བདེར་བརྗོད་ན། ཤེས་རབ་རང་བྱུང་གི་སྒྲོན་མ་སྤྲོས་བྲལ་གཉུག་མའི་ཡེ་ཤེས་ཀ་དག་ཁྲེགས་ཆོད་ཀྱི་དགོངས་པ་རིག་སྟོང་ཟང་ཐལ་དུ་རྟོགས་པ་དེའི་དབྱིངས་ནས། འོད་གསལ་གྱི་སྣང་བ་དཔག་ཏུ་མེད་པ་འཆར་བའི་སྐབས་སུ་རྒྱང་ཞག་ཆུའི་སྒྲོན་མ་འོད་རྩ་དཀར་གྱི་སྐུད་པ་ལྟ་བུས་རིག་གདངས་འཆར་བའི་སྒོ་ཕྱེ་ནས། དག་པ་དབྱིངས་ཀྱི་སྒྲོན་མ་འོད་ལྔ་འཇའ་ཚོན་…

གདོད་ནས་རྣམ་དག་དང་པོའི་སངས་རྒྱས་ཉིད། །དབྱེར་མེད་ཐིག་ལེའི་གཟུགས་སུ་གང་སྣང་བ། །དེ་ལས་སྤྲོས་ཚེ་སྐུ་གསུམ་སྣོད་བཅུད་དང་། །བསྡུས་ཚེ་སྟོང་ཉིད་སྙིང་རྗེ་ཆོས་ཀྱི་སྐུ། །ཐིག་ལེ་ཉག་གཅིག་ཡིད་ཡུལ་གཡོ་མེད་ཤོག །ཅེས་པ་ནི། ཀ་དག་ཁྲེགས་ཆོད་ཀྱི་ལྟ་བས་སྲིད་པའི་ཁུངས་བདག་འཛིན་གྱི་རྩ་བ་བཅད་དེ། རང་གནས་ཆོས་ཉིད་ཀྱི་གདར་ཤ་བཅད། ལ…

ནི། སླར་ཡང་རྡོ་རྗེ་ལྟ་བུའི་ཏིང་འཛིན་གྱིས། །གཉིས་སྣང་འཁྲུལ་པའི་བག་ཆགས་ཀུན་བཅོམ་ནས། །རིམ་པ་བཞི་པའི་དོན་གྱི་འོད་གསལ་དང་། །དབྱེར་མེད་ལྷན་ཅིག་སྐྱེས་པ་བདེ་བའི་དངོས། །བདེན་གཉིས་ཟུང་དུ་འཇུག་པའི་ཧེ་རུ་ཀ །མཁའ་དབྱིངས་ཤར་བ་དབང་པོའི་གཞུ་བཞིན་དུ། །གསལ་མདངས་འོད་ཟེར་ལྔ་ཡི་དྲ་བ་ཅན། །སྟོབས་བཅུ་མི་འཇིགས་བཞི་དང་སོ་སོར་…

བཞེངས་པ་ལ་མཁའ་དབྱིངས་ཤར་བའི་དབང་པོའི་གཞུ་སྟེ། ནམ་མཁའ་ལ་འཇའ་ཚོན་ཤར་བའི་དཔེས་མཚོན་ནས་ཆོས་སྐུའི་གདངས་ལོངས་སྤྲུལ་གྱི་རྣམ་པའི་གཟུགས་སྐུ་གཉིས་སུ་གྲུབ་པ་ལ་སྟོབས་བཅུ་དང་མི་འཇིགས་པ་བཞི་ལ་སོགས་ཡོན་ཏན་མཐའ་དག་རྫོགས་པའི་སངས་རྒྱས་དང་། དེའི་བླ་ན་མེད་པའི་ཡོན་ཏན་གྱི་རང་བཞིན་གཞལ་དུ་མེད་པ་ཉིད་ལས། གཞོན་ནུ་མ་ལ་པྲ་ཕབ་པའི…

བགྲང་བ་ལས་འདས་པའི་སེམས་ཅན་གྱི་ཁམས་རྒྱ་མཚོ་ལྟ་བུ་ལ་ཇི་སྙེད་དེ་མང་པོའི་སྒྲས་དེ་སྙེད་སོ་སོའི་ཁམས་དང་བསམ་པའི་དབྱེ་བ་ཐ་དད་པ་བཞིན་རང་རང་སོ་སོའི་སྐད་དུ་རྒྱུ་དང་འབྲས་བུའི་ཐེག་པ་གཉིས་ལས་བརྩམས་པའི་ཆོས་ཀྱི་ཚུལ་རྒྱ་མཚོ་ལྟ་བུ་ལེགས་པར་འཆད་ཅིང་ལེགས་པར་སྟོན་པ་ལ་སྐྱོ་དུབ་དང་ངལ་བའི་གནས་མཐའ་དག་བཟོད་པར་ཤོག་ཅིག་པའོ། །གས…

