ཡིན། དེ་ན་རེ། ངེད་རྒྱ་ནག་ཏུ་ཆོས་དར་བས་མི་ཤི་བ་ལ་བདུན་ཚིགས་ཡོད། ཁྱོད་བོད་ལ་ཆོས་མ་དར་བས་བློན་པོ་ཤི་བ་ལ་ཟན་སྐལ་མེད་པས་སྙིང་རེ་རྗེ་ཟེར་ནས། མི་ཤི་མ་ཐག་ཏུ་ལྷ་མི་སྟོང་ལ་མཆོད་སྦྱིན་སྩལ་ཏེ་གཤིན་དགེའི་སྲོལ་འཛུག་པར་མཛད་དོ། ༈ །དེ་ནས་གངས་ཅན་བོད་ཀྱི་ལྗོངས་ན་རྒྱལ་བསྟན་ཉིན་བྱེད་གསར་དུ་འདྲེན་པའི་ཤིང་རྟ་ཆེན་པོ་འཕགས་པ…

བྱུགས་ཏེ་ནུ་ཞོ་འོངས་པར་བྱས་ནས་བློན་པོ་རྣམས་ལ་བསྟན་པས། དེ་རྣམས་ཐེ་ཚོམ་དུ་གྱུར་ནས་གང་ཡང་ཟེར་མ་ཤེས་སྐད། དེ་ལྟར་རྒྱ་མོ་ཀོང་ཇོས་དབང་དང་ཤེད་མོས་སྣ་ནམ་བཟའ་མ་ཐུབ་པར་བུ་ཆུང་ཤོར་བས། ད་ནི་བུ་འདིས་ཀྱང་བདག་ལ་ཕན་མི་ཐོགས་པར་འདུག་པས་བོད་ཡུལ་ཕུང་བའི་ཐབས་བྱའོ་སྙམ་ནས། རྗེའི་གདུང་རབས་ཆད་པའི་ཕྱིར་བླ་རི་སེང་གེ་གནམ་དུ་མཆོ…

རྒྱའི་བློན་པོ་རྣམས་གཡོན་གྲལ་དུ་བྱས་ཏེ་འཁོད་པ་ན། ཡབ་རྒྱལ་པོས་གསེར་སྐྱོགས་འབྲས་ཆང་གིས་བཀང་བ་ཞིག་སྲས་ལ་གཏད་དེ། མ་གཉིས་ལས་སྐྱེས་པའི་བུ་གཅིག་པོ། །ལུས་ཆུང་ཡང་ལྷ་ཡི་རྣམ་འཕྲུལ་ཅན། །སྣོད་གསེར་སྐྱོགས་ཆང་གིས་བཀང་བ་འདི། །བུ་ཁྱོད་རང་གི་ཞང་པོའི་ལག་ཏུ་གཏོད། །མ་གང་ཡིན་གྱི་ཡིད་ཆེས་དེ་ལ་བྱེད། །ཅེས་དམོད་བོར་ནས་བཏང་བས།…

ཁོང་ཁྲོའི་ན་ཚ་མ་བཟོད་པས། །ཡུལ་བོད་ཀྱི་རི་དཔྱད་ཉམས་སུ་བཅུག །དུས་དེ་རིང་ལྷ་ཡི་ཉི་མ་ལ། །བུ་ཁྱོད་ཀྱིས་ཞང་ངོ་ཤེས་པ་ལེགས། །ང་ཨ་མའི་ལུས་སེམས་མལ་དུ་བདེ། །ཡུལ་བོད་ཀྱི་རི་དཔྱད་ཉམས་པ་དེ། །རི་དེ་རྣམས་སྐྱོན་མེད་བཅོས་སུ་ཡོད། །ཅེས་བླངས་སྐད། འོན་ཀྱང་སྲས་དགུང་ལོ་ལྔ་བཞེས་པ་ན་ཡུམ་ཀོང་ཇོ་སྐུ་གཤེགས་པས། ས་དཔྱད་ཉམས་པ་རྣམས…

