རྗེ་བཙུན་བློ་བཟང་གྲགས་པའི་ལྟ་གྲུབ་ཀྱི་བཞེད་ཚུལ་མདོ་ཙམ་བཞུགས་སོ། །ན་མོ་མཉྫགྷོཥཱ་ཡ། འཇམ་དཔལ་དབྱངས་ཀྱིས་གསང་བའི་མཛོད་ཆེན་པོ་བྱིན་ཅིང་། ཤིང་རྟ་ཆེན་པོའི་གཞུང་ལུགས་ལ་བརྟེན་ནས་མདོ་སྔགས་ཐམས་ཅད་གདམས་པར་ཤར་བ་རྗེ་བཙུན་བློ་བཟང་གྲགས་པའི་དཔལ་གྱིས་ལྟ་གྲུབ་ཇི་ལྟར་བཞེད་ཚུལ་རྒྱས་པ་ནི། བྱང་ཆུབ་ལམ་རིམ་ཆེན་མོ་དང་། རྩ་ཡོ…

དེ་དང་དེར་སྣང་ཞིང་བྱ་བྱེད་སོགས་འཐད་ལྡན་དུ་འཇོག་ཤེས་པས། རང་བཞིན་གྱིས་གྲུབ་པ་ཐ་སྙད་དུ་ཡང་ཁེགས་ཀྱང་། ལས་འབྲས་ལ་སོགས་པའི་བྱ་བྱེད་ཐམས་ཅད་གཞན་ངོ་ཙམ་ལ་སྐྱེལ་མི་དགོས་པར་རང་ལུགས་ལ་ཡང་ཚད་གྲུབ་ཏུ་ཁས་བླངས་པས་ཆོག་པར་མ་ཟད། རྟེན་འབྲེལ་གྱི་ཆོས་ལ་ངེས་པ་དྲངས་པ་ཉིད་ཀྱིས་རང་བཞིན་མེད་པ་ལ་ངེས་པ་ཆེར་འགྲོ་བས་སྟོང་དང་རྟེན་འ…

ཡས་པས་གྲོགས་བྱས་ནས་ཉོན་ཤེས་སྒྲིབ་པ་རགས་པ་སྤང་ནུས་ཀྱང་། ཕྲ་མོ་སྤང་མི་ནུས་པས་འཚང་རྒྱ་བ་ལ་ཡུན་རིང་དུ་འགོར་བས། དེས་ན་སྙིགས་དུས་ཀྱི་ཚེ་ཐུང་གཅིག་ལ་ཤེས་སྒྲིབ་མ་ལུས་པ་སྤང་ནུས་པའི་རྡོ་རྗེ་ཐེག་པ་བླ་མེད་ཀྱི་ལམ་ལ་འཇུག་ཅིང་། དེར་ཞུགས་མཁན་གྱི་གང་ཟག་ཀྱང་ཕར་ཕྱིན་ཐེག་པའི་དབང་པོ་རྣོ་ཤོས་ལས་ཀྱང་ཆེས་རྣོ་བ་ཞིག་དགོས་པས། …

སྟོང་ཟུང་འཇུག་ཡིན་ན། གང་གི་ཡ་གྱལ་དུ་བཞག་པའི་སྟོང་པ་ཉིད་དམིགས་རྣམ་དག་རྙེད་ཚུལ་མ་བསྟན་པའི་ཕྱིར་རོ། །དེས་ན་སེམས་ཙམ་དུའང་མ་སོན་པའི་ལྟ་བས་སྔགས་བླ་མེད་ཀྱི་བདེ་བ་དང་སྦྱོར་བའི་སྟོང་ཉིད་དུ་མི་རུང་ཞིང་། དེ་མི་རུང་བས་ན་བསྐྱེད་རྫོགས་ཙམ་སྒོམ་ལོ་བྱས་ཀྱང་སྲོག་མེད་པའི་གཟུགས་བརྙན་དུ་སོང་བས་ན་ཆོས་སྐུའི་ལག་རྗེས་འཇོག་ར…