ལ་སོགས་རང་བཞིན་སྤྲུལ་པའི་ཞིང་དུ་འཕོས་ནས་བསྐྱེད་རྫོགས་ལམ་ཀྱི་རིམ་པ་འཕྲོ་མཐུད་པར་ཤོག་ཅིག་ཅེས་སྨོན་པའོ། །གསུམ་པ་མཇུག་གི་དོན་ལ་གཉིས། གཞུང་དོན་འབྱེད་པའི་བློ་གྲོས་ཐོབ་པར་སྨོན་པ་དང་། སྐྱེ་བ་དང་ཚེ་རབས་ཐམས་ཅད་དུ་དཔལ་ལྡན་བླ་མ་དང་མི་འབྲལ་བར་སྨོན་པའོ། །དང་པོ་ནི། དེ་ལྟར་རྒྱུ་ལམ་འབྲས་བུའི་ཁྱད་པར་ལས། །སྐུ་དང་ཞིང་ཁ…

གཉིས་སོ་སོར་འབྱེད་ནུས་པའི་བློ་གྲོས་ཀྱི་སྤོབས་པ་ཁྱད་པར་ཅན་ཐོབ་པར་ཤོག་ཅིག་པར་སྨོན་པའོ། །གཉིས་པ་ནི། བདག་ཀྱང་འདི་ནས་ཚེ་རབས་ཐམས་ཅད་དུ། །རྗེ་བཙུན་བླ་མ་མཆོག་དང་མི་འབྲལ་ཞིང་། །དེས་གསུངས་གསུང་གི་བདུད་རྩི་མྱོང་བ་དང་། །དེ་དོན་སྒྲུབ་ལ་ཞུམ་པ་མེད་པ་ཡི། །ཚེ་རབས་ཀུན་ཏུ་ཡོངས་འཛིན་དམ་པ་དང་། །ནམ་ཡང་འབྲལ་མེད་རྗེས་སུ་འཛ…

འཛིན་པར་ཤོག་ཅིག་པའོ། །ཅེས་པ་འདི་ནི་མངའ་བདག་ཁྲི་སྲོང་ལྡེའུ་བཙན་གྱི་འབྲས་བུ་མཐར་ཕྱིན་པའི་སྐུ་མ་ཧཱ་པཎྜིཏ་འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་ཁྲིད་ལུང་ཟབ་ཅིང་རྒྱ་ཆེ་བ། གནས་མཆོག་འཆི་མེད་དཀར་མོ་སྟག་ཚང་བསམ་འགྲུབ་ཀེའུ་ཚང་གི་གཏེར་གནས་ཀྱི་སྒོ་དབྱེ་བའི་སྐབས་སུ་གནས་དེ་ཉིད་ཀྱི་དབུ་རྩེ་དང་གནས་ཀྱི་སྙིང་པོར། ག…

ཤྲཱི ཙ ཀྲ ས སྦ རཾ ས ཧ ཛཱ ནི བི ཏཱ མཱ ཏུ སྨཱ དྷ པཱུ ཛ སྱ བི དྷ ཡོ༔ བ ཀྲ ཋ ནྟི གནྟཾ པི ཎྜ བི ཧ ར ཏི སྨ།། དཔལ་འཁོར་ལོ་སྡོམ་པ་ལྷན་ཅིག་སྐྱེས་པ་ཡབ་ཡུམ་གྱི་སྒྲུབ་ཅིང་མཆོད་པའི་ཆོ་གའི་ངག་འདོན་སྙིང་པོར་དྲིལ་བ་བཞུགས་སོ། །

དཔལ་ལྡན་བདེ་མཆོག་ལྷན་ཅིག་སྐྱེས། །ཁྱབ་བདག་བླ་མ་ལ་བཏུད་ནས། །གང་དེའི་སྒྲུབ་ཅིང་མཆོད་པའི་ཚུལ། །གྲུབ་པའི་ཞལ་ལུང་སྙིང་པོར་དྲིལ། །དེ་ལ་འདིར་རྗེ་བཙུན་འཇའ་ཚོན་གྱི་སྐུ་ཅན་རས་ཆུང་ཞབས་ནས་ལེགས་པར་བརྒྱུད་པའི་འཁོར་ལོ་སྡོམ་པ་ལྷན་ཅིག་སྐྱེས་པ་ཡབ་ཡུམ་གྱི་སྒྲུབ་ཅིང་མཆོད་པའི་ཆོ་ག་ལ་གཉིས་ཏེ། ཡབ་བཀའ་དང་། ཡུམ་བཀའོ། །དང་པོ་…