སེང་གེའི་ཁྲི་ལ་མངའ་གསོལ་བར་མཛད། མི་རིང་བར་ཡབ་རྒྱལ་པོ་ཁྲི་ལྡེ་གཙུག་བརྟན་དགུང་ལོ་དྲུག་ཅུ་རེ་གསུམ་པ་ཆུ་ཕོ་རྟའི་ལོར་ཡར་འབྲོག་རྦ་ཚལ་དུ་ཆིབས་འདྲོགས་པའི་རྐྱེན་གྱིས་གནམ་དུ་གཤེགས། བང་སོ་མུ་ར་རི་ལ་བརྩིགས་སོ། །སང་ཤི་སླར་རྒྱ་ཡུལ་ནས་བོད་དུ་འོང་བའི་ལམ་དུ་ཧ་ཤང་མངོན་ཤེས་ཅན་ཞིག་ལ་བོད་ཀྱི་བདེ་དོགས་སོགས་ལུང་བསྟན་ཞུས་པ…

མཐར་ཆོས་རྒྱས་པར་འགྱུར་རོ། །རྒྱལ་པོ་དེའི་དགེ་བའི་བཤེས་གཉེན་དུ་བསམ་བཞིན་འཁྱུངས་པ་ཟ་ཧོར་རྒྱལ་པོའི་སྲས་དགེ་སློང་ཤཱནྟ་རཀྵི་ཏ་ཞེས་བྱ་བ་ཞིག་འདུག་པ་དེས་ཁྱོད་བོད་ཀྱི་སྐྱེ་འགྲོ་རྣམས་འདུལ་སྐལ་ཡོད་དོ་ཞེས་གསུངས་པ་སང་ཤིས་ཡིད་ལ་བཟུང་སྟེ། ཧ་ཤང་གཅིག་ཁྲིད་ནས་བོད་དུ་འོངས་པ་ན། དེ་སྐབས་རྒྱལ་བུ་ཆབ་སྲིད་བཞེས་མ་ཐག་པ་ལ་སྐུ་ཅ…

ཕྱིན་པ་དང་། མི་སྟོང་ཕྲག་གིས་ཀྱང་མ་ཐེག་པས། དེར་བྱེ་མའི་དོང་བྲུས་ཏེ་སྦས་ནས་རྦ་རྗེ་ཁོལ་ལ་གཏད་ནས་བཞག །འཕྲུལ་སྣང་གི་གཙུག་ལག་ཁང་དུ་བཤས་ར་བྱས་ནས་སྐུ་རྣམས་ལ་པགས་པ་གཡོགས་ཤིང་ཕྱག་ལ་ནང་ཆ་དང་ལུག་ཁོག་བཀལ་བ་སོགས་བྱས། ཕྱིན་ཆད་མི་ཤི་བ་ལ་བདུན་ཚིགས་བྱེད་དུ་མེད་པའི་ཁྲིམས་བཅས། དུས་སྐབས་དེ་དག་གི་ཚེ་སྣ་ནམ་ཁྲི་ཐོག་རྗེ་ཐོག…

པས། ཧ་ཤང་གིས་བུའི་རུས་པ་ལ་ཆོ་ག་བྱས་ཏེ་གདུང་ཤ་རི་རམ་དུ་སོང་བས་ལྷར་སྐྱེ་བར་ལུང་བསྟན། ཡིད་ཆེས་རྟགས་སུ་བུ་མོའི་རོའི་ཁར་མུ་ཏིག་སྲན་མ་ཙམ་ཞིག་མཚལ་ཆུས་བསྐུས་ཏེ་འགྲམ་པ་གཡོན་དུ་བཅུག་ཅིང་ཆོ་ག་བྱས་ནས། རྫ་ཁོག་ཏུ་བཅུག་སྟེ་མལ་འོག་ཏུ་སྦས་ནས་སང་ཕོད་ཁྱོད་རང་གི་བུར་སྐྱེའོ་ཞེས་ལུང་བསྟན་པས། སང་ཕོད་གསལ་སྣང་གི་ཁབ་ལ་བུ་ཞིག…

