བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོང་བར། །མྱ་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིང་བ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། …

ཀྱིས། །མྱུར་དུ་དབང་ནི་བསྐུར་བར་འགྱུར་ལ། །འདི་ལས་ཆེ་བ་ཉིད་ནི་ཐོབ་ཅིང་། །སངས་རྒྱས་གོ་འཕང་མཐར་ཐུག་དེར་འགྲོ། །དེ་ཡི་དུག་ནི་དྲག་པོ་ཆེན་པོ། །བརྟན་གནས་པའམ་གཞན་ཡང་འགྲོ་བ། །ཟོས་པ་དང་ནི་འཐུངས་པ་ཉིད་ཀྱང་། །དྲན་པས་རབ་ཏུ་སེལ་བ་ཉིད་ཐོབ། །གདོན་དང་རིམས་དང་དུག་གིས་གཟིར་བའི། །སྡུག་བསྔལ་ཚོགས་ནི་རྣམ་པར་སྤོང་སྟེ། །སེམས་…

རྗེས་བཟོད་པར་མཛད་དུ་གསོལ། །ཞེས་པས་ནོངས་བ་བཟོད་པར་གསོལ། མདུན་དུ་བཞུགས་པའི་ཡེ་ཤེས་པ་རྣམས་རྟེན་དང་དབྱེར་མེད་དུ་བཞུགས་པར་བསམས་ལ་མེ་ཏོག་འཐོར། དགེ་བ་འདི་ཡིས་མྱུར་དུ་བདག །རྗེ་བཙུན་སྒྲོལ་མ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག། །ཅེས་དགེ་བ་བསྔོ་ཞིང་འཁོར་གསུམ་མི་དམིགས་པའི་ལྟ་བས་རྒྱས་…

འཇིག་རྟེན་ལས་འདས་པའི་དཔལ་གྱིས་འབྱོར་པ་ནི་ངེས་པའོ། །རྗེ་བཙུན་མྱུར་མ་དཔལ་མོའི་ཞབས། །མཆོད་པའི་ཐབས་ཚུལ་དཔྱིད་དཔལ་གྱིས། །ཕན་བདེའི་ཨུཏྤལ་རྒྱས་པའི་ཕུལ། །འགྲོ་རྣམས་ཉེར་འཚེའི་སླད་གྱུར་ཅིག །ཅེས་པའང་ལྔ་བརྒྱ་པ་རྣམས་ཀྱི་གཙུག་གི་ནོར་བུ་དཔལ་ལྡན་ཨ་ཏི་ཤ་ནས་རིམ་པར་བརྒྱུད་པའི་མན་ངག་དཔལ་སྣར་ཐང་གི་མཁན་པོ་མཆིམས་སྟོན་ནམ་མ…

རིག་བྱེད་མའི་སྒོམ་བཟླས་སྙིང་པོར་དྲིལ་བ་སྲིད་གསུམ་ཡིད་འཕྲོག་ཅེས་བྱ་བ་བཞུགས་སོ།། །།

ན་མོ་གུ་རུ་ཀུ་རུ་ཀུ་ལླི་པ་དཱ་ཡ། འདིར་བསྡུས་པའི་ཚུལ་གྱིས་རྗེ་བཙུན་མ་ཀུ་རུ་ཀུ་ལླེ་བསྒོམ་པར་འདོད་པས་བདེ་བའི་སྟན་ལ་བསམ་གཏན་གྱི་སྤྱོད་ལམ་དང་ལྡན་པས་འཁོད། སྐྱབས་ཡུལ་གསལ་གདབ། སྐྱབས་སེམས་ནི། བདག་སོགས་འགྲོ་ཀུན་བྱང་ཆུབ་བར། །བླ་མ་དཀོན་མཆོག་རྣམ་གསུམ་ལ། །གུས་པས་སྐྱབས་མཆི་གཞན་དོན་ཕྱིར། །ཟབ་མོའི་རྣལ་འབྱོར་བསྒོམ་པར་…

