དང༌། དམིགས་བསལ་རེ་གཉིས་མ་གཏོགས་ཉིན་མཚན་ཁོར་མོ་ཡུག་ཏུ་བླ་མའི་ཞབས་བརྟན་བསྒྲུབ་རྒྱུ་ཁོ་ན་ལ་གཞོལ་བར་མཛད། རྟའི་ལོའི་དགུན་སྐྱབས་མགོན་ཐམས་ཅད་མཁྱེན་པ་ཕྱིར་གདན་སར་ཕེབས་པའི་ཚེ། རྒྱ་བོད་སོག་གསུམ་གྱི་བླ་དཔོན་ཆེ་དགུ །དགོན་ལག་དུ་མ་དང་བཅས་པའི་བསུ་བ་གཟབ་འཕྱོར་ཅན་སྟོང་ཕྲག་བརྒལ་བས་རིམ་པར་བསུས་པ་ན། དམ་པ་འདི་ཉིད་སྒྲུབ་…

ལོ་ཟླ་མང་པོའི་བར་དུ་སྦྲེལ་ནས་ཞབས་བརྟན་ཁོ་ན་བསྒྲུབ་པ་ལ་ཡང་གནང་སྦྱིན་ལྟ་ཞོག། །སྐུ་རིམ་གནད་དུ་སོང་འདུག་གསུང་བ་ཙམ་མ་གཏོགས། ཚིག་གི་གཏང་རག་ཅིག་ཀྱང་མ་མཛད་པ་ནི་ཕ་རོལ་པོའི་ཀུན་སློང་ལ་ཆོས་བརྒྱད་ཀྱི་སྣང་ཤས་ཅུང་ཟད་ཀྱང་མ་འདྲེས་པ་མངོན་སུམ་དུ་གཟིགས་པས་བླ་སློབ་གཉིས་ཀའི་ཆེ་བ་རྨད་དུ་བྱུང་བར་སྣང་སྟེ། དཔེར་ན་སྔོན་མཉམ་མ…

ཞིག་བྱུང༌། མཚམས་དེར་ཁོང་རིན་པོ་ཆེ་ནས་སྔ་མའི་འདོན་པ་འཕྲོ་བཞག་སྟེ། གློ་བུར་དུ་བརྐྱངས་བསྐུམས་མ་ཞིག་གི་དབུ་བསྐུལ་ནས་གསུང་སོང་བ་ལ། རྗེས་སོར་དེའི་རྒྱུ་མཚན་ཞུས་པར། དེ་འདོན་དགོས་པ་ཞིག་འདུག་གསུངས་པ་མ་གཏོགས་གསལ་ཁ་མ་མཛད་ཀྱང༌། སྐབས་དེར་དམ་ཅན་ཆོས་ཀྱི་རྒྱལ་པོའི་གཟིགས་སྣང་ཞིག་བྱུང་བར་ཐེ་ཚོམ་མེད་དོ། །ལུག་ལོ་༸སྐྱབས་…

ནས་བྱམས་ཆེན་མཐོང་བ་དོན་ལྡན་གྱི་གཟུངས་གཞུག་སྒྲུབ་རྒྱུའི་ཁུར་ལེན་བྱེད་དགོས་པའི་བཀའ་ཕེབས། གཟུངས་གཞུག་བྲི་སྒྲུབ་དང་དྲིལ་ཚུལ་གྱི་ཕྱག་ལེན་སོགས་པཎ་ཆེན་ཐམས་ཅད་མཁྱེན་པའི་ཕྱག་བཞེས་གཞིར་བཟུང༌། ཀུན་གཟིགས་ལྔ་པ་ཆེན་པོའི་གསུང་འགའ་ཞིག་གིས་ཟུར་བརྒྱན་ཏེ་ལག་ཏུ་ལེན་ཚུལ་གྱི་བཀོད་ཁྱབ་དང༌། ཁྱད་པར་དུ་དམ་པ་འདི་ཉིད་བཅོམ་ལྡན་…

