ཅིང་འབྲེལ་བར་བྱུང་གསུངས་པའི། །ཐུབ་དབང་དེ་ལ་བདག་ཕྱག་འཚལ། །ཞེས་དང༌། རྗེ་བླ་མས། གང་ཞིག་གཟིགས་ཤིང་གསུངས་པ་ཡི། །མཁྱེན་དང་སྟོན་པ་བླ་ན་མེད། །ཅེས་དོན་གང་ཞིག་གཟིགས་པ་མཐར་ཕྱིན་པའི་སྟོབས་ཀྱིས་ཤེས་བྱ་མཐའ་དག་ལ་ཡེ་ཤེས་ཀྱི་སྣང་བ་རྒྱས་ཤིང༌། རྨོངས་པའི་མུན་པ་རྩད་ནས་ཕྱུང་བའི་རང་དོན་སྤངས་རྟོགས་ཕུན་ཚོགས་དང༌། གཟུགས་སྐུ་ག…

གྱི་སངས་རྒྱས་ཐམས་ཅད་ཀྱི་གསང་བ་གསུམ་གྱི་ཡོན་ཏན་མ་ལུས་པ་གསང་སྔགས་ཀྱི་ལམ་བཟང་འདི་ཉིད་ཉམས་སུ་བཞེས་པའི་ལག་རྗེས་ཤ་སྟག་ཡིན་ཏེ། རྣམ་སྣང་མངོན་བྱང་ལས། སྐུ་གསུང་ཐུགས་ཀྱི་རྡོ་རྗེ་ཅན། །དུས་གསུམ་འབྱུང་བའི་སངས་རྒྱས་རྣམས། །རྡོ་རྗེ་སྔགས་ཀྱི་མཐུ་ཡིས་ནི། །ཡེ་ཤེས་མཉམ་མེད་ཡང་དག་བརྙེས། །གང་གི་ཤཱཀྱ་སེང་གེ་སོགས། །མཆོག་རྣམས…

སྟོབས་ཁོ་ན་ལས་སྐྱེ་དགོས་པས་ན། ཚད་མ་རྣམ་འགྲེལ་ལས། མ་སྐྱེས་པ་ནི་བཟློག་དོན་དུ། །གྱུར་པ་ཉིད་གསུངས་དེ་ཡི་ཕྱིར། །ཞེས་འདོམས་པར་མཛད་དོ། །དེ་ལྟར་སྔགས་ལ་མ་བརྟེན་པར་སངས་རྒྱ་བ་མི་སྲིད་པར་བཤད་པ་ན། ཁ་ཅིག་མདོ་ལུགས་ཀྱི་ལམ་དེ་སངས་རྒྱས་ཀྱི་སར་བགྲོད་པའི་ལམ་གཏན་ནས་མ་ཡིན་པར་གོ་སྟེ་ཆོས་སྤོང་གི་ལས་ཚན་པོ་ཆེ་གསོག་ཅིང་། གཞན་…

གསུངས་ཀྱང་། འདུས་པ་ལུགས་གཉིས་སུ་གསལ་བར་མཛད་དེ། སྤྱོད་བསྡུས་ལས། རིམ་པ་འདི་ཉིད་ཀྱིས་བཅོམ་ལྡན་འདས་དཔལ་ཤཱཀྱ་ཐུབ་པ་ལ་དེ་བཞིན་གཤེགས་པ་ཐམས་ཅད་ཀྱིས་སེ་གོལ་གྱི་སྒྲས་བསྐུལ་བར་གྱུར་པས་མི་གཡོ་བའི་ཏིང་ངེ་འཛིན་ལས་བཞེངས་ཏེ། བྱང་ཆུབ་ཀྱི་ཤིང་དྲུང་དུ་བཞུགས་ནས་ནམ་ཕྱེད་ཀྱི་དུས་སུ་འོད་གསལ་མངོན་དུ་མཛད་དེ་སྒྱུ་མ་ལྟ་བུའི་ཏ…

