ལ་གྲོགས་སུ་བྱེད་པས་འཕགས། རྣལ་འབྱོར་ཀྱང་མཚན་ཉིད་པས་མཉམ་རྗེས་ཐ་དད་དུ་འབྱེད་ལ། སྔགས་སུ་དབྱེར་མེད་བསམ་གྱིས་མི་ཁྱབ་པའི་རྣལ་འབྱོར་ལམ་དུ་བྱེད་པས་འཕགས། བདག་གཞན་གྱི་དོན་སྒྲུབ་པའང་མཚན་ཉིད་པས་གནས་སྐབས་ཅུང་ཟད་ཕན་པ་ཙམ་ལས་ཆེར་མི་འགྲུབ། སྔགས་ཀྱི་ལས་གང་ཡང་རུང་བ་ཚར་གཅོད་དང་རྗེས་འཛིན་གྱི་སྒོ་མང་པོས་རང་བཞིན་གྱི་དོན་ལ་…

བཞིན་གྱིས་མ་སྤངས་པར་དག་པས་བསོད་ནམས་དང་ཡེ་ཤེས་ཀྱི་ཚོགས་མྱུར་དུ་འདུམས་ཤིང་རྫོགས་པས་འཕགས་སོ། །གཞན་ཡང་མཚན་ཉིད་དུ་སྐུ་སྣང་ལ་སྒྱུ་མའི་རང་བཞིན་དང་། ལུས་བྱ་བ་ཐ་མལ་གྱི་སྒོ་ནས་དགེ་བ་ལ་འཇུག་པ་ལས་མེད། སྔགས་སུ་སྐུའི་གསང་བ་སྣོད་བཅུད་དུ་སྣང་བ་ཐམས་ཅད་ལྷ་དང་གཞལ་ཡས་ཁང་། ལུས་དཀྱིལ་འཁོར་དུ་རྫོགས་པས་ལྷའི་ཕྱག་རྒྱ་འདུ་འཕྲ…

ཏུ་མི་འགྱུར་བའི་བདེ་བ་ཆེན་པོ་དང་རྣམ་ཀུན་མཆོག་ལྡན་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཟུང་ངུ་འཇུག་པའི་རང་བཞིན་དུ་ཤར་བས། ཡིད་ཀྱི་དྲན་རྟོག་ཐམས་ཅད་ཆོས་ཉིད་ཀྱི་རོལ་པའི་ཏིང་ངེ་འཛིན་ཆུ་བོ་རྒྱུན་གྱི་རྣལ་འབྱོར་མཉམ་རྗེས་གཉིས་མེད་རྣམ་པར་མི་རྟོག་པའི་དཀྱིལ་འཁོར་དུ་ལྷུན་གྱིས་གྲུབ་པའི་ཕྱིར་འཕགས་སོ། །དེ་ཙམ་གྱིས་མཚ…

བསྔལ་བདེན་པའི་རང་བཞིན་འགོག་བདེན་དུ་སྣང་བས། བྱེད་ལས་གཞིའི་གནས་ལུགས་ལ་སྤང་བླང་མེད་པར་ཉམས་སུ་བླངས་པས་འབྲས་བུ་མྱུར་དུ་འགྲུབ་པར་བྱེད་པ་ཞིག་གོ། །གཉིས་པ་ངེས་ཚིག་ནི། མ་ན་ཡིད་དང་ཏྲ་ཡ་སྐྱོབ་པ་ལ་འཇུག་པ་ཡི་གེ་ཕྱིས་བསྣན་གྱི་དབང་གིས་མནྟྲ་ཞེས་པའི་སྒྲ་ལས་ཡིད་སྐྱོབ་སྟེ། གསང་བ་འདུས་པ་ལས། དབང་པོ་དང་ནི་ཡུལ་རྣམས་ཀྱི། །ར…

