ལ་ཞལ་འདེབས་བྱས་པའི་དབང་གིས་གནས་འདི་ལ་ལོངས་སྤྱོད་རྒྱུ་བྱུང་བ་ཡིན་སྙམ་དུ་སྒོ་དུ་མ་ནས་བཀའ་དྲིན་དྲན་ཏེ་གུས་པར་བྱའོ། །འདིར་གུས་པ་ཞེས་པ་དང། གོང་དུ་དད་པ་ཞེས་པ་མི་འདྲ་སྟེ་གུས་པ་ནི་བཀའ་དྲིན་དྲན་ནས་གཅེས་པར་འཛིན་པའི་སེམས་བྱུང་གཅེས་སྤྲས་ཀྱི་རྣམ་པ་ཅན་ཞིག་ཡིན་ལ། དད་པ་ལ་བཀའ་དྲིན་དྲན་ཡང་མི་དགོས་ཤིང། སེམས་བྱུང་དང་བའ…

བཀུར་བླ་མའི་བསྔགས་པ་བརྗོད་པ་སོགས་ནི་སྐབས་དང་མ་བསྟུན་ན། མ་དད་པ་ཅན་གྱི་སར་བརྗོད་ཚེ་འཁྲུགས་པའི་རྒྱུར་འགྱུར་བས་མི་རུང་། ཟང་ཟིང་གི་དངོས་པོ་འབུལ་བ་ནི། བསོད་ནམས་བསགས་པའི་ཆེད་དང། བློ་འདྲིས་པའི་ཁྱད་ཀྱང་ཡོད་དེ། པོ་ཏོ་བའི་ཞལ་ནས། ཇ་སུན་རེ་ཕུལ་མ་ཕུལ་འགྲོ་ལུགས་ཀྱང་མི་འདྲ་གསུངས་པ་ལྟར། ཟང་ཟིང་གི་བསྙེན་བཀུར་བྱས་པ་དེ…

སྡུད་པར་ངེས་པས་དེ་དོན་བསམ། །ཞེས་གསུངས་སོ། །སྦྱོར་བས་བསྟེན་ཚུལ་འདི་དག་ཐུན་མཚམས་ཀྱི་བྱ་བ་ཡིན་པ་དང། རྗེས་ཐོབ་ཏུ་དྲན་པར་བྱ་བའི་ཕྱིར་ཐུན་དངོས་གཞིའི་ཚེ་ཡང་དམིགས་པ་བསྐྱངས་ཏེ་བསྒོམས་ནས་འདྲིས་པར་བྱ་དགོས་ཏེ། མངོན་རྟོགས་རྒྱན་ལས། མཐོང་དང་གོམས་པའི་ལམ་དག་ལ། །ཞེས་གསུངས་པ་དང། ཡང་སྐབས་འགའ་ཞིག་ཏུ། མཐོང་དང་བསྒོམ་པའི་ལ…

ནས་ལྷོ་ཁ་ཕྱོགས་སུ་ཕ་སྐད་མ་སྐད་མི་གོ་བ་ཞིག་ཏུ་ཕྱིན་ནས། བསྒྲུབ་པ་བྱ་དགོས་སྙམ་པ་ཐུགས་ལ་ཤར་ཏེ་འབྲོམ་ལ་མཇལ། དེ་རྗེས་ལོ་གཅིག་གཉིས་ལྟ་ཞོག་འབྲོམ་གཤེགས་ཁའི་བར་དེར་བཞུགས་ནས་ལམ་རིམ་ཡང་ཡང་གསན་ཏེ་སྒྲོ་འདོགས་བཅད་ནས་ཐུགས་ལ་འདྲིས་པར་བྱས་ཤིང། འབྲོམ་གཤེགས་ཁར་ཡང་པོ་ཏོ་བའི་པང་དུ་དབུ་བཞག་ནས་བཞུགས་པའི་ཚེ་པོ་ཏོ་བའི་སྤྱན་ཆ…

