སྨོན་ལམ་གྲུབ་པའི་རྣམ་ཐར་རོ། །གཉིས་པ་སྔགས་ཀྱི་བསྟན་པ་བཟུང་ཚུལ་ནི། གསང་ཆེན་ཆོས་ཀྱི་ཆུ་ཀླུང་བརྒྱ། །འདུས་པ་འདུས་པའི་རྒྱ་མཚོ་ཆེར། །དམ་ཚིག་སྐྱ་བ་འཛིན་མཁས་དེར། །རིམ་གཉིས་ནོར་བུ་ལག་རྩེར་གནས། །ཞེས་པ་སྟེ། སྤྱིར་རྒྱུད་སྡེ་རྒྱ་མཚོའི་མངའ་བདག་ཡིན་ཀྱང་འདིར་དམིགས་ཀྱིས་བཀར་ཏེ་དཔལ་ལྡན་འདུས་པ་དང་སྦྱར་བ་ནི་འདུས་བའི་རྒྱ…

གཅིག་ཏུ་མཐོང་ནུས་པ་བཞིན། འདིའི་དགོངས་དོན་ལེགས་པར་ཁོང་དུ་ཆུད་ན་རྒྱུད་གཞན་ཐམས་ཅད་བདེ་བླག་ཏུ་རྟོགས་པར་འགྱུར་ཏེ། དེའི་རྒྱུ་མཚན་མཐར་གཏུགས་ན་སྒྲོན་གསལ་དུ། ཇི་སྲིད་ཡ་ར་ལ་ཧའི་བར། །ཞེས་པ་ནས། དེ་དེའི་རྩ་བ་ཡི་གེ་གསུམ། །ཞེས་གསུངས་ཏེ། སྔ་མ་རྣམས་ཡི་གེ་ས་མ་ཛ་གསུམ་ལ་བྱས་ནས་འདུས་པ་ཀུན་གྱི་རྩ་བ་ཡིན་པའི་དོན་དུ་བཤད་ཀྱང…

རིམ་གཉིས་ནོར་བུ་ལག་རྩེར་གནས། །ཞེས་པས་བསྟན་ཏོ། །འདིར་གཙོ་བོར་རང་གིས་ཉམས་སུ་བླངས་ཚུལ་ལ་སྦྱར་ཡང༌། སྔར་རང་གིས་ངེས་ནས་གཞན་རྗེས་སུ་བཟུང་ཚུལ་བཤད་པ་དེ་མདོ་སྔགས་གཉིས་ལ་སྦྱོར་དགོས་ཤིང༌། འདི་ལ་ཁྱད་པར་དུ་རྒྱུད་ཀྱི་དགོངས་པ་མཐའ་དྲུག་ཚུལ་བཞིས་རྒྱས་བཏབ་པ་རྣམས་བཤད་རྒྱུད་ཆེན་པོ་དྲུག་དང་ཀླུ་སྒྲུབ་ཡབ་སྲས་སོགས་ཀྱི་མན་ངག…

པོའི་དུས་ན་སྐྱེ་བོ་མང་པོའི་ཕྱིར་དམག་གི་མདུན་ན་འདུག་པ་དེ་བཞིན་དུ། ཤཱ་རིའི་བུ་དེའི་ཚེ་དམ་པའི་ཆོས་རབ་ཏུ་འཇིག་པ་ཉེ་བར་གནས་པ་ན་གང་ལྷག་པའི་བསམ་པ་ཡོངས་སུ་མྱ་ངན་ལས་འདས་པ་འདོད་པ། དཔའ་བ་བརྩོན་འགྲུས་བརྟན་པ། གོ་ཆ་སྲ་བ་བགོས་པ་དེ་དག་བརྩོན་འགྲུས་ཆེན་པོའི་སྟོབས་བསྐྱེད་དེ་བདུད་ཀྱི་དམག་ལས་རྒྱལ་ཞིང་འདི་ལྟ་བུའི་ཆོས་དཀོ…

རྒྱས་གསུངས། །ཞེས་པ་ལྟར་བསྟན་པའི་གནས་ཚུལ་གྱི་སྒོ་ནས་འཇོག་པ་ལས། ཡུལ་གཅིག་ལ་དབུས་འགྱུར་གྱི་མིང་དོན་རྟག་བརྟན་ཐེར་ཟུག་ཏུ་གནས་པ་མིན་པས། ཆེད་དུ་བརྗོད་པའི་ཚོམས་ལས། གང་ན་དམ་པ་བཞུགས་པ་ཡི། །ས་དེ་ཡིད་དུ་འོང་བ་ཡིན། །ཞེས་གསུངས་ལ། མངོན་རྟོགས་རྒྱན་ལས་ཀྱང༌། བྱང་ཆུབ་དང་ནི་རྟེན་མཆོད་ཉིད། །ཅེས་གསུངས་སོ། །དོན་མདོར་བསྡུ་…