བ་ན། དེའི་བཞོན་པ་གཉུག་མའི་རླུང་དེ་ཡིས་རིགས་འདྲ་ཕྱི་མ་དེ་མ་དག་པའི་སྒྱུ་ལུས་སུ་ལྡང་ཚུལ་གསལ་བར་བཤད་དོ། །དེས་ན་ཐུན་མོང་པའི་ལམ་ངེས་འབྱུང་། བྱང་སེམས། ཡང་དག་པའི་ལྟ་བ་གསུམ་ལ་སྔ་མ་སྔ་མ་ལ་མྱོང་བ་ཐོབ་ནས་ཕྱི་མ་ཕྱི་མ་བསྒོམས་ཤིང་། ལྟ་བའི་དཔྱད་པ་ཡོངས་སུ་རྫོགས་པ་ན་སྔགས་བླ་མེད་ལ་ཞུགས་ཏེ་བདེ་སྟོང་ཟུང་འཇུག་གི་ལྷན་ཅིག་…

ཞལ་གདམས་ཀྱི་འགྲེལ་ཆུང་གསང་སྔགས་སྙེ་མ་བཞུགས་སོ། །ན་མོ་གུ་རུ་ཝེ། འཇིགས་བྲལ་བདེ་ཆེན་རྟག་ཏུ་རབ་ཞི་འགྱུར་མེད་བདེ་བའི་ཕྱག་རྒྱས་འཁྱུད། །ཐར་པའི་གླིང་མཆོག་རྨད་བྱུང་ལ་སྦྱོར་བདེན་གཉིས་གསུང་གི་གསང་བར་རྫོགས། །བརྟན་གཡོའི་དངོས་ཀུན་རོ་གཅིག་བསྡོམས་པའི་ཟག་བྲལ་ཧེ་རུ་ཀ་ཡི་དངོས། །རྣམ་པ་ཀུན་གྱི་མཆོག་དང་ལྡན་པའི་ཀུན་མཁྱེན་…

དོན་ཅུང་ཟད་འགྲོལ་བ་ལ་ལྔ་ལས། དང་པོ་སྤྲོས་བྲལ་རང་བྱུང་གི་ཡེ་ཤེས་ཤིན་ཏུ་རྣལ་འབྱོར་གྱི་དགོངས་པ་སྟོན་པ་ལ་ཚིག་རྐང་བཞི་སྟེ། ཨེ་མ་ཧོ། ཆོས་ཉིད་མངོན་སུམ་མཇལ་བ་སྤྲོས་བྲལ་གྱི་བླ་མ༑ །གཏད་མེད་དྲན་པས་ལྟ་བ་མོས་གུས་ཀྱི་མཐར་ཐུག །ཐིག་ལེ་ཕྱི་ན་མི་བཞུགས་ཤེལ་སྦུག་གི་ཟེར་གདངས། །འོད་གསལ་རྫོགས་ཆེན་བསྒོམ་ན་དེ་ལྟར་དུ་མཛོད་ཅིག…

མདངས་སྐྱོང་བས་བློས་བྱས་ཀྱི་མཐའ་ཐམས་ཅད་དང་བྲལ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་སྒྲ་ཇི་བཞིན་པར་མཐོང་བ་སྟེ། འཕགས་པ་ཀླུས། གང་ཞིག་རྟེན་ཅིང་འབྲེལ་བར་འབྱུང་༑ །འགགས་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞིའི་ཆོས་བསྟན་པ། །ཞེས་གསུངས་…