ཅན་གྱི་ཚེ། དཀྱིལ་འཁོར་དང་མཆོད་པའི་ཡོ་བྱད་སོགས་མཐོང་བ་བརྒྱུད་པའི་ཕྱག་ལེན་བཞིན་འདུ་བྱས་ནས། རང་ཉིད་སྐད་ཅིག་གིས་བདེ་མཆོག་ཧེ་རུ་ཀའི་སྐུར་གྱུར་པར་བསམས་ལ་སྔོན་གཏོར། ཨོཾ་ཨཱཿཧཱུྃ་ཧ་ཧོ་ཧཱི༔ ལན་གསུམ་གྱིས་བརླབ། རང་གི་སྙིང་གའི་ས་བོན་ལས་འོད་ཟེར་འཕྲོས་པས་གནས་དང་གཞིའི་བདག་པོ་ལ་སོགས་པ་མཆོད་སྦྱིན་གཏོར་མའི་མགྲོན་དུ་གྱ…

པའི་ལྷ་ཀླུ་གནོད་སྦྱིན་འབྱུང་པོའི་ཚོགས་རྣམས་ལ་འབུལ་ལོ། །བཞེས་ནས་དཀར་ཕྱོགས་སྐྱོང་བ་རྣམས་ཀྱིས་བསྟན་པ་རིན་པོ་ཆེ་དར་ཞིང་འཇིག་རྟེན་དུ་དགེ་ལེགས་རྒྱ་ཆེན་པོ་འབྱུང་བ་དང་། བདག་ཅག་དཔོན་སློབ་འཁོར་དང་བཅས་པའི་འགལ་རྐྱེན་བར་ཆད་ཐམས་ཅད་ཞི་ཞིང་མཐུན་རྐྱེན་ཐམས་ཅད་ཡིད་བཞིན་དུ་འགྲུབ་པར་མཛད་དུ་གསོལ། ནག་པོའི་ཕྱོགས་ལ་དགའ་བ་རྣ…

པ་གནས་དང་ཡོ་བྱད་རྣམས་ལ་འཐོར་བཞིན་པས། ཁཎྜ་རོ་ཧེས་བསང་། །སྭ་བྷཱ་ཝས་སྦྱང་། སྟོང་པའི་ངང་ལས་གནས་ཁང་ཧཱུཾ་ལས་ཐར་པ་ཆེན་པོའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ཕྱི་ནང་ཐམས་ཅད་ཨོཾ་ཨཱཧཱུཾ་འོད་དུ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་ཡོན། མེ་ཏོག་སོགས་ནས། རོལ་མོ་ལ་སོགས་པ་མཆོད་པའི་སྤྲིན་ཕུང་བསམ་གྱིས་མི་…

རང་ཧེ་རུ་ཀ་ལྷན་ཅིག་སྐྱེས་པའི་རྣམ་པར་བསམ་མོ། །གཉིས་པ་བུམ་བསྐྱེད་ནི། རྣམ་བུམ་དང་། ལས་བུམ་གཉིས་མགུལ་ཆིངས་སྔོ་དམར་གྱིས་དཀྲིས་ཤིང་དུང་ཆོས་གཟུངས་ཐག་རྣམས་བཤམས་ལ། ཁཎྜ་རོ་ཧིས་བསང་། སྭ་བྷཱ་ཝས་སྦྱང་། བུམ་པ་གཉིས་མི་དམིགས་ཏེ་སྟོང་པ་ཉིད་དུ་གྱུར། སྟོང་པའི་ངང་ལས་པོ་པཾ་ལས་པདྨ་དང་། ཨ་ཨ་ལས་ཟླ་བའི་གདན་གཉིས་ཀྱི་སྟེང་དུ།…

སྟེང་དུ་ལྷ་མོ་ཁཎྜ་རོ་ཧེ་སྐུ་མདོག་དམར་མོ་ཞལ་གཅིག་ཕྱག་གཉིས་པ། གཡས་གྲི་གུག་ནམ་མཁར་འཕྱར་ཞིང་། གཡོན་ཐོད་ཁྲག་ཐུགས་ཀར་འཛིན་པའི་གྲུ་མོ་ན་ཁ་ཊཾ་ག་འཛིན་པ། ཁྲོ་ལ་འཛུམ་པའི་ཞལ་མཆེ་བ་ཅུང་ཟད་གཙིགས་ཤིང་མཛེས་ལ་ཡངས་པའི་སྤྱན་གསུམ་དང་ལྡན་པ། དབུ་སྐྲ་སིལ་བུའི་སྟོད་ཆ་གྱེན་དུ་བརྗེས་པར་ནོར་བུ་དང་མེ་ཏོག་གི་ཕྲེང་བས་མཛེས་ཤིང་། …