ཆེན་འཕྲེང་བ་ལས། དང་པོར་མངོན་པར་མཐོ་ཐོབ་པའི། །ཕྱིས་ནི་ངེས་པར་ལེགས་པ་འབྱུང། །ཞེས་རྒྱུ་དད་ཤེས་གཉིས་ཀྱིས་མངོན་མཐོ་ནས་རིམ་གྱིས་འཁྲིད་ཚུལ་ཞིག་དང། མདོ་ཀུན་བཏུས་སུ། སངས་རྒྱས་འབྱུང་བ་ཤིན་ཏུ་རྙེད་པར་དཀའ། །སངས་རྒྱས་འབྱུང་བ་དེ་ཤིན་ཏུ་རྙེད་དཀའ་བར་ཅིས་མངོན་ཞེ་ན་མདོ་སྡེ་ཚད་མར་གྱུར་པ་དུ་མ་ལས་ཤེས་ཏེ། དམ་པའི་ཆོས་པདྨ་…

རབས་ཤིག་ཡིན་ན་ཐལ་བ་བཟུང་ནས་ཕའི་དྲུང་དུ་བཅར་ཏེ་ལག་པ་གཡོན་གྱི་མཛུབ་མོའི་སེན་མོ་ཁར་བཅུག །གཡས་པས་ཐལ་བ་མི་མངོན་པར་ཕྱུར་ཕྱུར་ས་ལ་ཕོས་ན་སྐབས་ཤིག་ཕས་གཅེས་གཅེས་བྱས་པ་དང། གཟོད་ངུས་ཡོང་བ་ལྟར་བླ་མས་བསྡིག་བརྡུང་སོགས་ཇི་འདྲ་ཞིག་བྱས་ཀྱང་བླ་མ་ལ་བཅར་དུ་རང་འགྲོ་བ་ཞིག་དགོས། དེ་ལྟར་རྩ་བ་དད་པ་བརྟན་པར་བྱས་ཏེ། དེ་ནས་རིམ་ག…

བཤད་པས་རིམ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཆོས་ཐམས་ཅད་སྒྱུ་མ་དང་འདྲ་བ་ཉིད་དུ་རྣམ་པ་ཐམས་ཅད་མཁྱེན་པ་ཉིད་ཀྱི་རྗེས་སུ་རིག་པར་བྱེད་པ་ཞེས་པའི་དགོངས་པ་མཐར་ཐུག་ཡིན་ནོ། །གསུམ་པ་མཇུག་ཏུ་ཇི་ལྟར་བྱ་བ་ནི། དེ་ལྟར་ཐུན་དངོས་གཞིའི་དམིགས་རྣམ་ལེགས་པར་བསྐྱངས་པ་གྲུབ་ནས་ཐུན་འཇོག་ཁར་ཡང་ཚམ་ཚོམ་དུ་མི་འཇོག་པར་ཐུན་དེར་བ…

བྱའོ། །གཉིས་པ་ཐུན་མཚམས་སུ་ཇི་ལྟར་བྱ་བ་ནི། དབང་པོའི་སྒོ་སྡོམ་པ་སོགས་དང། ཁྱད་པར་བཤེས་གཉེན་བསྟེན་ཚུལ་སྟོན་པའི་གསུང་རབ་ལ་བལྟ་བ་སོགས་ཐུན་མཚམས་ཀྱི་བྱ་བ་འོག་ནས་འབྱུང་བ་ལྟར་རོ། །༈ གཉིས་པ་བརྟེན་ནས་བློ་ཇི་ལྟར་སྦྱང་བའི་རིམ་པ་ལ་གཉིས། དལ་འབྱོར་ལ་སྙིང་པོ་བླང་བའི་ཕྱིར་བསྐུལ་བ་དང། སྙིང་པོ་ཇི་ལྟར་ལེན་པའི་ཚུལ་ལོ། །དང…

