བཞིན། ལུས་ལོངས་སྤྱོད་དགེ་རྩ་གསུམ་ཆར་ལ་བཏང་བསྲུང་དག་སྤེལ་བཞི་བཞིའི་སྒོ་ནས་སློབ་པ་ནི། རྒྱལ་སྲས་ཀྱི་སྤྱོད་པ་རྨད་དུ་བྱུང་བ་ཡིན་ནོ། །སྤྲུལ་སྐུ་འབྱུང་བ་ལ་བཀག་ཆ་ནན་ཏན་དུ་མཛད་པ་ཡང༌། ཀུན་གཟིགས་ལྔ་པ་ཆེན་པོས། སློབ་དཔོན་བསྟེན་དང་བརྩོན་པ་མ་དགོས་པར། །ཆོས་ཀུན་མ་ལུས་མཁྱེན་པར་ཁས་འཆེ་བའི། །སྐྱེ་རྒུའི་འདྲེན་པར་རློམ་པའ…

བཤེས་གྲྭ་རིགས་སོ་སོའི་འདོད་དབང་གིས་ཟོལ་སྦྱོར་སྣ་ཚོགས་པས་རང་གཞན་གཉིས་ཀ་བསླུ་བའི་གཡོ་སྒྱུའི་མཛད་འཕྲིན་གྱི་མགོ་ཚུགས་ཏེ། རྟེན་འབྲེལ་ཐོག་མ་ནས་ཉེས་པ་གྲོང་པས་གཉེན་བསྒྲིགས་པ་ལྟ་བུ་མང་དུ་འབྱུང་བ་ལ་ཐུགས་ཁྲེལ་བར་འདུག་པ་ཤིན་ཏུ་མད་པར་སྣང་ངོ༌། །འོན་ཀྱང་སྐྱེས་བུ་དམ་པ་འཇིག་རྟེན་དུ་འབྱུང་བ་ནི་གཙོ་བོ་གདུལ་བྱའི་སྐལ་བ་…

པ་དེ་ཉིད་ཀྱིས་རང་རེ་རྣམས་ལ་བྱམས་པའི་གཟུངས་གཞུག་སྒྲུབ་རྒྱུ་གཏད་དེ་འབྲེལ་དགའ་བོ་ཞིག་འཇོག་རྒྱུ་བྱུང་བ་དང༌། དགོན་ལི་རིན་པོ་ཆེའི་གསུང་གཅིག་ཀྱང་ཡོད་པས། དགའ་ལྡན་དུ་སྨོན་ལམ་བཏབ་ན་དགའ་པོ་ཨེ་འབྱུང་གསུང༌། ཡང་སྐབས་གཅིག་ཏུ་ངེད་རང་ལ་དབང་ཡོད་ན་ཀུན་མཁྱེན་བླ་མའི་ལེགས་བཤད་དང་མཛད་འཕྲིན་གང་དུ་དར་བའི་ཕྱོགས་གཅིག་ཏུ་སྨོན་…

སྟེ་ཕྱག་མཆོད་དང་གསོལ་འདེབས་གང་དྲག་བྱེད་ཐུབ་ན། བྱིན་རླབས་ཀྱི་མཚན་མ་ཁྱད་པར་ཅན་ཞིག་ཀྱང་ཡོད་པས་ངེད་ཅག་དཔོན་སློབ་རྣམས་གནས་བརྟན་ཆེན་པོ་རྣམས་ཀྱིས་རྗེས་སུ་འཛིན་ཅིང༌། དགོན་པ་ཡང་དགའ་རབ་གནས་པ་ཞིག་ཡོང་འགྲོ །དགེ་རྩའི་དོན་དུ་སྐྱབས་མགོན་ཐམས་ཅད་མཁྱེན་པ་གདན་འདྲེན་ཞིག་ཞུས་ཏེ་ཁང་པ་དང་ཆ་བྱད་སོགས་ཤུལ་ན་གང་ཡོད་འདི་ཐམས་ཅད…

དེ་ནས་སྐྱེས་རབས་ཀྱི་སྟག་མོ་ལུས་སྦྱིན་དང༌། དེད་དཔོན་སྙིང་རྗེ་ཆེན་པོའི་ཞལ་ཐང་གཉིས་བཀྲམ་དུ་བཅུག་ནས་མཆོད་ཤོམ་རྒྱ་ཆེན་པོ་གནང་སྟེ་ཐུགས་སྨོན་ནན་ཏན་མཛད། རྒྱལ་སྲས་ཞི་བ་ལྷས། སྔ་ནས་ཤི་དང་འདྲར་བརྩིས་ནས། །ཤི་ནའང་མྱ་ངན་བྱེད་པ་མེད། །དྲུང་ན་འཁོད་པ་སུ་དག་ཀྱང༌། །མྱ་ངན་གནོད་པ་བྱེད་མེད་པས། །འདི་ཡིས་སངས་རྒྱས་རྗེས་དྲན་སོ…

