མི་དབྱུང་། མོ་སྣ་མི་བཅད། མཚང་ཅན་མི་དགུམ་པར་གནང་། སྐྱེ་བོ་ཐམས་ཅད་ཀྱིས་རྗེའི་བཀའ་ཉན་ཞིང་། རྗེ་འབངས་ཐམས་ཅད་ཀྱིས་རབ་ཏུ་བྱུང་བ་དབུའི་མཆོད་གནས་སུ་ཕྱུངས་ཏེ། ཕྱག་དང་མཆོད་པ་དང་། བཀུར་སྟི་བྱ་བ་སོགས་ཆོས་ཀྱི་བཀའ་ཁྲིམས་ཆེན་པོ་བཅས་ནས། རབ་ཏུ་བྱུང་བའི་ཆོས་གྲྭའི་སློབ་དཔོན་དང་། ཉ་མའི་སློབ་དཔོན་བསྐོས། དཀོན་མཆོག་གསུམ་ད…

སྣང་བ་དང་། བནྡྷེ་ནམ་མཁའ་དང་། སྒྲོ་རིན་ཆེན་སྡེ་དང་། རྣམ་པར་མི་རྟོག་པ་དང་། ཤཱཀྱ་འོད་ལ་སོགས་པས་ལོ་ཙཱ་བ་བྱས་ནས། རྒྱ་གར་རྒྱ་ནག་ལི་ཡུལ་རྣམས་ནས་བྱུང་བའི་རྒྱ་དཔེ་རྙེད་ཚད་བསྒྱུར་བ་ལས། རྦ་རཏྣས་ཐོག་མར་ཤེས་རབ་འབུམ་བསྒྱུར་བའི་ཚེ། རྨི་ལམ་དུ་བོད་ཁམས་སུ་འབུམ་སྡེ་རྒྱས་པར་འགྱུར། དེའི་བསོད་ནམས་དང་བྱིན་རླབས་ཀྱིས་འཇིག་ར…

པཎྜི་ཏ་ཛི་ན་མི་ཏྲ་དང་ད་ན་ཤཱི་ལ་སོགས་ཀྱིས་རྣམ་དག་ཁྲིམས་ཁང་གླིང་དུ་འདུལ་ཁྲིམས་འབོགས། རྒྱའི་ཧ་ཤང་ལ་སོགས་པས་མི་གཡོ་བསམ་གཏན་གླིང་དུ་བསམ་གཏན་ལ་མཉམ་པར་འཇོག །བརྡ་སྦྱོར་ཚང་མང་གླིང་དུ་བརྡ་སྦྱོར། དཀོར་མཛོད་པེ་ཧར་གླིང་དུ་ནོར་འཇོག །བེེ་རོ་ཙ་ནའི་གླིང་དུ་ཆོས་འཆད་པ་ལ་སོགས་པའི་སྒོ་ནས་བསྟན་པ་ཡོངས་སུ་རྫོགས་པ་དར་བར་མཛད…

མཛོད་བརྟོལ་ཏེ། གསང་ཆེན་བླ་མེད་ཀྱི་རྒྱུད་སྡེ་མང་པོ་དང་། ཡང་གསང་རྫོགས་པ་ཆེན་པོའི་མན་ངག་དཔག་ཏུ་མེད་པ་གསན་ནས་སོ་སོས་གྲུབ་པའང་ཐོབ། ཟབ་དོན་རྣམས་མི་བརྗེད་པའི་གཟུངས་སུ་བཟུང་ཞིང་། དཔེ་རྒྱུད་ཀྱི་རྒྱ་དཔེ་མང་པོ་འཕྲུལ་ཡིག་ཏུ་བྲིས་ཏེ་བསྣམས་ནས་བོད་དུ་བྱོན། འོན་ཀྱང་རྒྱ་གར་བས་ཆོས་ལ་ཕྲག་དོག་བྱས་པ་དང་། སྡིག་བློན་རྣམས་…

