེ་མིན་ཡང་རྐུན་པོ་སྡར་མ་ནོར་ལ་འཇབ་པ་བཞིན་དུ་རང་གི་ཞེ་འདོད་ཕ་རོལ་པོས་ཤེས་ཀྱིས་དོགས་པའི་ཚིག་སུབ་སུབ་བོས་མིང་ཟུར་རེའི་སྟེང་ནས་ཡིན་ཀྱང་མགོ་སྐོར་ཅི་ཐུབ་དང༌། ཕྱི་རྒོལ་གྱི་ཁ་ནོར་བ་ཙམ་ལའང་དངོས་འགལ་གྱི་རྒྱང་འ…

པར་གསུངས་ལ། རྗེ་བླ་མའི་རིན་པོ་ཆེ་གསུམ་གྱི་གཏམ་གྱི་སྦྱོར་བར་ཡང་དེ་བཞིན་དུ་གསུངས་ཏེ། བསྟན་བཅོས་ཀྱི་སྤྱི་ཁོག་ཤིན་ཏུ་བཟང་བའི་ནང་དུའང་སྦྱོར་ཚུལ་ཉེས་པ་རེ་རེ་བྱུང་ན་རྒྱན་མང་ན་ཆུང་སྣ་བཅད་པ་བཞིན་དུ་མཛེས་པ་དམན་པར་བྱེད་པར་དཎྜིས་གསུངས་སོ། །དེ་ལྟར་ཚིག་དོན་ཕུན་སུམ་ཚོགས་པ་འབྱུང་བ་ལ་སྙན་ངག་གི་གཞུང་སོགས་ལ་སྦྱང་དགོས་…

དཔྱོད་སུག་པར་ཐོགས་པས་དུས་མཐའ་འདིའི། །སྐྱེ་སྤྲུལ་བཟང་རྫུའི་མུན་ཁུང་འདོད་སྲེད་ཀྱི། །གཉིད་དུ་ཡུར་བ་རྣམས་ལ་ཅོ་འདྲི་ཞིང༌། །ཞེས་དང༌། དར་ཟབ་ཀྱིས་དཀྲིས་ལྡེར་བཟོའི་རྣམ་པར་ཐར། །འཛིན་མིན་ལྗགས་མཉེན་གློག་གི་གར་བསྒྱུར་བས། །ལེགས་བཤད་སྒྲ་བརྒྱ་སྒྲོགས་པའི་ཆོས་ཀྱི་སྤྲིན། །ཁྱོད་ཀོ་ཐུབ་བསྟན་ལྷ་ལམ་མཛེས་རྒྱན་ཉིད། །ཅེས་གཅམ…

ལྷག་པ་ཤེས་རབ་ཀྱི་བསླབ་པའི་དབྱེ་བ་གཙོ་བོར་དངོས་སུ་གསུངས་པ་ནི། རྣམ་བཤད་དགོངས་པ་རབ་གསལ་ལས། ལྷག་པའི་ཤེས་རབ་ཀྱི་བསླབ་པ་གསུམ་འཇོག་པ་ལ། ས་འདིར་བྱང་ཕྱོགས་སོ་བདུན་རགས་པ་དང་ཕྲ་བ་ལ་ཆེས་མཁས་པའི་ཤེས་རབ་ཀྱི་བསླབ་པ་ཞེས་སོགས་ཀྱི་དོན་དབུ་མ་འཇུག་པར། བྱང་ཆུབ་ཕྱོགས་ལྷག་བསྒོམ་པ་ལས་སྐྱེས་པའི། །ཞེས་བྱང་ཕྱོགས་སོ་བདུན་སོགས་…

ཀྱི་གནད་ཐམས་ཅད་ལ་ངེས་པ་རྙེད་དེ་ལྷག་པའི་ཤེས་རབ་དང་པོ་ཐུགས་ལ་སྐྱེས་པར་འགྲུབ། མངོན་པ་མཛོད་ལ་སྦྱངས་པའང་གནས་དང་པོ་གསུམ་གྱིས་ཁམས་ཀྱི་རབ་དབྱེ་མཐའ་ཡས་དང་སྣོད་བཅུད་ཀྱི་འཇིག་རྟེན་མཐའ་དག་གིས་བསྡུས་པའི་ཤེས་བྱ་སྡུག་བསྔལ་གྱི་བདེན་པ་གཏན་ལ་འབེབས། གནས་བཞི་པ་ལྔ་པ་གཉིས་ཀྱིས་ལས་ཀྱི་དབྱེ་བ་དང་དེའི་རྩ་བ་ཕྲ་རྒྱས་དྲུག་སོགས…