ཚོན་གྱིས་བྲིས་པ་དང༌། བར་མ་བསྡོམས་པས་འབུམ་ཕྲག་ལྔར་ཉེ་བ་དང༌། གཞི་དེ་ལྟ་བུ་ལ་རིན་པོ་ཆེའི་ཕྱེ་མ་དང་སྦྱར་བའི་རྒྱ་སྣག་བཟང་པོས་གཟུངས་དང་མདོ་ཕྲན་ཡང་སྟོང་ཕྲག་མང་པོ་པར། གནས་སོ་སོར་འབུལ་རྒྱུའི་གཟུངས་རྣམས་ཀྱི་མཇུག་ཏུ་སྨོན་ཚིག་ཐ་དད་པ་ཉིད་ནས་གསར་བསྒྲིགས་གནང་སྟེ་གསེར་མཚལ་སོགས་ཀྱིས་བྲིས་པ་དང་པར་མ་ཁྲི་ཕྲག་མང་པོ་སོ་ས…

མགོན་ཐམས་ཅད་མཁྱེན་པའི་སྐུ་དོན་དུ་དམིགས་ནས་སྒྲོལ་མ་དཀར་སྔོན་དམར་གསུམ་གྱི་སྦྱིན་སྲེག་ལ་སོ་སོར་མར་རྒྱ་མ་བརྒྱ་རེ། ཡམ་ཤིང་རྒྱབ་ཁལ་རེ། འབྲུ་རྣམས་འཇག་རེ། ཁྱད་པར་དུ་སྒྲོལ་མ་དམར་མོ་ལ་ཁྲོན་སུམ་ཅུ་རེའི་རིན་གྱི་སྨན་དང་རིན་པོ་ཆེ་གོས་དར་སོགས་ཆག་མེད་དུ་འབུལ་བ་གནང༌། ལོ་ལྟར་གྱི་ཟླ་བ་དང་པོའི་ཚེས་གཅིག་ནས་བཞི་པའི་བཅོ་ལ…

པ་ལྟར། ཚུལ་ཁྲིམས་རྣམ་པར་དག་པ་དང༌། ཐུགས་བསྐྱེད་རྨད་དུ་བྱུང་བ་ཁོ་ནའི་ནུས་མཐུར་སེམས་སོ། །ཁྱད་པར་དུ་འཕགས་མ་རིག་བྱེད་མ་ནི་སྐུ་ཚེ་དུ་མར་འབྲེལ་བའི་ལྷག་པའི་ལྷ་ཡིན་པས། སྐྱབས་མགོན་མཆོག་གི་བཀའ་བབས་པ་ལྟར་དེའི་བསྙེན་སྒྲུབ་གནང་བ་ན། བྱིན་རླབས་ཀྱི་འཇུག་པ་མངོན་མཚན་ཆེ་བ་མི་རིང་བར་བྱུང༌། དེའི་སྒྲུབ་པ་གནང་ཚུལ་རྒྱུས་མེད…

གྱི་དུས་བཟང་པོ་རྣམས་སུ་བཞེངས་པ་འགའ་ཞིག་མ་གཏོགས། ཕྱིས་ཀྱི་རྟེན་གསར་བཞེངས་ལ་བྱམས་ཆེན་རྟེན་དང་བརྟེན་པ་འདི་ལྟ་བུ་ཕྱོགས་གང་དུ་ཡང་མེད་ཅིང༌། ཁྱད་པར་དུ་ནང་གི་གཟུངས་གཞུག་ལ་འདི་འདྲ་བའི་གཟུངས་སྔགས་སོགས་འཛོམས་ཆེ་ཞིང༌། བྲི་སྒྲུབ་ཐམས་ཅད་དངོས་དག་པ་དང༌། གཞན་གྱི་མིག་གིས་མི་མཐོང་བའི་སར་ཡང་རྒྱུ་གང་བཟང་གི་འགྲོས་ཤིན་ཏུ་…

