བསྟན་འཛིན་སྐྱེས་བུ་ཐམས་ཅད་ཞབས་པད་བརྟན། །བསྟན་པའི་སྦྱིན་བདག་སྡེ་བཞིའི་དཔལ་འབྱོར་རྒྱས། །བཤད་སྒྲུབ་བསྟན་པ་ཕྱོགས་མཐར་ཁྱབ་ཅིང་རྟག །ས་གསུམ་དགེ་ལེགས་འཕེལ་བའི་བཀྲ་ཤིས་སྩོལ། །ཅེས་པའང་དོན་གཉེར་ཅན་དག་གི་ངོར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པས་ལྕགས་མོ་ལུག་གི་ལོའི་ཆུ་སྟ…

ཨོ་སྭསྟི་སིདྡྷཾ། རྒྱལ་བའི་མྱུ་གུ་རྗེ་བཙུན་སྤྲུལ་པའི་སྐུ། །མཚོ་སྐྱེས་ཞབས་བཞིན་སྐུ་ཚེ་ཕྲིན་ལས་རྒྱས། །མཁན་ཆེན་ཇི་བཞིན་སྟོན་པ་གཉིས་པར་གྱུར། །ཆོས་རྒྱལ་ཆེན་པོའི་ཐུགས་བསྐྱེད་ཡོངས་རྫོགས་ཤོག ། ཅེས་རྩེ་གཅིག་གུས་པས་གསོལ་བ་འདེབས་མཚོན་བཀྲ་ཤིས་པའི་ལྷ་གོས། འཆི་མེད་སྐུ་གསུམ་ཐུགས་རྡོ་རྗེའི་སྣང་བརྙན། ༠ བཅས་བཀྲ་ཤིས་པའ…

ཨོཾ་སྭསྟི་སིདྡྷཾ། བསྐལ་བཟང་རྣམ་འདྲེན་བཞི་པ་ཤཱཀྱའི་ཏོག །མ་ཕམ་མགོན་སོགས་རྒྱལ་བ་སྲས་བཅས་དང་། །འཕགས་པའི་དགེ་འདུན་དཀར་ཕྱོགས་སྐྱོང་བའི་ལྷས། །དགེ་ལེགས་ཤིས་པའི་མེ་ཏོག་ཆར་དུ་བསྙིལ། །འཇམ་དབྱངས་བླ་མས་རྗེས་བཟུང་དམ་ཆོས་ཀྱི། །འབྱོར་པས་མངོན་མཐོ་བསླབ་

གསུམ་དབང་པོ་མཆོག །སྲིད་ཞིའི་ཕུན་ཚོགས་འཆི་མེད་གྲུབ་པའི་དཔལ། །མཁས་བཙུན་བཟང་པོའི་ཕྲིན་ལས་རྒྱས་གྱུར་ཅིག །ཚུལ་གནས་ཁྲིམས་ཀྱི་ཟླ་བའི་བདུད་རྩི་ཡིས། །ཉེས་པར་སྤྱོད་པའི་གདུང་བ་རིང་བཅིལ་ནས། །ཐར་པ་དམ་པའི་ངལ་འཚོས་རབ་བརྒྱན་པ། །ལྷར་བཅས་འཇིག་རྟེན་མཆོད་འོས་ཉིད་གྱུར་ཅིག །མང་དུ་ཐོས་པའི་ཟིལ་དངར་བཏུང་བ་ལས། །ཁ་ན་མ་ཐོའི་གན…

བྱུང་བས། །རང་གཞན་དོན་གཉིས་འགྲུབ་པའི་བཀྲ་ཤིས་ཤོག །ཅེས་དཔལ་ལྡན་སའི་དབང་ཕྱུག་བྱང་ཆུབ་སེམས་དཔའི་རིགས་ཡོངས་སུ་སད་པར་རྒྱལ་བ་སྲས་དང་བཅས་པས་བསྔགས་འོས་མཆོག་གཅིག་ཏུ་གྲུབ་པ་གང་ཉིད། །ཐུབ་བསྟན་རིན་པོ་ཆེའི་སྒོར་ཞུགས་བའི་སྐལ་བཟང་གི་དགེ་མཚན་སྲིད་ན་ལམ་མེར་གསལ་བའི་རབ་ཚེས་དཀར་པོའི་ལོ་ཆུ་སྟོད་ཟླ་བའི་དཀར་ཕྱོགས། བདག་ཅག་ག…

