འབུར་འཇོམས་བྱེད་པ་སོགས་རྐྱེན་དང་ཕྲད་དུས་ཆོས་ཀྱིས་མ་ཕན་ན་དགོས་པ་མེད་པས་རྐྱེན་ལམ་དུ་འཁྱེར་གང་ཐུབ་བྱེད་དགོས་གསུངས། གོང་འོག་ཏུ་གསུང་སྒྲོས་ཐོར་བུ་འགའ་ཞིག་བཀོད་པ་འདི་དག་ཅུང་ཟད་མང་སོང་བ་ལྟར་སྣང་ཡང། གླེང་བསླང་བའི་དབང་གིས་འཕྲལ་དུ་དྲན་པ་རྣམས་བསྐྱུར་བར་ཕངས་ཏེ་གང་ཟག་རེ་རེ་ཙམ་ལ་རྣམ་དཀར་གྱི་བློ་སྣ་སྐད་ཅིག་མ་རེ་སྐ…

རྣམ་རྒྱལ་མཆོད་པའི་ཚོགས་དབུ་ལན་གཉིས། བཅུ་གཅིག་ཞལ་གྱི་དབང། བདེ་མཆོག་ལུས་དཀྱིལ་གྱི་དབང་ནམ་མཁའ་སྒོ་འབྱེད་བཅས་གནང། དགག་དབྱེ་གྲོལ་ནས་ལྗོངས་རྒྱུ་མཛད་དེ་དགོན་པར་བྱོན། རྣམ་རྒྱལ་མཆོད་པ་དང་དབང་རྗེས་གནང་འགའ། རབ་བྱུང་བསྙེན་རྫོགས་སོགས་ཀྱི་རེ་བ་བསྐངས་ནས་བཅད་རྒྱ་མཛད། བར་སྐབས་སུ་བཅད་རྒྱ་གྲོལ་ཙམ་གནང་ནས་རྣམ་རྒྱལ་མཆོད་…

མཚོའི་དཔལ་ལ་འགྲན་བཞིན་པར་ཡོད་ལ། དེ་དང་མཐུན་པར་འདུ་ཁང་གསར་ཕིབས་དང་རྟེན་བཞེངས། བཀའ་འགྱུར་རོ་ཅོག་བཞུགས་པའི་ཆོས་ཀྱི་འཁོར་ལོ་བཞེངས་པ་སོགས་དང། སྒྲུབ་ཤག་སོ་སོའི་ཞིག་རལ་བཅོས་ཤིང་ས་དཀར་གསོ་བ་དང། གསུང་བཀོད་ལྟར་གྱི་སྤོང་ཁང་གསར་བཟོ་དང། མདུན་རི་ལ་སྐྱེ་ཤིང་འཛུགས་པ་སོགས་གང་ཅིར་བཀོད་ཁྱབ་མཛད་པས་ཡིད་དང་མིག་གི་བདུད་རྩ…

གི་མཛད་བཟང་ཉིན་བྱེད་འོད་རྣོན་པོས། །བཤད་སྒྲུབ་འདབ་བརྒྱའི་ཚལ་རབ་བཞད་པ་ན། །ཐོས་ཉུང་ཆེན་པོར་རློམ་པའི་རྨོངས་པ་འགའ། །རང་རིགས་རྨོངས་པའི་ཁང་བུར་ཡིབ་ལས་ཅི། །ནེའུ་གསིང་སྨད་གཡོགས་ན་བུན་ཟུར་ཕུད་ཅན། །གཉིས་སྐྱེས་འཕུར་ལྡིང་རོལ་པའི་རི་སུལ་དུ། །དྲང་སྲོང་ངུར་སྨྲིག་འཛིན་པས་གང་མཐོང་ནས། །འོད་ལྡན་གསེར་རིའི་འཕྲེང་རྣམས་རོལ…

