དབྱངས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོན་མཆོག་ཀུན་འདུས་འཇིགས་མེད་དབང་པོ་ཡི། །བཞེད་དགོངས་བཤད་སྒྲུབ་བསྟན་པའི་ཁང་བཟང་གི །ཁྱོན་ཡངས་གསལ་བར་བྱེད་པའི་སྒྲོན་མེ་མཆོག །མཚུངས་མེད་བཤེས་གཉེན་དམ་པར་གསོལ་བ་འདེབས། །རབ་འབྱམས་གསུང་རབ་ཀུན་ལ་བློ་གྲོས་ཀྱི། །སྣང་བ་རབ་རྒྱས་འཆད་རྩོད་རྩོམ་…

སོན་ཅིང། །ཡི་དམ་ཆོས་སྲུང་རྒྱ་མཚོས་འཕྲིན་ལས་བསྒྲུབ། །ཟབ་རྒྱས་མན་ངག་གདམས་པའི་མཛོད་འཛིན་པ། །གསང་ཆེན་བསྟན་པའི་མངའ་བདག་ཁྱོད་ལ་འདུད། །གནས་གསུམ་སྒྲིབ་མེད་གཟིགས་པའི་ཡེ་ཤེས་ཀྱིས། །བླང་དོར་མ་ལུས་ཇི་བཞིན་འདོམས་པ་ཡི། །ལུས་ཅན་ཡོངས་ཀྱི་འདྲེན་པ་བླ་ན་མེད། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཤོག །རྒྱལ་ཀུན་སོར་རྟོག་ཡེ…

མེ༷ད་སྟོབས་བཅུའི་ལང་ཚོ་རབ་རྒྱས་ཤིང། །ལུ༷ང་རི༷གས་གད་རྒྱངས་མཐོན་པོས་ས་གསུམ་འགེངས། །དཔལ་ལྡན་མཚུངས་བྲལ་སྨྲ༷་བ༷འི་སེ༷ང་གེ༷་མཆོག །རྗེ་བཙུན་བླ་མའི་ཞབས་ལ་གསོལ་བ་འདེབས། །རིང་ནས་གོམས་པའི་ཐུགས་བསྐྱེད་དཔུང་པ་ཡིས། །ཐུབ་བསྟན་རྣམ་པར་རྒྱལ་བའི་ལྡིང་ཁང་རྩེར། །བཤད་སྒྲུབ་གསེར་གྱི་རྒྱལ་མཚན་བསྒྲེང་མཛད་པ། །རྗེ་བཙུན་བླ་མའི…

སྐུ་འཇིགས་མེད་རིགས་པའི་སེང་གེའི་ཞལ་སྔ་ནས་ཀྱི་ཞབས་བརྟན་གསོལ་འདེབས་འདི་ནི་སུ་ཉིད་ཤོག་རབ་འབྱམས་པ་དཀོན་མཆོག་རྒྱལ་མཚན་གྱིས་བསྐུལ་ངོར་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ མདོ་རྒྱུད་མན་ངག་གདམས་པ་བདུད་རྩིའི་ཆུས། །དབང་བསྐུར་ཆོས་ཀྱི་སྲིད་ལ་མངའ་བསྒྱུར་བའི། །བཀྲ་ཤིས་དགེ་མཚན་ནོར་འཛིན་ཀུན་ཏུ་ཁྱབ། །ཆོས…

མྱང་བས། །སྲིད་པའི་ནད་བརྒྱ་སེལ་བའི་སྨན་གཅིག་པུ། །མཐའ་བྲལ་ལྟ་བའི་གནད་ཀུན་འབྱེད་པ་ལ། །རྗེ་བཙུན་མཁྱེན་པའི་གཏེར་དང་མཚུངས་པར་ཤོག །༈ བློ་ཆེན་རྒྱལ་ཀུན་ཐུགས་རྗེ་ཟླ་ཤེལ་ཁམས། །མཁས་བཙུན་བཟང་པོའི་དཀྱིལ་འཁོར་རབ་རྒྱས་ཤིང། །དོན་གཉིས་ཀུནྡའི་དགའ་ཚལ་རྒྱས་མཛད་པ། །གྲུབ་དབང་སྨྲ་བའི་ཟླ་བ་གཙུག་ན་མཛེས། །བློ་གཏེར་འཇམ་མགོན་དག…

