བཀའ་ཡི་སྲུང་མ་དམ་ཅན་རྒྱ་མཚོ་ཡིས༔ སོ་སོའི་སྐུ་གསུང་ཐུགས་སུ་བསྟན་ནས་ཀྱང་༔ ཇི་ལྟར་ཁས་བླངས་དམ་བཅས་ཇི་བཞིན་དུ༔ མཆོད་གཏོར་བཞེས་ལ་བཅོལ་བའི་ཕྲིན་ལས་མཛོད༔ [ཅེས་གཟའ་རྒྱུ་ཕྱོགས་དང་བསྟུན་ཏེ་གཏོང་། འདིར་གཏོར་མ་ཟོར་དུ་བསྐུལ་བའི་ཚུལ་འབྱུང་མོད། དཀྱུས་སུ་མི་དགོས་པས་མ་སྨོས་ཤིང་སྐབས་སུ་བབས་ན་ལོགས་སུ་བལྟའོ། །གཉིས་པ་བརྟ…

དཔལ་ཆེན་ཧེ་རུ་ཀ༔ ང་ནི་རྡོ་རྗེ་གཞོན་ནུའི་སྐུ༔ འཁོར་ལོ་རྒྱས་འདེབས་ཡུམ་དང་རོལ༔ ཕྱོགས་བཅུའི་ཁྲོ་རྒྱལ་ཡབ་ཡུམ་བཅས༔ ཕྱག་བརྙན་ཁྲ་ཐབས་སྒོ་མར་བཅས༔ སྤྲུལ་པ་ཡང་སྤྲུལ་སྲུང་མས་བསྐོར༔ གཏུམ་ཆེན་དུས་མཐའི་མེ་ལྟར་འབར༔ ཡེ་ཤེས་ཚྭ་ཚྭ་སྐར་ལྟར་འཁྲུག༔ ཞལ་གསུམ་ཕྱག་དྲུག་ཞབས་བཞི་བགྲད༔ སྐུ་ལ་དུར་ཁྲོད་ཆས་རྣམས་རྫོགས༔ རྡོ་རྗེའི་གཤ…

ནན༔ ཡ་མ་དམ་སྲི་ནྰ་ག་རཱ་ཙ་ཛ༔ ནན༔ [ཞེས་མནན་ནོ། །བདུན་པ་དཀྱིལ་འཁོར་བསྡུ་བ་ནི། ཐོག་མར་གཏང་རག་གི་དོན་དུ།] ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས། ཤཔྡའི་བར་དང་། མ་ཧཱ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ མ་ཧཱ་བ་ལིནྡ་ཁཱ་ཧི༔ [ཞེས་མཆོད་ཅིང་།] ཧཱུྃ༔ སྲིད་གསུམ་གདུག་པ་འདུལ་བ་དང་༔ ང་རྒྱལ་ཆེན་པོ་གཞོམ་པའི་ཕྱིར༔ རྡ…

གསོལ། མདུན་དཀྱིལ་དང་འབྲེལ་བའི་ཡེ་ཤེས་པ་རྟེན་ལ་བརྟན་བཞུགས་སམ་གཤེགས་སུ་གསོལ་བ་གང་མོས་བྱས་ལ། བདག་བསྐྱེད་ཀྱི་དཀྱིལ་འཁོར།] ཧཱུྃ་ཧཱུྃ་ཧཱུྃ། ཕྱི་ནང་སྣོད་བཅུད་ཐམས་ཅད་ཀུན། །དཀྱིལ་འཁོར་གཅིག་ཏུ་རྫོགས་པ་ཡང་། །མཐའ་ནས་བསྡུས་ཏེ་གཙོ་ལ་ཐིམ། །དེ་ཡང་ཐུགས་སྲོག་ཧཱུྃ་ཡིག་ལ། །ཧཱུྃ་ཡང་རིམ་བཞིན་གྱེན་རྫོགས་ངང་། །ཆོས་ཉིད་གསལ་…