སུ་བསྒྲུབས་ཏེ་དཀོན་མཆོག་ཐུབ་བསྟན་རྒྱ་མཚོ་ཞེས་བཏགས། རྣམ་རྒྱལ་མཆོད་པ་དང། རབ་བྱུང་བསྙེན་རྫོགས། ཆུ་མར་སྒོམ་ཆེན་སྤྲུལ་སྐུ་དང། འགའ་དག་སྤྲུལ་སྐུ་སོགས་དང། དོན་གཉེར་བ་མང་པོར་བླ་མཆོད་དང་འབྲེལ་བའི་ཕྱག་ཆེན་གྱི་ཁྲིད་སོགས་ཆོས་བཀའ་འགའ་ཞིག་གནང། ཨ་མཆོག་དགོན་གྱི་བླ་མ་ལས་སྣེ་སེར་སྐྱ་གྲོས་མཐུན་གྱི་ཐོག་ནས། ཀུན་གཟིགས་མཆོ…

ནམས་དཔལ་འབྱོར་དོན་གྲུབ་རྒྱལ་མཚན་བདེ་ཆེན་ཆེ་མཆོག་མཚན་སྙན་དཔལ་བཟང་པོས་དངོས་གཞི་མདོར་བསྡུས་ཤིང། དགོས་དོན་ཚང་བར་བྱས་ཏེ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའ་འོ། །ཞེས་པ་གཅིག་གནང་བ་དགོས་པ་ཅན་གྱི་གསུང་དུ་སྣང། བར་སྐབས་ཤིག་སྐུ་མཚམས་གྲོལ་ནས་ནེ་མན་ཝང་གི་སྲས་འཇམ་དཔལ་རྡོ་རྗེ། ཧལ་ཧའི་གྲྭ་པ་འགའ་ཞིག་སོགས…

པར་དོན་གཉིས་རི་མོ་འབུམ། །རྣམ་པར་བཀྲ་བའི་སྣང་བ་འགོག་མེད་ནས། །དོན་ལྡན་སྙན་པའི་དབྱངས་ཀྱི་འཕྲིན། །དྲི་མེད་ལྷ་དར་གོས་ཁ་ཟུང། །ངོ་མཚར་རི་མོའི་ཚོགས་དང་བཅས། །སོན་པས་ཡིད་ལ་སྤྲོ་བ་འཕེལ། །སྔོན་ཚེ་འབྲས་དཀར་སྤུངས་པའི་སྡེ་ཆེན་དུ། །ལྷན་ཅིག་ལེགས་བཤད་གར་གྱིས་རྩེན་པ་དེ། །དེང་ནས་དྲན་པའི་ཡུལ་དུ་གྱུར་པས་སྐྱོ། །ཕྱི་མའི་ཚེ…

གསུང་གི་བདུད་རྩིས་ཚིམ་གྱུར་ཅིག །ངེས་འབྱུང་འཛིན་མར་སེམས་མཆོག་རྩ་བརྟན་ཅིང། །དམིགས་མེད་ལྟ་བའི་ཡལ་འདབ་མཐའ་དང་བྲལ། །རིམ་གཉིས་ལམ་བཟང་མེ་ཏོག་བཞད་པའི་རྩེར། །མཐར་ཐུག་སྐུ་བཞིའི་འབྲས་བཟང་སྨིན་གྱུར་ཅིག །མདོར་ན་ཚེ་རབས་ཀུན་ཏུ་བླ་མ་ལྷས། །རྗེས་གཟུང་ས་ལམ་བགྲོད་པ་མཐར་ཕྱིན་ནས། །ནམ་མཁའི་མཐས་གཏུགས་མར་གྱུར་འགྲོ་བ་ཀུན། །ཟ…