ལྷུང་བ་ལྟར་སྡུག་བསྔལ་གྱི་ཚོར་བ་དང་འཇིགས་སྐྲག་ཁོ་ན་མངོན་དུ་གྱུར་ཏེ། མཛོད་ལས། དམྱལ་སེམས་ལུང་མ་བསྟན་དུ་བཤད་པ་ལྟར། དགེ་སྡིག་གི་བློ་གང་ཡང་མངོན་དུ་འགྱུར་བའི་སྐབས་མེད་པ་ལ། ད་ལྟ་བདག་དམྱལ་བ་ཡི་དྭགས་སོགས་མི་ཁོམ་པ་བརྒྱད་གང་དུ་ཡང་མ་སྐྱེས་པར་བླང་དོར་འབྱེད་ནུས་ཤིང། ཆོས་སྒྲུབ་པ་ལ་རང་དབང་བྱུང་བ་འདི་བླ་མའི་ཐུགས་རྗེ་…

ཚོགས་བྱེད་པ་གཟིགས་ནས། འདི་སྐད་ཅེས། གནས་བཟང་པོ་དགའ་ལྡན་ལྷ་ཡུལ་ཡོད། །ཟས་ཞིམ་པོ་ལྷ་ཡི་བདུད་རྩི་ཡོད། །གྲོགས་བཟང་པོ་ལྷ་དང་བླ་མ་ཡོད། །ཆོས་རྣམ་དག་བྱས་ན་ང་འདྲ་ཡོང། །གསུངས་ནས་ཐུགས་སྐྱོ་སྐྱོ་མཛད། དེས་ན་རང་རང་དལ་བ་ཞིག་འདོད་ན་ཕུ་ཆུང་བ་ལྟ་བུ་ཞིག་དགོས་ཏེ། ཕུ་ཆུང་བའི་ཞལ་ནས། ཁོ་མ་མགུ་བས་ཁོ་མི་ཡོང། ཁོ་མི་ཡོང་བས་བློ་…

མཐུན་རྐྱེན་དུས་སུ་བསྒྲུབ་པའོ། །གཉིས་པ་དོན་ཆེར་བསམ་པ་ནི། འདི་ལྟར་བདག་གི་ལུས་འདི་ལ་བརྟེན་ནས། ངན་སོང་ལས་གྲོལ་བའི་མངོན་མཐོའི་རྟེན་ཞིག་བསྒྲུབ་འདོད་ན་ཡང་དེའི་རྒྱུ་སྐྱེས་བུ་ཆུང་ངུའི་ལམ་གྱིས་བསྡུས་པའི་སྦྱིན་སོགས་ལས་སློབ་ནུས། ཐར་པ་བསྒྲུབ་འདོད་ན་ཡང་ཐར་པར་བགྲོད་པའི་ལམ་གྱི་གཙོ་བོ་བསླབ་པ་གསུམ་སོགས་འབྲིང་དང་ཐུན་མ…

ཡིན་པས་རྡོག་སྣ་མ་འདྲེད་པ་གལ་ཆེ། གསུམ་པ་རྙེད་དཀའ་བར་བསམ་པ་ལ། རྒྱུའི་སྒོ་ནས་རྙེད་དཀའ་བ། ངོ་བོའི་སྒོ་ནས་རྙེད་དཀའ་བ། དཔེའི་སྒོ་ནས་རྙེད་དཀའ་ཚུལ་གསུམ་ལས། རྒྱུའི་སྒོ་ནས་རྙེད་དཀའ་ཚུལ་ནི། དལ་འབྱོར་ཚང་བའི་རྟེན་ལྟ་ཞོག །མི་ལུས་ཙམ་ཐོབ་པ་ལ་ཡང་ཚུལ་ཁྲིམས་བསྲུང་དགོས་ན་འགྲོ་བ་ཕལ་ཆེར་མི་དགེ་བ་བཅུ་ལ་ཤས་ཆེར་སྤྱོད་པས། བད…