ཆབས་ཅིག་པར། །བཟང་པོའི་འཕྲིན་ལས་རྒྱས་གྱུར་ཅིག །ཅེས་པའོ། །སྦྱར་བྱང་ནི། ཞེས་མདོ་སྨད་བསྟན་པའི་འབྱུང་གནས་དཔལ་ལྡན་བཀྲ་ཤིས་འཁྱིལ་གྱི་རྒྱུད་པ་སློབ་ཟུར་དཀོན་མཆོག་རྒྱལ་མཚན་པ་ལ་བསྟོད་པའི་རབ་ཏུ་བྱེད་པ་འདི་ནི་དད་བརྩོན་བློ་དང་ལྡན་པ་དཀོན་མཆོག་མཁྱེན་རབ་ཀྱིས་བསྐུལ་བར་བརྟེན། དེང་དུས་ཆེ་མཐོའི་རིགས་ལ་འུད་ཀྱིས་བསྟོད་པ་ལ…

འགྲེལ་པ་ཞིག་དགོས་ཞེས་ཡང་ཡང་བསྐུལ་བ་དང༌། མཛོ་དགེ་སྨད་དགའ་ལྡན་རབ་རྒྱས་གླིང་ནས་དད་བརྩོན་ལྡན་པ་འཚོ་བྱེད་དཀོན་མཆོག་ཕུན་ཚོགས་ཀྱིས་རྣམ་ཐར་ཞིག་དགོས་ཞེས་ནན་གྱིས་བསྐུལ་བས། རྣམ་ཐར་བྱེད་ན་བསྟན་པའི་བྱ་བ་མཛད་ཚུལ་འདི་འདྲ་ཞིག་དགོས་པར་མཐོང་སྟེ་བསྟོད་པའི་ཚིག་ཊཱིཀ་ཙམ་མ་ཡིན་པར་མཐུན་སྒྲུབ་ཀྱི་རྣམ་ཐར་རགས་རིམ་ཙམ་དང་སྦྱར་ན…

གཉན་རྩེ་དཔོན་སློབ་རིན་པོ་ཆེའི་བསྟོད་འགྲེལ་ནོར་བུའི་དོ་ཤལ་ཞེས་བྱ་བ་བཞུགས་སོ། །

རྒྱ་ཆེན་ཐོས་པས་ངག་གི་དབང་ཕྱུག་བརྙེས། །ཚུལ་བཞིན་སྒྲུབ་པས་ཆོས་ཀྱི་དེ་ཉིད་གཟིགས། །འཕྲིན་ལས་བཟང་པོས་རྒྱལ་བསྟན་འཕེལ་མཛད་པ། །དཔལ་ལྡན་བླ་མའི་ཞབས་རྡུལ་སྤྱི་བོས་མཆོད། །ངག་དབང་ཆོས་ཀྱི་ཆུ་གཏེར་འཕེལ་བའི་བཅུད། །བསྟོད་དབྱངས་འཇིགས་བྲལ་འཆི་མེད་དབང་པོའི་ཆབ། །བསྟན་པའི་རྗེས་འཇུག་དད་པའི་སྲོག་ཟུང་དུ། །འགྲེལ་བྱེད་རིན་ཆེན…

འཛིན་པའི་སྐྱེས་བུ་དམ་པ་རྣམས་ནི་འགྲོ་བ་ཡོངས་ལ་བཀའ་དྲིན་བསམ་གྱིས་མི་ཁྱབ་པས་བསྟོད་བཀུར་བསྔགས་པའི་ཞིང་བླ་ན་མེད་པ་ཡིན་ནོ། །འོན་ཀྱང་ད་ལྟ་ཆེས་ཤིན་ཏུ་སྙིགས་མར་སོང་སྟེ། ཁ་དྲག་དབང་ཆེ། སྟོབས་འབྱོར་གོ་ས་སོགས་ཀྱི་སྒོ་ནས་བསྟན་འཛིན་ཆེན་པོར་བཏགས་པ་ལ་སྙིང་པོ་ཅི་ཡང་མེད་པས། བསྟན་པ་འཛིན་ཚུལ་དཔྱིས་ཕྱིན་པ་ནི་མཁས་མཆོག་དབྱ…

