གཡོན་གྱི་མཐེའུ་ཆུང་གཉིས་དང༌། གཡོན་གྱི་མཐེ་བོང་དང་གཡས་ཀྱི་མཐེའུ་ཆུང་གཉིས་བསྣོལ་ཏེ་ཁ་སྦྱར། གཡས་ཀྱི་སོར་མོ་ལྷག་མ་གསུམ་སྟེང་དང༌། གཡོན་གྱི་སོར་མོ་ལྷག་མ་གསུམ་འོག་ཏུ་བསྒྲེང་སྟེ་མཛུབ་སྲིན་གཉིས་ཀྱི་རྩེ་གུང་མོའི་ཚིགས་དང་པོ་ལ་གཏད་ནས་རྡོ་རྗེ་རྩེ་གསུམ་པའི་དབྱིབས་ལྟ་བུ་བྱས་པ་རྡོ་རྗེའི་རིགས་ཀྱི་དམ་རྒྱ་ལྟེ་བའི་ཐད་ཀ…

ཨོཾ་ད་ཤ་དིཀ་ལོ་ཀ་པཱ་ལ་ས་པ་རི་ཝཱ་ར་ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཏད་ཁཾ་ཨུདྒ་ཏེ་སྥ་ར་ན་ཧི་མཾ་ག་ག་ན་ཁཾ་གྲྀ་ཧྣེ་དམ་བ་ལིཾ་ཏེ་སྭཱཧཱ། ཞེས་པ་ལན་གསུམ་གྱིས་གཏོར་མ་ཕུལ། ཤར་ཕྱོགས་རྡོ་རྗེ་ཅན་ཏེ་ལྷ་ཚོགས་བཅས། །གཏོར་མ་ཕུལ་བ་འདི་དག་བཞེས་སུ་གསོལ། །མེ་དང་གཤིན་རྗེ་བདེན་བྲལ་སྲིན་པོའི་བདག །ཆུ་བདག་རླུང་བདག་ན…

རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་མཆོག །ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའི་མཐའ་ཀླས་པར་གྱུར། སོ་སོའི་ཕྱག་རྒྱ་དང་བཅས་པས། ཨོཾ་བཛྲ་ཨརྒྷཾ་སྭཱཧཱ། ཨོཾ་བཛྲ་པཱདྱཾ་སྭཱཧཱ། ཨོཾ…

ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱཧཱ། ཞེས་སོགས་ནས། ཤཔྟ་པྲ་ཏཱིཙྪ་སྭཱཧཱ། ཞེས་པས་མཆོད། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་ལན་གསུམ་གྱིས་རྒྱུན་བཤགས་བྱ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་སོགས་ཚད་མེད་བཞི་བསྒོམས། ཚོགས་ཞིང་རྣམས་རང་གནས་སུ་གཤེགས་པར་བསམ། དངོས་གཞི་ནི། ཨོཾ་ཤཱུ་ནྱ་ཏ…

ལས། པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ། བདག་ཉིད་བཅོམ་ལྡན་འདས་རྡོ་རྗེ་མི་འཁྲུགས་པ་སྐུ་མདོག་ཨིནྡྲ་ནཱི་ལའི་ལྷུན་པོ་ལ་ཉི་མ་ཤར་བ་ལྟར་རབ་ཏུ་དྭངས་ཤིང་འོད་ཟེར་ཁ་དོག་སྣ་ཚོགས་པ་འཕྲོ་བ་ཞལ་གཅིག་ཕྱག་གཉིས་པ་གཡས་ས་གནོན་དང༌། གཡོན་མཉམ་གཞག་གི་ཕྱག་རྒྱ་མཛད་པའི་སྟེང་ན་རྡོ་རྗེ་རྩེ་ལྔ་པ་འཛིན་པ། སྤྱན་དཀྱུས་རིང…

མཛད་པ། ཤར་དུ་ཨོཾ་ལས་རྣམ་སྣང་དཀར་པོ་བྱང་ཆུབ་མཆོག་གི་ཕྱག་རྒྱ་མཛད་པ། ལྷོར་ཏྲཱཾ་ལས་རིན་ཆེན་འབྱུང་ལྡན་སེར་པོ་གཡས་མཆོག་སྦྱིན། གཡོན་མཉམ་གཞག་གི་ཕྱག་རྒྱ་མཛད་པ། ནུབ་ཏུ་ཧྲཱིཿ ལས་འོད་དཔག་མེད་དམར་པོ་ཏིང་ངེ་འཛིན་གྱི་ཕྱག་རྒྱ་མཛད་པ། བྱང་དུ་ཨཱཿ ལས་དོན་ཡོད་གྲུབ་པ་ལྗང་གུ་གཡས་སྐྱབས་སྦྱིན་གཡོན་མཉམ་གཞག་གི་ཕྱག་རྒྱ་མཛད་པ། …