ཡུལ་དུ་སྤྱན་དྲངས་ནས་སེམས་བསྐྱེད་ཞུས། བོད་ཀྱི་རྒྱལ་པོའི་དགེ་བའི་བཤེས་གཉེན་མཛད་དེ་གཤེགས་པར་ཞུས་པས། མཁན་པོའི་ཞལ་ནས། ངའི་གདུལ་སྐལ་བོད་ཡིན་ཏེ་བོད་ཀྱི་བཙན་པོ་དང་ཁྱོད་གཉིས་མ་སྐྱེས་པས། བོད་ཀྱི་རྒྱལ་པོ་གདུང་རབས་དགུ་བརྗེས་ཀྱི་བར་དུ་ངས་རྒྱ་གར་དང་བལ་ཡུལ་གཉིས་སུ་ཕར་འགྲོ་ཚུར་འགྲོ་བྱས་ནས་སྒུག་གིན་བསྡད་པ་ཡིན། ད་བཙན…

མཇལ། དེར་ས་དབེན་པ་ཞིག་ཏུ་བཞེས་པ་འདྲེན་པའི་ཚེ། རྗེ་ལ་ལྷ་ཆོས་བཟང་པོ་མཛད་པར་རིགས་པ་དང་། མཁན་པོ་བོ་ངྷི་སཏྭ་ཞེས་བྱ་བ་མཁས་ཤིང་བཙུན་ལ་མངོན་པར་ཤེས་པ་མངའ་བ་སོགས་ཡོན་ཏན་དུ་མ་དང་ལྡན་པ་ཞིག་དགེ་བའི་བཤེས་གཉེན་དུ་ཞུ་བ་གསོལ་བ་ལས། ལན་དུ་མཁན་པོས་འདི་སྐད་གསུངས་ཞེས་ཞིབ་ཏུ་ཞུས་པས། རྗེའི་ཞལ་ནས། ཞང་བློན་གྱིས་ཁྱོད་གསོད་དུ་…

དང་ཞེས་གསུངས་པས། མེ་མགོས་ལོ་རྒྱུས་ཇི་ལྟར་བྱུང་བའི་ཡི་གེ་བཀླགས་པ་དང་། བཙན་པོའི་ཞལ་ནས། གཙུག་ལག་དེ་ནི་ཤིན་ཏུ་བཟང་ངོ་། །ངའི་ཡབ་མེས་ཀྱིས་ཆོས་ལུགས་བཟང་པོ་ཞིག་སྐུ་ཉམས་སུ་བཞེས་སོ། །ད་འཇིག་རྟེན་གྱི་སྤྱོད་པ་བཟང་པོ་ཅི་བྱུང་བ་བལྟ་ཞེས་གསུངས་པ་དང་། སང་ཤིའི་བསམ་པར། ཧ་ཤང་མངོན་ཤེས་ཅན་གྱིས་ནམ་ཞིག་རྒྱལ་བུས་མུ་སྟེགས་ཀྱ…

ངའི་སྐུ་རིང་ལ་རྙེད་པ་ཆེས་ངོ་མཚར་ཆེ་ཞིང་། གསལ་སྣང་གིས་ང་ལ་ལྷ་ཆོས་མི་སྤྱད་དུ་མི་རུང་ཟེར་བ་ཡང་བདེན་པར་འདུག །ལྷ་ཆོས་འདི་ལྟ་བུ་ཕྱག་ཏུ་ཕུལ་བ་འདི་ལས་དགའ་བ་མེད་ཀྱི་གསུངས་ནས། གསལ་སྣང་ལ་དངུལ་གཡུང་དྲུང་གི་སྟེང་དུ་གསེར་ཆེན་པོ་དང་། སང་ཤི་ལ་ཕྲ་མེན་གཡུང་དྲུང་གི་སྟེང་དུ་གསེར་ཆུང་ངུ་བཅས་བྱ་དགར་སྩལ། ཁྱོད་ཀྱིས་སྤྱན་དྲ…

