བསྐུམ་གྱི་ཚུལ་གྱིས་པདྨའི་གདན་ལ་བཞུགས་པ། ཤར་སྒོར་ཛཿ ལས་ལྕགས་ཀྱུ་མ་དཀར་མོ། ལྷོ་སྒོར་ཧཱུཾ་ལས་ཞགས་པ་མ་སེར་མོ། ནུབ་སྒོར་བཾ་ལས་ལྕགས་སྒྲོག་མ་དམར་མོ། བྱང་སྒོར་ཧོཿ ལས་དྲིལ་བུ་མ་ལྗང་གུ་སྟེ། ཐམས་ཅད་རིན་པོ་ཆེའི་རྒྱན་གྱིས་སྤྲས་པ། དེ་བཞི་གའི་ཕྱི་ངོས་སུ་ཤར་སྒོར་ཡུལ་འཁོར་སྲུང༌། ལྷོ་སྒོར་འཕགས་སྐྱེས་པོ། ནུབ་སྒོར་སྤྱན…

གཏིབས་པ་བཞིན་དུ་བཞུགས་པར་གྱུར། ཨོཾ་བཛྲ་བི་དཱ་ར་ས་པ་རི་ཝཱ་ར་ཨརྒྷཾ་ནས། ཤཔྟའི་བར་གྱིས་མཆོད། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། སླར་ཡང་ཐུགས་ཀ་ནས་འོད་ཟེར་འཕྲོས། རིགས་ལྔའི་སངས་རྒྱས་བྱང་སེམས་ཐམས་ཅད་སྤྱན་དྲངས། ཨོཾ་ཨརྒྷཾ་སོགས་ཀྱིས་མཆོད། བྱང་ཆུབ་རྡོ་རྗེས་སངས་རྒྱས་ལ། །ཇི་ལྟར་མཆོད་ཅིང་གསོལ་བ་ལྟར། །བདག་ཀྱང་རབ་ཏ…

ཉམས་པ་སོགས་མི་འདོད་པའི་སྡུག་བསྔལ་ཐམས་ཅད་མེད་པར་བྱས། ཕ་རོལ་གྱི་རིག་སྔགས་བྱད་སྟེམས་སོགས་ཀྱི་ལས་དང༌། གཟའ་དང་རྒྱུ་སྐར་ངན་པ་སོགས་མི་བཟད་པའི་གདོན་གྱི་ཉེར་འཚེ་དང༌། རྨི་ལམ་མཚན་ལྟས་ངན་པ་ཐམས་ཅད་ཞི་བར་བྱས། རྒྱལ་བ་སྲས་བཅས་ལ་མཆོད་པ་ཕུལ་ཏེ། དེ་དག་གི་བྱིན་རླབས་དྲངས་ནས་བསྟིམ་པས་རིག་སྔགས་མ་གྲུབ་པ་རྣམས་གྲུབ་ཅིང༌། གྲུ…

དཔོན་པདྨས་མཛད་ཟེར་བའི་འགྲེལ་པར། གཏུམ་པོ། ཕུར་བུ། བེ་ཅོན། ཐོ་བ་བཞི་ལ་སྦྱར་བ་སྔགས་དང་མཚན་ཟུར་མཐུན་ཞིང་སྒྲུབ་ཐབས་འདིའི་གོ་རིམ་དང་འགྲིག་གོ །བཟླས་པའི་མཇུག་ཏུ་ཡིག་བརྒྱས་ལྷག་ཆད་བསྐང༌། བདག་བསྐྱེད་ཀྱི་ཡེ་ཤེས་པ་མདུན་གྱི་ནམ་མཁར་བཞུགས་པར་བསམས་ལ་སྔར་བཞིན་མཆོད། མཐུ་སྟོབས་རྩེ་བརྒྱ་འབར་བ་ཡིས། །བགེགས་དང་ལོག་འདྲེན་ཀུ…

