ནི་གཏིང་མཐའ་དཔག་དཀའ་བ། རླབས་འཕྲེང་གཡོ་བ། རིན་པོ་ཆེའི་འབྱུང་གནས་སུ་གྱུར་པའི་ཁྱད་ཆོས་གསུམ་དང་ལྡན་པ་ལྟར། འདི་གཉིས་ཀྱང་མཁྱེན་བརྩེའི་གཏིང་མཐའ་དཔག་དཀའ་བའམ། ཡང་ན་མཁྱེན་པ་ནི་ཟབ་མོའི་དེ་ཁོ་ན་ཉིད་དང་རོ་གཅིག་ཏུ་གྱུར་པས་གཏིང་དཔག་དཀའ་བ་དང། བརྩེ་བས་གཞན་ཕན་གྱི་ཐབས་མཐའ་ཡས་པ་ལ་གཞོལ་བས་རྒྱ་ཆེའོ། །ཁྱད་པར་གཉིས་པ་ནི། སྤ…

དགོས་པར་བསྟན་པ་ཡིན་ནོ། །ཤིང་རྟའི་སྲོལ་འབྱེད་གཉིས་ལ་མཆོད་པར་བརྗོད་པ་ནི། བདེ་གཤེགས་གསུང་རབ། ཅེས་སོགས་བྱུང། དེའི་དོན་ལ་ཁ་ཅིག །དགོངས་འགྲེལ་དང་བློ་གྲོས་མི་ཟད་པས་བཤད་ཚུལ་ལྟར་གྱི་ཤིང་རྟའི་སྲོལ་གཉིས་ཕྱེ་བར་བསྟན་ཟེར་ན་མི་འཐད་པར་ཐལ། འདིའི་གསུང་རབ་ཅེས་པ་གཙོ་བོར་དེ་གཉིས་ཙམ་ལ་བྱེད་པའང་མི་འཐད། ཚུལ་ཞེས་པ་བཤད་ཚུལ་ཙ…

ཚུལ་ཙམ་ལ་མི་བྱེད་པར། དྲང་ངེས་སུ་འཇོག་པའི་ལམ་མི་འདྲ་བ་གཉིས་ལ་བྱེད་པའི་ཕྱིར། དེར་ཐལ། སྨྲ་སྒོ་མཚོན་ཆ་ལས། ཚུལ་ནི་འདྲ་དང་སྨད་པ་དང། །སྒོ་དང་སྡོམ་པ་མཚན་ཉིད་དང། །ཐབས་དང་རིག་པ་དོན་དང་འདོད། །ལེགས་པ་དག་ལ་འཇུག་པ་ལས། །ཞེས་ཚུལ་གྱི་སྒྲ་དོན་བཅུར་ཕྱེའང་ལམ་གྱི་གསལ་ཁ་མ་བྱུང་ལ། རྣམ་བཤད་རིགས་པ་ལས། ཚུལ་གྱི་སྒྲ་ནི་བདེན་པ་…

རྣམས་སྨོས་པ་ཡིན་ཏེ། ཚིག་དོན་གོ་སླའོ། །རྩོམ་པར་དམ་བཅའ་བ་ནི། གཞུང་ལུགས་མང་ཐོས། ཞེས་པ་ནས། ཤིན་ཏུ་བརྩེ་བའི་བསམ་པས་བདག་གིས་བཤད། །ཅེས་པའི་བར་བྱུང། དེའང་གཞུང་ལུགས་མང་ཐོས་ཞེས་སོགས་ཀྱི་ངོས་འཛིན་ལ། གཞུང་ལུགས་མང་དུ་ཐོས་པ་རྔོག་ལོ། ས་པཎ། བུ་སྟོན་སོགས་དང། རིགས་ལམ་ལ་ངལ་བ་མང་དུ་བསྟེན་པ་ཆ་པ་ཆོས་སེང་སོགས་སེང་ཆེན་བརྒྱ…

