མེད་འོད། སྙིམ་ཏོག་སོགས་སུ་གསུངས་པ་བཞིན་ཡུལ་མཐའ་བྲལ་གྱི་ལྟ་བ་དང༌། སྔགས་བླ་མེད་ཀྱི་ཕྱི་ནང་གི་ཐབས་མཁས་ལ་བརྟེན་པའི་བདེ་བ་ཆེན་པོ་དབྱེར་མེད་དུ་སྦྱོར་བ་ཆོས་ཕུང་བརྒྱད་ཁྲི་བཞི་སྟོང་གི་སྙིང་པོ་སྐུ་གསུམ་ལག་བཅངས་སུ་གཏོང་བའི་མན་ངག་གི་མཐར་ཐུག་འདི་དག་རྒྱས་པར་སྨོན་པའོ། །གསུམ་པ་གྲོགས་ཕུན་སུམ་ཚོགས་པའི་བདེན་ཚིག་ལ་གཉིས…

ཅིག །ཅེས་པ་ཡིན་ལ། སྦྱར་བྱང་ནི། ཅེས་པ་འདི་ནི་ལྷག་བསམ་རྣམ་དཔྱོད་ཡངས་པ་རབ་འབྱམས་པ་བློ་བཟང་བསྟན་པས་བསྐུལ་ཞིང༌། སྤྱིར་དེང་དུས་རྗེ་བླ་མའི་བསྟན་པ་འདི་ནི་ཟུངས་ཟད་ཀྱི་ནད་པ་སྨན་པས་བོར་བ་བཞིན་དུ་བདག་ཏུ་འཛིན་པ་འགའང་མི་སྣང་བས་ཅུང་ཟད་རེ་བསྲིང་ཐུབ་ནའང་ཅི་མ་རུང་སྙམ་དུ་སྨོན་པའི་ཡིད་ཀྱིས། ༸བཙུན་པ་དཀོན་མཆོག་བསྟན་པའི་ས…

ཕུལ་བྱུང་ལེགས་བཤད་མའི་འགྲེལ་པ་མཁས་པའི་དགའ་སྟོན་ཞེས་བྱ་བ་བཞུགས་སོ། །

ཚད་མའི་སྟོན་པ་མཆོག་དང་དེས་གསུངས་པའི། །དམ་ཆོས་དེ་འཛིན་བྱེད་པ་དགེ་འདུན་ཏེ། །མཆོག་གསུམ་ཞིང་ལ་ཤེས་ནས་དང་བ་ཡིས། །འདུད་དོ་དོན་གཉིས་ཕུན་སུམ་ཚོགས་པར་མཛོད། །དེའང༌། ཕུལ་བྱུང་ལེགས་བཤད་ཟབ་མོའི་སྒྲ་དབྱངས་ཀྱིས། །ས་གསུམ་དཀྱིལ་འཁོར་ཀུན་ཁྱབ་བག་ཡོད་པའི། །སྤྱོད་ཚུལ་མ་སྨད་གཡས་སུ་འཁྱིལ་བའི་དུང༌། །དགེ་ལེགས་ཆུ་གཏེར་སྙིང་པ…

དགེ་ཞིང་ལེགས་པའི་ལྷག་པའི་བསམ་པ་རྣམ་པར་དག་པའི་ཆུ་གཏེར་གྱི་ཁོངས་ལས་བྱུང་བ་བཟང་པོའི་ཡོན་ཏན་ཏེ། འདིས་ནི་སྟོན་པའི་དམ་ཆོས་རྣམ་པ་གཉིས་ཇི་ལྟར་འཛིན་པའི་ཐབས་མ་ཚང་བ་མེད་པས་བསྟན་འཛིན་གྱི་སྐྱེས་བུར་སྟོན་པ་སྟེ། དབྱངས་ཅན་ངག་གི་རོལ་མཚོར་བཤད་པ་བཞིན་ཡང་སྲིད་རྣམ་པ་དུ་མར་སྐྱེ་བ་དང་སྤྲུལ་སྐུའི་མིང་ཙམ་ལས། ལེགས་པར་བཤད་པའི…

ཉིད་དང་ལྡན་པ་ཚུལ་བཞིན་དུ་བསྟེན་པའི་ཚུལ་ཏེ། དེའང་གདུལ་བྱ་སྨིན་པར་བྱེད་པའི་བྱིན་རླབས་ཀྱི་མཐུ་དང་ལྡན་ཞིང༌། ཐར་པར་འཁྲིད་པའི་མན་ངག་གི་གནད་མཐའ་དག་ལ་དབང་འབྱོར་བ། ལྷག་པའི་བསམ་པ་རྨད་དུ་བྱུང་བ་དགོས་ཤིང༌། སློབ་མའང་དེ་དང་རྗེས་སུ་མཐུན་པ་དགོས་པའི་དཔེའི་ཁྱད་པར་གསུམ་ནི་གཙོ་ཕལ་གྱི་ཚུལ་དུ་གཉི་ག་དང་འབྲེལ་ལོ། །དེ་ལས་ཐོ…