རྒོལ་བྱུང་བ་ན། སང་ཤིས་དེ་ལྟར་བྱུང་ཚུལ་རྗེ་ལ་གསོལ་བས། གསལ་སྣང་སླར་མ་འོངས་ཀྱི་བར་དུ་དར་ཅིག་མ་སྒྱུར་ཞིག་གསུངས། དེ་ནས་རྒྱལ་བློན་ཞང་ཉ་བཟང་། བློན་ཆེན་འགོས་རྒན་སོགས་ཆོས་བློན་ཀུན་ཚོགས་ནས་ཆོས་བྱ་བར་བགྲོས་པའི་ཚེ། ཞང་ཉ་བཟང་ན་རེ། མེས་སྲོང་བཙན་གྱི་ལྷ་ཆོས་མཛད་པས་བོད་ལེགས་རྒུ་བྱུང་། ལྷ་སྲས་ཡབ་ཀྱིས་ཀྱང་ཆོས་མཛད་པ་ལས…

ཁྱོད་རྣམས་ཁོ་བོའི་རྗེས་སུ་རྟིང་གནོན་མཛོད་ཅིག །སླད་ཀྱི་རྗེའི་དགོངས་པ་སྒྲུབ་བོ་ཞེས་ཆད་བྱས། དེ་ནས་འགོས་ཀྱིས་བླ་འོག་གི་མོ་མ་དང་ལྟས་མཁན་ཀུན་ལ་ལྐོག་ཏུ་བྱ་དགའ་བྱིན་ཏེ་རྒྱལ་པོ་དང་ཆབ་སྲིད་ལ་སྐུ་ཆག་ཤིན་ཏུ་ཆེ་བས། རྗེའི་སྐུ་རིམ་གྱི་ཆེད་དུ་ཞང་བློན་སུ་ཆེ་བ་ཟུང་ཞིག་ལོ་གསུམ་གྱི་བར་ལ་དུར་དུ་བཅུག་ན་རྗེའི་སྐུ་ཚེ་དང་ཆབ…

མ་ཞང་གིས་བསྙབས་ཀྱང་རྒོད་སྤུ་སྙིམས་པ་གང་ལས་མ་བྱུང་། དེ་མ་ཐག་དོང་ཁ་བཅད་དེ་མ་ཞང་གསོན་པོར་དུར་དུ་མནན། དེ་ནས་རྗེ་འབངས་ཀུན་ཆོས་བྱ་བར་གྲོས་འཆམ། རྗེའི་ཞལ་ནས། ངའི་ཡབ་མེས་ཀྱིས་ལྷ་ཆོས་མཛད་པ་མ་ཞང་གིས་བཤིག་པ་དེ་ཤིན་ཏུ་མ་ལེགས། ད་ཆོས་བྱེད་པ་ལ་རྒྱ་གར་དང་བལ་པོའི་མཁན་པོ་ལས་ཆོས་མཁས་པའི་ལོ་རྒྱུས་ཅན་སུ་ཡོད། སྦ་གསལ་སྣང་ག…

ཞལ་གྱིས་བཞེས་ཏེ་བལ་པོའི་ལོ་ཙཱ་བ་ཞམ་འབྲིང་དུ་ཁྲིད་དེ་བྱོན། མང་ཡུལ་དུ་ཕེབས་པ་དང་། གསལ་སྣང་གིས་བྲག་དམར་ཕོ་བྲང་དུ་ཕོ་ཉ་བ་བཏང་སྟེ་མཁན་པོ་སྤྱན་དྲོངས་ནས་མཆིས་ཞེས་གསོལ་བས། རྗེའི་ཞལ་ནས། ལང་གྲོ་སྣ་ར་དང་། གཉེར་སྟག་བཙན་གདོང་གཟིགས་དང་། སྦྲང་རྒྱས་ལེགས་གཟིགས་བཅས་ཁྱེད་གསུམ་གྱིས་རིམ་གྲོ་གྱིས་ལ་རས་བི་ཧར་དུ་ཕྱག་ཕོབ་ཅི…

