འདི་རིགས་ལ་གསུང་ལུགས་སྣ་ཚོགས་མཛད་ཀྱང་། སྔོན་གྱི་བྲིས་སྐུ་རྙིང་པ་དང་གསང་རྒྱུན་འཁྲུལ་མེད་ཡིད་རྟོན་ཕེར་བ་ལགས།། །།བཅུ་པ་རིགས་སོ་སོའི་སྐྱིལ་ཀྲུང་ནི། རྡོ་རྗེའི་རིགས་ལ་རྡོར་སྐྱིལ། གཤེགས་རིགས་ལ་སེམས་སྐྱིལ། རིན་པོ་ཆེའི་རིགས་ལ་གཡས་བརྐྱངས་པའི་ཕྱེད་སྐྱིལ། པད་རིགས་ལ་ལོང་བུ་བསྣོལ་བ་ཙམ་གྱི་སྐྱིལ་ཀྲུང་། ལས་རིགས་ལ་ག…

ནང་དུ་ཟན་བཅུག་པ་མི་རུང་བར་གསུངས་ཏེ། སྡོམ་གསུམ་རབ་དབྱེ་ལས། །འགའ་ཞིག་ཆུ་སྦྱིན་ནང་དུ་ཟན། །འཇུག་པའི་ལག་ལེན་བྱེད་པ་ཐོས། །འཇུར་གེགས་ཅན་གྱི་ཡི་དྭགས་ཀྱིས། །ཆུ་སྦྱིན་ནང་དུ་ཟན་མཐོང་ན། །འཇིགས་པ་ཆེན་པོ་འབྱུང་བར་གསུངས། །དེ་ན་ཆུ་སྦྱིན་ནང་དུ་ཟན། །འདེབས་པ་ཆོ་ག་ཉམས་པ་ཡིན། ཞེས་གསུངས་པའི་ཕྱིར།། ༈ །།བཅུ་གསུམ་པ་དེ་བཞིན་…

རི་བོ་དགེ་ལྡན་པའི་ཆར་གཏོགས་ཡོངས་ཀྱི་སྒྲོགས་པར་སྣང་། རྗེ་རིན་པོ་ཆེ་དང་བླ་མ་རྗེ་བཙུན་རེ་མདའ་པ་གཉིས་དགག་བྱའི་ངོས་འཛིན་ཕྲ་ཞིབ་དཔྱོད་ཚུལ་བག་རྩིང་ཞི་བ་ལས། མཉམ་བཞག་འཇོག་ཚུལ་འདྲ། ལར་རང་ཡང་མདོ་སྡུད་པ་ལས། རྩ་དང་ཤིང་ལས་མེ་བྱུང་བས་ནི་དེ་ཉིད་བསྲེག །ཅེས་ཤིང་དགྲ་མེ། མེ་དགྲ་ཤིང་ཡིན་ཞིང་། ཤིང་བསྲེག་པ་ལ་མེ་དགོས། མེ་ས…

འཇམ་དཀར་གྱི་མདུན་མཆོད་པ་གསར་པ་རེ་བཤམས། རེ་ཞིག་དབུ་བཏུམས་ནས་ཐུགས་དམ་བཟླས་བརྗོད་ཀྱི་ཚུལ་རེ་དང་། དེ་ནས་ཤ་ཤ་དྷ་ར་དང་རི་བོང་འཛིན་པ་ལྟར་དཀར་སོགས་སྐད་གཉིས་སྤེལ་བའི་འཇམ་དཀར་གྱི་བསྟོད་པ་དེ་གསུངས་ནས་གསུང་རྩོམ་ལ་ཤར་གྱིས་འཇུག ༧ །ལྷ་སའི་ཇོ་བོ་རིན་པོ་ཆེའི་ཕྱག་ཏུ་ལྷུང་བཟེད་ཕུལ་བའི་རྟེན་འབྲེལ་ལས། རང་རེ་ཡོ་ཟས་ཕྱིར་ཐ…