སྦྱར་ཏེ། གཙོ་བོ་སློབ་དཔོན་ཆེན་པོས་རྒྱུད་ལུང་མན་ངག་གི་སྐོར་ཕལ་ཆེ་བ་སྒྲ་རང་འགྱུར་དུ་བསྒྱུར་བར་མཛད། རྒྱ་དཔེ་ཤྲཱི་ན་ལེནྡྲའི་གཙུག་ལག་ཁང་དང་ཨོ་རྒྱན་མཁའ་འགྲོའི་གསང་མཛོད་དུ་བཞུགས་པ་རྣམས་སློབ་དཔོན་པདྨས་རྫུ་འཕྲུལ་གྱིས་སྐད་ཅིག་ཉིད་ལ་བླངས་ནས་བསྒྱུར་ཞིང་། དཔེ་རྣམས་བསམ་ཡས་ཀྱི་ཀེའུ་ཚང་དུ་བཞུགས་ཏེ་རྒྱ་གར་ན་མེད་དོ། …

གཤེགས་འདུས་པའི་དཀྱིལ་འཁོར་ཆེན་པོ་ཞལ་ཕྱེས། རྗེ་འབངས་ཉི་ཤུ་རྩ་ལྔ་ལ་དབང་བསྐུར་བར་མཛད་པའི་ཚེ་གཙོ་བོར་བཀའ་བབས་ཀྱི་མི་དགུ་ཞེས། མངའ་བདག་གི་མེ་ཏོག་དབུས་སུ་བབས་པས། གསང་མཚན་ཚངས་པ་ལྷའི་མེ་ཏོག་རྩལ་དུ་གནང་། ཆེ་མཆོག་བདེ་གཤེགས་འདུས་པའི་བཀའ་བབས་ཏེ་ཏིང་ངེ་འཛིན་ལས་མི་གཡོ་བར་ལྷུན་གྱིས་གྲུབ་པའི་དགོངས་པ་འཁྲུངས། གནུབས་སང…

ཡེ་ཤེས་ཀྱིས་སྦྲགས་ཡང་རྫོང་དུ་འཇམ་དཔལ་གཤིན་རྗེ་གཤེད་བསྒྲུབས་པས། ཞག་ཉེར་གཅིག་ན་ཡི་དམ་གྱི་ཞལ་མཐོང་། ཉི་ཟླ་གདན་དུ་བཏིང་། བྲག་ལ་ཕུར་པ་བཏབ། རྒྱལ་བ་མཆོག་དབྱངས་ཀྱིས་བསམ་ཡས་མཆིམས་ཕུར་དབང་ཆེན་གྲུབ་སྟེ་རང་ལུས་ཡི་དམ་གྱི་སྐུར་གྱུར་ནས་སྤྱི་གཙུག་གི་རྟ་མགོས་རྟ་སྐད་གྲགས། ནམ་མཁའི་སྙིང་པོས་ལྷོ་བྲག་མཁར་ཆུར་ཡང་དག་གྲུབ་ས…

ཀྱིས་མཁའ་སྤྱོད་གྲུབ། སོག་པོ་ལྷ་དཔལ་གྱི་ཡེ་ཤེས་ཀྱིས་གཅན་གཟན་རྣམས་གཉའ་བ་ནས་འཛིན། ལྡན་མ་རྩེ་མང་གིས་མི་བརྗེད་པའི་གཟུངས་རྣམས་ཐོབ། སྐ་བ་དཔལ་བརྩེགས་མངོན་ཤེས་དང་ལྡན། ཤུད་བུ་དཔལ་གྱི་སེང་གེས་གཙང་པོ་ཉི་མ་ཕྱེད་དུ་གྱེན་ལ་སློག །འབྲེ་རྒྱལ་བའི་བློ་གྲོས་ཀྱིས་རོ་ལངས་གསེར་དུ་བསྒྱུར། ཁྱེའུ་ཆུང་ལོ་ཙཱ་བས་ནམ་མཁའ་ལ་བྱ་འཕུར…