གདམས་པའི་བདུད་རྩིས་ཐུགས་རྒྱུད་གཏམས་པར་མཛད་པ་མཚུངས་ཟླ་མེད་པའི་རིགས་ཀྱི་བདག་པོ་ནི་སྐྱབས་མགོན་རྡོ་རྗེ་འཆང་རྗེ་བཙུན་འཇིགས་མེད་དབང་པོའི་ཞལ་སྔ་ནས་ཉིད་ཡིན་ལ། གཞན་ཡང་སྡེ་སྣོད་རྒྱ་མཚོའི་མངའ་བདག་ཁྲི་བསོད་ནམས་དབང་རྒྱལ། རྣལ་འབྱོར་གྱི་དབང་ཕྱུག་ཁྲི་བསོད་ནམས་གྲགས་པ་སོགས་གདན་ས་རང་གི་བླ་མ་གདན་ཟུར་ཐེག་པ་མཆོག་གི་ཡོངས་…

ཆོས། ལྷོ་བྲག་སྙན་བརྒྱུད་སོགས་སྤྱི་བཀའ་དང་ཟུར་བཀའི་དབང་རྗེས་གནང་ད་ལྟ་རི་བོ་དགེ་ལྡན་པ་ལ་རྒྱུན་ཡོད་ཚད་མ་ཚང་བ་མེད་པར་གསན། མདོ་སྔགས་ཀྱི་ལམ་རིམ་གཉིས། འགྲེལ་པ་བཞི་སྦྲགས་དང༌། རིམ་ལྔ་གསལ་སྒྲོན། སྦས་དོན་ཀུན་གསལ་སོགས་གཞུང་ཆེན་མོའི་བཤད་ལུང་གི་རིགས། ཁྲིད་ཆེན་བརྒྱད་ནས་བཟུང་འཁྲུལ་འཁོར། ལྕགས་མཁར། གཏོར་སྒྲུབ། རབ་གནས…

ཉི་མ་ཐུགས་ལ་བྱང་བར་བཟུང་སྟེ་ཚོགས་རྒྱུགས་ཕུལ་བ་སོགས་སྟབས་གཅིག་ཏུ་གྲུབ་པ་ནི་དང་པོ་རྒྱ་ཆེན་ཐོས་པ་མང་དུ་བཙལ་བའི་རྣམ་པར་ཐར་པ་སྟེ། རྣམ་ཐར་གྱི་མགོ་འདི་ལྟ་བུ་ཞིག་ནས་ཚུགས་དགོས་ཀྱི། ད་ལྟ་ཡོན་མཆོད་ཐམས་ཅད་ཀྱིས་འདང་བརྒྱག་སྟེ་བཙན་ཕྱུག་གོ་ས་སོགས་གང་ཐད་ནས་འོས་པ་ཞིག་ཏུ་སྐྱེ་བ་བཞེས། ཕས་བླ་ཆེན་ཞིག་ཕེབས་པ་དང༌། མས་དུང་ད…

གསུང་རབ་ཐམས་ཅད་འགྲོ་བ་སྲིད་པའི་རྒྱ་མཚོ་ལས་སྒྲོལ་བའི་ཆེད་ཁོ་ན་ཡིན་པས། དེའི་དོན་བཞིན་སྒྲོ་འདོགས་ཕྲ་རགས་གང་བཅད་ཀྱང་སྲིད་པའི་སྡུག་བསྔལ་གྱི་ཆ་རེ་གནོད་བྱེད་དུ་མི་འགྲོ་བ་མི་སྲིད་ནའང༌། རེ་ཞིག་རྩ་བ་ནས་གཅོད་མི་ནུས་པ་རྣམས་རིམ་གྱིས་དེ་ཕྱོགས་སུ་ཁ་འདྲེན་པའི་ཐབས་མཛད་པའི་མདོ་རྣམས་ལ་དྲང་བའི་དོན་དང་འགྱུར་ལ་ལར་དཀྲི་བའ…