ལྷུན་པོར་བྱུགས་པས་ཀྱང༌། །ཁྱོད་སྐུའི་ཆ་ཤས་ལ་འགྲན་སྐལ་བ་ཡིས། །དབེན་པར་སྟོན་པ་བཅོམ་ལྡན་སྐུ་ལ་བསྟོད། །ཁྱོད་སྐུ་མཚན་དང་དཔེ་བྱད་བཟང་པོ་ཡིས། །ནམ་ཡང་ཡིད་གཅུགས་མཛའ་བ་མ་བཏང་ཚེ། །རླུང་གི་རྒྱལ་མཚན་མཛེས་མ་ཕྲག་དོག་གིས། །ལྷ་ལམ་གཞོན་ནུར་འཁྱུད་པའི་ངལ་བ་བསྟེན། །སྒྲིབ་གཉིས་ཟད་པར་སྤངས་ཀྱང་རྒོད་པ་སོགས། །ཆགས་པའི་ཉམས་ཀྱི་…

སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་ཏུ་གསོལ། ཞེས་གསོལ་བ་བཏབ། རྡོ་རྗེ་སེམས་དཔའི་ཡིག་བརྒྱ་ལན་གསུམ་གྱི་མཐར། ནོངས་པ་བཟོད་པར་གསོལ། ཨོཾ་བཛྲ་མུཿ ཡེ་ཤེས་པ་གཤེགས། རང་དམ་ཚིག་པའི་ང་རྒྱལ་གྱིས་འཁོད་པར་བསམ། རྒྱུན་འཁྱེར་ལ། བདག་བསྐྱེད་རྐྱང་པ་བྱེད་ཚེ་ཐུན་གྱི་མཇུག་ཏུ། གཏོར་མ་འབུལ་བར་འདོད་ན་ཐུན་ཐ…

ཁྲུས་དང་གཙང་སྦྲ་ལ་གནས་པ་སོགས་བྱ་སྤྱོད་ཀྱི་བསྙེན་པ་བྱེད་པའི་སྐབས་ཀྱི་སྤྱོད་ལམ་རྒྱས་པར་སྔགས་རིམ་སོགས་ནས་འབྱུང་བ་ལྟར་ལག་ཏུ་བླངས་ན་ཤིན་ཏུ་ལེགས་སོ། །༈ གཉིས་པ་དཀྱིལ་འཁོར་བསྒྲུབ་ཅིང་དབང་བླང་བ་ལ། གང་དུ་དབང་བསྐུར་བའི་དཀྱིལ་འཁོར་ནི་སྤྱིར་སྒྲས་བརྗོད་ཀྱི་དབྱེ་བས་བདུན་དུ་གསུངས་ཤིང༌། བུམ་དབང་གང་དུ་འཐོབ་པའི་དཀྱིལ་…

པ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ་གཡས་ས་གནོན། གཡོན་མཉམ་གཞག་གི་ཕྱག་རྒྱའི་སྟེང་ན་རྡོ་རྗེ་རྩེ་ལྔ་པ་འཛིན་པ། རིན་པོ་ཆེའི་རྒྱན་དང་དར་སྣ་ཚོགས་ཀྱི་ན་བཟའ་ཅན་དུ་གྱུར་པར་བསམ་ནས། གཞི་བདག་གི་མཆོད་གཏོར་བཤམས་པ་རྣམས་གོང་དུ་བཤད་པའི་སྔོན་འགྲོའི་མཆོད་གཏོར་བཞིན་བྱིན་གྱིས་བརླབ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པ…

ཞལ་གཅིག་ཕྱག་གཉིས་མ། དགའ་བ་དང་ལྡན་པའི་ཐུགས་ཅན་ཞི་བ། ན་བཟའ་དཀར་པོ་མནབས་ཤིང་རྒྱན་ཐམས་ཅད་ཀྱིས་བརྒྱན་པ། ལུས་ཕྱེད་འཐོན་པ། གཡས་མི་འཇིགས་པའི་ཕྱག་རྒྱ་དང་གཡོན་གསེར་གྱི་བུམ་པ་བསྣམས་ཤིང་པདྨའི་གདན་ལ་བཞུགས་པར་གྱུར། རང་གི་ལག་པ་གཡས་པའི་མཐིལ་དུ་ཟླ་བའི་སྟེང་དུ་ཧཱུཾ་ཧཱུཾ་ཧཱུཾ། སོར་མོའི་རྩེ་མོས་ས་ལ་ལན་གསུམ་བསྣུན་པའི་སྒ…

