གྱི་དོན་བྱེད་པའི་ཚུལ་ཁྲིམས་ནོད་ནས། ཞེས་ལན་གསུམ་དྲིས་པ་ན། སློབ་མས་ཀྱང་ནོད་ལགས་ཞེས་ལན་གསུམ་ཁ༷ས་ལེ༷ན་པས་སྡོམ་པ་ཐོབ་པར་འགྱུར་རོ། །སོ༵གས་ཁོས་ནས་རྗེས་ཀྱི་ཆོ་ག་སྟོན་ཏེ། མཁྱེན་པར་གསོལ་བ། ཕན་ཡོན་བསྟན་པ། གསང་བར་གདམས་པ། བསླབ་བྱ་བསྟན་པ། གཏང་རག་འབུལ་བ་རྣམས་སོ། །དེ་ནས་རང་བཞིན་གཏན་ལ་དབབ་པ་ཞེས་མདོར་བསྡུས་ཏེ་ཕན་ཡོན་…

མ་རྙེད་ན། །དེ་ལ་གཞན་སྡོམ་ནོད་པ་ཡི། །ཆོ་ག་ཡང་དག་བཤད་པར་བྱ། །དེ་ལ་སྔོན་ཚེ་འཇམ་པའི་དཔལ། །ཨམྦ་རཱ་ཛར་གྱུར་པ་ཡིས། །ཇི་ལྟར་བྱང་ཆུབ་ཐུགས་བསྐྱེད་པ། །འཇམ་དཔལ་གྱི་ནི་སངས་རྒྱས་ཞིང་། །རྒྱན་གྱི་མདོ་ལས་བཤད་པ་ལྟར། །དེ་བཞིན་འདིར་ནི་རབ་གསལ་བྲི། །མགོན་པོ་རྣམས་ཀྱི་སྤྱན་སྔ་རུ། །རྫོགས་པའི་བྱང་ཆུབ་སེམས་བསྐྱེད་ཅིང་། །འགྲོ་…

ཡིད་ཀྱིས་ལས་ཀྱང་དག་བྱ་སྟེ། །མི་དགེའི་ལས་རྣམས་མི་བྱའོ། །ཞེས་གསུངས་པ་ལྟ་བུའི་ཚུལ་གྱིས་སེམས་བསྐྱེད་བླང་བར་བྱའོ། །བཞི་པ་སྡོམ་པའི་ཐོབ་མཚམས་ངོས་བཟུང་བ་ནི། ཐོབ་མཚམས་བརྗོད་པ་གསུམ་གྱི་མཐའ་ལའོ། །ཞེས་པ་སྟེ། སྲོལ་གཉིས་གང་ཡིན་ཀྱང་རུང་སྟེ། སྡོམ་པའི་ཐོ༷བ་མཚ༷མས་བརྡ་ལས་བྱུང་བ་ཡིན་པས་ན། དངོས་གཞི་འབོགས་ཆོག་བཟླས་པའི་བར…

པའི་ཚུལ་ཡང་ཡོངས་འཛིན། རྗེས་སྒྲུབ། རྟོགས་པ་སྟེ་དམ་པ་གསུམ་དང་ལྡན་པའི་ཚུལ་མདོ་སྡེ་རྒྱན་ལས། རྫོགས་པའི་སངས་རྒྱས་རབ་མཉེས་བྱས། །བསོད་ནམས་ཡེ་ཤེས་ཚོགས་རབ་བསགས། །ཆོས་ལ་མི་རྟོག་ཡེ་ཤེས་ནི། །སྐྱེ་ཕྱིར་དེ་ནི་དམ་པར་འདོད། །ཅེས་སོ། །སྔགས་ཀྱི་ཐེག་པར་ནི་གཟུང་འཛིན་གཉིས་དང་བྲལ་བའི་འོད་གསལ་བའི་ཡེ་ཤེས་གཞི་ལ་གནས་པ་ལ་བཞེད་ད…