བ་སྤྱད་པའི་མཐུ་བྱིན་གྱིས༔ བཅོམ་ལྡན་འདས་དཔལ་རྡོ་རྗེ་གཞོན་ནུའི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོ་ལ་ལོངས་སྤྱོད་ཅིང་སྐལ་བ་མཉམ་པར་གྱུར་ཅིག༔ [ཅེས་སྨོན་ལམ་གདབ། ཤིས་པར་བྱ་བའི་ཕྱིར་མེ་ཏོག་གི་ཆར་དབབ་ལ།] རྡོ་རྗེའི་དབྱིངས་ནས་སྨིན་གྲོལ་བྱིན་རླབས་སྩོལ། །རིག་འཛིན་རྩ་བརྒྱུད་བླ་མའི་བཀྲ་ཤིས་ཤོག །ཡ…

གཞུང་ཁ་སྐོང་དང་བཅས་པ་དང་། རང་དོན་བྱང་ཆུབ་ནར་མར་སྒྲུབ་པའི་མདོ་བྱང་རྣམས་གུང་བསྡེབས། མངོན་རྟོགས་རྣམས་གུ་རུའི་ཆོག་ཁྲིགས་རྒྱུད་གཞུང་གི་མཆན་བུ་ཁོ་ན་གྱེར་སྒོམ་བདེ་བར་ཚིགས་བཅད་དུ་བསྒྲིག །འདོན་བྱ་ཕལ་ཆེར་གཏེར་གཞུང་རྩ་བའི་རྒྱུད་ཚིག་ཤ་སྟག་བཅས་བཅོས་མ་སོང་བར་བྱས། ཆོ་གའི་ཡན་ལག་མེད་དུ་མི་རུང་བ་འགའ་ཞིག་གསང་བ་སྤྱིའི་…

གྱུར་ཅིག །སྙིང་པོའི་བསྟན་དང་བསྟན་འཛིན་སྡེ་དང་བཅས། །བར་ཆད་ཡིད་སྲུབས་དཔུང་ལས་རྣམ་པར་རྒྱལ། །ཕུར་བུ་རྣམ་བཞི་གྲུབ་པའི་མཐར་ཕྱིན་ཏེ། །འཁོར་འདས་ཐལ་བར་འབྱིན་པའི་མཆོག་ཐོབ་ཤོག །དེ་ལྟར་དཔལ་རྡོ་རྗེ་ཕུར་བུ་ཡང་གསང་སྲོག་གི་སྤུ་གྲིའི་ལས་བྱང་ཕྲིན་ལས་རྣམ་པར་རོལ་པའི་རྒྱན་ཅེས་བྱ་བ་འདི་ནི། གསང་ཆེན་བསྟན་པའི་རྩ་ལག་ལྷ་ལུང་ཐ…

[ཕུར་པ་ཡང་གསང་སྲོག་གི་སྤུ་གྲིའི་བརྒྱུད་འདེབས་བཞུགས།] ཀུན་བཟང་རྡོ་རྗེ་འཆང་དབང་རྡོ་རྗེ་སེམས། །དགའ་རབ་ཤྲཱི་སེང་པྲ་བྷ་ཧསྟི་རྩལ། །པདྨ་ཐོད་ཕྲེང་མཁར་ཆེན་མཚོ་རྒྱལ་མར། །གསོལ་བ་འདེབས་སོ་ཕྲིན་ལས་མཐར་ཕྱིན་ཤོག །མུ་ཏིག་བཙན་པོ་གཏེར་ཆེན་པདྨ་གླིང་། །རྒྱལ་བ་དོན་གྲུབ་སྣ་ཚོགས་རང་གྲོལ་དཔལ། །བསྟན་འཛིན་གྲགས་པ་པདྨ་ཕྲིན་ལས་…

རབ་འབྱམས་ངང་། །དཀྱིལ་འཁོར་གསུམ་གྱི་ཕྱག་རྒྱར་ཡོངས་སྨིན་ནས། །བདུད་ལས་རྣམ་པར་རྒྱལ་བའི་ཧེ་རུ་ཀ ། མཆོག་གི་གནས་ཐོབ་དོན་གཉིས་ལྷུན་གྲུབ་ཤོག །[ཅེས་པའང་རྣམ་འདྲེན་གསུང་སྤྲུལ་བཅུ་པའི་བཞེད་སྐོང་དུ་འཇིགས་བྲལ་ཡེ་ཤེས་རྡོ་རྗེས་སོ།། །།]

