སེམས་ཅན་གྱི་ཁམས་བསམ་གྱིས་མི་ཁྱབ་པའི་དོན་དུ་བསྒྲུབས་པའི་སྟོབས་ཀྱིས་ཡིན་ཏེ། བློ་གྲོས་མི་ཟད་པའི་མདོ་ལས། མདོར་ན་སངས་རྒྱས་ཀྱི་ཆོས་ཐམས་ཅད་མི་ཟད་པ་སྟེ། བྱང་ཆུབ་ཀྱི་སེམས་ནི་དེ་དག་གི་རྩ་བར་སྐྱེས་པས་ན་མི་ཟད་པའོ། །དཀོན་མཆོག་གསུམ་གྱི་རིགས་རྒྱུན་མི་གཅོད་པས་མི་ཟད་པའོ། །སེམས་ཅན་གྱི་ཁམས་མི་ཟད་པས་ན་མི་ཟད་པའོ། །ཞེས་ས…

ཐམས་ཅད་ཀྱི་དགེ་བའི་རྒྱུ་ཡིན་པའི་ཕྱིར། ཞེས་སོ། །འཁོར་ལོའི་དོན་ལ་གཉིས་ལས། མཉམ་རྗེས་རེས་འཇོག་མེད་པར་ཆོས་ཉིད་ལ་རྩེ་གཅིག་ཏུ་མཉམ་པར་བཞག་བཞིན་དུ་གང་འཚམ་གྱིས་འགྲོ་བའི་དོན་མཛད་ཅིང༌། གཟུགས་སྐུ་སྣ་ཚོགས་ཆུ་ཟླ་ལྟར་སྟོན་བཞིན་དུ་ཆོས་ཀྱི་དབྱིངས་ལ་རྩེ་གཅིག་ཏུ་མཉམ་པར་འཇོག་པའི་སྐུ་ཐུགས་ཟུང་འཇུག་གི་སྟེང་ནས་འཁོར་ལོར་འཇོ…

བཤད་ཅིང་འདི་དང་ཡན་ལག་བདུན་གྱི་རྒྱུན་མི་འཆད་པ་དང༌། འགོག་པ་མེད་པའི་ཡན་ལག་དོན་གཅིག་གོ །དེ་བཞིན་དུ་ཁ་སྦྱོར་ཡན་ལག་བདུན་གྱིས་ཀྱང་ཟུང་འཇུག་རྒྱས་པར་བཤད་པ་ཡིན་ཏེ། ཡན་ལག་བདུན་ནི། ངག་གི་དབང་ཕྱུག་གྲགས་པས། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེས་ཡོངས་གང་རྒྱུན་མི་འཆད་དང་འགོག་པ་མེད། །ཅེས་དང༌། ས…

པ་འགོག་པ་མེད་པའི་ཡན་ལག་གཉིས་ཀྱིས་འཁོར་བ་མ་སྟོང་བར་དུ་བཞུགས་ཚུལ་དངོས་བསྟན་པ་ཡིན་ལ། སྙིང་རྗེས་ཡོངས་སུ་གང་བའི་ཡན་ལག་ནི། དེའི་རྒྱུའི་དབང་དུ་བྱས་པ་ཡིན་ཏེ། རྣམ་འགྲེལ་ལས། སྙིང་རྗེ་དམན་པ་ཉིད་ཕྱིར་ཡང་། །གནས་པའི་འབད་རྩོལ་ཆེན་པོ་མེད། །གང་དག་བརྩེ་བ་ཆེན་པོ་པ། །གཞན་གྱི་ངོར་ནི་བཞུགས་པ་ཡིན། །ཞེས་གསུངས་པ་ལྟར་རོ། །དེ…

མེད་དེ། སྐུ་དེ་སྒྲུབ་བྱེད་ཀྱི་རྣམ་པ་མཐུན་པའི་རྒྱུའི་གཙོ་བོ་ཕར་ཕྱིན་ཐེག་པར་མ་བཤད་ཅིང༌། ཁྱད་པར་དུ་བདག་གི་གདགས་གཞི་མཐར་ཐུག་པ་ཕྲ་བའི་རླུང་སེམས་དེ་ཉིད་བྱིན་གྱིས་བརླབས་ཏེ་ལྷ་སྐུར་བསྒྱུར་བས་ན་བདག་བྱིན་བརླབ་ཏུ་གྲགས་པའི་ལམ་གྱིས་བསྒྲུབས་པ་འཇའ་ལུས་རྡོ་རྗེ་སེམས་དཔའི་སྐུ་བདེ་བ་ཆེན་པོའི་རང་མདངས་དེ་ཉིད་སྐབས་འདིའི་…