གསང་སྔགས་ཀྱི་སྒོར་སྤྱད་པ་སྤྱོད་པ་རྣམས་ཀྱིས་དེ་ལྟར་ཀུན་རྫོབ་ཀྱི་རྣམ་པས་བྱང་ཆུབ་ཀྱི་སེམས་སྨོན་པའི་རང་བཞིན་ཅན་བསྐྱེད་ནས། དོན་དམ་པའི་བྱང་ཆུབ་ཀྱི་སེམས་བསྒོམ་པའི་སྟོབས་ཀྱིས་བསྐྱེད་པར་བྱ་བ་ཡིན་ཏེ། ཞེས་པས། སྔགས་ལུགས་ཀྱི་ཆོ་ག་དེའང་སྒོམ་བྱུང་ལ་མ་ལྟོས་པར་ཆོ་ག་རྐྱང་པས་བསྐྱེད་ནུས་པ་མ་ཡིན་པའི་ཕྱིར་མཚན་ཉིད་པ་མ་ཡིན…

པ་ཐོབ་པ་དེ་ཉིད་མི་ཉམས་པར་བསྲུང་བའི་ཚུལ་བཤད་པ་ལ། ཐོག་མར་ཇི་ལྟར་བསྲུང་ཚུལ་གྱི་དོན་བཤད་པས་ཁོག་དབུབ་པར་བྱ་སྟེ། བསླབ་བཏུས་ལས། བྱང་ཆུབ་སེམས་དཔའི་སྡོམ་པ་ནི། །རྒྱས་པར་ཐེག་པ་ཆེ་ལས་འབྱུང་། །ཞེས་དང་། དགེ་བའི་བཤེས་གཉེན་མི་བཏང་ཞིང་། །མདོ་སྡེ་དག་ལ་རྟག་བལྟ་བས། །ཞེས་པས། བྱང་ཆུབ་སེམས་དཔའི་བསླབ་པའི་གཞི་རྣམས་ཤེས་པར་བྱ…

ཇི་ལྟར་བསྲུང་བའི་ཁྱད་པར་ལ། འགལ་རྐྱེན་ཉམས་པའི་རྒྱུ་སྤོང་བ་དང་། མཐུན་རྐྱེན་མི་ཉམས་པའི་རྒྱུ་དང་འཕེལ་བའི་རྐྱེན་ལ་བསླབ་པ་གཉིས་སུ་འདུ་སྟེ། དང་པོ་ལའང་། ཐོས་པ་ལ་མི་མོས། བསམ་པ་ལ་གཡེལ། སྒོམ་པ་ལ་ལྷོད་པ་གསུམ་ནི་རང་དོན་ཤེས་རབ་ཀྱི་གེགས་གསུམ་ཡིན་ལ། སྦྱོར་བ་ལེ་ལོ་ཆེ་བ། སྤྱོད་པ་གཞན་མི་དད་པ་ལ་སྦྱོར་བ། ཀུན་སློང་སྙིང་ར…

སྒྲུབ་བྱེད་ཆོས་ལ་ནོར་བས་གཅེས་པ། གཙོ་བོ་བྱང་སེམས་ལ་སྙིང་བས་གཅེས་པ། བདག་རྐྱེན་བཤེས་གཉེན་ལ་ཕ་མ་བས་གཅེས་པ། ཐོབ་བྱ་སངས་རྒྱས་ལ་ལོངས་སྤྱོད་བས་གཅེས་པ་དང་ལྔ་ནི་འདི་ཕྱི་གཉིས་ཀར་མི་ཉམས་པའི་རྒྱུ་གཅེས་པ་ལྔ་སྟེ། དེ་རྣམས་ཡོངས་བསྡོམས་རྣམ་གྲངས་བཅུ་གཉིས་ནི་མཐུན་རྐྱེན་མི་ཉམས་པའི་རྒྱུ་ཡིན་ནོ། །གཉིས་པ་འཕེལ་བའི་རྐྱེན་ལ་བ…