བསྐལ་པ་བྱེད་བ་དུ་མ་རུ། བསྒྲུབ་པར་དཀའ་བའི་སངས་རྒྱས་ཀྱང་། །ཚེ་འདི་ཉིད་ལ་སྟེར་བས་ན། །འབྲས་བུའི་ཐེག་པ་ཞེས་བྱའོ། །ཞེས་དང་། སངས་རྒྱས་མཉམ་སྦྱོར་ལས། བསྐལ་པ་བྱེ་བ་གྲངས་མེད་ཀྱིས། །སངས་རྒྱས་ཀུན་དངོས་མི་ཐོབ་པ། །གསང་སྔགས་ཚེ་འདིའི་ཆོ་ག་ཡིས། །ཚེ་འདི་ཉིད་ལ་ཐོབ་པར་འགྱུར། །ཞེས་གསུངས་པ་བཞིན་ནོ། །ཡང་ན་ཨེ་ཝཾ་གྱིས་མཚོན་པ…

སུ་བརྗོད་དོ། །ཞེས་དང་། རྡོ་རྗེ་རྩེ་མོ་ལས། སྔགས་རྣམས་ཀུན་གྱི་མཚན་ཉིད་ནི། །སངས་རྒྱས་ཀུན་གྱི་ཐུགས་ཡིན་ཏེ། །ཆོས་ཀྱི་སྙིང་པོ་སྒྲུབ་བྱེད་པས། །ཆོས་ཀྱི་དབྱིངས་དང་ཡང་དག་ལྡན། །ཞེས་སོ། །དེ་རྒྱས་པར་སྟོན་པའི་བཀའ་ཚོགས་ལ་རིག་པ་འཛིན་པའི་སྡེ་སྣོད་དམ་རྡོ་རྗེ་ཐེག་པའི་སྡེ་སྣོད་ཅེས་བཏགས་ཏེ། པི་ཊོ་ཀ་ཞེས་པ་གང་བུ་དང་བྲེ་བོ…

པ་འཛིན་པ་ཆུང་ངུ་དང་། འབྲིང་ནི་འདོད་པའི་རིག་པ་འཛིན་པ་ཕལ་པ་དང་། ཆེན་པོ་ནི་ཚེ་དང་ལོངས་སྤྱོད་ལ་སོགས་པ་བསྐལ་པ་དྲུག་གམ་དཔག་ཏུ་མེད་པ་སྟེ་འདོད་པ་དང་གཟུགས་ཀྱི་རིག་པ་འཛིན་པ་གསུམ་དང་། འཇིག་རྟེན་ལས་འདས་པ་མཐོང་ལམ་ནས་བཟུང་སློབ་པའི་སར་གནས་པ་ཟུང་འཇུག་གི་སེམས་ཅན་ནམ་དྲི་མ་མེད་པའི་ཡེ་ཤེས་ཀྱི་སྐུ་སྟེ་རིག་པ་འཛིན་པ་དང་། …

དུ་བདུན་དུ་དབྱེ་བར་མཛད་ལ། དེ་དག་རྣམས་ཀྱིས་བསླབ་པར་བྱ་བའི་གཞིར་གྱུར་པས་སམ་ཐེག་པ་འདི་ལ་ཞུགས་པས་ཐུན་མོང་དང་མཆོག་གི་གྲུབ་པ་དེ་ལྟ་བུ་ཐོར་པར་འགྱུར་བའི་ཕྱིར་རིག་པ་འཛིན་པའི་སྡེ་སྣོད་དེ། དཔུང་བཟང་གི་རྒྱུད་ཀྱི་འགྲེལ་པ་ལས། རིག་འཛིན་གྱི་སྡེ་སྣོད་ཅེས་བྱ་བ་ནི་རིགས་སྔགས་འཆང་རྣམས་ཀྱིས་བསླབ་པའི་གཞི་དང་། ལྟ་བའི་རླུང་…

