བརྡལ་ཁྱབ་ཆེན་པོར་གསལ༔ དེའི་ངང་མཉམ་པར་བཞག་ཅིང་མཐར་ནི་ཡང༔ དམིགས་མེད་ངང་བཞག་བསྔོ་སྨོན་རྒྱ་ཡིས་བཏབ༔ ཅེས་པ་སྟེ། ཐོ་རངས་མལ་ནས་ལངས་མ་ཐག་ཏུ་ཧ་ཞེས་དབུགས་རིང་བ་གསུམ་བུས་ལ། དང་པོས་འདོད་ཆགས་ཀྱི་སྒོ་ནས་བསགས་པའི་སྡིག་སྒྲིབ་ཐམས་ཅད་རླུངས་ཁམ་ནག་གི་རྣམ་པར་ཐོན་པར་བསམ། གཉིས་པས་ཞེ་སྡང་གི་སྒོ་ནས་བསགས་པའི་སྡིག་སྒྲིབ་ཐམས་ཅ…

ཕྱི་ནང་སྣོད་བཅུད་ཐམས་ཅད་འོད་དུ་ཞུ་ནས་ཨ་ལ་ཐིམ་པས་ཨ་ཡིག་དང་བཅས་པ་ནམ་མཁའ་སྔོ་ནག་གི་རང་བཞིན་དུ་གྱུར་པར་བསམ་ལ་འོད་གདངས་དེ་གའི་ངང་དུ་ཅིག་ནས་མཉམ་པར་འཇོག་ཅིང་མཐར་དམིགས་མེད་ཀྱི་ངང་ནས་བསྔོ་སྨོན་བྱའོ། །གཉིས་པ་ཨ་དཀར་ཆུ་ཡི་སྙིང་པོ། གསུམ་པ་ཨ་སེར་ས་ཡི་རང་བཞིན། བཞི་པར་ཨ་དམར་མེ་ཡི་སྙིང་པོ། ལྔ་པར་ཨ་ལྗང་རླུང་གི་རང་བཞི…

འཇུག་ཆེན་པོར་འབྱམས་ཀླས་བཞག༔ སླར་ཡང་དྲང་སྲོང་ཙོག་པུ་གྱིས་སྡོད་ཅིང་༔ མ་དག་འཁོར་བའི་སེམས་དང་སྣང་བ་ཀུན༔ རྨི་ལམ་དབྱིངས་སུ་སད་པ་ཇི་བཞིན་དུ༔ རང་བཞིན་སྤྲུལ་སྐུའི་ཞིང་ཁམས་ཡིད་བྱེད་ཅིང་༔ དབྱིངས་སྣང་མངོན་བྱེད་སྤྲོས་པ་བྲལ་བར་བཞག༔ གནད་དེས་འཆི་བ་འོད་གསལ་ཆེན་པོར་འཕོ༔ རང་བཞིན་རྣམ་དག་ཞིང་དུ་འཕོ་ནུས་འགྱུར༔ ཞེས་པ་སྟེ།…

བྲལ་བར་བཞག་གོ །དེ་ལྟར་གནད་དུ་བསྣུན་པས་སྔ་མས་ཆོས་ཀྱི་སྐུར་སངས་རྒྱས། བར་པས་ལོངས་སྤྱོད་རྫོགས་སྐུར་དབུགས་འབྱིན། ཐ་མས་རང་བཞིན་སྤྲུལ་སྐུའི་ཞིང་དུ་འཕོ་བར་འགྱུར་རོ། །ལེའུའི་སྐབས་བསྡུ་བ་ནི། འབྱུང་བ་ཟད་པའི་སྐྱེ་མཆེད་འགྲུབ་པ་དང་འཆི་བ་སྦྱངས་པའི་མན་ངག་བསྟན་པའི་ལེའུ་སྟེ་བཅུ་གསུམ་པའོ༔ ས་མ་ཡ༔ གུ་ཧྱ༔ བཞི་པ་ཆོས་ཉིད་ཟ…

