མཆོག་ལམ་གྱི་གཞུང་ཤིང་སྟེ། །ཞེས་གསུངས་ཤིང་། པཎ་ཆེན་ཐམས་ཅད་མཁྱེན་པས་ཕྱག་ཆེན་རྩ་བ་ལས་ཀྱང་། འཇུག་པའི་སྒོ་དང་གཞུང་ཤིང་ཕྱིར། །ཞེས་ཁྱད་པར་གཉིས་ཀ་གསུངས་སོ། །དེས་ན་མདོར་བསྟན་རྒྱས་བཤད་ཀྱི་ཚུལ་འདི་ལྟར་སྦྱོར་བ་རྒྱལ་བ་བྱམས་པའི་མན་ངག་ཡིན་ཏེ། མདོ་སྡེ་རྒྱན་ལས། གང་ཕྱིར་དང་པོར་ངེས་པར་བྱ་བ་འདི་དཀའ་སྟེ། །དེ་ནི་བསྐལ་པ་ས…

སྒྲོལ་བྱེད་ཆོ་འཕྲུལ་གཞན་གཉིས་ནི་གནས་སྐབས་སུ་དད་པ་བསྐྱེད་པའི་སྨིན་བྱེད་ཙམ་དུ་འགྱུར་ཡང་གྲོལ་བྱེད་དངོས་གཞིར་མི་འགྲོ་ལ། གྲོལ་བྱེད་དངོས་གཞི་རྗེས་སུ་བསྟན་པའི་ཆོ་འཕྲུལ་གྱི་སྒོ་ནས་གདུལ་བྱའི་རྒྱུད་ལ་ཡང་དག་པའི་ལམ་ཁྱད་པར་ཅན་སྐྱེད་པ་འབའ་ཞིག་ཡིན་པས། དེས་ན་བསྐལ་པ་དུ་མར་ཐུགས་ལ་བརྣག་པའི་དགོངས་པ་མཐར་ཐུག་པ་གདུལ་བྱའི་…

ཞེས་བརྗོད་དོ། །ཞེས་རིགས་ཀྱི་དྲི་མ་དག་མ་དག་གི་སྒོ་ནས་ཀྱང་སེམས་ཅན་གྱི་སྒྲ་འཇུག་ཚུལ་ཞིག་གསུངས་པས། ངེས་ཚིག་གི་བཤད་པ་དུ་མ་ཞིག་བྱར་ཡོད་པར་སྣང་ངོ་། །ཐུབ་པའི་དབང་པོ་ཉིད་ཀྱིས་ཐོག་མར་ཐུགས་བསྐྱེད་ཚུལ་ཡང། བསྐལ་བཟང་ལས་རྫ་མཁན་གྱི་ཁྱེའུ་སྣང་བྱེད་དུ་གྱུར་པའི་ཚེ་ཤཱཀྱ་ཐུབ་པ་ཆེན་པོའི་དྲུང་དུ་ཐུགས་བསྐྱེད་པ་དང་། ཕུང་པོ་…

བསགས་པའི་སྐབས་ལས་བརྩམས་ཏེ་རྒྱས་པར་བཤད་པ་ལ། རང་རྒྱུད་སྨིན་བྱེད་ཕ་རོལ་ཏུ་ཕྱིན་པ་དྲུག་ལ་བསླབ་ཚུལ་ལས་བརྩམས་པ་དང་། གཞན་རྒྱུད་སྨིན་བྱེད་བསྡུ་བ་བཞི་ལ་བསླབ་ཚུལ་ལས་བརྩམས་པ་གཉིས། དང་པོ་ཕར་ཕྱིན་དྲུག་ཏུ་དབྱེ་བའི་རྒྱུ་མཚན་ལ། རྒྱལ་ཚབ་བྱམས་པ་མགོན་པོས། མངོན་མཐོ་ལ་ལྟོས་པའི་གྲངས་ངེས། དོན་གཉིས་སྒྲུབ་པ་ལ་ལྟོས་པའི་གྲངས་…

བསླབ་གསུམ་དབང་དུ་མཛད་ནས་ནི། །རྒྱལ་བས་ཕ་རོལ་ཕྱིན་པ་དྲུག །ཡང་དག་བཤད་དེ་དང་པོ་གསུམ། །ཐ་མ་གཉིས་ནི་རྣམ་པ་གཉིས། །གཅིག་ནི་གསུམ་ཆར་ལ་ཡང་གཏོགས། །ཞེས་པ་ལྟར། ཚུལ་ཁྲིམས་ཀྱི་བསླབ་པའི་ཁོངས་སུ་བསྡུས་ཏེ་ཕར་ཕྱིན་དང་པོ་གསུམ་ལ་བསླབ་ཚུལ། བསླབ་པ་གསུམ་གར་ཁྱད་མེད་དུ་གལ་ཆེ་བ་བརྩོན་འགྲུས་ལ་བསླབ་ཚུལ། ཏིང་ངེ་འཛིན་གྱི་བསླབ་པའི…

