སྒྲ་མི་སྙན་གྱི་ཚེ་སྒྲུབ་ལག་ཏུ་ལེན་ཚུལ་ཚེ་དཔལ་མཆོག་སྦྱིན་ཞེས་བྱ་བ་བཞུགས་སོ། །འཆི་མེད་ཚེ་ཡི་དཔལ་སྟེར་བ། །ཚེ་དཔག་མེད་མགོན་ལ་བཏུད་ནས། །ཚེ་ཡི་དངོས་གྲུབ་སྒྲུབ་པའི་ཚུལ། །གདམས་པའི་སྙིང་པོ་བསྡུས་ཏེ་འགོད། །འདིར་སྒྲ་མི་སྙན་གྱི་ཚེ་སྒྲུབ་ལག་ཏུ་ལེན་ཚུལ་རྒྱས་པར་བྱེད་ན་ཚོགས་ཞིང་བཅས་པ་རྗེའི་གསུང་ལས་འབྱུང་བ་བཞིན་བྱ་ལ…

བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཁོང་བའི་ནང་གི་རྒྱབ་ལ་ཉེ་བར་ལྕགས་ཀྱི་སྲོག་རྩ་སྦ་དབྱུག་ཙམ། ཡར་སྣེ་སྤྱི་གཙུག་དང་མར་སྣེ་གསང་གནས་སུ་ཟུག་པ། དེའི་ནང་དུ་རྩ་དབུ་མ་མདའ་སྙུག་ཙམ་ཁ་དོག་སྔོ་དམར་ནང་འོད་གསལ་གྱི་རླུང་དམར་ལྗང་གིས་གང་བ། དབུ་མའི་ཕྱོགས་བཞིར་ཡར་སྣེ་ནས་བརྩམས་ཏེ་སྔགས་འཕྲེང་འགོ་གྱེན་བསྟན་བཞི་དང༌། མཚམས་ག…

རྟེན་འདྲེན་པའི་གཙོ་བོ་ཞེས་སོགས་ཀྱིས་བསྟོད། ཧཱུཾ་སྐྱེ་འཆི་རབ་སྤངས་རྡོ་རྗེ་ཚེ། །བདག་ལ་ཚེ་ཡི་དངོས་གྲུབ་སྩལ་ཏུ་གསོལ། །ཨོཾ་ཨ་ཡུ་ཥེ་ས་ར་ཧ་ཀ་ར་རེ་ཤ་ར་རི་ཧཱུཾ་ཕཊ། ཅེས་ལན་གསུམ་གསོལ་བ་བཏབ་པས་སྟེང་གི་ཚེ་དཔག་མེད་ཀྱི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས། རང་གི་ཚེ་བསོད་ནམས་སོགས་ཡར་བ་ཉམས་པ་འཐོར་བ་ཐམས་ཅད་བདུད་རྩི…

བར་བསམས་ལ་ཚར་གཅིག །མགྲིན་པ་མན་ཆད་གང་བར་བསམས་ལ་ཚར་གཅིག །སྣ་བུག་མན་ཆད་གང་བར་བསམས་ལ་ཚར་གཅིག །སྤྱི་གཙུག་མན་ཆད་གང་བར་བསམས་ལ་ཚར་གཅིག །ལུས་ཀྱི་ཆ་ཤས་ཐམས་ཅད་གང་བར་བསམས་ལ་ཚར་གཅིག་སྟེ་བུམ་པ་ཅན་ལན་བདུན་གཟུང༌། ཕྱི་ནང་གཉིས་དང་སྤྱི་བོའི་ཚེ་དཔག་མེད་གསུམ་གའི་སྐུ་ལས་འོད་ཟེར་སྤྲོ་བསྡུའི་སྒོ་ནས་ཚེའི་དངོས་གྲུབ་ཐོབ་པར་བས…

ཁྲོ་བཅུའི་མངོན་རྟོགས་མདོར་བསྡུས་བཞུགས་སོ། །ན་མོ་གུ་རུ་ཀྲོ་དྷ་རཱ་ཛཱ་ཡ། འདིར་ཁྲོ་བོ་བཅུ་བསྒོམ་པར་འདོད་པས་རྒྱས་པར་ན་བདུད་ལས་རྣམ་རྒྱལ་སོགས་སུ་འབྱུང་བ་ལྟར་བྱས་པས་འཐུས་ལ། འཇུག་པ་བདེ་བའི་ཕྱིར་ཟུར་དུ་བཀོལ་ཏེ་མདོར་བསྡུས་པའི་ཚུལ་གྱིས་ཉམས་སུ་ལེན་ལུགས་ནི། སྐྱབས་སེམས་སྔོན་དུ་བཏང་ལ། སྭ་བྷཱ་ཝས་སྟོང་པར་སྦྱངས། སྟོང་…