རུ་ཀུལླེ་མཎྜ་ལེ་བྷྱཿ ཨོཾ་གུ་རུ་ཤྲཱི་ཀུ་རུ་ཀུལླེ་མཎྜལ་ས་པ་རི་ཝཱ་ར་ཨརྒྷཾ། པཱ་དྱཾ། པུཥྤེ། དྷུ་པེ། ཨཱ་ལོ་ཀེ། གནྡྷེ། ནཻ་བིདྱཱ། ཤཔྟ་པྲ་ཏཱི་ཙྪ་སྭཱ་ཧཱ། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རངས། །སངས་རྒྱས་བྱང་ཆུབ་ཡིད་ཀྱིས་གཟུང་། །སངས་རྒྱས་ཆོས་དང་ཚོགས་མཆོག་ལ། །བྱ…

རྒྱས་འགྲུབ་པར་ཤོག །ལན་གསུམ། སེམས་ཅན་བདེ་ལྡན་སྡུག་བསྔལ་བྲལ། །བདེ་ལས་ཉམས་མེད་བཏང་སྙོམས་ཤོག །ཚོགས་ཞིང་རང་ལ་ཐིམ་པར་གྱུར། །ཡེ་ཤེས་ཀྱི་ཚོགས་བསགས་པ་ནི། །ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོཉ་ཧཾ། ཞེས་བརྗོད་པས་ཆོས་ཐམས་ཅད་འོད་གསལ་སྟོང་ཉིད་དུ་བསམ་ལ་བློ་བཞག །སྟོང་པའི་ངང་ལས་ཕྱི་རོལ་ཏུ། །དུར་ཁྲོད་བརྒྱད་ཀྱིས་བས…

བསྐུམ་གཡོན་བརྐྱང་གར་སྟབས་འགྱིང་། །མཐོང་ཐོས་དྲན་པས་ཡིད་འཕྲོག་ཅིང་། །འོད་འབར་ཉི་མའི་རྒྱབ་ཡོལ་མཛད། །གནས་གསུམ་འབྲུ་གསུམ་འོད་ཟེར་གྱིས། །ཡེ་ཤེས་སེམས་དཔའ་ས་མཱ་ཛ༔ ཨོཾ་ཤྲཱི་ཀུ་རུ་ཀུལླེ་ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་བི་དྱ། ཤཔྟ་པྲ་ཏཱི་ཙྪ་སྭཱ་ཧཱ། ཛཿཧཱུྃ་བྃ་ཧོ་རང་ལ་ཐིམ། སླར་ཡང་དབང་ལྷ་སྤྱན་དྲ…

མཆོད་པར་ཅི་ནུས་སུ་བཟླ། ཐུན་ལས་ལྡང་བ་ན། གནས་གསུམ་དུ་རྡོ་རྗེ་གསུམ་གྱི་ངོ་བོ་འབྲུ་གསུམ་གྱིས་མཚན་པར་མོས་ལ། ཨོཾ་ཨཱཿཧཱུྃ་ཞེས་བརྗོད། དགེ་བ་འདི་ཡིས་མྱུར་དུ་བདག །རིག་བྱེད་དབང་མོ་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཚེ་རིང་ནད་མེད་འབྱོར་ལྡན་ཞིང་། །འགྲོ་ཀུན་རྟག་ཏུ་འདུན་པ་དང་། །ཇི་ལྟར…

