འཆི་མེད་གྲུབ་པའི་བདེན་ཚིག་གི་རྣམ་འགྲེལ་ཉུང་ངུ་ཚིག་དོན་གྱི་ས་བོན་ཅེས་བྱ་བ་བཞུགས་སོ། །ཐམས་ཅད་མཁྱེན་པའི་ཡེ་ཤེས་སྐུ། །རྒྱལ་སྲས་འཇམ་དཔལ་གཞོན་ནུའི་དངོས། །གཞན་%ཕན་ཕ་མཐའ་ཡས་པ་ཡིས། །བྱང་ཆུབ་བར་དུ་སྐྱོང་གྱུར་ཅིག །དེ་ལ་འདི་སྐད་ཅེས་རྗེས་སུ་ཐོས་ཏེ། གང་གི་ཚེ་གཟོད་མ་ནས་ཤིན་ཏུ་རྣམ་པར་དག་པའི་ཡེ་ཤེས་རིགས་ཐམས་ཅད་ཀྱི་ཁ…

རླབས་པོ་ཆེའི་གནས་ཐོབ་པའི་ཉིན་མོར་བྱེད་པ་ཞིག་འཇིག་རྟེན་དུ་ཤར་བར་གྱུར་ཏོ། །དེའི་ཚེ་དེའི་དུས་ན་རིག་པ་དང་གྲོལ་བའི་ཡོན་ཏན་རྨད་དུ་བྱུང་བ་དཀྱིལ་འཁོར་རྒྱ་མཚོའི་རྡོ་རྗེའི་སློབ་དཔོན་པདྨ་དབང་རྒྱལ་རྡོ་རྗེ་ཞེས་བྱ་བ་སྔ་འགྱུར་གྱི་བསྟན་འཛིན་བྱེ་བའི་དབུས་ན་མངོན་པར་མཐོ་བ་གང་དེས་འདི་སྐད་ཅེས་རྗེས་སུ་དགོངས་ཏེ། ཀྱེ་མ་དེང…

གསལ་བར་གྱིས་ཤིག་ཅེས་མཉན་པར་འོས་པའི་ངག་གིས་མཚམས་སྦྱར་ནའང་མི་མཁས་པ་དང་། མ་སྦྱངས་པ་དང་། རྣམ་པར་གཡེང་བའི་གཞན་དབང་གིས་སྨྲ་བར་འོས་པའི་སྐབས་མ་མཆིས་མོད། །དེ་ལྟར་ནའང་དམ་པའི་གསུང་རྣར་གཟོན་བགྱིད་པར་ཕོངས་ནས་ཚིག་འགྲེལ་མདོར་བསྡུས་སུ་འཆད་པ་ལ་གསུམ། ཀླད་དང་། གཞུང་དང་། མཇུག་གི་དོན་ནོ། །དང་པོ་ནི། ཨོཾ་སྭ་སྟི། ཞེས་པ་སྟེ…

ཞིག་བཀྲ་ཤིས་པའི་འཇུག་པའི་དབང་དུ་བྱས་ཏེ་བཤད་ན། འཇམ་དཔལ་སྒྱུ་འཕྲུལ་དྲྭ་བ་ལས། ཆོས་༡ཤེས་བཀྲ་ཤིས་བཀྲ་ཤིས་༢འབྱུང་། །བཀྲ་ཤིས་༣ཀུན་གྱི་བཀྲ་ཤིས་༤པ། །གྲགས་༥པའི་བཀྲ་ཤིས་སྙན་གྲགས་དགེ། །ཞེས་སྤྱིར་བཀྲ་ཤིས་པའི་ཚིག་གཅིག་ཉིད་བཤད་པའི་གཞིར་བཞག་སྟེ། ངོ་བོ་དང་། བྱེད་ལས། འབྲས་བུ་དང་། དེའི་ཁྱད་པར་དང་མཐར་ཕྱིན་པ་སྟེ་རྣམ་པ་ལ…