གཡུལ་ལས་ངེས་པར་འབྱུང་བ་ལ། །ཕྱི་ནང་གནོད་པས་ནམ་ཡང་མི་བརྫི་བའི། །མཐུ་སྟོབས་ནུས་པའི་ཕ་རོལ་སོན་པར་ཤོག །༈ ཡེ་ཤེས་སྒྱུ་འཕྲུལ་དྲ་བ་འཇམ་པའི་དབྱངས། །དམིགས་མེད་སྙིང་རྗེའི་པད་དཀར་བཞད་པའི་ལྷ། །བདུད་བཞིའི་དགྲ་ལས་རྣམ་རྒྱལ་རྡོ་རྗེ་འཛིན། །འཇམ་དབྱངས་བཞད་པའི་རྡོ་རྗེར་གསོལ་བ་འདེབས། །གང་གསུང་ལེགས་བཤད་དགའ་ཚལ་ལས་འཁྲུངས་པའ…

གྱིས། །ཡིད་ཀྱི་ཉེས་ལྟུང་དྲི་མ་ཀུན་བྱང་སྟེ། །བརྩེ་ཆེན་ལྷག་བསམ་ལུས་སྟོབས་རྫོགས་པ་ཡིས། །རྒྱལ་སྲས་སྤྱོད་པ་རྒྱ་མཚོའི་མཐར་སོན་ཤོག །ཅེས་མཁས་པའི་གཙུག་རྒྱན་དམ་པ་ཁྲི་ངག་དབང་བཀྲ་ཤིས། གྲུབ་པའི་དབང་ཕྱུག་བློ་བཟང་དོན་གྲུབ། ཁྲི་ཆེན་སྤྲུལ་བའི་སྐུ་ངག་དབང་བསྟན་པའི་རྒྱལ་མཚན་རྣམས་ཆོས་སྡེ་འདི་གར་བཀའ་དྲིན་ལྷག་པར་ཆེ་བས་གསོ…

ཤེས་བག་ཡོད་ཀྱིས། །བསླབ་ཁྲིམས་དག་པ་ཉམས་ལེན་མཐིལ་དུ་མཛད། །གནས་བརྟན་འདུལ་བ་འཛིན་ལ་གསོལ་བ་འདེབས། །མཐའ་ཡས་འགྲོ་ལ་ཕན་པའི་ལྷག་བསམ་གྱི། །འབྲས་བུ་རྒྱལ་བསྟན་ཁོ་ནར་རག་ལས་པའ། །དེ་ཉིད་བཤད་དང་སྒྲུབ་པས་སྤེལ་མཛད་པ། །རྒྱལ་བའི་གདུང་འཚོབ་དམ་པར་གསོལ་བ་འདེབས། །རྡོ་རྗེ་འཆང་དངོས་བཤེས་གཉེན་དམ་པ་དག །བསྟེན་ནས་རྡོ་རྗེའི་དམ་ཚི…

ངོར་༸དཀོན་མཆོག་བསྟན་པའི་སྒྲོན་མེས་བྲིས།། ༈ རྒྱལ་བ་གཉིས་པ་འཇམ་དབྱངས་ཙོང་ཁ་པའ། །མདོ་སྔགས་གཞུང་ལུགས་མཐའ་དག་སྤེལ་སླད་དུ། །རླབས་ཆེན་སྨོན་ལམ་མཆོག་གིས་བསྐྲུན་པའི་སྐུ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །དེ་ལྟར་རྩེ་གཅིག་གུས་པས་གསོལ་བཏབ་མཐུས། །མགོན་ཁྱོད་ཞབས་ཟུང་སྲིད་མཐར་བརྟན་པ་དང། །བདག་ཀྱང་དེང་ནས་ཚེ…

སེམས་བསྐྱེད་གྲངས་མེད་ཚོགས་བརྩམས་ནས། །ཆོས་རྒྱུན་ཏིང་ངེ་འཛིན་ལ་རེག་པར་ཤོག །ཆོས་ཉིད་དོན་སྤྱིས་མངོན་མཐོང་སྦྱོར་བའི་ལམ། །འཇིག་རྟེན་སྒོམ་བྱུང་དྲོད་རྩེ་བཟོད་མཆོག་གི །རིམ་པས་གཟུང་འཛིན་རྟོག་པ་ཟིལ་མནན་ཏེ། །མོས་སྤྱོད་ས་ཡི་ཚོགས་གཉིས་རྫོགས་པར་ཤོག །བདེན་པ་གསར་མཐོང་གཙོར་གྱུར་རབ་དགའི་སར། །བརྒྱ་ཕྲག་བཅུ་གཉིས་ཡོན་ཏན་ག…