ནི། །རྡོ་རྗེ་སྙིང་པོ་དབང་སྦྱིན་ཕྱིར། །ཐིག་ལེ་མཆོག་ནི་བཀུག་པ་ཉིད། །ཅེས་པའི་དགོངས་པ་ཡང་ཡིན་ལ། འདིར་བདག་ཅག་གི་སྟོན་པ་ནི་མཚན་གཞི་སྨོས་པ་ཙམ་ཡིན་པས་ས་བཅུ་པ་ནས་སྔགས་ལ་འཇུག་པ་ཐམས་ཅད་དེ་དང་འདྲའོ། །དེ་ལྟར་ན་རིགས་ངེས་པ་དང་མ་ངེས་པ་ཐམས་ཅད་འབྲས་བུ་ཟུང་འཇུག་སྐུ་བཞིའི་གོ་འཕང་དེར་བགྲོད་པ་ལ་མེད་མི་རུང་དུ་སྔགས་ལ་བརྟེན…

མར་གྱུར་པ་འགྲོ་ལ་ཕན་བཞེད་པ། །སྟོན་པ་བདེ་གཤེགས་སྐྱོབ་ལ་ཕྱག་འཚལ། ཞེས་པའི་ཚིག་རྐང་པ་གཉིས་ཀྱི་དོན་དཔལ་ཆོས་ཀྱི་གྲགས་པས་ལུགས་འབྱུང་ལྡོག་གི་སྒོ་ནས་རྒྱས་པར་གཏན་ལ་ཕབ་པས་ཐར་འདོད་ཡོངས་ཀྱི་ཐར་ལམ་ལྟ་བའི་བློ་མིག་གསལ་བར་ཕྱེ་བ་ལྟ་བུ་ཡིན་ཏེ། སྐྱེས་རབས་ལས་ཀྱང༌། བདེ་བར་གཤེགས་གྱུར་ལམ་རྣམས་གང་ཡིན་བསྟན་པར་འགྱུར། །ཞེས་གསུ…

དེ་བྱེ་བ་ཕྲག་བརྒྱ་ལ་རབ་འབྱམས་ཀྱི་རྒྱུད་བར་མ། དེ་བྱེ་བ་ཕྲག་བརྒྱ་ལ་མེ་ཏོག་གི་གཞིའི་སྙིང་པོས་བརྒྱན་པའོ། །ཞེས་བཤད་ཅིང༌། དེ་ཐམས་ཅད་རྣམ་སྣང་ཐུབ་པ་གངས་ཅན་མཚོའི་ཕྱག་མཐིལ་གྱི་རྡུལ་ཕྲ་རབ་གཅིག་ལ་གནས་པར་ཕལ་བོ་ཆེ་ལས་བཤད་དོ། །དེས་མཚོན་ཏེ་སྐུའི་རྡུལ་ཕྲ་རབ་མཐའ་དག་ལ་དེ་ལྟར་གནས་ཤིང༌། དེ་ཐམས་ཅད་གཅིག་ཏུ་བསྡོམས་པ་ལ་རབ་འ…

ལ་བཤད་དུ་རུང་ཞིང༌། དེ་ལྟར་ན་དོན་གྱི་སྐབས་སུ་དཔག་ཏུ་མེད་པའི་འཕྲིན་ལས་དང་སྤྲུལ་བའི་བཀོད་པ་ཕྱོགས་བཅུའི་ཞིང་ཁམས་ཀུན་ཏུ་ཁྱབ་པར་སྤྲོ་བ་དང༌། ཞིང་སོ་སོའི་གདུལ་བྱའི་དོན་ཟིན་ནས་སྤྲུལ་བ་ཚུར་སྡུད་པ་སོགས་རྒྱལ་པོ་ཆེན་པོའི་ཕོ་ཉ་མང་པོའི་འགྲོ་འོང་གོ་མཚམས་མེད་པར་རུ་འཛིངས་པ་ལྟ་བུ་ལ་སྦྱར་དུ་རུང་ངོ༌། །འདིར་འཕྲིན་ལས་འཕྲོ…

