དམ་བསྐང༌། །ཞེས་པ་ནས། འགྲུབ་པའི་སྡོངས་གྲོགས་མཛོད། །སྲིད་གསུམ་དབང་དུ་སྡུད་པའི་ལྕགས་ཀྱུ་དང༌། །དགོས་འདོད་ཆར་ལྟར་འབེབས་པའི་ཡིད་བཞིན་ནོར། །མ་རྒད་རྫ་རི་བསྙིལ་འདྲ་གཡུ་ཡི་ཁྲབ། །བསེ་ཡི་རྨོག་ཞུ་སྟག་ཐུལ་སག་ལྷམ་དང༌། །དར་འཕན་མདུང་རིང་རྩེ་མོ་དགུང་ལ་བསྙེགས། །སྟག་དོང་གཟིག་ཤུབས་ལ་སོགས་ཉེར་སྤྱད་ཀྱི། །མཁོ་དགུའི་དངོས་པོ…

ཉམས་བྱེད་པའི། །མི་མཐུན་འགལ་རྐྱེན་བར་ཆད་ཐམས་ཅད་ཟློག །བཟློག་བསྒྱུར་དགྲ་དང་བགེགས་ཀྱི་སྟེང་དུ་བྷྱོཿ། བྷྱོཿ བཟློག་བཅོལ་བའི་འཕྲིན་ལས་གྲུབ་པར་མཛོད། །ཧཱུཾ། བདག་ཅག་དཔོན་སློབ་རྒྱུ་སྦྱོར་འཁོར་བཅས་ཀྱི། །ཚེ་བསོད་སྟོབས་འབྱོར་མངའ་ཐང་སྙན་གྲགས་དང༌། །ཐོས་བསམ་སྒོམ་གསུམ་རྣམ་དཀར་བྱ་བའི་ཚོགས། །རྒྱས་པར་མཛོད་ཅིག་ལྷ་ཆེན་འཁོ…

སྲིད་རྩེར་གཡོ་བ་ཁྱོད་བསྟེན་ན། །ཕ་ལྟར་བྱམས་ཤིང་མ་བཞིན་བརྩེ་བ་ཡི། །པ་སངས་ལྟར་དཀར་དགྱེས་པའི་འཛུམ་སྟོན་ཅིག །ན་ཚ་འཁྲུག་ལོང་བྱད་ཕུར་འཚེ་བ་ཀུན། །ད་ལྟ་ཉིད་དུ་རྨེག་མེད་དྲུངས་ཕྱུང་སྟེ། །ཐ་གྲུ་ཡངས་པའི་དཔལ་འབྱོར་སྙན་གྲགས་ཚོགས། །ཏ་ལའི་འདབ་ལྟར་རྒྱས་པའི་འཕྲིན་ལས་མཛོད། །ཉ་གང་ཟླ་བ་རྒྱས་པའི་གཟི་བྱིན་ཅན། །ཇ་ཆང་ཕུད་དང་…

བསྟན་ལ་སྡང་བའི་དགྲ་བོ་འདིས། །དཀོན་མཆོག་གསུམ་གྱི་དབུ་འཕང་སྨད། །ཡི་དམ་ཆོས་སྲུང་ཁྱད་དུ་བསད། །རྣལ་འབྱོར་བདག་ལ་བརྙས་ཤིང་སྨད། །ཟས་ནོར་ལོངས་སྤྱོད་ཕྲོག་ཅིང་བརྐུས། །བསམ་པ་ཧ་ལའི་དུག་ལྟར་གནག །སྦྱོར་བ་སྤུ་གྲིའི་སོ་ལྟར་རྩུབ། །སྡིག་ཅན་བསྟན་པའི་དགྲ་བོ་འདིའི། །ཕ་རབས་བུ་རྒྱུད་རྩད་ནས་ཆོད། །ཚ་དང་ཡང་རྒྱུད་དྲུངས་ནས་ཕྱུང…

