གདེངས། །སྐུ་སྟོད་སྲིན་པོའི་རྣམ་པ་ལ། །སྐུ་སྨད་སྦྲུལ་མཇུག་ཁྲག་མཚོར་འཁྱིལ། །དུས་གསུམ་གཟིགས་པའི་སྤྱན་སྟོང་གཡོ། །ཞིང་གླང་སྟག་སྦྲུལ་མགོ་ཕྲེང་བརྒྱན། །མེ་རླུང་དུག་རླངས་འཚུབས་དབུས་འགྱིངས། །བདུད་པོ་ཟུ་ར་རྭ་སྐྱེས་ནི། །མི་ནག་རྟ་ནག་བདུད་ཆས་ཅན། །མདུང་དར་དགྲ་སྟྭ་ཕྱག་ན་བསྣམས། །བདུད་དམག་བྱེ་བ་ལས་ལ་འགྱེད། །བཙན་རྗེ་སྲ…

ལས་དང་དངོས་གྲུབ་སྩོལ། །འདིར་དུས་དམ་ཚིག་དག་པའི་འཁོར། །མཆེད་དང་ལྕམ་དྲལ་བཅས་པ་རྣམས། །མིག་དང་སྙིང་བཞིན་གཅེས་པར་སྲུངས། །འགལ་རྐྱེན་བར་དུ་གཅོད་པའི་རིགས། །ཞི་བར་མཛོད་ཅིག་གཏེར་གྱི་བདག །ཚེ་བསོད་དཔལ་འབྱོར་སྙན་གྲགས་དང་། །མངའ་ཐང་ལོངས་སྤྱོད་ཡོན་ཏན་རྣམས། །རྒྱས་པར་མཛོད་ཅིག་གཏེར་གྱི་བདག །འཁོར་འདས་དཔལ་ཡོན་བརྟན་གཡོའི་…

འགྱད་དུ་གྱུར་པའི་ལྷའི་ང་རྒྱལ་དང་ལྡན་པས་འཕྲིན་ལས་དྲག་ཏུ་བཅོལ་ལ་མཆོད་གཏོར་གཙང་སར་ཕུལ་ལོ། །དེ་ལྟར་གཏེར་སྲུང་མཆོད་ཕྲིན་འདིའང་ཤིང་ཕོ་འབྲུག་ལོར་མོན་ཁ་སེང་གེ་རྫོང་གི་ཀེའུ་ཚང་དུ་དཔལ་ཆེན་ཕུར་བུའི་ཚོམ་བུ་ཚོགས་སྒྲུབ་དང་འབྲེལ་བར་གཏེར་ཞལ་འབྱེད་པའི་སྐབས་སུ་རིག་འཛིན་ཐུགས་མཆོག་རྡོ་རྗེའི་བཀས་བསྐུལ་བཞིན་དུས་ཞབས་ཀྱི་ག…

༄༅། །ཚེ་སྒྲུབ་འཆི་མེད་སྲོག་ཐིག་གི་དཀྱིལ་འཁོར་བདག་ཉིད་འཇུག་ཅིང་དབང་བླང་བའི་ཆོ་ག་ཚེ་མཆོག་གྲུབ་པའི་བཅུད་ལེན་ཞེས་བྱ་བ་བཞུགས་སོ། །

ན་མོ་གུ་རུ་ཨཱཿཡུརྫྙཱ་ན་པ་རི་མི་ཏ་ཡེ། [དེ་ཡང་ལམ་དུས་ཀྱི་དམ་ཚིག་གསོ་ཞིང་ཚེ་དང་ཡེ་ཤེས་ཀྱི་སྤེལ་བ་ལ་མེད་དུ་མི་རུང་བ་རིགས་འདུས་ཚེ་དཔག་མེད་ཀྱི་དཀྱིལ་འཁོར་དུ་བདག་ཉིད་འཇུག་ཅིང་དབང་བླང་བའི་ཚུལ་འདི་ལ་ཆེ་ཐང་དུ་བརྩོན་པར་བྱ་སྟེ། དེའི་ཚུལ་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། སྦྱོར་བ་མཚན་མའི་དཀྱིལ་འཁོར་བ…

གཅིག་གྱུར། །[ཞེས་གསལ་བཏབ་སྟེ་རྣམ་རྒྱལ་བུམ་པར་རྩ་བའི་སྙིང་པོ་སྟོང་རྩ་སོགས་ཇི་ལྟར་རིགས་པ་དང་། ལས་བུམ་དུ་སྐད་ཅིག་གིས་རྟ་མགྲིན་བསྐྱེད་ལ་དེའི་སྙིང་པོ་བརྒྱ་རྩ་སོགས་བཟླས་ནས།] ཨོཾ་ཨཱཿཧཱུྃ་[གིས་མཆོད་ཡོན་ཕུལ་བས།] ལྷ་རྣམས་བདེ་བ་ཆེན་པོའི་ངོ་བོར་ཞུ་ནས་བུམ་ཆུ་དང་རོ་གཅིག་ཏུ་གྱུར་པར་[བསམ་མོ། །གཉིས་པ་དངོས་གཞི་ནི། བླ…