༈ རིག་བྱེད་མའི་སྒྲུབ་ཐབས་དང་རྗེས་གནང་གི་སྐབས་སུ་ཉེ་བར་མཁོ་བའི་ཟིན་བྲིས་བཞུགས་སོ། །ཨོཾ་སྭ་སྟི། ངོར་ཆེན་ཐམས་ཅད་མཁྱེད་པ་དཀོན་མཆོག་ལྷུན་གྲུབ་ཀྱིས་མཛད་པའི་རིག་བྱེད་མའི་སྒྲུབ་ཐབས་ཀྱི་སྐབས་སྐྱབས་སེམས་ནི། སྐྱབས་ཡུལ་མདུན་གྱི་ནམ་མཁར་སེང་གེའི་ཁྲི་དང་པད་ཉི་ལ་བླ་མ་འོད་དཔག་མེད་ལོངས་སྤྱོད་རྫོགས་སྐུ་དམར་པོ་མཉམ་གཞག་…

རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་ཅི་ནུས་ཀྱི་མཐར་ཐལ་མོ་སྦྱར་ཏེ། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ལ་བདག་ཕྱག་འཚལ་ཞིང་སྐྱབས་སུ་མཆིའོ། །ཁྱེད་རྣམས་ཀྱིས་བདག་གི་རྒྱུད་བྱིན་གྱིས་བརླབ་ཏུ་གསོལ། །ཞེས་ལན་གཅིག །སེམས་ཅན་ཐམས་ཅད་ཀྱི་དོན་དུ…

ལས་མེའི་དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། དེའི་སྟེང་དུ་ཨ་ལས་ཐོད་པ་དཀར་པོ་དུམ་བུ་གསུམ་པ་དཔྲལ་བ་རང་ལ་བསྟན་པ། དེའི་སྟེང་དུ་ཨ་ལས་ཟླ་བའི་དཀྱིལ་འཁོར། དེའི་སྟེང་དུ་ཤར་དུ་གོ་ལས་བ་གླང་གི་ཤ །ལྷོར་ཀུ་ལས་ཁྱིའི་ཤ །ནུབ་ཏུ་ད་ལས་རྟའི་ཤ །བྱང་དུ་ཧ་ལས་གླང་པོ་ཆེའི་ཤ །དབུས་སུ་ན་ལས་མིའི་ཤ །ཤ་དེ་རྣམས་རེ་རེའི་སྟེང་ད…

རྩི་ལྔ་རྣམས་བསྐོལ་ཞིང་འོད་དུ་ཞུ་བའི་རླངས་པ་གྱེན་ལ་སོང་བས་ཨོཾ་དང་རྡོ་རྗེའི་ལྟེ་བའི་ཧཱུྃ་ལས་ཕོག་པས་བདུད་རྩིའི་རྒྱུན་འཛག །ཡང་ཧཱུྃ་ལས་འོད་ཟེར་ཕྱོགས་བཅུར་འཕྲོས་པས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡང་དག་པའི་ཡེ་ཤེས་ཀྱི་བདུད་རྩི་རྣམས་ཧེ་རུ་ཀ་ཕྱག་གཉིས་པའི་རྣམ་པར་བྱོན་ཏེ་རྡོ་རྗེའི་ལྟེ་བའི་ཧཱུྃ་ལ་ཐིམ་པས་རྡ…

རླུང་རོ་དགུ་ཕྲུགས་སམ་ལན་གསུམ་བསལ་ལ་རང་སོར་བཞག །སེམས་ཀྱི་གནད། རང་ཉིད་རྗེ་བཙུན་མར་གསལ་བཞིན་པའི་ལུས་ཀྱི་ནང་ཕྲུ་མ་ཕུས་བཏབ་པ་ལྟར་དམར་སེང་ངེ་བའི་དབུས་སུ་ལྟེ་བ་ནས་སྤྱི་བོའི་བར་ལ་རྩ་དབུ་མ་ཁ་དོག་དམར་སེར། དེའི་གཡས་སུ་རོ་མ་དམར་མོ་མེའི་རང་བཞིན་ཁ་དོག་དམར་སྨུག །གཡོན་དུ་རྐྱང་མ་དཀར་མོ་ཆུའི་རང་བཞིན་ཁ་དོག་དཀར་པོ་སྟེ་…