རྗེས་དེར་རྡོ་རྗེའི་རིགས་ཀྱི་དམ་རྒྱ་ཐལ་མོ་བཟློག་སྟེ་སྦྱར་ལ་མཐེ་བོང་གཉིས་དང་མཐེའུ་ཆུང་སྦྱར་ཏེ་ལྟེ་བའི་ཐད་ཀར་བཞག་ནས། ཨོཾ་བཛྲ་ཨུདྦྷ་ཝ་ཡེ་སྭཱཧཱ། ཞེས་དང༌། མཐེ་བོང་གིས་མཐེའུ་ཆུང་གི་སེན་མོ་མནན་ལ་སོར་མོ་ལྷག་མ་རྣམས་རྡོ་རྗེའི་མཚན་ཉིད་དུ་བྱས་ཏེ་བསྣོལ་ནས་དཔུང་པར་བཞག་ལ། ན་མོ་རཏྣ་ཏྲ་ཡཱ་ཡ། ན་མཤྩནྚ་བཛྲ་པཱ་ཎི་ཡེ། མཧཱ…

བརྒྱད། །རྡོ་རྗེ་རྣམ་འཇོམས་བཟླས་ནས་ནི། །ཞེས་པ་བི་མ་ལ་མི་ཏྲ་སོགས་ཀྱིས་ཁྲུས་ཀྱི་ཚེ་རྒྱལ་པོ་དང་འབངས་ལ་ཁྱད་ཕྱེ་བ་ཡིན་པར་བཤད་ཀྱང༌། སངས་རྒྱས་གསང་བ་དང་ཡེ་ཤེས་རྡོ་རྗེས་རྩ་སྔགས་དང་སྔགས་ཐུང་ལ་སྦྱར་ཞིང༌། སྨྲྀ་ཏིས་ཐུན་རེ་ལ་རྩ་སྔགས་ཉེར་གཅིག །སྔགས་ཐུང་བརྒྱ་རྩ་བརྒྱད་ཡན་ཆད་བཟླ་བའི་དོན་དུ་བཤད་པས་དེ་ལྟར་བྱ། ཡེ་ཤེས་འབེ…

གྲུབ་ཆེན་གྱིས་བླ་མ་ཕྱག་ན་རྡོ་རྗེར་བསྐྱེད་པ། ཡི་དམ་ཕྱག་ན་རྡོ་རྗེར་བསྐྱེད་པ་ཞེས་གསུངས་པའི་སྔ་མ་བུམ་བསྐྱེད་ཡིན་པ་གཞུང་དུ་གསལ་ལ། ཕྱི་མ་མདུན་བསྐྱེད་ཡིན་པ་གཏོར་མ་འབུལ་ཚུལ་སོགས་ཀྱིས་ཤེས་ཤིང༌། མངོན་རྟོགས་མུན་སེལ་སྒྲོན་མེར་བདག་མདུན་བུམ་གསུམ་བྱས་ནས་གསུངས་སོ། །བློས་ལྕོགས་ན་བདག་བསྐྱེད་དང་གསུམ་ག་མཉམ་དུ་སྒྲུབ་ཆོག…

པ་ལས་རྡོ་རྗེ་རྣམ་པར་འཇོམས་པའི་ལྷ་ཚོགས་ཀྱི་སྐུར་བཞེངས་པ་ནི། གཉི་གའི་དབུས་སུ་དཔལ་རྡོ་རྗེ་རྣམ་པར་འཇོམས་པ་སྐུ་མདོག་མཐིང་ནག་ཅེས་པ་ནས། འབར་བའི་ཀློང་ན་བཞུགས་པ། ཤར་དུ་རྡོ་རྗེ་གཏུམ་པོ་ཞེས་སོགས་དང༌། ལྷོར་རྡོ་རྗེ་ཕུར་བུ་ཞེས་སོགས་སྦྱར། གཡོན་བརྐྱངས་ནས་བཞུགས་པ། ཤར་ལྷོར་སངས་རྒྱས་སྤྱན་ཞེས་པ་ནས། ཕྱོགས་ཏེ་བཞུགས་པ། རྩ…