བུམ་གྱི་ཆུས་ཁྲུས་བྱ།] སུམྦྷ་ནི[འི་སྔགས་ཀྱིས་བགེགས་བསྐྲད།] ས་གཞི་སྤོས་ཆུས་[སོགས་ཀྱིས་མཎྜལ་ཕུལ་ལ།] ཨོཾ་ཙ྇ཀྵུ་བྷནྡྷ་ཝཱ་ར་ཎ་ཡེ་སྭཱཧཱ[ས་མིག་དར་འཆིང་།] ཨཱ་ཁཾ་ཝི་ར་ཧཱུྃ་[གིས་མེ་ཏོག་བཟུང་ནས། ཐལ་མོ་སྦྱར་བས་བཏུད་དེ།] ཨོཾཿ དཔལ་ལྡན་པདྨ་གར་གྱི་བདག༔ འཆི་མེད་ཡེ་ཤེས་སྐུ་འཆང་བ༔ རྡོ་རྗེ་སློབ་དཔོན་ཆེ་བའི་མཆོག༔ བཀྲ་ཤིས་…

[ཞེས་གསང་སྔགས་ནང་གི་སེམས་བསྐྱེད།] ཛཿཧཱུྃ་བྃ་ཧོཿ བྷྲུྃ་པྲ་བེ་ཤ་ཡ་ཕཊ༔ [ཅེས་དཀྱིལ་འཁོར་གྱི་སྒོ་ཕྱེས་པའི་ནང་དུ་ཞུགས་པར་མོས་པས།] ཨོཾ་ན་མསྟེ་ཧཱུྃ། ཨོཾ་ན་མ་མཱི་ཧཱུྃ། ཨོཾ་ན་མོ་ནམ་ཧཱུྃ། [ཞེས་ཕྱག་བྱ། གཉིས་པ་ནང་འཇུག་ལ། སྦྱོར་བ་དམ་ལ་བཞག་པ་ནི། རྡོ་རྗེ་མགོར་བཞག་སྟེ།] དེང་ཁྱོད་དཀྱིལ་འཁོར་ཆེན་པོ་འདིར༔ གཞུག་ཅིང་ཡེ་ཤ…

ཨོཾ༔ སྣོད་བཅུད་དག་པ་ཆེན་པོའི་དབྱིངས༔ ཡང་དག་རྫོགས་པའི་རང་བཞིན་ཅན༔ འཆི་མེད་རྡོ་རྗེའི་ཡེ་ཤེས་ཆེ༔ གང་གི་དྲིན་གྱི་བདག་དབབ་གསོལ༔ [ཅེས་གསོལ་བ་བཏབ། ལུས་གནས་དྲང་པོར་བསྲང་ཞིང་རླུང་ཁ་སྦྱོར་དུ་འཆིང་ལ།] རང་ཉིད་དཔལ་ཆེན་ཧེ་རུ་ཀ༔ རྟ་མཆོག་རྒྱལ་པོའི་སྐུར་གསལ་བའི༔ སྙིང་གར་འོད་ལྔའི་གུར་ཁྱིམ་དབུས༔ འཆི་མེད་རིག་འཛིན་ཚེ་དཔ…

འཁོར་ལོའི་སྤྲིན་ཆེན་འཕྲོས༔ རང་སྒྲ་སྒྲོགས་པས་རྩ་ཁམས་ཁྱབ༔ ལྷ་མོ་བཟོད་མེད་ཉམས་འབར་ཏེ༔ དགའ་བའི་གར་དང་གླུ་སྒྲ་ཡིས༔ ཕྱོགས་དུས་བདེ་གཤེགས་སྲས་བཅས་ཀྱི༔ རྒྱལ་བའི་དཀྱིལ་འཁོར་མ་ལུས་པ༔ སྐུ་གསུམ་ཚེ་ཡི་ལྷ་ཚོགས་ཀྱི༔ གསང་བ་གསུམ་གྱི་རྣམ་པ་རུ༔ ཁ་བ་བུ་ཡུག་འཚུབས་པ་བཞིན༔ བྱོན་ནས་ཆུ་ལ་ཆུ་བཞག་ལྟར༔ གཉིས་སུ་མེད་པར་ཐིམ་པ་ཡིས༔…

