སྐལ་བ་དང་འཚམ་པར་བདེ་བླག་ཏུ་སྩོལ་བར་མཛད་པ་ཡང༌། སྔོན་དེ་དང་དེའི་རྒྱུ་མཐུན་པའི་ལམ་གྱི་དབྱེ་བ་སྤྱི་དང༌། ཁྱད་པར་ལས་རྒྱལ་མཆོག་གི་ཏིང་ངེ་འཛིན་ལ་གོམས་པ་ཡོངས་སུ་རྫོགས་པར་མཛད་པའི་ལག་རྗེས་ཡིན་པས། ཚུལ་དེ་ལྟར་དུ་བསམ་ན་འཕགས་མའི་ནུས་མཐུ་ལ་ཡིད་ཆེས་དང༌། སྔོན་སློབ་པའི་གནས་སྐབས་ནས་བཟུང་སྟེ་འགྲོ་བའི་མགོན་སྐྱབས་འདི་ལྟར་…

ཏེ། ད་ལྟ་གཞུང་སྤྱིའི་གོ་བ་ཕྱོགས་འགྲོ་ཙམ་ཡང་མ་ཆགས་པར་གཞན་གྱི་ཟེར་ཟློས་དང༌། པདྨ་བུང་བ་ན་ཆུང་སོགས་དཔེ་སླ་བ་རེ་གཉིས་དང་སྦྱར་ནས་གྲོང་པའི་གླུ་ངག་འདྲ་བའི་ཚིགས་བཅད་དམ་དུམ་རེ་བསྒྲིགས་པ་ལ་སྔོན་མེད་ཀྱི་ལེགས་བཤད་སྤེལ་བའི་མཁས་པ་ཆེན་པོའི་གོ་འཕང་ཐོབ་པ་ལྟ་བུའི་མངོན་རློམ་འཆང་བ་རྣམས་ཀྱིས་གནད་འདི་གོ་བར་བྱས་ནས་སྣག་ཤོག་…

པའི་བྱེད་པ་ཤུགས་ཀྱིས་བསྟན་ནོ། །དང་པོ་སངས་རྒྱས་ཀྱི་གསུང་འབྱུང་བའི་གནས་ཀྱང་མགྲིན་པ་ལོངས་སྤྱོད་ཀྱི་འཁོར་ལོ་ཞེས་ཆོས་ཀྱི་དགའ་སྟོན་འབྱུང་བའི་གཞི་དང༌། གསུང་རྡོ་རྗེའི་གནས་ཀྱི་གཙོ་བོ་སྨོས་པ་ཙམ་ལས། མཐའ་གཅིག་ཏུ་མགྲིན་པ་ཁོ་ན་ལས་འབྱུང་དགོས་པ་ཡང་མ་ཡིན་ཏེ། གསང་བ་བསམ་གྱིས་མི་ཁྱབ་པའི་མདོ་ལས། དེ་བཞིན་གཤེགས་པའི་གསུང་ག…

པ་ཡིན། །ཞེས་གསུངས་པ་ལྟར་སངས་རྒྱས་ཀྱི་མཛད་པ་འཕྲིན་ལས་ཐམས་ཅད་དང༌། ཁྱད་པར་དུ་མཛད་པའི་མཆོག་གསུང་གི་མཛད་པ་ནི་འཁོར་བ་མ་སྟོངས་བར་དུ་རྒྱུན་མི་འཆད་པར་འཇུག་སྟེ། བསྟོད་སྤྲིན་རྒྱ་མཚོ་ལས། ཁྱོད་ཀྱི་གསུང་དབྱངས་དབྱངས་ཀྱི་ང་རོའི་དཀྱིལ་འཁོར་འཁོར་བ་སྲིད་དུ་རྒྱུན་ཆགས་པ། །ཞེས་གསུངས་པ་ལྟར་རོ། །ངོ་བོའི་ཁྱད་པར་ནི་འདིར་ཡན་ལ…