ལས་བསྒྲུབ་པ་ཡི། །དུས་ལ་བབ་པོ་ས་མ་ཡ། །ཞེས་དྲག་བསྐུལ་འདི་དུས་དམིགས་བསལ་ཚེ་གཏོང༌། དེ་ནས་གཏང་རག་གི་མཆོད་པ་སྔགས་ཀྱིས་འབུལ་བ་སྔར་བཞིན་ལ། ཀ་དག་སྤྲོས་བྲལ་དབྱིངས་ལས་མ་གཡོས་ཀྱང༌། །ཁ་དོག་མ་ངེས་རྣམ་འགྱུར་ཅིར་ཡང་སྟོན། །ག་ན་གནས་ཀྱང་ལུས་དང་གྲིབ་མ་བཞིན། །ང་ཅག་བསྲུང་ཞིང་སྐྱོང་མཛད་ཁྱོད་ལ་བསྟོད། །ཅེས་པས་བསྟོད། ཡིག་བརྒ…

མཛོད། །གཡག་ལ། དབང་སྔོན་རྡོ་རྗེའི་རྨིག་རྩེའི་ཟློས་གར་གྱིས། །ནོར་འཛིན་བུ་མོའི་བཞིན་རས་འདར་བྱེད་ཅིང༌། །རོ་འཛིན་གློག་གི་རྩེ་དགའ་རྒོད་པ་ཅན། །འཇིགས་རུང་ངར་སྒྲ་སྒྲོགས་པའི་ཞོལ་གཡག་འདི། །དྲེགས་པའི་ལྷ་གཉན་ཆེན་པོའི་ཞེས་སོགས་ཚིག་ཕྱི་མ་རྣམས་འདྲ། ལུག་ལ། ཡིད་འོང་ཆུ་འཛིན་འཕྲེང་བའི་བླ་གོས་གྱོན། །བཻ་ཌཱུར་ལྗོན་པ་རླུང་…

ལྷ་ཆེན་གཉན་རྗེ་གུང་སྔོན་གྱི་བསང་མཆོད་སྙན་པའི་དབྱར་རྔ་ཞེས་བྱ་བ་བཞུགས་སོ། །བཀྲ་ཤིས་དགེ་མཚན་མེ་ཏོག་ཆར་འབེབས་པ། །འཇམ་དབྱངས་ཞི་ཁྲོ་དགྱེས་བཞད་རྡོ་རྗེ་སོགས། །བླ་མ་ཡི་དམ་མཆོག་གསུམ་བཅས་པ་ཡིས། །འབྲལ་མེད་ཐུགས་རྗེས་བྱང་ཆུབ་བར་དུ་སྐྱོངས། །དེའང་དཀར་ཕྱོགས་སྐྱོང་བའི་ལྷ་ཆེན་མཐུ་རྩལ་དྲེགས་པའི་མངའ་བདག་གཉན་རྗེ་གུང་སྔོན…

གནས་པས་མཆོད་གཏོར་རྣམས་བསང་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་ཟག་པ་མེད་པའི་མཆོད་གཏོར་དམ་རྫས་སྤྱན་གཟིགས་སོགས་ས་དང་བར་སྣང་ནམ་མཁའི་ཁྱོན་ཡོངས་སུ་གང་བ་ལྷ་གཉན་འཁོར་བཅས་དགྱེས་པར་བྱེད་པའི་མཐུ་དང་ལྡན་པར་གྱུར། ཨོཾ་སརྦྦ་བིད་པཱུ་ར་པཱུ་ར་ཞེས་སོགས་དང༌།…

གཡུ་ཁྲབ་གསེར་ཞོལ་མནབས་ཤིང༌། དབུ་ལ་མུ་མེན་གྱི་རྨོག་མོ་གསོལ་བ། གཡས་ན་སྟག་རལ་མདའ་མོས་གང་བ་དང༌། གཡོན་ན་གཟིག་ཤུབས་གནམ་རུས་བརྒྱན་པ། ཞབས་ལ་སག་ལྷམ་གསོལ་ཞིང་དགྱེས་འཛུམ་བཅོ་ལྔའི་ཟླ་བ་ལྟར་རྒྱས་པ། མདུན་དུ་ཡུམ་ཆེན་གཡུ་སྒྲོན་དཀར་མོ་མདའ་དར་མེ་ལོང་འཛིན་པ། དར་གྱི་ན་བཟའ་དང་རིན་པོ་ཆེའི་རྒྱན་ཅན་ཡུ་མོ་ལ་བཅིབས་པ། སྲས་སྨོ…