ལས། །བདག་ཏུ་འཛིན་པ་བདུད་སྡེའི་དཔུང་འཇོམས་ཕྱིར། །བདག་མེད་ཡེ་ཤེས་དྲག་པོའི་རྣམ་རོལ་བ། །བཅོམ་ལྡན་ཁྲོ་བོའི་ཚོགས་རྣམས་གཤེགས་སུ་གསོལ། །ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། མཆོད་པ་བསངས་སྦྱངས། སྟོང་པའི་ངང་ལས་ཨཱཿ ལས་བྱུང་བའི་ཐོད་པ་ཡངས་ཤིང་རྒྱ་ཆེ་བའི་ནང་དུ་ཧཱུཾ་ཞུ་བ་ལས་བྱུང་བའི་ཟག་པ་མེད་པའི་མཆོད་རྫས་ནམ་མཁའི་མཐའ…

སྤྱན་དྲངས་ཏེ་མདུན་གྱི་ནམ་མཁར་བཞུགས་པའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་བསམས་ལ། མཚན་སྔགས་ཀྱི་མཇུག་ཏུ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་པ་གསུམ་མམ་བདུན་གྱིས་དབུལ། མཆོད་བསྟོད་གོང་བཞིན་བྱ། ཟློག་པ་བྱེད་པར་འདོད་ན་བཟླས་པའི་འཕྲོར་ཁྲོ་བོ་རྣམས་ཞལ་ཕྱིར་བསྒྱུར་ཏེ་ཆོས་སྒྲུབ་པ་…

ཞིབ་པར་གཞན་ལས་ཤེས་པར་བྱ། མཇུག་ཏུ་ཡིག་བརྒྱས་ལྷག་ཆད་བསྐངས། ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བདག་ཉིད་ལ་ཐིམ་པར་བསམས་ནས་བཀྲ་ཤིས་ཀྱིས་མཐའ་བརྒྱན་པར་བྱའོ། །ཁྲོ་བཅུའི་མངོན་རྟོགས་བསྒོམ་པའི་ཚུལ། །ཤིན་ཏུ་མདོར་བསྡུས་བཀོད་པའི་དགེས། །ནག་པོའི་གཡུལ་ལས་རྣམ་རྒྱལ་ཏེ། །བཤད་སྒྲུབ་བྱ་བ་མཐར་ཕྱིན་ཤོག །ཅེས་པ་འདི་ན…

ཀྱིས་མཆོད། རྒྱལ་བ་ཀུན་གྱི་ཡེ་ཤེས་སྒྱུ་མ་ཡི། །ཞེས་སོགས་ཀྱིས་བསྟོད། ཐུགས་ཀར་ཉི་མའི་སྟེང་དུ་བཾ་ཡིག་གི་མཐར་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས། ནད་བདག་འཁོར་བཅས་བསྲེགས་པར་བསམས་ལ། ཨོཾ་པི་ཤ་ཙི་པརྞ་ཤ་བ་རི་སརྦ་ཛྭ་ར་པྲ་ཤ་མ་ན་ཡ་སྭཱཧཱ། ཞེས་ཅི་འགྲུབ་བཟླ། ཡིག་བརྒྱས་ལྷག་ཆད་བསྐང༌། མཆོད་བསྟོད་གོང་བཞིན་བྱ། དགེ་བ་འ…

ཐུགས་ཀའི་ཧཱུཾ་ཡིག་འོད་ཀྱི་ཡེ་ཤེས་པ། །དབང་ལྷར་བཅས་ཏེ་སྤྱན་དྲངས་དབྱེར་མེད་བསྟིམ། །དབང་བསྐུར་མི་བསྐྱོད་རྒྱལ་བས་རྒྱས་བཏབ་གྱུར། །མདུན་དུ་བཻ་ཌཱུརྻ་ཡི་བྲག་རིའི་སྟེང༌། །འདབ་བརྒྱད་པདྨ་དམར་པོའི་ལྟེ་བ་ལ། །རིན་ཆེན་སྐྱུག་པའི་ནོར་བདག་བྱི་བའི་སྟེང༌། །གཿ ཡིག་དམར་པོ་ཡོངས་སུ་གྱུར་པ་ལས། །ཚོགས་ཀྱི་བདག་པོ་གླང་པོའི་གདོང་…

གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝན་བཛྲ་ཧཱུཾ་ཧཱུཾ་ཕཊ། ཅེས་ཅི་མང་བཟླས་ལ། དེ་ནས་ཚོགས་བདག་གི་ཐུགས་ཀར་གཿ ཡིག་གི་མཐར་སྔགས་འཕྲེང་གིས་བསྐོར་བར་བསམ་ཞིང༌། དེའི་འོད་ཟེར་གྱི་ལྕགས་ཀྱུས་འཇིག་རྟེན་ཁམས་ཀྱི་དཔལ་འབྱོར་ལོངས་སྤྱོད་ཐམས་ཅད་དབང་དུ་བསྡུས་པའི་དམིགས་པ་བྱས་ཏེ། ཨོཾ་ཨཱཿ གཿ ཧཱུཾ་སྭཱཧཱ། ཞེས…

འདི་ལ་བརྟེན་པས་ལག་ལེན་རྒྱས་པ་བྱེད་ན་བཅའ་གཞི་འདོན་ཐབས་ཐམས་ཅད་དེ་བཞིན་བྱས་པས་འཐུས་ལ། འདིར་མདོ་ཀློག་པ་གཙོ་བོར་བྱས་ཏེ་ཞར་བྱུང་དུ་གཡང་འགུག་བྱེད་ཚུལ་མདོར་བསྡུས་ཙམ་བྱེད་པར་འདོད་ན། སྟོན་པའི་སྐུ་རབ་གནས་ཅན་དང༌། རྣམ་སྲས་སོགས་ནོར་ལྷའི་སྐུ་བྲིས་འབུར་ཅི་རིགས་དགྲམ། མཆོད་པ་ཚར་གཉིས་འབུལ་གཏོར་ཟླུམ་པོ་བཅས་བཤམ། སྐྱབས་ས…

དགོས་ཀྱིས་འཕྲིན་ལས་སྐྱོང་གྱུར་ཅིག །ཅེས་པ་སྔོན་དུ་བཏང་ནས་མདོ་ཆ་ཚང་བ་ཚར་ཅི་ཙམ་ནུས་པ་བཀླག །མཇུག་ཏུ། ཐུབ་པའི་དབང་པོའི་ཐུགས་ཀ་ནས་འོད་ཟེར་འཕྲོས། རྒྱལ་ཆེན་རྣམ་ཐོས་སྲས་འཁོར་དང་བཅས་པའི་སྤྱི་བོ་ནས་ཞུགས་ཏེ་བྱིན་གྱིས་བརླབས་པས་ཟག་པ་མེད་པའི་བདེ་དགའ་ཁྱད་པར་ཅན་སྐྱེས། དེ་རྣམས་ཀྱིས་ཀྱང་སྤྲུལ་བའི་ཕོ་ཉ་དཔག་ཏུ་མེད་པ་ཕྱོ…

མགོན་པོ་ཚེ་དཔག་མེད་ལ་སྟོང་མཆོད་འབུལ་ཚུལ་བཞུགས་སོ། །ཕུན་སུམ་ཚོགས་པ་མཚན་དཔེའི་འོད་སྟོང་གིས། །དུས་མིན་འཆི་བའི་མུན་པ་མཐར་བྱེད་པ། །ཚེ་དང་ཡེ་ཤེས་དཔག་ཏུ་མེད་པ་ཡི། །ཞབས་སེན་འབྲལ་མེད་གཙུག་ན་མཛེས་གྱུར་ཅིག །གང་གི་མཚན་ཙམ་རྣ་བར་སོན་པས་ཀྱང༌། །འཆི་བདག་གཤིན་རྗེའི་འཇིགས་ལས་གྲོལ་གྱུར་ན། །བརྒྱ་ཕྲག་སྟོང་དུ་ཕྱག་མཆོད་མཚན…

ཏོག་སྣ་ཚོགས་པའི་ཕྱེ་མ་སྙིང་པོ་ལྔ་དང་བཟང་དྲུག་སོགས་བསྲེས་པའི་རིལ་བུ་སྟོང༌། དཀྱུས་ལྟར་གྱི་འབུལ་གཏོར་རྣམས་དང་དཀར་གསུམ་མངར་གསུམ་རྣམས་སྦྱར་བའི་གཏོར་རིལ་སྟོང་དང་ཆ་གསུམ་སོགས་སྤྱི་དང་མཐུན་པར་བཤམ། ཡར་ཚེས་ལྟ་བུའི་དུས་ཁྱད་པར་ཅན་གྱི་ཐོ་རངས་ལག་རིས་མཐོང་བའི་ཚོད་ཙམ་ལ་བླ་མའམ་རྟེན་གྱི་དྲུང་ནས་ཐེག་པ་ཆེན་པོའི་གསོ་སྦྱོ…