ངེས་ལེགས་བྱང་ཆུབ་ཀྱི་ལམ་ལ་སྦྱར་ནས་མཐའ་དག་གི་དོན་མཛད་ཚུལ། རྒྱུད་བླ་མ་ལས། ལྷ་རྣམས་ཐམས་ཅད་ཡང་ནས་ཡང༌། །ཆོས་ཀྱི་རྔས་ནི་སྐུལ་བྱེད་ལྟར། །དེ་བཞིན་ཁྱབ་བདག་འབད་སོགས་དང༌། །བྲལ་ཡང་འགྲོ་བ་མ་ལུས་པ། །སངས་རྒྱས་གསུང་གིས་ཁྱབ་མཛད་དེ། །སྐལ་ལྡན་རྣམས་ལ་ཆོས་སྟོན་ཏོ། །ཞེས་གསུངས་པ་ལྟར་རོ། །ཡང་ཁ་ཅིག་འདི་སྙམ་དུ། འགྲོ་བ་ཐམས་ཅད…

མོང་མ་ཡིན་པའི་དབང་དུ་བྱས་ནས་བསྟོད་པ་ལ། མདོར་བསྟན་རྒྱས་བཤད་གཉིས། དང་པོ་ནི། སྙན་འཇེབས་ཕཻཾ་ཀ་ར་ཡི་སྒྲ་སྐད་ཀྱིས། །ཁམས་གསུམ་མ་ལུས་མཁའ་འགྲོར་བཅས་ཏེ་བསྡུ། །ཞེས་བྱུང༌། འདི་ལ་ཐོག་མར་དོགས་པའི་གནས་འདི་ཡོད་དེ། ཕཻཾ་གྱི་སྒྲ་སྒྲོག་པ་དང༌། མཁའ་འགྲོ་དབང་དུ་སྡུད་པ་ནི་གསུང་གི་ཡོན་ཏན་གྱི་ཆ་ཤས་གཅིག་ཡིན་པས། དེ་ལྷག་མ་ཐམས་ཅ…

བྱེད་པ་ལའོ། །ཞེས་པ་ལྟར་སྔ་མའི་མཇུག་ཏུ་བྱེད་ཚིག་སྦྱར་བ་ཡིན་ཏེ། ༸རྒྱལ་དབང་བདུན་པའི་འཇིགས་བྱེད་བསྐྱེད་རིམ་ལས། སྲིན་ཞལ་ནས་ཕེཾ་ཀ་ར་སྟེ། ཕེཾ་མཁའ་འགྲོ་འབོད་པ། ཀ་ར་བྱེད་པ་སྟེ་མཁའ་འགྲོ་དབང་དུ་བྱེད་པའི་ཕེཾ་ཀ་རའི་སྒྲ་འབྲུག་ལྟར་སྒྲོག་པ། ཞེས་སོ། །སྲིན་ཞལ་དམིགས་ཀྱིས་བཀར་བ་ནི་སྐྱེ་འགྲོ་དབང་དུ་བྱེད་པ་སོགས་ཐུན་མོང་བ…

སྡུད་ནུས་ལ། མཆོག་གི་དངོས་གྲུབ་ཀྱང་དེ་དག་གིས་ཕོ་ཉའི་ལམ་གྱི་གྲོགས་བྱས་པ་ལ་བརྟེན་ནས་དུས་ཤིན་ཏུ་མྱུར་བར་བདེ་བླག་ཏུ་བགྲོད་ནུས་པའི་ཚུལ། བདེ་མཆོག་རྩ་རྒྱུད་ལས། དཔའ་བོ་གཉིས་མེད་རྣལ་འབྱོར་མ། །དེ་ཀུན་འདོད་པའི་གཟུགས་ཅན་ཏེ། །ཡིད་ཀྱི་ཤུགས་ཀྱིས་འཇུག་པ་ཡིན། །ཞེས་དང༌། སྡོམ་འབྱུང་ལས། སྙིང་པོའི་ཕྱག་རྒྱ་སོགས་ལ་བསྐོར། །…