བགྱིད་པ་ཞིག་མཆིས། མཁན་པོ་ནི་སྤྱོད་ལམ་ཉེས་སོ་ཅོག་དང་གཞན་ལ་གནོད་པའི་ལས་མི་བགྱིད་ཅིང་། ལེགས་སོ་ཅོག་དང་སེམས་ཅན་ཀུན་ལ་ཕན་པ་ལྷུར་བགྱིད་པ་ཞིག་སྟེ་ཐུགས་འཕྲིག་བཞེས་པའི་བག་མ་མཆིས་སོ་ཞེས་ཟེར་བ་བཞིན། དེ་གསུམ་གྱིས་བཙན་པོའི་སྙན་དུ་གསོལ་བས། འོ་ན་སྤྱན་དྲོངས་ལ་ཕོ་བྲང་བྲག་དམར་དུ་ཐོག་མར་ཞལ་མཇལ་བ་དང་ལ་ཉེ་བརྟག་གོ་གསུངས།…

པོའི་ཞལ་ནས། བརྟགས་ལགས་ཏེ། རྒྱལ་པོ་ཁྱོད་ཀྱི་དབུ་ལ་ཐོད་བཅིངས་པ་དང་སྦྱར་ན་སྟོད་དུ་མངའ་རིས་ཞྭ་ཙམ་ཞིག་ཆགས། ཞབས་ལ་ལྷམ་གསོལ་བ་དང་སྦྱར་ན་སྨད་དུ་མངའ་རིས་ལྷམ་ཙམ་ཞིག་ཆགས། སྐུ་ལ་སྐེ་རགས་མ་བཅིངས་པ་དང་སྦྱར་ན་བར་འདིར་རྒྱལ་ཁྲིམས་མྱུར་དུ་འཇིག་ཉེན་ཡོད། འོན་ཀྱང་རིན་པོ་ཆེའི་ཕྱག་རྟེན་ཕུལ་བས་དམ་པའི་ཆོས་བྱར་བཏུབ་བོ་ཞེས་གས…

སྤྱང་སློག་ནས་གསེར་ཐུམ་མཁན་པོའི་མདུན་དུ་ཕུལ་ཏེ་བྱོན། དེ་ལྟ་བུ་ནུབ་གསུམ་མཛད་པའི་རྗེས་ལ། རྒྱལ་པོས་མཁན་པོ་ལ། བདག་སྐལ་བ་ཆུང་ཞིང་བོད་ནག་པོ་ལ་ཞེན་པའི་སྐབས་སུ་སྐྱེས་པས་དེ་ལས་ལྡོག་པར་དཀའ། ཐབས་མི་མཁས་ན་ལྷ་ཆོས་མི་འགྲུབ་པར་འདུག །རེ་ཞིག་མཁན་པོ་སླར་བཞུད་ལ་བལ་པོའི་ཡུལ་དུ་བཞུགས་ཤིག །སླད་ནས་ཐབས་བགྱིས་ཏེ་བཏུབ་མ་ཐག་སྤ…

སྒྲུབ་པའི་ཐབས་ཡོད་དེ། དེ་ནི་རྒྱ་དང་བལ་ཡུལ་གྱི་མཚམས་ན་ཨོ་རྒྱན་གྱི་སློབ་དཔོན་པདྨ་སམྦྷ་ཝ་ཞེས་བྱ་བ་སངས་རྒྱས་སྣང་བ་མཐའ་ཡས་ཀྱི་ཟློས་གར། སིནྡྷུ་རྒྱ་མཚོའི་གླིང་དུ་སྐུ་འཁྲུངས་ཤིང་ཚེ་ལ་དབང་བའི་རིག་འཛིན་དང་ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེས་པ། དུས་གསུམ་ཅིག་ཅར་དུ་མཁྱེན་ཅིང་ལྷ་མ་སྲིན་སྡེ་བརྒྱད་བྲན་བཞིན་དུ་འཁ…