དང་བྲལ་ཚེ༔ ཆུ་ཡི་རང་བཞིན་ཉིད་དུ་ཞིག་པ་བཞིན༔ གཟུང་འཛིན་གཉིས་ཀྱི་སྤུན་ཐག་དང་བྲལ་ཏེ༔ གདོད་མ་གཞི་ཡི་ངང་དུ་འབྱམས་ཀླས་སོ༔ ཞེས་པ་སྟེ། ཐལ་འགྱུར་ལས། ཆོས་ཉིད་ཟད་པའི་སྣང་བ་ནི། །ཉམས་ཀྱི་སྣང་བ་སྟོང་ནས་ནི། །ལུས་ཟད་དབང་པོའི་ཡུལ་ཡང་ཟད། །རྟོག་ཚོགས་འཁྲུལ་པ་རང་གྲོལ་ནས། །བརྗོད་གཞིའི་ཚིག་དང་བྲལ་བའོ། །ཞེས་པས། ཕྱི་འཁྲུལ་ས…

གུ་རྒྱུད་མཐིང་ནག་མུ་མེན་གྱི་ཕྲེང་བ་བསྟར་ལ་བརྒྱུས་པ་ལྟར་འཆར་ཞིང་། སྐུ་དེ་དག་གི་ཐུགས་ཀ་ནས་འོད་ཟེར་མཐིང་གའི་སྣམ་བུ་རང་གི་སྙིང་གར་ཟུག་པའི་ཐིག་ལེ་མཐིང་ག་བཻཌཱུརྱའི་ཕོར་པ་ཁ་སྦུབས་པ་ལྟ་བུ་བརྩེགས་མར་བྱས་པ་འཆར་རོ། །དེ་རྫོགས་པའི་རྗེས་སུ་དབྱིངས་སྣང་དཀར་གསལ་གྱི་ཀློང་དུ་ཐིག་ལེ་དཀར་པོ་བསེ་ཕུབ་ཙམ་གྱི་ནང་དུ་རྣམ་སྣང་…

རྫོགས་པའི་རྗེས་སུ་དབྱིངས་སྣང་དམར་པོའི་ཀློང་དུ་ཐིག་ལེ་དམར་པོ་བསེ་ཕུབ་ཙམ་གྱི་ནང་དུ་སྣང་མཐའ་ཡབ་ཡུམ་གཙོ་བོར་བཞུགས་པའི་འཁོར་སེམས་དཔའ་སེམས་མ་བཞི་དང་བཅས་པ་ལྔ་ཚོམས་སུ་ཤར་བའི་གོ་མཚམས་སུ་རྡོ་རྗེ་ལུ་གུ་རྒྱུད་བྱི་རུའི་ཕྲེང་བ་བརྒྱུས་པ་ལྟར་འཆར་ཞིང་། ལྷ་དེ་དག་གི་ཐུགས་ཀ་ནས་འོད་ཀྱི་སྣམ་བུ་དམར་པོ་རང་གི་སྙིང་གར་ཟུག་པའ…

དེངས་ནས་རང་ལུས་ཀྱང་འོད་ཀྱི་ཀློང་དུ་ལག་པའི་སོར་མོ་བཀྲམ་པ་ཙམ་ལས་མི་སྣང་ངོ་། །དེ་ནས་འོད་གསལ་གྱི་སྣང་བ་སྐུ་དང་ཐིག་ལེ་ཐམས་ཅད་སྤྲིན་ཕུང་དབྱིངས་སུ་ཡལ་བ་ལྟར་རིམ་གྱིས་ཡལ་ནས་དག་དང་མ་དག་པའི་སྣང་བ་ཐམས་ཅད་ཟད་པ་སྟེ། དོན་དམ་པར་གནམ་སྟོང་གི་ཟླ་བ་ཅི་ཡང་མེད་པ་ལྟར་སྣང་ཡང་རང་གི་ངོ་བོ་ཆེར་སོང་བ་དང་ཆུང་དུ་སོང་བ་གང་ཡང་མེད་…