སྒོ་དྲག །འདུན་མ་མཁས། རང་མགོ་ཐོན་པ་ཞེས་བྱ། གསུངས་པ་དང༌། པཎ་ཆེན་བློ་བཟང་ཆོས་རྒྱན་གྱིས། ཚེ་རིང་དུ་གནས་ན་རྣམ་དཀར་གྱི། །ལམ་བཟང་པོ་སྒྲུབ་པོ་ཤི་ཡང་བདེ། །ལས་བག་ཆགས་བཟང་པོའི་ངང་དུ་འཆི། །ཨ་ལ་ལ་གསོན་ཤི་སེམས་ལ་སྙོམས། །ཚེ་སྒྲུབ་ཀུན་ཇི་ལྟར་དགྱེས་དགྱེས་མཛོད། །གསུངས་པ་བཞིན་དུ་འཆི་བ་ལ་མི་འཇིགས་པར་མ་ཟད། དགའ་བ་ལྷག་པར་…

ཀྱི་རིང་ལ་ཞལ་འདོན་གནང་རྒྱུའི་རིམ་པ་ཡང་ཐུན་བཞིར་བཅད་དེ། ཆོས་སྤྱོད་འགའ་ཞིག་ཡན་ལག་བདུན་པ་མནྜལ་དང་བཅས་པ། རྡོར་སེམས་སྒོམ་བཟླས། ཆོས་རྒྱལ་གྱི་གཏོར་འབུལ། ལམ་རིམ་སྨོན་ལམ་དང༌། བསྟན་འབར་མ། རྐང་པ་དང་པོ་གཉིས་བསྒྱུར་ཏེ་སྤྱོད་འཇུག་སྨོན་ལམ་གསུང་ཚུལ་སོགས་འདོན་སྒྲིགས་ཀྱི་ཡི་གེ་ཚུན་ཆད་ཀྱང་གནང་ནས། བུ་ཕ་ཁྱིམ་དུ་འགྲོ་བ་བ…

ལམ་དུ་ཤར་ཕྱོགས་ནས་ཉི་མའི་དཀྱིལ་འཁོར་བསྒྲིབས་པ་དང༌། ཤུལ་དེར་ཟླ་བ་དཀར་ཞིང་གསལ་བ་ཞིག་འཆར་བ་རྨིས་ཏེ་ཁོང་ལ་ལྟ་བ་ཨེ་ཡིན་སྙམ་ཡང༌། ཞག་ཤས་ཀྱི་འཕྲོར་སྐུ་ཁམས་ལེགས་པར་བདེ་འདུག་ཅེས་པའི་གཏམ་ཞིག་ཐོས་པས། རྨི་ལྟས་དེ་ཅི་ཡིན་སྙམ་ཐེ་ཚོམ་དུ་གྱུར་ན་ཡང་དེ་སྐབས་གསང་རྒྱ་བྱས་པ་ཡིན་འདུག་པས། རྗེས་སོར་དྲིས་ཚེ་ཞིང་བརྗེས་པའི་དུས་…

ཟིང་མེད་པའི་དགེ་ཚོགས་ཤིན་ཏུ་དངོས་གཙང་བ། འ་འུར་ཆུང་ཡང་དོན་ཤིན་ཏུ་ཆེན་པོ་དང་ལྡན་པ་ཁོ་ནར་གྱུར་པས་དམ་པ་རྣམས་ཀྱི་ཐབས་ལ་མཁས་པའི་མཛད་པ་ནི་འདི་ལྟ་བུའོ་སྙམ་དུ་ལྷག་པར་ཡང་རྗེས་སུ་ཡི་རང་བའི་གནས་སུ་གྱུར་ཏོ། །གོང་དུ་སྨོས་པ་དེ་དག་གི་སྙིང་པོ་མདོར་བསྡུ་ན། ལམ་གྱི་རྩ་བ་བཤེས་གཉེན་བསྟེན་པའི་ཚུལ་ལ་བསམ་སྦྱོར་གཉིས་ལས། དང་པ…

གཟིམས་ཁང་གད་བདར་བྱས་པའི་སྙིགས་མ་ཕྱིར་འཕོད་དུ་སོང་བའི་ས་ནས་དེ་ཁོ་ན་ཉིད་ཀྱི་དོན་མངོན་དུ་གྱུར་པར་གསུངས་པ་བཞིན་ནོ། །འོན་ཀྱང་ངོ་བོའི་སྒོ་ནས་ཕྱེ་ན་མདོ་སྡེ་རྒྱན་ལས། བཀུར་སྟི་རྙེད་པ་དག་དང་རིམ་གྲོ་དང༌། །སྒྲུབ་པའི་སྒོ་ནས་བཤེས་གཉེན་བསྟེན་པར་བྱ། །ཞེས་ཟང་ཟིང་གི་མཆོད་པ། བཀུར་སྟིའི་མཆོད་པ། སྒྲུབ་པའི་མཆོད་པ་གསུམ་དུ…