ལ་གཏུགས་པ་ལྟ་བུ་ཡིན་པས། སྒོམ་སྤང་དེ་ལ་རྒྱུད་བླ་མར། གོས་ཧྲུལ་དྲི་མ་དག་དང་མཚུངས། །ཞེས་གསུངས་པ་ཡིན་ཏེ། འདིའང་དེ་དང་ཕྱོགས་འདྲའོ། །ཐོས་བསམ་གྱིས་གཏན་ལ་ཕབ་པ་དེ་ཉིད་རྒྱུད་དང་འདྲེས་ནས་གོམས་པའི་ཤུགས་ཀྱིས་སྒོ་གསུམ་མཐའ་དག་དེའི་ངང་དུ་འགྲོ་བ་ནི་སྒྲུབ་པའི་ཡོན་ཏན་ནམ་བཙུན་པའི་ཡོན་ཏན་ཡིན་ལ། ཉམས་ལེན་ཡང་དེ་ལས་ལྷག་པ་མེད…

མཐོ་སྙེགས་དང་ཐོད་རྒལ་དུ་བྱེད་པ་མ་ཡིན་པ། རྒྱལ་བའི་བསྟན་པ་ལ་རྒྱལ་བའི་དགོངས་པ་བཞིན་གོ་རིམ་མ་ལོག་པར་སློབ་པ་སྟེ། དཔེ་གླང་པོ་ཆེ་གོམ་པ་མི་འཆོལ་བར་ཆ་མཉམ་པོར་འགྲོ་བས་གླང་ཆེན་སྟབས་གཤེགས་ཞེས་པ་ཡིན་ལ། སྟོབས་ཆེ་བས་བཟློག་དཀའ་ཞིང་ཁུར་ཆེན་པོ་བཀུར་ནས་དལ་འགྲོས་ཀྱིས་འགྲོ་བའི་ཁྱད་པར་སོ་སོ་དང་སྦྱར་བ་ཡིན་ནོ། །དེ་ལྟར་ལག་ལ…

པ་བཞིན། ཆོས་ཀྱི་དོན་ལག་ཏུ་ལེན་པ་ལ་ངང་གིས་ཞུགས་འགྲོ་བ་དེ་སྒོམ་ཡིན་གྱི། བྲག་ཕུགས་སུ་ལུས་གནད་ལྟ་སྟངས་བྱས་ནས་བསྡད་པ་ཙམ་གྱིས་སྒོམ་དུ་མི་འགྲོ་སྟེ། རྒྱན་ལས། ཡང་དང་ཡང་དུ་སེམས་པ་དང༌། །འཇལ་དང་ངེས་རྟོགས་གོམས་པའི་ལམ། །ཞེས་གསུངས་པའི་ཕྱིར། གཉིས་པ་གཞན་ལ་འཆད་རྩོད་རྩོམ་གསུམ་གྱིས་སྤེལ་ཚུལ་ལ། སྤྱིར་བཤད་པ་དང༌། ཁྱད་པར་ད…

པའི་ཕྱིར། །ལྟ་ངན་རིགས་པས་བཟློག་ལ་དགོངས་པ་ཡིན། །རང་ཉིད་གྲགས་འདོད་ཕ་རོལ་དམའ་དབབ་འདོད། །གཡོ་སྒྱུའི་སྤྱོད་པ་ཚིག་རྩུབ་ངན་སེམས་ཅན། །ངག་འཁྱལ་སྣ་ཚོགས་སྨྲ་ཞིང་གཞན་རྒྱུད་བསྲེག །དེ་ལྟའི་རྩོད་པ་འདི་ཡང་དམྱལ་བའི་རྒྱུ། །ཞེས་གསུངས་སོ། །རྩོམ་པའང་ཀུན་བྱང་བླང་དོར་གྱི་གནད་སྟོན་རྒྱུ་མེད་པར་མངོན་བརྗོད་ཀྱི་མིང་ཆེར་མ་གྲགས་…

ལྟར་བརྟན་ཡང༌། སྙིང་རྗེས་རླུང་ལྟར་གཡོ་བ་དག་ལ་འགྲན་བཙུགས་ཏེ། རང་རང་ལྟོག་ལ་མེ་ལྟར་འབར་ཞིང༌། རྒྱལ་ཁམས་ཆུ་བཞིན་མྱུལ་ཏེ་རྙེད་པ་བཙལ་བའང་འགྲོ་དོན་བྱས་པ་ཡིན་མདོག་བྱེད་མོད་ཀྱང༌། དངོས་སུ་གཞན་བསླུས་དོན་གྱིས་རང་བསླུས་ཏེ། །བདག་གཞན་བསླུ་བའི་གཞན་དོན་གཟུགས་བརྙན་ཡིན། །ཞེས་མཁས་གྲུབ་སྨྲ་བའི་ཉི་མས་གཟུགས་བརྙན་གསལ་བའི་མེ་…