ཕྱོགས་ལ་ཕྱོགས་བདག་གི་ཆ་ནས་ཆུ་ལྷའི་ཕྱོགས་ཞེས་གྲགས་ཀྱང༌། ལས་བཞིའི་ནང་ནས་དབང་གི་ཕྱོགས་ཡིན་པས་དེའི་ངོགས་སུ་ཕྱོགས་པ་ཞེས་ཚིག་གི་ནུས་པ་འདོན་དགོས་སོ། །དེར་མ་ཟད་ལྷུན་པོའི་ནུབ་ཕྱོགས་ཀྱི་ངོས་བཞིན་ཞེས་བརྗོད་ན་གོ་བདེ་བ་ལྟར་འབྱུང་ཡང༌། འདིར་དེའི་ངོགས་སུ་ཕྱོགས་པའི་ལྷུན་པོ་ཞེས་གསུངས་པའི་དགོས་པ་ཡང་བ་ལང་སྤྱོད་ནས་བལྟས་…

ཡིན་པ་ལ་རྣམ་པ་གཟུགས་སྐུར་ཤར་བ་མདོ་ལུགས་ལ་མེད་དོ། །དེའི་རྒྱུ་མཚན་ཡང་ལམ་དུས་ན་སྟོང་ཉིད་བསྒོམ་པའི་ཚེ་གཉིས་སྣང་གི་སྤྲོས་པ་མཐའ་དག་བཀག་སྟེ། དགག་བྱ་བཅད་ཙམ་གྱི་སྟོང་པ་ཁོ་ནར་ཆིག་དྲིལ་དུ་དམིགས་པ་མ་གཏོགས་ལྷའི་རྣལ་འབྱོར་དང་ཟུང་འབྲེལ་དུ་བྱེད་པ་མེད་པའི་དབང་གིས་ཡིན་ལ། སྔགས་ཀྱི་སྐབས་སུ་སྟོང་ཉིད་བསྒོམ་པའི་ཚེ་ཡང་ངེས་…

མདངས་ལས་གྲུབ་པའི་སྣང་བ་ཙམ་མ་གཏོགས་ཐ་མལ་པའི་སྣོད་བཅུད་དང་གཟུགས་ཕུང་ལྟ་བུ་གདོས་བཅས་ལོགས་སུ་གྲུབ་པ་མེད་པ་ནི། སྒྱུ་མ་སྤྲུལ་བའི་ཚེ་རྟ་གླང་དངོས་གནས་སུ་མེད་ཀྱང་སྔགས་ཀྱི་ནུས་པས་དེ་དག་གི་སྣང་བ་འབྱུང་བ་དང་འདྲའོ། །དེ་ལྟར་ན་སྒྲིབ་པ་མཐའ་དག་ཟད་དེ་ཡང་དག་པའི་མཐའ་མངོན་དུ་བྱས་པའི་ཐུགས་ཀྱི་ཡོན་ཏན་དང༌། དེའི་ཐབས་ཀྱི་གཙོ…

ལ་བསྟོད་པ། ཐུན་མོང་དུ་བསྟོད་པ་དང་བཞི། དང་པོ་ལ་སྤྱིའི་དོན་དང༌། ཡན་ལག་གི་དོན་གཉིས། དང་པོ་ནི་འདིར་ལྷག་པའི་ལྷའི་སྐུ་གསུང་ཐུགས་ཀྱི་ཡོན་ཏན་ཐམས་ཅད་ཀྱང་སྔགས་ལམ་ལ་བསླབ་པའི་འབྲས་བུར་གསུངས་པ་དེ་ལམ་གོང་འོག་ཐམས་ཅད་ཀྱི་འབྲས་བུར་ཁྱད་མེད་དུ་བཞག་པ་ཡིན་ནམ། རང་རང་འགྲུབ་བྱེད་ཀྱི་ལམ་ཐུན་མོང་མ་ཡིན་པ་སོ་སོའི་འབྲས་བུར་བཞག་…