[ཞེས་མེ་ཏོག་སླར་སྤྱི་བོར་བཀོད།] ཧོཿ ཀུན་ཏུ་སྒྲིབ་མེད་ས་ལེ་བ༔ ཡེ་ཤེས་སྣང་བྱེད་ཐུར་མ་འདིས༔ ཁྱོད་ཀྱི་མ་རིག་ལིང་ཏོག་བསལ༔ རིག་པ་ཡེ་ཤེས་སྤྱན་ཐོབ་ཤོག༔ བཛྲ་མཧཱ་ཛྙཱ་ན་ཙཀྵུ་པ྄་བེ་ཤ་ཡ་ཕཊ༔ [ཅེས་མིག་དར་བསལ་བས།] བདེ་གཤེགས་རིགས་འདུས་པདྨ་ཚེ་དཔག་མེད་པའི་དཀྱིལ་འཁོར་རྟེན་དང་བརྟེན་པར་བཅས་པ་ཐམས་ཅད་མངོན་སུམ་བཞིན་དུ་མཐོང་བ…

བདག་ཀྱང་ཡང་དག་སྐྱོབ་པའི་ཕྱིར༔ མགོན་པོས་སྨིན་པར་མཛད་དུ་གསོལ༔ [ཞེས་ལན་གསུམ་གྱིས་གསོལ་བ་བཏབ།] རང་ཉིད་དཀྱིལ་འཁོར་ཆེན་པོའི་ཤར་སྒོའི་ཁྱམས་སུ་དབང་སྟེགས་མཆོད་སྤྲིན་གྱིས་མཛེས་པའི་དབུས་སུ་པདྨ་དང་ཉི་ཟླའི་གདན་ལ་ཚེ་དཔག་མེད་ཀྱི་སྐུའི་རྣམ་པས་འཁོད་པར་མོས་ལ། སློབ་དཔོན་དཀྱིལ་འཁོར་གྱི་གཙོ་བོའི་ཐུགས་ཀ་ནས་འོད་ཟེར་འཕྲོས་…

བསྐྲད། བུམ་འཛིན་རིག་པའི་ལྷ་མོ་རྣམས་ཀྱིས་མི་བསྐྱོད་ཚེ་དཔག་མེད་པའི་རང་བཞིན་ཅན་གྱི་བུམ་པའི་ཆུས་མངོན་པར་དབང་བསྐུར་བར་[མོས་ལ།] ཧཱུྃ༔ རྡོ་རྗེའི་རིགས་མཆོག་བླ་ན་མེད༔ མི་བསྐྱོད་རང་བཞིན་བུམ་པའི་ཆུ༔ ཉོན་མོངས་ཞེ་སྡང་སྦྱོང་བྱེད་འདིས༔ སྐལ་ལྡན་ཁྱོད་ལ་དབང་བསྐུར་རོ༔ བཛྲ་ཨ་མྲྀ་ཏ་ཛྙཱ་ན་ཀ་ལཱ་ཤ་ཨ་བྷི་ཥིཉྩ་ཧཱུྃ༔ [ཞེས་བུམ…

མཉམ་པ་ཉིད་ཀྱི་ཡེ་ཤེས་མངོན་དུ་བྱས་སོ། །[ཞེས་རྟོགས་པ་བསྐྱེད།] ནམ་མཁར་བཞུགས་པའི་དེ་བཞིན་གཤེགས་པ་རྣམས་ཀྱིས་སྣང་མཐའ་ཚེ་དཔག་མེད་པའི་རང་བཞིན་ཅན་གྱི་རྡོ་རྗེས་མངོན་པར་དབང་བསྐུར་བར་[མོས་ལ།] ཨཱཿ པདྨའི་རིགས་མཆོག་བླ་ན་མེད༔ སྣང་མཐའི་རང་བཞིན་རྡོ་རྗེ་ཆེ༔ ཉོན་མོངས་འདོད་ཆགས་སྦྱོང་བྱེད་འདིས༔ སྐལ་ལྡན་ཁྱོད་ལ་དབང་བསྐུར་ར…

ངོ་བོར་གནས་གྱུར། བྱ་བ་གྲུབ་པའི་ཡེ་ཤེས་མངོན་དུ་བྱས་སོ། །[ཞེས་རྟོགས་པ་བསྐྱེད།] ནམ་མཁར་བཞུགས་པའི་དེ་བཞིན་གཤེགས་པ་རྣམས་ཀྱིས་རྣམ་སྣང་ཚེ་དཔག་མེད་པའི་རང་བཞིན་ཅན་གྱི་མིང་གིས་མངོན་པར་དབང་བསྐུར་བར་[མོས་ལ།] ཨོཾ༔ བདེ་གཤེགས་རིགས་མཆོག་བླ་ན་མེད༔ སྣང་མཛད་རང་བཞིན་རྡོ་རྗེའི་མིང་༔ ཉོན་མོངས་གཏི་མུག་སྦྱོང་བྱེད་འདིས༔ སྐལ…