ཟློ་བ་དང་། སེམས་འཇའ་ཚོན་ནམ་མཁའ་ལ་ཡལ་བ་ལྟར་རིག་པ་གདོད་མའི་མགོན་པོའི་དབྱིངས་སུ་འབྱམས་ཀླས་པའོ། །དེ་ལྟར་ཆོས་ཉིད་ཟད་པའི་དུས་སུ་མདོ་ལམ་གྱི་ས་བཅུ་པ་ལས་ཆེར་འཕགས་ཤིང་སྔགས་ལམ་དུ་ལྷུན་གྲུབ་རིག་འཛིན་གྱིས་མཆོག་དོན་གྱིས་ཐོབ་པ་ཡིན་ནོ། །ལེའུའི་སྐབས་བསྡུ་བ་ནི། ཆོས་ཟད་བློ་འདས་ཆེན་པོའི་ཚུལ་བསྟན་པའི་ལེའུ་སྟེ་བཅུ་བཞི་པའ…

འགའ་མཆིས་ཤིང་། དེ་ནས་ཞག་བཅུ་འམ་ཟླ་བ་གཅིག་གམ་བདུན་ནམ་བཅུ་གཉིས་ནས་ཤེས་སྒྲིབ་ཕྲ་བའི་ཕྲ་བ་དབྱིངས་སུ་དྭངས་ནས་ཇི་ལྟ་བ་མཁྱེན་པའི་ཡེ་ཤེས་ཀྱི་རྩལ་རྫོགས་ཏེ་ཀ་དག་གཞིའི་ཆོས་སྐུ་ལ་མངའ་དབང་བསྒྱུར། ཇི་སྙེད་པ་གཟིགས་པའི་ཡེ་ཤེས་ཀྱི་རྩལ་རྫོགས་པས་ལྷུན་གྲུབ་སྐུ་དང་ཡེ་ཤེས་ཀྱི་རོལ་པ་ལ་མངའ་དབང་བསྒྱུར་ཏེ་འཕོ་ཆེན་གཞོན་ནུ་བུམ…

ཕྲག་ཚུན་ཆད་དུ་ལུས་ཀྱི་ལྟོས་པ་ཇེ་ཆུང་དུ་སོང་ནས་མཐར་སྐྲ་སེན་ཙམ་ལས་ལུས་རྡུལ་ཕྲན་དུ་དེངས་པ་ནི་འཕོ་བ་ཆུང་ངུ་ཞེས་བྱ་སྟེ། སྔ་མ་དབང་རབ་དང་བར་པ་གཉིས་དབང་འབྲིང་ཕྱི་མ་གཉིས་དབང་པོ་ཐ་མའི་གྲོལ་ལུགས་ཡིན་ནོ། །དྲུག་པ་མཐའ་རྟེན་གྱི་མན་ངག་བསྟན་པ་ནི། ཀློང་གསལ་ལས། མཐའ་རྟེན་མན་ངག་རྣམ་པ་བཞི། །གོང་མའི་རྒྱབ་ཏུ་མེད་ཐབས་མེད། །…

ཞེས་པས། ལུས་བྱ་བ་ལ་མི་གནས་པར་སྡོད་པས་འཁོར་བའི་འཁྲུལ་རྟོག་འགག །རླུང་འཕེལ་མེད་དུ་སྡོད་པས་རྣམ་རྟོག་གཡོ་བའི་རྐྱེན་ཟད། སྣང་བ་འདར་འཕྲིག་མེད་པར་སྡོད་པས་ཞིང་ཁམས་ཚད་ལ་ཕེབས་པར་བྱེད་དོ། །སྐབས་འདིར་ཚད་རྨི་ལམ་གྱིས་བཟུང་བ་ནི། གསང་བ་སྒྲ་རྒྱུད་ལས། རབ་ལ་འཆར་དང་འབྲིང་གིས་ཤེས། །ཐ་མ་འགྱུར་བ་ངེས་པ་སྟེ། །ཞེས་པ་ལྟར་དབང་རྣ…