དེས་ན་ཡོངས་གྲུབ་དྲན་པའི་རྩིས་ཆེད་དུ་བཀག་པ་ཡང་མ་ཡིན། ཐ་མལ་འཁྲུལ་པའི་དབང་དུ་སོང་བ་མ་ཡིན་པར་འཇོག་ཏུ་མེད་པའི་མཉམ་གཞག་རྩིས་གདབ་མེད་པའི་རྗེས་ཐོབ། ཐིམ་ལ་མ་རྨུགས་པ་ཤིན་ཏུ་ཕྲ་བའི་ཡེ་ཤེས་སྣང་ངོ་ལ་མ་འགགས་ཀྱང་། རིག་ངོ་ལ་དེ་དང་དེར་འཛིན་གྱིས་འདུ་ཤེས་ཟད་པའི་ངང་དུ་བསྒོམ་དང་མི་བསྒོམ་གྱི་གཏད་སོ་བྲལ་བའི་ཡང་དག་གི་དྲན་པ…

དོན་ལ་གོམས་པ་དག་ནི་ཐོད་རྒལ་གྱི་སྐུ་དང་ཐིག་ལེའི་བཀོད་པ་ཡང་ཕྱི་རོལ་ན་གནས་པ་མ་ཡིན་ཏེ། རང་གི་སྙིང་དབུས་ནས་མིག་ཏུ་འབྲེལ་བའི་རང་བྱུང་གི་རྩ་རྒྱུ་རྐྱེན་ལ་འདས་པ། ཀ་ཏི་ཤེལ་སྦུག་ཅན་གྱི་གདངས་ལས་འཕྲོས་པའི་འཇའ་ཟེར་ཡིན་ཏེ། གསེར་ཕྲེང་ལས། རིན་ཆེན་རྒྱ་མཚོར་འབྲེལ་བའི་རྩ། །དཀར་འཇམ་ཁོག་པ་སྟོང་པ་ཉིད། །ཐིག་ལེ་ཁྲག་གིས་མ་གོ…

བཀོད་པ་མ་འགགས་པར་འཆར་བ། ཐུགས་རྗེ་བསམ་གྱིས་མི་ཁྱབ་པ་སོ་སོའི་སྐྱེ་བོའི་བློ་ལས་འདས་པ་ཉིད་ཀྱི་ངང་དུ་གྲོལ་བ་ཐོབ་པ་སྟེ། རྒྱུད་ལས། རྟག་པ་མ་ཡིན་ཡེ་ཤེས་སྐུ། །ཆད་པ་མ་ཡིན་གསལ་བའི་གདངས། །གཉིས་ཀ་མ་ཡིན་ཟུང་འཇུག་སྦུབས། །ཞེས་གསུངས་པ་ལྟར། གཞི་ལམ་འབྲས་གསུམ་གྱི་ཐ་སྙད་ཐམས་ཅད་རང་རིག་བཅོས་བསྒྱུར་དང་བྲལ་བ་ཉག་གཅིག་ལ་རྫོགས་…

འོད་གསལ་ཐིག་ལེ་ཆེན་པོའི་རྣལ་འབྱོར་ལམ་དུ་ཁྱེར་བས་སྤྲོས་བྲལ་གྱི་དོན་མ་ནོར་བར་རྟོགས་པར་འདོད་པ་དག་ཀྱང་གནས་པ་རྩ། གཡོ་བ་རླུང་། བཀོད་པ་བྱང་སེམས་ཏེ་གསུམ་ལ་བསྟེན་པ་ཡིན་ཅིང་། དེའི་ཚུལ་ཐོག་མར་བཀོད་པ་བྱང་ཆུབ་ཀྱི་སེམས་ནི། རོ་མ་ལས་འབབས་པའི་ཉི་མའི་རྡུལ་བདེ་བ་ཐབས་ཀྱི་ངོ་བོ་དང་། རྐྱང་མ་ལས་འབབས་པའི་ཟླ་བའི་བདུད་རྩི་སྟ…