ལྡན་བསྟན་འབར་མའི་བཤད་ལུང་སྩལ། འདུ་ཁང་ཐེབས་སུ་རྟ་རྒོད་མ་དགུ། མཛོ་འབྲི་བཅུ་གཅིག །ནས་བྲེ་བཞི་བརྒྱ་བཅས་གནང། ལམ་བར་གྱི་སྡེ་པ་སོ་སོ་དང། ཀོའུ་ཚང་རི་ཁྲོད། དམེ་རྒྱ་རི་ཁྲོད་སོགས་ནས་ཇ་ཐབ་ཞུས་པར་རི་ཁྲོད་གཉིས་ལ་མང་འགྱེད་དང། ལོ་བ་དགོན་པ་བཀྲ་ཤིས་ཆོས་འཁོར་གླིང་དུ་ཡོན་ཏན་གཞིར་གྱུར་མའི་ཁྲིད། གྱི་ལིང་དགོན་པ་དགའ་ལྡན་དར…

ཏན་གྱིས་བརྒྱད་སྟོང་པ་རྒྱལ་ཁབ་པེ་ཅིན་གྱི་པར་མ་ཁྱད་མཚར་དངུལ་སྲང་སུམ་ཅུའི་ཡོན་གྱིས་སྤྱན་དྲངས་པ་ཕུལ་བས་ཐུགས་ཤིན་ཏུ་དགྱེས་ཏེ་དགེ་རྩ་སྤེལ་བའི་སྨོན་ཚིག་ཚིགས་བཅད་བཅུ་བདུན་པ་ཞིག་དང། ཚེ་དཔག་མེད་ལྷ་དགུའི་དབང། འོད་ཟེར་ཅན་གྱི་རྗེས་གནང་སོགས་སྩལ། མི་རིན་དགེ་ལེགས་བཀྲ་ཤིས་དང་ཁོང་གཉིས་ནས། ཨོ་ཐོག་ཏཱ་པེ་ལི་བསོད་ནམས་དགེ…

བླ་མཆོད་དང་ཕྱག་ཆེན་སྦྲགས་པའི་ཁྲིད་དགེ་ལྡན་སྙན་བརྒྱུད་ནས་འོང་བའི་མན་ངག་ཞལ་ཤེས་ཀྱིས་བརྒྱན་པ་ཞག་ལྔའི་རིང་སྩལ། སྐབས་འདིར་སྡེ་ཁྲི་སྤྲུལ་བའི་སྐུ་འཇམ་དབྱངས་ཐུབ་བསྟན་ཉི་མ་སྨད་ཕྱོགས་ནས་བྱོན་ཏེ་འབྱོར་ཕྱག་ཞུས། དེ་ཡང་ཁོང་ལ་སྔ་ལོ་ཡི་གེ་གནང་བའི་ནང་དུ། ངེད་རང་ལ་ཐུག་འདོད་ན་ལོ་རྗེས་མར་ཕེབས་དགོས་གསུངས་པ་དང། སྐབས་འདིར…

འདོད་ཁམས་དབང་མོ་དགྱེས་པའི་དུས་གཏོར་གྱི་ཆོ་ག་རྒྱས་པར་གནང་ཞིང་ལོ་གསར་དགྱེས་སྟོན་ཀྱང་མཛད། དེ་གྲོལ་འཕྲལ་དགོན་པར་བྱོན་ནས་ཀྱང་ཐུགས་དགྱེས་ཉམས་ཆེན་པོ་དང་བཅས་ལོ་གསར་མཇལ་ཁ་སོགས་གང་རྒྱས་གནང། ཚེས་གསུམ་ནས་རིམ་པར་འཇིགས་བྱེད་བཅུ་གསུམ་མ། གདུགས་དཀར་ལྷ་བཅུ་བདུན་མའི་དབང། འཇིགས་བྱེད་བསྐྱེད་རིམ་གྱི་ཁྲིད། མཁའ་སྤྱོད་མའི་ས…