[ཕུར་པ་ཡང་གསང་སྲོག་གི་སྤུ་གྲིའི་རྒྱུན་ཁྱེར་བཞུགས། རྒྱུན་བཤགས་ཡན་ལག་བརྒྱད་པས་ཚོགས་བསགས་པ་སྔོན་དུ་འགྲོ་བས།] ཧཱུྃ། རྡོ་རྗེ་ཁྲོས་པས་ཞེ་སྡང་གཅོད། །མཚོན་ན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིག་པ་ཤར། །རང་བྱུང་རྒྱུ་ཡི་ཧཱུྃ་མཐིང་ལས། །འོད་འཕྲོས་སྣོད་བཅུད་སྟོང་པར་སྦྱངས། །སྟོང་ཉིད་དེ་ཡི་མཁའ་དབྱིངས་སུ། །འབྱུང…

གཡས་གཉིས་རྩེ་དགུ་རྩེ་ལྔ་དང་། །གཡོན་གཉིས་མེ་དཔུང་ཁ་ཊྭྰཾ་བསྣམས། །ཐ་གཉིས་རི་རབ་ཕུར་པ་འདྲིལ། །རྡོ་རྗེ་རིན་ཆེན་གཤོག་པ་གདེངས། །སྐྲ་དང་བ་སྤུའི་ཉག་མ་རྣམས། །རྡོ་རྗེ་ཕྲ་མོའི་རྣམ་པས་གཏམས། །སྤྱན་དགུ་སྡང་མིག་གློག་སྟོང་འགྱུ། །ཤངས་ནས་ཧཱུཾ་གི་ང་རོ་དང་། །ཞལ་ནས་ཕཊ་ཀྱི་སྒྲ་ཆེན་སྒྲོགས། །སྦྲུལ་རིགས་ལྔ་ཡིས་ཕྱག་ཞབས་བརྒྱན།…

ཤར་བ་དང་། །སྙིང་གི་དཀྱིལ་དུ་བསྒོམ་པར་བྱ། །ཙིཏྟའི་སྒོ་སྲུང་རྟ་མགྲིན་དམར། །པདྨ་བྷནྡྷ་ཡུམ་འཁྱུད་འཁྲིལ། །སྐུ་དང་གྲིབ་མའི་ཚུལ་དུ་ཡུམ། །འཁོར་ལོ་རྒྱས་འདེབས་མཐིང་ག་གཡས། །ཨུཏྤལ་ཡབ་འཁྱུད་བྷནྡྷ་གཡོན། །རིགས་ལྔས་དབུ་རྒྱན་གཟིག་ཤམ་གསོལ། །འཁྲིལ་སྦྱོར་བདེ་ཆེན་སྙོམས་པར་ཞུགས། །མི་བཟད་གར་དགུའི་ཉམས་དང་ལྡན། །བསྐལ་པའི་མེ་…

ཐིམ་ཆེ་བའི་ཡོན་ཏན་བསྐྱེད། །སྣང་གྲགས་རིག་པ་ལྷ་དང་སྔགས། །ཆོས་ཉིད་གཉུག་མའི་ཕྱག་རྒྱར་རྫོགས། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ༔ ཛཿཧཱུྃ་ཨཱཿཞེས་ཅི་ནུས་སུ་བཟླས་མཐར། ཧཱུཾ་ཧཱུཾ་ཧཱུཾ། སྣོད་བཅུད་འོད་ཞུ་རང་ལ་ཐིམ། །རང་ཡང་ཐུགས་སྲོག་ཧཱུཾ་ཡིག་ལ། །ཧཱུཾ་ཡང་རང་བཞིན་གྱེན་རྫོགས་དང་། །ཆོས་ཉིད་གསལ་སྟོང་ཀློང་དུ…

[ཅེས་པའང་རྒྱུན་གྱི་ཉམས་ལེན་འཇུག་པ་བདེ་བའི་སླད་དུ་འཇིགས་བྲལ་ཡེ་ཤེས་རྡོ་རྗེས་སྦྱར་བ་ཛ་ཡནྟུ།། །།]