སྦྱིན་པའི་སྟོབས་ཀྱིས་ཚུལ་ཁྲིམས་རྣམ་པར་དག་པ་འབྱུང་ཚུལ་གོང་དུ་དྲངས་པ་བཞིན་ཡིན་ལ། ཐོས་པའི་སྟོབས་ཀྱིས་ཚུལ་ཁྲིམས་རྣམ་པར་དག་པ་འབྱུང་ཚུལ་ནི་སྐྱེས་རབས་ལས། ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་བཟློག་པར་འགྱུར། །ཐོས་པས་དོན་མ་ཡིན་པ་སྤོངས། །ཐོས་པས་མྱ་ངན་འདས་པ་འཐོབ། །ཅེས་གསུངས་པ་བཞིན། བཅས་རང་གི་ཉེས་པས་མ་…

བྱས་པར་འགྱུར་རོ། །དེ་ཅིའི་ཕྱིར་ཞེ་ན། བྱམས་པ་དེ་བཞིན་གཤེགས་པ་རྣམས་ཀྱི་བྱང་ཆུབ་ནི་མང་དུ་ཐོས་པ་ལས་བྱུང་བ་ཡིན་གྱི། དངོས་པོ་ཡོངས་སུ་འཛིན་པ་ལས་བྱུང་བ་ནི་མ་ཡིན་པའི་ཕྱིར་རོ། །ཞེས་ངེས་པར་འབྱུང་བ་ཐར་པའི་རྒྱུ་ཚོགས་ལ་སྦྱིན་པ་ལས་ཐོས་པ་གཙོ་བོར་གསུངས་པའི་ཤུགས་ཀྱིས་ངེས་པར་འབྱུང་བའི་ཚོགས་ལ་ཐོས་པ་གཙོ་ཆེ་བར་འགྲུབ་སྟེ།…

གྲོ་བྱ་བའི་ཡུལ་དུ་གསུངས་ལ། འོད་ལྡན་ལས་ཀྱང། ནད་པ་སྙིང་བརྩེ་འཁོར་ནི་དག་པ་དང། །ཞེས་བླ་མ་བརྩེ་བའི་བདག་ཉིད་ཅན་དུ་དཔོག་བྱེད་ཀྱི་གཙོ་བོ་ནད་པར་སྙིང་བརྩེ་བ་ལ་གསུངས་སོ། །ཁྱད་པར་བྱང་ཆུབ་སེམས་དཔའི་སྦྱིན་པ་ནི་ཡུལ་གྱི་ནང་ནས་ཀྱང་གང་ཉམ་ཐག་པ་དེ་གཙོ་བོར་བྱེད་པ་ཞིག་དགོས་ཀྱི། རྣམ་སྨིན་མཆོག་ལ་རེ་བས་ཡུལ་གང་བཟང་བ་གཙོ་བོར་…

ཉམ་ཐག་པ་ཡལ་བར་དོར་ན་ཉེས་པ་ལྕི་བ་ཞིག་འབྱུང་བར་བཤད་ལ། སྟོན་པ་ཐུགས་རྗེ་ཅན་ཉིད་ཀྱིས་ཀྱང་དགེ་སློང་བྲོ་འཚལ་བ་མི་གཙང་བའི་ཁྲོད་དུ་བྱིང་བ་གཟིགས་ཏེ་རང་གིས་ཕྱག་བསྟར་ནས་རིམ་གྲོ་མཛད་ཚུལ་འདུལ་བ་ལུང་སོགས་ལས་འབྱུང་ངོ་། །སྔོན་སློབ་པའི་དུས་ནའང་རྒྱལ་པོ་ཡེ་ཤེས་སྟོབས་ཀྱི་སྲས་མོ་ཡེ་ཤེས་ལྡན་དུ་གྱུར་པའི་ཚེ། བསྟན་པའི་ཐ་མ་ལ་…

ཡང་སེང་གེ་རལ་པ་ཅན་དུ་འཁྲུངས་པའི་ཚེ་ཚོང་པ་ལྔ་བརྒྱ་དུག་སྦྲུལ་གྱིས་བསྐོར་ནས་འཆི་ལ་ཐུག་པའི་སྲོག་བསྐྱབས་པ་སོགས་གང་སྡུག་བསྔལ་གྱིས་གཟིར་བ། མགོན་དང་སྐྱབས་མེད་པ་རྣམས་ཀྱི་ཆེད་དུ་རང་གི་འཚོ་བའི་དངོས་པོ་སྲོག་དང་། དེའི་རྟེན་ལུས་ཀྱི་ཤ་ཁྲག །བརྟེན་པའི་རྐྱེན་ལོངས་སྤྱོད་འཁོར་གཡོག་ལ་སོགས་པ་མཐའ་དག་ཕངས་པ་མེད་པར་ཡོངས་སུ་བ…

