མཚམས་མེད་ལས་ཆོས་ཅན། དེར་ཐལ། དེའི་ཕྱིར། རྟགས་གྲུབ་སྟེ། མཚམས་མེད་ལས་ཡིན་པའི་ཕྱིར། ཁྱབ་སྟེ། མཚམས་མེད་དུ་འགྱུར་བ་ལ་ཕ་མ་གླིང་གསུམ་གྱི་སྐྱེས་པ་བུད་མེད་གང་རུང་ཡིན་ཞིང་། གསོད་མཁན་ཡང་ཟ་མ་སོགས་མ་ཡིན་པ་ཞིག་གིས་འདུ་ཤེས་མ་འཁྲུལ་བའི་སྒོ་ནས་བསམས་བཞིན་དུ་བྱས་ཏེ་དངོས་གཞི་རྫོགས་དགོས་པའི་ཕྱིར་དང། ངེས་པའི་ལས་ཀྱི་དོན་དེ…

གོང་ནས་གསོད་སེམས་ལོག་པའི་ཕྱིར། འོད་ལྡན་ལས། མ་སྐྱེས་དགྲས་གསོན་པའི་སྒྲ་ཞིག་ཡོད་ན་མགུ་བའི་རྫས་སྦྱིན་པར་དམ་བཅས་པ་དང་། གཟུགས་ཅན་སྙིང་པོ་ཤིན་ཏུ་མྱུར་བར་འོངས་པ་རྣམས་ཀྱི་སྒྲ་ཐོས་པས་ཤི་བར་གྱུར་པའི་ཕྱིར། ཞེས་གསུངས་པའི་ཕྱིར་ན་མ་ཁྱབ་སྟེ། སྙིང་རྗེ་སྐྱེས་ཀྱང་གསོད་སེམས་མ་ལོག་པའི་ཕྱིར། དེ་ཉིད་ལས། རབ་ཏུ་སྡང་བའི་གནས་…

དགྲ་བཅོམ་པའི་ཆོས་མེད་པར་ནོར་བས་བསད་ན་མཚམས་མེད་པར་འགྱུར་ན་མི་རུང་གི །འོན་ཀྱང་ཕམ་པ་ནི་སུས་ཀྱང་བཟློག་པར་དཀའོ། །ཞེས་གསུངས་པའི་ཕྱིར། མཚམས་མེད་ལྷག་མ་རྣམས་འབྱུང་མི་འབྱུང་གི་ཁྱད་པར་ཡང། མཛོད་ལས། མཚན་ནི་གཞན་དུ་གྱུར་ཀྱང་འགྱུར། །གང་གི་ཟླ་མཚན་ལས་བྱུང་མ། །སངས་རྒྱས་བརྡེག་པར་སེམས་ལ་མིན། །བསྣུན་འོག་དགྲ་བཅོམ་པ་ལ་མིན།…

བཅོམ་འབྲས་ལངས་པ། །དེ་ལ་ཕན་གནོད་བྱས་པ་ཡིས། །འབྲས་བུ་འཕྲལ་དུ་མྱོང་བར་འགྱུར། །ཞེས་སོགས་ཀྱིས་བཤད་པའི་ལས་སྟོབས་ཅན་དུ་མ་ལ་སྐུར་བ་བཏབ་པར་འགྱུར་ཏེ། མིའི་སྡུག་བསྔལ་ཐམས་ཅད་བསྡོམས་ཀྱང་དམྱལ་བའི་སྡུག་བསྔལ་གྱི་ཆར་མི་འགྲོ་བའི་ཕྱིར། མཛོད་འགྲེལ་ལས་སོ། །བྱེ་སྨྲ་ལྟར་ན་ཚེ་དེ་དང་དེར་རྫོགས་དགོས་པས་ལས་གཅིག་གིས་ལུས་དུ་མ་འཕ…