ན་མསྶརྦ་བུདྡྷ་བོ་དྷི་སཏྭཱ་ཡ་སུ་ཤེ་ཡནྟུ། །འཇམ་པའི་དབྱངས་སོགས་སྲས་བཅས་རྒྱལ་ཀུན་གྱིས། །ཆོས་ཀྱི་དབང་པོ་མཆོག་ཏུ་མངའ་གསོལ་བས། ཕུན་ཚོགས་འཆི་མེད་གྲུབ་པའི་དགེ་མཚན་དང་། །ཐར་བདེའི་དཔལ་འབྱོར་བཟང་པོ་རྒྱས་གྱུར་ཅིག །དཀར་པོའི་རིགས་ཀྱི་ས་བོན་མ་སྨད་པ། །

ཆོས་ལ་མོས་པའི་བདུད་རྩིས་བྲན་པ་ལས། །སྨོན་འཇུག་བྱང་ཆུབ་སེམས་ཀྱི་དཔག་བསམ་དབང་། །རྒྱལ་བའི་མྱུ་གུའི་ཚལ་དུ་སྐྱེད་བསྲིང་ཤོག །ཟང་ཟིང་སྦྱིན་པའི་རྫོགས་ལྡན་སྤྲིན་ཆེན་པོ། །འཇིགས་བཅས་གདུང་བ་སེལ་བའི་གྲིབ་བསིལ་ཅན། །ཟབ་རྒྱས་ཆོས་ཀྱི་འདོད་རྒུའི་ཆར་འབེབས་པས། །ཀུན་ལ་ཕན་བདེའི་དགའ་སྟོན་འཇོ་གྱུར་ཅིག །ཉེས་སྤྱོད་ཆ་བཅས་སྡོམ་…

བསྒོམས་པས་དོན་གྱི་དེ་ཉིད་རྟོགས། །ཤེས་རབ་ཟབ་མོའི་ཕ་རོལ་ཕྱིན་པར་ཤོག །བསྡུ་དངོས་བཞི་ཡིས་སེམས་ཅན་ཡོངས་སུ་སྨིན། །སྐྱོན་མེད་ཐར་པའི་ལམ་དང་ས་ལ་འཇུག །ཞིང་རྣམས་ཡོངས་སྦྱོང་སྲིད་། དང་ཞི་བའི་མཐར། །མི་གནས་མྱ་ངན་འདས་པ་ཉིད་གྱུར་ཅིག །སྟོབས་བཅུ་མི་འཇིགས་བཞི་དང་མ་འདྲེས་སོགས། །བྱང་ཆུབ་མཆོག་གི་ཡོན་ཏན་ཡོངས་རྫོགས་ཤིང་། །ག…

ཤྲཱི་བཱི་ཤྲཱི་སྭསྟི་བི་ཛ་ཡནྟུ། བཀྲ་ཤིས་གང་ཞིང་དཔལ་ལྡན་བླ་མ་དང་། །དབྱེར་མེད་རབ་འབྱམས་དཀྱིལ་འཁོར་ལྷ་ཚོགས་ཀྱིས། །རོལ་མོའི་སྒྲ་དང་མེ་ཏོག་ཆར་འབེབས་བཞིན། །ཁྱོད་ལ་རྟག་ཏུ་དགེ་ལེགས་སྦྱིན་གྱུར་ཅིག འཇམ་པའི་དབྱངས་བཞིན་བློ་གྲོས་མཆོག་གྱུར་པས། །ཆོས་ཀྱི་དབང་པོ་སྐལ་པ་ཕུན་སུམ་ཚོགས། །བདེ་ཆེན་འཆི་མེད་གྲུབ་པའི་དཔལ་དང་ལྡ…

རོལ་པ་དང་། །རྣམ་མང་སྤྲུལ་པའི་སྒྱུ་འཕྲུལ་དྲྭ་བ་ཡིས། །འགྲོ་ཀུན་བྱང་ཆུབ་ལམ་ལ་འགོད་གྱུར་ཅིག །མཁའ་འགྲོ་ཆོས་སྲུང་རྒྱ་མཚོའི་ཚོགས་ཀྱིས་སྐྱོངས། །ལམ་མཆོག་བསྒྲུབ་པའི་འགལ་རྐྱེན་ཀུན་བསལ་ནས། །མཐུན་རྐྱེན་རྒྱལ་བ་དགྱེས་པའི་དགེ་མཚན་གྱིས། །སྲིད་ཞིའི་ལེགས་ཚོགས་རྒྱས་པའི་བཀྲ་ཤིས་སྩོལ། །ཅེས་བོད་ཆེན་པོར་ལྗོངས་ཀྱི་བསྟན་འགྲོ…