བཙོ་མ་ལྟ་བུ། ལུང་གི་བསྟན་པ་ཀ་རཱི་ཀ་ལྔ་བཅུ་པ་ནས་རྒྱུད་རྒྱལ་གསང་བ་འདུས་པའི་བར་དང༌། རྟོགས་པའི་བསྟན་པ་རུང་ཆུ་འདེབས་པ་ཚུན་ཆོད་ཀྱི་བཅས་པ་ཕྲ་མོ་ནས་བདེན་གཉིས་དབྱེར་མེད་ཟུང་འཇུག་གི་བར་རྣམས་བཤད་སྒྲུབ་ཡ་མ་བྲལ་བའི་སྒོ་ནས་ཉམས་སུ་བཞེས་ཏེ། ཆོས་མིན་གྱི་གཡུལ་ངོ་ཕམ་པར་མཛད་ཅིང་ཆོས་ཀྱི་རྒྱལ་མཚན་སྲིད་རྩེའི་བར་དུ་བསྒྲེངས…

ཀྱི་རྩ་བ་བླ་མ་ལ་རག་ལས་པར་དགོངས་ཏེ། དཀའ་སྤྱད་དང་བརྩོན་འགྲུས་ཆེན་པོས་མདོ་དབུས་གཉིས་ཀར་ཐེག་པ་ཆེན་པོའི་དགེ་བའི་བཤེས་གཉེན་གྱི་མཚན་ཉིད་ཚང་བའི་བླ་མ་དམ་པ་དུ་མའི་ཞབས་ལ་གཏུགས། བསམ་སྦྱོར་གཉིས་ཀྱིས་ཚུལ་བཞིན་དུ་བསྟེན་ནས་མཉེས་པར་བྱས། དེའི་གསུང་གི་བདུད་རྩི་ལམ་བསླབ་པ་རིན་པོ་ཆེ་གསུམ་བརྗོད་བྱའི་གཙོ་བོར་སྟོན་པ་མདོ་མངོ…

ཐོས་རྩོད་སྒྲུབ་པ་ལྷུར་ལེན་དང༌། །ཞེས་གསུངས་པ་བཞིན། ཐོས་རྩོད་ལྷུར་ལེན་པ་གཞན་སྡེའི་བསྟན་བཅོས་ལྟ་བུ་མ་ཡིན་པར་སྒྲུབ་པ་ཉམས་ལེན་དང་ཐོས་བསམ་སྒོམ་པའི་རིམ་པས་མཐར་རྣམ་གྲོལ་གྱི་རྒྱུ་འབའ་ཞིག་ཏུ་གཞོལ་བའི་ཚུལ་རྗེ་བླ་མས། ཞི་འགྱུར་མིན་མཛད་ཁྱོད་ལ་མེད། །ཅེས་དང༌། དཔལ་ལྡན་ཟླ་བས། བསྟན་བཅོས་ལས་དཔྱད་རྩོད་ལ་ཆགས་པའི་ཕྱིར། །མ…

ཁྱོད་ལ་གསོལ་བ་འདེབས། །ཞེས་གསུངས་དོན་ནི་དབུས་མཐའ་ལས། དམིགས་པ་བརྗེད་པར་མ་གྱུར་དང༌། །བྱིང་དང་རྒོད་པ་རྟོགས་པ་དང༌། །ཞེས་གསུངས་པ་བཞིན། རྩ་བའི་དམིགས་པ་ལ་རྒྱུན་ཆགས་སུ་གཏོད་པའི་དྲན་པ་དང༌། ཕྱིན་ཅི་ལོག་གི་གཡེང་བ་འགོག་པའི་ཤེས་བཞིན་གྱི་ལྕགས་ཀྱུ་རྣོན་པོ་དེ་ཡིས་གདུལ་བར་དཀའ་བའི་སེམས་ཀྱི་གླང་པོ་ཆེ་ཐོག་མེད་ནས་དུག་གསུ…

ས་བོན་སྤོང་བའི་ཤེས་རབ་ཀྱི་བསླབ་པའང་ཕུན་སུམ་ཚོགས་པར་གྱུར་ཏེ་བསླབ་གསུམ་ཡོངས་སུ་རྫོགས་པའི་དཔལ་ཡོན་ཅན་དུ་འགྱུར་རོ། །དེའང་དཔལ་གྱི་སྐད་དོད་ཤྲཱི་ལ་ཐུན་མོང་དང་ཐུན་མོང་མ་ཡིན་པའི་བཤད་པ་མང་དུ་འཇུག་ཀྱང༌། འདིར་བསླབ་པ་གསུམ་གྱི་ཁོངས་སུ་ཆོས་གཟུགས་ཀྱི་སྐུ་གཉིས་འགྲུབ་པའི་རྒྱུ་ཚོགས་གཉིས་ཟུང་དུ་འཇུག་པའི་དོན་ཏེ། དེ་ལྟར་…