མགོན་པོ་འཇམ་པའི་དབྱངས་དགེ་བའི་བཤེས་གཉེན་དུ་བཟུང་ནས་ཚུལ་བཞིན་དུ་བསྟེན་ཅིང་དེས་རྗེས་སུ་བཟུང་བའི་བཀའ་དྲིན་ལས་རྙེད་ཚུལ་བསྟན་པ་ཡིན་ནོ། །འདི་དག་གིས་བསྟན་བཅོས་རྩོམ་པའི་རྒྱུ་ཚོགས་སློབ་དཔོན་སྔ་མའི་མན་ངག་དང་ལྡན་ཚུལ། ནང་གི་དོན་རྟོགས་ཤེས་རབ་དང་ལྡན་ཚུལ་གཉིས་ཀྱང་ཚང་བར་བཤད་པ་ཡིན་ཏེ། སངས་རྒྱས་ནས་བཟུང་དམ་པ་བར་མ་ཆད་པ…

པའི་བྱང་ཆུབ་སྒྲུབ་པ་ལ་བསྟན་པའི་སྙིང་པོ་དེ་ཁོ་ན་ཉིད་ཀྱི་དོན་འདི་ལས་གཞན་དུ་འདར་མེད་པས། དེ་ཉིད་ཐོས་བསམ་སྒོམ་པས་གཏན་ལ་དབབ་པར་བྱ་བའི་ཕྱིར་ཐོག་མ་ཁོ་ནར་བསམ་སྦྱོར་ཕུན་སུམ་ཚོགས་པའི་སྒོ་ནས་ཚུལ་བཞིན་དུ་ཉན་པར་གྱིས་ཤིག་ཅེས་བསྐུལ་བ་ཡིན་ལ། སྔ་ཕྱི་བསྡོམས་པས་དགོས་སོགས་ཆོས་བཞིའང་བསྟན་ཏེ། གནས་འདི་ནི་ཞེས་པ་ཡན་གྱིས་བརྗོ…

སོགས་གསུངས་ཤིང། དེ་ལས་འཕྲོས་ཏེ་འབྲེལ་བ་བརྟག་པར་ཚུལ་དེ་རྒྱས་པར་སྒྲུབ་པའི་ཕྱིར་ཟེར་ན། གོང་གི་རྟགས་ཕྱི་མ་མ་གྲུབ་སྟེ། འདིའི་འབྲེལ་བ་རྟེན་བྱུང་འབྲེལ་གྱི་འབྲེལ་བ་ལ་བྱེད་པའི་ཕྱིར། དེར་ཐལ། འཇོག་པའི་གཙུག་རྒྱན་བླངས་ན་དུག་ཞི་བར་བཤད་པ་ལྟ་བུ་དགོས་པ་བཤད་ཀྱང་དེའི་ཐབས་མ་བསྟན་པས་སྐྱེ་བོའི་དོན་དུ་མི་འགྱུར་བ་དེ་འདྲ་མ་…

གསུངས་པ་དེ། དང་པོར་བསྟན་བཅོས་ལས་བཤད། དེ་ནས་དེ་ཐོས་བསམ་སྒོམ་པའི་རིམ་གྱིས་ཉམས་སུ་ལེན་དགོས་པ་ཤེས་པའི་ཆེད་ཡིན་པའི་ཕྱིར་ཏེ། མདོ་སྡེ་རྒྱན་ལས། འདི་ན་དང་པོར་ཐོས་ལ་བརྟེན་ནས་ཚུལ་བཞིན་ཡིད་ལ་བྱེད་པ་འབྱུང། །ཚུལ་བཞིན་ཡིད་ལ་བྱེད་ལས་ཡང་དག་དོན་ཡུལ་ཡེ་ཤེས་འབྱུང། །ཞེས་སོ། །ཡང་ཁ་ཅིག་ན་རེ། གཞུང་འདིས་བསྟན་པ་མཐའ་དག་གི་དེ་…