གདན་སར་བྱོན། བསྒྲུབ་བྱ་བཞི་ཙམ་བསྙེན་རྫོགས་དང། བཀའ་ཆོས་ཐོར་བུ་རྒྱུན་ཆགས་ཀྱི་ངང་ནས་བསྐལ་བཟང་ལྷ་ཁང་གི་དཀར་ཆག་དང་འཇམ་དཔལ་ཞལ་ལུང་ཉམས་སུ་ལེན་ཚུལ་སོགས་གསར་རྩོམ་གྱི་དབུ་ཚུགས། ནམ་མཁའི་མཐའ་བཞིན་འགྲོ་བའི་ཁམས། །དེ་བཞིན་དཔའ་ཆེན་བྱང་ཆུབ་ཐུགས། །དེ་བཞིན་འགྲོ་བའི་དོན་སྤྱོད་པ། །ཚད་དང་གྲངས་ཀྱིས་གཞལ་དུ་མེད། །གསུམ་པའི་ཚ…

བྱེད་ང་ཡིས་ནི། །རང་གི་ཡན་ལག་ལན་སྟོང་སྙེད་དུ་བཏང། །ཆོས་ཉན་པས་ནི་ང་ལ་ངོམས་མེད་ན། །དེ་དག་ཆོས་ཉན་པས་ནི་སྐྱོ་བར་འགྱུར། །རིགས་ཡིན་སྨྲ་དང་རིགས་པ་མ་ཡིན་སྨྲ། །རྣམ་པ་ཀུན་ཏུ་ཡོངས་སུ་སྤང་བར་བྱ། །བསྐལ་པ་བྱེ་བ་དུ་མར་གང་དཀོན་པ། །ཆོས་ཀྱི་དམ་པ་འདི་ལ་དགའ་བསྐྱེད་ཅིག །ཅེས་དང། འོད་སྲུང་གིས་ཞུས་པ་ལས། མང་དུ་ཐོས་པ་ལས་ཤེས་ར…

བཞུགས་མཛད་དེ་ཐུན་བཞིའི་རྣལ་འབྱོར་ཆག་མེད་དང། ཆབ་ཚན་ལ་ཕེབས་སྐབས་སོགས་ཀྱི་ལམ་བར་ནས་ཀྱང་གྲོང་ནག་གི་ཁྱིམ་དུ་གཏན་མི་ཕེབས་ཤིང་གྲོང་སྡེ་སོ་སོས་ཇ་ཐབ་ཕུལ་བ་ལ་ཡང་རས་གུར་གྱི་ནང་ནས་འདོད་ཆོས་མོས་པ་བཞིན་གནང་བ་དང། ཕེབས་ལམ་ནས་དགོན་པ་སོ་སོར་ནན་གྱིས་གདན་དྲངས་པ་ལ་ཡང་བསྟན་པའི་རྒྱུན་ལ་དགོངས་ནས་ཆོས་བཀའ་གང་ཞུས་འདོད་མོས་ལྟར…

མཐའ་དབུས་བསྟན་འཛིན་བྱེ་བའི་ཁྲོད། །མཁས་བཙུན་བཟང་པོའི་རྣམ་ཐར་རྨད་བྱུང་དང། །ལེགས་བཤད་གཏམ་གྱི་སྦྱོར་བས་ཁྱོད་ཉིད་འཕགས། །ཁྱད་པར་རྒྱལ་ཀུན་ཁྲག་ཁྲིག་བསྐལ་པའི་བར། །སྲིད་ན་ཡིད་འོང་ལྷ་རྫས་དངོས་ཀུན་གྱིས། །མཆོད་པས་དཔེ་དང་ཆར་ཡང་མི་བཟོད་པའི། །སྒྲུབ་ལ་གཞོལ་བའི་རྣམ་ཐར་འདི་རྨད་བྱུང། །གནའ་དུས་རབ་ཡངས་རྒྱ་མཚོའི་གོས་ཅན་ཁྱ…