ཚོགས། །ཡོན་ཏན་རྒྱ་མཚོའི་རྒྱལ་བ་འཁོར་བཅས་ལ། །དད་པ་རྒྱ་མཚོས་འབུལ་ལོ་བཞེས་སུ་གསོལ། །ཨོཾ་བཛྲ་བི་དཱ་ར་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱཧཱ། ཞེས་མཆོད་ཡོན་གྱི་གནས་སུ་ཞབས་བསིལ་སོགས་དང༌། ཨརྒྷཾ་གྱི་གནས་སུ་པཱདྱཾ་སོགས་བཅུག་སྟེ། ཤཔྟའི་བར་གྱིས་མཆོད། ཁ་དོག་དབྱིབས་ལེགས་ཡིད་འོང་རྒྱན་འཕྲེང་ལྡན། །ཕྱོགས་དུས་ཀུན་ན་གཟུགས་མཆོ…

གཡོན་པ་སྡིགས་མཛུབ་གདེངས་པས་ལོག་འདྲེན་གཟིར། །ཞལ་གདངས་མཆེ་གཙིགས་ཧཱུཾ་གི་འབྲུག་སྒྲ་འབྱིན། །སྤྱན་གསུམ་སྡང་མིག་ཕྱོགས་བཅུར་བགྲད་ལ་བསྟོད། །དབུ་སྐྲ་གྱེན་བསྒྲེང་མི་བསྐྱོད་དབུ་ལ་བརྒྱན། །བརྐྱང་བསྐུམ་གར་གྱིས་དགྲ་བགེགས་གདུག་པ་བརྫིས། །དུས་མཐའི་མེ་ལྟར་འབར་བའི་ཀློང་དཀྱིལ་ནས། །ཉོན་མོངས་རྟོག་པའི་གྲོང་ཁྱེར་འཇོམས་ལ་བསྟ…

སྐྱོང་བཅུ་ལ་སོགས། །དྲག་པོའི་ལས་མཛད་སྲུང་མའི་ཚོགས་ལ་བསྟོད། །རང་གི་ཐུགས་ཀ་ནས་འོད་ཟེར་འཕྲོས། བུམ་ནང་གི་ལྷ་དང་མདུན་བསྐྱེད་ཀྱི་ལྷའི་ཐུགས་རྒྱུད་བསྐུལ་ཏེ་འོད་ཟེར་སྤྲོ་བསྡུས་དོན་གཉིས་བྱས། རྒྱལ་བ་སྲས་བཅས་ཀྱི་བྱིན་རླབས་བསྡུས་ཏེ་བསྟིམ་པས། བུམ་ནང་གི་ལྷའི་ཐུགས་ཀའི་སྔགས་འཕྲེང་ལས་ཀྱང་བདུད་རྩིའི་རྒྱུན་བབ་པས་བུམ་པ་ག…

དྲངས། ལྗགས་འོད་ཟེར་གྱི་སྦུ་གུས་དྲངས་ཏེ། ཞེས་སོགས་སྦྱར་དགོས། སྟ་གོན་གྱི་ཉིན་བུམ་པ་ཙམ་སྒྲུབ་ཚེ། གདན་དང་བཅས་པར་གྱུར་པའི་དབུས་དང་ཕྱོགས་ཀྱི་འདབ་མ་བཞི་རྩིབས་བཅུ་རྣམས་ལ་ཧཱུཾ་ཡིག་དང༌། མཚམས་ཀྱི་འདབ་མ་བཞི་ལ་ཧཱུཾ་ཏྲཱཾ་ཧཱིཿ ཏཱཾ་རྣམས་ཡོངས་སུ་གྱུར་པ་ལས་རྡོ་རྗེ་རྣམ་པར་འཇོམས་པའི་ལྷ་ཚོགས་ཀྱི་སྐུར་བཞེངས་པ་ནི། དབུས་སུ…