པར་དེ་ཐམས་ཅད་གཞན་དོན་འབའ་ཞིག་ཏུ་བསྔོ་བར་མཛད་པའི་སྟབས་ཀྱིས་སླད་མར་ཡང་ནམ་མཁའ་ཇི་སྲིད་གནས་ཀྱི་བར་དུ་ཚོགས་གཉིས་ཀྱི་སྤྱོད་པ་རླབས་པོ་ཆེ་ཅུང་ཟད་ཙམ་ཡང་མི་ཉམས་པར་གོང་ནས་གོང་དུ་འཕེལ་ཞིང༌། འགྲོ་བ་མ་ལུས་པའི་མགོན་དང་སྐྱབས་སུ་འགྱུར་བ་སོགས་གསང་བ་གསུམ་གྱི་ཡོན་ཏན་མི་ཟད་པའི་གཏེར་དུ་གྱུར་པ་ཡིན་ཏེ། མདོ་སྡེ་རྒྱན་ལས། ཐབས…

བཞིན། །གང་གི་ཡོན་ཏན་ཉི་འོད་གསེར་ཞུན་གྱིས། །བྲིས་པའི་ཡི་གེ་བཀླག་པས་གང་དུ་རྫོགས། །འོན་ཀྱང་རྨད་བྱུང་རྣམ་ཐར་བདུད་རྩིའི་རྒྱུན། །ཅི་ཙམ་མྱང་བས་གདུང་སེལ་བདེ་བ་སྟེར། །ཞེས་དགེ་ལྡན་བསྟན་པའི་རྩ་ལག་མཁས་ཤིང་གྲུབ་པའི་དབང་ཕྱུག་རྗེ་བཙུན་བླ་མ་དམ་པ་ཚུལ་ཁྲིམས་བསྟན་པའི་ཉི་མ་དཔལ་བཟང་པོའི་རྣམ་པར་ཐར་པ་ནོར་བུའི་དོ་ཤལ་ལས་སྐུ…

ནས་འདོན་རྒྱུ་སོགས་སྐུ་ཚ་ཞབས་དྲུང་སྐལ་བཟང་བསྟན་འཛིན་རྒྱ་མཚོ་དང༌། གཞན་གྲྭ་པ་གཉིས་ལ་གཏད་པ་གནང་བས་ཁོང་རྣམས་ཀྱིས་བཏོན་པའི་ཚེ་ཞལ་འདོན་བགོས་སྐལ་གྱི་ཆ་ཤས་རེ་དེའང་ཚར་དཀའ་བ་བྱུང་བས་ལྷག་པར་ཡ་མཚན་དུ་གྱུར། ཞབས་ཕྱི་བ་ནང་མ་གཉིས་ལ་ཉིན་རེ་བཞིན་ཁྲུས་གསོལ་དང་མནོལ་བསང་བདུག་རྒྱུའི་བཀོད་པ་གནང་བ་འདའ་ཀ་མའི་ཐུགས་དམ་གསལ་ཆེད་…

གཞན་བསྟ༷ན་འགྲོར་ཕན་པ་ཡངས་པ༷འི་རླབས། །གཟིགས་པའི་ཉི༷་མ༷་ནུབ་རིའི་ཕག་ཏུ་འཚལ། །ཞལ་བཟང་མཐོང་བ་ཙམ་གྱིས་དངོས་གྲུབ་ཀུན། །སྩོལ་མཛད་ནོར་བུ་དྲན་པའི་ཡུལ་དུ་གྱུར། །སྲིད་ཞིའི་གདུང་བ་མ་ལུས་སེལ་བ་ཡིན། །གསུང་སྙན་དེ་ཡང་ཐོས་པའི་ལམ་ལས་འདས། །ཀྱེ་ཧུད་བུས་པ་མྱ་ངམ་ཐང་བསྐྱུར་བཞིན། །མགོན་མེད་སྐྱབས་མེད་གྱུར་པའི་གདུལ་བྱ་རྣམས། …