གང་ཕན་དང། ཐད་ཀར་དོན་དུ་གང་འགྱུར་སྟོན་པ་གཅིག་དགོས་གསུངས་པ་ལྟར་རྗེ་འདི་ཉིད་ནི་འཆད་རྩོད་རྩོམ་གསུམ་ལ་འགྲན་ཟླ་དང་བྲལ་བའི་ལུང་གི་ཡོན་ཏན་དང། བསླབ་གསུམ་རིམ་གཉིས་ལ་མངའ་བརྙེས་པའི་རྟོགས་པའི་ཡོན་ཏན་གྱི་མཛོད་དུ་གྱུར་ཀྱང་ལས་དང་པོ་བའི་དགེ་སློང་རྣམ་པར་དག་པ་ཐ་མལ་པ་འབའ་ཞིག་གི་ངང་ཚུལ་ཁོ་ན་ལྷུར་བཞེས་ཏེ་སྙིགས་མའི་དུས་སུ…

པས་རང་གཞན་ཆོས་ཀྱིས་བསྲུང་བ་དང། ཇི་ལྟར་གྱུར་ཀྱང་མི་ཞུམ་ཞིང། ཇི་ལྟར་བྱས་ཀྱང་བརྩེ་བ་མི་ལྷོད་པའི་སྙིང་སྟོབས་བརྟན་པ་དང། ཀུན་གྱིས་ཇི་ལྟར་བཀུར་ཀྱང་མཆོག་དམན་བར་མ་སུ་ལ་ཡང་ཇི་མི་སྙམ་པ་མི་བྱེད་པར་ངོ་ཚ་ཁྲེལ་ཡོད་བག་དང་ལྡན་པས་འཇུག་པ་དང། སྐྱིད་དེ་བ་ལས་རབ་ཏུ་བྱུང་བའི་རང་བཞིན་དུ་གྱུར་ཀྱང་ཐོས་བསམ་སྒོམ་གསུམ་དང་བསྟན་འག…

འུད་དང་གྲགས་སྐམ་ལ་མི་དགྱེས་པས་ཆེ་ཕྲ་སུས་ཀྱང་རང་གཞན་ལ་བསྟོད་སྨད་ཀྱི་ཚིག་དོན་མེད་ཞུས་པ་དང་ལེན་མི་མཛད་པ་དང། རྒྱུན་དུ་ཡང་བསྟན་འགྲོའི་དོན་དུ་དགོངས་པའི་ཞལ་ཏ་མ་གཏོགས་གསུང་འཕྲོས་ཕལ་བའི་རིགས་ཆེར་མི་མཛད་ཅིང། ཆོས་མཐུན་གྱི་གཏམ་ལ་ཕྱོགས་སྐྱོར་བ་མ་གཏོགས་སྙིང་པོ་མེད་པའི་གཏམ་ལ་ལན་མི་མཛད་པར་བཟླས་བརྗོད་དང་དཔྱད་འཇོག་གི…

ཞལ་རས་མཐོང་ཙམ་གྱིས་དགའ་ལྷང་གིས་འགྲོ་ཞིང། དེའི་ཞར་ལ་ཞལ་རས་ཀྱི་ཉམས་ཤིག་གིས་སྤྱོད་ངན་གྱིས་ནོངས་པ་རྣམས་འཇིགས་ཞུམ་གྱིས་འགྲོ་བ་དང། སྐུ་གཟུགས་ཆེ་ཞིང་བརྗིད་པ། ཆ་མི་སྙོམས་པ་མེད་པར་ཕྱག་ཞབས་ཀྱི་མཐིལ་སྙོམས་ཤིང། སྤྱན་དང་ཕྱག་སོར་སོགས་གང་དང་གང་ལ་ཡང་མཚན་དཔེའི་ཉམས་མང་དུ་དོད་པ་དང། མཐའ་དབུས་གང་ནས་ཉན་ཀྱང་གསུང་གདངས་མཐོ་…