བ་བྱུང་ལྔས་ཤར་ནས་བརྩམས་ཏེ་བྱུགས་ལ། དྲིའི་ཆུས་ཀྱང་གཏོར། ལག་པ་གཡས་པ་ས་གནོན་གྱི་ཕྱག་རྒྱའི་རྩེ་མོས་ས་ལ་རེག་ནས། ཨོཾ་བྷུ་ཁཾ། ས་གཞི་སྟོང་པ་ཉིད་དུ་གྱུར། ཧཱུཾ་ལཾ་ཧཱུཾ། ས་གཞི་རྡོ་རྗེའི་རང་བཞིན་དུ་གྱུར། ཨོཾ་མེ་དཱི་ནི་བཛྲ་བྷ་བ་བཛྲ་བྷན་དྷ་ཧཱུཾ། ས་གཞི་རྡོ་རྗེའི་རང་བཞིན་དུ་བཅིངས་ཏེ་བརྟན་པར་གྱུར། ཨོཾ་ཧ་ན་ཧ་ན་བཛྲ་ཀྲ…

མེ་ཏོག་གཅལ་དུ་བཀྲམ་པའི་དབུས་སུ་ཁ་ཤར་དུ་ཕྱོགས་པར་འདུག་སྟེ། བདག་བསྐྱེད་བཟླས་པ་ལ་ཐུག་གི་བར་རྫོགས་པར་བཏང༌། རང་གི་ཐུགས་ཀའི་ཧཱུཾ་གི་འོད་ཟེར་གྱིས་རྒྱལ་བ་སྲས་བཅས་ཐམས་ཅད་བསྒོམས་པ་དང་འདྲ་བའི་དཀྱིལ་འཁོར་པའི་རྣམ་པར་མདུན་གྱི་ནམ་མཁར་སྤྱན་དྲངས། ཨོཾ་སརྦ་ཏ་ཐ་ག་ཏ་ཨརྒྷཾ་ནས། ཤཔྟའི་བར་གྱིས་མཆོད། བདག་ཉིད་ཀྱི་ལྕེ་ཧཱུཾ་ལས་…

བདག་མེད་པ་ཡི་མཆོག །༈ དེ་བཞིན་གཤེགས་པ་བཞིའི་ཕྱག་སྟབས་འདི་འཇམ་དཔལ་གསང་ལྡན་དང་བྱ་རྒྱུད་ཐུགས་རྗེ་ཆེན་པོ་བཅུ་གཅིག་ཞལ་གྱི་སྒྲུབ་ཐབས་ལྟར་བཀོད། ༈ དཀྱིལ་འཁོར་དམ་པ་བཤད་དུ་གསོལ། །ཞེས་བརྗོད། ལྷོའི་སློབ་མས། རང་ཉིད་རིན་འབྱུང་སེར་པོ་ཞལ་གཅིག་ཕྱག་གཉིས་མཆོག་སྦྱིན་མཉམ་གཞག་གི་ཕྱག་རྒྱ་ཅན་དུ་གྱུར་པས་ནམ་མཁར་གནས་པའི་དེ་བཞི…

སྔར་བཞིན་བྱ་ཞིང༌། སློབ་མ་མེད་ན་བླ་མ་རང་ཉིད་ཀྱིས་དེ་བཞིན་གཤེགས་པས་ཕྱོགས་སོ་སོ་ནས་གསོལ་བ་བཏབ་པར་མོས་ལ། ཚིག་རྣམས་རང་ཉིད་ཀྱིས་བརྗོད། དེ་ནས་སློབ་དཔོན་གྱིས་རྡོ་རྗེ་ཁུ་ཚུར་གཉིས་ཀྱི་མཛུབ་མོ་གཉིས་བརྐྱངས་ལ་རྩེ་མོ་སྦྱར་བ་འོག་ཏུ་ཕྱོགས་པས་སྤྱི་བོར་བཟུང་སྟེ། ཧཱུཾ་བཛྲ་ཨུཏ་ཏིཥྛ། ཞེས་བརྗོད་ནས། བསྒོམས་པའི་དཀྱིལ་འཁོར་…