པར་བྱ་ཞིང་། ལས་དང་པོ་པའི་སྐབས་སུ་སྒྲུབ་མི་ནུས་པ་མ་གཏོགས་པ། བྱང་སེམས་ཀྱི་བསླབ་བྱ་ནུས་པའི་ཡུལ་དུ་གྱུར་པ་མཐའ་དག་ལ་བསླབ་དགོས་ཏེ། བསླབ་བཏུས་ལས། མདོར་ན་རང་གི་ནུས་པའི་ཡུལ་མ་ཡིན་པའི་བྱ་བ་རྣམས་ལ་ལྟུང་བ་མེད་དེ། དོན་མེད་པ་ཉིད་ཀྱི་དེ་ལ་བསླབ་པ་བཅས་པ་མེད་པའི་ཕྱིར་རོ། །གཞན་ལ་ནི་རང་བཞིན་གྱི་ཁ་ན་མ་ཐོ་བ་དང་བཅས་པ་ཉིད་…

དཔའི་ཚུལ་ཁྲིམས་གསུམ་ཡིན་ཏེ། །ཉེས་སྤྱོད་སྡོམ་དང་དགེ་བ་ཆོས་སྡུད་དང་། །སེམས་ཅན་དོན་བྱེད། ཅེས་པ་སྟེ། དེ་ལྟར་དང་པོ་རང་རྒྱུད་ལ་སྔར་མེད་གསར་དུ་ཐོབ་པའི་སྡོམ་པ་དེ་ཉིད་བ༷ར་དུ༷་མི༷་ཉམ༷ས་པར་བསྲུ༷ང་བ༷འི་ཐབས་ལ་འབད་དགོས་ཏེ། ཉམས་ན་སེམས་ཅན་ཐམས་ཅད་བསླུ་བར་འགྱུར་བ་སོགས་ཉེས་དམིགས་ཤིན་ཏུ་ཆེ་ཞིང་། མ་ཉམས་ན་བྱང་ཆུབ་ཆེན་པོ་…

སོ། །ཞེས་གསུངས། དེ་གསུམ་ཡང་ངོ་བོ་གཅིག་ལ་ལྡོག་པས་ཕྱེ་བ་ཙམ་སྟེ། དཔེར་ན་ནོར་བུ་གཅིག་ཉིད། མུན་པ་སེལ་བ། འདོད་རྒུའི་ནོར་སྡུད་པ། རིམས་ནད་ལ་ཕན་པ་བཞིན་ནོ། །དེ་ལྟར་ཚུལ་ཁྲིམས་གསུམ་ལ་ལེགས་པར་བསླབ་པས་ནམ་ཞིག་འཚང་རྒྱ་བའི་ཚེ། ཚུལ་ཁྲིམས་སྔ་མ་གཉིས་ཀྱིས་སྤངས་རྟོག་ཕུན་ཚོགས་དང་། ཕྱི་མས་ཕྲིན་ལས་ཕུན་ཚོགས་ཐོབ་པའི་རྒྱུར་འགྲ…

ལའང་གསུམ། རྩ་ལྟུང་དངོས་བཤད་པ། རྟེན་དང་ལྟུང་བའི་དབྱེ་བསྡུ། ཐུན་མོང་སྨོན་འཇུག་སྤངས་པ་རྩ་ལྟུང་དུ་བསྟན་པའོ། །དང་པོ་རྩ་ལྟུང་དངོས་བཤད་པ་ལ་གསུམ། རྒྱལ་པོ་ལ་འབྱུང་ཉེ་བ་ལྔ། བློན་པོ་ལ་འབྱུང་ཉེ་བ་ལྔ། ཕལ་པ་ལ་འབྱུང་ཉེ་བ་བརྒྱད་བཤད་པའོ། །དང་པོ་རྒྱལ་པོ་ལ་འབྱུང་ཉེ་བ་ལྔ་ནི། དཀོན་མཆོག་དཀོར་འཕྲོག་དང་ནི་ཆོས་སྤོང་ལས། །ཚུལ…