ས་ཡི་དགེ་བཅུ་ཚང་བའི་ཡུལ་གྱི་དབུས། །དབུས་རི་སྲ་བརྟན་ལྷུན་ཆགས་བརྗིད་ཅིང་མཐོ། །མཐོ་ཁྱད་རྩེ་མོ་ཉི་ཟླའི་དབྱིངས་སུ་བསྙེགས། །འཇའ་ཆེན་སྤྲིན་དང་ན་བུན་སྟོད་གཡོགས་ཅན། །གློག་དམར་འཁྱུག་ཅིང་འབྲུག་སྒྲ་ལྡིར་རི་རི། །རྐེད་སྐབས་རི་སུལ་དར་གྱི་ཤམ་བུས་མཛེས། །འདབ་ཆགས་གཅན་གཟན་སྣ་ཚོགས་འདོད་དགུར་འཕྱོ། །རྩ་བར་ཆུ་མིག་རྩི་ཤིང་ཕ…

པ་སྐྱེད་གྱུར་ཅིག །དཀར་གསུམ་བདུད་རྩིའི་མཆོད་ཡོན་མཚོ་རུ་འཁྱིལ། །བསུང་ཞིམ་མེ་ཏོག་སིལ་མས་ས་སྟེང་ཁྱབ། །མངར་གསུམ་བཟའ་བཅའ་གཏོར་མ་རི་བཞིན་སྤུངས། །སྙན་འགྱུར་རོལ་མོས་བར་སྣང་གང་བ་འདིས། །ལྷ་ཆེན་གཉན་རྗེ་གུང་སྔོན་ཐུགས་དམ་བསྐང༌། །ཡུམ་ཆེན་གཡུ་སྒྲོན་དཀར་མོའི་ཐུགས་དམ་བསྐང༌། །སྲས་པོ་སྨོན་པ་དོན་གྲུབ་ཐུགས་༝། །ལྕམ་མོ་ཀུན…

དྲུག་རྒོད་ཆེན་སྒྲོ་ཡིས་བརྒྱན། །རྣོ་ངར་མི་བཟད་གནམ་ལྕགས་མདེའུ་ཅན། །སྣང་སྲིད་གསལ་བའི་མེ་ལོང་མགུལ་དུ་བཏགས། །མཛེས་པའི་དར་ཚོན་སྣ་ལྔས་སྤུད་པ་འདིས། །ལྷ་ཆེན་༝༝༝། །གསེར་གཡུ་དར་ཟབ་མཁོ་དགུའི་བང་མཛོད་དང། །ནོར་བུའི་རྒྱན་ཕྲེང་ལྷ་རྫས་ན་བཟའི་ཚོགས། །འདོད་ཡོན་རྣམ་ལྔ་བཀྲ་ཤིས་རྟགས་རྫས་བརྒྱད། །སྤྱན་གཟིགས་དཀོར་ནོར་མ་ཚང་མེ…

རྐྱེན་དངོས་གྲུབ་ཆར་བཞིན་དབབ་གྱུར་ཅིག །ཀྱཻ། ཡུལ་གྱི་ལྷ་གཉན་ཆེན་པོ་འཁོར་དང་བཅས། །མཐུན་པའི་བསང་དང་མཆོད་གཏོར་འདི་བཞེས་ལ། །མངོན་ཤེས་སྒྲིབ་པ་མེད་པའི་སྤྱན་བགྲད་དེ། །མཐུ་སྟོབས་ཐོགས་པ་མེད་པའི་དཔུང་སྐྱེད་ལ། །བསྟན་འགྲོ་ཡོངས་ལ་གནོད་པའི་སྤྱི་དགྲ་ཟློག །ཡོན་མཆོད་རྣམས་ལ་འཚེ་བའི་སྒོས་དགྲ་ཟློག །ཕ་རོལ་གདུག་པའི་བསམ་སྦྱ…

གཟའ་བདུད་བཙན་གྱི་གནོད་པ་༝། །རྨི་ལམ་ངན་དང་མཚན་ལྟས་ངན་པ་༝། །གཟའ་སྐར་ངན་དང་དུས་སྦྱོར་ངན་པ་༝། །མདོར་ན་མི་འདོད་ཉེར་འཚེ་ཐམས་ཅད་ཟློག །བཟློག་གོ་སྡང་བར་བྱེད་བའི་དགྲ་ལ་བཟློག །བསྒྱུར་རོ་གནོད་པར་བྱེད་པའི་བགེགས་ལ་བསྒྱུར། །མཐུན་པའི་དངོས་གྲུབ་མ་ལུས་པ། །ཞེས་པ་ནས། རྒྱས་པར་མཛོད་ཅིག་ཡུལ་ལྷའི་ཚོགས། །ཀྱཻ། མཚོ་སྐྱེས་རྡོ་…