གསུམ་པ་ནི། སྭ་སྟི། ཞེས་པ་སྟེ་མིང་གི་གཙུག་ལག་ལས། སྭ་སྟི་ཤིས་པ་དགེ་ལེགས་དང་། །བསོད་ནམས་དང་ནི་ཤིན་ཏུ་དགའ། །ཞེས་དོན་དུ་མ་ལ་འཇུག་པར་བཤད་པས། སྐབས་འདིར་བདེ་ལེགས་སུ་གྱུར་ཅིག །ཅེས་གནས་སྐབས་སུ་མངོན་པར་མཐོ་བའི་བདེ་བ་དང་། མཐར་ཐུག་ངེས་པར་ལེགས་པའི་གོ་འཕང་ལ་དབང་འབྱོར་བའི་བཀྲ་ཤིས་དང་དགེ་མཚན་གྱི་སྣང་བས་ཡོངས་སུ་ཁྱབ་པ…

རབ་ཏུ་ཕྱེ་བའི་དོན་རང་གི་ངོས་ནས་གཅིག་དང་དུ་མའམ། རྒྱུ་དང་འབྲས་བུ་ལ་སོགས་པ་གང་དུ་གྲུབ་པའི་རིག་པས་དཔྱད་ན་བདེན་པའི་དངོས་པོར་གྲུབ་པ་རྡུལ་ཙམ་ཡང་མ་མཆིས་པའི་ཕྱིར་སྟོང་པ་དང་། རྟེན་འབྱུང་དབྱེར་མེད་པའི་དོན་ལ་ངེས་ཤེས་གཏིང་ཚུགས་པ་ཉིད་གཞིར་བཞག་སྟེ། དེ་ལྟ་བུའི་འོད་གསལ་སྟོང་པ་ཉིད་ཀྱི་གནས་ལུགས་གང་ཞིག་སངས་རྒྱས་ཐམས་ཅད་…

ཉིད་བཟུང་ཞིང་། དེ་ཉིད་ལས་གཞན་པའི་བསྒྲུབ་བྱ་ཁྱད་པར་ཅན་གུད་ན་མ་དམིགས་ཤིང་སྤྲོས་པའི་འགྱུར་བ་སྤངས་པའི་ཕྱིར་མཆོག་ཏུ་མི་འགྱུར་བའི་ཡེ་ཤེས་དང་། རྡོ་རྗེ་ཤེས་རབ་སྟོང་པ་ཉིད་དང་༑ སེམས་དཔའ་སྙིང་རྗེ་ཆེན་པོ་ལ་འཇུག་པས། སྐབས་འདིར་ཀཱ་རུ་ཎའི་སྒྲ་དོན་གཞན་བདེ་པ་འགོག་པ་སྟེ། ཟག་བཅས་ཀྱི་བདེ་བ་སྤངས་པའི་ཟག་མེད་བདེ་བའི་ཡེ་ཤེས…

སྤྱོད་ལ་གནས་པ་གཞིར་བཞག་ནས་ལམ་ལ་འཇུག་པར་བྱའོ། །དེ་ལ་ལམ་ཐམས་ཅད་ཐབས་ཤེས་སམ་ཐབས་གྲོལ་གཉིས་སུ་འདུ་བའི་ཚུལ་དང་། དེ་གཉིས་ཀྱང་སྤྱོད་ཚུལ་ཤས་ཆེ་ཆུང་ལས་ཡ་བྲལ་མ་ཡིན་པ་དང་། སྒྱུ་འཕྲུལ་རང་ལུགས་དབང་གསུམ་པའི་ཉམས་ལེན་ཁོ་ན་ཐབས་ལམ་དུ་བཞག་པའང་ཐབས་ཁྱད་པར་ཅན་གྱི་ཕྱིར་སྤྱི་མིང་བྱེ་བྲག་ལ་བཏགས་པའི་ཚུལ་རྣམས་ཀྱང་ཁོང་དུ་ཆུད་པར…