བཤད་སྒྲུབ་གླིང་སོགས་གྲྭ་ཚང་སོ་སོ་ནས་སྒེར་དུའང་ཁྲུས་གསོལ་དང་སྨོན་ལམ་བཅས་གསུངས་ཏེ་ཚེ་རབས་རྗེས་འཛིན་དང་ཡང་སྲིད་མྱུར་འབྱོན་སོགས་ཀྱི་གསོལ་འདེབས་ནན་ཏན་ཞུས། ཞག་གསུམ་གྱི་མཚམས་ནས་འོད་གསལ་ཆོས་དབྱིངས་སུ་བཞུགས་པའི་ཐུགས་དམ་གྲོལ་བའི་རྟགས་ཤངས་བུག་སོགས་ནས་བྱང་སེམས་དཀར་དམར་གྱི་རྒྱུན་བབས་པ་སོགས་བྱུང༌། དེ་ནས་སླར་ཡང་ཚད…

སྡེ་སོ་སོའི་དཀྱིལ་འཁོར་བསྒྲུབས་ཤིང་དབང་ལེན་མཁན་གྱི་དགེ་འདུན་ཁྱོན་བསྡོམས་ལྔ་བརྒྱ་ལྷག་དང༌། དཔལ་ལྡན་སྨད་རྒྱུད་ནས་ཀྱང་སྐུ་གདུང་གི་མདུན་དེར་བདེ་གསང་འཇིགས་གསུམ་གྱི་དཀྱིལ་འཁོར་བསྒྲུབས་ནས་བདག་འཇུག་བཞེས་ཤིང༌། སྨན་པ་གྲྭ་ཚང་ནས་ཀྱང་དེ་བཞིན་གནང་བ་སོགས་དམ་པ་དེ་ཉིད་ཀྱི་ཐུགས་དགོངས་རྫོགས་པའི་དགེ་བ་རླབས་ཆེན་ཞག་ཞེ་དགུ…

ཞིང་སླར་རིམ་པ་བཞིན། དབུས་སུ་པཎ་ཆེན་ཐམས་ཅད་མཁྱེན་པར་ལྗགས་བསྔོ་ཞུ་རྟེན་ལྷ་རྫས་གོས་དར་སོགས་གྱ་ནོམ་པ་དང༌། ཡོངས་འཛིན་དགའ་ལྡན་ཁྲི་རིན་པོ་ཆེར་ལྷ་རྫས་གོས་དར་སོགས་རྒྱ་ཆེ་བ་ཕུལ། ལྷ་ས་སྨོན་ལམ་གྱི་ཚོགས་ལ་མང་ཇ་སོགས་ཀྱི་བསྙེན་བཀུར། རྒྱལ་ཚབ་དེ་མོ་ནོ་མོན་ཧན་སོགས་དབུས་གཙང་གི་སྤྲུལ་སྐུ་ཆེ་ཕྲ་མང་པོ་དང༌། མདོ་སྨད་ཀྱི་བླ…

སློབ་འགའ་ཞིག་དང་ཞབས་ཕྱི་བ་རྣམས་པུར་ཁང་གི་སྒོ་ཕྱེ་བར། ས་པཎ་གྱི་སྡོམ་གསུམ་རབ་དབྱེ་ལས། འཕགས་པ་གསུམ་གྱི་རིང་བསྲེལ་ནི། །ཡོན་ཏན་སྟོབས་ཀྱིས་བྱུང་བ་སྟེ། །སྐྱེ་བོ་རྣམས་ཀྱི་བསོད་ནམས་རྟེན། །ཞེས་དང༌། ཀརྨ་ཆགས་མེད་ཀྱིས། དབུ་བུམ་རི་ལ་དུང་དཀར་གཡས་འཁྱིལ་སོགས། །དེ་བྱུང་ན་མཆོག་སྟེ་ནོར་འཁྲུལ་མེད། །ཅེས་པ་ལྟར་དབུ་ཐོད་རིལ…

ཆེན་པོ་བརྒྱུད་མ་ནས་བརྒྱུད་མར་འབྱུང་བའི་རྟེན་འབྲེལ་ཕུན་སུམ་ཚོགས་པ་དུ་མའང་ལྷུན་གྱིས་གྲུབ་པར་གྱུར་ཏོ། །དཔག་བསམ་ཤིང་དང་རྫོགས་ལྡན་སྤྲིན་བཞིན་དུ། །གཏན་པ་མེད་པའི་མཆོད་སྦྱིན་རླབས་པོ་ཆེས། །དཔལ་ལྡན་བླ་མའི་ཟག་མེད་དགོངས་པ་དང༌། །གདུལ་བྱའི་བསོད་ནམས་ཚོགས་ཆེན་ལྷན་ཅིག་རྫོགས། །མྱ་ངན་གདུང་བའི་རྣོ་རྩུབ་ཆབ་རོམ་ཡང༌། །ཐུག…