བདག་ཉིད་ཆེན་པོ་འདི་ལ་ཡང་ཟས་གོས་ཡོ་བྱད། ནོར་འབྲུ་རྐང་འགྲོ་རིན་པོ་ཆེ་ལ་སོགས་པའི་ལོངས་སྤྱོད་ཇི་སྙེད་ཅིག་བྱུང་ན་ཡང་འཁོར་བའི་བདེ་འབྱོར་ཐམས་ཅད་ཆུ་ཤིང་བཞིན་དུ་སྙིང་པོ་ཅུང་ཟད་ཙམ་ཡང་མེད་པར་གཟིགས་པས། རང་དོན་དུ་དེ་ལ་ཞེན་ཆགས་ཅུང་ཟད་ཙམ་ཡང་མི་མཛད་ཅིང༌། རང་གཞན་གཉིས་ཀའི་བསོད་ནམས་ཀྱི་ཚོགས་རྫོགས་པའི་ཕྱིར། ཕ་རོལ་པོ་རྣ…

པ་ཁོ་ན་ཡིན་ཏེ། སྒྲ་བསྒྱུར་མར་པས་ནོར་རྫས་གང་ཡོད་གསེར་དུ་བསྒྱུར་ནས་ནཱ་རོ་པ་ལ་ཕུལ་བ་ན། དེས་ནམ་མཁའ་ལ་གཏོར་ཡང་སློབ་མའི་ཚོགས་རྫོགས་པར་བཤད་ཀྱི། ཆུད་ཟོས་སུ་སོང་བར་མ་གསུངས་སོ། །འདིའི་ལོ་སྔ་ཕྱི་ཅི་རིགས་པར་ཆོས་བཞིན་དུ་སྤྱོད་པའི་སློབ་མ་དོན་གཉེར་ཅན་འགའ་ཞིག་གིས་གསོལ་བ་བཏབ་པ་ལྟར། འཇམ་མགོན་བླ་མའི་གསུང་གི་སྙིང་པོ་བྱ…

གི་སྟེང་ལ་བབས་པའི་བསྟན་པའི་བྱ་བ་རེ་ཡོད་པ་དེ་མ་ཤོར་བ་བྱེད་དགོས། དེའི་ཡང་རྩ་བ་ལྟ་བུ་རང་གིས་ཁས་བླངས་པའི་ཚུལ་ཁྲིམས་རྣམ་པར་དག་པ་བསྲུང་རྒྱུ་འདི་ཡིན། དེ་བྱས་ན་བླ་མའི་དགོངས་པ་ཡང་རྫོགས། རང་གི་དོན་ཡང་འགྲུབ་པས་བསྒྲིམ་དགོས་ཞེས་སོགས་ཞལ་ཏ་རུས་པ་ཅན་མང་དུ་གནང་སྟེ། མངོན་མཚན་ཆུང་ལ་ས་ཆོད་ཆེ་བའི་དགོངས་རྫོགས་བླ་ན་མེད་པ་…

གླང་གི་ལོ་མགོར་འབུལ་བ་གནང༌། མ་ཅིག་ལབ་སྒྲོན་གྱིས་གནང་བའི་དགོན་གནས་འདིའི་སྐོར་གྱི་མ་འོངས་ལུང་བསྟན་ཞིག་ཏུ། ཀླུ་བདུད་ཕྱོགས་སུ་མཆོད་རྟེན་རྩིགས། །ཞེས་པའི་ལུང་བསྟན་དུས་བབས་ཀྱིས་དགོན་པའི་བྱང་ཤར་ངོས་སུ་མཆོད་རྟེན་ཞིག་བཞེངས་དགོས་བྱུང་བའི་ཚེ། ཁོ་བོ་ཅག་ཚོགས་འདུ་མང་དང་བཅས་ནས་མཆོད་རྟེན་གྱི་ཕྱིའི་ཆག་ཚད་ནང་གི་གཟུངས་…