པར་ནུས་ཤིང་དེ་ལ་བརྟེན་ནས་མཆོག་ཐུན་མོང་གི་དངོས་གྲུབ་ཐམས་ཅད་བདེ་བླག་ཏུ་འགྲུབ་པར་འགྱུར་ལ། དེའི་རྩ་བ་ཡང་རྗེ་བཙུན་མ་རང་ཉིད་ཀྱིས་སྔོན་སློབ་པའི་གནས་སྐབས་ན་རྣལ་འབྱོར་མ་རྒྱུད་ཀྱི་ཟབ་གནད་ཕོ་ཉ་གསུམ་དབྱེར་མེད་དུ་བསྲེ་བའི་ལམ་ལ་གོམས་པ་མཐར་ཕྱིན་པའི་དབང་གིས་ཡིན་པས། རྒྱུ་དང་འབྲས་བུའི་ཚུལ་མཐའ་དག་ནས་བསམས་ཏེ་དང་བ་བསྐྱེ…

ཚོམས་བཅོ་བརྒྱད་དུ་བསྡུས་ནས་བསྟན་པ་ལྟ་བུ་སྟེ། འདི་ཡང་མིང་གི་འདོགས་ཚུལ་ཙམ་ལས། དོན་ལམ་ཐུན་མོང་བས་རྒྱུད་སྦྱངས་ཤིང༌། དེ་ནས་སྔགས་ལ་ཞུགས་ཏེ་རིམ་གཉིས་ལ་སློབ་པར་གསུངས་པ་དང་གནད་གཅིག་གོ །འདིར་མན་ངག་ནི་ཨུ་པ་དེ་ཤ་ཞེས་པ་དྲང་ཐད་དུ་བསྒྱུར་ན། ཉེ་བར་རྟོགས་པར་བྱེད་པ་སྟེ་དོན་ཟབ་ཅིང་རྒྱ་ཆེ་བ་རྣམས་ཚིག་ཉུང་ངུས་གོ་བར་བྱེད་…

རྒྱུད་ཀུན་གྱི་ནི་དོན་བསྡུས་པ། །སྟོང་ཉིད་སྙིང་རྗེ་མི་ཕྱེད་པ། །ཞེས་དང༌། བདེ་མཆོག་འབྱུང་བ་ལས། གསང་བ་སངས་རྒྱས་ཐམས་ཅད་ཀྱི། །འདུས་པ་སྡོམ་པ་དག་གི་མཆོག །ཅེས་གསུངས་པ་ལྟར་ཡིན་པས། འདིར་ཡང༌། ལྷན་སྐྱེས་བདེ་ཆེན་སྟོང་ཉིད་མཉམ་སྦྱོར་བ། །དགའ་བའི་རོ་ལ་ཀུན་ནས་སྦྱོར་བར་མཛད། །ཅེས་གསུངས་སོ། །འདི་ནི་ཤིན་ཏུ་རྟོགས་པར་དཀའ་ཞིང…

སངས་རྒྱས་མགོན་པོས་རྣམ་པར་བཞག །ཅེས་དང༌། མན་ངག་སྙེ་མ་ལས། འོ་ན་བསམ་གཏན་དང་པོ་ཐོབ་པ་རྣམས་ཀྱང་འཁོར་ལོས་བསྒྱུར་བ་རྣམས་བཞིན་དུ་བདེ་བ་ཉེ་བར་བསྟེན་པ་ཡིན་ན། བདག་མེད་པ་ཉིད་གཉིས་ཀ་རབ་ཏུ་རྟོགས་པ་ན་ལྟ་ཅི་སྨོས། དེ་ལྟར་ནི་རབ་ཏུ་དགའ་བ་ལྷག་པ་ཉིད་ལས་ས་དང་པོ་རབ་ཏུ་དགའ་བ་ཞེས་བྱ་བར་བརྗོད་པར་བྱས་པས་སོ་ཞེ་ན་བདེན་ཏེ། འདི་ལྷ…