ཡང་བགེགས་ཡི་དམ་གྱི་གཟུགས་སུ་བརྫུ་བ་དང་། སྣ་ཚོགས་ལས་ཀྱི་མཁའ་འགྲོ་མ་རྣམས་ཡེ་ཤེས་ཀྱི་མཁའ་འགྲོར་བརྫུས་ནས་གཟུགས་སྟོན་པ་དང་ལུང་སྟོན་པ་སོགས་འབྱུང་བས། དེ་ལ་བདེན་ཞེན་སྐྱེས་ནས་བསྒྲུབ་ན་བདག་ཉིད་མཁའ་འགྲོའི་དབང་དུ་གྱུར་ནས་འཁོར་བ་མཐའ་མེད་དུ་འཁྲུལ་པ་ཡིན་པས། དེའི་དུས་སུ་འཁོར་འདས་རང་སྣང་ལས་མི་གཞན་པའི་ཚུལ་ཤེས་ཏེ་ཞེན་…

གསང་བའི་རྟགས་ནི། ཕྱི་འབྱུང་བ་ལ་རང་དབང་བསྒྱུར་བས་ཇི་ལྟར་བསྒྱུར་ཀྱང་བསྒྱུར་བཏུབ་པ་དང་། ནང་འབྱུང་བ་ལ་རང་དབང་བསྒྱུར་པས་ལུས་ལ་གཉེར་མ་མེད་ཅིང་མེ་ལོང་གི་བྱད་ལྟར་དྭངས་པ་དང་། སྐྲ་དཀར་ནག་པོར་འགྱུར་ཞིང་སོའུ་སྐྱེ་བ་དང་། ལུས་ལ་རིགས་ལྔའི་ཕྱག་རྒྱ་དང་ཡི་གེ་བཀྲ་ཞིང་སྐྲ་སེན་སྐྱེ་བའི་རྒྱུན་ཆད་མེད་པ་དང་། ཕྱི་ནང་གི་སྲིན…

ལས། མི་འགྱུར་ལྟ་བའི་གདིང་ཆེན་བཞིས། །མ་རྟོག་ཡེ་ཤེས་ཚད་ཀྱང་གཟུང་། །ཞེས་པས། རང་རིག་གདོད་མའི་མགོན་པོའི་གོ་འཕང་མངོན་དུ་གྱུར་པ་དེ་ལས་ཡུལ་རྐྱེན་ལ་མི་ལྟོས་པའི་ཕྱིར་སངས་རྒྱས་སུམ་སྟོང་གི་ཞལ་མཐོང་ཡང་དད་པ་ཅུང་ཟད་ཀྱང་མེད་པའི་གདིང་ཐོབ། རང་གཞི་ཆོས་སྐུ་མཚན་མ་དང་བྲལ་བའི་དབྱིངས་སུ་སད་པས་བདུད་དང་གཤེད་མ་འབུམ་གྱིས་བསྐོར…

ལ་གང་འདུལ་ཐབས་སྣ་ཚོགས་ཀྱི་སྒོ་ནས། འགྲོ་ཁམས་རྒྱ་མཚོ་མ་སྟོངས་ཀྱི་བར་དུ་འགྲོ་བའི་དོན་མཛད་པ་ནི་ཟླ་བ་དང་ཆུ་ཟླ་ལྟ་བུ་ཡིན་ནོ། །ད་ནི་གནད་ཀྱི་འགག་དོན་བཤད་པས་མཐའ་བསྡུ་བ་ནི། ལམ་འདིར་འཇུག་པའི་སྐྱེས་བུ་ལས་ཅན་རྣམས༔ མི་ལོ་བཅུ་གཉིས་བར་མ་ཆད་པ་རུ༔ ཉམས་ལེན་གནད་དུ་བསྣུན་པ་གང་སུ་དག༔ འཇའ་ལུས་ཆོས་སྐུ་འགྲུབ་པའི་གཏན་ཚིག་གོ༔…