རྟེན་མང་བས་ཡུལ་གྱི་བཅུད་ལྟ་བུ་དང༌། ཆོ་ག་ཕྱག་ལེན་རྣམ་པར་དག་པས་གསོན་གཤིན་ཀུན་གྱི་དོན་ལ་བསོད་ནམས་ཀྱི་ཞིང་སར་འགྱུར་ངེས་པ། ཡུལ་ཕྱོགས་གཞན་ཀུན་ཀྱང་ཡིད་སྨོན་འཆའ་བའི་གནས་སུ་ཡོད་པ་ལ། ཡུལ་མིའི་བསོད་ནམས་ཀྱིས་མ་འཆུན་པ་དང༌། ཕྱི་ནང་ནས་བདུད་རིགས་དུ་མ་དཔུང་བསྒྲིལ་ཏེ་རང་གི་ཕན་བདེའི་རྩ་བ་རང་གིས་བཤིག་པར་མ་ཟད་དམ་པ་འདིའི…

མས་དེ་སངས་རྒྱས་དངོས་སུ་མཐོང་དགོས་ཤིང༌། བྱང་སེམས་སུ་མཐོང་ན་དེའི་ཚོད་ཀྱི་བྱིན་རླབས་དང༌། སོ་སྐྱེ་ཕལ་བར་མཐོང་ན་བྱིན་རླབས་གཏན་མི་འཇུག་པས། བྱིན་རླབས་ཆེ་ཆུང་སློབ་མ་རང་ཉིད་ལ་རག་ལས་པ་ཡིན་ཏེ། སྔོན་འབྲི་གུང་འཇིག་རྟེན་མགོན་པོས་ཕག་མོ་གྲུ་བ་བླ་མར་བསྟེན་ཏེ། མོས་གུས་ཁོ་ན་བསྒོམས་པས་རྟོགས་པ་ཀློང་དུ་གྱུར་ཏེ་རྣལ་འབྱོར་…

ཕུལ་ཀྱང་མ་གསན། དེ་ནས་ཉིད་ཀྱི་རྩ་བའི་བླ་མ་ཁ་གྲོན་ནང་པ་དང༌། རེབ་ཚའི་བྲག་སྒོམ་པ། འདུལ་འཛིན་ཡེ་ཤེས་རྒྱ་མཚོ་རྣམས་ཀྱིས་ཀྱང་དངོས་དང་གསུང་འཕྲིན་ཅི་རིགས་ཀྱི་སྒོ་ནས་བསྟན་པའི་ཐ་མ་འདིར་སེམས་ཅན་རེ་རེ་ཙམ་ལ་ཡང་ཕན་པའི་ཕྱིར། སྙིང་སྟོབས་སྐྱེད་དགོས་པའི་དུས་ཡིན་པས་ཅི་ནས་ཀྱང་དགོན་པ་ཞིག་འདེབས་དགོས་ཚུལ་ནན་ཆེ་བའི་གསུང་མ་བཟ…

གསུངས་པའི་དུས་ཆེན་ཁྱད་པར་ཅན་ནག་ཟླའི་ཉ་ལ་གནས་དེར་ཕེབས་ནས་བཀྲ་ཤིས་གསོ་སྦྱོང་དང༌། ཤེར་ཕྱིན་སྟོང་ཕྲག་བརྒྱ་པའི་ལུང་གི་དབུ་བཙུགས། ཐོག་མར་ས་འདུལ་གྱི་སྐབས་སུ་བུད་མེད་དར་དམར་པོའི་སྟོད་གཡོགས་ཅན་ཞིག་ལ་ཐོག་མར་ས་བརྐོར་བཅུག་པ་སོགས་རྟེན་འབྲེལ་གྱི་བཅོས་པ་ངོ་མཚར་བ་འགའ་ཞིག་གནང་བ་ནི་དགོངས་གཞི་ཁྱད་པར་ཅན་ཞིག་ཡོད་པར་མངོན…