ཡིན་ནོ། །རྒྱུ་མཚན་དྲིས་པས་ཆོས་འཆད་དུས་མེ་ཏོག་གི་ཆར་བབས་པས་ཟེར། གློ་བོ་སྟེང་ཆེན་ན་བོ་དོང་པའི་རྣམ་ཐར་ཞིང་བཀོད་དུ་བྲིས་པ་ཐམས་ཅད་ཆུ་དྲོན་མོས་བཀྲུས་སོ། །ཨ་ཙ་མ་ཆོས་སྤོང་གི་ལས་ལ་ཞེ་རང་འཇིགས་སོ། ༧ །རྗེ་རོང་ཆེན་ཕར་ཕྱིན་གསུང་བ་ན། གང་བློ་མའི་རྗེས་སུ་ཉན་ཐོས་ཞི་འཚོ་ལ་སོགས་གསུང་། རྣམ་འགྲེལ་གསུང་བ་ན། ཕ་རོལ་ཀུན་ཏུ་…

ཀྱང་འོང་། གསོ་སྦྱོང་ལ་ཡོང་བ་མ་ཆགས་པའི་ཁུར་ལེན་གལ་ཆེའོ། ༧ །ཞྭ་ལུ་རི་ཕུག་སྒྲ་པ་གནས་བརྟན་ལེགས་རྒྱལ་བ་དང་མཇལ་བས། ས་སྐྱའི་གནས་དང་གང་ཟག་ལ་བསྟོད་པ། གོ་གོ་ཞེས་པ་དོན་། དགུར་འཇུག་པའི་དབང་དུ་བྱས་ནས། གླང་ཆེན་དཀར་པོས་བཏེགས་པའི་ཁྲི་སྟེང་དུ་ཞེས་སྐད་དོད་ནོར་ཚུལ་ཕེབས་པར་དེ་མ་ཐག །བ་མཆོག་དཀར་མོས་བརྒྱན་པའི་མཚོ་དབུས་སུ།…

མ་ལེགས་ཚུལ་སྟག་ཤམ་རྣམ་ཐར་དང་གཞན་དུའང་སྣང་མོད་གང་ཡིན་དཔྱད། ཨ ས་དང་། ན་རྩིས་ཞེས་འབར་བ་དང་། ཆེར་འབར་བ་ལ་འཇུག །ཕྱི་མ་ཚིག་ཕྲད་ཀྱིས་ཨ་ཕྱིས་པ་བཞེད། །མ་ཧཱ་སནྟི་ལ་ལར་མ་ཧཱ་ས་མ་དྷི་ཟུར་ཆག་པས་ཏིང་འཛིན་ཆེན་པོ་ཞེས་པར་བཞེད། ཡང་སྒྲུབ་ཀྱིས་དམ་པ་འཛིན་པ་ཆེན་པོ་དང་། ཡང་ན་མཉམ་པའི་བློ་ཆེན་པོར་བསྒྱུར། ཞི་ཁྲོའི་ས་ནི་དུག་གི…

མང་ཞིང་། མི་འཁྲུགས་པའི་གཟུངས་སྔགས་མཐོང་གྲོལ་དང་། པདྨོཊྛིཏྟིའི་སྔགས་དུང་ལ་བཏབ་ནས་ཐོས་གྲོལ། དེ་ཉིད་ཀྱི་དུ་བས་བདུགས་པའི་ཆོས་གོས་ཀྱིས་རེག་གྲོལ། དབང་པོ་རབ་འབྲིང་གི་ཁྱད་ཡིན། །སོར་འབྲང་མའི་འཁོར་ལོས་བཏགས་གྲོལ། དོན་ཞགས་སོགས་ཀྱི་རིལ་བུ་བསྒྲུབས་པ་དང་། ལན་བདུན་པའི་མྱོང་གྲོལ་སོགས་གསར་མའི་རྒྱུད་དང་མན་ངག་ལས་རྒྱ་ཆེ…