ཆོས་ཀྱི་བཤེས་གཉེན་ལ་སོགས་པར་སྐྱེ་བ་བཞེས་པའི་ཚེ། ཟབ་མོའི་གཏེར་ལ་སྤྱོད་པ་དང་། འགྲོ་དོན་རྒྱ་ཆེན་པོ་མཛད་པར་ལུང་བསྟན་གནང་ངོ་། གཞན་ཡང་རྗེ་འབངས་རྣམས་ལ་མན་ངག་ལྟ་བའི་ཕྲེང་བ་སོགས་ཟབ་རྒྱས་ཀྱི་ཆོས་འཁོར་དཔག་ཏུ་མེད་པ་བསྐོར་བས་མཚོན། བོད་དུ་སྨིན་གྲོལ་ལ་བཀོད་པར་མཛད་པའི་སློབ་མའི་རྣམ་གྲངས་བསམ་གྱིས་མི་ཁྱབ་ཀྱང་། སྔ་ཐོག་…

ཀྱི་མེས་པོ་ཐམས་ཅད་སློབ་དཔོན་ཆེན་པོའི་ཞལ་སློབ་ཏུ་གྱུར་པ་ཁོ་ནའོ། །དེ་ལྟར་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བར་མཛད་པའི་སྐབས་ཤིག་ན། བཙུན་མོ་ཚེ་སྤོང་བཟའ་དང་། བློན་པོ་ཆོས་ལ་གནག་པ་རྣམས་སྙིང་རབ་ཏུ་ན་བར་གྱུར་ནས་གྲོས་བྱས་ཏེ། རྒྱལ་པོ་ཁྲོ་ཆུ་གདོང་དུ་སྤྱན་དྲངས་ནས། བཙུན་མོ་དང་། ཞང་རྒྱལ་ཚ་ལྷ་སྣང་། རྟ་ར་ཀླུ་གོང་། ཁྲ…

བཙུན་པས་མཛོད། ངེད་ཅག་བློན་པོ་ཀུན་རང་རང་སོ་སོར་བྱེར་ནས་འགྲོ། སྒོ་ཁྱི་རི་ལ་ཤོར་ན་སྤྱང་ཀི་ཡིན། ཡང་རྒྱལ་བློན་འཛོམ་པ་དཔའ་བརྗིད་ཆེ་དགོངས་པ་གདའ་ན། མཐའི་བནྡྷེ་འདི་རྣམས་ཆབ་ལ་གསོལ་ཅིག་ཟེར་རོ། །བཙུན་མོ་ན་རེ། རྗེ་རྒྱལ་པོ་ལགས། རྗེའི་ཐུགས་དགོངས་མཐའ་མིས་བསྒྱུར། བློན་པོ་རྣམས་ཡི་ཆད་པ་ཡང་ཤིན་ཏུ་བདེན། མཐའི་ངན་སྔགས་མཁན…

ལྟ་བུ་དངོས་སུ་བཞུགས་པ་ཡིན། བཙུན་མོ་དང་བློན་པོའི་བར་ཆད་ཀྱིས་མི་ཚུགས་པ་ཡང་སྲིད་སྙམ་ནས། སློབ་དཔོན་གྱི་དྲུང་དུ་བྱོན་ནས་སྔར་གྱི་ལོ་རྒྱུས་ཞུས་པས། སློབ་དཔོན་གྱི་ཞལ་ན་རེ། མངའ་བདག་ཆེན་པོ། ཡེ་ཤེས་དང་མ་རིག་པའི་རང་མདངས་ལས། སྔོན་ཡང་སངས་རྒྱས་རེ་རེའི་དྲུང་དུ་བདུད་རེ་རེ་ལྷན་ཅིག་ཏུ་བྱུང་བར་གདའ། ཉིད་ཆོས་སྐྱོང་བའི་རྒྱ…