གྱུར་པའི་ཐབས་བླ་ན་མེད་པ་ཡོད་པས་ཕར་ཕྱིན་ཐེག་པ་ལས་ལོགས་སུ་སྔགས་ཀྱི་ཐེག་པ་ཕྱེ་བ་ཡིན་ཏེ། ཐེག་པ་གོང་འོག་ཐམས་ཅད་ཤེས་རབ་ཀྱི་ཆས་མི་འབྱེད་པར་ཐབས་ཀྱི་ཆ་ནས་འབྱེད་པའི་ཕྱིར། རྡོ་རྗེ་གུར་ལས། སངས་རྒྱས་ང་རྒྱལ་རྣལ་འབྱོར་གྱིས། །སངས་རྒྱས་ཉིད་ཡུན་རིང་མི་འགྱུར། །སྟོན་པ་སུམ་ཅུ་རྩ་གཉིས་མཚན། །མངའ་བདག་དཔེ་བྱད་བརྒྱད་ཅུར་ལྡན།…

དགག་པའི་ཕྱིར་སངས་རྒྱས་འགྲུབ་པ་ལ་རྫོགས་རིམ་གྱིས་ཆོག་མོད། བསྐྱེད་རིམ་ཅི་ལ་དགོས་ཞེས་དོགས་པ་ཞུས་པའི་ལན་དུ་བཅོམ་ལྡན་འདས་ཀྱིས། ཨེ་མ་བྱང་ཆུབ་སེམས་དཔའ་ཆེ། །དད་པའི་ཤུགས་ཀྱིས་རབ་ཏུ་ཉམས། །ལུས་ཀྱི་དངོས་མེད་ག་ལ་བདེ། །བདེ་བ་སྨྲ་བར་མི་ནུས་སོ། །ཁྱབ་དང་ཁྱབ་བྱེད་ཚུལ་གྱི་ནི། །བདེ་བས་འགྲོ་བ་ཁྱབ་པ་ཉིད། །ཇི་ལྟར་མེ་ཏོག་ལ་…

དེར་མ་ཟད་རྒྱུད་སྡེ་འོག་མ་གསུམ་ལ་རྫོགས་རིམ་མེད་ཅིང་ལྷའི་རྣལ་འབྱོར་སོགས་སངས་རྒྱས་ཀྱི་རྒྱུ་མ་ཡིན་པས་ཕར་ཕྱིན་ཐེག་པ་དང་མི་འདྲ་བའི་ཁྱད་པར་གང་ཡོད་ནང་པའི་ཆོས་མ་ཡིན་པར་འགྱུར་ལ། བྱེ་སྨྲ་བཞིན་གཟུགས་སྐུ་ཡང་སངས་རྒྱས་མ་ཡིན་པར་འདོད་དགོས་པས་བེམ་རིག་རྒྱུན་ཆད་ཁས་བླངས་ཏེ་ཁ་སྦྱོར་ཡན་ལག་བདུན་ལྡན་གྱི་ཟུང་འཇུག་གི་སྐུ་ཡང་མ…

ཀྱིས་ལམ་འབྲས་སུ་གསུངས་པ་ལ་རྗེ་བདག་ཉིད་ཆེན་པོས་བསྔགས་བརྗོད་ཤིན་ཏུ་ཆེ་བར་མཛད་དོ། །ཡང་ཁ་ཅིག །བདེ་དགྱེས་ལྟ་བུ་དཀྱིལ་འཁོར་གྱི་གཙོ་བོ་རྣམས་ལ་རིམ་གཉིས་ཀྱི་འབྲས་བུ་དེ་ལྟར་འབྱུང་ཡང༌། དེ་འདི་ལྟ་བུའི་ལྷ་བྱེ་བྲག་པ་ཐམས་ཅད་ལ་སྦྱོར་མི་རུང་སྙམ་ན། དེ་ལྟར་དོགས་པ་འབྱུང་ཉེན་ཆེ་བས་དཔྱད་དགོས་ཏེ། བརྟག་གཉིས་ལས། རྡོ་རྗེ་སྙི…