བྱེད་མེད་དམ་སྙམ་སྟེ་དཔྱད། རང་ལུགས་ལ། རང་དང་མཚུངས་ལྡན་གྱི་སེམས་ཡུལ་ལ་གཡོ་ཞིང་སྐུལ་བར་བྱེད་པའི་སེམས་པས་རབ་ཏུ་ཕྱེ་བ་དེ། ལས་ཀྱི་མཚན་ཉིད། ལས་ལ་བག་ཆགས་ཡོད་དེ། བཅུ་པ་སྲིད་པ་བག་ཆགས་ཡིན་པའི་ཕྱིར། རྟེན་འབྲེལ་མདོ་འགྲེལ་ལས། བག་ཆགས་ཀྱི་གནས་སྐབས་ལ་སྲིད་པའི་མིང་ཐོབ་པ་ཡིན་ནོ། །ཞེས་གསུངས་ཤིང། འདི་ཙམ་དབུ་སེམས་ཀུན་མཐུ…

ནུས་པས་མི་གཡོ་བ་ཡིན་ཏེ། ས་འོག་མའི་ཉོན་མོངས་དེ་དག་གིས་མི་བསྒུལ་བའི་ཕྱིར་རོ། །ཞེས་པ་ལྟར་རམ། རྣམ་སྨིན་ཁམས་དང་འགྲོ་བ་གཞན་དུ་མི་གཡོ་བ་ལ་ཡང་བཤད་དོ། །སྐྱེ་བ་འགྲུབ་ཚུལ་གྱི་སྒོ་ནས་ལས་གཅིག་གིས་ལུས་དུ་མ་འཕེན་པ་མ་འགགས་པ་རྩྭ་ཐུན་དུ་གྱུར་པའི་ཚེ། རང་སངས་རྒྱས་སྟེང་གནས་བསམ་ཤེས་ལ་བསོད་སྙོམས་གཅིག་ཕུལ་བས་ལྷར་ལན་བདུན་དང…

བསལ་བ་སྟེ་བཅུ་གསུངས་ལ། བསྡུ་བར། མི་མཁས་པས་བྱས་པ་དང། རྨི་ལམ་དུ་བྱས་པ་དང་། ཆེད་དུ་མ་བྱས་པ་དང་། མི་འདོད་བཞིན་དུ་བྱས་པ་དང་། ལན་གཅིག་ཁོ་ན་བྱས་ཤིང་སྟོབས་བཞིས་སྲབ་མོར་བྱས་པ་དང་། འཇིག་རྟེན་པའི་ཆགས་བྲལ་གྱིས་ས་བོན་ཉམས་སྨད་པ་དང་། འདས་ལམ་གྱིས་ཡང་དག་པར་བཅོམ་པ་སྟེ་བརྒྱད་གསུངས་སོ། །བསགས་ལ་མ་བྱས་པ་ནི། གསོད་སེམས་ཡུན…

ཕྱིར། འདིས་མཚོན་ནས་རྨི་ལམ་ན་བྱས་པ་མངོན་ཞེན་གྱིས་གསོས་མ་བཏབ་པའི་བྱས་ལ་མ་བསགས་པ་དང་། གསོས་བཏབ་པའི་བྱས་བསགས་ཚང་བ་རྣམས་ཀྱང་ཡིད་ལས་སུ་འགྲོ་བ་ཤེས་པར་གྱིས། དེ་ལ་ཁོ་ན་རེ། རྨི་ལམ་གྱི་ལས་ལ་བྱས་བསགས་ཚང་བ་མེད་པར་ཐལ། བསྡུ་བས་དེ་བྱས་ལ་མ་བསགས་པར་གསུངས་པའི་ཕྱིར་ན་མ་ཁྱབ་སྟེ། ལས་མེད་ལ་སོགས་ཀླན་ཀ་ཡི། །ཞེས་སོགས་དབུ་སེམ…