འབར་གྱུར་ཅིག །ཅེས་བྱུང་། དེའང་ཐུབ་པའི་དབང་པོ་ཉིད་རྒྱལ་བུ་ཐམས་ཅད་སྒྲོལ་དུ་གྱུར་པ་ན་གླང་པོའི་མཆོག་སྦྱིན་པར་བཏང་ཞིང། དེའི་རྐྱེན་གྱིས་རྒྱལ་པོས་ཡུལ་ནས་སྤྱུགས་པའི་ལམ་དུའང་ཤིང་རྟ་དང་། མཐར་སྲས་སྲས་མོ་བཙུན་མོའི་བར་དུ་སློང་མཁན་བྱུང་བ་རྣམས་ལ་ཞུམ་པ་མེད་པར་དེ་ཐམས་ཅད་གང་འདོད་དུ་སྩལ་བ་དང་། འཁོར་ལོས་བསྒྱུར་བ་ནམ་མཁའ…

ནས་སྐྱོན་གྱི་དགྲ་བཏུལ་ཏེ། །རྒ་དང་ན་དང་འཆི་བའི་རླབས་འཁྲུགས་པའི། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །ཅེས་སྨོན་པ་མཛད་ཚུལ་ཡང་ཡང་འབྱུང་བ་བཞིན་ཡིན་ནོ། །བྱང་ཆུབ་ཀྱི་སྒྲ་དོན་ནི། མཛོད་ལས། ཟད་དང་མི་སྐྱེ་ཤེས་པ་ནི། །བྱང་ཆུབ་ཅེས་པའི་དངོས་ཟིན་ཙམ་ཞིག་ཐུན་མོང་བ་ལ་སྦྱར་དུ་རུང་ཡང། དེའི་འདོད་ཚུལ་དངོས་གཞི་ནི་འགྲེལ་པ་…

མངོན་རྟོགས་རྒྱན་ལས་ཀྱང་། དྲི་མ་ཟད་དང་མི་སྐྱེ་བས། །ཡེ་ཤེས་བྱང་ཆུབ་ཅེས་བརྗོད་དོ། །ཞེས་གསལ་བར་གསུངས་སོ། །རྡོ་རྗེ་ཐེག་པར་དེ་ལྟ་བུའི་ཡེ་ཤེས་དང་དག་པའི་སྒྱུ་མའི་སྐུ་དབྱེར་མི་ཕྱེད་པ་ལ་བྱང་ཆུབ་རྡོ་རྗེ་ཞེས་ཟུང་འཇུག་གི་རྣམ་གྲངས་སུ་གསུངས་པ་སོགས་མང་དུ་ཡོད་ཀྱང་མ་སྤྲོས་པས། བྱང་ཆུབ་ཀྱི་རྣམ་བཞག་འདི་དག་དཔྱིས་ཕྱིན་པར་…

ཕྱིན་ལ་སྤྱོད་པའི་ཚེ་སྦྱིན་པ་གང་ཡོངས་སུ་གཏོང་བ་དེ་དག་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བས་ཡོངས་སུ་གཏོང་སྟེ། ནས། སྦྱིན་པ་ཡོངས་སུ་གཏོང་བའི་སྦྱིན་པའི་ཕ་རོལ་ཏུ་ཕྱིན་པའི་གོ་ཆའོ། །ཞེས་གསུངས་པ་ལྟར་རོ། །གཉིས་པ་ཡུལ་ཁྱད་པར་ཅན་ལ་མཆོད་པའི་ཚུལ་ནི། བདག་གིས་སངས་རྒྱས་རང་སངས་རྒྱས། །ཉན་ཐོས་ཕ་དང་མ་དང་ནི། །དྲ…

མཐའ་ཡས་པ་གསུངས། དེ་བཞིན་དུ་རྒྱལ་པོ་གསེར་མདོག་གིས་བང་མཛོད་མཐའ་དག་སྦྱིན་པར་བཏང་ནས་རང་གིས་གསོལ་རྒྱུ་བྲེ་གང་ཙམ་ལུས་པའང་རང་སངས་རྒྱས་ལ་ཕུལ་བ་དང། ཚོང་དཔོན་སྦྱིན་པ་ལ་དཔའ་བས་རང་སངས་རྒྱས་ལ་བསོད་སྙོམས་དབུལ་བའི་ལམ་ཁར་བདུད་ཀྱིས་དམྱལ་བ་སྤྲུལ་ནས་བཀག་ཀྱང་བཟློག་མ་ནུས་པར་དེ་ལ་ཕུལ་བ་ལྟ་བུ་རང་སངས་རྒྱས་ལ་བསྙེན་བཀུར་བྱས་…