ཡོང་བ་ན། ཕ་རོལ་པོ་དེ་དག་གི་རྗེས་བསྙེགས་ནས་འོངས་ཏེ། ཁོང་དཔོན་སློབ་རྣམས་ཀྱིས་ཕྱིར་བཤོལ་བ་ལ་ཡང་ཚིག་ངན་སྣ་ཚོགས་སྨྲས། མཚན་མོ་དེར་བྲག་མགོན་པོའི་མདུན་རེའི་རྩེ་ནས་འཇའ་དཀར་པོ་འོད་དང་ལྡན་པ་ཞིག་བྱུང་བ་དགོན་པའི་རྒྱབ་རིའི་ངོས་སུ་ཟུག་པ་བྱུང་བས། ཕྱི་ཉིན་བཀའ་ཆོས་ཀྱི་སྐབས་སུ་ཁ་སང་ངེད་རྣམས་ལ་ངན་སྨྲས་བྱས་པ་དེར་ཡུལ་ལྷ་…

མ་དང༌། སྐབས་ཐོབ་ཀྱི་རིམ་གྲོ་འཕར་མ་མང་དུ་བསྒྲུབས། ལན་གཅིག་བླ་བྲང་ཆེན་མོར་རྣམ་སྲས་བསྙེན་སྒྲུབ་ཅིག་གནང་བའི་སྐབས། མཚོ་ཆེན་པོ་ཡིད་དུ་འོང་བ་མེ་ཏོག་གིས་བརྒྱན་པ་ཞིག་ཏུ་བ་དམར་པོ་གཉིས་འགྲོ་འོང་བྱེད་པའི་སྣང་བ་དང་མནལ་ལྟས་ཡ་མཚན་པ་འགའ་ཞིག་རྨིས་ཤིང༌། དགེ་སློང་བྱམས་པ་སོགས་སྐུ་འཁོར་འགའ་ཞིག་ལ་ཡང་རྨི་ལམ་ངོ་མཚར་ཅན་སྣ་ཚ…

སྐྱབས་མགོན་མཆོག་གི་སྤྲུལ་བའི་སྐུ་གདན་སར་ཕེབས་རྒྱུའི་དོན་ལ་དམིགས་བསལ་གྱི་སྐུ་རིམ་མང་པོ་བསྒྲུབས། ཁྲི་འདོན་གྱི་ལེགས་འབུལ་བཏེག་པ་ན། མཆོག་སྤྲུལ་རིན་པོ་ཆེ་ནས་ཀྱང་གཞན་དང་མི་འདྲ་བའི་དགྱེས་ཉམས་ཆེ་བ་མཛད་ཅིང༌། ཉིད་ལ་ཡང་དག་པའི་གཟིགས་སྣང་ཁྱད་དུ་འཕགས་པ་ཞིག་བྱུང་འདུག །དམེ་བོའི་དགོན་གསར་གྱི་ཡང་བྱ་བྱེད་མཐའ་དག་གི་མགོ…

ཡོད་མེད་ཞུས་པར། ར་བ་འདིར་དམ་ཅན་ཆོས་རྒྱལ་གྱིས་གར་བྱེད་པ་ཞིག་རྨིས་པས་སྐྱོན་མེད་གསུངས་པ་བཞིན། མ་འགྱངས་པར་འདུམས་ཏེ་ཐམས་ཅད་འདུན་པ་རྩེ་གཅིག་ཏུ་གྱུར། སྐབས་དེར་ཡང་ཞལ་སློབ་གཅིག་གི་རྨི་ལམ་དུ་ཡང་ཁོང་ལ་དད་མི་དད་ཀྱི་སྐྱེ་བོ་ཚན་གསུམ་ཚོགས་པའི་མདུན་ངོས་ན་མ་ཧེ་བརྗིད་ཆགས་པ་ཞིག་ཡོད་པ་དེའི་མཆན་ཁུང་ནས་སྨུག་པ་ཞིག་ཆད་དེ། …