རྒྱུན་ཞུགས་ཆོས་ཅན། དངོས་གཞི་རྒྱུད་ལྡན་ཡིན་པར་ཐལ། གོང་མར་སྐྱེ་བ་འཕེན་བྱེད་ཀྱི་ལས་རྒྱུད་ལྡན་ཡིན་པའི་ཕྱིར་ན་མ་ཁྱབ། རྟགས་གྲུབ་སྟེ། སྤེལ་སྒོམ་གྱི་ནང་ཚན་གནས་གཙང་གི་སྐྱེ་བ་འཕེན་བྱེད་ཀྱི་ལས་སུ་བསྒྱུར་རྒྱུའི་འབྲས་བུ་ཆེ་བར་འཕེན་བྱེད་ལས་རྒྱུད་ལྡན་ཡིན་པའི་ཕྱིར། དོན་གསང་ལས། མི་གཡོ་བའི་ལས་བསམ་གཏན་སྤེལ་མ་དང་མཚུངས་…

མཚམས་མེད་ལས་ཀྱི་སྦྱོར་དངོས་གཉིས་ཀའི་ཡིན་པ་ཡོད་པར་ཐལ། ཕ་བསད་པའི་མཚམས་མེད་ལས་ཀྱི་སྦྱོར་བ་ལ་དགྲ་བཅོམ་བསད་པའི་མཚམས་མེད་ཡོད་པའི་ཕྱིར་ན་མ་ཁྱབ། ཡང་ཁ་ཅིག །གཞན་གྱིས་བྱས་པའི་ལས་ཀྱི་འབྲས་བུ་ལ་ལོངས་སྤྱོད་པ་མེད་པར་ཐལ། ལས་མ་བྱས་པ་དང་མི་འཕྲད་པའི་ཕྱིར་ན་མ་ཁྱབ། འདོད་མི་ནུས་ཏེ། རྣལ་འབྱོར་སྤྱོད་པའི་ས་དབུ་མའི་མཐའ་དཔྱོད…

གང་ཞེ་ན། རྣམ་པར་ཤེས་པའི་ཚོགས་དྲུག་གོ །ཞེས་བཤད་པ་དེ་འཐད་པ་ཡིན་ནོ། །ཞེས་གསུངས་པའི་ཕྱིར། འོན་ཀྱང་བར་དོར་འབྲས་དུས་ཀྱི་རྣམ་ཤེས་བཞག་པ་མི་འཐད་པར་ཐལ། རྟེན་འབྲེལ་མདོ་འགྲེལ་ལས། ཅིའི་ཕྱིར་རྣམ་པར་ཤེས་པའི་རྐྱེན་གྱིས་སྲིད་པ་བར་མའི་མིང་དང་གཟུགས་རྣམ་པར་མ་བཞག་ཅེ་ན། འདུ་བྱེད་ནི་སྐྱེས་པའི་དབང་དུ་བྱས་ཏེ། ཞེས་གསུངས་པའི་…

ངོ་། །གཞན་ཡང་། རྩ་ཤེ་ལས། གལ་ཏེ་སྨིན་པའི་དུས་བར་དུ། །གནས་ན་ལས་དེ་རྟག་པར་འགྱུར། །གལ་ཏེ་འགག་ན་འགག་གྱུར་པས། །འབྲས་བུ་ཇི་ལྟར་སྐྱེད་པར་འགྱུར། །ཞེས་པ་ལྟར། གཞན་སྡེས་བརྩད་པའི་ལན་དུ་བྱེ་སྨྲ་ཁ་ཅིག་ཐོབ་པ་དང། ཁ་ཅིག་ཆུད་མི་ཟ་བ་ཁས་བླངས་ནས་སྐྱོན་སྤོང་བྱེད། ཁ་ཆེ་བ་དང་མདོ་སྡེ་པས་རྣམ་ཤེས་ཀྱི་རྒྱུན་དང་། སེམས་ཙམ་པས་ཀུན་…