ཚུལ་གནས་ལུགས་རང་བྱུང་གི་རྒྱུད་སོགས་གཞུང་གཞན་དུ་བལྟ་བར་བྱའོ། །གསུམ་པ་ཐ་མར་དགེ་བ་མཇུག་གི་དོན་ལ་གསུམ། ཟབ་ཆོས་གཉན་པོ་གཉེར་དུ་གཏད་པ། གསང་བ་ཆེན་པོའི་རྒྱས་བཏབ་པ། གང་གིས་གཏན་ལ་ཕབ་པའི་མཛད་བྱང་ངོ་། །དང་པོ་ཟབ་ཆོས་གཉན་པོ་གཉེར་དུ་གཏད་པ་ནི། བཀའ་སྲུང་དྲེགས་པ་གནོད་སྦྱིན་དམར་ནག་དང་༔ དབང་ཕྱུག་མ་ཧཱ་དེ་ཝ་ཉིད་ལ་གཏད༔ ཆོས…

གསང་བ་ཆེན་པོའི་རྒྱས་བཏབ་པ་ནི། ས་མ་ཡ༔ རྒྱ་རྒྱ་རྒྱ༔ གསང་རྒྱཿ ཟབ་རྒྱཿ གུ་ཧྱཿ ཨྠྀིཿ ཞེས་པ་སྟེ། རྡོ་རྗེའི་དམ་ཚིག་གཉན་པོ་སྐུ་གསུང་ཐུགས་ཀྱི་རྒྱ་དང་། གསང་ཆེན་གཉིས་ལྡན་གྱི་རྒྱ་དང་། ཟབ་པ་ཆོས་ཀྱི་དབྱིངས་ཀྱི་རྒྱས་བཏབ་པའོ། །གསུམ་པ་གང་གི་གཏན་ལ་ཕབ་པའི་མཛད་བྱང་ནི། ཅེས་པ་འདི་ཉིད་སྨོན་ལམ་ལས་ཀྱིས་འབྲེལ་བའི་སྐྱེས་བུ་མང…

དུ་སྣང་བ་མཁའ་འགྲོ་གསང་བའི་མཛོད་ཆེན་དགོངས་པའི་གཏེར་རྒྱ་ཟབ་མོ་ལེགས་པར་བཀྲལ་ཏེ་གཏན་ལ་ཕབ་པར་མཛད་པའོ། །སླར་སྨས་པ། དེ་ལྟར་ཡེ་ཤེས་ཀློང་ཆེན་ཡངས་མཛོད་ནས། །བྱུང་བའི་ཐེག་མཆོག་ཟབ་དོན་བདུད་རྩིའི་བཅུད། །ལེགས་བཤད་མན་ངག་རོལ་མཚོར་བསྐྱིལ་བ་འདི། །སྐལ་བཟང་གདུལ་བྱའི་ཚོགས་ཀྱིས་བརྟེན་བྱ་ཡིན། །ས་ལམ་མང་པོའི་ཡུན་ལ་མ་ལྟོས་པར།…

ཟབ་དོན་སྨྲ་བའི་སྤོབས་པ་ཐོབ། །དེ་ལྟ་ནའང་རང་བློ་རྨོངས་པའི་དྲིས། །ནོངས་པར་གྱུར་པའི་ཉེས་པ་གང་མཆིས་པ། །ལྷག་པའི་ལྷ་དང་ཌྰ་ཀི་ཆོས་སྐྱོང་ཚོགས། །ཡེ་ཤེས་སྤྱན་ལྡན་རྣམས་པ་བཟོད་པར་གསོལ། །འདིར་རྟེན་ལེགས་བྱས་དགེ་བའི་དངོས་པོ་དེས། །གསང་ཆེན་བསྟན་པའི་སྙིང་པོ་འོད་སྟོང་ཅན། །མི་ནུབ་གདུལ་བྱའི་མཁའ་ལ་རྟག་འཆར་ཏེ། །ཕན་བདེའི་པད…