མཁས་འདི་འདྲ་བ་མེད་པའི་རྒྱུ་མཚན་གྱིས་ཡིན་ཏེ། མདོ་ལུགས་ཀྱི་ཐབས་ཤེས་ཟུང་དུ་འབྲེལ་ཚུལ་ནི། བློ་ངོ་བོ་ཐ་དད་པ་གཉིས་གཅིག་གིས་གཅིག་རྩིས་ཟིན་པར་བྱེད་པ་ཙམ་ཡིན་ལ། སྔགས་ལུགས་ཀྱི་ཐབས་སྙིང་རྗེའམ་བདེ་བ་ཆེན་པོ་དང༌། ཤེས་རབ་སྟོང་ཉིད་རྟོགས་པ་གཉིས་སྒྲོན་མེ་དང་དེའི་འོད་བཞིན་སེམས་གཅིག་ལ་ལྡོག་ཆ་ཙམ་གྱིས་སོ་སོར་བཞག་པ་ཡིན་པས་…

ཨེ་ཝཾ་ཟུང་འཇུག་གི་གོ་འཕང་འགྲུབ་པའི་ཐབས་མེད་པས་དེ་གཉིས་སྦྱོར་བ་ཤིན་ཏུ་གལ་ཆེ་ཡང༌། དེ་དག་སོ་སོའི་ངོ་བོ་ངོས་ཟིན་པ་དང་སྦྱོར་ཤེས་པ་ཤིན་ཏུ་དཀོན་ཏེ། ས་ར་ཧས། སྙིང་རྗེ་དང་བྲལ་སྟོང་པ་ཉིད་ཞུགས་པ། །དེས་ནི་ལམ་མཆོག་རྙེད་པ་མ་ཡིན་ནོ། །འོན་ཏེ་སྙིང་རྗེ་འབའ་ཞིག་བསྒོམ་ན་ཡང༌། །འཁོར་བ་འདིར་གནས་ཐར་པ་ཐོབ་མི་འགྱུར། །གང་ཡང་གཉ…

གནས། །ཝཾ་གྱི་ཡི་གེ་འདྲ་བར་འདོད། །ཅེས་སྤྱི་བོ་དང་ལྟེ་བའི་རྩ་འཁོར་ཝརྟུ་ལའི་ཨེ་ཡིག་གི་རྣམ་པ་དབྱིབས་གྲུ་གསུམ། མགྲིན་པ་དང་སྙིང་གའི་རྩ་འཁོར་ཝཾ་ཡིག་གི་རྣམ་པ་དབྱིབས་ཟླུམ་པོ་ཅན་ཡིན་ལ། སྡོད་ལུགས་ཀྱང་སྤྱི་བོའི་རྩ་འཁོར་གདུགས་ཁ་སྦུབ་པ་བཞིན་ཐུར་དུ་བསྟན་པ་དང༌། མགྲིན་པའི་རྩ་འཁོར་གདུགས་བཀན་པ་ལྟ་བུ་ཁ་གྱེན་དུ་བསྟན་ཏེ་…

ལྟེ་བར་དགའ་བཞི་རིམ་གྱིས་བསྐྱེད་པའི་མཐར་ཐམས་ཅད་ཀྱང་ལྷན་སྐྱེས་ཀྱི་དགའ་བའི་ངོ་བོར་སྡོམ་པར་འགྱུར་ཞིང༌། དེ་འདྲ་བའི་འོད་གསལ་ལས་ལངས་པའི་སྒྱུ་མའི་སྐུ་དང་ལྷན་སྐྱེས་ཀྱི་བདེ་ཆེན་ངོ་བོ་དབྱེར་མེད་ཀྱི་སྐུ་དང་ཐུགས་སུ་སྡོམ་པ་ལས་སྐུ་གསུམ་དབྱེར་མེད་སྡོམ་པ་འགྲུབ་པས། རྡོ་རྗེ་ཐེག་པའི་ལམ་འབྲས་ཀྱི་གནད་ཡོངས་སུ་རྫོགས་པར་འགྱ…