ཁྲལ་འདི་ཙམ་ཞིག་མཛད་པ་རེད། ད་ངས་བླ་མའི་བཀའ་བཞིན་དུ་བཅས་མཚམས་སྲོག་གི་ཕྱིར་ཡང་མི་འདའ་བ་ཞིག་མ་བྱས་ན་ཡོང་རྒྱུ་མ་རེད་དགོངས་ཏེ། དེ་ནས་བཟུང་སྟེ་ཚུལ་ཁྲིམས་མིག་འབྲས་བཞིན་དུ་བསྲུང་བ་སྣར་ཐང་པའི་དགེ་ཚུལ་ཞེས་ཚུལ་ཁྲིམས་རྣམ་པར་དག་པའི་དཔེ་ལ་བྱེད་པ་ཡིན། དེས་ན་དལ་འབྱོར་ཚང་བའི་རྟེན་རྣམ་པར་དག་པ་ཞིག་ཐོབ་པ་ལ་རྒྱུ་དེ་འདྲ་བ…

སྲིད་མཐའ་ཡིན། དེ་དག་སྒྲུབ་བྱེད་གཞན་མི་དགོས་མིག་གིས་བལྟས་པས་ཤེས་ཏེ། རྒྱལ་དབང་ལྔ་པ་ཆེན་པོས། དབྱར་དུས་ཀྱི་ཤིང་ཕུང་རེ་རེའི་སྟེང་ན་ཡང་སེམས་ཅན་གྱི་རིགས་འཛམ་བུ་གླིང་གི་ལྷ་མི་ལས་མང་གསུངས་ཤིང། རྟའི་སྦང་རེ་རེ་ལ་ཡང་སྲིན་བུ་ཇི་སྙེད་ཅིག་འདུག་པ་དེ་ཐམས་ཅད་དུད་འགྲོ་ཡིན། དེ་འདྲ་ལ་དཔག་ན་རང་གི་ངོ་བོའི་སྒོ་ནས་རྙེད་དཀའ་…

སྣེ་འུ་ཟན། །གསུངས་པ་ལྟར། སྔོན་ལོ་ཉེས་བྱུང་བའི་ཚེ་དུད་ཚང་གཅིག་གིས་སྣེའུ་ཟན་བྱས་ནས་ཟོས་པས། བྱིས་པ་ཞིག་གིས་རང་གི་སྐལ་བ་རྒྱབ་ཏུ་བཞག་ནས། ཕའི་སྐལ་བ་ལས་ཟོས་རྒྱབ་ཀྱི་མར་ཟན་ཁྱིས་ཁྱེར་བས་ངུས་པས་ན། མ་ངུ་བྱས་པས། རྒྱ་མ་ལན་གཅིག་གི་སྣེའུ་ཟན་ཁྱིས་ཁྱེར་ན་ངུ་དྲག་ཟེར་བའི་དཔེ་བཞིན་རང་རེས་ཀྱང་རྒྱ་མ་ལན་གཅིག་གི་རྟེན་བཟང་འ…

བལྟས་ནས་ངུས་པས། དགེ་བཤེས་ཤིག་གིས་ཁྱོད་ཅི་ལ་ངུས་དྲིས་པས། ང་ཚོའི་ཡུལ་ན་ད་ལྟ་ཀ་ལི་འཁྲབ་ནས་སྐྱིད་པོ་རང་ཡོད་ཟེར། དགེ་བཤེས་དེས་ཁྱོད་སངས་རྒྱ་བ་དང། བལ་ཡུལ་དུ་སླེབ་པ་གཉིས་གང་འདམ་བྱས་པས། འདམ་རྒྱུ་རང་བྱུང་ན་བལ་ཡུལ་དུ་སླེབ་པ་རང་འདམ་དྲག །དེ་ལ་བཀའ་གདམས་པ་རྣམས་ཀྱིས་ང་ཚོ་ཁས་གསང་མ་གསང་གི་ཁྱད་མ་གཏོགས། བདེན་པ་མ་ནུ་རང་…