པའི་ཐབས་མ་ཡིན་ནོ་ཞེས་རང་གིས་སྤོང་བའམ་གཞན་སྤོང་དུ་འཇུག་པ་ནི་རྩ་ལྟུང་གཉིས་པ་ཆོ༷ས་སྤོང༷་གི་ལ༵ས་དང་། བསླབ་པ་བཟུང་མ་བཟུང་གི་རབ་བྱུང་ངམ། ཚུལ༷་ཁྲིམས་ལྡ༷ན་པའམ་ཚུལ༷་ཁྲིམས་འཆ༷ལ་བའི་དགེ་སློང་གང་ཡིན་ཀྱང་རུང་སྟེ་རབ་བྱུང་གི་ཆ་ལུགས་འཛིན་པ་ལ། ཀུན་སློང་ཞེ་སྡང་གིས། དེའི་ངུར་སྨྲིག་གི་གོས་འཕྲོག་གམ། བརྡེག་གམ། བཙོན་དུ་འཇ…

བའི་ཕྱིར་དེའི་ལྟུང་བར་བཞག་གོ། །གཉིས་པ་བློན་པོ་ལ་འབྱུང་ཉེ་བ་ལྔ་ནི། གྲོང་ལྗོངས་གྲོང་ཁྱེར་གྲོང་བརྡལ་ཡུལ་འཁོར་རྣམས། །འཇོམས་པར་བྱེད་ལའང་བློན་པོར་ངེས་པ་ལྔ། །ཞེས་པ་སྟེ། ཁྱིམ་གཅིག་པ་ལ་སོགས་པ་གྲོ༷ང་དང་། མི་རིགས་བཞི་གནས་པ་ལྗོང༷ས་དང་། བཟོ་སྣ་བཅོ་བརྒྱད་ཡོད་པའི་གནས་གྲོང༷་ཁྱེར༷་དང་། ཚོང་པ་མང་པོ་འདུ་བའི་གནས་གྲོང༷་…

གཞན་སྨོད་དང་། །རྙེད་དང་བཀུར་བསྟིའི་ཆེད་དུ་བདག་འཚོང་དང་། །དགེ་སློང་ཆད་པས་གཅོད་འཇུག་སུག་འབུལ་དང་། །སྤོང་བའི་ལོངས་སྤྱོད་ཁ་ཏོན་པ་ལ་བྱིན། །ཞི་གནས་འདོར་བཅུག་ཕལ་ལ་འབྱུང་ངེས་བརྒྱད། །ཅེས་པ་སྟེ། བློ་མ༷་སྦྱང༷ས་པའི་སེམས་ཅན་ལས་དང་པོ་པའམ་ཐེག་དམན་གྱི་རིགས་ཅན་སོགས་སྣོད་མ་བརྟག་པར་སྟོང༷་ཉི༷ད་མཐའ་བྲལ་བརྗོ༷ད་སྔ༷ས་པའི་ད…

སེམས་བསྐྱེད་ལ་ཐེ༷ག་པ་ཆེ༷ན་པོ་ཀློག་ཅིག་དང་བྱང་ཆུབ་སེམས་ཀྱི་མཐུས་ཉེས་པར་བྱས་པའི་ལམ་རྣམས་འཇོམས་སོ་ཞེས་དེ་ལ་སློ༷བ་ཏུ་འཇུག་པ༷་ད༵ང་། ཉན༷་ཐོས༷་ཀྱི་ཐེག༷་པ༷ས་ཆ༷གས་སོ༷གས་ཉོན་མོངས་པ་མི༷་བཟློག༷་པ༵ས་ཐེག་ཆེན་ལ་སློབ་ཅིག་ཅེས་ཉན་ཐོས་ཀྱི་ཐེག་པ་དེ༷་བཟློག༷་ནས་དེ༷་ཡི༷་ལམ་ལ་བསླབ་ན་འབྲ༷སས་བུ༷་ཐར་པ་མྱང་འདས་མེ༷ད་པ༷ར་རབ་འཛིན…