ཚོགས་ལམ་དུ་རིམ་པ་སྔ་མ་གཉིས་དང་བསྐྱེད་རིམ་ཕྱག་རྒྱ་གཅིག་པ་དང་འབྲེལ་བའི་དབེན་གསུམ་ལ་མཉམ་པར་བཞག་པས་ལྷར་སྣང་སྒྱུ་མ་ལ་སེམས་རྩེ་གཅིག་པའི་སྣང་ཕྱོགས་དང་། རྣམ་པ་དེས་དབེན་པའི་སྟོང་ཉམས་སུ་འབྱམས་པ་སྟོང་ཕྱོགས་ཏེ་ཉམས་སྐྱོན་ཅན་གཉིས་དང་། འོད་གསལ་དུ་སོགས་ཀྱི་ཉམས་ཤར་བ་ཟུང་འཇུག་གི་ངོ་བོ་ཉིད་ནི་ཉམས་སྐྱོན་མེད་དེ། དེ་ཉིད་…

དག་རིམ་བཞིན་དུ་ཐོབ་པར་འགྱུར་རོ། །གསུམ་པ་འབྲས་བུ་ནི། སློབ་པའི་ཟུང་འཇུག་ཉིད་འབྲས་བུའི་འོད་གསལ་དུ་སྦྱངས་ཤིང་། མི་སློབ་པའི་ཟུང་འཇུག་གི་སྐུ་ཁ་སྦྱོར་ཡན་ལག་བདུན་དང་ལྡན་པ། རིགས་ཐམས་ཅད་ཀྱི་ཁྱབ་བྱེད་ཀུན་བཟང་རྡོ་རྗེ་འཆང་ཆེན་པོའི་གོ་འཕང་མངོན་དུ་བྱས་པའང་བླ་མའི་ཐུགས་རྣམ་པར་མི་རྟོག་པའི་ངོ་བོ་གསལ་སྟོང་ཟུང་འཇུག་གི་ལ…

གསུངས་པའི། དང་པོ་ནི། ཆོས་ཐམས་ཅད་ཀྱི་གནས་ལུགས་དབྱིངས་སྟོང་པ་ཉིད་དང་རིག་པའི་ཡེ་ཤེས་དབྱེར་མེད་པའོ། །གཉིས་པ་ནི། ལམ་གྱི་རྩོལ་བ་དང་བཅས་པའི་བྱེད་པས་གོང་མའི་ལམ་སྟེགས་སམ་རྐྱེན་དུ་གྱུར་པ་མཚན་ཉིད་སྡེ་གསུམ་མོ། །གསུམ་པ་ནི། བདེན་གཉིས་དབྱེར་མེད་དུ་རྟོགས་པས་འབྲས་བུ་གཞན་ནས་མི་འཚོལ་བ་སྔགས་ཕྱི་ནང་གི་ཐེག་པ་སྟེ། དེ་ལས་ཁ…

སྐྱེས་དཔེ་ཡི་འོད་གསལ་ཉིད་བསྒྲུབ་བྱར་བྱས་ཏེ། སྒྲུབ་བྱེད་ཀྱི་ཐབས་སྟེང་འོག་གི་སྒོ་གཉིས་ལས། འདིར་སྔ་མ་ལྟར་བཤད་ན། འཁོར་བར་འཆིང་བྱེད་ཀྱི་གཙོ་བོ་མ་དག་པའི་ལས་ཀྱི་རླུང་ཉི་ཁྲི་ཆིག་སྟོང་དྲུག་བརྒྱ་དང་། གཟུང་འཛིན་གྱི་སེམས་རྟོག་ཚོགས་བརྒྱད་ཁྲི་བཞི་སྟོང་ས་བོན་དང་བཅས་པ། ཁྱབ་བྱེད་རླུང་གི་རྣལ་འབྱོར་བདུན་དང་། རྣམ་པར་མི…