སྟེར་བ་བཞིན་དུ་ང་ཚོ་ལ་ནད་ལོག་བརྒྱབ་དོགས་ནས་འབྲོམ་སྟོན་གྱིས་རིམ་གྱིས་བསླབ་པ་རེད་གསུངས་པ་དང། ཁ་རག་སྒོམ་ཆུང་བས། བྱ་ཚང་བྱེད་ལུགས་ལ་བལྟས་ནས་པོ་ཏོ་བས་ང་ཚོ་ལ་ལམ་རིམ་རིམ་གྱིས་གསུངས་པ་དེ་རང་བདེན་པར་འདུག་གསུངས་ཏེ། ཁོང་གིས་གཟིགས་ཙ་ན་བྱེའུ་ཞིག་གིས་འཇིམ་པའི་ར་བ་བཟོ་བ་ལ་དཀའ་ལས་ཆེ་བར་འདུག་དགོངས་ནས་ཁོ་རང་གིས་འཇིམ་པ…

དཔེར་ན་སྔོན་རབས་ཆད་ཅིག་རང་ལ་བུ་མེད་པས་སེམས་སྡུག་དྲགས་ནས་ཁང་སྟེང་དུ་ཐོན་ཏེ། ངའི་བུ་ངའི་བུ་ཞེས་བོས་པས། གྲོང་པ་རྣམས་ཀྱིས་ཁྱོད་ལ་བུ་མེད་པ་ལ་སུ་འབོད་པ་ཡིན་ཞེས་པས། ང་ལ་བུ་མེད་པས་ཀ་འབོད་པ་ཡིན་ཟེར། དེ་བཞིན་དུ་གྲུབ་ཆེན་གྱི་གཞུང་འདི་དག་ཡང་ཡང་བརྗོད་ན་སེམས་ལ་ཕན་ཁྱད་ཆེའོ། །༈ གཉིས་པ་སྙིང་པོ་ཇི་ལྟར་ལེན་པའི་ཚུལ་ལ་ག…

རྣམ་པར་གཏན་ལ་དབབ་པ། བསྡུ་བ། བྱང་ས། མཛོད་རང་འགྲེལ་སོགས་ལས་གསུངས་པ་ལྟར། ཇོ་བོའི་ལམ་སྒྲོན་ལས། སློབ་མ་བཟང་པོ་བྱང་ཆུབ་འོད་ཀྱིས་བསྐུལ་གྱུར་པས། །བྱང་ཆུབ་ལམ་གྱི་སྒྲོན་མ་རབ་ཏུ་གསལ་བར་བྱ། །ཆུང་ངུ་འབྲིང་དང་མཆོག་གྱུར་པའི། །སྐྱེས་བུ་གསུམ་དུ་ཤེས་པར་བྱ། །དེ་དག་མཚན་ཉིད་རབ་གསལ་བའི། །སོ་སོའི་དབྱེ་བས་བྲི་བར་བྱ། །ཞེས་ག…

བློ་མ་སྦྱངས་པའི་སྐྲག་ལུགས་ཡིན་པས་ཨ་བོ་སོགས་ལའང་ཡོད་པ་དེ་བསྒོམ་ཀྱང་སྐྱོན་ཡིན། འོ་ན་ག་འདྲ་ཞིག་བསྒོམ་དགོས་ན། ཆོས་དང་མཐུན་པ་ནི་ཕྱི་ནང་གི་རྟེན་འབྲེལ་ལེགས་ཚོགས་ཐམས་ཅད་ཚང་བའི་དལ་འབྱོར་གྱི་ལུས་བཟང་པོ་འདི་ལ་ཕྱི་མ་ཕན་ཆད་ཀྱི་དོན་ཞིག་བསྒྲུབ་སྟེ། ངན་འགྲོའི་སྒོ་ཁེག་པ་ཞིག་མ་བྱས་པར་ལུས་འདི་ཤོར་སོང་ན་ཅི་དྲག་སྙམ་པ་ནི…