ནས། རྫོགས་རིམ་གྱི་རྟོགས་པ་རྫོགས་པར་སྐྱེད་པའི་རྒྱུད་སྨིན་བྱེད་དུ་འགྲོ་བའི་བསྐྱེད་རིམ་ལ་བདག་མེད་མ་དང༌། ཧེ་རུ་ཀས་གཙོ་བྱས་པའི་དཀྱིལ་འཁོར་གྱི་འཁོར་ལོ་གཙོ་བོ་ཡིན་པ་ལ་དགོངས་ནས་དེ་གཉིས་གསུངས་ཀྱང༌། ཞེས་དང༌། སྒམ་པོ་མངྒ་ལའི་ཊཱིཀྐར། འདིར་ཁ་ཅིག་ཕྱག་བཅུ་དྲུག་པ་མིན་པའི་ཧེ་རུ་ཀ་དང༌། ཀུ་རུ་ཀུལླེ་སོགས་ཀྱིས་མཆོག་སྒྲུབ…

ཟད་གུར་གྱི་བཅུ་བཞི་པ་ལས། ཐ་མལ་རྣམ་པ་གཞོམ་དོན་དུ། །ཡང་དག་བསྒོམ་པ་རབ་བསྒྲགས་ཀྱི། །ཞེས་དང༌། སྤྱོད་བསྡུས་ལས། འདི་ལྟར་ཕུང་པོ་དང༌། ཁམས་དང༌། སྐྱེ་མཆེད་རྣམས་ཀྱི་ཐོག་མ་མེད་པ་ནས་ཐ་མལ་པའི་ང་རྒྱལ་གྱིས་གནས་པ་རྣམས་ནི། འདི་ལྟར་དེ་བཞིན་གཤེགས་པ་ཐམས་ཅད་ཀྱི་རྡུལ་ཕྲ་རབ་ལས་སྒྲུབ་པའི་ངོ་བོ་ཉིད་དུ་བསྟན་ཏེ། ཞེས་སྤང་བྱ་ཐ་མལ…

གནད་ཆད་ལྷག་ཏུ་གྱུར་ཏེ་བོགས་མི་ཐོན་པས་རྗེ་བཙུན་འཇམ་པའི་དབྱངས་ཀྱིས་རྗེ་བླ་མ་ལ་གདམས་པའི་ཚེ། ངོ་བོ་མ་ནོར་བ། གྲངས་མ་ཆད་པ། གོ་རིམ་མ་འཆོལ་བ། ཞེས་ནན་ཏན་དུ་གསུངས་ཤིང༌། རྒྱལ་བ་བྱམས་པས་ཀྱང༌། དེ་རབ་དེ་ཡི་གོ་རིམ། ཞེས་སོགས་གསུངས་པ་དང༌། སྒོམ་རིམ་ལས་ཀྱང་ཚང་ལ་མ་ནོར་བ་དགོས་ཚུལ་དཔེ་དང་བཅས་ཏེ་རྒྱས་པར་གསུངས་པ་ལམ་རིམ་ཆེན…

ལ་གཙོ་བོ་ཡབ་ཡུམ་དཀྱིལ་འཁོར་རྒྱལ་མཆོག་གི་ལྷ་དང་བཅས་པ་རེ་རེ་བཞིན་ཡན་ལག་བཞི་བཞི་ཚང་བར་སྦྱོར་ཚུལ་ཞིག་མཛད་དེ་འོག་ཏུ་འཆད་དོ། །དགྲ་ནག་ལས། དང་པོར་བསྒོམ་པ་རྣལ་འབྱོར་ཏེ། །གཉིས་པ་རྗེས་སུ་རྣལ་འབྱོར་ཡིན། །གསུམ་པ་ཤིན་ཏུ་རྣལ་འབྱོར་ཏེ། །བཞི་པ་རྣལ་འབྱོར་ཆེན་པོ་འོ། །ཞེས་རྒྱུ་རྡོ་རྗེ་འཛིན་པ་བསྐྱེད་པ་རྣལ་འབྱོར། འབྲས་བུ…