བཞི་ཌཱཀྲྀཧུ་བྱེད་པ་ལ་ཧི་དང་། ཀུ་ལ་ཚོགས་པ་ལ་གྷཉ་སྦྱར་མཐར་ཨཱི་པྲ་བྱིན་པས་གྲུབ་པ་དང་། བོད་སྐད་དུ་ཆགས་བྱེད་མར་འགྱུར་ཚུལ་སོགས་སྣང་ཡང་དཔྱད་བྱའི་གནས་དང་། རྡོ་རྗེ་སྙིང་འགྲེལ་དུ་ངེས་ཚིག་གི་བཤད་པ་ཡོད་པ་ལྟར་ལེགས། ༈ །མཐོང་སྤོང་ནི་མཐོང་བའི་ལམ་གྱི་སྤང་བྱའི་ངོ་སྐལ་དུ་གྱུར་པ་སྟེ། ཉོན་མོངས་མངོན་གྱུར། བསྒོམ་སྤང་ནི་དེ…

བས། འབྲས་བུ་མདུན་ནམ་རང་ལྷར་བསལ་བ་གཟུགས་སྐུ་དང་། མཐར་བྱས་ཡེ་ཤེས་པ་གཤེགས་བསྡུ་སོགས་ཆོས་སྐུའོ། །རྣལ་འབྱོར་རྒྱུད་ཀྱི་ཉམས་ལེན་ནི། ལར་ཐར་པའི་འདྲ་འབགས་རྫོགས་པའི་སངས་རྒྱས་དང་པོར་ཐུགས་བསྐྱེད་པ་ནས་མཐར་གྱིས་ལོངས་སྤྱོད་རྫོགས་པ་དང་སྤྲུལ་པའི་སྐུའི་སངས་རྒྱས་མཛད་པ་དང་བཅས་པར་རྗེས་སུ་མཐུན་པའོ། །བླ་མེད་ནི་མར་འཁོར་བའི་…

ཆེན་པོའི་ནང་ནས་བཞེངས་ཤིག། ༈ །།རྡོར་ཕྲེང་སོགས་ཀྱིས་སྐབས། མ་ཧ་རཱཀྟ་སོགས་བོད་སྐད་དུ་བསྒྱུར་ན། དགའ་བ་ཆེན་པོ་ཤིན་ཏུ་བརྟན། །ཤིན་ཏུ་དགྱེས་དང་ཤིན་ཏུ་བདེ། །རྡོ་རྗེ་སེམས་དཔའ་དེ་རིང་ནི། །གྲུབ་པར་མཛོད་ཅིག་བདག་ལའོ། །ཞེས་ས་བཟང་མ་ཏི་པཎ་ཆེན་གྱི་འགྱུར་རོ།། ༈ །།མཁའ་སྤྱོད་མའི་ཁྲིད་ཀྱི་སྐབས་གཉིས་སྐྱེས་མཆོག་གཉིས་ནི། རཏྣ…

གསར་པའི་རྒྱུད་སྡེའི་སྔགས་རྣམས་ལས་ཀྱང་དེ་བཞིན་གཤེགས་པའི་བརྡ་དང་། མཁའ་འགྲོའི་སྐད་དང་། ཟུར་ཆག་དང་། འགྲོ་ལྡིང་པའི་སྐད་ལ་སོགས་པ་ཇི་སྙེད་ཅིག་འབྱུང་བས་ན་ལེགས་སྦྱར་ཁོ་ནས་མ་ཁྱབ་ཅིང་། ཟུར་ཆག་ལ་སོགས་པ་འདྲེས་པས་བྱིན་རླབས་མི་ཉམས་པ་དང་། བོད་ཡུལ་ཁོ་ནའི་སྐད་ཀྱིས་དེ་ལས་ལྡོག་པའི་རྒྱུ་མཚན་ཅི་ཡང་མེད་པའི་ཕྱིར་རོ།། ༈ །།ལ…