དགོས་ཏེ། རྒྱལ་བས་ཆོས་བསྟན་པ་མཐའ་དག་ཀྱང་བྱིས་པའི་རྩེད་མོ་ལྟ་བུ་དེ་འདྲའི་དོན་དུ་མ་ཡིན་པར་སེམས་རྒྱུད་འདུལ་བའི་ཐབས་ཁོ་ནར་གསུངས་པས་སོ། །གསུམ་པ་སྐལ་ལྡན་གཞན་རྗེས་སུ་བཟུང་བའི་ཚུལ་ནི། གང་གི་ཡོན་ཏན་པདྨོའི་སྐྱེད་ཚལ་དུ། །འཁོར་བའི་བློ་གསལ་བུང་བ་མ་ལུས་པ། །ལེགས་བཤད་སྦྲང་རྩིའི་བཅུད་ཀྱིས་ཚིམ་མཛད་པ། །མཚུངས་མེད་བླ་མའི…

དེ་ལྟར་བླ་མའི་རྣམ་ཐར་རྒྱ་མཚོ་ལས། །ཆུ་ཐིགས་ཙམ་ཞིག་སྤེལ་བའི། ཞེས་གསུངས། གཉིས་པ་ནི། དགེ་བ་ཡིས། ཐེག་མཆོག་བཤེས་གཉེན་ཁྱོད་དང་མི་འབྲལ་ཞིང༌། །རྣམ་འདྲེན་རྒྱལ་བའི་གོ་འཕང་མྱུར་ཐོབ་ཤོག །ཅེས་གསུངས། དོན་ནི། འདིར་སྨོས་པ་འདི་ཉིད་ཡོན་ཏན་ཆ་ཚང་བར་བཤད་པ་ཡིན་ནམ་ཞེ་ན། དེ་ལྟར་བསྟོད་པ་བྱས་པ་འདི་ནི་བླ་མའི་རྣམ་ཐར་ཐུན་མོང་དང་…

ཞེས་གསུངས་ཏེ་གོ་སླ་བའི་དབང་དུ་བྱས་ནས་མ་སྤྲོས་སོ། །སྨྲས་པ། ཡབ་རྗེའི་དགོངས་པ་ཟབ་མོའི་སྤྲིན་གྱི་ཀློང༌། །འགྲེལ་བྱེད་སྙན་པའི་འབྲུག་སྒྲ་རོལ་བ་ཡིས། །དགའ་དད་གར་གྱིས་རྩེན་པའི་མདོངས་མཐའ་མ། །རྣམ་གྲོལ་གཏོས་བཟང་འཛིན་པའི་སྒེག་གྱུར་ཅིག །ཅེས་པ་འདི་ནི་རྡོར་ཞར་ངག་དབང་ཆོས་འཛིན་སོགས་དོན་གཉེར་ཅན་འགའ་ཞིག་གི་མོས་ངོར། ཆོས་…

བཀའ་གདམས་གོང་མའི་རྣམ་ཐར་དང་འབྲེལ་བའི་ཀུན་བཟང་ འཁོར་ལོ་སོགས་ཀུན་འཁོར་སྣ་ཚོགས་ཀྱི་སྐོར་ངོ་མཚར་འཕྲུལ་གྱི་ལེགས་བཤད་ཅེས་བྱ་བ་བཞུགས་སོ། །

ལེགས་བཤད་འོད་བརྒྱས་ཐུབ་བསྟན་ཉིན་མོར་བྱེད། །རིན་ཆེན་སེམས་ཀྱིས་འགྲོ་ཀུན་བུ་བཞིན་དགོངས། །འཛམ་གླིང་ཀུན་ན་མཚུངས་པའི་ཟླ་མེད་པ། །ཇོ་བོ་ཨ་ཏི་ཤ་ལ་གུས་ཕྱག་འཚལ། །སྤྱན་རས་གཟིགས་དབང་ཐུགས་རྗེའི་ཟློས་གར་གྱིས། །བོད་ཡུལ་མུན་གླིང་དཀར་པོར་བསྒྱུར་མཛད་ཅིང་། །ཁྱད་པར་བཀའ་གདམས་གཙང་མའི་སྲོལ་འབྱེད་པ། །རྒྱལ་བའི་འབྱུང་གནས་སྙིང…