གསུམ་སོ་སོ་ལ་སྦྱར་ཡང་དོན་འགལ་བ་མེད་དོ། །དེ་ལྟར་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པ་ཡན་ལག་བདུན་ལྡན་གྱི་བདག་ཉིད། ཐོབ་བྱ་དོན་གྱི་དབང་བཞི་པ། འབྲས་བུ་ཟུང་འཇུག་གི་སྐུ་ནི་སྐབས་འདིའི་བསྟོད་པའི་ཡུལ་ཡིན་ཞིང༌།བསྟོད་པ་བྱེད་ཚུལ་ནི། བདག་གི་ལུས་དང་ངག་ཡིད་རབ་གུས་པས། །ལེགས་པར་བསྟོད་ཀྱི།ཞེས་གསུངས་ཏེ། དེ་ཡང་བསྟོ…

འདེབས་པས་ཡན་ལག་དང་པོ་བཞི་དང༌། སྙིང་རྗེའི་སྒོ་ནས་དཀྱིལ་འཁོར་རྒྱལ་མཆོག་གི་ལྷ་སྤྲུལ་ཞིང༌། དེའི་རྒྱུན་ལ་རིང་དུ་གནས་ནས་མཆོད་བསྟོད་བཟླས་པ་སོགས་ལས་རྒྱལ་མཆོག་བྱེད་པས་ཡན་ལག་ཕྱི་མ་གསུམ་དང་རྣམ་པ་མཐུན་པའི་ཕྱིར། དེར་མ་ཟད་སྨིན་བྱེད་དབང་གི་དུས་ནས་ཀྱང་ཡན་ལག་བདུན་ལྡན་དེ་དང་རྣམ་པ་མཐུན་པ་ཙམ་འབྱུང་དགོས་ཏེ། དཀྱིལ་ཆོག་རྡ…

པ། ལྟ་བ་གང་ཡིན་པ། གྲུབ་མཐའ་གང་ཡིན་པ། འདའ་ཁ་མ་གང་ཡིན་པ། འབྲས་བུ་གང་ཡིན་པ་སྟེ་ལྔ་ལྔའམ། རྒྱས་པར་ཕྱེ་ན་བླ་མ་དང༌། དཀྱིལ་འཁོར་དང༌། དབང་དང༌། དྲི་མ་དང༌། དཔེ་དང༌། ཡོན་ཏན་དང༌། ལམ་དང༌། ལྟ་བ་དང༌། འདའ་ཁ་མ་དང༌། བར་དོ་དང༌། དམ་ཚིག་དང༌། བརྡ་དང༌། གྲུབ་མཐའ་དང༌། འགྲོས་དང༌། འབྲས་བུ་སྟེ་བཅོ་ལྔ་བཤད་ལ། ཕྱི་མ་རྣམས་སྦྱང་གཞི་…

ཞུས་པའི་མདོ་ལས། ཇི་ལྟར་རྒྱ་མཚོ་ཆེ་ནང་ཆུ་ཐིགས་ལྷུང༌། །རྒྱ་མཚོ་མ་ཟད་བར་དུ་དེ་མི་འཛད། །དེ་བཞིན་བྱང་ཆུབ་ཡོངས་བསྔོས་དགེ་བ་ཡང༌། །བྱང་ཆུབ་མ་ཐོབ་བར་དུ་དེ་མི་འཛད། །ཅེས་གསུངས་པ་སོགས་མདོ་དང་བསྟན་བཅོས་དུ་མ་ནས་དགེ་རྩ་མི་ཟད་ཅིང་འཕེལ་བའི་ཐབས་ཀྱི་མཆོག་ཏུ་གསུངས་ལ། ཁྱད་པར་ཤེར་ཕྱིན་གྱི་མདོ་སྡེ་རྣམས་སུ་སྦྱིན་སོགས་གང་ལ་…

མི་ཟད་པར་བྱེད་དོ། །སྨོན་ལམ་གྱིས་ནི་སྦྱིན་སོགས་བྱེད་པ་དང་མཐུན་པའི་སྐྱེ་བ་ཡོངས་སུ་འཛིན་པས་ཚེ་རབས་ཐམས་ཅད་དུ་སངས་རྒྱས་འབྱུང་བ་མཉེས་པར་བྱེད་ཅིང་སྦྱིན་སོགས་ཀྱི་བྱ་བ་ལ་རྟག་ཏུ་འཇུག་པ་འཐོབ་བོ། །ཞེས་བསྔོ་བས་སྔར་བྱས་ཀྱི་དགེ་བ་སྤེལ་བ་དང༌། སྨོན་ལམ་ནི་སླར་དགེ་བ་ལ་འཇུག་པའི་རྒྱུར་གསུངས་པ་ལྟ་བུ་རྣམ་གྲངས་ཐ་དད་ཀྱང་དོན…