ཨོཾ་སྭསྟི། པཎ་གྲུབ་རྣམས་ཀྱི་དབུ་ཡི་ཅོད་པན་འདིས། །རྒྱལ་སྲས་སེམས་དཔའ་ཆེན་པོར་མངའ་གསོལ་བས། །སྐུ་ཚེ་བརྟན་ཅིང་མདོ་སྔགས་རབ་འབྱམས་ཀྱི། །བཤད་སྒྲུབ་ལེགས་མཛད་རྒྱས་པའི་བཀྲ་ཤིས་ཤོག །སརྦ་དཱ་མངྒ་ལཾ་བྷ་བ་ཏུ། །འཇིག་བྲལ་དཔལ་ལྡན་བསྟན་པའི་ཉི་མ་འཆི་མེད་རྟག་པའི་རྡོ་རྗེ་སྲིད་ཞིའི་དབང་ཕྱུག་དོན་ཐམས་ཅད་ཡོངས་སུ་གྲུབ་པའི་སྡེ།…

བས་ཡིད་སྲུབས་མུན་པར་མཐར་མཛད་དེ། །སྲིད་ཞིའི་ཕུན་ཚོགས་པདྨོ་དར་བབས་དབང་བཅུའི་འབྲས་བུས་མངོན་ཕྱུག་པས། །དོན་ཀུན་ཐམས་ཅད་ཡོངས་སུ་གྲུབ་པའི་སྡེ་བཞིའི་དགེ་མཚན་རྒྱས་གྱུར་ཅིག ༡ །མཚན་བཟང་འཇམ་དཔལ་གཞོན་ནུའི་རོལ་སྒེག་དང་། །གསུང་ལ་དབྱངས་ཅན་ལྷ་མོའི་བྱིན་ཞུགས་པས། །ཕྱི་ནང་ཤེས་བྱའི་གནས་ཀུན་སྒྲིབ་མེད་དུ། །གཟིགས་ལ་སྲིན་ན་མ…

བ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའམ། གཙུག་ལག་སྨྲ་བའི་ཉི་མ་མཚོ་སྐྱེས་གཞོན་ནུའི་ལང་ཚོ་ཞེས་ཀྱང་བགྱི་བས་ལྷག་བསམ་རྣམ་པར་དཀར་བས་ཕུལ་བ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། ༈ །།དྷརྨ་རཱ་ཛ་སྱ་ཏིཏྟཾ་སྦྲ་ན་སྱ་བཎ་ཤུ་བྷཾ། །ཤཱི་སཱསྟི་བི་ཛ་ཡནྟུ…

བཅད་པ་དང་། འཆི་མེད་སྐུ་གསུང་ཐུགས་རྡོ་རྗེའི་སྣང་བརྙན། སྐུ་ཚེའི་ཚེ་རྫས་རིལ་བུ་བཅས་དེ་འཕྲལ་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཕུལ་བ་དགེ་ལེགས་ཀྱི་སྣང་བས་ཕྱོགས་དུས་ཐམས་ཅད་དུ་རྟག་ཅིང་ཁྱབ་པར་གྱུར་ཅིག། །།ཨོཾ་སྭ་སྟི་ཛཱི་པཾ་ཏིཥྛནྟུ། འཇིག་རྟེན་དབང་ཕྱུག་སྙིང་རྗེའི་ཉི་མ་ནི། །སྲིད་ན་སྲིད་པ་བཞིན…

རོལ་ལས་འདས་ཕྱིར། མཐར་གྱིས་འགགས་པའི་ཕ་མཐར་སུ་ཞིག་དྲངས། །དེ་སླད་ཤེས་རབ་ཟབ་མོའི་སྒེག་འཆང་བའི། །གཟིགས་པས་བསིལ་ལྡན་འགྲོ་འདིར་གཅིག་ཏུ་དགོངས། ༦ །ལྷག་པར་གྲུབ་པས་བསྙེན་པའི་གནས་མཆོག་ཏུ། བཞེད་རྒུའི་ལེགས་མཛད་གེགས་མེད་སྤེལ་ནས་སླར། །ཕྱོགས་འདིར་དགྱེས་པའི་ཟླ་ཤེལ་སྣང་བ་ཡིས། །དོན་གཉིས་ཀུ་མུད་ཁོང་ནས་རྒྱས་པར་མཛོད། ༧ ། …