མེད་པའི་སྐུར་གྱུར་པ་ལ་ཐབས་བདེ་བ་ཆེན་པོའི་ངོ་བོ་རྡོ་རྗེ་ལག་གཡས་དང་། ཤེས་རབ་སྟོང་པ་ཉིད་ཀྱི་ངོ་བོ་དྲིལ་བུ་ལག་གཡོན་དུ་གཏད་པ་སྙིང་གར་བསྣོལ་ཏེ་འཁྱུད་རྒྱ་བྱས་པས་རང་ཉིད་རིགས་འདུས་ཚེ་དཔག་མེད་པར་གསལ་བའི་པང་དུ་རང་སྣང་ཡེ་ཤེས་ཀྱི་ཕྱག་རྒྱ་མ་ཙཎྜ་ལཱི་ལོ་བཅུ་དྲུག་ལོན་པ་ལྟ་བུ་རེ་རེས་ཡང་དག་པར་འཁྱུད་པས་བདེ་བ་ཆེན་པོས་ཡོ…

སྐལ་ལྡན་གདུལ་བྱ་རྣམ་མང་པོར༔ ཆོས་སྟོན་ཆོས་ཀྱི་རྒྱལ་མཚན་ཟུངས༔ ཐེག་མཆོག་ལམ་དུ་དབུགས་དབྱུང་ཤིག༔ [ཅེས་དང་།] སླར་ཡང་དེ་ཉིད་བརྟན་པར་བྱ་བའི་སླད་དུ་སངས་རྒྱས་ཀུན་གྱིས་རྡོ་རྗེ་མ་ཤིགས་པའི་བདག་ཉིད་ཅན་རྣམ་རྒྱལ་བུམ་པའི་ཆུ་རྒྱུན་གྱིས་རྒྱལ་ཐབས་སྤྱི་བླུགས་སུ་དབང་བསྐུར་བར་[མོས་ལ།] ཨོཾ༔ བཀྲ་ཤིས་རྣམ་པར་རྒྱལ་བ་ཡི༔ བུམ་པ་…

བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྐྱེད་རིམ་བསྒོམ་པ་ལ་དབང་། ཇི་ལྟར་སྣང་བ་ཐམས་ཅད་ལྷའི་འཁོར་ལོར་འཆར་བའི་ཡེ་ཤེས་མངོན་དུ་བྱས། འབྲས་བུ་སྐུ་རྡོ་རྗེ་སྤྲུལ་པའི་སྐུ་ཐོབ་པའི་སྐལ་བ་ཅན་དུ་བྱས་པའོ། །[ཞེས་རྟོགས་པ་བསྐྱེད་དོ། །གཉིས་པ་ཁྱད་པར་གྱི་དབང་ལ་གསུམ་གྱི། དང་པོ་གསང་དབང་ནི། མཎྜལ་ཕུལ་ལ།] ཨེ་ཧ་ཧོཿ བདེ་བ་ཆེན་…

ཡི་གེའི་སྤྲིན་ཨཱ་ལི་ཀཱ་ལིའི་རྣམ་པར་འཆར་བས་རྩ་གནས་ཐམས་ཅད་གང་སྟེ་རྩའི་འཆིང་བྱེད་ཀྱི་མདུད་པ་གྲོལ། གཟུང་འཛིན་བརྒྱད་ཅུའི་རྟོག་པ་འགགས། ཐིག་རླུང་སེམས་གསུམ་ཡེ་ཤེས་ཆེན་པོའི་ངོ་བོར་བྱིན་གྱིས་བརླབས་ནས་བདེ་བའི་ཡེ་ཤེས་ཁྱད་པར་ཅན་རྒྱུད་ལ་སྐྱེས་པར་བསམ། དེ་ལྟ་ན་ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་གསང་བའི་དབང་ཐོབ…

འདི་བརྟེན་དགའ་བྲལ་ལྷན་སྐྱེས་ཀྱི༔ ཡེ་ཤེས་དྲི་མེད་རྟོགས་པར་གྱིས༔ པདྨ་མུ་ཏྲ་ཛྙཱ་ན་མོཀྵ་ཨ་བྷི་ཥིཉྩ་ཧོ༔ [ཞེས་རིག་ཙཀ་གམ་དྲིལ་བུ་བླངས། རིག་མ་དེས་ཀྱང་།] ཨེ་མ་བདག་གི་གསང་བའི་མཁའ༔ བདེ་ཆེན་མཆོག་ནི་ཡང་དག་ལྡན༔ གང་ཞིག་ཆོ་གས་བརྟེན་བྱས་པ༔ དེ་ཡི་མདུན་དུ་བདག་གནས་སོ༔ འཆི་མེད་མགོན་པོ་དགྱེས་ལ་སོགས༔ བྱ་བ་གསང་བ་ཇི་བཞིན་བྱེ…