ཤེས་ནས་དེ་ཉིད་འགྲོ་འོང་གི་ཁ་ལོ་བ་ནི་གཡོ་བ་རླུང་སྟེ། རགས་པ་ཉིན་ཞག་ཕྲུགས་རེ་ལ་ཉི་ཁྲི་ཆིག་སྟོང་དྲུག་བརྒྱ་དང་། ཕྲ་བ་ཀུན་རྟོག་བརྒྱད་ཁྲི་བཞི་སྟོང་གི་བཞོན་པ་ཉིད་དུ་གནས་ཤིང་། དེར་མ་ཟད་ཕྱིའི་རླུང་སྲོག་འཛིན། མེ་མཉམས། ཁྱབ་བྱེད། གྱེན་རྒྱུ། ཐུར་སེལ་ལྡར་གནས་ཤིང་། ནང་ལྟར་ས་ཆུ་མེ་རླུང་ནམ་མཁའ་སྟེ་འབྱུང་བ་ཆེན་པོ་ལྔ་ཡ…

མར་མིག་དང་ལྟེ་བའི་རྩ་མདུད་ཆགས་པའི་རྗེས་ཐོག་དྭངས་མ་གྱུར་པའི་རྩ་དབུ་རྐྱང་རོ་གསུམ་ཀ་བ་ལྟ་བུར་གནས་པ་སྟེ། དཔལ་དང་པོའི་སངས་རྒྱས་ལས། དེ་ནི་མཐུར་དུ་རྩེ་གསུམ་སྟེ། །དེ་བཞིན་གྱེན་དུའང་རྩེ་གསུམ་མོ། །སྒྲ་གཅན་རྩེ་མོ་དབུས་ན་གནས། །ཉི་མའི་གཙོ་མོ་གཡས་པ་སྟེ། །ཟླ་བའི་རྩེ་མོ་གཡོན་པའོ། །ཆུ་དང་མེ་དང་ནམ་མཁའ་རླུང་། །གཡས་གཡོ…

གྲངས་ངེས་ཀྱང་། དང་པོའི་སངས་རྒྱས་དུས་ཀྱི་འཁོར་ལོ་རུ་དྲུག་ཏུ་གསུངས་ཏེ། སོ་སོའི་ཁ་སྦྱོར་གྱི་མཚམས་སུ་འཕོ་བ་བཅུ་གཉིས་དང་། རྟེན་འབྲེལ་བཅུ་གཉིས་གནས་ཤིང་ཁམས་ལུགས་ལྡོག་གི་འགྲོས་ཀྱི་རླུང་དང་རྟེན་འབྲེལ་ཆ་རེ་ལྡོག་སྟེ། ས་བཅུ་གཉིས་ཀྱི་ཡོན་ཏན་རྫོགས་པའི་མཐའ་རུ་ཐིག་ལེ་ནམ་མཁའི་ཁམས་དང་འདྲེས་པའི་ཚེ་ན་མངོན་པར་སངས་རྒྱས་པ…

འཁོར་སྤྱི་བོ་ཛ་ལནྡྷ་ར་ལ་སོགས་པ་དང་། བརྟེན་པ་རྩ་ཡི་འཁོར་ལོ་སྐུ་ལྔའི་གནས་ཡུལ་དུ་དབང་བསྒྱུར་བས་ན་ཕྱི་རོལ་དུ་མི་བཞུགས་པར་རང་ལ་དབྱེར་མེད་དུ་རྫོགས་པའི་ཕྱིར། མཚན་འཛིན་གྱི་བདེ་བ་ལས་འདས་པའི་ཟུང་འཇུག་ཆོས་སྐུའི་རྒྱལ་ས་ཆེན་པོར་མངོན་དུ་བྱེད་པའི་ལམ་ལུང་ཨ་ནུ་ཡོ་ག་ལ་གོམས་པར་འདོད་པ་དག་གིས་དེ་ལྟར་དུ་མཛོད་ཅེས་བསྐུལ་བའ…