སྒྲུབ་པར་མཚུངས་པས་རྫོགས་རིམ་གྱི་ལམ་གྱི་ལུས་སྤྱི་ཁོག་གནད་མཚུངས་ཀྱང༌། དང་པོ་སྒྲུབ་ཚུལ་ཅུང་ཟད་མི་འདྲ་བས་ས་བཅད་ལེན་ལུགས་དང་མིང་འདོགས་མི་འདྲ་བ་སོ་སོར་བྱུང་བ་ཡིན་ཏེ། སྔགས་རིམ་ལས། གསང་འདུས་གཉིས་དང་བདེ་དགྱེས་ཀྱི་རྫོགས་རིམ་ལ་མཐར་ཟུང་འཇུག་གི་ཡེ་ཤེས་ཀྱི་སྐུ་བསམ་གཏན་གཉིས་གང་རུང་གིས་སྣོད་བཅུད་འོད་གསལ་དུ་བསྡུས་ནས…

འདུས་པ་དང་གནད་མཚུངས་ཏེ། དེ་ཡང་བརྟག་པ་དང་པོའི་ལེའུ་དགུ་པར། ངེས་པར་དངོས་པོ་ཐམས་ཅད་ཀྱི། །དག་པ་དེ་བཞིན་ཉིད་དུ་བརྗོད། །ཅེས་དབྱེ་གཞི་དང༌། ཕྱི་ནས་རེ་རེའི་དབྱེ་བ་ཡིས། །ལྷ་རྣམས་ཀྱིས་ནི་བརྗོད་པར་བྱ། །ཞེས་ཕུང་སོགས་ལྷར་བསྒོམ་པ་སོ་སོའི་རྣམ་དག །ཡུལ་གྱི་དངོས་པོ་དག་པའི་ཕྱིར། །རང་གི་རིག་པའི་བདེ་བ་མཆོག །ཅེས་བདེ་བ་ཆེན…

ཀྱང་མང་དུ་གསུངས་ཏེ། རྫོགས་རིམ་དངོས་གྲུབ་སྙེ་མ་ལས། ལྟེ་བའི་ཧཱུཾ་ཡིག་གམ་ནཱ་ད་དཀར་དམར་ལས་ལྡང་འཇུག་གནས་གསུམ་གྱི་རྡོར་བཟླས་ཀྱི་རྣལ་འབྱོར་གྱིས་རླུང་དྷཱུ་ཏཱིར་བཙུད་པ་ལས་ལྷན་སྐྱེས་དང་སྒྱུ་མའི་སྐུ་བསྐྱེད་པ་ལཱུ་ཨི་པས་རྫོགས་རིམ་དུ་བཤད་པ་ནི་རྩ་རྒྱུད་དང༌། རྣལ་འབྱོར་མ་ཀུན་སྤྱོད་དང༌། མངོན་བརྗོད་དང༌། ཧེ་རུ་ཀ་མངོན་འབ…

མཁའ་འགྲོ་ལས། གནས་ཀྱི་མཐའ་ནི་དག་པར་བྱ། །ཞེས་པའི་དོན་བྷ་བ་བྷ་དྲས། གནས་ནི་ལུས་ཏེ། གཏུམ་མོའི་རྣལ་འབྱོར་བསྒོམ་པས་ལུས་དག་པ་སྟེ་སྦྱངས་པའོ། །ཞེས་ལུས་དག་བྱེད་དུ་གསུངས་པས་ལུས་དབེན་གྱི་དགོས་པ་འགྲུབ་ལ། མཁས་གྲུབ་རྗེའི་ཡིག་ཆུང་ལས་འདུས་པའི་ལུས་དབེན་ངག་དབེན་གྱི་དོད་མ་རྒྱུད་ཀྱི་གཏུམ་མོའི་རྣལ་འབྱོར་ཡིན་གསུངས་པ་དང༌། ས…