ཚུལ་ཏེ། འདུས་པའི་འགྲེལ་པ་ལས། རྡོ་རྗེའི་ཐེག་པ་ཞེས་བྱ་བ་ནི་ཐེག་པ་ཆེན་པོ་མ་ལུས་པ་བསྡུས་པ་ནི་ཕ་རོལ་ཏུ་ཕྱིན་པ་དྲུག་ཡིན་ལ། དེ་རྣམས་བསྡུས་པ་ནི་ཐབས་དང་ཤེས་རབ་ཡིན་ཞིང་། དེ་དག་ཀྱང་བསྡུས་པ་རོ་གཅིག་པ་དེ་ནི་བྱང་ཆུབ་ཀྱི་སེམས་ཡིན་ཏེ། དེ་ཡང་རྡོ་རྗེ་སེམས་དཔའི་ཏིང་ངེ་འཛིན་ཡིན་ལ་དེ་ཉིད་ནི་རྡོ་རྗེ་ཡིན་ནོ། །རྡོ་རྗེ་ཡང་ཡ…

རྣམས་ཀྱིས་མི་ཕྱེད་པའི་ཕྱིར་རྡོ་རྗེ་ཐེག་པ་སྟེ། ཐར་པར་འདིས་འགྲོ་བའི་ཕྱིར་རྡོ་རྗེ་ཐེག་པའོ། །ཞེས་སོགས་རྒྱ་ཆེར་གསུངས་སོ། །ཡང་ན་ཏནྟྲའི་སྒྲ་ལས་སེམས་སྐྱོབ་པ་ལ་འཇུག་སྟེ། ཙི་ཏན་སེམས་དང་ཏྲ་ཡ་སྐྱོབ་པ་ལ་འཇུག་པའི་ཕྱིར། དཀའ་འགྲེལ་ཡེ་ཤེས་ལྡན་ལས། དེ་སེམས་རྣམ་པར་རྟོག་པ་ལས་སྐྱོབ་པར་བྱེད་པས་ན་རྒྱུད་དོ། །རྒྱུད་ཀྱི་ཚོགས་…

གསུམ་པ་དབྱེ་བ་ལ་གཉིས། བརྗོད་བྱ་རྒྱུད་གསུམ་གྱི་རྣམ་གཞག་སྤྱིར་བསྟན་པ་དང་། རྗོད་བྱེད་རྒྱུད་སྡེ་བཞིའི་དབྱེ་བ་བྱེ་བྲག་ཏུ་འཆད་པའོ། །དང་པོ་ལའང་། གང་རྟོགས་པར་བྱ་བ་གཞིའམ་རྒྱུའི་རྒྱུད། གང་གིས་རྟོགས་ཤིང་བགྲོད་པ་ཐབས་སམ་ལམ་གྱི་རྒྱུད། གང་དུ་མཐར་ཕྱིན་པ་འབྲས་བུའི་རྒྱུད་དང་གསུམ་ལས། དང་པོ་ནི། གཞི་འཆིང་གྲོལ་མེད་པའི་གན…

པས་རང་བཞིན་གནས་རིགས་དང་། འཁོར་འདས་གཉིས་ཀྱི་འབྱུང་གཞི་ཡིན་པས་ཀུན་གཞིའི་ཡེ་ཤེས་དང་། ཀྲི་ཡའི་བདག་གི་དེ་ཁོ་ན་ཉིད་དང་། ཨུ་པ་དང་ཡོ་གའི་དོན་དམ་མཚན་མ་མེད་པའི་བྱིན་རླབས་ཀུན་རྫོབ་རྡོ་རྗེ་དབྱིངས་ཀྱི་ལྷ་དང་། མ་ཧཱ་ཡོ་གའི་བདེན་གཉིས་དབྱེར་མེད་ལྷག་པའི་ཆོས་སྐུ་ཆེན་པོ་དང་། ཨ་ནུ་ཡོ་གའི་དབྱིངས་དང་ཡེ་ཤེས་གཉིས་སུ་མེད་པའི…