གྱིས་ལྷའི་སྐུར་ལྡང་ནུས་པས་ན་དྲོད་གཤེར་སྐྱེས་ཀྱི་ཆ་མཐུན། རྟོག་བཅས་རྣམས་ལ་བདག་སྲས་དང་གཞན་སྲས་ཀྱི་སྒོ་ནས་སྒོམ་པར་འདོད་པས་སྒོང་སྐྱེས་དང་མངལ་སྐྱེས་ཀྱི་ཆར་དབྱེ་བ་སོགས་དང་། །ཞན་ཡང་ཕ་རྒྱུད་ལྟར་ཕྱག་མཚན་ས་བོན་སྐར་སྨིན་པ་སྟེ་རྡོ་རྗེའི་ཆོ་ག་གསུམ་དང་། མ་རྒྱུད་ལྟར་མངོན་བྱང་ལྔ་སྟེ། ཟླ་ཉི་ཕྱག་མཚན་ས་བོན་གྱིས་མཚན་པ་ད…

བསྒོམ་ཀྱང་བཏུབ་པ་ནི་གོམས་པའི་ཉམས་སུ་བརྗོད་ལ། དེ་ནས་བསྒོམ་བྱ་དང་སྒོམ་བྱེད་ཀྱི་གཉིས་འཛིན་སྤངས་པའི་ཕྱིར། ལྷའི་རྣམ་པ་རང་སེམས་དབྱེར་མེད་དུ་འདྲེས་ཏེ་བསྒོམས་པས་རྟོག་པ་གང་གིས་ཀྱང་བར་མ་ཆོད་པར་ཇི་སྲིད་བརྟན་པར་འདོད་པའི་བར་དེ་སྲིད་དུ་སྡོད་པ་ནི་བརྟན་པའི་ཉམས་ཏེ། དེ་ལས་ཀྱང་གསལ་བརྟན་གྱི་ཚད་བརྒྱད་ཐོབ་ནས་ཉིན་མཚན་ཀུན་…

ཉམས་ལེན་ཉིད་དཀྱིལ་འཁོར་རྣམ་པ་གསུམ་གྱིས་བསྟན་ཏེ། དེའང་སྐུ་ཕྱག་རྒྱའི་རྣལ་འབྱོར་དུ་གསལ་བཏབ་པའི་ཚུལ་ནི་ཡི་དམ་གང་རུང་གི་སྐུར་ལམ་གྱིས་གསལ་ནས། ཞི་བ་ལ་ཚུལ་དགུ་དང་། །ཁྲོ་བོ་ལ་གར་དགུས་དཔའ་ཞིང་སོ་སོར་དག་བྱ་དང་དག་བྱེད་དག་འབྲས་ཚུལ་བཞིན་ཉམས་སུ་བླང་བ་ནི་བསྐྱེད་རིམ་སྣང་སྟོང་ཟུང་འཇུག་གི་དཀྱིལ་འཁོར་ཏེ། སྒྲུབ་ཐབས་ཀུན་…

པར་ལྟ་བ་གྲགས་པ་གསུང་གི་ལམ་ཁྱེར་ཞེས་བྱའོ། །བསྐྱེད་རྫོགས་ཀྱི་ཏིང་ངེ་འཛིན་དེ་དག་ཀྱང་ངོ་བོ་ལ་སྐྱེ་འགག་གནས་གསུམ་བྲལ་ཞིང་འདི་ལྟ་བུའོ་སྙམ་པའི་དྲན་འཛིན་ཀྱང་རང་ངོར་ཡུལ་མེད་རྩ་བྲལ་དུ་སོང་བའི་ཕྱིར་གནས་པས་ཕན་མ་བཏགས། འགྱུ་བས་གནོད་མ་བསྐྱལ། ལུང་མ་བསྟན་གྱི་འཁྲུལ་པར་མ་འཁྱམས། རྟག་ཆད་ཀྱི་རྒྱ་རལ། བསྒོམ་དང་མི་བསྒོམ་ཀྱི་…