བའི་མཛད་འཕྲིན་གྱི་མེ་ཏོག་མངོན་པར་བཞད་པས་གྲགས་སྙན་གྱི་དྲི་བསུང་ཕྱོགས་ཀྱི་འཁོར་ལོ་ཀུན་ཏུ་ཁྱབ་པར་གྱུར་ཏོ། །ཞེས་བྱ་བ་ནི་རྣམ་པར་ཐར་པའི་སྙིང་པོ་མདོར་བསྡུས་པའི་དོན་གྱི་དེ་ཁོ་ན་ཉིད་ཡིན་ནོ། །སྨྲས་པ། ཐུབ་པ་ཀུན་གྱི་ཡེ་ཤེས་གཅིག་གྱུར་འཇམ་དབྱངས་ཉིན་མོར་བྱེད་པའི་འོད། །རིས་སུ་མ་ཆད་འཇིག་རྟེན་ཀུན་ལ་སྣང་བའི་གོ་འཕང་མཆོ…

ཉིད་སྟོན་པའི་ཆོས། །དེ་ཉིད་སྨྲ་དང་སྒྲུབ་པས་འཛིན་ན་ཡང༌། །གདུགས་དང་གླིང་བུའི་གར་འཆམ་མི་ལྡན་པས། །བསྟན་འཛིན་ཆེན་པོ་མིན་ཞེས་སུ་ཞིག་སྨྲ། །སྒྲོ་གདུགས་ཟླུམ་པོར་བསྐོར་བའི་མ་ཡཱུ་ར། །རང་སྐད་གླིང་བུ་བསྒྱུར་བ་གཞན་གྱིས་གསོས། །སྟག་རྔ་བརྡེབས་པ་ནགས་ཀྱི་ཤྭ་ནས་ཀྱང༌། །སྙིགས་དུས་ཆེན་པོ་དག་ལ་འཕྱ་བ་བཞིན། །མཐའ་ཡས་ཡོན་ཏན་ཚོག…

མཆོག་དང་འཕྲད་གྱུར་ཅིག །དོན་གཉིས་ལྷུན་གྲུབ་སྦྲང་རྩིའི་སྙིང་པོ་ཅན། །ཚོགས་གཉིས་འདབ་བརྒྱའི་ཕྲེང་བ་བཞད་པ་ཡི། །ཐེག་མཆོག་རྣལ་འབྱོར་སྤྱོད་པ་པད་མོའི་ཚལ། །བཤེས་གཉེན་ཉིན་བྱེད་འོད་དང་འགྲོགས་གྱུར་ཅིག །གང་ལ་བརྟེན་ན་བདེ་ཆེན་ཡེ་ཤེས་ཀྱི། །རང་འོད་དག་པ་རབ་འབྱམས་བརྟན་གཡོའི་ཁམས། །ཀུན་ལ་དབང་བསྒྱུར་རྒྱལ་པོའི་གནས་འཐོབ་པ། །…

དགེ་ལྡན་བསྟན་པ་རྒྱས་པའི་སྨོན་ལམ་གྲུབ་པའི་བདེན་ཚིག་གི་འགྲེལ་པ་བཞུགས་སོ། །

རྒྱལ་སྲས་སྨོན་ལམ་ཀླུང་བརྒྱ་འཁྱིལ་བའི་བཅུད། །རྒྱལ་བསྟན་སྙིང་པོ་སྤེལ་བའི་སྨོན་པའི་འབྲས། །ཇི་བཞིན་འགྲུབ་ཕྱིར་བླ་མ་མཆོག་གསུམ་ལ། །འདུད་དོ་བསླུ་མེད་བདེན་ཚིག་ཤིས་པས་སྐྱོངས། །དེའང་དགེ་ལྡན་ལུགས་བཟང་སྤེལ་བའི་སྨོན་ཚིག་འདི་ཉིད་ཀྱི་དོན་མདོ་ཙམ་འཆད་པ་ལ་རྒྱུ་ཕུན་སུམ་ཚོགས་པའི་བདེན་ཚིག་བརྗོད་པ། ངོ་བོ་ཕུན་སུམ་ཚོགས་པའི…