མི་གནས་ཆོས་སྐུའི་རང་བཞིན་ཡིན། །ཞེས་དང་། དཔལ་དུས་ཀྱི་འཁོར་ལོ་ལས། བུམ་པའི་ཆུ་ནི་ལེན་པར་བྱེད་པ་ན་ཡང་ནམ་མཁའ་འགྲོ་བ་མིན་པ་ཇི་ལྟ་བར། །མཁའ་ཁྱབ་མཁའ་ཡི་རྡོ་རྗེ་ཅན་ནི་ཡུལ་དང་རྣམ་པར་བྲལ་བ་ལུས་ཀྱི་དབུས་སུ་དེ་བཞིན་ནོ། །ཞེས་པ་ལ་སོགས་པས་རྒྱས་པར་གསུངས་པ་དེ་ཉིད་གྲོལ་གཞི་ལྷུན་གྲུབ་ཀྱི་ཆོས་ཉིད་ཡེ་ཤེས་རང་ལ་གནས་པ་འབྲས་ར…

བསྒྲིབས་པས་འདམ་རྫབས་ཁྲོད་ཀྱི་ནོར་བུ་བཞིན་གནས་པ་སྟེ། ཀླུ་སྒྲུབ་ཀྱིས། ས་ཡི་ནང་ན་གནས་པའི་ཆུ། །དྲི་མ་མེད་པར་ཡང་དག་གནས། །ཉོན་མོངས་ནང་ན་ཡེ་ཤེས་ཀྱང་། །དེ་བཞིན་དྲི་མ་མེད་པར་གནས། །ཞེས་བཤད་པ་ལྟར་རོ། །གཉིས་པ་ལམ་གྱི་རྒྱུད་ནི། གཞི་རྒྱུད་ལ་སྒྲིབ་བྱེད་ཀྱི་དྲི་མ་དེ་ཉིད་སྦྱོང་བྱེད་ཀྱི་ཐབས་སུ་གྱུར་པ་ལ་བྱ་སྟེ། གཞི་ཤེས…

དབང་དུ་མཛད་ནས་ལྟ་བ་དང་། ཉམས་ལེན་གྱི་སྦྱོར་བས་འཇུག་པའམ་སྒོམ་བྱེད་ཀྱི་དབང་དུ་མཛད་ནས་ཏིང་ངེ་འཛིན་དང་། བསྒོམ་པའི་དོན་མངོན་དུ་གྱུར་པའི་དབང་དུ་མཛད་ནས་འབྲས་བུར་བཞག་གོ། །ཕྱི་མ་འདི་ལ་རྟོགས་བྱ་མཐའ་དག་མངོན་དུ་གྱུར་པ་མཐར་ཐུག་གི་འབྲས་བུ་དང་། ཅི་རིགས་ཙམ་མངོན་དུ་གྱུར་པ་ལམ་གྱུར་གྱི་འབྲས་བུ་གཉིས་ལས། སྔ་མ་འབྲས་རྒྱུད་…

ཀྱི་དྲི་མ་དེ་ལམ་སྒོམ་སྟོབས་ཀྱིས་དག་པ་ལས་གཞི་ལ་ཇི་ལྟར་ཡོད་པའི་ཡོན་ཏན་མངོན་དུ་གྱུར་པ་ནི་འབྲས་བུ་སྟེ། སྙིང་པོའི་འགྲེལ་པ་ཁོག་གཞུང་ལས། གྲུབ་པ་མཐར་ཕྱིན་འབྲས་བུར་བརྗོད། །ཅེས་པས། བླ་ན་མེད་པ་མཆོག་གི་འབྲས་བུ་དོན་དུ་གཉེར་བ་རྣམས་བསམ་པ་ཡོངས་སུ་རྫོགས་པའི་ཕྱིར་འབྲས་བུ་དང་། ནམ་ཡང་རྒྱུན་མི་འཆད་པས་ན་རྒྱུད་དོ། །ཐེག་ཆེ…