གསང་བའི་ཁྲུས་ཀྱིས་སེམས་ཙམ་དུ་རྟོགས་པ། དེ་ཁོ་ན་ཉིད་ཀྱི་ཁྲུས་ཀྱིས་སྤྲོས་བྲལ་རྟོགས་པར་བཤད་པ་ལྟ་བུ་དོན་ལ་གནས་མི་གནས་ཀྱི་བཤད་ཚུལ་མང་པོ་ཡོད་ཀྱང༌། རྒྱུད་རྡོ་རྗེ་རྩེ་མོ་ལས་ཁྲུས་བཞི་དང་གོས་གསུམ་གསུངས་པའི་དོན་ཚང་དགོས་པས། མདོར་བསྡུ་ན་ཀུན་སློང་རྣམ་པར་དག་པ། དམ་ཚིག་དང་སྡོམ་པ་གཟུང་བ། ལྷའི་རྣལ་འབྱོར་ལ་བརྩོན་པ་སྟེ་ས…

གཤེགས་པའི་རིགས། པདྨའི་རིགས། རྡོ་རྗེའི་རིགས་ཏེ་འཇིག་རྟེན་ལས་འདས་པའི་རིགས་གསུམ། འཇིག་རྟེན་པའི་རིགས་གསུམ་སྟེ་དྲུག་ཡོད་པའི་རྡོ་རྗེའི་རིགས། དེ་ལའང་སྡེ་ཚན་འགའ་ཡོད་པས། ཁ་ཅིག་རྡོ་རྗེའི་རིགས་ཀྱི་ཁྲོ་བོར་འདོད་ཀྱང༌། རང་ལུགས་རྡོ་རྗེའི་རིགས་ཀྱི་བདག་པོར་འཇོག་པ་ཡིན། གསུང་བའི་གནས་ཀྱང་གཟུངས་ཀྱི་འགོར། རྡོ་རྗེ་ལ་བཞུགས…

པ་སྩོལ་བར་མཛད་པའི་ནང་ཚན་རྡོ་རྗེ་རྣམ་འཇོམས་མཐིང་གའི་དབང་གསན་པར་བྱེད་པ་ལ། ཆོས་ཉན་པའི་ཀུན་སློང་ཀུན་སྤྱོད་སྤྱི་བྱེ་བྲག་ཐམས་ཅད་གསལ་བཏབ་སྟེ་གསན་པར་ཞུ། ཞེས་བརྡ་སྤྲད། དེ་ནས་ཆུ་དང་ཡུངས་ཀར། འབྲས་ཆང༌། ཆང་བུ་ལག་པ་གཉིས་ཀྱིས་བཟུང་སྟེ་གཡས་དང་གཡོན་དུ་བསྐོར་ཞིང༌། ཨོཾ་སརྦྦ་པཱ་པཾ་ད་ཧ་ན་བཛྲཱ་ཡ་སྭཱཧཱ། ཞེས་བརྗོད་ཅིང་བྱུར…

ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །སངས་རྒྱས་ཀུན་དང་དེ་ཡི་སྲས། །ཤེས་རབ་ཅན་ལ་བདག་འབུལ་གྱི། །ཁྱེད་རྣམས་ཀྱིས་ནི་བདག་བཞེས་ལ། །འབྲས་བུ་རྒྱ་ཆེན་སྩལ་ཏུ་གསོལ། །སྡུག་བསྔལ་ཆུ་བོའི་ནང་གནས་པའི། །སྐྱེ་བོ་ཡུན་གནས་བསྐྱངས་པ་དང༌། །རྒྱལ་བའི་བཞེད་པ་སྒྲུབ་པའི་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་སྙིང་…