འདི་ལ་བདེ་བླག་ཉིད་དུ་ཐོབ་པར་ཤོག་ཅིག་ཅེས་པ་སྟེ། སྟོབས་བཅུའི་རྣམ་གཞག་སོགས་མདོ་ཙམ་གོང་དུ་བརྗོད་ཟིན་པས་མ་སྤྲོས་སོ། །༈ གཉིས་པ་རྒྱས་པར་བཤད་པ་ལ། རང་དོན་ཕུན་ཚོགས་བྱང་ཆུབ་འཐོབ་པའི་རྒྱུར་བསྔོ་བ་དང༌། གཞན་དོན་ཕུན་ཚོགས་འཕྲིན་ལས་ལྷུན་གྱིས་འགྲུབ་པའི་རྒྱུར་བསྔོ་བ་གཉིས། དང་པོ་ནི། དཔལ་ལྡན་རིག་བྱེད་ལྷ་མོའི་བསྐྱེད་པའི་…

བསྐྱོད་པའོ། །རྣམ་སྣང་ངོ་སྙམ་པ་ལ་སོགས་པའི་ངེས་པའི་འཛིན་སྟངས་གོམས་པས་ཐ་མལ་གྱི་ང་རྒྱལ་བཟློག་པར་བྱའོ། །ཞེས་དང༌། ང་རྒྱལ་བསྒོམ་པ་ནི་གཙོ་བོ་ཡིན་ལ། ཐ་མལ་པའི་སྣང་བ་བཟློག་པའི་རྟེན་དང་བརྟེན་པའི་སྣང་བ་ཁྱད་པར་ཅན་བསྒོམ་པ་ནི་དེའི་ཡན་ལག་གོ །ཞེས་གསལ་སྣང་དང་ང་རྒྱལ་གཉིས་ནི་རིམ་པ་བཞིན་ཐ་མལ་གྱི་སྣང་བ་དང་ཞེན་པའི་གཉེན་པོ་…

ཞེས་གསུངས། ཡང་ན་འདིའི་རྣལ་འབྱོར་བསམ་གཏན་ཞེས་པ་བསྐྱེད་རིམ་གྱི་ལྷའི་རྣལ་འབྱོར་ཙམ་ལ་མི་བྱེད་པར། རྣལ་འབྱོར་དྲུག་གི་རྫོགས་རིམ་ལ་བྱས་ན་ལེགས་ཤིང༌། དེ་ལྟར་གཞིའི་སྐུ་གསུམ་ལམ་གྱི་སྐུ་གསུམ་གྱིས་སྦྱངས་ཏེ། འབྲས་བུའི་སྐུ་གསུམ་གྱི་གོ་འཕང་མངོན་དུ་བྱ་བར་སྨོན་པ་ནི་ཤོ་ལོ་ཀ་དང་པོའི་དོན་ནོ། །༈ གཉིས་པ་གཞན་དོན་ཕུན་ཚོགས་འཕ…

ལ་གནས་པའི་ཡི་གེའི་སྟེང་དུ་འགོད་པར་གསུངས་པའི་དགོངས་པ་ཨ་ཡིག་དམར་པོ་ལ་དམ་ཚིག་རྡོ་རྗེས་བཤད་དེ། དེ་དག་གི་དགོངས་དོན་གསལ་བར་ཕྱེ་བ་ནི། སྦྱིན་སྲེག་དངོས་གྲུབ་རྒྱ་མཚོ་ལས། དབང་ལ་ཟླ་བ་དམར་པོ་ལ་གནས་པའི་བསྒྲུབ་བྱ་ཁ་དོག་དམར་པོར་བསམ། ཞེས་དང༌། ཞྭ་ལུ་བའི་ལྕགས་མཁར་གྱི་རྩ་ཚིག་ལས། ལས་མཐུན་བསྒྲུབ་བྱ་བཀུག་ནས་ནི། །ཞེས་གསུངས…

འོངས་སྙིང་ཨུཏྤལ་མདའ་རྣོན་གྱིས། །ཕུགས་པས་དཔའ་བརྟན་སྙིང་སྟོབས་སྲོག་ཤི་སྟེ། །རབ་མྱོས་གོས་བྲལ་བདག་གི་རྐང་པའི་མཐིལ། །ལྕེ་ཡིས་བལྡག་ཅིང་ཅི་སྨྲས་སྒྲུབ་པར་ཤོག །ཅེས་བྱུང༌། དེ་ཡང་དབང་གི་ལས་སྦྱོར་སྐབས་སུ་ལྕགས་ཀྱུ་དང་མེ་ཏོག་གི་མདའ་ལ་སོགས་པས་འདེབས་ཚུལ་རྒྱུད་ཀྱི་བཤད་པ་མི་འདྲ་བ་སྣ་ཚོགས་ཡོད་དེ། བདེ་མཆོག་རྩ་རྒྱུད་ལེའ…