རྣམས་ཀྱི་བར་ཆད་བདག་གིས་བཏུལ་གྱིས་གསུངས། དེ་ནས་རྒྱལ་པོས། བཙུན་མོ་དང་བློན་པོ་རྣམས་ལ་དེ་སྐད་གསུངས་པ་དང་། ཁོང་རྣམས་ཤིན་ཏུ་དགའ་ནས་རྒྱལ་པོས་ཇི་སྐད་གསུངས་པ་ལྟར་བྱས་པ་དང་། དེར་ཞག་གསུམ་ན་རྒྱལ་པོས་བུ་ཚབ་གསེར་ཁང་གླིང་དུ་ལོ་པཎ་རྣམས་སྤྱན་དྲངས་ཏེ་བསྙེན་བཀུར་བྱས། བཙུན་མོ་དང་བློན་པོ་རྣམས་ཀྱིས་ཉི་མ་ཤར་བ་དང་གཤེད་མ་བཀ…

བར་སྣང་ས་གཞི་ཐམས་ཅད་ཁྲོ་བོ་དང་མིའི་དམག་གིས་གང་ནས་ཐམས་ཅད་བསད་སོང་བའི་སྣང་བ་ཤར་ཏེ། བློན་པོ་གཤེད་མའི་ཚོགས་དང་བཅས་པ་བྲོས་ནས་བསམ་ཡས་ཀྱི་ལྕགས་རིའི་ཕྱི་རོལ་དུ་ཐོན་པ་ན་ཐམས་ཅད་འགྱེལ་ཏེ་རེངས་པར་གྱུར་ཏོ། །དེའི་ཚེ་དེ་དག་གི་བུ་སྨད་རྣམས་ཀྱིས་མ་བཟོད་པས་ནུབ་མོའི་རིང་དེར་ཀུ་ཅོ་ཙེ་རེ་བྱུང་། ནངས་པར་རྒྱལ་པོས་གཟིགས་ཙ་ན།…

ཡས་སུ་འཚོགས་པ་ལས། བོན་གྱི་མཁས་པ་མི་ལྔ་བསམ་ཡས་སུ་སླེབས་པས། སྐུ་གསུང་ཐུགས་རྟེན་རྣམས་ངོ་མ་ཤེས་ཤིང་ཆོས་དགེ་བ་བཅུ་བློར་མ་ཤོང་ནས། ཕྱག་དང་བསྐོར་བ་གང་ཡང་མི་བྱེད་པར་ལྷ་རྟེན་རྣམས་ལ་རྒྱབ་བརྟེན་ནས་གྲལ་བསྒྲིགས་པས། རྒྱལ་བློན་ཕལ་ཆེར་ཡི་མ་རང་། དེ་ནས་སང་ཚ་གོང་དུ་དབུ་རྩེ་རྣམ་སྣང་གི་མདུན་དུ་རྒྱལ་པོ་དང་བོན་རྣམས་མཇལ་འཕྲ…

གཉིས་ཁྲོ་ཆེན་ཀུན་གྱི་མཐུ་མངའ་བ་དཔལ་མགོན་ལེགས་ལྡན་ནག་པོ་ཡིན། དམ་ཉམས་པའི་གཤེད་མ་བྱེད། ཆོས་མཛད་ཀྱི་གྲོགས་བྱེད་མཁན་ཡིན། འདི་རྣམས་ཀྱི་རྒྱུ་རིན་པོ་ཆེ་སྣ་ཚོགས་ལས་གྲུབ། རྐྱེན་བཟོ་བོ་མཁས་པས་བཞེངས། རྒྱ་གར་གྱི་སློབ་དཔོན་ཆེན་པོ་པདྨ་འབྱུང་གནས་ཀྱི་བྱིན་གྱིས་བརླབས། དགོས་པ་ནི་སངས་རྒྱས་ཀྱི་བསྟན་པ་དར་བ་དང་སེམས་ཅན་རྣམ…