ལ་གྲགས་པའི་ཁ་སྦྱོར་ཡན་ལག་བདུན་སོགས་མང་དུ་ཡོད་ཅིང་། ཁྱད་པར་སྙིང་པོའི་རྒྱུད་གཞུང་ལྟར་ན་འབྲས་ཆོས་ཉེར་ལྔར་གསུངས་ཏེ། རྟེན་སྐུ། བརྟེན་པ་ཡེ་ཤེས། མཛད་པ་ཕྲིན་ལས་ཀྱི་རྣམ་གཞག་རྣམས་ཀྱང་དེ་དག་ཏུ་འདུས་སོ། །གཉིས་པ་རྗོད་བྱེད་རྒྱུད་སྡེ་བཞིའི་དབྱེ་བ་བྱེ་བྲག་ཏུ་འཆད་པ་ནི། རྡོ་རྗེ་སྙིང་པོ་བཀོད་པའི་རྒྱུད་ལས། བདེ་བར་གཤེགས…

བྱ་བའི་རྒྱུད། །གསུམ་ལྡན་གཉིས་པར་སྤྱོད་པའི་རྒྱུད། །གཉིས་ལྡན་གསུམ་པར་རྣལ་འབྱོར་རྒྱུད། །རྩོད་ལྡན་བཞི་པར་བླ་མེད་དོ། །དུས་བཞི་ལ་ནི་དགོངས་ནས་ཀྱང་། །རྒྱུད་ནི་རྣམ་པ་བཞིར་བཤད་དོ། །ཞེས་འབྱུང་བ་ལྟར་དང་། ཡང་འདོད་ཆགས་རིགས་བཞིའི་གདུལ་བྱ་རྣམས་འདུལ་བའི་ཕྱིར་རྒྱུད་སྡེ་བཞིར་བསྟན་པར་གསུངས་པའང་དེ་ལ་དོན་གྱིས་འདུས་པས་ལོག…

ཤས་ཆེར་སྟོན་པ་བྱ་བའི་རྒྱུད། ཅེས་དང་། གང་ཞིག་བྱ་བའི་ཁྱད་པར་ལའང་མོས་ཤིང་ཐབས་ཤེས་རབ་ཀྱི་སྤྱོད་པ་རྒྱ་ཆེན་པོ་ལའང་སྦྱོར་བའི་ནང་གི་བདག་ཉིད་ཅན་གྱི་ཚུལ་ཡང་མི་འདོར་བར་སྤྲོ་བ་དེ་དག་ལ་ནི་བྱ་བ་དང་རྣལ་འབྱོར་གྱི་རྒྱུད་ཆ་གཉིས་ལ་མཐུན་པའི་གཉིས་ཀའི་རྒྱུད། ཅེས་སོགས་དང་། རྣམ་སྣང་མངོན་བྱང་གི་འགྲེལ་པ་ལས། འཕགས་པ་དེ་ཉིད་བསྡ…

ལྷ་རིགས་གསུམ་གྱི་རྣལ་འབྱོར་ཏེ། སྟོང་པའི་ལྷ། ཡི་གེའི་ལྷ། སྒྲའི་ལྷ། གཟུགས་ཀྱི་ལྷ། ཕྱག་རྒྱའི་ལྷ། མཚན་མའི་ལྷ་སྟེ་དྲུག་གིས། བདག་ལྷ་རུ་གསལ་བའམ་མི་གསལ་བ་གང་རུང་གིས། ཡེ་ཤེས་པ་རྗེ་བོ་དང་། བདག་འབངས་ཀྱི་རྣམ་པས་དངོས་གྲུབ་དོན་དུ་གཉེར་བ་སྟེ། རང་ཤར་ལས། ལྷ་དང་རྣལ་འབྱོར་དག་པ་གཉིས། །རྗེ་དང་འབངས་ཀྱི་ཚུལ་དུ་བལྟ། །ཞེས་ས…