༄༅། །ཕུར་པ་ཡང་གསང་སྲོག་གི་སྤུ་གྲིའི་ཕྲིན་ལས་ཚེ་སྒྲུབ་ཀྱི་ཆོ་ག་འཆི་མེད་བདུད་རྩིའི་ཟ་མ་ཏོག་ཅེས་བྱ་བ་བཞུགས་སོ། །

ཨོཾ་སྭསྟི། སྐྱེ་འཆི་གཉིས་སྤངས་བདེ་ཆེན་ཐིག་ལེའི་གཟུགས། །རྡོ་རྗེ་གཞོན་ནུ་ཚེ་ཡི་བདག་པོ་དེར། །བཏུད་ནས་འཆི་མེད་ཚེ་མཆོག་སྒྲུབ་པའི་ཚུལ། །མན་ངག་རྩ་བའི་དགོངས་དོན་འདིར་གསལ་བྱ། །[དེའང་དཔལ་ཆེན་ཕུར་བུའི་དཀྱིལ་འཁོར་དང་འབྲེལ་བར་རྡོ་རྗེའི་ཚེ་སྒྲུབ་པར་འདོད་བས། སྦྱོར་བ་རྩ་བའི་དཀྱིལ་འཁོར་གྱི་ལྷོ་ཕྱོགས་རྒྱས་པའི་སར་གངས་…

མཉམ་བླུག །རྒན་པོ་བཀྲ་ཤིས་པའི་ལག་ནས་བླངས་པའི་ཕྱེ་ཟན་ཚེ་གལ་མཐུན་སྡེབས་སུ་བྱས་པའི་ཚེའི་འབྲང་རྒྱས་ཟླུམ་བརྗིད་རྒྱན་སྤྲོས་ཅན་གྱིས་ཁ་བཅད་ལ་གཟུངས་ཐག་དཀར་པོ་བཏགས་ཏེ་རྒྱས་པའི་ཚེ་ཕུར་ལ་གཏོད། ཚེ་མདའ་རྒོད་སྒྲོམ་མདེའུ་ལྡན་དར་ཚོན་སྣ་ལྔ་མེ་ལོང་བླ་གཡུ་བཏགས་པའང་འདུ་བྱས་ལ། དངོས་གཞི་ཕྲིན་ལས་ཀྱི་གཞུང་བསྲངས་ཏེ་རྩ་བའི་བཟླ…

འོད་ཟེར་སྣ་ཚོགས་ལྕགས་ཀྱུའི་དབྱིབས་ཅན་ཉི་ཟེར་གྱི་རྡུལ་ལྟར་འཕྲོས་པས་སྣོད་བཅུད་ཐམས་ཅད་ཁྱབ། རང་གི་བླ་ཚེ་ཆད་ཉམས་ཡར་བ་རྣམས་དང་། ཕྱི་སྣོད་འབྱུང་བ་ལྔའི་དྭངས་བཅུད། ནང་བཅུད་ཁམས་གསུམ་སྐྱེ་འགྲོའི་ཚེ་བསོད་དཔལ་འབྱོར། ཕྱོགས་བཅུའི་བདེ་བར་གཤེགས་པ་རྣམས་ཀྱི་སྐུ་གསུམ་ཐུགས་ཀྱི་དབང་བྱིན་དངོས་གྲུབ་ཐམས་ཅད་འཇའ་ཟེར་ཐིག་ལེ་ཡི…

ཚེ་མཆོག་འགུགས་པའི་ཕྲིན་ལས་མཛོད༔ རྣམ་རྒྱལ་སྙེགས་མ་སྟག་དང་བྱ་རྒོད་མགོ༔ རྡོ་རྗེ་ཚེ་མཆོག་འགུགས་པའི་ཕྲིན་ལས་མཛོད༔ དབྱུག་སྔོན་སྡེར་མོ་གཡག་དང་བྱ་རོག་མགོ༔ རྡོ་རྗེ་ཚེ་མཆོག་འགུགས་པའི་ཕྲིན་ལས་མཛོད༔ གཤིན་རྗེ་དུར་ཁྲོད་ཤ་བ་འུག་པའི་མགོ༔ རྡོ་རྗེ་ཚེ་མཆོག་འགུགས་པའི་ཕྲིན་ལས་མཛོད༔ མི་གཡོ་གཏུན་ཁུང་གཟིག་དང་ཁྭ་ཏའི་མགོ༔ རྡ…