ཡིན་གྱི། ཉིང་མཚམས་སྦྱོར་བའི་རྣམ་པར་ཤེས་པ་ནི་མ་ཡིན་ནོ། །ཞེས་གསུངས་པའི་ཕྱིར། གཞན་ཡང་། དེ་མི་འཐད་པར་ཐལ། འབྲས་དུས་ཀྱི་རྣམ་ཤེས་དང། བཞི་པ་མིང་གཟུགས་དུས་མཉམ་དུ་གྲུབ་པ་གང་ཞིག །ཡ་མཐའ་ཡང་འཆི་སྲིད་བར་དུ་ཡོད་པའི་ཕྱིར། རྟེན་འབྲེལ་མདོ་འགྲེལ་ལས། ཉིང་མཚམས་སྦྱོར་བའི་རྣམ་པར་ཤེས་པ་དང་བཞི་པ་མིང་གཟུགས་དུས་མཉམ་དུ་གྲུབ་ཅི…

ལས། འདུ་བྱེད་ཀྱིས་ཡོངས་སུ་བསྒོས་པའི་རྣམ་པར་ཤེས་པ་ནི་སྲིད་པ་བར་མའི་རྒྱུན་གྱིས་མའི་མངལ་དུ་འཇུག་པ་ཉིད་ཡིན་པར་རིག་པར་བྱ་སྟེ། དེ་དང་འབྲེལ་བའི་ཕྱིར་རོ། །ཞེས་གསུངས་པའི་ཕྱིར། འདི་ལ་དཔགས་ན་སེམས་ཙམ་པས་འབྲས་དུས་ཀྱི་རྣམ་ཤེས་ལ་རྒྱུ་དུས་ཀྱི་དེས་ཁྱབ་པར་འདོད་དགོས་ལ། རང་རྒྱུད་པས་ཀྱང་མི་འགལ་བར་འདོད་དོ། །འོན་ཀྱང་རང་རྒ…

ཕྱིར་ན་མ་ཁྱབ་སྟེ། མདོ་སྡེ་པའི་ལུགས་ཡིན་པའི་ཕྱིར། ཡང་ཁ་ཅིག །འཕགས་སེང་སོགས་ཀྱང་ཡན་ལག་གསུམ་པ་ཀུན་གཞིར་བཞེད་པར་ཐལ། ཉི་སྣང་ལས། ཀུན་གཞིའི་རྣམ་པར་ཤེས་པ་ལ་སོགས་པ་ཤེས་བྱ་རྣམ་པ་བཅུས་བསྡུས་པའི་ཞེས་སོགས་དང། སློབ་དཔོན་གྱི་སྡུད་འགྲེལ་ལས། ཀུན་གཞིའི་རྣམ་པར་ཤེས་པ་ལ་ཆོས་ཐམས་ཅད་ཀྱི་བག་ཆགས་བརྟེན་པས། ཞེས་གསུངས་པའི་ཕྱིར་…

མ་འདོད་གཟུགས་གཉིས་ན་ཡོད། དེ་ལ་ཡང་དབྱེ་བ་མངལ་གྱི་གནས་སྐབས་ལྔ་སོགས་དང། གཞན་ཡང་འབྱུང་བཞིའི་ཁམས་དང། སྒྲ་མ་གཏོགས་པའི་འབྱུང་འགྱུར་བཞི་སོགས་མདོ་ལས་གསུངས་སོ། །ས་མཚམས་ནི། སའི་དངོས་གཞིར། རྣམ་པར་ཤེས་པའི་རྐྱེན་གྱིས་མིང་དང་གཟུགས་ཞེས་ཀྱང་བྱ་ལ། མིང་དང་གཟུགས་ཀྱི་རྐྱེན་གྱིས་རྣམ་པར་ཤེས་པ་ཞེས་ཀྱང་བྱ་སྟེ། ད་ལྟར་གྱི་དུས…