གདན་ལ་རྟག་བཞུགས་མཆོག་ཐུན་དངོས་གྲུབ་མ༷་ལུས་སྩོལ། །མཁའ་མཉམ་སེམས་ཅན་རྒྱ་མཚོ་བསྒྲལ་བའི་ཕྱིར། །ཕྱོགས་བཅུའི་ཞིང་ཁམས་རྒྱ་མཚོར་དུས་ཀུན་ཏུ། །བྱ་དཀའི་སྤྱོད་པ་རྒྱ་མཚོར་བསླབ་པའི་ཚུལ། །བགྲང་ཡས་བསྐལ་པ་རྒྱ་མཚོར་བརྗོད་མི་ནུས། །འོན་ཀྱང་རྒྱས་སྲས་སྤྱོད་པའི་ཆ་ཤས་ཙམ། །རྙོག་བྲལ་དྭངས་པའི་ཡིད་ཀྱིས་བསྔགས་པ་ཡང༌། །བསོད་ནམས་མི…

མཆུ་དང་བྲལ་བའི་མགྲོན་ཀུན་ལ། །ཕན་དང་བདེ་བའི་དགའ་སྟོན་མཆོག་ཏུ་སྤེལ། །ཚུ༷ལ་འདིར་འབད་པའི་རྣམ་དཀར་ལས་ཀྱིས་མཚོན། །སྦྱིན་དང་ཁྲི༷མས་བྱུང་བསྒོམ་པའི་དགེ་ཚོགས་མཐུས། །བསྟ༷ན་པ༷འི་སྙིང་པོ་ཉི༷་ལྟར་གསལ་བ་ཡིས། །མ༷་ལུས་འགྲོ་ལ་ཐར་ལམ་མཚོན་གྱུར་ཅིག །སླར་ཡ༷ང་ཡ༷ང་སྲིད་འཁྲུལ་བྲལ་ཀུན་དའི་གཉེན། །མ་ལུ༷ས་ལུ༷ས་ཅན་མགོན་དུ་མྱུར་ག…

རྡོ་རྗེ། རབ་འབྱམས་པ་ངག་དབང་ཕུན་ཚོགས། ཧོར་ཀྱཱའི་རི་ཁྲོད་པ་གྲགས་པ་དོན་གྲུབ། ཨོར་དུ་སུ་དགེ་སློང་དཀོན་མཆོག་སྙན་གྲགས། དབུ་མཛད་དགེ་སློང་བློ་བཟང་དོན་གྲུབ། དྲུང་ཡིག་དགེ་སློང་ཚུལ་ཁྲིམས་བསྟན་འཛིན། གསོལ་དཔོན་དགེ་སློང་བློ་བཟང་ཉི་མ། དེམྖི་དགེ་སློང་ཤེས་རབ་ཉི་མ། དགེ་ཚུལ་རྒྱལ་མཚན་དོན་གྲུབ། དགེ་ཚུལ་བློ་བཟང་དོན་གྲུབ།…

ཆོས་གྲྭ་ཆེན་པོ་བཀྲ་ཤིས་འཁྱིལ་དུ་དགུན་མཚམས་ཀྱི་སྐབས་ཐུན་གསེང་ལ་སུག་བྲིས་སུ་བགྱིས་པ་ལས། དཔེ་ཤོག་ཏུ་འབེབས་པ་པོ་ནི་གཙུག་ལག་འབྱེད་པའི་བློ་མིག་ཅན་སྔགས་རམས་པ་དཀོན་མཆོག་ཀུན་དགས་བགྱིས་པ་འདིས་ཀྱང་མཉྫུ་ནཱ་ཐ་དྭི་ཏཱི་ཡ་ཛ་ཡ་སྱ་ཤཱ་ས་ན་སརྦ་དིཀྐཱ་ལོ་ད་ཡ་ཙ་པུཥྚཾ་དཱི་རྒྷ་སྠཱསྟུཿ །།