དངོས་རིག་གི་ཕྱག་རྒྱའི་ཉེ་རྒྱུས་མཚམས་སྦྱོར་བ་དང་བཅས་པས་ཚོགས་ལམ་འདུན་པ་སེམས་པ་དང་། སྦྱོར་ལམ་རིག་ཆེན་འབྱེད་པ་དག་ཐོབ། དོན་གྱི་ཡེ་ཤེས་ཕྱོགས་གཅིག་པ་མཐོང་ལམ་དབུགས་ཆེན་འབྱིན་པ་མངོན་སུམ་དུ་བྱས། དེ་ལས་ལངས་པ་ན་སྒོམ་ལམ་ལུང་ཆེན་ཐོབ་པ་དང་། མཐར་ལམ་རྩལ་ཆེན་རྫོགས་པ་དག་བགྲོད་ནས། རྟེན་དེ་ལ་འདོད་ཆགས་ཆེན་པོའི་དབང་གིས་ཁུ…

ངག་སྡེ་རྒྱུད་བཅུ་བདུན་གྱི་རྩ་བ་སྒྲ་ཐལ་འགྱུར་ལས། ཡེ་ཤེས་རང་རིག་གནས་པ་ལ། །གསུམ་གྱི་ཚུལ་གྱིས་དབྱེར་མེད་དོ། །ཞེས་གཞི་ཀ་དག་དང་ལྷུན་གྲུབ་ཟུང་འཇུག་གི་ཚུལ་གཏན་ལ་ཕབ་ནས། ལམ་ཁྲེགས་ཆོད་དང་ཐོད་རྒལ་དབྱེར་མེད་པར་ཉམས་སུ་བླངས་པས། འབྲས་བུ་སྐུ་དང་ཡེ་ཤེས་རང་ཤར་བའི་ཕྱིར་གཞི་ལམ་འབྲས་གསུམ་དུ་རྣམ་པར་བཞག་པ་ལས། དང་པོ་ནི། །གཞ…

སེམས་ཅན་ལ་སྣང་ནུས་པའོ། །ཞེས་གསུངས་པའི་ཕྱིར་རོ། །གཉིས་པ་ནི། ཐུན་མོང་གི་གྲུབ་མཐས་བློ་བསྒྱུར་བ་སྔོན་དུ་སོང་བས། དབང་བཞི་པ་ཉིད་ལས་རིམ་པར་ཕྱེ་བའི་སྤྲོས་བཅས་ལ་སོགས་པའི་དབང་བཞི་དང་དེའི་གཞི་རྟེན་དམ་ཚིག་གི་ཀུན་སྤྱོད་ཁྱད་པར་ཅན་གྱིས་གོ་ཕྱེ་ནས་ཁྲེགས་ཆོད་དང་ཐོད་རྒལ་གྱི་ལམ་ཟབ་མོར་འཇུག་པར་བྱ་སྟེ། དང་པོ་ནི། ཐལ་འགྱུར…

མིག་ཏུ་འབྲེལ་བའི་རྩ་རྒྱང་ཞགས་ཆུ། སྤྲིན་བྲལ་ནམ་མཁར་མཐིང་ཞུན་ལྟ་བུའི་འོད་ཟླུམ་དག་པ་དབྱིངས་རྡོ་རྗེ་ལུ་གུ་རྒྱུད་གསེར་སྐུད་ལྡིང་བ་ལྟ་བུ་ཐིག་ལེ་སྟོང་པའི་སྒྲོན་མ་ཞེས་ངེས་པར་བྱས་ནས། བཅའ་བ་ལུས། འཁྲིད་པ་དབྱིངས། འགྲོ་འོང་རླུང་། འཆར་བྱེད་སྒོ། འཆར་བྱ་ཡུལ། རྩ་བ་སེམས་ཀྱི་གནད་རྣམས་རྡོ་རྗེ་སློབ་དཔོན་གྱི་གསུང་གི་བདུད…