དེའི་ཚོད་དུ་སླེབ་པ་ནས་འཇོག་པར་སའི་དངོས་གཞིར་གསུངས་སོ། །འདི་ལ་བྱེ་སྨྲས་འདོད་ཚུལ་ནི། གང་སྤེལ་ལས། ཁ་ཅིག་དབང་པོ་ཚང་ལ་ཁ་ཅིག་དབང་པོ་མ་ཚང་སྟེ། ཡོངས་སུ་རྫོགས་པར་བྱེད་པའི་ལས་མང་བའི་ཕྱིར་དང་། འཕེན་པར་བྱེད་པའི་ལས་འདྲ་བའི་ཕྱིར། དེ་ལྟ་མ་ཡིན་ན་འགའ་ཡང་དབང་པོ་མ་ཚང་བར་མི་འགྱུར་རོ། །ཞེས་སྐྱེ་མཆེད་དང་པོ་བཞི་རྫོགས་འབྲས…

པའི་རྐྱེན་གྱིས་དེས་ཡོངས་སུ་བཅད་པའི་ཡུལ་གསུམ་ཅི་རིགས་རང་སྟོབས་ཀྱིས་མྱོང་བའི་མྱོང་བར་གྱུར་པའི་ཉེར་ལེན་གྱི་ཕུང་པོ་དེ། བདུན་པ་ཚོར་བའི་རྟེན་འབྲེལ་གྱི་མཚན་ཉིད། དབྱེ་ན་གསུམ་གང་སྐྱེས་ན་མི་འབྲལ་བར་འདོད་པ་སྐྱེ་བའི་རིགས་གནས་ཀྱི་སེམས་བྱུང་མྱོང་བ་དེ་ཚོར་བ་བདེ་བའི་མཚན་ཉིད། དེས་གཞན་གཉིས་ཀྱང་ཤེས་སླ། འདིར་སྡོམ་བརྩོན…

གང་རུང་ལ་དམིགས་ནས་སྐྱེས་ཤིང། བདེ་བ་དང་མི་འབྲལ་བ་དང་སྡུག་བསྔལ་དང་འབྲལ་བ་དང་། བཏང་སྙོམས་ལས་མི་ཉམས་པ་ཅི་རིགས་སུ་སྲེད་པའི་རིགས་གནས་གང་ཞིག །ཚར་གཅིག་པའི་ལེན་པ་འདྲེན་བྱེད་ཀྱི་འདོད་ཆགས་དེ། བརྒྱད་པ་སྲེད་པའི་མཚན་ཉིད། འདིའི་ཚོར་བ་ལ་ཡན་ལག་འདུན་པ་ཞེས་སྦྱར་བ་མ་དག་པར་མངོན་ཏེ། དེ་ནི་ཚེ་སྔ་མའི་ལས་ཀྱི་འཕངས་འབྲས་ཡིན་པ…

པ་ནི་ཚོར་བ་ཁོ་ན་ལ་དམིགས་ནས་འབྲལ་བའམ་མི་འབྲལ་བར་འདོད་ཙམ་ཡིན་ལ། དེའི་ཕྱིར་དུ་འདོད་ཡོན་དང། ལྟ་བ་སོགས་ལ་ཆགས་པ་དང་། མ་འོངས་པའི་སྲིད་པ་ལ་འདུན་པ་སོགས་ནི་སྲེད་པ་དེ་ཉིད་འཕེལ་ཏེ་ལེན་པར་འཕོས་པའི་སྐབས་ཡིན་པའི་ཕྱིར། ཀ་ཤིའི་མདོ་འགྲེལ་ལས། སྡུག་པའི་དངོས་པོ་ལ་སྨོན་པའི་རྣམ་པ་ནི་ལེན་པའོ། །ཞེས་དང་། རྣམ་འགྲེལ་ལས། སྲིད་འ…