ཏྲི བྱ མཱ རཱ ཡུ རྡེ བསྟུ ཏི བི ཧ ར ཏི སྨ། འཆི་མེད་ཚེ་ལྷ་རྣམ་གསུམ་གྱི་བསྟོད་པ་བཞུགས་སོ།

རྒྱ་གར་སྐད་དུ། ཨ་པ་རི་མི་ཏཱ་ཡུ་རཾ་སྟོ་ཏྲ། བོད་སྐད་དུ། ཚེ་དཔག་མེད་ལ་བསྟོད་པ། ཆོས་ཀྱི་འཁོར་ལོ་རྒྱ་ཆེན་བསྐོར། །སེམས་ཅན་སྡུག་བསྔལ་སྣ་ཚོགས་ཀུན། །མ་ལུས་པར་ནི་སེལ་མཛད་པའི། །སངས་རྒྱས་ཚེ་དཔག་མེད་ཕྱག་འཚལ། །རྡོ་རྗེ་སེམས་དཔའ་ལས་བྱུང་ཞིང་། །ཉེས་པའི་དྲི་མ་ཀུན་བཅོམ་པ། །རྡོ་རྗེའི་ལུས་ཅན་རྡོ་རྗེ་ཅན། །རྡོ་རྗེ་ཚེ་དཔག་…

མེད་ཕྱག་འཚལ། །འདོད་པའི་ལས་རྣམས་མ་ལུས་པ། །སྐད་ཅིག་ཉིད་ཀྱིས་རྫོགས་པའི་དཔལ། །བསམ་ཀུན་འཕེལ་བྱེད་དཔག་བསམ་ཤིང་། །ལས་ཀྱི་ཚེ་དཔག་མེད་ཕྱག་འཚལ། །ཉེས་པ་ཀུན་ལས་ཁྱོད་གྲོལ་ནས། །སྣ་ཚོགས་ཡོན་ཏན་ཀུན་གྱིས་བརྒྱན། །འཁོར་བའི་སྐྱབས་མཛད་དཔའ་བོ་སྟེ། །ཀུན་གཟིགས་ཚེ་དཔག་མེད་ཕྱག་འཚལ། །སྟོབས་ཆེན་རྣམས་ཀྱིས་རབ་བརྒྱན་ཏེ། །མི་མཐུན་…

རྟོག་ལས་ཁྱོད་གྲོལ་ནས། །མཐའ་བྲལ་ཏིང་འཛིན་ཞི་བ་སྟེ། །བདུད་དང་མུ་སྟེགས་འཇོམས་མཛད་པའི། །མི་གཡོ་ཚེ་དཔག་མེད་ཕྱག་འཚལ། །འཁོར་བའི་སེམས་ཅན་གང་ཡང་རུང་། །ཁྱོད་ཀྱི་མཚན་ཙམ་འཛིན་པ་ལ། །ཚེ་དང་ཡེ་ཤེས་སྩོལ་མཛད་པའི། །ཚེ་དཔག་མེད་ལ་ཕྱག་འཚལ་ལོ། །བྱང་ཆུབ་སེམས་དཔའ་ཛེ་ཏཱ་རི་དགྲ་ལས་རྣམ་པར་རྒྱལ་བས་མཛད་པའོ། །འཆི་མེད་མགོན་པོའི་ལ…

བ་ཡིས། །ལུས་སེམས་འཆི་མེད་གྲུབ་པར་ཤོག །རིན་ཆེན་བདུན་དང་རྫས་བརྒྱད་སོགས། །སྲིད་ཞིའི་འབྱོར་པས་དགེ་བྱས་མཐུས། །འཇིག་རྟེན་འཇིག་རྟེན་འདས་པ་ཡི། །བཀྲ་ཤིས་སྣང་བ་འབར་གྱུར་ཅིག །མདོར་ན་འདི་ནས་བྱང་ཆུབ་བར། །དཔག་མེད་མགོན་པོས་རྗེས་བཟུང་ནས། །དེ་དང་བསོད་ནམས་ཡེ་ཤེས་ཀྱི། །གྲུབ་གཉིས་དགེ་མཚན་འཕེལ་བར་ཤོག །ཅེས་པའི་འདོད་གསོལ་…