རྫོགས་ཆེན་གྱི་གཞུང་ཆེན་པོ་དག་ལས། སྣང་བ་སེམས་སུ་འདོད་པ་ང་ལས་གོལ་བ་ཡིན། །ཞེས་སོགས་གསུངས་པ་ནི་མཐར་ཐུག་གི་དོན་ལ་དགོངས་ཀྱི། གནས་སྐབས་ལམ་སྟེགས་ཙམ་དུ་ཁས་བླངས་ལ་འགལ་བ་མེད་པའང་ཤེས་དགོས་སོ།། ༈ །།ཐང་སྟོང་གི་རྒྱལ་པོ་ལུང་སྟོང་གི་སྨྱོན་པ་ཞེས་གྲུབ་ཐོབ་རང་གི་གསུངས་ཟུར་ལ་དཔགས་ན། ཐང་གི་སྐད་དོད། སྦྲ་ནི་འོས་འདུག །བོན་ལ…

འགྲེལ་དུ། ཡུལ་གང་ན་ཟ་བ་པོ་ཡོད་ན་གསོད་པ་པོ་ཡོད་པས། བ་ལང་གི་ཤ་ཟ་བའི་ཡུལ་དུ་བ་ལང་གི་ཤ་ནི་ཁ་ན་མ་ཐོ་བའི་ཤར་གསུངས་པ་དང་མཐུན། སྔ་འགྱུར་གྱི་གཞུང་འགའ་ཞིག་ཏུ། བོད་ཡུལ་གྱི་དབང་དུ་བྱས་ཏེ། བ་ལང་གི་ཚབ་ཏུ་རྨ་བྱ་དང་། ཁྱི་ཤའི་ཚབ་ཏུ་སེང་གེའི་ཤ་བཞག་པ་སོགས་སྣང་ངོ་།། ༈ །།ཨཱ་ར་ལི་ཞེས་པ་ཐད་འགྱུར་རོལ་པ་དང་། བརྡ་སྐད་ལྟར་ན། …

གྱི་མིང་ངོ་།། ༈ །།དབང་ཕྱུག་ཉེར་བརྒྱད་ཀྱི་མིང་། མ་ནུ་རཀྟ། མིའི་སྲིན་མོ། བྲཧྨ་ཎི། ཚངས་མ། རོ་ཏི། དྲག་མོ། ཀུ་མཱ་རཱི། གཞོན་ནུ་མ། ཨིན་ཎཱི། དབང་མོ། ཡང་། ཨིནྡྲ་སྟེ་རྒྱུ་ཞགས་འཛིན་མར་ཡང་བཤད། བཛྲ་པིངྒ་ལཱི། རྡོ་རྗེ་སེར་མོ། ཨ་མྲྀ་ཏཾ། སྤྱིར་དོན་མང་ཡང་། བདུད་རྩི་མར་བསྒྱུར། སོ་མྱ། ཞི་བ་མའམ། ཟླ་བ་མ། དཎྜ་དེ། དོན་མང་ན…

སྔར་སྣ་ཆེན་དུ་བསྒྱུར། ཝ་རུ་ཎཱི། ཆུ་ལྷ་མོ། བཛྲ་མ་ཧཱ་ཀ་ལཱི། རྡོ་རྗེ་ནག་མོ་ཆེན་མོ། བཛྲ་ཙཱ་ཀ་ལ། རྡོ་རྗེ་ར་མོ་ཆེན་མོར་བསྒྱུར་མོད། དེ་ལྟར་ན། ཚ་ག་ལ་ཀཱ། ཞེས་ཡོད་དགོས་ལ་ལར། ད་ཤ་གྲི་ཝཱ། སྟེ་མགྲིན་བཅུ་སེར་ནག་ཅེས་པའང་སྣང་། བཛྲ་ཀུནྡྲ་ཀརྞ། རྡོ་རྗེ་བུམ་རྣ་ཞེས་པ་སྟེ། བུམ་སྣ་ཞེས་བྲིས་པ་ནི་ཡི་གེ་མ་དག་པའོ། །བཛྲ་ལསྤྲོ་…