ན་ཡིན་པས་དེས་ན་ཐེག་པ་གསུམ་དང་འཇིག་རྟེན་གསུམ་སོགས་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་མ་ལུས་པ་འབྱུང་བའི་སྒོ་གཅིག་པུ་རྒྱལ་བའི་བསྟན་པ་རིན་པོ་ཆེ་འཕེལ་ཞིང་རྒྱས་པར་སྨོན་པ་སྔར་བཞིན་ནོ། །དེ་དག་སོ་སོའི་སྒྲ་དོན་ཅུང་ཟད་བཤད་ན། སངས་རྒྱས་བཅོམ་ལྡན་འདས་ནི་སྐྱབས་འགྲོ་བདུན་ཅུ་པ་ལས། ཤེས་བྱ་ལ་ནི་བློ་རྣམ་རྒྱས། །རྨོ…

པའི་ག་ལ་ཡི་གེ་བསྣན་ནས། ག་ཏི་ཞེས་པ་འཇིག་རྟེན་པའི་ས་ལས་རིང་དུ་སོང་བ་ལ་འཇུག་པས་འདས་པའི་དོན་ཡང་ཡོད་པར་བཤད་དོ། །སྡོམ་གསུམ་རབ་དབྱེ་ལས། དེ་ནས་ཚིག་ལ་འཁྲུལ་པ་ཡི། །རྣམ་དབྱེ་ཅུང་ཟད་བཤད་ཀྱིས་ཉོན། །བཅོམ་ལྡན་འདས་ཀྱིས་བཤད་པ་ལ། །བཞི་བཅོམ་དྲུག་ལྡན་བཤད་པ་དང། །ཞེས་བཅོམ་པ་དང་ལྡན་པའི་དོན་སོ་སོར་བཤད་པ་ལ་དགག་པ་མཛད་ཅིང། མཁ…

དང་རྒྱས་པ་གང་རུང་ཞིག་ཁོ་ནར་བསྒྱུར་ན་གོ་རྒྱུ་ཆུང་ཞིང་གཞན་དུ་ནོར་ས་འབྱུང་བས། ངེས་ཚིག་གི་དོན་གཉིས་ཀའི་ཟུར་ཚང་བ་བྱས་ནས་སངས་རྒྱས་ཞེས་བསྒྱུར་བ་ཡིན་ཏེ། གསེར་འཕྲེང་ལས། སངས་རྒྱས་ལ་དེ་གཉིས་ཀའི་སྒྲ་དོན་བཤད་དུ་ཡོད་པ་རྒྱུ་མཚན་དུ་བྱས་ནས་སངས་རྒྱས་ཞེས་བསྡོམས་ནས་བསྒྱུར་རོ། །ཞེས་གསུངས་པའི་ཕྱིར། རང་སངས་རྒྱས་ནི་མཛོད་འག…

ཡང་ནི་བཞི་པར་འགྱུར། །ཞེས་པ་ལྟ་བུ་རང་རྒྱལ་ལ་རྐྱེན་གྱི་སྒྲ་ཙམ་སྦྱར་ནས་གསུངས་པའང་མང་ངོ་། །ཉན་ཐོས་ནི་པད་དཀར་ལས། མགོན་པོ་དེ་རིང་བདག་ཅག་ཉན་ཐོས་གྱུར། །བྱང་ཆུབ་དམ་པ་ཡང་དག་བསྒྲགས་པར་བགྱི། །བྱང་ཆུབ་པ་ཡི་སྒྲ་ཡང་རབ་ཏུ་བརྗོད། །དེ་བས་བདག་ཅག་མི་བཟད་ཉན་ཐོས་འདྲ། །ཞེས་བྱང་ཆུབ་མཆོག་གི་ལམ་དང་འབྲས་བུ་རྣམས་སངས་རྒྱས་ལས་མཉ…

ལ་བཤད་ཅིང། དེའང་ཁྱིམ་གྱི་འདུ་འཛི་དང་གཡེང་བ་སྤངས་ཏེ་དབེན་པར་སོང་ནས་ཏིང་ངེ་འཛིན་བསྒོམས་པས་བསམ་གཏན་ལ་སོགས་པའི་ཡོན་ཏན་གོང་མ་ཐོབ་པ། སྨོན་པའི་ཚིག་གིས་ཀྱང་གཞན་གྱི་དགོས་པ་སྒྲུབ་ནུས་ལ། ངན་པའི་སྤྱོད་པ་གཡོ་སྒྱུ་སོགས་མེད་པར་ཤེས་རྒྱུད་དྲང་པོར་སྲོང་བས་ན་དྲང་སྲོང་ཞེས་བྱ་སྟེ། ཇི་སྐད་དུ། འཁོར་བས་སྐྱོ་སྟེ་ནགས་སུ་སོང།…