ལེན་ནམ་དབང་པོ་ཆེ་ལ་བྱིན་པས་ནོར་བདག་གིར་བྱས་ན་གཉིས་ཀ་ལ་ལྟུང་བར་འགྱུར་བ་ད༵ང་། སྤོང༷་བ་བསམ་གཏན་པ་ལ་སྡང་བ༷འི་བསམ་པས་དེ་དག་གི་ལོ༷ངས་སྤྱོད་སོགས་འཕྲོག་ནས་ཀློག་པ་ཁ༵་ཏོན༷་པ༷་ལ༷་བྱིན༵་ནམ་སྦྱིན་དུ་འཇུག་པ་སོགས་ཀྱི་སྒོ་ནས་ཞི༷་གན༷ས་ཀྱི་ཏིང་ངེ་འཛིན་འདོ༷ར་དུ་བཅུག༷་པ་རྣམས་ཕ༷ལ་པ་ལ༷་འབྱུང༷་ངེ༷ས་པ་བརྒྱད༵་དུ་བཞག་གོ། །གཉ…

ལ་མཁས་པའི་མདོ་ལས། རིགས་ཀྱི་བུ་བྱང་ཆུབ་སེམས་དཔའ་ཉན་ཐོས་དང་རང་སངས་རྒྱས་ཡིད་ལ་བྱེད་པས་གནས་པ་འདི་ནི་བྱང་ཆུབ་སེམས་དཔའི་རྩ་བའི་ལྟུང་བ་ལྕི་བའོ། །ཞེས་གསུངས་པ་ལྟར། སྔར་གྱི་རྩ་ལྟུང་བཅོ་བརྒྱད་ཀྱི་སྟེང་དུ་སྨོན་པ་བཏང་བས་བཅུ་དགུ་དང་། དེའི་སྟེང་དུ་དཀོན་བརྩེགས་ལས་གསུངས་པ་ལྟར་འཇུ༷ག་སེ༷མས་བཏ༷ང་སྟེ་དགེ་ལ་མི་སྦྱོར་བ་བས…

བཞག་ཅིང་། དེའི་ཚུལ་ཡང་རྒྱལ་པོ་ལ་གདམས་པའི་མདོ་ལས་གསུངས་པ་ལྟར་སྡོམ་དུ་བྱས་ན། བྱ་དང་བྱེད་པ་མང་བ་དག །ཐམས་ཅད་སྒྲུབ་པར་མི་ནུས་ཀྱང་། །ཡང་དག་རྫོགས་པའི་བྱང་ཆུབ་ལ། །འདུན་དང་དད་དང་སྨོན་པ་གསུམ། །འགྲོ་འདུག་ཟ་ཉལ་སད་ཀྱང་རུང་། །རྟག་ཏུ་དྲན་པས་སྒོམ་བྱ་ཞིང་། །རྗེས་སུ་ཡི་རང་བྱས་ནས་ཀྱང་། །རྒྱལ་དང་ཐུགས་གསུང་སྲས་རྣམས་ལ། །…

ཅུང་ཟད་ཉེས་པ་ཕྲ༷་བའི་ཕྱིར༷་བསྟན་བཅོས་འདི༷ར་ནི༷་མ༷་བཤ༷ད་ཀྱང་བསླ༷བ་བཏུས༷་སུ་དེ་དག་གསལ་བར་བསྟན་པ་དེར་བ༵ལྟ་བར་བྱོས་ཤིག་ཅེས་ཞལ་འཕང་བར་མཛད་དེ། དེའི་སྡོམ་ནི་ཇི་སྐད་དུ། གཞན་གྱི་སྡུག་བསྔལ་ཡིད་མི་བདེ། །ནུས་བཞིན་ཞི་བར་མི་བྱེད་དང་། །བདེ་དང་ཡིད་བདེ་མི་བསྐྱེད་པ། །ལྟུང་བའི་གཞི་སྟེ་ལུས་སེམས་ཀྱི། །རྟེན་གྱིས་ཕྱེ་ན་རྣ…