མོ་སྤྲོས་པ་དང་བྲལ་བའི་དོན་ལ་ནི་སྔགས་དང་ཕར་ཕྱིན་ཁྱད་པར་མེད་པར་མཁས་པ་གོང་མ་རྣམས་བཞེད་པ་ལེགས་པར་མཐོང་བས་ཟབ་དོན་གྱི་གོ་བ་ནི་དབུ་མའི་བསྟན་བཅོས་ལས་བཙལ་ན་སྔགས་ལས་རྟོགས་སླ་བར་མཐོང་ངོ་། །ཞེས་གསུངས་ཤིང། སྟོང་ཐུན་ལས་ཀྱང། དུས་ཀྱི་འཁོར་ལོའི་རྒྱུད་ཀྱི་དགོངས་པ་ནི། ཞེས་པ་ནས། འཁོར་བའི་རྩ་བ་གཅོད་བྱེད་ཀྱི་གཉེན་པོ་ནི་བ…

ཅེས་པ་རྣམས་ལ་ཕྱོགས་རེ་བ་ཙམ་མ་ཡིན་པའི་གོ་བ་མཐའ་ཆོད་པ་སྟེར་ཞིང་ལེགས་བཤད་སྙིང་པོ་ཆེ་ཆུང་གི་མིང་བཏགས་པའི་མཚན་གྱི་དོན་ཡང་ཤེས་པར་འགྱུར་རོ། །ཡང་ཁ་ཅིག་བསྟན་བཅོས་ལ་འཇུག་པའི་ཡན་ལག་དགོས་སོགས་བཞི་བཤད་པ་མི་འཐད་པར་ཐལ། བསྟན་བཅོས་ལ་འཇུག་པའི་སྔོན་དུ་དེ་བཞི་རྟོགས་མི་དགོས་པའི་ཕྱིར། དེར་ཐལ། དེའི་བརྗོད་བྱ་རྟོགས་པ་ལ་དེ་ཁ…

རབ་མྱོས་པ། །ལག་ལྡན་གླལ་བའི་ཁ་སྒོ་ལས། །ལུང་རིགས་དྲི་བཟང་ཅི་ཡང་སྤྲོ། །ཀྭ་ཡེ་སྙན་ཚིག་གཅམ་བུའི་གླུ་དབྱངས་ཀྱིས། །རྣ་བ་གཙེར་བའི་རྐང་དྲུག་མ་ཡིན་པར། །མདོ་རྒྱུད་མགྲིན་པའི་རྫ་རྔ་རྣམ་སྟོང་དུ། །འཁྲོལ་བ་མཁའ་འགྲོ་དཀར་པོའི་རྗེས་སུ་ཞུགས། ། ༈ གཉིས་པ་གཞུང་དངོས་ཀྱི་དོན་ལ། དྲང་ངེས་འབྱེད་དགོས་པའི་རྒྱུ་མཚན། དྲང་ངེས་ཇི་ལྟ…

འགྲེལ་ལས་དྲང་དོན་དུ་བཤད་ཀྱང་ངེས་དོན་དུ་གནས་པ་དང། ཐ་མ་དེས་ངེས་དོན་དུ་བཤད་ཀྱང་དྲང་དོན་དུ་གནས་པའི་ཕྱིར་རོ། །དེས་ན་ལུང་ཙམ་རྒྱུ་མཚན་དུ་བྱས་ནས་ཀྱང་དྲང་ངེས་ཀྱི་མདོ་སོ་སོར་འཇོག་མི་ཐུབ་ལ། རང་ཅག་ལྟ་བུས་བློ་སྟོབས་ཀྱིས་ཀྱང་སོ་སོར་འབྱེད་མི་ཐུབ། པཎྚི་ཏ་དང་གྲུབ་ཆེན་ཡིན་ཚད་ཀྱི་གསུང་གི་རྗེས་སུ་འབྲང་ནས་ཀྱང་འབྱེད་མི་ཐ…