ལ་སངས་རྒྱས་དང་བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ་ཨོ་བྷ་ག་ཝཱན་ཤྲཱི་ཧེ་རུ་ཀ་ཙཀྲ་སམྦ་ར་ཁཎྜ་རོ་ཧེ་ས་པ་རི་ཝཱ་ར་བཛྲ་ས་མཱ་ཛས་སྤྱན་དྲངས། ཨོ་བྷ་ག་ཝཱན་ཤྲཱི་ཧེ་རུ་ཀ་ཙཀྲ་སམྦ་ར་ཁཎྜ་རོ་ཧེ་ས་པ་རི་ཝཱ་ར་ཛ༔ཧཱུྃ་བཾ་ཧོས་དམ་ཡེ་བསྲེས། ཕོ་ཕོ། སླར་ཡང་བདག་དང་བུམ་ནང་གི་ལྷའི་ཐུགས་ཀའི་ས་བོན་ལས་འོད་ཟེར་འཕྲོས་པས་སོགས་ན…

ཚོགས་པས་བུམ་པ་གང་བར་བསམ་མོ། །གསུམ་པ་མདུན་བསྐྱེད་ནི། མདུན་རྟེན་ཁཎྜ་རོ་ཧེས་བསང་། སྭ་བྷ་ཝས་སྦྱང་། སྟོང་པའི་ངང་ལས་ནམ་མཁའི་ཁམས་སུ་སོགས་ནས། མོ་ཐམས་ཅད་རྡོ་རྗེ་ཕག་མོར་གྱུར། ཅེས་པའི་བར་བདག་བསྐྱེད་བཞིན་ལ། རང་ཉིད་དང་རང་གི་ཞེས་པའི་ཚིག་དོར། ཕོ་ཕོ། བདག་མདུན་གྱི་ཐུགས་ཀའི་ས་བོན་ལས་འོད་ཟེར་འཕྲོས་པས་མངོན་པར་དགའ་བའི་ཞ…

བཟླས་པ་བྱ། མཇུག་ཏུ་མཆོད་པ་རྣམས་ཁ་གསོ། །བསང་སྦྱང་བྱིན་རླབས་སྔོན་དུ་འགྲོ་བས་རྒྱས་པར་ཕྱི་ཉེར་སྤྱོད་འདོད་ཡོན། ནང་བདུད་རྩི། གསང་བ་རིག་མ་བཅུ་དྲུག དེ་ཁོ་ན་ཉིད་ཕྱག་རྒྱ་ཆེན་པོའི་མཆོད་པ་རྣམས་ཅི་ལྟར་རིགས་པའམ་བསྡུ་ན། ཨོཾ་གུ་རུ་ཤྲཱི་ཧེ་རུ་ཀ་ཙཀྲ་སམྦ་ར་བཱི་ར་ཡོ་གི་ནི་ས་པ་རི་ཝཱ་ར་མ་ཧཱ་ཨགྷཾ་པྲ་ཏཱི་ཙྪ་པཱུ་ཛ་མེ་གྷ་ས་མ…

དུ་ཨོཾ་ཨཱཿཧཱུྃ། ཞེས་མཆོད། བསྟོད་པ་རྒྱས་བསྡུས་ཇི་ལྟར་རིགས་པས་བསྟོད་ཅིང་གསོལ་བ་གདབ་བོ། །བཞི་པ་བདག་ཉིད་འཇུག་ཅིང་དབང་བླང་བ་ནི་ཟུར་དུ་གསལ་བ་ལྟར་རོ། །གསུམ་པ་རྗེས་ལ་གསུམ་ལས། དང་པོ་གཏོར་མ་བཏང་བ་ནི། ནང་མཆོད་ལྟར་བྱིན་གྱིས་བརླབས་ལ། ཨོཾ་གུ་རུ་མཎྜ་ལ་དེ་ཝ་ཌཱ་ཀི་ནི་དྷརྨ་པཱ་ལ་བཛྲ་ཡོ་ག་ཡོ་གི་ནཱི་ས་པ་རི་ཝཱ་ར་བ་ལིཾ་ཏ་…

མགྲོན་སྤྱན་དྲངས་ལ། ཛཧཱུྃ་བཾ་ཧོས་བསྟིམ། པདྨ་ཀ་མ་ལཱ་ཡ་ཧཱུཾ་གྱིས་གདན་ཕུལ། བླ་མ་ཡི་དམ་ལྷ་ཚོགས་ལ། །སྒོ་གསུམ་གུས་པས་ཕྱག་འཚལ་ལོ། །ཕྱི་ནང་གསང་གསུམ་མཆོད་པར་འབུལ། །དུག་གསུམ་དབང་གི་སྡིག་པ་བཤགས། །དུས་གསུམ་དགེ་ལ་རྗེས་ཡི་རང་། །ཐེག་གསུམ་ཆོས་འཁོར་བསྐོར་བཞིན་དུ། །ཁམས་གསུམ་འགྲོ་བའི་དོན་བཞུགས་གསོལ། །དགེ་བས་སྐུ་གསུམ་མྱ…