གསུང་གི་མཛོད་འཛིན་པས་སྲས་སུ་གྱུར་པ་སློབ་དཔོན་ཞི་བ་ཡེ་ཤེས་ཀྱིས་གསུངས་པ་ལྟར་ཡིན་པས། ཕྱོགས་བཅུ་དུས་གསུམ་ཀུན་ཏུ་ལྷུན་གྱིས་གྲུབ་པའི་ཐུགས་བསྐྱེད་འཕྲིན་ལས་ཀྱི་བདེན་པ་དེས་ཞིང་འདིར་ཡང་བསྟན་པའི་སྙིང་པོ་རྒྱས་པར་སྨོན་པའོ། །འདི་ནི་ངེས་དོན་ཐུན་མོང་མ་ཡིན་པ་ཡིན་ཞིང༌། དྲང་དོན་ཚུལ་བསྟན་གྱི་རིམ་པར་ཡང་གདུལ་བྱའི་བློ་ཚོད…

སྤྱོད་གཙང་མའི་བརྒྱུད་པ་སྤེལ་བའི་ཕྱིར། །ཐུབ་པའི་དྲུང་དུ་ཤེལ་དཀར་འཕྲེང་བ་ཕུལ། །ཆོས་དུང་གནང་ཞིང་ལུང་བསྟན་བདེན་པའི་མཐུས། །བློ་བཟང་རྒྱལ་བའི་བསྟན་པ་རྒྱས་གྱུར་ཅིག །བཀའ་གདམས་ལྷ་ཆོས་བདུན་ལྡན་ཕྱི་གཙང་ནང་གཙང་པདྨའི་སྦུབས་ལྟ་བུའི་སྲོལ་དབྱེ་བའི་རྟེན་འབྲེལ་དུ་སྟོན་པའི་དུས་བྲམ་ཟེ་ཁྱེའུར་གྱུར་པས་ཤེལ་དཀར་གྱི་ཕྲེང་བ་བ…

ལྟ་བུ་ཁྱབ་ཆུང་བ་མ་ཡིན་པས་རྟག་མཐའ་ལས་གྲོལ། གཞན་ངོ་ཙམ་དུ་བསྐྱལ་ཏེ་དོན་ལ་ཅི་ཡང་མེད་པར་འཛིན་པའི་དགག་བྱ་ཁྱབ་ཆེ་བ་ལྟ་བུ་མ་ཡིན་པས་ཆད་མཐའ་ལས་གྲོལ་ཏེ། མཐའ་བྲལ་དབུ་མའི་ལྟ་བ་ཀླུ་སྒྲུབ་ཀྱི་དགོངས་པ་ཇི་ལྟ་བ་དང༌། སྒོམ་ཡང་བྱིང་རྨུགས་སོགས་ཇི་བཞིན་མ་ཕྱེད་པས་གློད་རབ་ལ་སྒོམ་རབ་ཅེས་བྱིང་བ་བསགས་པ་ལྟ་བུ་མ་ཡིན་པར་ཏིང་ངེ་འཛ…

རྗེས་འཇུག་བུ་སློབ་རྣམས་ཀྱིས་བསྐྱངས་པའི་བདེན་པའི་མཐུས་བསྟན་པ་རྒྱས་པར་སྨོན་པའོ། །གསུམ་པ་ཆེ་བ་བཞི་དང་སྦྱར་བ་ནི། དྲང་ངེས་གསུང་རབ་མ་ལུས་འགལ་མེད་དུ། །གང་ཟག་གཅིག་གི་ཉམས་ལེན་གདམས་པ་རུ། །ངེས་པ་རྙེད་པས་ཉེས་སྤྱོད་མཐའ་དག་འགགས། །བློ་བཟང་རྒྱལ་བའི་བསྟན་པ་རྒྱས་གྱུར་ཅིག །དྲང་ངེས་ཀྱི་གསུང་རབ་སྒྲས་ཟིན་མི་མཐུན་ཡང་གདུལ་…

པ་ལྟ་བུ་བསྟན་པའི་རྨང་གཞིར་འགྱུར་ངེས་པའི་འཆད་ཉན་གྱི་སྒོ་ནས་ལུང་གི་བསྟན་པ་འཛིན་པ་དང༌། ལུང་སྡེ་སྣོད་གསུམ་གྱི་བརྗོད་དོན་ལམ་བསླབ་པ་གསུམ་པོ་ཉམས་སུ་བླངས་ཏེ་ཚུལ་བཞིན་སྒྲུབ་པའི་སྒོ་ནས་རྟོགས་པའི་བསྟན་པ་འཛིན་པ་སྟེ་རྒྱལ་བའི་བསྟན་པ་འཛིན་པའི་ཚུལ་དེ་གཉིས་སུ་ངེས་པར་མཛོད་ལས་གསུངས་པ་ཇི་ལྟ་བ་བཞིན་ཕྱག་ལེན་དུ་ཐེབས་པས་མཁ…