དམ་པར་སྐྱེ་བར་མི་འགྱུར་བས་སྐྱེ་བ་མེད་པ་སྟེ་སྨོན་མེད་དང་གསུམ་དུ་གསུངས་སོ། །སྤྱིར་རྣམ་ཐར་སྒོ་གསུམ་གྱི་འཇོག་ཚུལ་དུ་མ་ཡོད་དེ། མཛོད་ལས། མཚན་མེད་ཞི་བའི་རྣམ་པ་དང། །སྟོང་ཉིད་བདག་མེད་སྟོང་ཉིད་དུ། །འཇུག་པའོ་སྨོན་པ་མེད་པ་ནི། །དེ་ལས་གཞན་བདེན་རྣམ་པ་ཅན། །ཞེས་སྟོང་བདག་མེད་གཉིས་རྣམ་པར་ཐར་པའི་སྒོ་སྟོང་པ་ཉིད་དང། སྡུག…

མེད་མ་བཤད་ལ། འགྲེལ་པས་ལམ་གྱི་བཞི་མཚན་མེད་ལ་སྦྱར་ཀྱང། རྒྱན་ལས་ལམ་གྱི་བཞི་གང་ལའང་མ་སྦྱར་ཏེ། བདག་འཛིན་གཉིས་ཤེས་པ་དང། སྤོང་བ་དང་སྤངས་པ་མངོན་དུ་བྱེད་ཚུལ་ཙམ་གསུངས་པ་ཡིན་གྱི། བདེན་བཞིའི་ཁྱད་ཆོས་བཅུ་དྲུག་ལ་སྦྱར་བ་མ་ཡིན་པའི་ཕྱིར། བསྡུ་བ་ལས། ཀུན་བཏགས་པའི་ངོ་བོ་ཉིད་ལ་བརྟེན་ནས་ནི་རྣམ་པར་ཐར་པའི་སྒོ་སྟོང་པ་ཉིད་རྣ…

སྤངས་པའི་ཕྱིར། །ཞེས་དང། ཤཱུ་ནྱ་ཏའི་སྔགས་དོན་བཤད་པའི་ཐད་ཀྱི་སྒྲུབ་ཐབས་ཀུན་བཟང་ལས། ངོ་བོ་ཉིད་དང་བྲལ་ཕྱིར་སྟོང་པ་སྟེ། །དེ་བཞིན་རྒྱུ་དང་བྲལ་ཕྱིར་མཚན་མ་མེད། །རྟོག་པ་རྣམས་དང་བྲལ་ཕྱིར་དངོས་པོ་ནི། །མ་ལུས་སྨོན་པ་ལས་ནི་ངེས་པར་གྲོལ། །ཞེས་གསུངས་ཏེ། ལམ་དོན་དམ་པར་རྒྱུ་ལས་མ་སྐྱེས་པ་དང། དོན་དམ་པར་མ་གྲུབ་པ་དང། དོན་ད…

པས་སྟོང་ལ་སྟོང་པ་ནི། །ཡིན་དང་མཚན་མས་ཅི་ཞིག་བྱེད་པར་འགྱུར། །མཚན་མ་ཐམས་ཅད་ལོག་པར་གྱུར་པའི་ཕྱིར། །མ་ལུས་སྨོན་པ་ལས་ནི་ངེས་པར་གྲོལ། །ཞེས་གསུངས་པའི་ཕྱིར། ཁྱབ་སྟེ། ཡིན་དང་ཞེས་པ་ནི་ཡིན་ན་ཞེས་པ་དང་འདྲ་ལ། སྨྲ་སྒོ་མཚོན་ཆ་ལས། རྒྱུ་མཚན་དོན་གྱིས་བསྟན་པ་དང། །ཞེས་ནི་སྒྲ་རྒྱུ་མཚན་ལ་འཇུག་པར་བཤད་པས་འདིའང་རྒྱུ་མཚན་སྟོན…