རྗེ་ཆེ། །བྱིན་གྱིས་བརླབ་པ་མི་འདོར་རོ། །ཞེས་བརྗོད་ནས་ང་རྒྱལ་བཟུང༌། དེ་ནས། རྐང་མཐིལ་གཉིས་སུ་ཧཱུཾ་ཧཱུཾ་ལས་བྱུང་བའི་རྡོ་རྗེ་འབར་བ་རེ་རེ་ཧཱུཾ། ཞེས་བརྗོད་ཅིང་འགྱིང་བ་དང་བཅས་གཡས་རྡོ་རྗེ་གསོར། གཡོན་དྲིལ་བུ་དཀྲོལ་ཞིང་རྡོ་རྗེའི་རྐང་སྟབས་ཀྱིས་དབང་ལྡན་ཕྱོགས་སུ་བྱིན། དེ་ནས་བརྩམས་ཏེ་སྒོའི་སློབ་མ་ཡོད་ན་དེ་དང་ལྷན་ཅ…

མེད་པར་དུམ་བུ་གཅིག་ཏུ་གྱུར་པའི་རྡོ་རྗེའི་རྭ་བ་དང༌། སྟེང་དུ་རྡོ་རྗེའི་གུར་དང༌། དེའི་འོག་རྭ་བའི་སྟེང་དུ་རྡོ་རྗེའི་བླ་བྲེ་དང༌། ཕྱི་རོལ་ཏུ་མདའི་དྲ་བ་དང༌། འོག་གི་ས་གཞི་ཡང་འབར་ཞིང་བཟོད་པར་དཀའ་བའི་སྣ་ཚོགས་རྡོ་རྗེའི་རང་བཞིན་དུ་གྱུར་པར་མོས། དེ་ནས་ཕུར་གདབ་བྱ་བ་ལ་དམ་པ་མང་པོའི་ཕྱག་བཞེས་སུ་བསམ་གཏན་གྱི་ཕུར་གདབ་མཛ…

ཟེར་འཕྲོས། བགེགས་ཐམས་ཅད་བཀུག་སྟེ་དཀྱིལ་འཁོར་གྱི་ཕྱིའི་དབང་ལྡན་སོགས་སུ་ཧཱུཾ་རིང་པོ་གྲུབ་པའི་ཁྲོན་པ་བྲུབ་ཁུང་གི་རྣམ་པ་ཅན་རྣམས་སུ་བཅུག་པའི་མགོ་བོར་ཕུར་བུ་བཏབ་པར་གྱུར་པར་བསམ་ནས། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་ཧཱུཾ། ཞེས་པའམ། ཡང་ན། ཨོཾ་གྷ་གྷ་གྷ་ཏ་ཡ་གྷ་ཏ་ཡ་སརྦ་དུཥྚཾ་ཕཊ་ཕཊ། ཀཱི་ལ་ཡ་ཀཱི་ལ་ཡ་སརྦ་པཱ་པཾ་ཕཊ་…

བར་དུ་ཐུན་སོ་སོ་ལ་ཕུར་བུའི་མཆོད་པ་ཉིན་རེ་བཞིན་བྱ། དེ་ནས། ལག་པ་གན་རྐྱལ་དུ་གནས་པ་བསྒྱུར་ནས། ཨོཾ་བཛྲ་ཨཱཿ ཧཱུཾ། ཞེས་བརྗོད་ཅིང་ས་ལ་བསྣུན་ཏེ། ས་རྡོ་རྗེའི་རང་བཞིན་དུ་གྱུར་པར་མོས་པ་བྱའོ། །གཉིས་པ་སྟ་གོན་ལ་ལྔ། ས་ལྷ་དང་ལྷ་དང་བུམ་པ་སྟ་གོན། ལྷ་ལ་གསོལ་བ་གདབ་པ། སློབ་མ་སྟ་གོན་ནོ། །དང་པོ་ནི། རང་ཉིད་ཤར་ནས་དཀྱིལ་འཁོར་…

སྒོའི་ཉི་ཤུའི་ཆ་བྱེད་པ་སོགས་མཚན་ཉིད་དང་ལྡན་པའི་ལས་ཐིག་གི་སྐུད་པ་འདུ་བྱ། དེ་ལ་དྲི་བཟང་པོའི་ཆུ་དང༌། ཞོ་འོ་མ་མར་སྦྲང་རྩི་ཀ་ར་སྟེ་ཕྱིའི་བདུད་རྩི་ལྔ་དང༌། བ་བྱུང་ལྔས་བྱུགས་ཏེ་སྣོད་གཙང་མར་བཞག །རང་མི་འཁྲུགས་པའི་རྣལ་འབྱོར་དང་ལྡན་པས། ཨོཾ་བཛྲ་ཨ་མྲྀ་ཏ་ཀུནྜ་ལི་ཧ་ན་ཧ་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷཿ སརྦ་དྷརྨཱཿ སྭ་བ…