པོའི་བཅུད་བསྡུས་པ། །འཆི་མེད་བདུད་རྩིས་སྨན་དང་བཅུད་ལེན་རྫས། །ལེགས་པར་སྦྱར་བའི་ཟས་མཆོག་འདི་འབུལ་གྱི། །ཚེ་དཔལ་བསོད་ནམས་རྒྱས་པའི་དངོས་གྲུབ་སྩོལ། །ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་ཝ་རྟ་ཡ་ཨཱ་ཝ་རྟ་ཡ་ཧོཿ བཛྲ་སྥ་ར་ཎ་ཁཾ། ཞེས་ཕུལ་བ་ལེགས་ཏེ། ཅི་འདྲ་བ་ཡི་ལས་བྱས་པ། །འབྲས་བུ་དེ་འདྲ་འབྱུང་བར་འགྱུར། །གསུངས་པ་བ…

ཤེས་དཔག་ཏུ་མེད་པའི་ལྷ་ཚོགས་རྣམས་ཀྱི་ཐུགས་ཀའི་ས་བོན་སྔགས་ཕྲེང་དང་བཅས་པ་ལས་འོད་ཟེར་འཕྲོས། བདག་ཅག་དཔོན་སློབ་ཡོན་མཆོད་དང་བཅས་པའི་ཚེ་ཡར་བ་ཉམས་པ་འཐོར་བ་རྣམས་ཚུར་བསྡུས། འཇིག་རྟེན་ཁམས་ཀྱི་འབྱུང་བ་ཆེན་པོའི་བཀྲག་མདངས་དང༌། འཇིག་རྟེན་ཆེ་དགུ་རྣམས་ཀྱི་ཚེ་བསོད་ནམས། རྒྱལ་བ་སྲས་བཅས་ཀྱི་བྱིན་རླབས་མཐའ་དག་བསྡུས། སྔགས་ཕ…

ཀྱིས་མཆོད། སྒྲུབ་པ་པོའི་གྲངས་ཀྱིས་ཨ་ཀཱ་རོ་སྟོང་གིས་གྲངས་བསགས་ཏེ་བསྔོ། མཆོག་དམན་བར་མའི་མགྲོན་རྣམས་ཀུན། །ཟག་མེད་བདུད་རྩིས་ཚིམ་བྱས་པས། །བདག་སོགས་མཁའ་མཉམ་འགྲོ་ཀུན་གྱི། །སྒྲིབ་བྱང་ཚོགས་གཉིས་རྫོགས་གྱུར་ཅིག །བརྒྱ་ཚན་སོ་སོར་བསྔོ་ན་རྗེས་མ་བཤམས་ཏེ། ཨོཾ་ཨཱཿ ཧཱུཾ་གིས་བྱིན་གྱིས་བརླབས་ནས་མཆོད་པ་མན་ཆད་སྔར་བཞིན་བྱ།…

དོན་མཐའ་དག་ཡིད་ཀྱིས་སྨོན་པ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། ཞེས་འདོད་དོན་ལ་གསོལ་བ་གདབ། ཡིག་བརྒྱས་ལྷག་ཆད་བསྐང་ཞིང་ནོངས་པ་བཟོད་པར་གསོལ། སྐུ་དང་དཀྱིལ་འཁོར་སོགས་ཡོད་ན། སྤྱན་དྲངས་པའི་ལྷ་ཚོགས་རྣམས་རྟེན་དང་དབྱེར་མི་ཕྱེད་པར་གྱུར། ཅེས་སུ་པྲ་ཏིཥྛས་བརྟན་བཞུགས་བྱ། མེད་ན། ཡེ་ཤེས་པ་རང་བཞིན་གྱི་གནས་སུ་གཤེག…

འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས་རང་ཉིད་འཕགས་པ་སྤྱན་རས་གཟིགས་སྐུ་མདོག་དཀར་པོ་ཞལ་གཅིག་ཕྱག་བཞི་པ། ཕྱག་དང་པོ་གཉིས་ཐུགས་ཀར་ཐལ་མོ་སྦྱར་བ། གཡས་འོག་མས་ཤེལ་དཀར་གྱི་ཕྲེང་བ་དང༌། གཡོན་འོག་མས་པདྨ་དཀར་པོ་བསྣམས་པ། རིན་པོ་ཆེའི་རྒྱན་གྱིས་བརྒྱན་པ། དར་སྣ་ཚོགས་ཀྱི་ཤམ་ཐབས་གསོལ་བ། ཞི་ཞིང་འཛུམ…