ཞེས་པ་ལས་བསྒྲུབས་ཀྱང་རུང་མོད། འོན་ཀྱང་རྐྱེན་སོགས་འོལ་ཚོད་ཀྱིས་བཤད་དུ་མི་བཏུབ་བོ། །ཏིཥྛ་ལྷན་ནི་ཏིཥྛན། བརྟན་པར་གྱུར་ཅིག་ཅེས་ལའི་སྐད་དོད་ཟུར་ཆག་པ་དང་། ཨ་ཏི་པུ་ཧོ་། ནི། ཨ་ཏི་བྷ་ཧོ། །ངོ་མཚར་བྱུང་། ཞེས་པ་ཟུར་ཆག་པར་གསལ་ལོ། །ཏན་གྷན་ཞེས་པ། ཏ་ན། བུད་མེད་ཀྱི་ནུ་མ་དང་། གྷ་ན་མཁྲེག་བ་སྟེ། ནུ་མ་མཁྲེགས་པའི་ཚོགས་ཞེས…

དབྱིག་གི་ཚོགས་རིན་ཐང་ཆེན་པོར་འཇུག །གྷ་ན་ཞེས་པ་སྟུག་པོ་སྟེ་བར་མཚམས་མེད་པའི་དོན། རྟ་བྲོ་ནི། སྔོན་རྟ་ཕག་གིས་རུ་ཏྲ་བཏུལ་བའི་ཚེ། རུ་ཏྲའི་ཕུང་པོའི་སྟེང་དུ་ཞབས་ཀྱི་མཐིལ་ནས་རྟའི་རྨིག་པ་ཕྱུངས་ནས་རྔམས་པའི་བྲོ་བརྡུངས་པ་ཡིན་པས་དེའི་ཚུལ་ལོ། །དཔལ་རྟ་མགྲིན་གྱི་རྟ་བྲོའི་བསྐྱེད་རྫོགས་ངོ་མཚར་ཅན་ཞིག་པད་དཀར་བཀའ་འབུམ་དུ…

བཤད་པའོ། །དལ་ཞེས་པ་བསྡུ་ཡིག་གི་བརྡ་མ་བྱེད་པར་གསུངས་མོད། དཀྱིལ་འཁོར་གྱི་སྐད་དོད། མཎྜལ་ཟུར་ཆག་པ་སྟེ། དཀྱིལ་འཁོར་གྱི་དོན་དུ་གོ་བ་ཉིད་ཀྱིས་ཆོག་གོ །མདུན་བསྐྱེད་སྒྲུབ་ཚུལ་ལ། བདག་མདུན་གཉིས་ཆོ་ག་སོ་སོས་མི་འདྲ་བར་བསྒྲུབ་པ་དང་། ཆོ་ག་གཅིག་གིས་བདག་མདུན་སོ་སོར་མེ་ལོང་བྱད་བཞིན་ལྟར་གཅིག་གྲུབ་པ་དང་མཉམ་དུ་གཅིག་ཤོས་ག…

པའི་གོ་འཕང་སྟེ། དེར་དབུགས་དབྱུང་བ་ལ་གེགས་བྱེད་པའི་རྣམ་ཤེས་ཏེ་གཟུང་འཛིན་གྱི་རྟོག་པ་ཆོས་དབྱིངས་སུ་སྒྲོལ་བའི་དོན་ནོ། །འདི་ལྟ་བུ་མདོ་ལས། ཕ་དང་མ་ནི་བསད་བྱ་ཞིང་། སོགས་དང་། རྒྱུད་ལས། ཁྱོད་ཀྱིས་སྲོག་ཆགས་བསད་པར་བྱ། ཞེས་སོགས་ཤིན་ཏུ་མང་ངོ་། །བྷུ་སུ་ཀུ་ཞེས་པ། བྷུ་ཛ་ཟས་སྤྱོད་པ། སུ་ཏཱ་ན་གཉིད་ལོག་པ། ཀུ་ཏ་སཱ་ར་བཤང་…