ཅན་གྲོལ་བྱེད་ཤོག །མཚན་མ་ཐ་དད་མེད་པ་རིང་སོང་སར། །བཅུ་གཉིས་ཐབས་མཁས་ལྷག་ཐོབ་འགོག་པ་ལ། །སྐད་ཅིག་འཇུག་ཅིང་བསླབ་པའི་འབྲས་ལ་རེག །གྲུབ་ལ་མ་གྲུབ་ཚོགས་གཉིས་རྫོགས་པར་ཤོག །དག་པའི་ས་ལ་བྲི་འཕེལ་མེད་མཐོང་བས། །སྲིད་ཞིར་མཉམ་ཞིང་མི་རྟོག་ཞིང་ལ་དབང། །མཚན་མ་རྩོལ་བས་མི་གཡོ་སྨོན་ལམ་གྲུབ། །སྟོང་གསུམ་འབུམ་གྱི་རྡུལ་སྙེད་དཔལ་…

དཔལ་དབྱངས་དངོས་བཞད་པའི་རྡོ་རྗེ་ཡི། །བཞེད་དོན་མ་ལུས་ལྷུན་གྱིས་གྲུབ་མཛད་པ། །ཡབ་རྗེའི་སྲས་མཆོག་དམ་པར་གསོལ་བ་འདེབས། །འཇིགས་མེད་སྤོབས་པའི་རླབས་ཕྲེང་ཆེར་གཡོ་ཞིང། །ཕུལ་བྱུང་ལུང་རིགས་ནོར་བུའི་ཚོགས་ཀྱིས་གཏམས། །མཁྱེན་བརྩེའི་རྒྱ་མཚོ་གཏིང་མཐའ་མི་མངོན་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །འཇམ་དབྱངས་བླ་མའི་ལེག…

འཕ༷གས་ཚོགས་ཡོངས་འདུའི་གཙོ། །བསྟ༷ན་འཛིན་དམ་པ༷འི་ཁྲོད་ན་ཉི༷་ཟླ་ལྟར། །མཚུངས་མེད་རྗེ་བཙུན་བླ་མ༷ར་གསོལ་བ་འདེབས། །ཀུ༷ན་བཟང་སྤྱོད་པའི་འོད་སྟོང་རྩེ་དག༷འ་ཡིས། །ལུང་རྟོགས་ཆོ༷ས་ཀྱི་འདབ་བརྒྱ་བཞད་པའི་གཉེན། །སྐལ་བཟང་གདུལ་བྱའི་བསོད་ནམས་མཁར་འཕ༷གས་པ། །མཆོག་སྤྲུལ་བསྟན༷་པ༷འི་ཉི༷་མ༷ར་གསོལ་བ་འདེབས། །རྣམ་ཀུ༷ན་སྲིད་ན་མངོན…

བསྐྱེད་མཐུ། །ཟླ་བྲལ་རྗེ་བཙུན་འཇིགས་མེད་དབང་པོ་དང། །བློ་བཟང་འཇིགས་མེད་རྒྱ་མཚོར་གསོལ་བ་འདེབས། །མཐའ་ཀླས་འགྲོ་བའི་མགོན་དང་དཔུང་གཉེན་དུ། །ཞབས་ཟུང་རྡོ་རྗེའི་རེ་ཁ་ཉེར་བརྟན་ཅིང། །འཕྲིན་ལས་གསེར་བཟང་འོད་ཀྱི་སྣང་བ་ཡིས། །བློ་བཟང་བསྟན་པའི་པད་ཚལ་རྒྱས་གྱུར་ཅིག །བདག་ཀྱང་དེང་ནས་སྐྱེ་ཞིང་སྐྱེ་བ་རུ། །བཤེས་གཉེན་དམ་པས་ད…

རློབས། །སྟོང་ཉིད་སྙིང་རྗེ་ཟུང་འཇུག་ལམ་བཟང་གིས། །རྒྱལ་སྲས་སྤྱོད་པ་རྒྱ་མཚོའི་མཐར་སོན་ཅིང། །ཁྱད་པར་བདེ་ཆེན་གསང་སྔགས་མྱུར་ལམ་གྱིས། །ཟུང་འཇུག་གོ་འཕང་བདེ་བླག་ཐོབ་གྱུར་ཅིག །ལྷུན་གྲུབ་འཕྲིན་ལས་གྲུ་གཟིངས་འབུམ་སྦྱར་ཏེ། །སྲིད་མཚོ་ཉམ་ངར་བྱིང་བའི་འགྲོ་བ་ཀུན། །བདེ་ཆེན་ཐར་པའི་ཞིང་དུ་འཁྲིད་པ་ཡིས། །མ་ལུས་རྒྱལ་བའི་མཛ…