ཐབས་ཚུལ་རིགས་པ་བརྒྱ་དག་གིས། །དེ་དག་རྣམས་ནི་འཛུད་པར་མཛད་པ་ལགས། །ཞེས་འབྱུང་བ་དང་སྔ་མ་གཉིས་འགྱུར་ཁྱད་ཙམ་ལས་གཅིག་ཏུ་སྣང་བའི་ཕྱིར། དེར་ཐལ། དགེ་སློང་དག་གམ་མཁས་རྣམས་ཀྱིས། །ཞེས་སོགས་ཀྱང་དྲི་མེད་འོད་རྭ་འགྱུར་དུ་འདིར་དྲངས་པ་བཞིན་འབྱུང་ཡང། འབྲོ་འགྱུར་ལས། བསྲེགས་བཅད་བརྡར་བའི་གསེར་བཞིན་དུ། །མཁས་པ་རྣམས་ཀྱིས་ཡོངས་…

མེད་པས་སྒོམ་པ་མེད། །ཅེས་པ་ནས། ཚིགས་བཅད་འདི་ཡིས་རྒྱུ་མི་རྒྱུའི། །བདག་ཉིད་ཆེ་རྣམས་སྟོང་པར་བསྒོམ། །ཆོ་གའི་སྦྱོར་བ་འདི་ཡིས་ནི། །ཡེ་ཤེས་ས་གཞིར་བྱིན་གྱིས་བརླབས། །ཞེས་གསུངས་པའི་ཕྱིར། ཡང་ཁ་ཅིག །ཁྱོད་ཀྱིས་བྱ་བྱེད་ལས་གསུམ་ལ་སྦྱོར་བའི་ཚུལ་དེ་མི་འཐད་པར་ཐལ། སྟོང་ཉིད་དེ་གསུམ་དུ་ཕྱེ་བའི་ནང་གི་ལས་མ་ཡིན་པའི་ཕྱིར། དེ…

ཚད་མ་ལས་འབྲས་བུ་དོན་གཞན་དུ་གྱུར་པ་ནི་མེད་ཀྱི། ཞེས་བྱ་བ་རྫས་གཞན་མེད་ཀྱང་བྱ་བ་གཏན་མེད་དུ་མི་འགྱུར་བའི་སྐྱོན་སྤོང་མཛད་པ་འབྲེལ་མེད་པར་ཐལ། བྱ་བ་དེ་བྱེད་པ་ལས་རྫས་གཞན་དུ་མ་གྲུབ་པའི་ཁས་བླང་རང་ལ་མེད་པའི་ཕྱིར། དེར་ཐལ། ཁྱོད་ཀྱིས་གསད་བྱ་དེ་བྱ་བར་བཞག་པ་གང་ཞིག །གསད་བྱ་དེ་གསོད་པ་པོའི་བདག་ཉིད་དུ་ཁས་ལེན་པ་བཞད་གད་ཡིན…

ཞེས་པའི་བཤད་བྱའི་ཡུམ་གྱི་མདོ་ལས། ཆོས་རྣམས་ངོ་བོ་ཉིད་མ་མཆིས་པ། སྐྱེ་བ་མ་མཆིས་པ། འགག་པ་མ་མཆིས་པ། ཞེས་ཆོས་རེ་རེའི་སྟེང་དུའང་ཁྱད་པར་དེ་དག་སྦྱར་ནས་གསུངས་པའི་ཕྱིར། དེར་ཐལ། དེའི་རྒྱུ་མཚན་གཞི་བུམ་པ་གཅིག་པུ་ལའང་བདེན་པར་ཞེན་པའི་ཚེ། རྒྱུ་ལས་སྐྱེས་པའི་ཆ་ནས་བདེན་པར་ལྟ་བ་དང། འབྲས་བུ་སྐྱེད་པའི་ཆ་ནས་བདེན་པར་ལྟ་བ་སོ…