དཀའ་བ་སྤྱད་ནས་བཟོས་པ་ལ་དགོས་པ་ཅི་ཡང་མེད། དཔའ་བོའི་འཐབ་ར་མི་ཉན་པ། སྡར་མའི་བྲོས་ས་མི་ཉན་པ་མཚར་སྡུག །རྒྱ་གར་བ་སྙིང་ནག་པས་རྒྱལ་པོ་ལ་ངན་བྱས་འདུག་ཅེས་ཟེར་བ་ལ་རྒྱལ་བློན་རྣམས་ཅུང་ཡི་མ་རང་། ཡང་སང་ངོ་མཚར་བའི་ལྟད་མོ། ཚོགས་རྫོགས་པའི་མཆོད་པ། ཡིད་ཆེས་པའི་གྲུབ་རྟགས་དངོས་སུ་བསྟན་ནུས་པ་ངེད་བོན་རྣམས་ལ་ཡོད་པ་ཡིན་ཟེར་ན…

མཆོད་གཡོག་པ་ཡིན་ཟེར་བའི་གཤེད་བོན་མང་པོས་གྲི་རེ་ཁྱེར། བཀྲུ་བོན་ཡིན་ཟེར་བ་མང་པོས་གསེར་སྐྱོགས་ནང་དུ་ཆུ་ཁྱེར་ནས་ཤ་བ་སོགས་སེམས་ཅན་རྣམས་ལ་ཁྲུས་བྱེད། ནག་བོན་ཡིན་ཟེར་བ་འགས་འབྲུ་སྣ་འདེབས། ཞུ་བོན་ཡིན་ཟེར་བ་འགས་ཞུ་བ་ཞུ་ལན་མང་པོ་དང་བཅས་གྲལ་རྣམས་བསྐོར། གཤེན་བོན་ཡིན་ཟེར་བ་རྣམས་ཀྱིས་ཤ་བ་རུ་རྒྱས་དེའི་སྐེ་བཅད་ནས་མཆོ…

དུ་ཤ་ཐམས་ཅད་སྤུངས་ནས་བོན་ཆོག་གྱེར་འདུག་པ་ན། ཁྲག་ལས་རླངས་པ་ཁོལ། རླངས་པ་ལས་འཇའ་འདྲ་བ་མང་པོ་འཁྱུག་ཅིང་། གཟུགས་མེད་ཀྱི་སྒྲ་ངན་པ་མང་དུ་གྲགས་པས། བོན་རྣམས་ཀྱིས་གཡུང་དྲུང་གི་ལྷ་གྲགས་ཕྱྭ་གྲགས་གཡང་གྲགས་སོགས་ཟེར་བ་ཡིན་ཅེས་ངོ་མཚར་ནས་ཤ་ཁྲག་ཐམས་ཅད་དམར་ཉོག་ཉོག་ཏུ་མཆོད་འདུག །དེར་རྒྱལ་པོས་མཆོད་པ་ལ་སྒྲ་ངན་པ་འདི་འདྲ་ག…

ཞེས་གསུངས་ཏེ། རྒྱལ་པོ་ལའང་ཡང་ན་བོད་ཡུལ་དུ་ཆོས་ཀྱི་བསྟན་པ་གནས་པ། ཡང་ན་བོན་རང་འཇགས་བྱེད་པ་ལས་མཉམ་དུ་སྐད་ཅིག་ཀྱང་མི་སྡོད་པའི་ཞུ་བ་དྲག་པོ་ལན་གསུམ་དུ་ཕུལ་བས། ལན་ཕྱི་མ་ལ་ཆོས་རྒྱལ་གྱིས་བློན་པོ་འབངས་དང་བཅས་པ་མདུན་དུ་བོས་ནས། ཀྱེ་མ་བོད་ཀྱི་བློན་འབངས་རྣམས་གསན་འཚལ། བོན་རྣམས་ཀྱིས་བྱེད་ལུགས་དང་། ཆོས་ཀྱི་མཛད་ལུགས་…