མཚམས་བཞིར་ལཱྃ་མཱྃ་པཱྃ་ཏཱྃ་རྣམས་ཁ་དོག་སྔོན་པོ་མགོ་ཐུར་དུ་བསྟེན་པ། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་པའི་དབུས་སུ་ཨྃ། རྩ་འདབ་བཅུ་དྲུག་ལ་མདུན་ནས་གཡོན་སྐོར་དུ་ཨ་ཨཱ། ཨི་ཨཱི་སོགས་ནས། ཨོཾ་ཨརྣམས་ཁ་དོག་དམར་པོ་མགོ་གྱེན་དུ་བསྟན་པ། །སྤྱི་བོ་བདེ་ཆེན་གྱི་འཁོར་ལོ་རྩ་འདབ་སུམ་ཅུ་རྩ་གཉིས་ཀྱི་དབུས་སུ་དབུ་མ…

མགྲིན་པའི་རྩ་འདབ་ཀྱི་ཁམས་སྙིགས་མ་བསྲེགས། མེ་རོ་མའི་ཡས་སྣ་ནས་ཐོན། ཐོད་པའི་ནང་དུ་མདུན་ནས་གཡོན་སྐོར་གྱིས་རྣ་བ་གཡས་པའི་བུ་ག་ནས་ཐོན། ཕྱག་གཡས་པའི་མདའ་སྟོང་སྦྱར་བའི་མདའི་ལྟོང་ནས་ཞུགས། རིམ་པར་སོང་སྟེ་མདེའུ་ཨུཏྤལ་དམར་པོ་ཁ་བྱེ་ནས་འོད་ཟེར་ཕྱིར་སོང་ནས་ཕྱོགས་བཅུའི་སངས་རྒྱས་བྱང་སེམས་དང་སེམས་ཅན་ཐམས་ཅད་ཀུ་རུ་ཀུལླེར…

འདས་ཐམས་ཅད་དབང་དུ་འདུས་ཞེས་བརྗོད་ཅིང་གསལ་བཏབ་ལ་རླུང་བུམ་པ་ཅན་ཅི་ཐུབ་བཟུང་། མི་ཐུབ་ན་རླུང་དལ་བུས་བཏང་ཞིང་ངལ་གསོ། །རླུང་བཟུང་བའི་ཚེ་འབར་འཛག་ལ་ཡིད་དྲག་ཏུ་གཏད། མཐར་བྱང་ཆུབ་སེམས་ཀྱི་བདུད་རྩིས་སོགས་མན་ཆད་དཀྱུས་ལྟར་ཉམས་སུ་བླངས་ཏེ། དེ་ལྟར་ན་རྗེ་བཙུན་མའི་སྐུ་བསྒོམ་ཞིང་སྔགས་བཟླ་བ་བུམ་དབང་གི་ལམ། རྩ་གསུམ་འཁོར་ལ…

ཟླུམ་གཏོར་དམར་པོ་པད་འདབ་བཞིས་བརྒྱན་པ། དགོས་པའི་ཡོ་བྱད་རྣམས་འདུ་བྱས་ལ། མཚམས་དམ་པར་བཅད། དགོངས་མོའི་དུས་ནས་མགོ་བརྩམས་ཏེ་སྒྲུབ་ཐབས་ནས་ཇི་སྐད་བཤད་པའི་རིམ་པ་གཉིས་ཀྱི་རྣལ་འབྱོར་ཐུན་བཞིར་བསྒོམས་ལ་དུས་ཀྱི་བསྙེན་པ་ཟླ་བ་དྲུག་བར་མ་ཆད་པ་དང་། གྲངས་ཀྱི་བསྙེན་པ་རབ་བྱེ་བ་སྟེ་འབུམ་ཕྲག་བརྒྱ་ཐམ་པ། འབྲིང་འབྲུ་འབུམ་བརྒྱད…