ལྟར་མེ་ཡི་ནང་བཅུག་ན། །དྲི་མ་ཚིག་འགྱུར་གོས་མིན་ལྟར། །གསུངས་པ་བཞིན་རྡོ་རྒྱུས་ཀྱི་གོས་མེར་བསྲེགས་པ་ལྟར་འཁྲུལ་བའི་སྐྱོན་ཐམས་ཅད་བསལ་ནས་རྒྱལ་བའི་དགོངས་པ་རྨ་མེད་པ་ཞིག་འབྱུང་བ་ཡིན་ནོ། །ཁ་ཅིག་འཇིག་རྟེན་འདིའི་ལྟོ་གོས་གཏམ་གསུམ་གྱི་སྟེང་ནས་སོར་གང་གི་མཐོ་དམན་ཡང་མི་བཟོད་པར་ཆགས་སྡང་གི་ཕོ་རུས་འདོན་ཡང༌། ཆོས་ཕྱོགས་ལ་…

གསུམ་གྱི་གནད་ཇི་ལྟ་བ་བཞིན་དུ་ལུང་རིགས་ཀྱིས་གཏན་ལ་ཕབ་པའི་ཚེ། གཞན་གྱི་གྲུབ་མཐའ་ནོར་བ་རྣམས་རྟ་རྒྱུགས་པའི་ཞོར་ལ་མེ་ཏོག་གཅོད་པ་བཞིན་སུན་ཕྱུང་ཡང་ཉེས་པར་འགྱུར་བའི་གནས་མེད་དེ། བཞི་བརྒྱ་པ་ལས། ཆོས་འདི་རྫོགས་སངས་རྒྱས་རྣམས་ཀྱིས། །རྩོད་པའི་ཕྱིར་ནི་མ་གསུངས་ཏེ། །འོན་ཀྱང་མེ་ཡིས་བུད་ཤིང་བཞིན། །གཞན་སྲེག་འགྱུར་ན་ཉེས་པ…

བར་བྱ། །གསུངས། བེའུ་བུམ་སྔོན་མོ་རྩ་འགྲེལ་དུའང༌། དེ་ལྟར་ཐག་བཅད་ལམ་དེར་འཇུག་བྱ། །སྒུ་རུ་རུ་རུ་གཞན་དུ་མི་འཚལ། །ཞེས་དང༌། སྒུ་རུ་རུ་རུ་བྱས་ནས་གཞན་དུ་རྩ་དང་ཐིག་ལེ་འཁོར་ལོ་ལ་སོགས་པའི་མན་ངག་མི་འཚོལ་གསུངས་པས། སངས་རྒྱས་བྱང་སེམས་དེ་ཐམས་ཅད་ཕྱོགས་རིས་ཆེ་བ་ཡིན་ཟེར་རམ། དེས་ན་ལྷ་ལས་ཕུལ་བྱུང་གི་བསྟོད་པར། བདག་ནི་སངས་…

ཏེ་མ་བཤད་ན། །བླུན་པོ་ཁྱོད་ལ་གོ་བ་མེད། །གསུངས་པ་དེ་ཡིན་ཞིང༌། གཞན་ཡང་དཔལ་འཕྲེང་གི་མདོ་ལས། ཚར་གཅོད་པའི་སྒོ་ནས་བསྟན་པ་འཛིན་ཚུལ་དང༌། བྱང་སར་ཚར་གཅོད་པའི་ཚུལ་ཁྲིམས། འདུལ་བར་ནན་ཏུར་ལྔ་སོགས་གསུངས་པ་གང་ཡང་མ་མཐོང་བར་བྱང་སེམས་བྱ་བ་འཇམ་འཇམ་ཁོ་ན་ཞིག་ཏུ་གོ་བའི་རྨོངས་ཡུས་ཡིན་ནོ། །གཉིས་པ་ཁྱད་པར་དུ་འཆད་ཉན་གྱི་རྒྱལ་མཚ…

གནང་ལུང་ཁྲིད་ཀྱི་ཆར་ཕབ་ཅིང༌། ཁྱད་པར་དུ་ཁྲིད་ཀྱི་སྐོར་ཞལ་ཤེས་མན་ངག་དང་བཅས་པའི་བཀའ་བབ་ལྟ་བུར་ཡོད། ཞུ་བ་པོ་མཐོ་དམན་མང་ཉུང་འབྱོར་པ་སོགས་ལ་ལྟོས་པ་མེད་པར་གང་འདོད་དུ་སྩལ་བས་ཕལ་ཆེར་གྱིས་ཕོད་བཙོང་སྟེ་ནམ་འདོད་དུ་ཞུས་ནས་བུ་ལོན་ཅན་གྱི་སྒོ་བསྲུང་སྟེ་བསྙགས་པ་བཞིན་བྱེད་པ་ནི་སྐྱེས་རབས་ལས། སྦྱིན་ནམ་མི་སྦྱིན་སྙམ་པའི་…