ཏུ་བསྒྲུབ་བྱ་དེ་རང་ལ་སེམས་འདུན་པའི་ཐབས་ཀྱི་དབང་དུ་བྱས་པ་ཡིན་པས་ཆགས་པ་སྐྱེ་བའི་གནས་ཀྱི་གཙོ་བོ་གསང་གནས་ལ་གནད་དུ་བསྣུན་པར་བཤད་པ་དང༌། སྙིང་གར་འདེབས་པ་ནི་ཁམས་ཕྲ་རགས་ཐམས་ཅད་གང་ནས་ཐོག་མར་ཆགས་འཇིག་བྱེད་པའི་རྩ་བའི་གནས་ཡིན་པ་ལ་དགོངས་པ་ཡིན་ནོ། །དེ་ལྟར་སྙིང་ག་སོགས་སུ་མེ་ཏོག་གི་མདས་བསྣུན་པས་ལས་གང་བྱེད་པ་ནི། དཔའ་…

སྟེ་སྡུག་བསྔལ་གྱི་གདུང་བ་དང་ལྡན་པར་མཐོང་ནས་རླུང་གི་ཤུགས་ལྟར་མགྱོགས་པར་འོངས་ནས་ནི་སྒྲུབ་པ་པོ་ཡི་སྟེང་ནས་འོག་ཏུ་ལྟུང་བར་འགྱུར་རོ། །ཞེས་སོ། །དེས་ན་འདིར་རབ་མྱོས་ཞེས་པས་དྲན་མེད་ལྟ་བུར་གྱུར་པ་དང༌། གོས་དང་བྲལ་བ་དང༌། བདག་གི་རྐང་མཐིལ་ལྕེས་བལྡག་པར་གསུངས་པ་རྣམས་ཀྱིས་ཁེངས་དྲེགས་དོར་ནས་བདག་ལ་ཆགས་ཤིང་གུས་པའི་རྣམ་…

པའི་དོན་དུ་གསོལ་བ་འདེབས་པ། ནང་གི་མཐུན་རྐྱེན་ཕུན་སུམ་ཚོགས་པའི་དོན་དུ་གསོལ་བ་འདེབས་པའོ། །དང་པོ་ནི། ཁྱད་པར་བསྟན་དང་འགྲོ་བའི་དོན་ཆེན་གྱི། །རྩ་ལག་མཐར་ཐུག་རྒྱལ་དབང་ཐམས་ཅད་མཁྱེན། །གང་སྐུའི་སྤྲུལ་བའི་རོལ་གར་གསར་ཚེས་ལ། །ཆེ་ཕྲའི་འགྲོ་བ་མ་ལུས་འདུད་པར་མཛོད། །ཅེས་བྱུང༌། དེ་ཡང་༸རྒྱལ་དབང་ཐམས་ཅད་མཁྱེན་པ་སྐུ་ཕྲེང་རྣ…

བསྟན་པའི་རྩ་བ་དགེ་སློང་དགྲ་བཅོམ་པ་ཉིད་ཡིན། ཞེས་གསུངས་ལ། ཁྱད་པར་དུ་ཡང་ཕྱིར་མི་ལྡོག་པའི་ས་ལ་གནས་པ་ཡན་ཆད་ཀྱི་ཐེག་པ་ཆེན་པོའི་དགྲ་བཅོམ་རྣམས་ཡིན་ནོ། །འགྲོ་བའི་དོན་གྱི་རྩ་ལག་ཏུ་གྱུར་ཚུལ་ནི། མདོ་སྡེ་རྒྱན་ལས། གང་དག་བསྟན་པར་མི་འོས་པ། །སེམས་ཅན་རྣམས་ལ་གསང་བྱེད་ཅིང༌། །བསླབ་ལས་ཉམས་པ་སྨོད་པ་དང༌། །ཕུན་སུམ་ཚོགས་པ་བས…

གཅིག་པུར་གྱུར་པའི་རྒྱུ་མཚན་ནི། པཎ་ཆེན་དགེ་འདུན་གྲུབ་ཀྱི་གསུང་མགུར་ལས། མགོན་ཁྱོད་ཀྱི་བསྟན་པ་འཛིན་པ་ལ། །དུས་ནམ་ཡང་བརྩོན་པ་བགྱིད་པར་སྨོན། །ཞེས་དམ་བཅའ་མཛད་པའི་དོན་བཞིན་རྒྱལ་བའི་དབང་པོ་རིམ་བྱོན་རྣམས་སྟོད་ཛ་ཏིའི་མེ་ཏོག་བཀྲ་བ་ནས་ཤར་ཕྱོགས་རྒྱ་མཚོའི་མཐའི་བར་གྱི་གསེར་མདོག་ཅོད་པན་འཆང་བ་མ་ལུས་པའི་གཙུག་རྒྱན་དུ་ག…