མའི་དབང་དུ་བྱས་ན། གཞི་དེ་ལས་འཕགས་པའི་གཞི་སྣང་ཁྱད་ཆོས་དྲུག་ལྡན་རང་བཞིན་ཀ་དག་གི་ཡེ་ཤེས་གཅིག་པུའི་ཀློང་དུ་མི་སློབ་པའི་ཟུང་འཇུག་ལོངས་སྐུ་རྣམ་པ་གཉིས་དང་། སྤྲུལ་པའི་སྐུ་གསུམ་སོགས་སྐུ་དང་ཡེ་ཤེས་རྒྱ་མཚོ་ལྟ་བུ་ས་བོན་གྱི་ཚུལ་དུ་རྫོགས་པ་མངོན་སུམ་དུ་བྱས་པ་ན། དེ་ལས་གོང་དུ་འཐོབ་བྱ་གཞན་མ་དམིགས་པའི་ཕྱིར་ཆེན་པོའི་སྒ…

བསྐྱེད་རྫོགས་སྡེ་གསུམ་དང་། དབང་བཞིའི་ལམ་འབྲས་བུ་དང་བཅས་པ་དག་ཕན་ཚུན་ལྟོ་སྦྱར་ཏེ། ཐུན་མོང་བ་དང་མི་འགལ་ཞིང་། ཐུན་མོང་མ་ཡིན་པ་དག་མ་འདྲེས་པའི་ཚུལ་གྱིས་རྒྱ་ཆེར་སྤྲོས་པས་ཆོག་གོ། །ཞར་ལ་གསོལ་འདེབས་འདི་ཉིད་ཉམས་སུ་བསྟར་བའི་སྐབས་ཀྱི་དམིགས་རྣམ་ཅུང་ཟད་བཤད་ན། ངེས་འབྱུང་དང་། ལྷག་པའི་བསམ་པས་གཞི་བཟུང་ཞིང་། བླ་མའི་རྣམ…

ཟེར་བདུད་རྩིའི་རྣམ་པར་སྤྱན་དྲངས་ནས་ཐིམ་པའི་སྐད་ཅིག་དེ་ཉིད་ལ་མགོན་པོ་ཚེ་དཔག་ཏུ་མེད་པའི་སྐུར་གྱུར་ཏེ་ཇི་སྲིད་འཁོར་བ་མ་སྟོང་བར་དུ་ཆོས་འཁོར་བསྐོར་བཞིན་དུ་བཞུགས་པར་བསམས་ལ་བསྔོ་སྨོན་གྱིས་རྒྱས་གདབ། རང་དོན་དུ་ཚེ་སྒྲུབ་བྱེད་ནའང་།. ཕྱག་གི་བུམ་པ་ལས་འཆི་མེད་བདུད་རྩིའི་རྒྱུན་དཔག་ཏུ་མེད་པ་བབས། རང་གི་སྤྱི་བོ་ནས་ཞུ…

བའི་ཚལ་ཆེན་པོར་ཟིན་བྲིས་སུ་ཤིན་ཏུ་སྙིང་པོར་དྲིལ་བའི་ཚུལ་གྱིས་ཤར་མར་སྤེལ་བ་སྟེ། ནོངས་པའི་ཚོགས་རྣམས་ཡེ་ཤེས་གཟིགས་པ་དམ་པས་བསལ་དུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།སྦྱངས་པའི་ཡོན་ཏན་བཅུ་གཉིས་ཀྱི་རྣམ་པར་བཤད་པའི་ལེའུ་ཚན་ནོ། །ན་མཤཱཀྱ་མུ་ན་ཡེ། སྤྱིར་སྦྱངས་པའི་ཡོན་ཏན་ལ་བཅུ་གཉིས་ཡོད་དེ། ཟས་ཀྱི་དབང་དུ་བྱས་པ་…