བྱེད་བསང་མཆོད་ཡིན། །དེ་རིང་བསང་མཆོད་རྒྱ་མཚོ་འདི་འབུལ་ན། །མཐུ་རྩལ་དུས་ལ་བབ་ཀྱི་མཐུ་མ་ཆུང༌། །མདའ་དར་གཡབ་མོ་གཡབ་བོ་སྤྱན་མ་རྟུལ། །ལྷང་ལྷང་ལན་གསུམ་འབོད་དོ་སྙན་མ་སྲ། །མྱུར་མགྱོགས་ལས་ལ་སྐུལ་ལོ་བང་མ་ཞན། །མི་ནོར་ཟས་གསུམ་དར་ཞིང་རྒྱས་པར་མཛོད། །བདེ་སྐྱིད་སྙན་གསུམ་འཕེལ་ཞིང་བརྟན་པར་མཛོད། །མགོན་སྐྱབས་དཔུང་གཉེན་ཁ་འ…

ཐར་གཏོང་ན་བསྐང་བའི་འཕྲོར། རྟ་ནོར་སོགས་ཚེ་ཐར་གཏོང་རྒྱུ་དེ་ལ་དར་ཚོན་གཙང་མས་བརྒྱན། དཔྲལ་བར་མར་བྱུགས། གཙང་སྦྲ་བྱས་ཏེ་བསང་གི་མཐར་གཡས་སྐོར་དུ་འཁྲིད་ཅིང༌། རྟ་ལ། ཡུལ་གྱི་ལྷ་ཆེན་སྙིང་རྗེའི་བདག་ཉིད་ཅན། །ཁྱེད་རྣམས་འགྲོ་བའི་ཚེ་སྲོག་སྐྱོབ་ལ་དགྱེས། །སྤྲིན་གྱི་ཤུགས་འཆང་ཅང་ཤེས་རྟ་མཆོག་འདི། །ལྷ་ཆེན་གཉན་རྗེ་གུང་སྔོན་…

འཁོད་པའི་ཨ་མཆོག་གི་སྦྱིན་བདག་རྣམས་ནས་ཀྱང་བསྐུལ་མ་བྱུང་བས་མཚམས་སྦྱར། དེའང་ལྷོ་བྲག་གྲུབ་ཆེན་ལས་ཀྱི་རྡོ་རྗེས་ཆོས་པ་ལ་བླ་མ་ཡི་དམ་དང་ཆོས་སྐྱོང་མཉེས་པ་གལ་ཆེ། འཇིག་རྟེན་པ་ལ་ཡུལ་ལྷ་མཉེས་པ་གལ་ཆེ་གསུངས་པ་བཞིན་གྲོང་པ་རྣམས་ལ་ལྷག་པར་མཁོ་ཞིང༌། དེའང་སྙན་ངག་མངོན་བརྗོད་སོགས་ཀྱིས་བཅིངས་ན་གོ་མི་ནུས་པས་ཕལ་གཏམ་གྱི་ཚུལ་ད…

རྒྱལ་བ་མ་ཕམ་མགོན་པོ་ལ་མདོ་ཆོག་གི་ལུགས་བཞིན་མཆོད་ཚུལ་སོགས་བཀའ་རྩོམ་སྣ་ཚོགས་ཀྱི་སྐོར་ཕྱོགས་གཅིག་ཏུ་བསྒྲིགས་པ་བཞུགས་སོ། །

རབ་འབྱམས་རྒྱལ་བ་ཀུན་གྱི་བྱམས་བརྩེའི་ཐུགས། །མཚན་དཔེའི་དཔལ་འབར་གཟུགས་ཀྱི་སྐུར་བཞེངས་པ། །མ་ཕམ་མགོན་དང་ཡབ་རྗེ་བློ་བཟང་གྲགས། །དབྱེར་མེད་ཐུགས་རྗེས་བྱང་ཆུབ་བར་དུ་སྐྱོངས། །གང་གི་ཐུགས་རྗེ་བྱིན་རླབས་བདུད་རྩིའི་ཆུས། །ཡིད་ཀྱི་བུམ་བཟང་གང་བར་འདོད་པ་རྣམས། །མགོན་དེའི་ཞབས་རྡུལ་བསྙེན་ཅིང་མཆོད་པའི་ཚུལ། །མདོ་ཆོག་སྙིང་པ…