མཚན་བསྐལ་བརྒྱར་བརྟན་གྱུར་ཅིག །བདག་སོགས་ཀུན་ཀྱང་སྐྱེ་བའི་ཕྲེང་བ་རུ། །བླ་མ་མཆོག་གིས་དགྱེས་བཞིན་རྗེས་འཛིན་ཅིང། །རྒྱལ་དབང་གྲགས་པའི་བསྟན་ལ་རབ་ཞུགས་ཏེ། །བཤད་དང་སྒྲུབ་པའི་རྒྱལ་མཚན་འཛིན་གྱུར་ཅིག །མདོར་ན་བསྟན་དང་འགྲོ་བའི་ཕན་བདེ་ཀུན། །སྤེལ་བའི་གྲགས་སྙན་དབྱར་རྔ་བཞད་པ་དང། །ལྷན་ཅིག་བདུད་སྡེའི་གཡུལ་ལས་རྣམ་རྒྱལ་བའ…

དབྱངས་ཅན་མ་དམར་མོའི་བསྟོད་པ་ལྷ་མོ་དགྱེས་པའི་གླུ་དབྱངས་ཞེས་བྱ་བ་བཞུགས་སོ།། མཉམ་གཞག་མི་གཡོ་སྟོང་པའི་མེ་ལོང་ངོས། །བརྩེ་བའི་འཇའ་ཚོན་སྣང་བའི་རི་མོ་འབུམ། །རྣམ་པར་བཀྲ་བ་དབྱངས་ཅན་ངག་གི་ལྷ། །ཟླ་བྲལ་སྤོབས་པ་བདག་ལ་གྲུབ་པར་མཛོད། །ཁྱོད་སྐུ་བྱུ་རུའི་འཁྲི་ཤིང་ལང་ཚོའི་དཔལ། །སྙེ་མའི་ནུ་འབུར་གཡོ་བས་མངོན་དགའ་ཞིང། །མུ་…

དཔལ་མགོན་ཀླུ་སྒྲུབ་ཞབས་ལ་བསྟོད་པ་དབུ་མའི་སྣང་བ་ཞེས་བྱ་བ་བཞུགས་སོ།། རྒྱལ་བས་ཆོས་ཚུལ་གང་བསྟན་པ། །འགྲོ་བ་མུན་པས་ཁེབས་པ་ལ། །འོད་གསལ་བ་ཡི་ཕྱིར་ཡིན་པས། །སྒྲོན་མ་ཀླུ་སྒྲུབ་རྒྱལ་གྱུར་ཅིག །དམིགས་ལས་དམིགས་པ་རྣམ་མང་བས། །འགྲོ་བ་དུབ་པར་

གྱུར་པ་རྣམས། །དམིགས་པ་མེད་པ་ཞི་བའི་བདེར། །འཁྲིད་པ་ཁྱོད་ནི་དེད་དཔོན་ལགས། །ཤེས་རབ་ཕར་ཕྱིན་ཤེས་རབ་བསླབ། །ཤེས་རབ་མདོ་སྡེའི་མཆོག་གྱུར་ཕྱིར། །ཤེས་རབ་གཞུང་མཆོག་མཛད་པ་ཁྱོད། །བསྟན་འཛིན་ཀུན་ལས་བླ་མར་གྱུར། །རིག་གནས་ཤེས་བྱར་སྲིད་ཀུན་ལ། །མུན་སངས་བློ་གྲོས་རབ་རྒྱས་པས། །སངས་རྒྱས་གཉིས་པ་ཀླུ་སྒྲུབ་ཅེས། །དངོས་པོར་སྨྲ་…

འབྱུང་མི་སྲིད། །ཤི་བ་པོས་ཀྱང་མགྲོན་དུ་མིན། །རྒྱུ་ལ་རྒྱུ་ཡི་དངོས་གནས་ཚེ། །འབྲས་བུར་དེ་འཆར་མྱུག་བཞིན་ན། །སྟོང་ཕྱིར་སྟོང་ཙམ་དེར་འཆར་དེ། །མཁའ་ཉིད་སྣང་དང་མུན་པ་བཞིན། །ཐ་དད་ལྟོས་མེད་རྒྱུ་འབྲས་མིན། །ཡང་ན་ཀུན་ཀྱང་དེར་བརྗོད་རུང། །ཐེར་ཟུག་རྒྱུ་ནི་འབྲས་བུའི་གེགས། །དེ་ཡིས་གྲོལ་བའི་སྐབས་ཀྱང་ཅ། །དབང་བསྒྱུར་བདེན་པ…