བྱ། །སྟོན་པ་གཞན་གྱི་གཞུང་མི་མཆོད། །རྟག་ཏུ་གློ་བུར་མགྲོན་མཆོད་བྱ། །སྲོག་ཆགས་རྣམས་ལ་བྱམས་པ་ཡིས། །རབ་ཏུ་བརྟན་པས་ཉེ་བར་བཞག །ཐེག་པ་ཆེ་ལ་དགའ་རྣམས་ཀྱིས། །བསོད་ནམས་དག་ལ་ནན་ཏན་སྐྱེད། །བཟླས་བརྗོད་བྱེད་ལ་འབད་པ་ཡིས། །གསང་སྔགས་སྤྱོད་ལ་བརྩོན་པར་བྱ། །གསང་སྔགས་རྒྱུད་ལ་བརྟེན་པ་ཡི། །དམ་ཚིག་རྣམས་ནི་བསྲུང་བར་བྱ། །དམ་ཚི…

སརྦྦ་བི་ཀལྤཱ་ན་ཨ་བ་ན་ཡ་ཧཱུཾ། ཞེས་བརྗོད། ཧུབ་གསུམ་བཏུང་བས་ལུས་ངག་ཡིད་གསུམ་གྱི་སྡིག་སྒྲིབ་དག་པར་བསམ། ལྷག་མ་ཅུང་ཟད་རྒྱབ་ཏུ་དོར། སྲད་བུ་དམར་པོ་སུམ་སྒྲིལ་ལ་མདུད་པ་གསུམ་བྱས་པ་ལ་ཡང་སྙིང་བཟླས་པ་དཔུང་པ་གཡོན་ལ་བཅིངས་ཏེ། ཨོཾ་ལོ་ཙཱ་ན་ཡ་ཐ་ཏ་ཏྲཾ་སཾ་པྲ་ཌི་མི་བ་ཤུ་ཏི་ཏ་རཏྣ་ཏྲཱ་ཡ་སད་ཏི་ན་བིར་དར་ཤ་ཡ་སྭཱཧཱ། བྱང་ཆུབ་སྙ…

དག་འབྱུང༌། །དེ་ཉིད་དེ་བཞིན་ཉིད་ངེས་འབྱུང༌། །བདེན་པ་དེ་ཡིས་དཀྱིལ་འཁོར་ནི། །གཟུགས་བརྙན་གསལ་བར་སློབ་མ་རྣམས། །ཀུན་གྱིས་སྒྲིབ་མེད་མཐོང་བར་ཤོག །ཅེས་བདེན་སྟོབས་བརྗོད། སློབ་མ་ཁྲུས་བྱས་མདུན་དུ་འཁོད་ནས་མནྜལ་ཕུལ། རྨི་ལམ་དྲིས་ནས་བར་ཆད་ཟློག་པའི་ཕྱིར་ལས་སྔགས་ཀྱིས་བསངས། ཀུན་སློང་བཅོས་ཏེ། དགའ་ཆེན་ཁྱོད་བདག་ཅེས་སོགས་…

མི་བྱ། །ཕྱག་རྒྱའི་གཟུགས་ལའང་དེ་བཞིན་ནོ། །སྔགས་དང་ལྷ་ལ་སྨོད་མི་བྱ། །གདོན་གྱི་ལས་སོགས་བྱ་བ་མིན། །མུ་སྟེགས་ཅན་ལ་སྨད་མི་བྱ། །མདོར་ན་ཐེ་ཚོམ་ཡིད་གཉིས་སྤངས། །བདག་གི་དེ་ཉིད་དང་ནི་སྔགས་སོགས་དེ་བཞིན་ནོ། །ཞེས་དམ་ཚིག་བསྒྲགས་ནས་དབང་བསྐུར་བ་ལ། དཀྱིལ་འཁོར་དུ་གཞུག་པའི་རིམ་པ་དང༌། ཞུགས་པ་ལ་དབང་དངོས་གཞི་བསྐུར་བ་གཉིས་ལ…